رواية أحببتها صعيدية الفصل الحادي والاربعون والاخير41 نور الدين جلال

عصام :: ايه الأخبار يا رچالة

واحد من الرجالة :: خلاص كلاتها اسبوع وهنوصل للسرداب

عصام :: سرداب

:: ايوة يامعلم عصام. تحت فيه سرداب كبير ومش بعيد هنلاقي اللي عمرنا ماكنا نحلم بيه

عصام :: عالبركة .. امال المعلم دهشان فين

:: المعلم وصل مشوار وراجع

عصام خرج وعمل مكالمة وكلم حد بكلام عمال الحفر وان خلاص يمكن كمان اسبوع

والمراد يتم

********************

** دهشان قاعد ف البيت اللي فية الحفر وتليفونة بيرن **

دهشان :: ايوووة يا باشا .

الباشا :: وصلتو ل اية يا دهشان ؟

دهشان :: خلاص يا باشا وصلنا للنجوش اللي بتوصل للسرداب و كلاتها يومين بالكتير ونوصل للسرداب .

الباشا :: وعملت اية مع عصام عرفت حاجة ؟؟

دهشان :: ﻻاه يا باشا معرفتيش اي حاچة تخلينا نتؤكد هو معانا وﻻ علينا .

الباشا :: متنساش كلام العمدة قبل ما نخلص علية .

* فلاااااش باااك ليلة موت الهام وحرق بيت العمدة *

العمدة :: الو الحجني يا دهشان .

دهشان :: في ايي يا عمدة ؟

العمدة :: البت الهام مرات ولدي واخت عصام طلعت بتخونا.

دهشان :: انتا يعني متصل بيا دلوك عشان تجولي الكلمتين دول ما تنطوج تفهمني كل حاجة ؟

العمدة :: ﻻاه بس البت بعد الحريم ما ضربوها هني لجيت معاها تلفون اول مرة اشوفة غير بتاعها واني مبعرفش ف الحاچات دي ف اديتة للبت سعاد الشغالة تشوف فية اية لجيت علية صور وفيديوهات لحاچات ياما .

دهشان :: حاچات ايي يا عمدة انطوج ؟

العمدة :: بت المركوب كات بتسچلي كل اللي بجولة ف العربية كات بتحط التلفون ف العربية جبل ما امشي وتسيبة يسچل كل الحديت اللي كت بجولة ف تلفوني وكمان كات مصورة الزيارات بتاعتك لما كت بتچيني هني دبرني يا دهشان؛؟ ..

دهشان :: البت دي مش ﻻزم تعيش يا عمدة .

العمدة :: يعني اجتل مرات ولدي ؟

دهشان :: مش احسن ما نروح فيها كلاتنا وبعدين هي اكيد مابتعملش كدي من روحها اكيد عصام اللي وزها تعمل كدي .

العمدة :: ايوووة صوووح عندك حج يا دهشان طب والعمل دلوك .

دهشان :: ﻻزمن تجرروها عشان تيعرفو كل حاچة منيها وعصام خابر اللي بتعملو وﻻ ﻻاه ومين كمان معاها .

العمدة :: طيب اني هجفل دلوك واتصرف واكلمك تاني اجولك عميلت اي .

دهشان :: ماشي يا عمدة مستنيك .

** بعد تلت ساعة العمدة اتصل ب دهشان **

دهشان :: ايي يا عمدة عميلت اية ؟؟

العمدة :: بت المركوب معيزاش تجول حاچة غير ان عصام مايعرفش حاچة وانها كمان شايلة نسخة من الحچات دي علي كارت ميموري ودساة ف الدار ومحدش فينا هيعريف طريجة .

دهشان :: خلص عليها يا عمدة وعصام هيبان هو اللي واززها وﻻ ﻻاه وخلي الحريم يموتوها من الضرب عشان تروح فيها والكل يفكر انها خناجة حريم واني هكلم الباشا احكيلة اللي حوصل .

العمدة :: ماشي يا دهشان اني هعمل كدي وبعد ما خلاص نتوكد انها بتودع هنودوها المستشفي عشان يبان اننا كنا عايزين نلحجوها .

دهشان :: تماما يا عمدة .

** دهشان اتصل بالباشا حكالة علي كل حاجة *

الباشا :: لو هي معاها حد سواء من الحكومة او حتيي عصام ف اكيد عاملة حسابها وقايلة علي مكات كارت الميموري وسهل ان حد يدخل بيت العمدة وهما فا المستشفي لما يروحو بيها او حتي ف اي وقت تاني طالما عارف مكان الحاجة هيدخل ياخدها .

دهشان :: والعمل يا باشا ؟

الباشا :: العمدة كدة بقا كارت محروق وخطر علينا وبقا مكشوف اووي وﻻزم نخلص منة وف نفس الوقت ﻻزم نأمن نفسنا من الحاجات اللي متشالة دي .

دهشان :: اؤمرني يا باشا وانا انفذ .

الباشا :: تبعت ناس يحرقو بيت العمدة باللي فية مش عايز حد يخرج سليم والبيت كلة يولع ميبقاش فية حتة متولعش .

دهشان :: امرك يا باشا اللي جلت علية هيتنفذ .

الباشا :: الليلة يا دهشان و ف اسرع وقت .

دهشان :: امرك يا باشا .

** بااااااااااااااااااااااااااااااااااااااااااااك **

دهشان :: فاكر يا باشا وعصام لحد دلوك شغال زين معانا ومبنش علية حاچة وحتي الحكومة مشمتش خبر وﻻ شكت ف حريج دار العمدة والدنيا تمام .

الباشا :: كان ﻻزم من الحذر بردو يا دهشان .

دهشان :: طبعا يا باشا اللي تشوفة حضرتك يبجا صوح .

الباشا :: كلم عصام عرفة انة يقعد ف البلد اليومين دول عشان خروج الحاجة هو ﻻزم يشيل معاك المسئولية مش هياخد علي الجاهز ﻻزم يجي ويبقا مع الرجالة ويأمن خروج الحاجة من البلد لحد ما توصل للمخازن بتاعتها .

دهشان :: امرك يا باشا هتصل بية وافهمة واخلية يأچي .

الباشا :: ماشي يا دهشان وكلم الوسيط عرفة ان التسليم هيكون بعد يومين وهتبقي تحدد الميعاد قبلها وصورله النقوش اللي لقيتوها وابعتهالة وظبط معاها وخلية يشتري اكبر قدر ممكن من اﻻثار اللي هتطلع عايزين نخلص من الحاجة دي ف اسرع وقت ودة افضل وسيط اتعاملنا معاة ف القطع اللي اشتراها مننا ف الفترة اللي فاتت فلوسة حاضرة ومش بيفاصلنا .

دهشان :: اللي تشوفة يا باشا هكلمة دلوك هو كمان .

*****

المعلم دهشان اتصل ب عصام وقالوا خلاص هانت وارجع اليومين دول خليك في البلد

عصام قالو بالليل هاجي وافتح البيت الكبير واقعد فية واجيلك علي مكان الحفر اكون معاك.

*** دهشان اتصل بالخبير وبلغة باللي اتفق مع الباشا علية وبعتلة صورة النقوش اللي بتبقي ف طريق السرداب والخبير قالة هكلم الناس اللي شغال معاهم واكلمك **

بعدها بحوالي ساعة الخبير كلم دهشان تاني وقالة ان الناس عايزة تشيل السرداب او المقبرة باللي فيا عشان النقوش بتقول ان دي مقبرة كبيرة والناس عايزة تاخدها كاملة ومستعدين يدفعو ٥٠٠ مليون دولار ويكونو حاصرين الفتح وهما يخرجو الحاجة من المقبرة بنفسهم عشان يتأكدو ان الحاجة متنقصش دهشان اتصدم من الرقم اللي الخبير قالة وقالة هبلغ الباشا *

.............................

الباشا :: يعني هو قالك عايزين يحضرو الفتح ويستلمو المقبرة كاملة وطبعا احنا هنأمن خروجهم؟

دهشان :: هو دية اللي جالو يا باشا.

الباشا :: الناس دي طالما عرضت الرقم دة يبقي المقبرة تساوي اكتر من كدة كلمة وقولة ان المبلغ يكون ٧٠٠ مليون دولار مش ٥٠٠ واحنا هنأمن خروجهم بالحاجة برة مصر كمان.

دهشان :: بس المبلغ دية يا باشا كتيير جووي واني نفسي معرفش حتي اعدة.

الباشا :: انا لازم احضر بنفسي الفتح عشان استلم المبلغ دة وامشي وهسيبك انت وعصام والرجالة تتمو عملية التسليم والتأمين.

دهشان :: بس دي اول مرة چنابك توحضر بنفسك.

الباشا :: ودي اول مرة حد يبقي عايز يشتري المقبرة كاملة وهيدفع وقت الفتح كمان و وابني مسافر يعني مفيش غيري ومفيش حد اقدر ائمنة علي المبلغ دة كلة.

دهشان :: ماشي يا باشا واني هرتب كل حاچة ف انتظار معاليك.

الباشا :: مش عايز ولا غلطة المرة دي يا دهشان اللعبة المرة دي ميينفعش يكون في غلطة المرة دي الغلطة هتضيعنا كلنا.

دهشان :: اطمن يا باشا.

........................................................

............. شقة نعمة اخت عصام واشواق ........

نعمة بتتكلم ف التليفون :: ايي يا بت يا اشوااااج بجالك كام يوم ما بتتصليش بيا واصل؟

اشواق :: ما انتي عارفة من ساعة ما الهام ما اتوفت وامك صحتها تعبت ومبجتش بتجدر علي حاچة واصل واني اللي جايمة بكل حاچة.

نعمة :: الف رحمة ونور عليها.

اشواق ::وكمان معيزينش نضايجوكي انتي وچوزك جلت اسيبكم ل حالكم تتهنو ببعض وانتي وجت ما تفضي تتحدتي معانا.

نعمة :: تشغلوني ايي يا عبيطة دة وچدي بيروح المستشفي اللي شغال فيها واني بجعد مع اخواتة البنات وخالتة ف شجتهم تحت لحد ما ياچي.

اشواق :: وعاملين ايي معاكي يا بت معاملتهم زينة ولا بيعاملوكي عفش ؟

نعمة :: لااه الصراحة تتجال دول شايلني من ع الارض شيل وبيعتبروني اختهم وخالتة دايما تجولي يا بتي وبيراعوني ودايما عايزني معاهم ومبيخلونيش اعمل حاچة والله.

اشواق :: الحمد لله يا نعمة انتي بت حلال وتستاهلي كل خير يا بت وبصراحة بجا كت عايزاكي ف موضوع كدي.

نعمة :: موضوع ايي يا اختي خير ؟

اشواق :: بصراحة معتز عايز يشوفني ويجعد يتحدت معايا واني معرفاش اخرچ من البيت وكمان معرفاش حاچة واصل ف مصر جلت اتحدت معاكي تشوفيلي حل.

نعمة :: بصي هي مالهاش حل غير اني اچيلك اخدك عشان تجعدي معايا ونشوفو معتز عايز يجابلك فين وتتجابلو ولما تخلصو اخدك اروحك.

اشواق :: بس اني خايفة وعمري ما عميلت كدي يا بت.

نعمة:: يأك معتز هيأكلك ولا يكونش جالك نتجابلو ف شجة ؟

اشواق :: لااه والله مجالش كدي دة جالي نتجابلو ع الكورنيش وسط الناس يعني بس اني اللي مكسوفة اجابلو ل حالي ما انتي عارفة اني ماليس ف الحاچات دي .

نعمة :: يعني معيزاش تجابلية ؟

اشواق :: لاه عايزة اجابلو بس مكسوفة حبتين.

نعمة :: شوف البت يا اختي بطلي دلع وجابلية عشان تشوفلكم حل بجا الحكاية بتاعتكم كدي طولت جووي واسمعي منة شوفي ناااوي علي ايي.

اشواق :: طب هتأجي معايا ؟

نعمة :: انتي عايزة وچدي يجطع خبري اني مجدرش اخرچ من غير اذنة كمان عايزاني اجابل سي معتز معاكي انتي باينك عايزة طلاجي يا بت.

اشواق :: خلاص يا نعمة هروح ل حالي وانتي تأچي تاخديني من هني ولما نخلصو تچيني ونروح سوا.

نعمة :: ماشي يا اشواااج واني هكلم وچدي اجولة اني بكرة هروح لكم.

اشواق :: ماشي يا نعمة هستناكي وهتحددت مع معتز ف التفلون واجولة عشان يجولي هنجبلو ميتا و فين.

*** اشواق كلمت معتز ورتب معاها حاجة وتاني يوم نعمة جت خدتها ونزلو عشان تروح تقابل معتز **

وغيرتك

وخوفك

و لحظه كسوفك

و فرحة عيونك ف ساعة ما اشوفك

و قلقك عليا

و رعشة إيديكي اللي مسكت إيديا

و رغيك ليلاتي ف كلام مش مهم

و وقفة مرايتك عشان هتشوفيني

و كلمة "بحبك"

وعينك ف عيني

و نفسك تخسي

عشان تعجبيني

و أول ما اقوم لما بتكلميني

و " عايزك تذاكري "

فبتقولي حاضر

و غيبتي اللي طالت

وشايفاني حاضر

و " لبسك يجنن "

فتتكسفي مني

ومودي اللي قالب

إذا بعدتي عني

و صبرك عليا إذا ف يوم تعبتك

و روحك وطيبتك

و قلبي اللي عاشك كأنك حياتوا

و 100 حاجه لسه عشانك هعيشها

حبيبتي انتي أكبر من الحب ذاته ! 

** معتز و اشواق واقفين علي كورنيش النيل **

معتز :: ما تتكلمي يا بنتي بقالنا نص ساعة واقفين ساكتين.

اشواق :: اجول ايي يا معتز ما اني معرفاش اتحدت واصل اتحدت انتا بجا مش انتا اللي جلت نتجابل.

معتز :: يا خرااابي علي القمر وهو مكسوف بصي يا ستي انا طلبت نتقابل عشان مش عارف اكلمك ف التليفون طول الوقت يا امك قاعدة معاكي يا مرات اخواكي يا اي حاجة تشغلك وخلاص.

اشواق :: يعني هو بيدي ما انتا خابر زبن اللي حوصل وخابر ان امي مبجتش زي الاول واني مشغولة معاها علطول.

معتز :: بس انتي حبيبتي وليا حق عليكي عايز اكلمك طول الوقت واسمع صوووتك اللي بيوحشني دة .

اشواق بكسوف :: ما انتا بردو حبيبي وببجا عايزة اتحدت معاك واسمع صووتك.

معتز مسك ف سور الكورنيش :: ايووووة بقا القمر اتكلم انا من الفرحة عايز انط ف النيل.

اشواق :: اعجل يا مچنون و وطي حسك الناس هتتمسخر علينا.

معتز :: عارفة يا اشواق انا عشت عمري كلة من غير اهل او سند من غير حضن احس فية بالامان عشت لوحدي وكنت بتمني الاقي الحضن دة بس دايما كنت بخاف اقرب من حد عشان عارف ان هييجي وقت واقول فية الحقيقة عن نفسي واقول اني اتربيت ف ملجا وان ابويا رفض يربيني وامي كانت خاينة ف كنت ببعد لاني مستحيل اقول لحد علي حقيقتي وكمان مستحيل اكمل مع حد وانا مخبئ كل دة.

اشواق :: واني مهيهمنيش كل دية اني يهمني انتا وبس يا معتز.

معتز :: تعرفي انا لما قابلتك وعرفتك كنت ومازلت لما ببص لعنيكي بحس بالامان وغصب عني لقيت نفسي بقرب منك ومش قادر اخرجك من تفكيري ولا من قلبي حبيتك يا اشوااق وبقيت مستعد اعمل اي حاجة عشانك.

اشواق :: طب وهچر ما انتا بردو بتعمل عشانها ؟

معتز :: قلتلك هجر دي ف مقام اخت ليا وكنت بسعي عشان اخد طاري من كرم ؟

اشواق :: وخلاص حبست كرم وبعديها اهو اتجتل فيية اي تاني مخبية عني يا معتز ؟

معتز :: مفيش حاجة هي هجر جت القاهرة وطلبت من شوية حاجات اساعدها فيها وبس لكن حقيقي معرفش اي تفاصيل وهي مرضيتش تقول.

اشواق :: وهتفضل كدي يعني كل ما ست هچر تطلب حاچة تعملهالها واني ولا كأني هني ؟

معتز :: اقسملك بالله هجر دي اختي ومفيش ولا هيكون في حاجة بينا انا بحبك انتي يا اشواق ومش بحب ولا هحب حد غيرك.

اشواق :: بص يا معتز اني زي الفريك مهحبش شريك ومهجبلش راچلي يكون في واحدة تانية مشركاني فية.

معتز :: راجلك؟ ايووة بقا الكسوف راح وطلعتي اسلحتك اومال كنتي عاملة زي الكتكوت المبلول من شوية لية؟

اشواق :: اني طيبة وكل حاچة بس محدش يجرب من حبيبي اجطعة بسناني جطيع.

معتز بضحك :: لا وعلي اية قلبك ابيض انا محامي اة بس اكيد مش هسيبك تدخلي السجن واقف اترافع عنك ف المحكمة .

اشواق :: وناوي علي اي دلوك ف موضوعنا دية ؟

معتز :: اول ما اخوكي يرجع من البلد هكلمة واقعد معاة عشان اطلب ايدك.

اشواق :: صوووح يا معتز هتتحددت معاة؟

معتز :: ايووة مش مصدقة ولا اية ولا كنتي فكراني سوسن ومش بتاع جواز وبتسلي بيكي ؟

اشواق :: ساعتها كت اني اللي هجطعك جطيع ومش هسيبك حي مفيش راچل يتسلي ب بت من الثعبد ويفضل حي احنا مهنسكتش علي حجنا.

معتز :: بس بس قلبك ابيض انا كنت بهزر وخلاص كدة عرفت لو فكرت ازعلك هيحصل اية واطمني كدة مش هقدر ازعلك شكلك لما بتقلبي علي الوش التاني بتبقي مفترية ويتخاف منك عايز اقولك حاجة مهمة.

اشواق :: جول يا معتز ؟

معتز :: بحبك وعايز اكمل بقية عمري معاكي .

اشواق :: واني كمان بحبك يا معتز .

** بعد ما اشواق مشيت تليفون معتز رن **

معتز :: الو ايوة يا هجر غايبة بقالك يومين مش بتتصلي لية؟

هجر :: مش هتصدج اللي حوصل يا معتز المهم دلوك لزمن تنزل البلد واني هحصلك ومعايا ليك مفاچاة ولا ع البال ولا ع الخاطر.

معتز :: قلقتيني كدة انزل البلد لية دلوقتي وكمان مفاجاة اية دي انتي مفاجاتك مابطمنيش ابدا.

هجر:: اني خلاص اهو رايحة البلد علي الدار اللي كات جاعدة فية الحاچة فاطمة واحمد هيأچي البلد وهنتجابلو هناك مع حد هتفرح جووي لما تشوفة ما تتاخرش يا معتز.

معتز :: لما نشوف اخرتها اشواق كانت لسة هتاكلني بسببك البت بتغير اووي وانا بصراحة كدة زودتها.

هجر :: بكرة تتچوزو وتزهج مينيك يا اخويا وتأجي تشتكيلي وتجولي خدية حداكي معيزهوش.

معتز :: افضلي انتي احبطي فيا هلي فكرة بتحبني وبتموت فيا ومتقدرش تستغني عني كمان.

هجر :: الجرد ف عين امة غزال يا اخويا واخم بيجولو مراية الحب عامية والظاهر البت دي نظرها ضعيف جووي.

معتز بضحك :: خلاص خلاص دة انتي سئيلة معرفش جايبة الغتاتة دي منين ما انتي علطول كئيبة اة صح انتي قلتي احمد هيجيلك البلد وطبعا طالما فيها احمد يبقا الانبساط والسعادة لازم يحضرو.

هجر :: اتلم يا معتز هو اللي هعملو فيك هتطلعو عليا ولا ايي انت عارف عدلك معايا ايي ؟

معتز :: خلاص ماشي يا ستي بكرة اخى النهار هكون ف البلد.

هجر :: ولية مش الليلة ؟

معتز :: عشان عندي قضية مهمة بكرة وماينفعش تتأجل المتهم مظلوم وانا وعدتة مسيبهوش.

هجر :: ماشي خلص وتأجي بسرعة متتاخرش.

.....................................................

** تاني يوم الخبير وصل البلد ومعاه عربية مصفحة فيها شنط الفلوس وفضل،مستني مكالمة دهسان ان المقبرة هتتفتح ودهشان كلمة قالة تعالي عشان باب المقبرة هيتفتح و الوسيط اتحرك ناحية البيت اللي هما فية ***

..........

الباشا :: اول ما المقبرة تتفتح هاخد رجالة ونتحرك بالعربية اللي فيها الفلوس واعمل زي ما اتفقنا.

دهشان :: اول ما ياخدو الامانة بتاعتهم ويمشو هخلص من عصام وادفنة هني .

الباشا :: وبعدها تبعت رجالتلك يحرقو البيت بتاعة اللي ف البلد هنا اوضة اوضة يا دهشان عايزو علي الارض متضمنش يمكن يكون في حاجة هو مخبيها تودينا كلنا ف داهية انتا شوفت اختة كانت ماسكة اي علي العمدة يمكن يكون معاة نسخة او حتي معاة اللي اهم واكبر من الحاجات دي ف لازم نخلص منة.

دهشان :: اللي تؤمر بية يا باشا وكدي نصيب العمدة ونصيب عصام هخدة اني مش كدي؟

الباشا :: ايوة يا دهشان زي ما اتفقنا خلينا نخلص من العملية دي وتاخد اللي اتفقنا علية.

**واحد من الرجالة خرج من الحفرة اللي بتوصل للسرداب :: خلاص يا معلم باب السرداب واجف علي خبطة ويتفتح.

دهشان :: جول للرچالة توجف مهنكملش الا لما الناس اللي ياخدو الامانة يوصلو.

الراجل:: ماشي يا معلم دهشان المعلم عصام تحت جدام باب السرداب بيجولك الناس چايين ميتا؟

دهشان :: جولة يطلع يجف معانا يا واد الناس علي وصول.

الراجل :: ماشي يا معلم دهشان.

..................

**بعد الراجل ما نزل ل عصام بلغة كلام المعلم دهشان عصام وهو طالع بعت رسالة ل جنة وبلغها ان الخبير علي وصول والباشا موجود عشان يستلم الفلوس بنفسة ف ردت علية ان اول ما المقبرة تتفتح يختفي من البيت ب اي شكل *

الخبير وصل ونزل عشان فتح المقبرة والباشا انغل مع رجالتة ف انهم يتأكدو من الفلوس

دهشان والرجالة هيصت تحت لما المقبرة اتفتحت وظهر لهم التماثيل الفرعونية والاثار الذهبية الكتير

وفعلا عصام استغل انشغال دهشان والرجالة تحت مع الخبير وانشغال الباشا مع، رجالتة ف الفلوس وراح بسرعة خرج من البيت و وقف بعيد يراقب

مفيش دقايق وكانت المنطقة غرقانة بالحكومة والعربيات المدرعة مع مباحث الأثار والأذاعة والتليفزيون وتم القبض علي الباشا و دهشان وعلي الرجالة. والحكومة استولت علي البيت **

...........................................................

- أنا بعشق أمك . .

- وبحبكك يمكن بالغصب ♡

- أنا آسف أوى على اسلوبى !!..

- معرفتش اكون جنتل أبدا !!..

- طب قبل كلامى مساء الخير ♡{} !

طب بصى ياستى انا متلغبط . .

طب مالها دموعك سابقاكى ؟ !

لو دمعك فرحه أنا معاكى ♡ {} !

لو حزن و يأس بلاش منه !

أنا عيل هتعب و الله

و هعيط أكتر قدامك

و هريح راسى على كتافك

و ساعتها هغرقلك كمك ♡ {} !

- طب فاكره وعودى و حلفانى ؟

افضلك اخوكى و خدامك ♡

افضلك ابوكى و احلامك ♡

افضلك أقرب من أمك . ♡

- أنا عندى كتير غيرك لكن . . .

أنتى ال- ف قلبى و تفكيرى !

إنشالله يكون عندك غيرى

أنا شاعر خايب مش بعرف

أكتب عن بنت بتشبهلك

و ساعات بتوتر لو قولتى :؛-

" متغبش و تبعد و تسبنى "

أنا قبلك خايف من بعدك

أنا أبسط حاجه بتتعبنى !!

- وحياتك حاولى تهدينى

أو دارى جروحك مع حزنك

لو يوم متدايق شوفتينى

ضمينى عشان محتاج حضنك ♡ {} !

الدنيا الواسعه المليانه

مفيهاش إنسانه بتكفينى

ولا بنت جميله ملت عينى

ولا أى كلام ممكن أقوله

هيعبر أبدا عن حبى

أنا عايزك جمبى ♡ {} !

- أنا عايزك تبقى كمان ضلى

و الشىء الحلو ال-فاضلى

الناس و الدنيا . . .

تقريبا إنتى

و الفرحه ال-انا بستناها

بلاقيها يادوب لما تهلى

إكمنك بنتى ♡

أنا قلبى معادله تموت فيكى

و هموت لو مش عارفه تحلى !!

- أنا بس بخاف أكتر منك

على رغم ان انا راجل جدا

بس الرجاله ساعات برضوا

بيحسوا بضعف اما يحبوا

انا كنت مريض نفسى بعانى

و خسرت بدون ايوها أسباب

حبيت الأيام من تانى

أول ما لاقيتك بره الباب

خبطتى

أنا شوفت عينيكى اتلغبطت

أكتر بكتير ما اتلغبطتى ♡ {} !

- بصى . .!!

أنا عايزك جمبى لأخر وقت

معرفش ازاى ؟!

كل المطلوب منك دلوقت

تبصمى ع العهد

الوعدك بإنك تحمينى

ولا يوم تتخلى و تمشى بعيد

أنا مش هقدر اكمل من غيرك

بحبك ♡ !!..

....................................................

** هجر وجنة ف بيت كرم التاني اللي كانت عايشة فية الحاجة فاطمة قبل ما تتحبس وجنة بتتابع كل حاجة بالتليفونات مع وزير الدخلية شخصيا لحد ما اتقبض علي الباشا وكل اللي معاة.

الاتنين فرحو جدا واخدو بعض بالحضن شوية و وصل احمد وسلم علي هجر و جنة وهجر عرفتة عليها وبقا مش مصدق وفرحان اوووي ان ام هجر عايشة

معتز وصل البيت عندهم ***

احمد :: حمدلله علي السلامة يا معتز البلد .

معتز :: منورة بيك يا دكتور احمد قولولي البلد مقلوبة برة يا بيقولو مسكو ناس بتطلع اثار هو في اية اكيد ليكي علاقة باللي بيحصل يا هجر ما هو مش هتجبيني كدة علي الفاضي.

هجر :: المرة دي انا ماليش يد ف اللي بيوحصل دة كلة من ترتيب الست دي ** وشاورت علي جنة **

معتز :: اهلا وسهلا بحصرتك معلش مسملتش بس جاي من السفر واللي بيحصل دة مخليني مش مركز هو حضرتك مين ؟

جنة :: انا اللي خدوك منها زمان وحرموني منك انت وهجر.

معتز بيبصلها مصدوم وبيبص ل هجر لقاها مبتسمة :: انتي ماما جنة طب ازاي انتي المفروض اختفيتي زمان قبل ما كرم يرميني ف الملجا.

** جنة حكت ل معتز كل حاجة وانها فضلت جمبة طول السنين اللي فاتت من غير ما يعرف وهي اللي طانت بتصرف علية وهو ف الملجا وبتبعتلة لعب لبس وكل حاجة وهو صغير وانها عمرها ما نسيتة وانة طانت دايما شايفاة ابنها..**

وحكتلهم لهم انها هي رتبت مع الخبير دة عشان يلعبو اللعبة دي علي الباشا وان الباشا لما يعرف المبلغ دة ان الناس هيشترو المقبرة كلها والتسلبم وقت الفتح هيحضر بنفسة عشان كدة خلت هصام يوصل للخبير عشان تقدر تلعب اللعبة دي *

معتز :: انا مش مصدق نفسي وحاسس ان انا بحلم.

* جنة اخدتة بالحضن وبقت بتعيط من الفرحة وهو كمان *

** احمد اتنحنح *

احمد :: بالمناسبة السعيدة دي والكل فرحان واتلم الشمل من تاني ممكن يا مدام جنة اطلب منك ايد هجر بنت عشان بصراحة بقا كدة كتير وشوية كمان وهشيل سلاح واطلع اضرب نار علي الناس انا بقالي كتير صااابر.

جنة :: لا وعلي اية الطيب احسن *وبصت ل هجر * هااا يا عروسة موافقة ؟

* هجر اتكسفت وبصت ف الارض وسكتت *

جنة :: واضح يا دكتور انها مش موافقة معلش بقا كل شي قسمة ونصيب.

هجر :: لاه لاه موافجة والله بس مستحية اتحدت.

جنة بضحك :: شوف البنت بقا كدة ومكسوفة.

الكل ضحك

واحمد قرب من هجر :: ممكن بقا كفايا بعد وبلاش تبعدي تاني خلينا نكمل اللي جاااي كلة سوا

* هجر شاورت براسها علامة الموافقة *

احمد :: مش سامع الظاهر يا طنط انها مش موافقة انا بقول اشوف عروسة تانية.

هجر :: تانية ف عينك عشان كت ادبحك وادبحها وارميكم ف الچبل جال تانية جال

احمد :: ياربي علي التوحش احببتها صعيدية يا ناااااس.

..........................................

عصام رجع مصر بعد ما اتقبض علي الباشا و دهشان و رجالتة مرت الشهور وعصام بقي عمدة البلد واخد زينب مراتة ورجع عاش في البيت الكبير

احمد وهجر اتجوزو بعد فترة ومعتز اتقدم ل اشواق واتخطبو

وحسين واسماء راحوا عاشوا في الفيلا اللي اشتراها عصام له و بقي من اكبر تجار سوق العبور .

*************