رواية أحببتها صعيدية الفصل التاسع والثلاثون 39 نور الدين جلال

ديبة الجبل :: بت يا نچد تعالي يا هني يا بتي .

نجد :: حاضر ياما اني چيت اهو .

ديبة الجبل :: اومال فين الديبين بتوعك مشيفهمش لية ؟؟

نجد :: بيرحو يصطادو ويرچعو معاهم ارنب او اي حاچة وبيسبولي حتة كمان ياما .

ديبة الجبل :: انتي كأنك منيهم يا نچد والديابة بتساعد اي ديب مايكونش جادر يصطاد .. يلا عايزاكي توريني بجيتي ازاي دلوك ف النشان ؟

نجد :: انا تعبت من الحاچات دي ياما انتي علطول تخليني اتعلم النشان وحدف السكاكين والچري وركوب الحصان وبفضل اجع من علية كتير لزمتة اية دية ياما ؟؟

ديبة الجبل :: عشان تجدري تحمي روحك يا بتي .

نجد :: احمي روحي من اية انتي ربتيني اني مخفش من حاچة واصل وكمان معايا الديبين ليل وجمر ؟

ديبة الجبل :: يا بتي انتي عايشة ف الصحراء واني مجدرش اطلعك الچبل تعيشي وسط الهجامة دول ياكلوكي واكل اني كدي مطمنة عليكي الهچامة مالهمش عيشة دايمة والحكومة ممكن تطب علينا ف اي وجت ومحدش ف الهچامة لية دي تمنة رصاصة تخلص علية .

نجد :: حاضر ياما اللي تشوفية عايازني اعمل ايي دلوك ؟؟

ديبة الجبل :: تركبي الحصان وتضربي نار من علية علي الصخرة اللي هناك دي .

** فعلا نجد البنوتة اللي وصل سنها دلوقتي ١١ سنة ركبت الحصان وهي شايلة البندقية وبدات تجري بية وضربت نار علي الصخرة والحصان بيجري وقدرت فعلا تصيبها ** وبعد التدريبات دي قعدو ياكلو و اول ما خلصو اﻻكل ديبة الجبل قامت علشان تمشي فجاءة لقيت سباعي ومعاة برعي وكذا راجل من الهجامة بيحاوطوها **

سباعي :: بجا كدة يا ديبة بتستغفليني اتشاهدي علي روحك ..

ديبة الجبل :: انت خابر انت بتجول اية يا سباعي الله ف سماة ادفنك حي دلوك لو ما نزلت سلاحك دلوك .

سباعي :: يأك فاكرة اني هخاف منيكي زي الرجالة الخايبة دي وﻻ تكونيش مستنية عوض يچيلك ؟ الرچالة دلوك زمانهم خلصو علية ف الچبل ..

ديبة الجبل :: جتلت عوض ؟ يمين بالله ل اجتلك فيها دي يا ولد الحرام انتا .

سباعي :: متنسيش تجري الفاتحة لما تچابلي عوض اتشاهدي علي روحك وﻻ اجولك ابجي اتشاهدي ف اﻻخرة .

** ديبة الجبل شاورت ل نجد اللي استخبت ورا صخرة جمبهم وطبعا سباعي وبرعي والرجالة شايفينها *

ديبة الجبل :: البت مالهاش صالح باللي ف دماغك عايز تخلص عليا يبجا هملها لحالها دي عيلة صغيرة .

سباعي :: مفيش حد منيكم هسيبة حي وﻻ صغيرة وﻻ كبيرة كلاتكم هتموتو اني محدش يضحك عليا واصل .

ديبة الجبل :: لو جربت منيها هجتلك يا سباعي ::

سباعي :: روح يا برعي هات البت دي .

برعي :: تكون بتها يا كبير .

سباعي :: امها منين يا واد اتخبلت ايأك هاتها وهي هتجر بكل حاجة .

** برعي راح ناحية نجد ومسكها غصب عنها وراح بيها ل سباعي *

سباعي :: هتجولي يا ديبة مين دي وانتي بتدبريلي ايية وﻻا ﻻااه ؟؟

ديبة الجبل :: دي البت اللي كتو هتفتحو بيها المجبرة زمان وطلع عليكو الديابة .

سباعي :: بجا كدي يعني انتو كمان عايزين تسرجو المجبرة لحالكم جولي جولي كمان طلعي اللي عيندك .

ديبة الجبل :: لو ع الجوالة ف انت كت بتجولي اجري الفاتحة ل عوض لما تجابلية مش كدي .

سباعي :: ايية اتوحشتية جووي وعايزة تروحيلة يأأك ؟

ديبة الجبل :: لاااه كت عايزاك تجولها بنفسك ل عوض .

** ف نفس اللحظة ظهر رجالة كتير من بين الصخور ووحاوطو سباعي وبرعي ورجالتهم وظهر عوض من وراهم **

عوض :: كان عيندك حج يا ديبة اني مأأمنش لحد واصل يكون معرفة برعي .

برعي :: انت عايش كييف اني موصي الرچالة تجتلك ف الجبل ؟

عوض :: الرچالة اللي بجالها سنين ملاددش عليها سباعي الظالم واللي بيعملة فيهم .. الرچالة اللي مرضيتش انهم يغدرو بيا عشان بكرة هيتغدر بيهم هما كمان طالما سباعي مالوش عزيز .

سباعي :: انتا جلبت رچالتي عليا يا عوض .

عوض :: ظلمك هو اللي جلبهم عليك افتراك عليهم و واكل حجهم ومهمكش تخسرهم واصل ي اخي دة انت لو طولت تبيع عيال الهچامة وتجبض جبالهم جرشينات هتعميلها الرچالة بجالها سنين واجفة معايا ومع ديبة الچبل ودلوك جية الوجت اللي نجولك بكفايا يا سباعي .

** سباعي شد نجد ناحيتة و وهو بيمسكها ديبة الجبل حاولت تتحرك ناحيتة ف ضرب نار عليها لكن عوض وقف قدامها واخد الرصاصة هو.* وسباعي شد نجد وبقا حاطط السلاح علي دماغها **

سباعي :: جولي للرچالة تنزل سلاحها يا ديبة واﻻ هجتل البت دي .

ديبة الجبل :: خسيس وجبان وتجتل راچل غدر وهو ضفرة ب الف منيك ودلوك تتحامي ف عيلة صغيرة .

سباعي :: هتخليهم ينزلو سلاحهم وﻻ اجتلها اني ماليش عزيز .

ديبة الجبل :: نزلو سلاحكم يا رچالة .

** اول ما الرجالة نزلو سلاحهم رجع لورا ونزل سلاحة وطلع خنجر من جنب الجلابية بتاعتة **

سباعي :: اني بجا هدبحها جدام عينك واعمل اللي عوض مجدرش يعملة زمان .

ولسة بيرفع ايدة بالخنجر عشان ينزل بية علي رقبة نجد هجم علية ذئب وعض ايدة والتاني عض كتفة ونجد قدرت تتحرر منة وجريت ناحية ديبة الجبل اللي اخدتها ف حضنها **

** سباعي بقا بيصرخ والديباة بتهاجمة :: الحجوني يا رچالة .

** لكن محدش من الرجالة اتحرك من مكانة وكلة نزل سلاحة **

اول ما الذئبين انتهو من سباعي جريو ناحية نجد و وقفو جبها وبقو يزومو علي الرجالة اللي رفعو سلاحهم ناحيتهم **

ديبة الجبل :: نزلو سلاحكم يا رچالة .

** الرجالة كلهم نزلو سلاحهم ف الذئبين هديو وبقو يلمسو بوشهم رجلين نجد **

ديبة الجبل نزلت علي ركبها جمب عوض الي بينزف **

ديبة الجبل :: اجمد يا عوض دلوك هناخدك ع الچبل ونطيبو چرحك هناك ..

عوض بيتكلم بصعوبة وبوقة بينزف :: خلاص يا ديبة معدش فية فايدة اني خلاص كدي هجابل وجة كريم ادعيلي ربنا يسامحني .

ديبة الجبل :: بدعيلك وهدعيلك يا ولدي .

عوض :: وصيتك الچبل وناسة يا ديبة ﻻولاش سباعي كان زمنهم ف عيشة غير العيشة ما انتي خابرة زين في غلابة كتير جووي وهربانين من ظلم الناس .

ديبة الجبل :: اطمن يا عوض كل حاچة هتوحصل زي ما كان نفسك تمام .

** عوض اتشاهد وقبل ما يكمل الشهادة لفظ انفاسة اﻻخيرة واتوفي **

ديبة الجبل قفلت عينية بايدها وقرات الفاتحة علية وقامت وقفت **

ديبة الجبل :: يا رچالة اللي حوصل دلوك ﻻزمن محدش يدرا بية ف الچبل وكل واحد فيكم هيحلف علي مصحف انة مهيجيبس سيرة واصل عن ايتوها حاجة ل جنس مخلوج من باجي الهچامة لحد ما نشوف مين هيبجي كبير الهچامة .

برعي خرج من وسط الرجالة :: انا هبجي الكبير مكان سباعي .

ديبة الجبل :: انتاا زيك زي سباعي نفس الطينة ومن النهاردة مالكش عيش وسط الهچامة ؟

برعي :: يأك فكراني سباعي هتأكلني الدياية دة اني هطوخكم كلاتكم دلوك .

** ديبة الجبل بصت علي سلاحها لقيتة بعيد و ف نفس اللحظة اللي رفع سلاحة عشان يضرب بية كان في سكينة شقت الهواء ودخلت قلبة **

بصت ديبة الجبل لقيت نجد هي اللي حدفت السكينة اللي كانو بيقطعو اﻻكل بيها ف حضنتها جااامد اوووي **

الرجالة كلهم حنو راسهم وضربو نار ف الهوا وهما بيقولو :: الديبة كبيرة الچبل الديبة كبيرة الچبل ..

نجد وهي بتعيط :: اني جتلتو ياما ..

ديبة الجبل :: لو مكتيش جتلتية كان جتلنا يا بتي هو دية الچبل وعيشتة يا تجتل يا تتجتل وﻻزمن تنام وانت مفتح عينك اللي يسهي يروح يا بتي مفيش امان لحد .

نجد :: بس انا بأمنلك وبحبك ياما .

ديبة الجبل :: عشان كدي يا بتي ﻻزمن تفضلي هني واني هچيلك لحالي كل يوم لكن مجدرش اطلعك الچبل معيا في ١٠٠ راجل هيبجو عايزيني اموت عشان يبجو كبار الچبل ولو چيتي معايا هيخلصو منيكي جبلي .

نجد بعياط :: بس اني عايزاكي تفضلي معايا ياما .

ديبة الجبل :: مجدر ومكتوب غصب عني يا بتي ﻻزمن امشي دلووك وهطل عليكي كل يوم والتاني اجعد معاكي .

** ديبة الجبل ركبت حصانها والرجالة شالو عوض وسباعي وبرعي علي اﻻحصنة ومشيو وراها **

** ومرت سنين علي الحال دة وكل ما تكبر نجد كل ما زيارات ديبة الجبل تقل لحد ما تمت نجد ال ٢٥ سنة وهي عايشة ف المقبرة مع الذئبين ومكتفية بالصيد مع الذئبين و زيارات ديبة الجبل ومكانتش بتشوف حد ابدا و اول ما تحس بصوت احصنة جاي بتنزل المقبرة من النفق تستخبي ومحدش كان يعرف عنها حاجة غير ديبة الجبل لحد ما في يوم اتغير كل دة للابد **.

................

حان دوري الآن، سوف أتركك وأعود لك في أي وقت لاحق فلا تتعجل مجيئي قد آتي إليك في أي وقت وعليك أن تتفرغ لرحلتك معي؛ لأنك ستستمع معي كثيرا ف الحكاية القادمة عن عائلة السلطان نفسة

الي ان نلتقي لك مني كل التحية أنا #ولهان_حارس_كنوز_واسرار_ارض_السلطان

إلى اللقاء يا عزيزي في حكاية واسرار جديدة من ارض السلطان .

...............................

** شمايل او ديبة،الحبل خلصت حكي،وبصت للبنات اللي كانو بيبصولها ومتلهفين انها تكمل **

شمايل :: خلاص كدي يا بنات اديني حكيتلكم حكاية بت المساخيط.

رحيل :: لا يا خالة انتي كدة محكتيش اللي كنا عايزين نعرفو بردو.

فريدة :: ايوة اية اللي جاب رسمة للبنت دي هنا واية علاقتها ب اهل البيت لانك قلتي الكلام يخص ناس ماتت من اهل البيت دة؟

شمايل :: دي حكاية تانية يا بتي لولاة يمكن مكتش هبجا جاعدة وسطيكم دلوك وعايشة من اصلة.

رحيل :: للدرجة دي الموضوع كبير.؟

شمايل :: راح فية ناس كتيير جوي.

فريدة :: طب احكيلنا يا خالة.

شمايل ::مهجدرش يا بتي اكتر من اللي جولتة ابجا بخون العهد.

** ف نفس اللحظة دخل مهيب **

مهيب :: كيفك ياما شمايل؟

شمايل :: زينة يا ولدي مبارك عليك بجيت سيد البلد كيف ابوك وچدك.

مهيب :: انتي خابرة زين اني مكتش عايز كدي ولا سعيت لية بس مكش ينفع اسيبها لغريب.

شمايل :: خابرة يا ولدي بس انتا جدها وهتقدر تسد ع اللي چاي كلة انت كيف ابوك اسد ميهابش المووت.

مهيب :: عشان كدي مابتحكليش عنة حاچة واصل؟

شمايل :: كلها حكاوي جديمة متهمكش يا ولدي ومتشغلش راسك بيها ركز ف البلد واللي فيها.

فريدة :: ممكن يا استاذ مهيب تخليها الخالة شمايل تكملنا حكاية بنت المساخيط ؟

** مهيب وشة كشر اووي **

مهيب :: ايي دية ياما شمايل وانتي من ميتا بتجولي الحكاية دي ل حد؟

رحيل ردت بسرعة :: الخالة شمايل مالهاش ذنب اختا شوفنا الرسمة،بالصدفة ف المكتب سألنها واصرينا انها تحكلنا.

مهيب :: جفلو ع الحديت دية وانتي ياما شمايل شوفي العمة هند مشيفهاش من وجت ما دخلت الدار.

شمايل قامت وراحت ل هند و مهيب فضل مع رحيل وفريدة **

رحيل :: انا اسفة يا استاذ مهيب حقيقي والله مكناش نقصد نزعل حضرتك او نتدخل ف خصوصياتكم وفعلا الخالة شمايل مالهاش ذنب احنا اللي اصرينا وضغطنا عليها عشان تحكي.

فريدة :: اة والله وهي مرضيتش تحكي الا عشان احنا ضيوفك وكانت مش عايزة تزعلنا ف متزعلش منها دة انا حبيتها اوووي.

مهيب :: حوصل خير بس حدانا هني في حاچات بنسيبها مجفولة عشان لما بتتفتح بتصحي حاچات ياما.

فريدة :: استاذ مهيب ممكن اسألك سؤال ؟

رحيل :: بس يا فريدة متزعجيهوش بتفاهتك ؟

مهيب :: ولا ازعاچ ولا حاچة اتفضلي يا انسة ؟

فريدة :: انت عندك كام سنة اصل شكلك صغير علي انك تبقي كبير عيلة وبلد كدة الصراحة ؟ و درست اية ؟ والعمة هند قالت ان اخواتك ف القاهرة يعني انتا عايش هنا ولا ف القاهرة ؟؟

مهيب بابتسامة :: كل دة سؤال واحد؟

رحيل :: معلش يا استاذ مهيب هي فريدة كدة دايما رغاية اتفضل حضرتك سيبك منها تصلا،هي كدة فضولية.

مهيب :: انا هجاوبها.

فريدة :: بجد شكرا اووي اسمتي انتي يا رحيل اهو الراجل كلة ذوق وهيرد عليا.

رحيل :: خلاص هخرج انا منها.

مهيب :: لا خالص مجصديش اكسفك يا انسة رحيل.. بصو اني مش كبير جوي ف السن اني ٢٧ سنة وموضوع العيلة والبلد دية مش بالسن هني دية بالاحج واللي يثبت انة يصلح ويكون احج بسيادة البلد كلاتها ولزمن يكون من نسل السلطان مباشرة مش اي فرع تاني ف العيلة.. وبالنسبة للمعيشة ف انا عايش بين الاتنين القاهرة والصعيد.

فريدة :: وانت اثبت ازاي انك تصلح عشان الناس تتمسك ليك كدة ؟

مهيب :: بالدم.

رحيل بصدمة :: انتا لازم تقتل حد عشان تبقي الكبير؟؟

مهيب :: لاه مجتلتش حد واصل بس نزفت الدم من غير خوف ودي موضوع كبير يطول شرحة.

رحيل :: الحمدلله انا اتخضيت فكرتك قتلت حد قبل كدة اصل بصراحة التعامل معاك من بعيد يحسك شرير او قاسي لكن الكلام معاك مريح ويحسس انك طيب اووي.

فريدة :: احم احم .

رحيل :: اسفة مكنتش اقصد بس الكلام طلع كدة لوحدة .

مهيب :: ولا يهمك يا انسة بالاذن اني.

* مهيب مشي **

فريدة بضحك :: ايية يا بنتي مش عارفة تمسكي نفسك قدام الموز ؟

رحيل ::موز اية انتي فهمتي غلط انا كنت بتكلم عادي مقصدش حاجة.

فريدة بضحك :: اة مهو كان باين عليكي وانتي بتتكلمي.

رحيل :: هو انا كنت مفضوحة اووي للدرجة دي؟

فريدة :: دي كلمة قليلة دة انتي كنتي بتبصيلة كأنك ماسكة يافطة وبتقولي انا معجبة بيك بس هو الصراحة كان باصص ف الارض وهو بيكلمك تقريبا في جنية فكة واقع منة بيدور علية.

رحيل :: بس يا غلسة وكفايا غلاسة عليا تعالي نشوف العمة هند.

** مهيب طلع اووضتة وهو بيغير هدومة افتكر كلامة مع رحيل وبص علي المرايا علي جسمة وشاف اثار اصابة رصاصة ومكان تاني ل جرح كبير من اول جمبة اليمين ماشي ف بطنة وطالع لحد قبل القفص الصدري بكام سنتي وبص علي اثار جروح تانية ف كتفة ودراعة وابتسم وهو بيلبس هدوم النوم وقال :: بالدم.

******************

...................... قصر الباشا ف القاهرة ..............

جنة :: انا هحكيلك كل حاجة من البداية .

................. اسكندرية قبل ٢٦ سنة .............:.....

جنة بعد ما خلفت هجر وكانت بتهتم بمعتز كمان وكانت عايشة ومستحملة كل اللي كرم بيعملة فيها من اهانة ل ضرب وهو راجع سكران وبهدلة مفيش بعدها وطبعا عمللتة توكيل عام بعد ضغط كبير اووي منة وف يوم رجع ف نص اليوم بالنهار **

كرم :: اعملي حسابك جايلي ضيف مهم بليل عايزك تعملي عشاء كبير يشرف جدام الضيف حاكم دية باشا كبييير جووي من مصر .

جنة :: امرك يا كرم اللي تشوفة .

كرم :: معيزش ضفرك يبان للضيف وجت ما العشا يتحط ع السفرة تديني حس وتدخلي المطبخ متخرچيش مينية واني هچيلك اخد مينيكي الشاي والجهوة للضيف.

جنة :: امرك يا كرم بس مش بعادة يعني تعزم ضيوف ف الدار معملتهاش جبل سابج يعني ؟؟

كرم :: وانتي مالك تتدخلي ف اللي مالكيش فية لية بجولك دية باشا من مصر وفي شغل بيناتنا مهينفعش نتحدت فية جدام الناس ..

جنة :: خلاص يا كرم اللي تشوفة .

كرم :: اني شيعت العيال واني ف الوكالة يروحو يچيبو الطبات اللي طلبتها منيهم لزوم عزومة الليلة وزمانهم علي مجي واني هخش اجيلي ساعتين تلاتة علي ما الليل ياجي عايز ابجا فايج للجعدة دي .

** كرم دخل نام وبعد شوية جة صبيان من اللي شغالين ف الوكالة بالطلبات اللي بعتهم كرم يجبوها وجنة خدت الحاجة ودخلت المطبخ عشان تبدا تحضير العزومة والساعة ٩ بليل الباب خبط وكرم فتح بنفسة لقا راجل بيقولة ان الباشا وصل وكرم نزل استقبلة بنفسة وطلع بية الشقة **

الباشا :: بيتك حلو يا كرم .

كرم :: تسلم وتعيش يا باشا دة انت زيارتك عندي بالدنيا والله لو اطول كت فرشتلك اﻻرض ورد .

الباشا :: ﻻزم تفهم اني مبروحش لحد ابدا بس انا شايف ان انتا هتبقا مناسب للشغل اللي اخترتك عشانة وكمان عشان اجرب واجب الضيافة الصعيدي وﻻ قعدتك ف اسكندرية نستك اصلك ؟

كرم :: ديهدي دة احنا نعملو الواچب ونديك عينيا كمان يا باشا وان كان علي الشغل اني موافج من جبل ما اعرف واعتبرني من السعادي خدامك وطوع امرك كمان .

الباشا :: هنشوف يا كرم ..

** كرم سمع صوت جنة بتندة ان العشا جهز **

كرم :: طب يلا يا باشا اتفضل اﻻول نتعشو وبعد كدي اللي انتا عايزو اني تحت امرك فية .

الباشا :: يارب بس اﻻكل ما يكونش اسكندراني عايز اكل صعيدي .

كرم :: متجلجش يا باشا الجماعة بتاعتي صعيدية واكلها ﻻ يعلي علية .

الباشا :: شوقتني للاكل هناكل بقا وﻻ هنسمع سيرة اﻻكل بس .

كرم :: ﻻ يا باشا اتفضل *

** قامو اتعشو وبعد العشا رجعو اوضة الضيوف وقعدو يتكلمو **

الباشا :: بص يا كرم انا بحب اجيب من اﻻخر ماليش ف اللف والدوران عشان كدة هقولك اللي عندي علطول .

كرم :: وانا تحت امرك يا باشا مفيش احسن من الدوغري .

الباشا :: بص يا كرم انا ليا رجالة ف كذا بلد ف الصعيد بيتشغلو لحسابي وعايزك تبقي واحد منهم .

كرم :: وانا فديك الساعة لما اكون واحد من رچالة الباشا دة يوم المني يا باشا .

الباشا :: اسمعني للاخر عشان تعرف انا عايزك ف اية .

كرم :: لمواخذة يا باشا اتفضل كمل حديت .

الباشا :: الرجالة اللي بيتشغلو معايا بيتشغلو ف شراء اﻻراضي والبيوت اللي بيحددهلهم ناس تبعي وكل اللي عليهم انهم يشتروها عشان بيبقي متوقع ان تحت مقبرة فرعونية وبنحفر لحد ما نﻻقيها .

كرم :: يا ابوووي مجبرة مساخيط حتة واحدة دة بينة هيبجا شغل تجيل جووي .

الباشا :: انا لما اتعاملت معاك هنا ف اسكندرية وعرفت بلدك سألت رجالتي اللي ف بلدك هناك وقالولي اللي يعرفوة عنك وانا اخترتك تكون من رجالتي .

كرم :: طب واني هعمل اية و اني شغلي كلة هني ف اسكندرية ؟

الباشا :: انتا هتصفي كل شغلك اللي هنا وترجع البلد وهناك تشتري طبعا بيت كبير يليق بيك ما انت راجع غني وعايز الناس كلها تعرف وتفهم ان كرم مفيش اغني منة وان كان علي الفلوس ميهمكش .

كرم :: وبعد كدي يا باشا هعمل ايي ؟

الباشا :: هتشتغل ف اﻻراضي وتشتري كام حتة ارض كويسين عشان الناس كلها تعرف ان دي بقت شغلتك وانك بتتاجر ف اﻻراضي لحد ما الرجالة اللي هيبقو معاك وطبعا هتعرفهم لو وافقت علي الشغل دول بقا هيكونو علي تواصل مع الناس اللي بتحدد البيوت واﻻراضي اللي تحتها حاجة وانت عليك تشتريها والبيت اللي هيطلع فية مقبرة ونطلع منها اثار هيطلع ليك نسبة زي بقية الرجالة اللي معاك واكتر شوية عشان انت بتتعب اكتر منهم وهما عليهم توصيل وتسليم الحاجة وحاجات تانية اقولت اية ؟

كرم :: بصراحة يا باشا الحديت دة كبيير جووي عليا ومكتش فاكر انك عايزني ف شغل كدي .

الباشا :: افهم من كدة انك بترفض ؟

كرم :: ﻻه ﻻه يا باشا معاش وﻻ كان اللي يرفض حاچة تجولها هو اني اطول ابجا من رچالة الباشا اني بس اللي اتخدت شوية وسرحت مع الحديت دية جوي .

الباشا :: وردك اية بس اعرف ان ردك بالموافقة او الرفض مفيش رجوع فية .

كرم :: طبعا موافج يا باشا ومن بكرة الصبح هصفي كل حاچة ليا هني ف اسكندرية .

** ف نفس اللحظة دخل معتز الولد الصغير بيجري ويعلب وجنة ودخلت تشدة عشان تخرجة والباشا بصلها اووي ومشلش عينة من عليها وكرم ﻻحظ دة لحد ما جنة شدت معتز وخرجت بية من اﻻوضة *

الباشا :: ذوقك حلو يا كرم عرفت تنقي ست حلوة .

كرم :: ربنا يخليك يا باشا وهما الحريم الصعيدي هيأچو ايي چمب حريم مصر اللي مفيش ف حلاوتهم .

الباشا :: دة كلة صناعي انا بحب البلدي والحريم الفلاحي بيبقو جمال طبيعي ورباني زي مراتك كدة اللي لما شوفتها دلوقتي خلتني غيرت فكرتي خالص عن الست الصعيدية من ناحية الجمال .

** كرم مبقاش عارف يرد يقول اية والباشا غير الموضوع وانتهت السهرة والباشا مشي *

كرم :: خدي هني يا ولية اني مش جلت مشوفش طرفك خالص الليلة والضيف موجود ؟"

جنة :: غصب عني يا كرم الواد معتز جري مني ودخل عليكم ف جريت الحقة من غير ما اقصد ولقيتة دخل ف كنت عايزة الحجة واخرجة طوالي .

** كرم مسك جنة ضربها لحد ما معتز دخل وهو ماسك ايد هجر واﻻتنين بيعيطو علي منظر جنة وهي بتضرب **

كرم :: اني مش عارف اني كان مالي ومال الواد دية ما جلتلك جبل سابج نرمية ل اي ملجا يربوة هما بمعرفتهم مش كفايا بتك وصراخها طول الليل .

جنة :: ابوس يدك يا كرم اﻻ الواد دة امانة المرحمة احسان ليا .

** الليلة عدت وكرم الصبح بدا فعلا يشوف مشتري للواكالة عشان يبعها بالتوكيل اللي معاة و اخر النهار تليفون الوكالة رن وكان المتصل الباشا اللي طلب من كرم يجيلة الشالية بتاعة اللي بيصيف فية ف اسكندرية بعد ساعتين وفعلا ف الوقت المحدد كان كرم وصل للشالية والحراسة بتوع الباشا سمحولة يدخل **

كرم :: خير يا باشا طلبتي فچاءة كدي اني عملت زي ما حضرتك امرت وبدات اشوف مشتري للوكالة وهصفي كل حاچة هو حضرتك رجعت ف اتفاجنا وﻻ ايي ؟

الباشا :: الباشا مابيرجعش ف اتفاقة يا كرم ولسة لما تشتغل معايا هتتاكد من دة بنفسك .

كرم :: الحمد لله دية اني جااي وطول الطريج بسأل روحي الباشا عايزك ف اية يا كرم ومعرفتش .

الباشا :: بص يا كرم انا عايز اعرف عليك صفقة حلوة غير الشغل اللي هيبقا بينا واﻻتفاق بتاع الصفقة دي هتطلع منة كسبان كتير اووي .

كرم :: طالما فيها مكسب يا باشا يبجا اني موافج من جبل ما اعريف .

الباشا :: ﻻ ﻻزم تعرف اﻻول بص انا هديك ٥ مليون جنية .