رواية غيوم الشمس الفصل الرابع 4 بقلم أطياف راحله

________________________اطياف راحله

في احدي البيوت المهجوره المتراميه بعيدا عن البلد يجلس هيبه على كنبه إلى حد ما متهالكه عاريا تماما الا من سروال يرتديه يستر فقط نصفه السفلي بيده كأس من البيره واليد الأخرى سياره تفوح منها رائحه الحشيش وتدخل أمامه سيده تتغنج في مشيتها تحمل صينيه عليها بعض الطعام ترتدي قميص اسود يشع منه بياض جسدها الغض ويظهر اكثر ممايخفي تتغنج في مشيتها حتى تصل عنده وتنحني لتضع الصينيه أمامه متعمده لتظهر جسدها فينظر لها برغبه عارمه ويبتلع ريقه. هي تعرف ماتفعل جيدا وهو لا يأخذ في يدها غلوه فيجذ بها بعنف عليه ليجلسها على قدميه فتضحك ضحكه صاخبه تثير جنونه أكثر وتأخذ منه السيجاره وتشربها وتنفس دخانها في وجهه.

هي / حلو قوي النوع بيعلي الدماغ بسرعه.

هيبه / اومال معمول مخصوص. يياخذالسيجاره من فمها ويقبلها بحراره وشوق وحشتيني قوي يا رئيسه كنت هتجنن علشان اشوفك أو المحك حتى.

رئيسه / اسمع بجي ياسي هيبه انت لازم تشوف لينا مكان في المركز نتجابلوا فيه غير المكان ده انا مبعرفش اجي اهنه غير بطلوع روح إنما المركز عقول اني رايحه استجدا بضاعه للجهوه وكمان اني بخاف حد يجتورني وانا جايه اهنه.

هيبه / لازم نشوف مكان في المركز علشان المطرح ده هنعوزوه في حاجه تانيه ومعدش ينفع تاجي اهنه.

رئيسه حاجه ايه ياسي هيبه.

هيبه / مالكيش صالح عاد اسمعي اللي بجولك عليه وخلاص على مدبر مكان في المركز نتجابلوا فيه عاد المهم تنفذي اللي عجولك عليه بالحرف الواحد انتي فاهمه.

رئيسه / فاهمه ياسيد الناس كل اللي عتقول عليه عيتنفذ هو انا في حياتي كسرت لك كلمه.

هيبه / زين أكده يابطه. تعالي بجي هو احنا عنقضي الليله كليتها في الكلام تعالى دا انا اتوحشتك جوي جوي يا رئيسه وكأني كان عيجرالي حاجه لو مشفتكيش.

رئيسه / وانا اتوحشتك اكتر ياجلب رئيسه ما انت خابر زين ان مش مصبرني على الهم اللي اني عايشه فيه غير الشويه اللي بشوفك فيهم بعيد عن عنين الكل.

هيبه / واه يا رئيسه بس يتم المراد وعاخدك ونسيبو البلد كليتها ونعيش ا مع بعض علطول.

______:_____________________ اطياف راحله

في منزل عيله الدامي.

عزيزه وبدريه وجميله داخلين المنزل بزيارته كبيره ورايحين يطمنو ا على صالح بعد مرور اسبوع على الفرح وبالأمس سبقوهم عيله الدامي بالتوجه إلى منزلهم محملين بالهدايا لابنته ولاهل المنزل واليوم ذهبوا عائله الجبلاوي لأداء نفس الطقوس التي يتوارثها الأجيال جيل بعد جيل في الأعراس.

تدخل عزيزه المنزل ومن وراءها زوجه أخيها بدريه وعدنان وزوجته جميله تعلن عن فرحتها بالزغاريط والمباركات.

تأتي صالحه من الداخل وترحب بأهلها باشتياق حار ويأتي أدهم ويستقبلهم بحفاوه شديده ويجلسون جمعيا ويقوم الخدم بتحضير الغذاء بمساعده صالحه وصفيه ويتناول الجميع الغذاء.

كامله / خبريه عاد ياصالحه خدي اهلك واطلعي فوج واني هبعتلك الشاي فوج.

صالحه / حاضر يا مه يالا ياعمه تعالوا فوج بيطلع ا معاها وبيجعدوا في الجناح بتاعهم.

عزيزه / شايفين الناس اللي بتفهم كامله جالت لصالحه نطلعوا نجعدوا فوج علشان ناخدوا راحتنا في الكلام معاها مش زي زيك يابدريه فضلتي كالبه شمس ودي وجيبي طول النهار والبت ياجلب امها معرفتش تجعدمع ناسها دقيقتين على بعض كأنك متعمده تعملي أكده انا عايزاكي تبصي وتشوفي بيعملو بتك الزاي وتعاملي شمس زي مابيعملوها.

بدريه / خبريه ياعمه هو اني مش لجيالي بخت معاكي خالص وانا يعني كنت بعملها ايه ما انا شايلاها فوج راسي.

عزيزه / فوج راسك لا ياختي حطيها من فوج راسك انا عايزاكي تعمليها بما يرضي الله زي مابيعملوا بتك.

صالحه / جرا ايه يامه جرا ايه ياعمه انتوا عتتخانجوا عاد دا انا مصدقت اني شوفتكم تعالوا دا انتي واحشني وابوي عامل ايه ووضاح وشمس.

عزيزه كلياتهم كويسين المهم انتي ياجلبي اخبارك كيف.

صالحه / انا زينه ياعمه وكلهم طيبين وبيعاملوني احسن معامله ومحسسني زي ماكون في دارنا واكتر حماتي تتحط على الجرح يطيب وعمي وحنا وكلياتهم ميتخيروش عن بعض.

عزيزه / سمعتي ياشيخه بدريه علشان تراعي ربنا في بت الناس.

بدريه / أباه عليكي انتي مصممه تطلعيني غلطانه وخلاص وبعدين هيا كانت بتك خايفه عليها أكده.

عزيزه / لا يامعدله مش خايفه عليها خايفه على بتك اصل هي لوانتي جليتي راحتها هيجلوا راحه بتك اهنه تايهه انتي عن البدل إياك.

بدريه / فكينا ياعمه خلينا نطمنوا على البت ونجومو ا نغوروا في داهيه.

عزيزه / داهيه تأخذك وتاخد ملافظك العفشه اللي زيك.

صالحه / بطلوا بجي انتوا عاملين زي ناجر ونجير أكده علطول.

عزيزه / المهم يابنتي خلي بالك منيهم الكبير جبل الصغير وتخدميهم بعنيكي وخاصه جوزك دا طيب وابن حلال.

صالحه / اومال ياعمه انتي عتوصيني عليه دا نور عيني دا شايلني من عالارض شيل.

عزيزه / ربنا يسعدكوا ويهنيكوا يابنيتي. يالا بينا يامعدله علشان منعوجوش. نشوف وشك بخير ياحبيبتي عنجولك تاني عن جريب بس عايزاكي دايما ترفعي راسنا.

بينزلو ا من عند صالحه وبيسلموا على أهل البيت وبيركبوا عربيتهم وبيمشوا.

__________________________ اطياف راحله

في منزل الجبلاوي في جناح وضاح وشمس.

وضاح خارج من الحما م بينشف شعره بيلاقي هدومه متحضره ومكويه على السرير بياخدها ويلبسها ولا يكترث لتلك الواقفه أمام المرأه التي تشع جمالا ترتدي فستانها قصيرا من الحرير لونه موف يبرز أكثر مايخفي من يظهر جمالها بطريقه تغيب العقل تمشط شعرها الذي يصل إلى مؤخره ظهره بسواده الحالك ونعومته.

يرتدي هو ثيابه دون أن ينظر لها أو يعيرها اي اهتمام كأنها لاتمثل له شيء ولكن كل الاهتمام إعارته اياه حين نظرت له بعد أن ارتدى الجلباب وفوقه العباءه ونثر عطره الرجولي التي تستنشقه هي كااكسجين لها تبدو عليه الهيبه والوقار والرجوله تنظر له بعشق يملأ كل كيانها تمنت لو تخلع قلبه وتعطيه له تعبيرا عما تكنه له من حب وعشق ولكنه لايكترث لهذا العشق الجاف.

فاقت من توهانها في هيبته وطلته الطاغيه على خبط على الباب.ست شمس الست بدريه عايزاكي تحت قالتها الخادمه. ماشي يافتحيه عحصلك علطول. وبعدين وتساله.

شمس // عتاكل اهنه ولا تحت عشان اجهزلك الوكل.

وضاح // بلا مبالاه دون أن يلتفت إليها لا عاكل اهنه ولا تحت انا طالع الغيه لما انزل عاكل تحت.

شمس // طيب اني نازله عشان مرت عمي بتستعجلني.

وضاح // ماتنزلي هو اني ماسكك.

شمس // ماعيزش حاجه تانيه اعملها لك.

وضاح // لو عزت هبجي اطلب.

وضاح بيطلع فوق عند غيه الحمام وهي بتنزل تحت في البيت.

بدريه // خبر ايه يامرت ولدي كأنك نموسيتك كحلي انتي فاكره أن لساتك عروسه عاد. فرحك عدا عليه شهرين ونازلالي جرب الضهر والناس اللي في البيت عيتغدوا ايه عاد.

شمس // ضهر ايه يامرت عمي الساعه تسعه لسه وبعدين وضاح لساته منزلتش.

بدريه //وعشان وضاح منزلتش عايزه تفضلى راجده جاره للعصر وناس البيت تاكل طوب إياك.

بدريه!!!!!! صوت مدوي هز جدران المنزل ماهي إلا عزيزه.

مالك على ع الصبح يامرت اخوي فتحالها محضر ليه.

بدريه // مالك ياعمه نازله سن سكاكين عليه ليه طب جولي صباح الخير الأول.

عزيزه // مالي ياختي انا زينه ومفيش حد زيي انت اللي مالك البنات عندك تحت مخلتهمش يعملوا الوكل ليه مالك ومال شمس عايزه تخليها تنزل من الفجر وتسيب جوزها وهي لساتها عروسه.

بدريه // من ميته البنات بيعملوا الاكل لوحدهم من غير ماحد يبجي على رأسهم ولا نسيبهم بجي يعكوا ويخربوا الدنيا.

عزيزه // عيخربوها كيف وانتي موجوده متجفي انتي على رأسهم انتي صغيره.

بدريه // وهو انا عفضل طول عمري شايله الهم جوزت متجوزتش شايله الهم.

عزيزه / عقولك يامرت اخوي ومتزعليش لمى الدور وشيلي شمس من دماغك وريحيها وخليها تعيش كيف بتك ما عايشه يا ما جسما بالله لأقول لأخوي يشوف شغله معاكي وانتي بجي عارفه اخوي في اي حاجه تخص شمس بلاش تزني على خراب عشك.

بدريه / انا غايره يا عمه وسيبالك المكان كله ومش عتشوفي وشي النهارده خالص.

عزيره // في ستين داهيه تاخد ولاتدرك تاني مره بومه معرفهاش اخوي اتجوزك على ايه اصلا.

معلش ياشمس ياحبيبتي حجك عليا اني ولاتزعلي منيها ما انتي عارفاها زين عايزاكي تدخلي مع البنات المطبخ وتحطى الكرسي وتجعدي جارهم وهما بيشتغلوا واياكى واياكى تتعبي نفسك في حاجه باشري الشغل بس شموسه حبيبتي اوعاكي تجيبي سيره للي بدريه بتجوله ليكي عنديكم اوعاكي لجل ماتشيل النفوس من بعضها اناعارفاكي عاجله وبعدين اني واجفلها بالمرصاد ومبديهاش فرصه تكلمك ربع كلمه.

شمس // متخافيش ياعمه عمري مجول حاجه ومهما حصل اماي عمرها متغير معاملتها لصالحه.

عزيزه //تسلميلي ياحبه الجلب ويكملك بعجلك روحي عند سماح وفتحيه علشان تخلصوا الوكل قبل َما الرجاله توصل.

شمس //حاضر ياعمه.

____________________________ اطياف راحله

عقولك ماينفعش يابلال اللي بتقوله صعب انفذه وصعب ابوي يوافق عليه.

بلال // واني معدش قادر استحمل وجودك في الجهوه وكل اللي رايح واللي جاي يبحلج فيكي وابوكي ولا في دماغه كأنه فرحان بكده عملك عرض للزبائن في الجهوه.

مياده // انت فاكرني فرحانه بالوضع ده عاد. بس اعمل ايه كل ماجوله اجعد في البيت يزعجلي ويجولي عنا كل منين واجيب حد يشتغل واديله أجره منين علشان كده بطلت اتكلم.

بلال // لا يامياده منيش قابل الوضع ده ولازم يتغير ابوكي ده مش راجل علشان يبهدلك انتي وامك في الشغل في الجهوه ويسيبكم لرذاله الزبائن واللي بيعمله انا مجدرش اشوف حد بيبصلك اني ممكن اجتله واشرب من دمه اني بحبك يامياده وبحلم باليوم اللي تكوني فيه حلالي وليه اني بس بس الظاهر ابوكي عجباه قعدتك وخدمتك علشان أكده كل ماجي افتح معاه الموضوع يتوه مني.

مياده // اني كمان وحياه ربنا بحبك يابلال وبتمني اليوم ده وعمري متخيلت حياتي مع حد غيرك بس اعمل ايه حتى امي مش جادره عليه.

بلال // اني عكلمه تاني لما شوف اخرتها معاه ايه شكل ابوكي ده نهايته عتكون على أيدي ابن الفجريه ده على رأي المثل لأجل الورد ينسجي العليج وانتي يابت احلى ورده في حياتي كلياتها وبحلم باليوم اللي اجطفك فيه واخبيكي عن العالم كله وتكون ليه انا وبس.

مياده // ايوه أكده سمعني كلمتين حلوين مش من ساعه ماجيت عمال تبكت فيه دا اني بسيب الدنيا كلياتها واجيلك دا انت الحاجه الحلوه اللي في حياتي انا بحبك جوي يابلال ومجدرش اعيش من غيرك.

بلال // اباي ياولاد ايه الكلام الحلو اللي يدوخ ده جننتيني يابت وطيرتي عجلي مني خلاص. التليفون بيرن... داوجته الله يحرجك بوظت اللحظه الرومانسيه يوه يوه يوه دا العريس ياولاد دا انا جلت انك نسينا خلاص.

وضاح // لا ياد دمك خفيف حد ينس صحابه ياحزين.

بلال // غبتك طولت يابوي بس هنيالك ياعم والله فرحتلك ياصاحبي.

وضاح // والله ماجايبني وره غير نجك الدكر من يومك الحاجه اللي تنبر فيها يبجي كل سنه وانت طيب تروح ماترجع.

بلال // أكده ياصاحبي الله يسامحك طب الله وكيلك انت واحشني وكنت لسه النهارده بفكر اجيلك.

وضاح // انا اللي جاي لك يافجري حضر الجعده تحت التوته وانا مسافه السكه هكون عنديك.

بلال // انت تامر امر يا عريس اني مستنيك متعوجش.. يلا علشان اوصلك جبل ما امشي الا حد يرذل عليكي في السكه.

مياده // لا روح انت لصاحبك واني عروح علطول.

بلال // جلت عوصلك مش عايز كلام يامه فوتي ياله.

مياده // متزجش طيب فيه ايه الحج عليه مش عايزاك تتأخر على صاحبك.

__________________________اطياف راحله

تحت شجره التوت يجلس وضاح وبلال وأمامه راكيه النار وعليها براد الشاي .

بلال // عتقول ايه يابني انت اتجننت إياك.

وضاح// جن لما يلخبطك الحق عليا اللي بتكلم مع واحد زيك.

بلال // طيب طيب اهدي خلاص مينفعش اللي عتقوليه خالص يا ابو عمو ناوي تشعل النار تاني في العيلتين ونسيت اختك اللي متجوزه عنديهم.

وضاح // منسيتش حاجه وهو ده اللى مقيدني ومش مخليني عارف اتحرك اختي ملهاش ذنب اكسر فرحتها وخاصه انها بتحب جوزها ومتهنين مع بعض.

بلال //انا بس عايز اعرف ايه اللي قالل هناك انت وانت معاك ست البنت كلهم.

وضاح// معحبهاش افهم بجي وعمري ماعحبها محبتش غير داليا ومببطلش تفكير فيها انا ماليش سلطان على جلبي يابني آدم وانت عارف اني كنت ماريدهاش من الاول.

بلال // استهدي بالله ومتغفلكش الدنيا كلها على دماغك بوك لو عرف بالكلام اللي بتجوله هتطير فيها رجاب.

وضاح // تطير تطير ميهمنيش حد انا بفكر اسيب لهم البلد كلها واروح مصر اتجوز داليا وابدا حياتي هناك اعملي مشروع بدل ماعمري يضيع اهنه على الفاضي.

بلال // اوعاك تجول الكلام ده تاني زنبها ايه البنيه عملت فيك ايه علشان تعمل فيها كده انا هفاتح عمتي وأجولها على كل حاجه هي اجرب واحده لأبوي وهي اللي عتجدر تجنعه.

بلال // طيب مش لما تجنع عمتك الأول عايز الحاجه عزيزه تكسر كلمه جالها الحاج عبد المجيد دا كانت الجيامه تجوم وكمان عتخاف على صالحه انسى يابوي شوف سكه تانيه غير عمتك.

وضاح // على العموم انا جررت خلاص. بالمناسبه متنساش الحمام اللي اني اتفجت عليه مع التاجر عيوصل من المنصوره يوم الخميس عايز ك تكون معايا علشان نظبطوا الغيه مش عايز حد غريب يطلع عنديها.

بلال / تمام يا ابو عمو حتى لو مش فاضي افضيلك نفسي.

وضاح // طيب صب الشاي ياحزين خلينا نعدل دماغنا.

_____________________________اطياف راحله

ايه ياعزام جرالك عاد باين عليك كبرت ومعدش جادر على الشغل على العموم لو مش جادر جول علشان نجيب حد بدل منك.

عزام // عتجول ايه يا واكل ناسك تشوف مين مش عزام البنداري اللي يتجاله انه كبر انا بعون الله امشي الشغل ده وجديه عشر مرات كمان.

الرجل // اومال مش شايف يعني الهمه والنشاط عايزين نستعد للشحنه اللي جايه علشان ندخلها البلد ولا مش مستعد.

عزام // ازاي ياابوعمو مستعد طبعا دا انا مستني الشحنه دي من زمان هي اللي هطلعني على وش الدنيا بدل الشغل الطياري اللي بقالنا سنين بنعمله احنا والدكتور.

الرجل // اجهز انت بس وجريب جوي هتتمرمغ في العز والفلوس العمليه المره دي تجيله جوي وان عدت على خير كليتنا هنلعبوا بالفلوس لعب.

عزام // واني من ايديكم دي لايدكم دي يا ابو عمه كل اللي عتقولوا عليه هنفذه لو على رجبتي.

الرجل // نفذ اللي يتجالك وخلاص انت تنفذ وبس.

عزام //ماشي.

الرجل // واستعد في اي وقت البضاعه ممكن توصل لا تكون جاهز علشان تستلمها وتوزيعها..

عزام // جاهز يابوي في اي وجت المهم انتوا تكونوا جاهزين بالفلوس.

الرجل // نفذ اللي يتجاهلك عليه واللي انت عايزه عتاخده.

بس الكبير عيبلغك ويجولك أن المره دي مش انت اللي عتوزع على القرى والنجوع وتؤدي الحاجه لرجالتنا هناك.

عزام // عتخرف تجول ايه اومال مين اللي عيوزع.

الرجل //الباشا جال اللي عيوزع.........................