رواية قلب لا يقبل الهزيمه الفصل الرابع 4 بقلم دودو محمد

اشرف :- نورتوا الفيلا يا عرايس طبعآ انتوا بقالكم كتير اوى مدخلتوش عندى الفيلا علشان كده اكيد نسيتوها عمومآ كل واحده منكم ليها الاوضه الخاصه بيها لحد ما إن شاءالله هبنى لكل واحده فيكم دور خاص ليها فى الفيلا علشان تكونوا على راحتكم اكتر اجوزكم هتاخدوكم دلوقتى على الاوض بتاعتكم علشان تريحوا من تعب السفر وبعد كده يبقوا يفرجوكم علي الفيلا براحتهم ربنا يهنيكم ويسعدكم يارب سليم يلا خد مراتك على الاوضه بتاعتك وانت يا جاسر خد مراتك يلا

رضوى :- عمى انا كنت عايزه اتكلم معاك كلمتين

اشرف :- طيب ينفع يتأجلوا يا بنتى لما نريح شويه من الطريق

رضوى :- ينفع طبعآ يا عمى عن اذنك

سليم :- امشى يلا

رضوى :- اطلع انت قدامى

سليم :- تنهد بغيظ وصعد أمامها وهى صعدت خلفه ودخلوا الغرفه الخاصه بسليم وألقى جسده على السرير وقال يااااااه سريري واحشنى اووووى

رضوى :-جلست على الاريكه وقالت كويس أن عندك كنبه انام عليها بدل نومة الارض اللى كسرت ضهرى امبارح دى

سليم :- محدش قالك نامى على الأرض امبارح انتى اللى اختارتي بمزاجك

رضوى:- والله انا عندى نومت الأرض ارحم بكتير من النوم جمبك

سليم :- احسن برضه وتركها وذهب المرحاض

رضوى :- فتحت الشنط واخذت منها ترنج وقامت بتبديل ملابسها

سليم :- خرج من المرحاض ببنطلون فقط وباقى جسده عارى

رضوى :- اتحرجت وقالت ا.ا ايه يا حيوان انت فيه حد يطلع كده معاك واحده فى الاوضه

سليم :- والله بقى دى اوضى وانا حر فيها وللمره المليون بقولك لمى لسانك

رضوى :- لاء مش حر علشان هتزفت واقعد معاك فيها

سليم :- انتى ليه محسسانى انك انثى زي اللى بنشوفهم عادى انتى دكر متنكر فى شكل بنت ده انتى عندك عضلات مش عندى

رضوى :- نظرت له بقرف وقالت مش هرد عليك احسن حاجه ليك التجاهل وجلست على الأريكة بغيظ

سليم :-فتح الخزانه الخاصه بى واخذ تيشيرت و ارتد وفى ذلك الوقت اعلن الهاتف الخاص بى عن اتصال اجاب عليه وقال ايوه يا قلبى انا جاهز اهو وجاي ليكى حالا

رانيا :- مستنياك على نار

سليم :- بموت فيكى باى يا قلبى واغلق السكه

رضوى :-نظرت له بقرف واشمئزاز وقالت بصوت منخفض الله يقرفك الواحد بيبقى عايز يرجع من قرفك ده والله

سليم :- بتقولى حاجه

رضوى :- ملكش دعوه

سليم :- باى يا عروسه وتركها وذهب

رضوى :- بقرف اللهى عرسه تعضك من صرصور ودنك يا بعيد وقامت مسكت الشنطه الخاصه بيها ووضعت ملابسها فى الخزانه الخاصه بسليم ونظرت للغرفه بأعجاب ورأت صورة له على الحائط وقفت أمامها ونظرت لها وقالت شكلك طول عمرك مغرور واتجهت إلى مكتبه خشبيه بها بعض الكتب اخذت كتاب لإحسان عبدالقدوس وجلست على المقعد الخشبى وبدأت تقراء فيه

&&&&&&&&&&&&&&&&&&&&&&&

فى غرفة جاسر

دخلوا الاثنين الغرفه ووقفت مى تنظر لها بأنبهار احتضانها جاسر من الخلف وقبل رقبتها وقال

جاسر :- ايه رأيك فى اوضى المتواضعة

مى :- بأعجاب جميله اوى اوى يا جاسر

جاسر :- هى هتبقى اجمل بوجودك فيها يا روحى

مى :- كتير اوى اتمنيت اشوف شكل اوضك ايه والحمدالله اتحقق الحلم ودخلتها وبقت مشتركه ما بينا كمان

جاسر :-ادارها له ونظر فى عيناها وقال بحبك واقترب من شفتيها وقبلها برقه

مى :-نظرت للأرض بكسوف

جاسر :- رفع راسها له وقال انتى لسه بتتكسفى منى انا جوزك حلالك يا مى

مى :- بكسوف ع.ع عارفه بس لسه الوضع جديد عليا

جاسر :- طيب هاتى بوسه

مى :- بكسوف ها

جاسر :-اشار على خده وقال هاتى بوسه

مى :- اقتربت من خده وقبل أن تقبله

جاسر :-ادار وجه لها واخذ القبله على شفتيه واقترب أكثر لها والتهمها بشغف وقام بحملها ووضعها على السرير و(........)

&&&&&&&&&&&&&&&&&&&&&&&

وصلت عائلة هشام إلى الفيلا الخاصه بيهم بالقاهره ودلفوا جميعآ إلى الداخل وهم مرهقين جدآ من الطريق نظر لهم هشام وقال

هشام :- نورتوا الفيلا يا بنات اطلعوا ارتاحوا من الطريق وهنبعت ليكم اول ما الاكل يجهز

احمد :- يلا يا نسرين

نسرين :-نظرت له وذهبت خلفه

اسماء :- نظرت لاحمد ونسرين بوجع وتنهدت بحزن ونظرت لرحيم

رحيم :- يلا

اسماء :-اومأت رأسها بالموافقه وقالت يلا وذهبوا إلى غرفتهم

رحيم :- دى اوضى معلش هى متواضعه شويه بس مكناش عاملين حسابنا على موضوع الجواز ده أن شاءالله هغيرها خالص واغير لون الدهان

اسماء :- ملوش لزوم كل ده يا رحيم الاوضه حلوه ودمها خفيف وأنا كده كده مش قاعده فيها كتير وانت هطلقنى

رحيم :-نظر لها بوجع وقال ا.ا اه انا اقصد يعنى الفتره اللى هتقعدى فيها معايا

اسماء :- والله الاوضه حلوه اوى كده متتعبش نفسك

رحيم :- اللى يريحك يا اسماء

اسماء :- فتحت الشنط واخذت جلابيه

رحيم :- ايه ده

اسماء :- جلابيه هلبسها

رحيم :- بصى يا اسماء طول ما انتى هنا فى الاوضه البسى اى ترينج عادى ولما تيجى تنزلى تحت ابقى البسى حاجه واسعه خليكى فى الاوضه براحتك انا اه مش هلمسك بس مش حرام لو قعدى قدامى بالترنج لان انا جوزك على سنة الله ورسوله

اسماء :- بتوتر ل.ل.لاء انا هبقى فى الجلابيه مرتاحه اكتر وتركته وذهبت إلى المرحاض

رحيم :-نظر لها بحزن وتنهد وابدل ملابسه ونام على الأريكة

اسماء :- خرجت من المرحاض وقالت لاء نام انت على سريرك وانا هنام على الكنبه

رحيم :- لاء يا اسماء انا مرتاح هنا روحى انتى على السرير

اسماء :- بس

رحيم :- قطعها وقال خلاص يا سمسمه بقى روحى يلا نامى على السرير

اسماء :- م.م.ماشى واتجهت إلى السرير ونامت عليه وقالت رحيم

رحيم :- اممممم

اسماء :- هى حبيبتك دى معاك فى الشغل

رحيم :- لاء

اسماء :- بتحبها اوى

رحيم :- بحبها اكتر من نفسى

اسماء :- جلست وقالت كلمنى عنها

رحيم :-نظر للاعلى و ابتسم وقال حبيبتى ضحكه جميله فى ليله صافيه كلها هدوء رموشها سيوف دباحه شفايفها قطعة كريز مفيش فى الدنيا حلاوه زى حلاوتهم قلبها ابيض من الفل

اسماء :- ياااااه ده انا حبيتها على وصفك ده بس يا بختها بيك فعلا

رحيم :- ابتسم وقال انا لو عيشت عمرى كله اوصف فيها مش هخلص فيها كلام

اسماء :- ربنا يسعدك ويقرب ليكم البعيد

رحيم :- اتنهد وقال يارب

اسماء :- نامت مره اخرى على السرير وقالت طيب هى مش هتزعل لو عرفت انك اتجوزت

رحيم :- هتقدر موقفى وهتعذرنى

اسماء :- لدرجاتى انتوا متفاهمين

رحيم :- بتمنى تكون كده فعلا

اسماء :- يعنى ايه مش فاهمه

رحيم :- نامى ساعه قبل ما ينادوا علينا علشان ناكل

اسماء :- ماشى واغلقت عيناها وبعد وقت نامت

رحيم :-نظر لها وهى نائمه وقال انتى حوريتى الملاك يا اسماء وحلم بعيد نفسى اطوله وظل ينظر لها حتى غلبه النوم

&&&&&&&&&&&&&&&&&&&&&&

فى غرفة احمد

دخل احمد الغرفه وخلع التيشيرت من عليه وألقى على السرير. وذهب المرحاض نظرت له نسرين بأستغراب ونظرت للغرفه بأعجاب ووقفت أمام الصوره المعلقه بالحائط الخاصه بأحمد تنظر لها وفى ذلك الوقت خرج احمد من المرحاض وجدها تنظر لصورته قال

احمد :- ايه عجباكى اوى كده

نسرين :- انتبهت لصوته ونظرت له وجدته بدون ملابس من الاعلى ويوجد بشكير فقط على نصفه الأسفل توترت وقالت له بكسوف ه ه.هى ايه دى اللى عجبانى

احمد :- صورتى اصل شايفك واقفه وسرحانه فيها وفتح الخزانه الخاصه بى واخذ ملابس له

نسرين :- لاء عادى صوره عاديه اصلا وجلست على الاريكه

احمد :- لبس ملابسه ووقف امام المراه ومشط شعره

نسرين :- ما انت عادى اهو وبتعرف تلبس زى الشباب

احمد :- عادى كل مكان بلبس فيه اللى يليق عليه علشان كده بلبس جلابيه وانا فى الصعيد

نسرين :- انت خارج

احمد :- انتى شايفه ايه

نسرين :- وهتسبنى لوحدى

احمد :- ارتده الحذاء واقترب منها وقال اوعى تفكرى نفسك حاجه مهمه عندى انتى ولا حاجه فاهمه وابتعد عنها وفتح الباب وخرج واغلق الباب خلفه

نسرين :-نظرت على الباب بغيظ وقالت ماشى يا احمد هيعمل عليا واحد المعفن وقامت دخلت المرحاض واخذت شاور وخرجت ارتدت ملابسها ونامت على السرير

&&&&&&&&&&&&&&&&&&&&&&&

بالاسكندريه ....عند سليم ورانيا

وصل سليم عند رانيا بمعرض السيارات وقامت رانيا بتجربة جميع السيارات المتواجدة فى المعرض حتى اعجبت بسياره احدث موديل ونزلت منها وقالت بفرحه

رانيا :- انا عايزه دى يا سليم

سليم :- بكام دى لو سمحت

الموظف :- ب(.......)

سليم :- ها طيب ثوانى ومسك رانيا من يدها وقال تعالى يا حبيبتى عايزك وذهب بها مكان بعيد عن الموظف وقال العربيه دى غاليه اوى وانا مش معايا المبلغ ده يا رانيا

رانيا :- بس انا عجبانى اوى يا سليم ومش عايزه غيرها

سليم :- يا حبيبتى طيب اختارى حاجه تانيه أقل ولما تتوفر معايا حقها هشتريها ليكى

رانيا :- بزعل لاء انا عايزه دى يا سليم ولو مش هتجبها ليا براحتك ومش هطلب منك حاجه تانى

سليم :- تنهد وقال يا حبيبتى انا عينيا علشانك بس اعمل ايه مش متوفر حقها معايا دلوقتى

رانيا :- خلاص براحتك مش عايزه حاجه يا سليم انا ماشيه

سليم :- مسك ذراعها وقال استنى يا رانيا

رانيا :- نعم عايز ايه

سليم :- تذكر النقود الخاصه برضوى الذى أعطاها له جده بالصعيد حتى يستكمل بها طلبات رضوى ابتسم لها وقال هشتريها ليكى

رانيا :- بفرحه بجد

سليم :- مقدرش على زعلك

رانيا :- بفرحه احتضانته وقالت هيييييه بحبك اوى يا سليم اوى

سليم :- ضمها اكثر فى حضنه وقبل رقابتها وقال وانا بعشقك يا روح سليم وابتعد عنها وذهب ليتمم إجراءات شراء السياره واتجهوا إلى العقار الخاص بهم ودخل سليم الشقه واحتضن رانيا واقترب من شفتيها وقبلها بشغف وبعد وقت ابتعد عنها وقال واحشتينى اوى يا قلبى وقبلها مره اخرى

رانيا :-احاطت رقبته بذراعيها وقالت وانا كنت هتجنن عليك طول الفتره اللى فاتت دى هان عليك تبعد عن مراتك حبيبتك كل ده

سليم :- غصب عنى والله يا قلبى كان فيه شوية مشاكل فى البلد والحمدالله اتحلت

رانيا :- طيب ناوى امته تعلن ليهم جوازنا

سليم :- ها ق.ق.قريب أن شاءالله انا عرفتهم أن بحبك وعايز اتقدم ليكى

رانيا :- انا نفسى بقى الدنيا كلها تعرف أن انا مرات سليم سويلم عين أعيان البلد كلها

سليم :- بتوتر ا.ا أن شاءالله يا قلبى سيبك انتى بقولك واحشتينى و مال بجسده وحملها على ذراعيه ودخل الغرفه الخاصه بهم واغلق الباب خلفه بقدمه و(.........)

&&&&&&&&&&&&&&&&&&&&&&&

بالاسكندريه.....فى شقة منصور

دخلت زوجة منصور وهو يجلس بحزن فى غرفته وجلست بجواره على السرير وقالت

رحاب :- مالك يا منصور من ساعة ما رجعت من الصعيد وانت على حالتك دى

منصور :- بنتى وابويه يا رحاب رافضين يسامحونى

رحاب :- بنتك مين فيهم

منصور :- رضوى نظرت عيونها ليا كلها كره نظرة عيونها كلها ابويا قويه وشديده زيه وقفت قصادى وكشفت حقيقتى قصاد نفسى يا رحاب كان نفسى تفهم انا عملت كده ليه وتقدر شعورى زى اختها اسماء

رحاب :- روق يا منصور بكره تعرف الحقيقة وتقدر مشاعرك وتيجى هى بنفسها تتأسف ليك

منصور :- معتقدش يا رحاب اصلك مشوفتيش نظرة عيونها ليا

رحاب :- اكيد من كلام امها ليها

منصور:- لاء متظلمهاش يا رحاب منال عمرها ما كانت كده دى ضربتها يوم فرحها علشان قالت ليا اطلع بره

رحاب :- بغيره ومالك بدافع عنها اوى كده

منصور :- مش بدافع يا رحاب بس بقول الحق منال بنت عمى عمرها ما كانت وحشه ولا سوده من جواها بس انا اللى مقدرتش احبها واللى ظلمها معايا ابويا ربنا يسامحه

رحاب :- لو صعبانه عليك اهى عندك اهى روح اطلب منها السماح

منصور :- ابوس ايديك متزودهاش عليا مش ناقص انا بحبك انتى وخسرت الدنيا كلها علشانك انتى يا رحاب

رحاب :- تنهدت وقالت طيب قوم كل مع الاولاد

منصور :- مليش نفس روحى انتى كلى معاهم

رحاب :- انت من امبارح محطتش لقمه فى بؤقك يا منصور

منصور :- قولتلك مليش نفس يا رحاب روحى انتى كلى مع الولاد

رحاب :- طيب اهدا متتعصبش وذهبت وتركته

منصور :- اخرتها ايه معاكى يا بنتى امته هتسامحينى وتغيرى نظرت الكره اللى فى عينك ليا دى

&&&&&&&&&&&&&&&&&&&&&&&

فى فيلا اشرف

رجع سليم المنزل فى وقت متأخر ودخل غرفته ونظر لرضوى وجدها نائمه على المكتب وفى يدها الكتاب مفتوح ذهب عندها واخذ الكتاب من يدها واغلقه ووضعه على المكتب وقال

سليم :- رضوى يا رضوى انتى يا بنتى ولكنها لم تجيب عليه اقترب منها ومال بجسده وقام بحملها ووضعها على السرير

رضوى :- فتحت عيناها ونظرت له بصدمه وقالت انت بتعمل ايه

سليم :- ولا حاجه انا رجعت لاقيتك نايمه على المكتب قعد اصحى فيكى مردتيش عليا شلتك ونيمتك على السرير

رضوى :- قامت وقفت وقالت حسك عينك بعد كده تلمسنى فاهم واتجهت إلى الأريكة ونامت عليها

سليم :- ضغط على أسنانه بغيظ وقال انتى شايفه نفسك على ايه وانتى مفكره جسمك ده جسم انتى اخر واحده افكر اقرب ليها فاهمه و تركها وذهب إلى المرحاض

رضوى :- نظرت اتجاهه وقالت داهيه تشيلك انت والفاظك وأغلقت عيناها

سليم :- خرج من المرحاض ونظر اتجاه رضوى وجدها نائمه أخذ الغطاء الخاص به ووضعه عليها

رضوى :- ألقته على الأرض وقالت مش عايزه منك حاجه

سليم :- انتى حره وتركه فى الارض ونام على فراشه

رضوى :- تململت فى فراشها كثيرآ وتنهدت بملل

سليم :- تنهد بغيظ وقال ممكن تبطلى حركه كتير على الكنبه علشان اعرف انام

رضوى :- ما تنام براحتك حد منعك

سليم :- ايوه مش بعرف انام طول ما فيه حركه فى الاوضه

رضوى :- والله دى مش مشكلتى بقى

سليم :- اللهم طولك يا روح واغلق عينه

رضوى :- كان مالى ومال ام الجوازه الهم دى يا ربى

سليم :-نظر لها بقرف واغلق عينه مره اخرى

رضوى :- قامت جلست وقالت انا جعانه

سليم :- وايه المطلوب منى ما عندك المطبخ تحت انزلى كلى

رضوى :- انا معرفش اصلا طريق المطبخ منين

سليم :- هى ليله باينه من اولها ونهض وقال اتفضلى قدامى

رضوى :- لاء يا حدق امشى انت قدامى وانا هنزل وراك

سليم :- نظر لها بغيظ وفتح الباب ونزل إلى الاسفل ونزلت خلفه رضوى ودخلوا إلى غرفة المطبخ واشعل الضوء وقال المطبخ اهو اتفضل كلى بقى ولسه هيتحرك

رضوى :- استنى انت رايح فين

سليم :- هطلع اتخمد

رضوى :- لاء استنى هعمل سندوتش واطلع معاك

سليم :- بزهق هو انا جايب بنت اخويا معايا اتفضلى اخلصى

رضوى :- عملت لها سندوتش وقالت اعملك واحد

سليم :- لاء مش عايز

رضوى :- احسن برضه اتفضل امشى

سليم :- أغلق الضوء وخرج وخرجت خلفه رضوى إلى الغرفه وجلست على الأريكة وبدأت تأكل فى السندوتش وبعد ما انتهت قالت

رضوى :- الحمدالله كنت جعانه اوى

سليم :- مش اكلتى اطفى النور بقى

رضوى :- طيب طيب وقامت اغلقت الضوء ونامت مره اخرى على الأريكة

سليم :-نظر لها وجدها مازالت مستيقظه قال منمتيش ليه

رضوى :- قامت جلست وقالت مش عارفه انام يمكن علشان نمت كتير على المكتب

سليم :- انتى نمتى امته

رضوى :- مش عارفه انت خرجت وانا اخد كتاب أقره فيه ومحستش بحاجه بعد كده

سليم :- انتى عارفه كده انتى نايمه بقالك كام ساعه؟ انتى نايمه اكتر من خمس ساعات

رضوى:- يبقى علشان كده مش عارفه انام تانى

سليم :- عندك الكتاب اللى كنتى بتقرى فيه قومى كملى

رضوى :- والنور

سليم :- هحط المخده على وشى

رضوى :- ماشى وقامت أشعلت الضوء واخذت الكتاب مره اخرى وبدأت تقراء فيه

سليم :- وضع الوساده على وجه ونام وبعد وقت نظرت رضوى على سليم وجدته نائم قامت من على المقعد واتجهت إلى الغطاء الملقى على الأرض وأخذته ووضعته على سليم وعادت مره اخرى واكملت القراءه إلى أن بدأت الشمس تشرق وغفوة عيناها فوق الكتاب مره اخرى

&&&&&&&&&&&&&&&&&&&&&&&&

فى القاهره .....فى فيلا هشام

اشرقت شمس صباح يوم جديد بنورها الساطع فى سماء القاهره ليبدء احمد بفتح عيونه نظر بجواره لم يجد نسرين نائمه نهض من على فراشه ودلف إلى المرحاض اخذ شاور وتوضاء خرج من المرحاض وارتدى ملابسه وقام بتأدية فرضه ونزل إلى الاسفل وقال

احمد :- صباح الخير

الجميع :- صباح النور

اسماء :- نظرت له بحب وابتسمت

احمد :- سمسمه عامله ايه يا بت

اسماء :- كويسه الحمدالله

احمد :- والله بيتنا نور علشان انتى جيتى فيه

اسماء :- بحب ربنا يخليك

هشام :- ونور برضه بوجود نسرين فيه عروستنا القمر

احمد :- لاء بقى احنا عندنا لمبات كتير منوره الفيلا من قبل ما تدخلها

صباح والدة احمد :- يا ولا اتكلم عدل مراتك تزعل

نسرين :- لاء عادى يا مرات خالى انا واخده على هزاره البايخ

اسماء :- بالعكس احمد دمه خفيف وهزاره جميل

احمد :- يجبر بخاطرك يا بنت عمى يا غاليه

اسماء :- ابتسمت له

نسرين :- والله وانتى بقى تعرفيه اكتر من مراته

احمد :- اه تعرفنى اكتر من مراتى لأنها هى اختى وأقرب حد ليا

اسماء :-شعرت بنغزه فى قلبها عندما سمعت ما قاله احمد ابتسمت له بوجع

احمد :- رحيم سامع سكاتك من عندى ليه كده

رحيم :- هقول ايه مليش فى الكلام ده انا

احمد :- إنبى اتنين قمامير منورين السفره انت ومراتك

هشام :- ممكن تحط لسانك فى بؤقك وتاكل وانت ساكت بقى

احمد :- حاضر يا بابى وتناولوا الطعام جميعآ

صباح:- جهزوا نفسكم بليل يا ولاد

رحيم :- ليه يا امى

صباح :- ابوكم عزمكم على العشا بره

احمد :- اموت انا ربنا يخليك لينا يا هشوم

هشام :- ربنا يسعدكم يا ولاد

رحيم:- ويخليك لينا يا بابا انت وماما

احمد :- قام وقف وقال الحمدالله انا ماشى عايزين منى حاجه

صباح :- يا ابنى انت لسه عريس جديد فيه عريس يخرج كده من تانى يوم الفرح ويسيب مراته لوحدها ده انت امبارح راجع البيت بعد الفجر

احمد :- ما انتى عارفه يا ماما انا مليش فى قعدت البيت

هشام :- طيب خد مراتك معاك خرجها متسبهاش كده

احمد :- اخدها فين انا رايح الشغل اسيبها يعنى وسط اصحابى يا بابا

صباح :- مش لازم تروح شغلك النهارده ولا تقابل اصحابك خدها وروحوا اتمشوا مع بعض

احمد :- ربنا يسهل عن اذنكم وخرج وتركهم

رحيم :- وقف وقال قومى يلا يا اسماء

هشام :- خارجين يا حبيبى

رحيم :- ايوه يا بابا عن اذنكم ومسك يد اسماء

اسماء :- نظرت على يدهم ثم نظرت للرحيم بتوتر وذهبت معه وابتعدوا عن هشام وصباح سحبت يدها من يد رحيم

رحيم :- تنهد ونظر لها وابتسم وقال معلش كان لازم امسك ايديك واحنا خارجين

اسماء :- م.م.مفيش مشكله

رحيم :- تحبى تروحى فين

اسماء :- اى حاجه انا معرفش هنا اصلا انا عمرى ما طلعت بره الصعيد

رحيم :- انا هخدك كل يوم فى مكان شكل اركبى

اسماء :-صعدت السياره وقالت مش هتعرفنى على حبيبتك يا رحيم

رحيم :- بأستغراب حبيبتى ؟

اسماء :- ايوه اللى انت قولتلى عليها ان عمرك ما حبيت غيرها

رحيم :- ا.ا اه قريب إن شاءالله وقام بتشغيل السياره وتحرك بها

صباح :- نظرت لنسرين وقالت سيبك منه تعالى نقعد مع بعض فى الجنينه ومسكت يدها وخرجوا مع بعض إلى الحديقه وجلسوا مع بعض وقالت ها قوليلى بقى ايه اللى حصل بينك وبين الولا احمد خلاه يتعامل معاكى بالطريقه دى

نسرين :- ها م.م.محصلش حاجه

صباح :- بصى يا بنتى اعتبرينى زى مامتك وقوليلى كل حاجه احمد ابنى انا عارفه بيحب الضحك والهزار مع الكل وطيب اوى وحنين ومش بيتعامل كده مع حد غير لو حصل حاجه زعلته

نسرين :- نظرت لها ولم تجيب عليها

صباح :- اتكلمى يا بنتى علشان انقذ الموقف قبل ما يوسع اكتر من كده انتوا لسه عرسان جداد مبلاش تبدء حياتكم بالطريقه دى

نسرين :- الصراحه انا رفض أنه يلمسنى وكنت هضربه بالقلم

صباح :- ليه كنتى مكسوفه يعنى

نسرين :- لاء بس انا مكنتش حابه اتجوز احمد ابنك لانه شخصيته ضعيفه اوى

صباح :- احمد ابنى شخصيته ضعيفه غلطانه حكمتى عليه من غير ما تعرفيه احمد عنده عزة نفس وكرامه ومش بيقبل حد يجرح كرامته وشخصيته قويه طول عمره مش معنى أنه بيحب يضحك ويهزر يبقى معندهوش شخصيه دى حاجه ودى حاجه انتى لو قربتى لاحمد هتعشقى كل حاجه فيه ومش علشان ابنى لا والله بس احمد كوكتيل لذيذ على بعض طيب اوى وحنين بس قاسى على اللى بيجى عليه رومانسى اوى مع اللى بيحبوا وقفل اوى مع اى حد مش متقبله شخصيه دمها خفيف ويحب الضحك والهزار بس وقت الجد تلاقيه راجل بجد بلاش تخسري احمد وتضيعي جوزك من ايديكي يا حبيبتى فكرى فى كلامى كويس واعقليها مع نفسك كده ولو اقتنعتى بكلامي قوليلى وانا هقولك تقربى جوزك ليكى ازاى

نسرين :- ابتسمت لها وقالت حاضر هفكر

صباح :- ربنا يسعدكم ويفرح ايامك يارب وتركتها واتجهت إلى الداخل

نسرين :- سرحت فى حديث صباح لها وجلست تفكر بى

&&&&&&&&&&&&&&&&&&&&&&&&

اسكندريه..... فيلا اشرف

استيقظت مى من نومها ولم تجد جاسر بجوارها نهضت من على فراشها واتجهت إلى المرحاض و طرقت على الباب وقالت

مى :- جاسر انت جوه جاسر جاسر لم تجد اجابه فتحت الباب رأته فارغ استغربت اخذت شاور وبعد وقت خرجت بالبورنص وجدت جاسر جالس على السرير نظرت له بأستغراب وقالت جاسر انت كنت فين

جاسر :- نهض من مكانه واتجه عندها وقربها له واحاطها بذراعيه وقال كنت بحضر الفطار لاجمل ورده فى حياتى

مى :- انت بنفسك اللى حضرت ليا الفطار

جاسر :- وانا عندى اغلى منك احضره الفطار ؟؟

مى :- حضنته وقالت بحبك اوى يا جاسر اوى

جاسر :- وانا بعشق كل نفس طالع منك بموت فى نظرت عينك ليا بحب كل حاجه فيكى انا مجنون بيكى يا مى

مى :- ربنا يخليك ليا

جاسر :- وميحرمنيش منك

مى :- يلا نفطر بقى

جاسر :- لاء استنى

مى :- ايه فيه ايه

جاسر :- هو الفطار هيطير وسحب حزام البورنص

مى :- بأبتسامه ايه عايز ايه

جاسر :- وهو بميل عليها وبيحملها ما بين ذراعيه قال فيه موضوع خطير نسيت أقوله ليكى امبارح ووضعها على السرير

مى :- بضحك لالالا اوعى بقى عايزه اكل

جاسر :- ده انا هأكلك اكل وقرب منها و( ......)

&&&&&&&&&&&&&&&&&&&&&&&

فى غرفة سليم

استيقظ سليم من نومه وقام جلس على السرير ودعك عينه بيده ونظر على الأريكة لم يجد رضوى نائمه عليها نظر على المكتب وجدها نائمه تنهد وقام أتجه عندها ومال بجسده عليها حتى يحملها ويضعها على فراشها تذكر حديثها له استقام مره اخرى ونظر لها وهى نائمه وازال شعرها من على وجهها بدأت تتحرك رضوى ابتعد عنها وجلس على حافة السرير وفتحت رضوى عيناها ونظرت على سليم وهو جالس على السرير ودعكت رقابتها بيدها بألم

سليم :- شكلك بتحبى نومة المكتب

رضوى :-نهضت و قالت نمت غصب عنى وبعدين الناس تفتح عينيها تقول صباح الخير الاول

سليم :- ده لما يكون الوجه الحسن قصاده مش وش يقطع الخميره من البيت

رضوى :- مش هرد عليك اصل ده اخرك فى الرجوله انك تطول لسانك عليا وبس

سليم :- بغيظ لمى لسانك علشان لو وريتك أخرى ايه فى الرجوله هزعلك

رضوى :- لاء خوفت اوى الصراحه

سليم :- مسك ذراعها وسند ظهرها على الحائط واقترب منها وقال لآخر مره بحذرك يا رضوى لسانك ده لمى شويه علشان هزعلك بجد

رضوى :- بتوتر ل.ل.لو سمحت ابعد عنى

سليم :- اقترب اكثر منها وقال مالك بتقلبى شبه الفار كده ليه لما بيوقع فى المصيده

رضوى :- اغلقت عيناها بتوتر وادارت وجهها الاتجاه الاخر

سليم :- نظر لها بأستغراب

رضوى :- بحزن ابعد عنى

سليم :- تركها وذهب المرحاض

رضوى :- جلست على الأريكة واخذت نفس عميق واخرجته بهدوء وارجعت شعرها للخلف وبعد وقت خرج سليم من المرحاض على صوت رنين هاتفه نظرت له بغيظ وقالت ممكن لو سمحت تحترم نفسك شويه وتلبس حاجه على جسمك

سليم :- والله انا حر ومسك هاتفه واجاب عليه قائلا ايوه يا حبيبتى عامله ايه

رانيا :- الحمدالله يا قلبى واحشتنى

سليم :- وانتى والله واحشتينى اوى اوى يا حبيبتى

رانيا :- طيب مش جاى الشركه

سليم :- لاء طبعآ جاى بلبس هدومى وجاى علطول

رانيا :- هستناك على نار يا عمرى باى

سليم :- باى واغلق السكه ونظر لرضوى

رضوى :- نظرت له بقرف واتجهت إلى الباب وخرجت و اغلقته خلفها واتجهت إلى الأسفل وقالت صباح الخير يا عمى

اشرف :- صباح النور يا بنتى تعالى افطرى

رضوى :- مليش نفس بس ممكن اتكلم مع حضرتك شويه

اشرف :- اقعدى يا بنتى اتكلمى

رضوى :- جلست على المقعد وقالت انا عايزه اوضه لوحدى

اشرف :- بأستغراب اوضه لوحدك ازاى يا بنتى

رضوى :- حضرتك عارف ان انا وافقت على الجوازه دى علشان خاطرك وبس وانا مش مستعده اقعد معاه فى مكان واحد

اشرف :- يا بنتى مينفعش اخوه جاسر ومراته هنقولهم ايه لما يشفوكى نايمه فى اوضه تانيه غير اوضت جوزك استهدى بالله بس يا حبيبتى

رضوى :- يا عمى انا مستحيل اقبل اعيش مع ده فى اوضه واحده انا كل ما بشوف وشه بتعصب

سليم :- وهو يتجه إلى الأسفل قال ابقى غمى عينك علشان متشوفنيش وتتعصبى

اشرف :- اتكلم عدل مع مراتك يا سليم

سليم :- يا سلام مش لما هى تتكلم عليا عدل الاول

رضوى :- بقرف مستفز

سليم :- اهو قابل يا عم فيه واحده تبص كده لجوزها وتقوله كده

اشرف :- أهدى يا بنتى بس

رضوى :- يا عمى ارجوك ابعدنى فى اى مكان تانى بعيد عن وش البنى ادم ده

سليم :- وهو يأكل الطعام قال لاء حوشى انا اللى هموت وأشوف وشك يا بنتى ده انتى وشك فقر اقسم بالله

رضوى :- سامع يا عمى انا مش عايزه اغلط فيه احترامآ لحضرتك خليه يلم لسانه احسنله

سليم :- اقسم بالله انا فى حياتى كلها مشوفتش بنت مسترجله بطريقتك دى ده الواحد لازم يبص فى البطاقه بتاعتك الاول علشان يتأكد انك انثى الله يجازيك يا جدى انت السبب فى الجوازه الهباب دى وقام وقف وقال انا ماشى احسن لو قعد كتير قصادها اموتها ولا حاجه

رضوى :- طيب فكر بس تقرب منى وانا سعتها هكسرك ايديك

سليم :- نظر لها بقرف وقال دكر وتركها وذهب

رضوى :- شايف ابنك يا عمى

اشرف :- يا بنتى ما انتى غلطانه برضه مفيش واحده تعمل كده مع جوزها فين الرقه والانوثه اللى تخليه يشوفك ملكه بجد بصراحه طريقتك مع جوزك غلط

رضوى :- هو ايه اللى جوزك ويشوفك ملكه ايه يا عمى ده اتفاق حضرتك ناسى ولا ايه

اشرف :- حتى لو اتفاق بطريقتك دى انتى بطفشيه ليها ويبقى معملناش حاجه انا عايز ابعده عنها مش اقربه ليها افهمينى يا بنتى لازم يشوف فيكى مميزات مش فيها علشان ينشغل بيكى انتى ويبعد عنها هى البسى فستان شيك حطى ميكب اعملى شعرك بطريقه حلوه رشى برفيوم حلو يشده ليكى اشغليه بيكى يا بنتى لا عيب ولا حرام ده جوزك حلالك على سنة الله ورسوله

رضوى :- بس انا مش عايزاه يتعلق بيا يا عمى انا عايزاه يطلقنى وارجع البلد تانى

اشرف :- وليه متديش فرصه لقلبك يحبه وتعيشوا مع بعض مدى الحياه

رضوى :- لاء يا عمى انا مش عايزه افتح قلبى ليه ولا لغيره كفايه اوى امى فتحت قلبها لاخوك وفى الاخر رماها ورمانى انا واختى وراح دور على نفسه انا مش مستعده اكرر اللى امى عاشته انا هعملك اللى انت عايزه بس اوعدنى انك تطلقنى منه يا عمى اول ما ابنك يبعد عن اللى ماشى معها دى

اشرف :- مش هوعدك هسيبها بظروفها ونشوف وقتها هتحبى ايه تطلقى ولا تكملى

رضوى :- وقفت وقالت اكيد هختار أن أطلق عن اذنك يا عمى وصعدت إلى غرفتها

&&&&&&&&&&&