رواية نبضات القلب الفصل التاسع والثلاثون 39 بقلم دينا صابر

وتين بحب : اه يا حبيبي الحمد الله احسن بكتييير

امير : انا مش فاهم انتي ليه رافضه نجيب الدكتور

وتين: يا حبيبي مش مستاهله انا كويسه والله

امير : اكيد

وتين : اكيد و باسته ف خده : يلا قوم اجهز عشان زمان العريس ع وصول

امير : اه صح دا انا نسيت

و قام يجهز نفسه و وتين نايمه ع السرير و مبتسمه يارب اللي شاكه فيه يطلع صح يارب هي قررت فرح حسام يعدي و هيتتاكد بنفسها و ان شاء لله ربنا ميخيبش ظنهاا

امير و خارج من الحمام بعد ما اخد شاور و بينشف شعره

و بيلبس هدومه , و بص ع وتين لقي وشها كله احمر ضحك : اي يا توتاا انتي لسه بتتكسفي و لا اي مش خلاص المفروض تبطلي كسوف بقااا

وتين و حطت البطانيه عو وشها بكسوف : امير اسكت

امير ضحك و كمل لبس و قرب منها و شال البطانيه و باسها و : توتااا خلاص لبست فتح عيونك , اي دا انتي بتحمري اكتر و ضحك : خلااص خارج اهو بطلي تحمري كداااة

و خرج و هو بيضحك و وتين فتحت عين واحده تتاكد انه خرج و بعدين فتحت التانيه : هو مش هيبطل يكسفني كدا كل شويه

…………………………………………

ف الصالون قاعدين و امير مبتسم

أسر بتوتر : هو حضرتك مبتسم كدا ليه

امير : مبتسم عشان مبسوط ع اصرارك ع اختي مع انها رفضتك قبل شهرين و مع ذلك مصر عليها و عايزها و اتكلم بخبث و اعتقد انت مجيتش النهارده الا و انت عارف اجابتها صح !!

أسر بأحراج و حب : صح و اتمني نقرا الفاتحه النهارده و تحدد معاد للخطوبه

امير : نقرا الفاتحه

خلصوا الفاتحه

أسر : الخطوبه امتي بقا ان شاء الله

امير بمكر : انا عندي فكره حلوه

أسر بتساءل: فكره اي !

امير : اسمع يا سيدي الفكره هي … ……

&&&&&&&&&&&&&&&&&&&&&

نور و قاعده ع السرير و مامتها و فاطمه قاعدين معاها ف الاوضه

نور و بتكلم فاطمه : فاطمه قربي كدا عايزه اسالك ع حاجه

فاطمه و قربت منها : اي يا حبيبتي

نور بهمس عشان مامتها متسمعهاش : عايزاكي تخرجي من الاوضه و تشوفي اذا ف حد واقف بره او حتي واقف قريب من الاوضه و تعالي قوليلي بدون ما تعرفي ماما

فاطمه بخبث : قصدك حد مين , تقصدي الشاب اللي بيفضل واقف قدام الاوضه بالساعات دا انا واالله مستغربه هو بيفضل واقف كدا ليه مش فاهمه !!

نور : هو انت بتشوفيه

فاطمه : اه طبعااا

نور : و هو واقف الوقتي

فاطمه : لما كنت جايه اه كان واقف

نور : فاطمه هو انا ممكن اطلب منك طلب

فاطمه :طبعاا

نور : هو ممكن تخليه يدخل يكلمني و تاخدي ماما تبعدوا شويه عشان مش عايزه ماما تعرف

فاطمه باستغراب : هو انتي تعرفيه

نور بحزن : تقدري تقولي اه اعرفه

فاطمه و بتكلم مامتها : ماما تعالي نتمشي ف الجنينه تحت شويه و نسيب نور تنام شويه

الام : اه والله يا ريت يا بنتي دا انا رجلي اتكتفت خاالص

فاطمه و بتغمز لنور : تمام يلا يا ماما

وخرجوا من الاوضه

فاطمه : بصي يا ماما اسبقيني انتي و انا هجيب حاجه من الكفاترياا و اجيلك

الام : تمام بس متتاخريش و مشت

فاطمه و بتقرب ل عز اللي قاعد بعيد شويه من الاوضه

فاطمه : لو سمحت

عز باستغراب واقف : ايوا

فاطمه بمكر : اقدر اعرف حضرتك بقالك مده هنا و كل يوم ف نفس الوقت و نفس المكان ليه

عز بتوتر : اصل ……

فاطمه ضحكت : نور طالبه تشوفك جوا

عز و مش مصدق نفسه و بلهفه : ليه هو فيها حاجه هي كويسه

فاطمه بخبث :ليه تهمك !!

عز بتنهيده : تهمني جدااا , بعد اذنك هدخلهاا

فاطمه بابتسامه : اه اتفضل

و مشت و هو اخد نفس عميق و اتنهد و خبط خبطتين و دخل بعد ما هي اذنت ليه بالدخول

دخل بكل هدوء و وقف بعيد شويه من السرير و اتكلم بهدوء و صوت رخيم : طلبتي تتكلمي معايا

نور بنبره هاديه : فعلا حضرتك ممكن تقعد ع الكرسي الاول

عز و قعد ع الكرسي : اتفضلي اتكلمي

نور : انت مين و عايز مني اي و ليه كل يوم تفضل قاعد بره و بتراقبني انا شوفتك اكتر من مرا و انت مركز علياا و بتراقبني

عز قاطعها : براقبك !!

نور و بتهز راسها : اه انا شوفتك , انت عايز اي , مين مسلطك عليااا

عز : حيلك حيلك , انا و لا حد مسلطني عليكي و لا حاجه و بعدين انا مش قاصدي اراقبك زي ما انتي فاهمه

نور بعقدت حواجب: اومال قصدك اي

عز بحب : قصدي اطمن عليكي

نور : ليه هو انت تعرفني

عز : عز المعرفه اعرفك من 3 سنين

نور برفعت حاجب : انت هتستعبط

عز : ابدا انا فعلا اعرفك من 3 سنين من اول يوم ليكي ف الكليه و حبيتك و لما عرفت بالحادثه اتجننت و جيت اطمن عليكي و حاولت اتكلم معاكي اكتر من مرا بس انتي رافضتي

نور بسخريه : انت عبيط و لا بتستهبل , بتحبني , ههه و المفروض اصدقك صح

عز : و مصلحتي اي اني اكذب عليكي او استهبل , انا فعلا بحبك , كل اللي محتاجه منك هو انك تصدقي اني بحبك و انا متاكد مفيش مده قصيره بس و هتوقعي ف غرامي

نور : انت اعمي انت مش شايفني اانا مشلوله مبمشيش يعني منفعش

عز بحب : متقوليش مشلوله دي , و بعدين انا بحبك زي ما انت , و كمان سالت الدكتور ع حالتك و قال ان مع العلاك الطبيعي هتبقي كويسه بس انتي اللي رافضه دا مش عارف ليه انتي بس اديني فرصه و انا هضبطك صدقيني والله انا لقطه

نور ف نفسهاا (قلبي اتحرك من مكانه، اتهز من صوته! طيب ليه؟ اكيد من نبره صوته الرجولي، صوته دافي وحنين جدًا، حتى نظره عيونه غريبه كأنه بيوصلي كلام أنا مش فاهماه بس كانت نظره طويله، طويله اوي، أنا ف عالم تاني، عالم جميل اوي، احساس جميل عمري ما حسيته، أنا ليه ثابته و ساكته كدا و مبتكلمش هو اي اللي عمله فيا بكلامه هو انا صدقته و لا اسرني !

عز اخد نفس و اتكلم بنبره صوت هاديه و واثقه : انا هسيبك تفكري و هستني ردك تبعتهولي مع اختك لو وافقتي تديني فرصه هتقدملك ع طول

نور بصدمه : تتقدملي !!!

عز : اه , انا قلت لك انا اعرفك و بحبك من 3 سنين مفيش وقت اضيعه كتر من كدا و عشان لما اجيلك و تعملي الجالسات بتاعت العلاج و اسندك او اشتالك يبقي ف حاجه رسمي بينا انا برضوا اخاف عليكي من كلام الناس

نور بسرعه قبل ما يخرج : مش خايف موافقش

عز : انا دعيت ربنا يكتبك من نصيبي وواثق ف ربنا انه مش هيرفضلي امنيتي و انتي امنيتي يا نور

نور بهدوء : و انت هتبقي قد انك تخطب واحد مشلوله

عز : انت ست البنات مش مشلوله و مع الجلسات هتبقي زي الفل فكري كويس يا نور و هستني ردك

خرج و طلع نفسه كانه كان كاتم نفسه او مفيش اوكسجين اتنهد جامد و حط ايده ع صدره ناحيه قلبه صاحبه اللي كان قاعد مكانهم بعد ما طلع من الكافتريا و شافه قاعد معاها لما بص ع شباك اوضه نور ف قعد يستناه ع الكراسي لما خرج قرب منه و اتكلم

محمد : دا انت واقع من زمان اوي.

عز : بحبها اوي ي محمد.

محمد : والله وشكلها هي كمان هتحبك، انت ماخدتش بالك

عز : كان بتبص ليك ازاي! لا.

محمد : لا اي؟ هي تطول تتجوز واحد زيك

عز بحب : دي تستاهل حد احسن مني بكتير، بكتير اوي ي محمد.

…………………………………………

حياه و هي ماسكه ايد حسام و بتشده و بيقربوا لنهي و ساره و سامر

حياه بابتسامه : ازي حضرتك يا دكتور سامر دا حسام جوزي حسام دكتور سامر الدكتور المشرف ع نهي , نهي حسام

حسام بابتسامه : اتعرفنا قبل ما تنزلوا , حمد لله على سلامتك يا انسه نهي

نهي يابتسامه : الله يسلمك

سامر : طب اي مش هنتحرك

حياه : اكيد

حسام : طب اتفضلوا و احنا نتحرك وراكوا بالعربيه بتاعتي

سامر : تمام

نهي و بتشد ساره :تمام يلا يا ساره

ساره : طيب بتشديني ليه

حسام و شد حياه و هو بيضغط ع ايديها جامد و ركبوا العربيه

حياه بنرفزه : ف اي بتضغط ع ايدي اوي كدا ليه ايدي وجعتني

حسام باستفزاز :مزاجي

حياه : لا والله

حسام : اه والله

حياه : طيب انا مش عايزه اروح معاك نزلني

حسام : انتي عبيطه

حياه بعيط : اه عبيطه عبيطه عشان بحبك و انت اهو كل ما تتنرفز بتشدني جامد كل مره تتنرفز تشدني نغس الشده هوخلع ايدي ف مره انت بتتعامل مع انثي يا استاذ

حسام : عشان تبقي تضحكي بصوت عالي بعد كدا ايااااكي يا حياه اسمعك بتضحكي بصوت عالي بعد كدا هعاقبك وهتصرف معاكي تصرف مش هيعجبك

حياه : يوووه ما انا اتاسفت عايز اي تاني

حسام و بيهدي نفسه : ولا حاجه قوليلي فين المول اللي عايزه تروحيه

حياه بحماس و لا كانها اللي كانت زعلانه من ثواني : الاول هاتلي ايس كريم

حسام برفعت حاجب : نعم

حياه بدلع : جي ع بالي يا حسام الله

حسام : حاضر يا عيون حسام يا رب صبرني بدل ما اجرم فيهاا قبل الفرح و تبقي فضيحه

حياه بضحك : اتلم

…………………………………………………

ف العربيه التانيه ساره بتكلم مصطفي تقوله ع مكان المول عشان يجي يتعرف ع سامر و يقعدوا مع بعض عشان البنات يعرفوا ياخدو راحتهم

وصلو المول و البنات اتجمعوا ع بعض

شويه و مصطفي وصل

مصطفي و هو بيكلم ساره ف الفون : فينك يا هانم و انتي ازاي تخرجي من غير ما تقوليلي هااا

ساره : بص يا حبيبي اوقف عند البوابه و انا هجيلك

مصطفي و متعصب و مش طايق نفسه : تمام , اخلصي بسرعه

ساره : حاضر , وقفلت معاه و كلمت البنات , بقولكو اي هروح له و اعرفه الكافيه اللي الشباب قاعده فيه و اعرفهم ع بعض و اجيلكوا اوعوا تتحركوا من المحل دا عشان ف حاجات تحفه

ساره و نهي : اشطا بس متتاخريش

…………………………………………………

هدي و بصوت عااالي : سييييف

سيف و هو قاعد ف الصاله : نعم يا هدي خير

هدي : طلقنى

سيف : ينهار اسود و مش معدى

هدي : طلقنى بقولك بقى

سيف : يا بنتى انتى اتجننتى من ساعه ما حملتى, ولا مخك ضرب ولا ف ايه جننتى امى معاكى

هدي :ما انت مبقتش تحبنى ولا بتخرجنى ولا بتقولى كلمه حلوه حتى ولا بتبصلى

سيف : نعم!! امال مين اللى لسا وخدها ف حضنى و قولتلها بحبك اول ما جيت من الشغل امى

هدي : انت كمان بتعلى صوتك عليا

سيف بتنهيده : لا يا قلبى استغفر الله

هدي : انزل جبلى شيبسى ياله

سيف : يا بنتى ما انا لسا جايبلك خمس اكياس و لسا جى من تحت

هدي و بتمثل انها بتعيط : طب مش عايزه حاجه شايف يا حبيبى بابا شرير ازاى

سيف : دا الواد دا بذات هيطلع شاهد على اللى عملته و بعدين انا عايزها بنت

هدي : ملكش دعوه بيا يا خاين يا غشااااش ااهئ و مشيت دخلت الاوضه

بعد ربع ساعه

سيف بقلق : اووووووف هقوم اشوفها المجنونه دى

راح فتح باب الاوضه لقاها واففه قدام المرايا و بتغنى

شو حلو حبيبي شو حلو

لفت ليه و علت الموسيقى و رقصوا سوا و بعد ما هزروا مع بعض

هدي : انت مبتحبنيش على فكره

سيف : يا نهااار اسوووح افتح تربه وانام فيها حي هتجنن يا عااالم

هدي بدلع : ليه بس يا حبيبي

سيف بضحكه : ايوا بقااا ادلعي كدا تعالي اقول لك كلمه ف ودنك و نيمهاا ع السرير و …

(اي مستنين تقراءوا اي انتوا هو قال كلمه ف ودنهاا هعرفهاا انا ازااي بقاا !!!)