رواية نبضات القلب الفصل الثاني والاربعون 42 والاخير بقلم دينا صابر

وصلت للعنوان اللي هي عايزاه

دخلت و كلمت السكرتيره

وتين : لو سمحتي كان ف حجز باسم وتين ...

السكرتيره : ايوا اتفضل ثواني و تدخلي

و بالفعل ثواني و دخلت

الدكتور : اتفضل يا مدام وتين ع السرير نكشف ...... , انتي قولتيلي انك شاكه و ان جوزك كان عنده مشاكل و الدكاتره قالوا ان العلاج مده طويله عشان يبقي ف تحسن صح

وتين بقلق : صح هو مفيش حمل و انا كنت بتوهم يا دكتور و لا اي

الدكتور : لا و لا بتتوهمي و لا حاجه , مبروك يا مدام وتين انتي حامل ف 40 يوم

وتين بفرحه : بجد يا دكتور

الدكتور : اه , انا هكتبلك ع شويه ادويه تمشي عليها و الراحه التامه و اشوفه الاسبوع الجاي

وتين : حاضر يا دكتور

خرجت من العياده و هي فرحانه و مبسوطه ان ربنا كرمها و هتبقي ام و مش قادره تتخيل رده فعل امير بالخبر دا و قد اي هو هيبقي فرحان و قررت تروح لوعد تقولها و تيجي تساعدها تحضرله مفجاءه

.......................................

نهي : انت مستعجل ليه بس

سامر : ما انا قلت لك جايلي سفريه شغل ف لندن و الفرصه متتعوضش و عايز اتجوزك و تسافري معايا نكتب الكتاب و بلاش فرح بفلوس الفرح افسحك هناااك لمده شهر و قلت لك السفريه بعد اسبوعين يا نهي هو مش انتي بتحبيني و انا بحبك و بوجه عام موافقه ع الجواز مني صح ليه بقا ادايقتي و رفضتي لما قلت لك نقدم الفرح بدل بعد شهرين يبقي بعد اسبوعين بسيطه اهو

نهي برفعت حاجب : هو اي اللي بسيطه و بعدين مين قالك اني عايزه اسافر و اسيب مصر او اسيب حياه و ساره هااا انت بتقرر بمزاجك انا اه بحبك بس كدا انت بتكروتني و بتحطني قدام الامر الواقع

سامر بعقده خواجب : بكروتك , و امر واقع اي دا يا نهي انا بقول لك دي فرصه عمري و هيبقي ليا مكانه عاليه ف الطب و المففروض انك بتحبيني تبقي تسنديني و تقف جمبي و تفرحي بدا مش تقولي بحطك قدام الامر الواقع !!!

نهي بملطفه : بص متدايقش انا بس اتخضيت و اتوترت بس يعني بدري اوي بعد اسبوعين هلحق اجهز نفسي !! مش هلحق

سامر بحب و هو بيمسك ايديهااا : انا مش عايزك تجهزي الا جواز سفرك و تدهولي عشان اخلص اجراءته و عليكي انتي شنطه سفرك و بس و هما يا حبيبتي 6 شهور بس و هنرجع مصر تاني

نهي بتوتر و ابتسامه : طيب

سامر و بيبوس ايديها : بحبك

................................................

وعد و هي خارجه بسرعه من المحل و وراها ادهم متعصب

ادهم : انتي يا هانم وعد , اقفي بدل و يبقي لياا تصرف تاني وعد

وعد و بتقف فجاءه و بتربع ايديها : نعم عايز اي ما كنت خليك واقف معاها و مبتسم لهااا جاي ورايه ليه هاا

ادهم بنرفزه و بيحاول يهدي نفسه : وعد اتضبطي كدا اي واقف معاه و مبتسم لها دي هاا دي بتسالني ع حاجهو من باب الذوق ارد عليها و الابتسامه مجامله

وعد بغيظ : بقول لك اي يا ادهم انت متعرفنيش ف بلاش تختبر صبري عشان متجننش عليك انت متبتسمش لحد غيري و لا تبص او تتكلم مع حد غير فاهمني و لا من باب الذوق و لا من باب بيتكوا ااااه , ف اي يا ادهم انت ماسك دراعي ليه كدا سيني

ادهم بغضب : انا بتتكلمي معايا كدا انتي بتعلي صوتك عليااا!!!!

وعد بتراجع : ها ... لا لا ... هو انا اتكلمت ... دا .... دا انا اه بكح ايوا كنت بكح مش بتكلم

ادهم و بيحرر دراعهااا من قبضته : ايوا كدا اتضبطي و متتكررش تاني و مشوفكيش بتطلميني بالاسلوب دا و بتعلي صوتك عليااا تاني مفهوم

وعد و بحرك ايديها مكان مسكته بتحاول تخفف وجعهاا و بتبرطم : دي مش ايد دي دا شاكوش اه يا دراعي

ادهم : بطلي برطمه

وعد بسذاجه : حاضر

ادهم بتسبيل : الاقوليلي العرض اللي حصل منك من شويه دا يتسمه اي !! هااا غيره مثلااا بتغيري عليااا

وعد بغيظ : لا طبعااا

ادهم برفعت حاجب : لا والله

وعد : يوووه اه بغير هه

ادهم : بحبك

وعد : هيييح قلت لك براحه ع قلبي و متقولعاش فجااءه كدا

ادهم بضحكه : طب يلا يا حبيبتي خلصي اللي عايزه تجيبيه عشان انا هلكت

وعد و بتشده و بتتجهه لمحل فساتين : طيب يلا بسرعه

ادهم : الصبر ياارب

.............................................

رفع راسه من ع المكتب و رد ع الخبط المتكرر ع مكتبه و اتكلم بعصبيه و هو بيفتح الباب لانه كان قفله

احمد : اي ف اي انا.مش قلت عندي قضيه و مش عايز حد يد...... سكت لما لقاها قدامه بعد اسبوع من غيابهاا ظهرت تاني قدامه واقفه برقتها اللي بتخطف قلبه عصبيته و عقده حواجبه رجعت تاني لما افتكر ان الساعه 12 و انها خرجت بره البيت ف الوقت دا ازااي تسمح لنفسهاا ت ...

قاطع تفكيره شروق و هي بترمي نفسها ف حضنه و تعيط بصوت عالي و بتتكلم بشهاقات

شروق : انت وحشتني اوي احمد انا بحبك اوي و عا,فه انك ممكن الوقتي تكون نسيتني و مش بتحبني و ممكن كمان تكون بتحب حد غيري بس انت وحشتني و مقدرتش ع بعدك حاولت والله حاولت ابعد و

احمد مقاطعها بعصبيه و بيبعدها عنه : انتي اي اللي جابك

شروق و هي بتمسح دموعها : جيت عشان اشوفك عشان وحشتني

احمد : انتي هبله انتي عارفه الساعه كام الساعه 12

شروق و بتهز راسها: مش مهم المهم انتي كنت اشوفك انت وحشتني

احمد بخبث و بيقرب منها : انتي فاهمه معني انك تجيلي لحد عندي و الساعه 12 بليل و بترمي نفسك ف حضني و بص عليها من فوق لتحت و فصلها تفصيل بنظراته و اتكلم و هو بيعض شفته السفلليه و بخبث معناه اي انتي عارفه و لا اعرفك

شروق و بتحاول تجمع صوتهاا خايفه من نظراته و مش عارفه تقول اي هي عارفه انه غلط انها تجيله الساعه 12 بس هو كان وحشها معرفتش تفكر غير انها عايززه تشوفه

احمد و قرب منها جامد و هي تبعد لحد ما خبط ضهرها ف الباب و هي اتوترت و خافت اكتر احمد و قرب جامد منها و اتكلم بهمس و هو بيبوسها بكل رقه : معنااه انك وحشتيني

شروق و ماخدتش بالها من كلامه و اتكلمت بهسترياا مش عايزها يبعدها عنه تاني و مش عايزاه يجرح فيها تاني هي خايفه منه و ف نفس خايفه يبعدها عنه هي بتحبه : لا لا مش هخرج بره انت كل مره بتبقي عايزني ابعد عنك بس انا المره دي مش ...... اي و بصت ليه جاامد انت قلت اي هاا قلت اي الوقتي اهو و بتمسح دموعها بعنف و سرعه و مسكت ايده و اتكلمت و هي بصه ف عينيه احمد انت قلت اي انت قلت وحشتيني و لا انا بتهيالئ هااا انت قلت وحشتيني

احمد و هو بيبص ف عينيها و بيمسح دموعها برقه و بيبعد خصل شعرها من ع وشها : كل الدوشه دي عشان قلت لك وحشتيني اه يا ستي قلت وحشتيني و قوليلي بقا هتعملي اي لو قلت لك و اقترب منهااا لدرجه التصق انفه با انفهااا و لا يبعدها عنه و لا حتي انشاا واحدااا و قبلهاااا قبله مليئه بالحب و الشوق ابتعد عنها مطالباا بعض الهواء و نظر لها راءها مغلقه عينيها بقوه و تلهث اثر قبلته لهاا حضنها بقوه و تكلم عند اذنها : بحبك

شروق و هي بتعيط : حرام عليك دا انا طلع عيني انت صعب المنال اوي يا حضرت الضابط

احمد و هو بيضحك و تكلم بغرور : طبعا يا بنتي هو انا اي حد و لا اي و غمز لهااا و تكلم بخبث ليرعبهاا منه و يوترهاا , بقول لك اي بما اني اعترفت بحبي و انتي هنا برجلك و الساعه 12 و ف المكتب لوحدنا و الشطان تالتنا ف اي ...

شروق و فتحت عينيها بصدمه : اي نعم

احمد و بيقرب منها : اي , افهمي انتي

شروق بهمجيه جديده عليهااا : لا بقول لك اي اذا كنت ضابط ف انا الشعب و الشرطه ف خدمه الشعب ف لو قربت مني هنفخك اه هي البلد مفهاش حكومه و لا اي ,

احمد : اي دور البلطجيه اللي طلع فجاه دا تعالي بس كدا هاتي بوسه

شروق : لا طبعااا قال بوسه قال

احمد : طب قوليلي بحبك طيب

شروق و هي بتهز راسها : تؤ تؤ انا مش بحبك , انا بعشقك

احمد بسرعه البرق خطف شفتيها ف قبله طويله ثم ابتعد عنها و قال : حضري نفسك هجيلكوا بكره و كتب الكتاب الخميس الجاي مع فرح ادهم صاحبي

شروق و هي ضائعه اثر قبله لهاا و لم تنتبه لكلامه : هاا , كتب كتاب لا بسرعه اوي كدا

احمد : اه اصل انا مش ضامن نفسي ممكن اعمل حاجه كدا و لا كدا و انتي حلوه اوي و ممكن ...

شروق مقاطعه : خلاص خلاص مش لازم تشرح طب حاضر هقول ل بابا وسع كظا انت لازق فيااا كدا ليه

احمد بتسبيل : الله مش كنتي بعدتي عني فتره من حقي اقرب منك بقاا و قال مهددا , لا الا ارجع احمد القديم و ...

شروق مقاطعه و هي بتحضن دراعه : لا لا انت كدا جميل و انا بحبك

احمد بضحكه رجوليه : ايوا كدا بنات مبجيش الا بالعين الحمرا

............................................................

وعد بحماااس : يااااي ايوا بقااا الله هبقي خاالتوا دا انا عندي ليكي شويه افكار عشان تعملي مفجااه بس اي تعالي نشتري تورته و شموع و بلالين و كدا يلا يلا

وتين بضحك : اشطا يلا

و بالفعل راحوا يجيبوا طلباتهم و ف اابيت

وعد بتضبط الشموع ف اماكنها و البلالين و وتين بتضبط السفره و بتحط عليها التورته و الكاسات

بعد ما خلصوا

وعد : قومي بقا خدي شاور و البسي الفستان اللي جيبناه و ضبطي نفسك و اما يجي بقااا عرفيه و انا همشي بقااا

وتين : طيب شكرااا اوي يا روحي

وعد و بتبوسها ف خدها و تاخد الشنطه : مفيش بينا الكلام دا يا توتااا

بعد ساعه واقفه قدام المرايه بتحط اللمسات الاخيره و بتبص ع نفسها برضي و ابتسمت و جرس البيت بيرن اه اصلها قفلت الباب عشان ميعرفش يدخل و يبوظ عليها المفجاءه راحت بسراعه نوره الشموع و ضلمت البيت و فتحت الباب

امير باستغراب : النور قطع و لا اي يا توت... , اي دا اي الجمااال دا و اي الجو الرومانسي داا

وتين بكسوف و هي بتقرب منه عندي ليك مفجاءه هتعجبك و باسته و شدته وراها للسفره و قعدته و وقفت قدامه

امير باستغراب : مفجاءه اي يا حبيبتي

وتين و هي بتمسك ايده و تحطها ع بطنها و بتتكلم برقه و امير بيبص عليخا و مستغرب حركتهاا

امير : اي يا توتاا !!!

وتين بدلع و بتشاور ع موضع يديه : هنا هيبقي ف نونو يا حبيبي , انا حامل

امير بصدمه و فرح وقف

و اخدها ف حضنه و هو مش مصدق نفسه : ب . بج.د بجد يا توتااا انتي بتتكلمي بجد

وتين هزت راسها مؤيده : اه يا روحي

امير بفرحه و هو يقبل يديها : انا فرحان جدااا يا توتااا و اخيرااا ربنا عوض صبرنااا و عيلتنا هتكبر

.........................................................

تاني يوم ف بيت شروق احمد و اهله و هدي معاه و سيف و قاعده عائليه قرايه فاتحه و الكل فرحان و القاعده لا تخلو من مشاكسه شروق لاحمد

شروق و هي بتغمز ل احمد اللي قاعد قدامهااا

احمد ف سره : هي البت دي هتفضحنا و مش هتجيبها لبر

احمد محدثاا ابو شروق ;,بعد اذنك يا عمي هاخد شروق و نخرج شوياا

الاب : و ماله يا ابني ما انت الوقتي خطيبها و يحق ليكم تخرجوا و تتفسحوا

احمد شد شروق وخرجوا من الشقه و ركبها العربيه و هو بيتكلم : عايزه تفضحينا يا مجنونه و بعدين اي عماله تغمزيلي ليه هااا عايزه اي يعني افهم اي انا من الغمزه دي

شروق بضحكه و بتغمز ليه : تفهم انك ادبست يا بوص مع شروق اللي مبترحمش قلت هوقعك و وقعتك يا كبير

احمد بابتسامه كلها حب و بمكر قرب منهااا جامد و هي لزقه ف الكرسي و اتوترت و احمد اتكلم بخبث و هو قريب منهااا :,من ناحيه وقعتيني ف انتي وقعتيني فعلاا

شروق بتوتر : احم , احمد ابعد

احمد و هو بيقرب من جهه حزام الامان و اتكلم باستفزاز : مالك يا روحي متوتره و قلقانه ليه دا انا هربط لك الحزام بس و غمز لهاا , انتي مفكراني هعملك اي هااا

شروق اتحرجت و خدودها احمرت

احمد بضحكه رجوليه : ههه اللي انتي فكرتي فيه دا هنفذه فعلااا بس بعدين يا جميل

شروق بكسوف : احم ,.انا مفكرتش ف حاجه

احمد بضحكه : اه اه ما هو باين

................................................

هووووب بعد كتم شهر

هدي : الو ايوه يا ماما يا حبيبتي ...لا يا ماما خسيت اوي ومبقتش باكل خالص ...مليش نفس والله يا حبيبتي يلا الحمدلله ..طيب يا ماما هستناكي سلام.

سيف ماما جايه يا هدي ..؟

هدي : اه يا حبيبي يلا وسع شويه عشان اعمل الأكل

سيف : يلا هساعدك....

هدي : ناولني الفلفل الاسود من فوق

سيف : اتفضلي

هدي : هات الحلة التيڤال بقا

سيف : اتفضلي

هدي بعياط : اه اه اوعا يا سيف تعبت ... انت واقف زي قلتك اه طبعا ما انت الراجل وانا الست واشتغل عادي وانا حامل

سيف بصدمه و غيظ : الصبر من عندك يارب ,طاب خلاص يا حبيبتي حقك عليا اقعدي ارتاحي وانا هكمل طبخ أنا عندي كام هدي يعني

هدي : الله يديمك هاتلي شوية فاكهة من التلاجة اصل أنا مش باكل خالص وهفتانة اليومين دول

سيف : حاضر

بعد ساعتين .........

هدي : نورتينا يا ماما

الام : ده نورك يا حبيبتي اخبار حملك اي... اوعا تكون مبتأكلهاش يا سيف ههههه

سيف : اا...

هدي مقاطعه سيف قبل حتي ما يتكلم : لا يماما مش باكل خالص والله مش عارفه مالي حتي خسيت اوي شايفة

الام : اه يا عيني لازم تاكلي الحمل بيتعب

سيف بغيظ : اه يا حبيبتي لازم تاكلي...

هدي : كححح كححح كححح...اه اوماال!,

بعد ما الام مشت بنص ساعه

هدي بصويت الحقني الحقني يا سيف

سيف بخضه : اي ف اي

هدي : عااااااااااااااااا بولد بولد

سيف : طاب اعمل اي

هدي : العب باليه ...شيلني ياللي منك لله وديني المستشفي

سيف : حاضر حاضر استني ...الو الإسعاف

الاسعاف : ....ايوه يافندم

سيف بلخبطه : انا بولد ...قصدي مراتي بتولد

الاسعاف : ... طيب يافندم العنوان .... عربية الإسعاف في الطريق

ف المستشفي و هدي ع السرير المتحرك و بيحركوها عشان تدخل العمليات

هدي بصويت : ااااه يا مراد طلقنااااااااايييييي

سيف : حاضر يا حبيبتي هطلقك بعد ما تولدي حاضر

هدي : اه يا خاين يا غدار خدت اللي انت عاوزو وهترميني

سيف : خدت اي يا بنت المجنونة ...يا بت انتي مراتي

هدي : ايوه يخويا اه اضححك علياا اه يا اني يا امااا يا بااا اه

سيف : غوري يا بت إولدي

هدي بصويت و بيدخلوها الاوضه : اااااه يا سيييف الحقني ياا مااااما

و الباب اتقفل و سيف بره متوتر و مش عارف يعمل اي و قرر يرن ع احمد

_________________________________

ساره و عماله تصوت ف الاوضه دخل عليها مصطفي و هو متنرفز و مصدع : اي يا عبيطه هانم انتي ف اي !!

ساره و بتعيط : اه انت زعقلي اه ما هي نتقصه بقول لك اي انا تعبت و مبقيتش قادره خلاااص انا كان مالي و مال الجواز و الخلفه انا ما انا كنت عايش برنسيسه اه يا اني يا حبيبتي يا شبابك اللي راح يا ساره ااه

مصطفي و قعد ع السرير و حط ايده ع خده : اه اه اسطوانت كل يوم من يوم ما خلفتي و انتي ع الوضع دا كملي كملي انتي وقفتي ليه

ساره بشحتفه : اه ما انتوا كدا الرجاله تاخدو اللي انتوا عايزينه و وقت الخلفه و المسؤليه بتبقوا واخدين وضع المتفرج بس اه دا انا مفتش ع ولدتي غير 4 شهور بس و انت مطنشني و مش مهتم بيا و لا بتعبرني و سايبني مع ابنك لوحدنا و بتخرج مش بترجع غير و احنا نايمين لا انت مكنتش كدا لا انت اتغيرت

مصطفي و بيغني : لا انت غيرت مبقيتش تحبني مبقيتش تحبني

ساره بنرفزه و بتدبد ف الارض : مصطفي انت عايز تشلني هل انت عايز تشلني ,

مصطفي و بيحضنها : مالك متعصبه ليه بس يا سوسو اهدي كدا يا روحي و قوليلي بس الواد ادم نام

ساره و بهز راسه : اه

مصطفي و بيشدها يخرجها الصاله : كويس اوي تعالي اوريمي دا انا جيبت لك الكفته اللي انتي بتحبيها و جايبلك معاهااا راني

ساره بابتسامه : جبته بطعم اي !!

مصطفي و بقعدها ع السفره : الخوخ طبعاا يا حياتي

ساره بتنهيده : انا بحبك عشان بتعرف تهديني و تراضيني

مصطفي و بيفتح لها الراني : هو انا عندي كام ساره ف الدنيا دا انتي روحي يا ام ادم

................................................

ادهم بتنهيده : بتعيطي ليه طيب

وعد : عشان زعقتلي

ادهم : طب ما انتي اللي غلطانه

وعد باصرار : لا أنت اللي غلطان

ادهم : غلطان ف ايه

وعد : عشان زعقتلي

ادهم بهدوء و بياخدها ف حضنه : طب أنا مش قلتلك البلوزه دي متلبسيهاش؟

وعد : حصل

ادهم : وقلتلك بلاش تنزلي من العربية وانتي بتنطي شبه الارانب

وعد : حصل

ادهم : وقلتلك بلاش تضحكي انتي وصحابك ف الشارع حتى

لو صوتكم واطي ؟

زعد : حصل

ادهم :وقلتلك بلاش تتأخري عليا ف الرد عشان بقلق عليكي ؟

وعد : حصل

ادهم : وقلتلك بلاش تاكلي من بره عشان هتتعبي و كمان غلط ع اللي البيبي اللي ف بطنك ؟

وعد : حصل

ادهم : وقلتلك 100 مرة بلاش تعيطي ؟

وعد : حصل

ادهم : طب مين مسمعش الكلام ؟!

وعد بابتسامه عبيطه : أنا

ادهم : يبقى مين اللي غلطان ؟

وعد : أنت

ادهم بتربيقه : نعم .. أنا ليييه

وعد : عشان زعقتلي

ادهم و بيبوسها : خلاص يا سيتي حقك علياا

............................................................

حياه : - أنا خارجه مع صحابى..

حسام و ماسك فونه و مرركز فيه : لا معيش فلوس..

حياه : مش مهم أنا معايا..

حسام برفعت حاجب : جبتيهم منين..!!

حياه : من محفظتك

حسام : اقعدي يا حياه و بطلي تتنطتي من مكان لمكان عشان حملك يا ماما اهدي يا حبيبتي و خلي الحمل دا يثبت

حياه و بقعد ع الكنبه : اووف انا زهقت من القعده

حسام : معلشي يا حبيبتي استحملي شويه لحد ما يثبت هااا قوليلي بقا لو بنوته نسميها اي

حياه بتفكير : ملك

حسام بابتسامه : حلو ملك اما لو ولد ف امير وش ع اسم اخوياا

حياه : عادي

...................................................

نور قاعده ع الكرسي ف الحديقه و جمبها شنطتها و عز باصص عليها و مبتسم

نور و بصاله مستغربه : بتبصلي كدا ليه !!

عز بحب قرب منها و مسك ايديها و باسها و بصلها و اتكلم بحب : مبسوط, مبسوط انك معايا و قاعده قدامي و مبتسمه , مبسوط انك رضيتي تمشي ع الجلسات و قدرتي بعد انجاز 4 شهور تعب و محاوله تمشي عليها تاني فرحان بيكي و بعزيمتك و قوتك فرحان انك سمحتيلي ابقي معاكي و اشاركك تفاصيل يومك فرحان انك صدقتيني و وثقتي فياا فرحان انك الوقتي مكتوبه باسمي و مراتي و حبيبتي و ان شاء لله ف المستقبل ام اولادي انت حلم انا حلمت بيه و انتي حققتهولي يا نور

نور بكسوف و رقه : انت عارف انت كنت القشه الي انقذتني من اللي كنت فيه الاول انت اللي رجعتلي ثقتي ف نفسي تاني و خليتني احب التحدي تاني انا اتحديت نفسي عشانك عشان اشوف الفرحه ف عينيك كدا زي ما انا شيفاها الوقتي اصل انا حبيتك و اللي بيحب حدا بيحب يشوفه مبسوط صح ولا اي

عز بحب : صح يا حبيبتي

................................................

نهي و هي ف الطياره : و اخيرااا هنرجع ارض الوطن دا البنات وحشني اوي اوي

سامر و بيربط لها حزام الطياره : و انتي وحشتيني اكتر

نهي بكسوف : الله سامر بطل تكسفني كدا

سامر بضحك : هو انتي مش,هتبطلي تتكسفي كدا

نهي : تؤ ابدااا

.............................................

ايمان و بتتكلم ف الفون

ايمان : اه الحمد لله يا حبيبي الامتحان كان كويس متقلقش

اسر : يعني عدي الحمد لله

ايمان : اه اه عدي

اسر بتنهيده : طب الحمد لله طمنتيني انا كنت قلقان

ايمان بحب: بحبك

اسر بابتسامه : وانا كمان

.............................................

فاطمه : فارس , يا فارس اصحي انا عايزه فطير قوم الله

فارس بتافاف : يوووه يا فاطمه يا حبيبتي انتي بقيتي ف التامن يعني فتره الوحام دي خلصت خلاااص

فاطمه : تقصد اي مش هتجيب لي فطير

فارس و بيبص ف الساعه : يا حبيبتي الساعه 3 اجيب لك منين فطير اناا

فاطمه : مليش دعوه اتصرف

فارس : اللهم طولك ياروح حاضر يا حبيبتي حاااضر

.............................................

بعد سنتين

احمد و شروق اتجوزوا و هي حامل ف بنوته

حسام و حياه زي الفل و حياه جابت ولد سموه يحي

سيف و هدي جابو ورد

سامر و نهي نهي حامل و الحياه ما بينهم لا تخلو من المشاكسه

ادهم و وعد الدنيا تمام و وعد لسه ما زالت مطلعه عين ادهم

عز و نور اتجوزوا و معاهم سما

فارس و فاطمه عايشين الحب بكل انواعه و معاهم بنوته اسمها سنه و ولد اسمه معاذ

و تين ولدت توم اتنين مليكه و حمزه مطلعين عينيها و هي مطلعه عين امير

وتين : امير ... أنا عايزه أطلق.

امير بصدمهة: يانعم...

وتين : أنا عايزة أتطلق

امير : حاضر

وتين بنرفزه : إيه بقى حاضر دي إن شاء الله !!

امير بهدوء : حاضر يعني حاضر هاطلقك ... إيه اللي مش مفهوم ف كلامي ؟!

وتين : مش عايز تعرف عايزة أتطلق ليه

امير : كنتي قلتيلي قبل كده كذا حاجة وأكيد عندك أسبابك المنطقية اللي تخليكي تطلبي الطلاق ... إنتي مش صغيرة وعارفة مصلحتك .

وتين : يعني إيه بقي مش صغيرة دي ، لأ يا حبيبي أنا لسه صغيرة ونص ولو كنت إنت

امير :خلاص ... إنتي صغيرة وعارفة مصلحتي

وتين : صغيرة في السن بس عقلي كبير وفاهمة

امير : أكيد أكيد..

وتين : هتطلقني إمتى بقى ؟

امير : بعد ما أرجع من الشغل

وتين : وهتعمل إيه ف الولاد ؟

امير : زي ما إنتي عايزة...

وتين : مش زي ما أنا عايزة يا بابا ، زي قانون الأسرة الجديد م بيقول .. العيال هيفضلوا معايا لحد ما يتموا ١٨ سنة..!!

امير بنفاذ صبر : ماشي ... ولو عايزاهم على طول براحتك..!

وتين : طبعاً عايز تخلص منهم عشان تتصرمح وتروح تتجوز وانا اللي أفضل حياتي واقفة عشان أربيهم !

امير : خلاص هاخدهم أنا أربيهم واتصرمحي إنتي واتجوزي

وتين : لااااااا يا حبيبي ، الصرمحة ليها ناسها .. ومش هتلوي دراعي بالعيال وهاخدهم غصب عنك..

امير حاضر

وتين : وهآخد الشقة زي ما القانون بيقول..!!

امير : ماشي..

وتين : طبعاً ، ما إنت هتسيبهالي خرابة وتروح تجيبلك شقة نضيفة ... أصل أنا وعيالك مش مهمين عندك..!!

امير بتنهيده : مهمين طبعاً

وتين : والنفقة هاخدها من عينك.

امير من عينيا حاضر

وتين بتخطيط : وهأنقل الولاد ف مدارس إنترناشيونال وهتدفع مصاريفها..!!

امير : أحسن برضو...

وتين : والعربية.

امير : تحت أمرك..

وتين بتسال : تقدر تقولي هتقعد فين بقي بعد الطلاق ؟

امير : هاتصرف ... ماتشغليش بالك...

وتين : وأشغل بالي ليه ! ما إنت هتسيبني معكوكة و طالع عيني مع عيالك وتروح إنت تروق دماغك في أي حته..!!

امير : ربنا يسهل ..

وتين : طب إيه رأيك بقي إننا هنتطلق وهتقعد معانا هنا ... ما أنا مش هاشيل الطين كله لوحدي.

امير : حاضر و بيقوم من مكانه

وتين : قايم رايح فين ؟

امير : الحمام

وتين : إعمل حسابك لو قطعت شرايينك بالموس زي كل مرة هانكد عليك عيشتك ... أنا مش مستعدة أبقى أرملة وكل من هب ودب يجيب في سيرتي..!!

امير : أنتحر وأسيب الكيكة الذيذة اللي ف المطبخ دي لمين بس !

وتين : بجد عجبتك !!

امير : دي تحفة

وتين : حاساها هبطانة وناشفة وسكرها كتير ومش عاجباك

امير : إوعي تقولي كده ، دي أحلى كيكة دقتها في حياتي ... ادخلي هاتيلي حتة منها..

وتين بابتسامه : صحة وعافية ... ماشي ياحبيبي وهعملك جنبها فنجان قهوة يعدل مزاجك

امير : ربنا يخليكي ..!!

وتستمر الحياة والحب كده ...ماتسألش عن سبب الخناقة ؟

يا إما هرمونات ، أو أكلة بايظة او زهقانه من القعده ف البيت بعد الخلقه او دلع ستات المهم الحب دخلت دوامه الحب نصيحه امشي معاها و سايسه و استسلم للحب الحب حلو والله بس لو حلال و مع الشخص الصح مع الشخص اللي تستحق انك تعافر معاه ف الدنيا و تسانده و تشاركه تفاصيلك و تفاصيل يومك .