رواية أحببتها صعيدية الفصل الاربعون 40 نور الدين جلال
 |
| رواية أحببتها صعيدية الفصل الاربعون 40 نور الدين جلال |
رواية أحببتها صعيدية الفصل الاربعون 40 نور الدين جلال
كرم :: يا ابووووي خمسة مليوووون چنية حتة واحدة شوف يا باشا لو عايزني اخرچ ابويا من تربتة واجتلة هعميلها دلوك .
الباشا :: هههه مش لدرجة القتل انا ليا طلب تاني .
كرم :: اللي هتطلبة مچاب يا باشا .
الباشا :: انا عايزك تطلق جنة مش مراتك اسمها جنة بردو ؟
كرم :: مرتي اني اطلجها طب لية يا باشا ودة دخلة ايى بالشغل ؟
الباشا :: مالوش دخل بصراحة انا شوفتها وعجبتني اووي وانا بصرحة زهقت من الرمرمة من ساعة ما مراتي ماتت وانا محتاج ست تربي ابني وتاخد بالها منة .
كرم :: ومفيش غير مرتي اني اللي هتنفع تربي ولدك يا باشا ؟
الباشا :: هي عجبتني اووي ومنمتش من امبارح بسبب جمالها اللي مش راضي يفارق عني .
كرم :: ﻻحظ يا باشا اني دي مرتي اللي بتتحددت عنيها كدي .
الباشا ::لو هتكلمني عن النخوة يبقي المفروض انك كنت قمت من لحظة ما قلتلك تطلقها لكن طالما لسة قاعد يبقا الفلوس عجباك وانا كمان الست عجبتني يبقي اية المشكلة هتاخد الفلوس وتطلقها وتنسي انك كنت متجوزها ف يوم من اﻻيام اصلا .
كرم :: وانتا يعني ياباشا لما اني هطلجها هتاخدها غصب ؟
الباشا :: انا مبخدش حاجة غصب يا كرم كل حاجة باﻻتفاق زي اﻻتفاق دة لو انت موافقتش علية وطلقتها وخدت الفلوس يبقا تنسي ان يبقي في شغل بينا نهائي .
كرم :: يعني دي جصاد دي يا باشا ؟
الباشا :: انا مش بلوي دراعك انا بعرض عليك عرض عارف انك هتوافق علية عشان انت بتحب الفلوس اكتر من اي حاجة ف الدنيا قلت اية ؟؟
كرم :: موافج يا باشا بس چنة هتوافج تتجوزك كييف ؟
الباشا :: مالكش دعوة اتفاقي معاك انك تطلقها وبس والباقي دة بتاعي .
كرم :: اتفجنا يا باشا .
الباشا :: تماما وانا هقولك تعمل اية ؟
** كرم روح البيت ودخل مكلمش جنة والصبح هي صحتة عشان يفطر وينزل الشغل ف صحي وقام قعد علي السفرة *
كرم :: بصي يا چنة انا عايز اتحدت معاكي ف كلمتين كدي ..
جنة :: جول يا كرم ؟
كرم :: انا هصفي كل شغلي هنا ف اسكندرية وهسافر الصعيد .
جنة :: طب والوكالة والشغل اللي هنا ؟
كرم :: انا هبيع الوكالة بالتوكيل اللي انتي عملاة وهصفي كل حاچة هنا وهسيب اسكندرية .
جنة :: تبيع وكالة اخويا يا كرم دة اخويا الله يرحمة جعد سنين يبنيها بعرجة وشجاة وبلد ايي اللي هنروحها دلوك واحنا لينا مين فيها انت ومالكش حد هناك واني اخواتي كلهم ف اسكندرية ؟
كرم :: اني مجولتش انك هتأچي معايا البلد اني هسيب اسكندرية لحالي ومش هرچع تاني .
جنة :: طب واني يا كرم هتعمل فيا ايي وهروح فين ؟
كرم :: انتي طالج يا جنة طالج بالتلاتة وملكيش معايا عيش تاني .
جنة :: انتا بتجول ايي يا كرم انتا ناسي اني عملت ايي عشانك دة ان ملكتك كل حاچة تحت يدك ف اﻻخر تطلجني وعايز ترميني الرمية دي ؟
كرم :: هو دية اللي عندي وعايز ارچع اخر النهار ملجكيش ف الدار دية .
** كرم قام مشي و جنة انهارت من العياط ومن الصدمة اغمي عليها مفقتش غير بعد ساعات علي صوت خبط علي الشقة الي هي فيها واستغربت ﻻن المفروض كرم بيقفل باب البيت من تحت ولما بيرجع بيفتح ببا الشقة بالمفتحا مابيخبطش قامت فتحت ولقيت الباشا هو اللي علي الباب *
الباشا :: مساء الخير يا مدام .
جنة :: ايوة مين حضرتك وعايز ايي؟
الباشا :: مش فاكراني دة انا كنت لسة هنا من يومين ؟
جنة :: حضرتك الضيف اللي كان حدانا اولت عشية بس كرم مش موچود دلوك .
الباشا :: ما انا عارف انا كلمتة علي الوكالة قالي اجيلة هنا وهو هيجلي دلوقتي ممكن ادخل وﻻ هتسبيني علي الباب كدة ؟
جنة :: اني لحالي هني مع العيال الصغيرة ومجدرش اجولك ادخل مايصحش .
الباشا :: متقلقيش كرم مش هيزعل انا جاي بخصوص الموضوع اللي كلمك فية الصبح انة هيسيب اسكندرية ويمشي وعايز يسيبك انتي كمان انا جاي اتكلم معاة عشان نحل الموضوع دة .
جنة :: والنبي صوح يعني انتا جاي عشان كدي ؟
الباشا :: اكيد بس مش هفضل واقف علي الباب وخلاص امشي وابقا اجي يوم تااني .
جنة :: ﻻه ﻻه ﻻه خلاص اتفضل لحد ما يأچي كرم بس هسيب الباب مفتوح .
الباشا :: اللي يريحك اعملية بس من فضلك فنجان قهوة مظبوط عجبتني اووي القهوة بتاعتك لما كنت عندكم .
** الباشا دخل وقعد ف اوضة الضيوف وجنة سابت باب الشقة مفتوح ودخلت المطبخ تعملة قهوة وخلصت وراحت اوضة الضيوف تديهالة **
الباشا :: اقعدي يا جنة عايز اتكلم معاكي شوية ف حاجة مهمة .
جنة :: مايصحش يا بية حضرتك ضيف واني دخلتك لما جلتلي ان كرم هو اللي جايلك وادتني امارة لكن غير كدي مجدرش اجعد معاك .
الباشا :: طيب هاتي التليفون هتصل بكرم كدة اشوفة ف الوكالة وﻻ خلاص جاي .
** جنة راحت تجيب التليفون اﻻرضي ورجعت ادتهولة وهو اتصل بالوكالة ف **
الباشا :: ايوة يا كرم انا ف البيت عندك اهو . .. اة جنة ضايفتني بس مش راضية تقعد معايا عشان اتكلم معاها ينفع كدة ؟ ~.. خد كلمها بنفسك انت .
* الباشا ادا السماعة ل جنة اللي مش مصدقة ان كرم يكون موافق علي اللي بيحصل دة **
جنة :: ايوة يا كرم والله اني دخلتة لما جالي انك جلتلة يسبجك علي الدار هني واداني امارة بالحدي ت اللي دار بينا الصبحية وجالي انة چاي عشان كدي .
كرم :: اجعدي مع الباشا واسمعي عايز يجولك ايي وﻻزم تعرفي اني موافج علي اللي هيجولة كلاتة .
جنة :: اللي تشوفة يا كرم بس والنبي بلاش تهملني ف اسكندرية والنبي ردني وانا هعيش خدامة تحت رچليك .
كرم :: انا هجفل دلوك وانتي اجعدي مع الباشا يلا ؟
** كرم قفل وجنة قعد وهي مفكرة ان الباشا هيصلح بينها وبين كرم **
الباشا :: اتأكدتي بنفسك دلوقتي واطمنتي انك كدة مبتعمليش حاجة غلط ؟
جنة :: سامحني يا بية اني معرفش حجك عليا بس الواحدة منينا ﻻزم تصون چوزها .
الباشا :: حتي بعد ما طلقك الصبح ؟
جنة :: ساعة شيطان يا بية واهو يروح يردني عند شيخ وربنا يتجبل ان شاء الله اني سمعت كدي م الحريم جبل سابج .
الباشا :: طب بصي يا جنة كرم مش هيردك ل عصمتة هو طلقك وقبض التمن قصاد انة يطلقك كمان يعني مش هيرجعلك علي زمتة ابدا دة اوﻻ .
جنة :: انت بتجول ايي يا بية كرم چوزي طلجني وجبض حج طلاجي .
الباشا :: ايوة يا جنة قبض ٥ مليون جنية عشان يطلقك .
جنة :: ولية كرم يعمل كدي ؟
الباشا :: علشان هو معندوش اغلي من الفلوس وقصاد السعر المناسب باعك ل اول واعلي مشتري .
جنة :: ومين اللي جالو يطلجني ؟
الباشا :: انا يا جنة انتي جمالك دة مايستهلوش اللي زي كرم انتي تستحقي واحد يقدر الجمال ويعيشك زي الهوانك ف قصر كبير مش هني ف شقة ومقفول عليكي ليل ونهار وطول الوقت ضرب واهانة .
جنة :: انتا اللي جلتلة يطلجني لية كدي حرام عليك ؟.
الباشا :: بصي يا جنة انتي دلوقتي قدامك حلين يا توافقي تتجوزيني بعد شهور العدة بتاعتك ما تخلص يا بنتك هتموت وهخليكي تعيشي بقية عمرك ندمانة انك رفضتي عرضي دة .
جنة بصريخ وعياط :: انت بجول ايي حراام عليك انتا مش بني ادم انتا شيطان .
الباشا :: هو دة اللي عندي هتوافقي علي الجواز يبقا تمام هتيجي تعيشي معايا ف القاهرة وتنسي ان ليكي اهل ف اسكندرية حتي بنتك دي تنسيها دة لو خايفة علي حياتها ﻻن لو حصل ف يوم انك خالفتي اﻻتفاق دة هقتلها هي وكل عيتلك انتي متعرفيش لسة انا واصل ل اية ف البلد دي .
جنة :: ابوس يدك سبني ف حالي اني وبتي انا ماليش غيرها ف الدنيا سيبها تعيش وسبني لحالي عندك ستات الدنيا كتيير .
الباشا :: انا لفيت الدنيا كلها مفيش واحدة قدرت تخطفني من اول ما شوفتها غيرك عشان كدة كلامي دة مفيش رجوع فية انا همشي دلوقتي وهتصل بتليفون البيت بليل اعرف ردك كرم مش هيجي البيت الليلة ومتحاوليش تخرجي من البيت ﻻن رجالتي بيحرسوة دلوقتي ما انتي خﻻص بقيتي تخصيني ولو حاولتي تكلمي اي حد من اهلك تعرفية يبقي بتحكمي علية بالموت او السجن بقية عمرة هو وباقي اهلك كلهم .
**جنة بتعيط ومنهارة مش قادرة تتكلم**
الباشا :: قدامك لحد الساعة ١٢ بليل بالظبط هتصل اعرف ردك ويا تطلع الشمس وانتي بتجهزي لحياتك الجديدة يا تطلع وانتي بتحضري كفن ل بنتك .
** الباشا قام خرج وجنة قعدت علي اﻻرض تعيط وتصرخ ومش عارفة تعمل اية ومعتز وهجر جم عليها ف خدنهم ف حضنها وفضلت تعيط ومبقتش عارفة تعمل اية وفضلت قاعدة بتعيط وعمالة تبص ل جنة ومعتز اللي بيعيطو علي عياطها لحد ما نامو وهي فضلت قاعدة جمب التليفون وخايفة انة يرن لحد ما جة نص الليل التليفون رن *
جنة :: الو .
الباشا :: ايوة يا جنة انا الباشا قررتي ؟
جنة :: اني عايزة اخد بتي معايا لو هتتچوزني .
الباشا :: طلبك مرفوض انا مستحيل اقبلة انا عايزك تنسيها و تنسي حياتك القديمة كها وهتبدائي حياة جديدة بأسم جديد .
جنة :: عايزة اجعد ف دار ل حالي لحد ما اتم شهور العدة ومهتحاولش تجربلي واصل لحد ما اتمهم .
الباشا :: تصدقي عجبتين اوووي وانا موافق بس ف ال ٣ شهور دول تبدائي تغير لهجتك وانا بهعتلك مرسين لغات يعلموكي كل حاجة من اول اللهجة المصري مش الصعيدي لحد اﻻنجليزي والفرنساوي وكمان اصول اﻻتيكيت وكل حاجة تخليكي هانم تليق بمكانتك ك مرات الباشا .
جنة :: موافجة جصاد ان بتي تبجا ف امان وتعيش مع اخوالها كرم مايخدهاش عايزاهم هما يربوها .
الباشا :: موافق يا جنة عندك طلبات تانية ؟
جنة :: اني معيزاش غير امان بتي وبس .
الباشا :: يبقي اتفقنا والصبح هتجيلك عربية تاخدك من قدام البيت اركبي ومتخافيش علي بنتك كرم هيجي بعد ما تمشي يوديها بيت اهلك اوعدك مش هيحصلها حاجة .
جنة :: ﻻه مش بكرة خليها بعد يومين تلاتة عشان الحج اجعد مع بتي .
الباشا :: معاكي ٣ ايام وبعدها ننفذ اﻻتفاق .
جنة :: ربنا يعلم اني معيزاش بس عشان بتي اني اعمل اي حاجة ف الدنيا .
*********************
**جنة فاقت من ذكرياتها وهي بتحكي ل هجر لقيت هجر في دموع ف عينيها **
جنة :: وليلتها يا بنتي كتبتلك جواب وسبتة ف صندوق امانة مع خالك يديهولك لما تكبري عشان تعرفي اني مرمتكيش بس مكنش ينفع اقولك علي اللي حصل خوفت عليكي تيجي ورايا او حتي خالك يفتح الجواب ويعرف اللي حصل .
هجر :: وانا مفكرتيش فيا طول السنين دي كت ازاي من غيرك ؟
جنة ::ربنا وحدة اعلم بيا مفيش ليلة كنت بنام من غير ما افكر فيكي عاملة اية اكلتي وﻻ ﻻ تعبانة وﻻ سليمة ..
هجر :: طب ومعتز انتي اللي كنتي بتراعية السنين دي كلها ؟
جنة :: ايووة مع الوقت قدرت اشغل ناس من اللي شغالين عند الباش لحسابي وعرفولي ان معتز راح ملجا وعرفو مكانة وبقيت اخليهم يبعتولة كل حاجة هو محتاجها ولما كبر وصيت مكتب محامي كبير يشغلة وكنت بتابعة ف كل خطوة بيعملها ف حياتة .. لحد ما المفاجاة اللي مكنتش اتوقعا بعد سنين ﻻني فكرت اخوايا قطع الجواب او ومدهولكييش اتفاجاءت باللي متابع معتز بيقولي انة الفراش بتاع مكتبة بلغة انة في واحدة قريبتة جت زارتة وانا عارفة ان معتز مالوش قرايب وﻻ حد يعرف طريقة او حاجة عنة غيري وغير ملجا اﻻيتام اللي اتربي فية .
هجر :: وطبعا الفراش او اي حد من رجالتك صورني لما جابلت معتز تاني و وراكي الصورة .
جنة :: فعلا ولما شوفتك عرفتك انا كنت علي مدار السنين بخلي رجالتي يصوروكي وانتي ماشية بعد المدرسة ولما لما وصلتي ثانوي ويوم ظهور النتيجة وانتي فرحانة بنجاحك و اول يوم ف كلية الطب كل صورك الذكريات دي هي اللي بتصبرني علي فراقك وبفضل اشوفها طول الوقت والباشا مش موجود .
** جنة قامت مدت دراعاتها ناحية هجر **
جنة :: ارجوكي يا بنتي خليني احس بحضنك ل اول مرة ف حياتي .
هجر :: انتي معرفاش اني عشت سنين نفسي ف الحضن دية .
جنة :: انا اكتر منك .
** جنة اخدت هجرر ف حضنها واﻻتنين فضلو يعيطو وهما ف حضن وجنة مش مصدقة ان بعد السنين دي كلها اخيرا بنتها بقيت ف حضنها بس افتكرت الباشا ف اللحظة دي *
جنة :: انا من وقت ما جيتي هنا وانا مكنتش شاكة انك عارفاني وكنت فاهمة انك قدرتي توصلي للباشا عن طريق كرم اللي اكيد كأن مأمن نفسة بأي حاجة تدين الباشا لكن دلوقتي خوفت عليكي اكتر .
هجر :: متخافيش عليا دة انتي حتي بتجولي انك خابرة كل اللي كت بعملة .
جنة :: عشان كدة خايفة عليكي عشان متهورة والعرق الصعيدي عندك فاير علطول .
هجر :: اني مههملش طاري واصل .
جنة :: ولا انا سبت طاري بس الباشا وابنة مش ساهلين وانا بقالي سنين بخطط عشان اوقعهم وخﻻص هانت اهو ف ارجوكي بلاش تصرفات متهورة واﻻ هتبوظي كل اللي فضلت سنين ابنية انا كنت بحلم باللحظة اللي اخلص فيها من الباشا وابنة وساعتها اقدر اجيلك ونعيش سوا ف امان .
هجر :: طب فهميني ناوية علي ايي ؟
جنة :: الباشا في مقبرة رجالتة هيفتحوها قريب وفي مقبرة تانية بيحلم من سنين يوصلها وباﻻتنين دول هقدر اقضي علية انا عملت خطة لازم لها خطوات كتير وخلاص قربت تتنفذ .
هجر :: طب واني دوري ايي ؟
جنة :: انتي دلوقتي تروحي ل احمد اللي قالب مصر عليكي حتة حتة وعمال يدور عليكي ف المستشفيات واﻻقسام وكل حتة وكل كام يوم يروح يلف علي كل تة .
هجر :: انتي كمان بتراجبي احمد ؟
جنة :: مش بنتي وﻻزم اطمن عليها اوتأكد ان اللي بتحبة بيحبها مش انتي بتحبية بردو ؟
هجر اتكسفت :: ماليش ف الحديت دية الحب والحاچات دي مش ليا اني مكتش عايزة غير الطار وبس عشان انتجم من كرم واجدر اعريف مينية حوصلك اية ولما اتجبض علية كنت هساومة واعريف منية وليلتها شوفت الفيديو اللي فية صورتك مع الباشا ف جيت علي مصر جري وخليت معتز يطلع لي بطاجة بأسم تاني عشان اشتيغل هني .
جنة :: طب يلا روحي ل احمد دة عنوان شغلة مش بيخلص قبل ساعتين من دلوقتي ..
** هجر حضنت امها تاني **
.............................
** احمد قاعد ف اوضة الكشف *
احمد :: اية نسرين في حاﻻت تاني برة احسن انا خلاص تعبت النهاردة ؟
نسرين :: الحالات كلها خلصت بس في واحدة مستنية من بدري .
احمد :: ومدخلتهاش لية خلينا نخلص ؟
نسرين :: هي اللي طلبت تستنا لما الحاﻻت تمشيب وقالتلي مقولكش عشان متعطلكش .
احمد :: وتطلع مين دي ؟
نسرين :: معرفش يا دكتور هي قالت انها معرفتك من البلد .
احمد :: مقالتش اسمها اية ؟
نسرين :: مش فاكرة تقريبا هاجر
احمد بصدمة وفرحة :: هجر ؟ دخليها فورا وﻻ اوعي انا هخرجلها .
** احمد خرج لقا هجر قاعد و اول ما شافتة قامت وقفت وهو جري عليها واخدها ف حضنة حاولت تصدة لكنة مقدرتش وف نفس الوقت حست بالراحة واﻻمان بجد واﻻتنين محسوش بنفسهم غير علي صوت نسرين الممرضة بتتنحنح **
احمد ب احراج شديد :: نسرين اعرفك دي هجر خطيبتي كانت مسافرة ** وبص ل هجر بعتاب ** بص طولت الغيبة اووي وانا مكنتش عارفة اوصلها .
هجر بصت ل احمد :: غصب عني كان لزمن اعرف كل حاچة عن امي جلتلك جبل سابج اني معرفش عنيها حاچة واصل وچت فرصة اني اعريف ومكنش ينفع اجولك واصل علي اللي خلاني اعمل كدي ..
احمد :: المهم دلوقتي اني معايا وقدامي مش عايز حاجة تاني من الدنيا بعد كدة كفايا عليا انتي وبس .
هجر :: اني معاك اهو وجدامك كمان .
احمد :: يعني مش هتبعدي تاني ل اي سبب ؟
هجر :: ﻻه مش هبعد واصل اني دلوك اتؤكدت انك بتحبني صوح .
احمد :: طب وانتي بتحبيني بردو زي ما بحبك وﻻ انا اللي بحبك بس ؟؟
** هجر اتكسفت وبصت ف اﻻرض ف احمد قرب منها تاني ورفع دقنها بايدة ف ضربت ايدة ب ايدها **
هجر :: كأيوانك ناسي عملت فيك ايي جبل سابج لما مديت يدك ؟
احمد :: يا بنتي انتي بتتحولي ما انتي لسة من دقايق كنتي ف حضني وزي الفل اية اللي حصلك ؟
هجر :: ﻻه يا اخويا انت خدتني علي مشمي ومحلجتش اعافر لكن تاخدها حلوانة ف سلوانة هشتوف الوش التاني .
احمد :: ﻻ والنبي انا مصدقت انك رضيتي عني وكفايا انا شوفت منك الوش التاني كتيير .
هجر :: يبجا لم يدك وخليها معاك احسن ما اخليك تتوحشها .
احمد :: بحبك يا متوحشة .
هجر بصوت واطي :: واني كمان .
احمد :: ﻻ مش سامعك واية وانا كمان دي هو انا بكلم عم عبدو البواب عشان تردي كدة نفسي اسمعها منك مرة يا حبيبتي .
هجر بكل كسوف الدنيا وبصوت واطي :: بحبك .
احمد :: اخيرا نطقتي دة انا هعمل فرح دلوقتي .
هجر :: اتلم بجا ومتكسفنيش احسن وديني ما اجول حاجة تاني واصل .
.............................
تعليقات
إرسال تعليق