رواية أحببتها صعيدية الفصل السادس والثلاثون 36 نور الدين جلال

*****

****** قصر البااااااشا ف القاهرة **********

هجر :: وانتي هتستفادي ايي ؟ ولية ساعدتي معتز ف انة يدمر كرم ويخلية يتجبض علية واحنا الي مكناش عارفين نخلي البوليس يجبض علية عشان الباشا كان بيحمية ف محدش كان جادر يجربلة انتي بجا حوشتي الحماية عنيية والبوليس جدر يجبض علية طب كل دية فايدتك مينية ايي ؟

مدام سحر :: تقدري تقولي طار قديم بيني وبين كرم وكان مستحيل اخد تاري بنفسي ف وجود الباشا بيحمية

هجر :: عشان كدي كنتي بتحركي معتز من الضلمة واللي يحصلة يحصلة ومش هيجدر يجول عليكي عشان مايعفركيش وﻻ يعرف ان في حد وراة

مدام سحر :: انا مستحيل افكر سبب اي اذي لمعتز او ليكي كل خطوة كنت ببقا مئمناكم كويس اووي بس انتي اللي متهورة وكنتي بتوقعي نفسك ف مشاكل كبيرة .

هجر :: انتي جلتي انك عملتي كدي عشان الطار واني بردو عملت كدي عشان انتجم ل امي واخد بطارها من كرم بس كأيوانها كات رامياني السنين دي كلاتها وعايشة حياتها ومرتاحة وبجت هانم كبيرة جوووي ف مصر .. مش كدي يا مدام چنة !!

**** فلااااااش باااااااااااااااااك ******

............. ڤيلا كرم بعد القبض علية ................

** هجر وصلت ودخلت البيت ملقيتش الحاجة فاطمة ف دخلت بسرعة اوضة المكتب بتاعة كرم وطلعت الحاجات اللي جابتها معاها علشان تفتح الخزنة وفضلت ساعة لحد ما قدرت تفتحها **

لقيت كام الف وشوية ورق و لقيت علبة فتحتها لقيت فيها فلاشة اخدتها وطلعت اوضتها شغلتها علي اللاب توب اللي جابهولها معتز خدية وخي، محبياة محدش يعرف عنة حاجة ف البيت .

لقيت ڤيديوهات شغلت كام واحد بشكل عشوائي لقت ان دي لقاءات كرم متصورة بكاميرا سرية ف،الحيطة ف المكتب عندة مع الناس المهمة وهو كان بيصور كل حاجة صوت وصورة، علشان يأمن نفسة.

ولقيت، فيديو مكتوب علية، الباشا فتحتة لقيت الكاميرا،موجهة ناحية،راجل قاعد علي،كرسي والمكان مكنش ف المكتب والراجل بيتكلم عاديف فخمت ان كرم،عند،الراجل ولابس،حاجة فيها،كاميرا،سرية بيصور بيها الراجل

كرم قاعد مع الراجل اللي شكلة مهم اوووي وكبير، ف السن وفصلو، يتكلمو عن الاثار والسلاح وان كرم هو الراجل بتاع الباشا دة ومجرد ستارة وان هو اللي بينفذ الاوامر، وبس

هجر، ركزت ف الفيديو شوية وشافت حاجة خلتها قامت من مكانها مخضوضة وقررت تنزل مصر فورا *********

هجر اتصدمت من اللي شافتة وافتكرت لما كانت ف اسكندرية ف بيت العيلة بتاع اخوالها وهي بتروق ف اوضة الكراكيب لقيت صورة بنت شابة وحلوة اووي ف وريتها ل خالها اللي قالها اني دي صورة امها جنة قبل ما تتجوز ابوها كرم بشهور ولانها مكنش عندها اي،صور ل امها ومش،فاكرة عنها حاجة لانها اختفت وهي صغيرة اوووي فرحت اووي بالصورة وركبتها ف السلسلة اللي ف رقبتها *

هجر بتشغل الفيديو تاني وبتشوفة من تاني وبصت علي الصورة اللي وراء الباشا صورة كبيرة اوووي بالطول ل اتنين واضح انة الباشا بس كان اصغر من ما هو ف الفيديو بكتير ومعاة،ست صغيرة و واقفين مبتسمين.. هجر اتصدمت من شكل الست وطلعت السلسلة وبصت فيها لقيت ان دي امها جنة وساعتها قررت تنزل مصر فورا ****

****** باااااااااااااااااااااااك ******

مدام سحر :: جنة مين ؟؟

هجر :: طول عمري كت فاكرة اني وارثة الذاوة من كرم طلعت وراثاها مينيكي انتي يا ست جنة .. بس يا ترا عملتي كدي لية ولية رمتيني السنين دي كلاتها واني معرفاش اذا كتي متي وﻻ عايشة لية ؟؟

سبتيني ل كرم اللي مفيش ف جلبة رحمة هو دية اللي يربيني وهو كمان مطجنيش رماني لخلاني ولما كبرت خدني منيهم عشان مايملوش دماغي بحكاوي الورث وعشان مطلبش ورث امي خﻻني اعيش معاة ف البلد لية عملتي كدي ؟ لية خلتيني اعيش يتمية من غير ام السنين دي كلاتها وانتي عايشة ؟

يارترا رمتيني عشان الفلوس ؟ وﻻ انتي زيك زي كرم كلاتهم ميهمكوش غيرعها ؟

جنة بعياط :: ارجوكي كفايا ما تتهمنيش من غير ما تسمعيني .

هجر :: اسمع اية واني جيت وشوفت بعيني العيشة اللي انتي عايشاها ﻻااه وكمان طلعتي انتي اللي بتحركي كل حاجة عشان تنتجمي واني وﻻ علي بالك .

جنة :: ارجوكي يا بنتي اسمعيني.

هجر :: بتك دلوك بس افتكرتي ان ليكي بت ؟ واني اللي، عشت طول عمري نفس اسمع الكلمة دي ودلوك جاية تجوليهالي وانتي، وسط الجصر دة والعز والفلوس دي كلاتها يا ترا رمتيني عشان الفلوس وطلعتي زي كرم كلاتكم معيزينش غير الفلوس وبس؟

جنة :: انا كنت بتعذب وانا براقبك من بعيد ل بعيد.

هجر :: عمر مراجبتك ما هتوريكي عياطي ع المخدة طول الليل علي، حضن امي اللي، نفسي فية ومطيلهوش..

جنة :: كفايا اهانة و ارجوكي اسمعيني وبعدها قولي واعملي اللي انتي عايزاة .

هجر :: جولي اني سمعاكي بس لزمن تيعرفي ان كل اللي هاجولية عمرة ما هيجدر يعوض اليتم اللي عشتة وامي عايشة.

جنة :: انا هحكيلك كل حاجة من البداية..

******************************

................... ارض السلطان ........................

**رحيل وفريدة خلصو اكل **

رحيل :: بجد يا عمة هند حكاية النداهة دي صعبة اووي .

فريدة :ك ف مصر كلي اللي نعرفة عن النداهة دي انها جنية بتعيش ف المية وبتخطف الرجالة .

العمة هند :: الصعيد يا بتي مليان حكاوي واسرار واحنا بلدنا اجدم بلد في الصعيد كلاتة وفيها اسرار وحكاوي مالهاش عدد ؟

رحيل :: بجد الحكاية دي خلتني اقتنع ان الست عمرها ما كانت ضعيفة ابدا وﻻ حتي ف الصعيد اللي بيقولو علية بيضطهد الست ؟

فريدة :: الصراحة انا خوفت من النداهة دي ومش هقدر اقرب من الست اللي اسمها شمايل دي احسن تقتلني .

العمة هند ورحيل فضلو يضحكو جااامد اوووي علي كﻻم فريدة *

** رحيل ** قامت عشان تروح تغسل ايديها ف الوقت اللي كان باب المكتب بتاع مهيب مفتوح وهو جوة قاعد علي المكتب ماسك كتاب كبيرة وشكلة قديم بيقراة ف رحيل محستش بنفسها غير وهي واقفة بتتفرج علية وهو مركز ف قراءة الكتاب ومكانتش متصورة ان يكون حد ف الصعيد كدة وبالشخصية دي وعندة مكتبة كتب جوة مكتبة وبيقراها كمان فجاة حست بايد علي كتفها **

فريدة :: اي يا بنتي واقفة عندك بتعملي اية ؟

مهيب بص ف اللحظة دي لقهم واقفين ف رحيل اتحرجت ومشيت وهي بتشد فريدة من ايدها ومهيب قام خرج وقفل الباب **

مهيب ماشي عشان يخرج يلف ف البلد ف رحيل وقفتة قبل ما يخرج من الباب

رحيل :: انا اسفة مكنتش اقصد ابص علي حضرتك وانت ف الكتب بس والله انا بحب القراءة اووي ولقيت حضرتك ماسك كتاب بتقراءة ف شدني المنظر و وقفت اشوف مش اكتر حضرتك اكيد عارف فضول القراءة .

مهيب :: حصل خير يا انسة وعلي العموم لو عايزة تجري جولي للعمة اني اذنتلك تدخلي المكتب وتجري منية اللي يلد عليكي بس هتلاجي كتب جديمة مهياش بالعربي ياريت تهمليها لحالها عشان دي جديمة جووي ومكتوبة بخط اجدادي ولغوتهم زمان .

رحيل :: بجد يعني اناا ممكن ادخل المكتب دة واقرا من الكتب دي كلها ؟

مهيب :: اني جلتلك ومبجولش الحديت مرتين باﻻذن يا انسة .

** مهيب مشي وسابها مبهورة من الموقف ومن طريقتة معاها وبسرعة راحت جري عشان تبلغ العمة هند باللي قالة مهيب **

رحيل :: يا عمة يا عمة ياعمة .

العمة هند :: ايي يا بتي بتزعجي كدي لية جنيتي ايأك ؟

رحيل :: انا اسفة يا عمة بس فرحانة .

فريدة :: مش تفرحيني معاكي يا غلسة .

العمة :: يارب دايما يفرح چلبكم يا صبايا جوليلي بجا ايي الي فرحك كدي ؟

رحيل :: استاذ مهيب قالي ..

العمة هند قاطعتها :: يا بتي اوستاذ ايي دة سيد البلد دي كلاتها وانتي شوفتي بعينك .

رحيل بتريقة:: يعني اقول اية يعني يا عمة اقولة يا سيدي مثلا ؟

العمة هند :: لااه يا بتي بس ملداش عليا كلمة اوستاذ دي الحريم تسمعك هني وهيضحكو عليكي اكمنك مصراوية لما تتحدتي علي سيدنا مهيب ولد اخويا خلي الحديت بيناتنا وبلاش صوتك يعلا ويلا كملي كتي هتجولي جالك اية ؟

رحيل :: بصي بصراحة لما قمت من علي السفرة وهو كان ف مكتبة كان الباب مفتوح وشوفتة بيقرا ف كتاب وهو شافني وانا ببصلة ولما خرج اعتذرتلة و وضحتلة اني بحب الكتب والقراءة ف هو قالي اني ممكن ادخل المكتب اقرا ف الكتب اللي فية بس مجيش ناحية الكتب القديمة خالص عشان دي بتاعة جدودة .

العمة هند :: بجا مهيب ولد اخوي جالك كدي وسمحلك تدخلي المكتب وتجعدي وتجري فية كمان يا حلاوة يا وﻻد ؟

فريدة :: واية الغريب ف كدة يا عمة ؟؟

العمة هند :: المكتب دية بتاع ابو مهيب اخويا فخر الدين الله يرحمة ومن جبلة ابويا وجدي الله يرحمهم . ومفيش واحدة م الحريم تجدر تدخل تنضف جوضة المكتب دي اللي واني موجودة معاها حاكم فية كتب كاتبها جدود مهيب من ايام جدودنا الجدام ومكتوبة بلغوة الفراعنة ابويا الليه يرحمة جالي كدي عشان كدي مفيش واحدة من الحريم بتدخل تنضف لحالها احسن توجع كتاب من مطرحة .. بس طالما مهيب اذنلك يبجا حديتة امر علينا .

رحيل :: يعني هينفع ندخل المكتب دة ؟

العمة هند :: ايوة يا بتي طالما مهيب اذنلك يبجا تدخلي ف اي وجت ويلا بينا ندخلو دلوك .

فريدة :: يلا يا عمة انا بصراحة مبسوطة اووي باللي بشوفة هنا وحاسة ان كل خطوة فيها حاجة جديدة او مرة اشوفها او اسمع عنها .

العمة هند :: جلتلك يا بتي ارض السلطان مليانة حكاوي واسرار ملهاش اخر .

** العمة عند اخدت رحيل وفريدة ودخلو المكتب **

رحيل مبهورة بكمية الكتب دي كلها وبقيت تشوف كتب وتبص علي اﻻغلفة لقيت كتب لغات كتير من اول العربي لحد الهندي والصيني في منها المترجم عربي وفي منها المترجم انجليزي وبصت علي المكتب نفسة لقيت الكتب اللي مهيب نبههة انها متقربلهاش ولقيت اغلفة الكتب كلها نقوش فرعونية **

رحيل اخدت كتاب من الرفوف وفريدة استغلت انشغال العمة مع رحيل وطلعت تليفونها وصورت غلاف الكتاب اللي علي المكتب وكان بيقراة مهيب ﻻنة كان محطوط علي المكتب مباشرة قدام كرسي المكتب وبدات تتمشي ف اوضة المكتب ﻻنها ماكنتش من هواة القراة لكن لفت نظرها حاجة علي اﻻرض متغطية بقماش ف قربت منة وشالت الغطا لقيت رسمة كبيرة ل بنت واقفة ف صحراة ومعاها ديبين واقفين جمبها واحد ابيض والتاني اسود *

العمة هند اخدت بالها من فريدة **

العمة هند :: ايي اللي عملتيية ديية يا بتي سيبي الحاچة دي لحالها و يلا بينا من هني وانتي يا رحيل يا بتي خدي الكتاب وتعالي اجرية برة حاكم كدي مهينفعش ومهيب هياچي يزعج لو لجي حاچة مكانها متغير .

رحيل وفريدة خرجو مع العمة هند ومكنوش فاهمين سبب انزعاجها **

فريدة :: انا اسفة يا عمة مكنتش اقصد اقرب من حاجة بس الغطا لفت نظري ولما شلتة شوفتة الرسمة عجبتني اوووي .

العمة هند :: في حاچات يا بتي ﻻزم تفضل متغطية لما الغطا بيتشال غبارها كلة بيأچي علي جلبك ويحرجك كيف النار ..

رحيل :: مش فاهمة حاجة يعني اية يا عمة الكلام دة واية الغريب ف الرسمة اللي شفتها فريدة دي انا لمحتها قبل ما تغطيها بجد جميلة اووي ومنظر البنت مع الذئبين تحفة فنية بجد .

العمة هند :: يا بتي اللي ف الرسمة دي اسمها بت المساخيط ومهيب ولدي مانع حد يجرب منيها واصل دي مكاناه من ايام ابوة الله يرحمة ومحدش يجدر يهوب يمتها .

فريدة :: طب ينفع نعرف البنت الجميلة دي لية اسمها بنت المساخيط مش المساخيط عندكم زي ما فهمت من كلامك يعني اثار او حاجات فرعونية ؟

العمة هند :: ايوة يا بتي .

رحيل :: طب ازاي يبقا اسمها كدة ؟

العمة هند :: اني معرفش غير حاچات جليلة ولو عايزين تعرفو صوح مفيش غيرها شمايل هي اللي تجدر تحكيلكم .

فريدة :: انتي عايزاة الست اللي حكتيلي انها قتلت رجالة كتير دي تقعد معانا وتحكيلي وكدة ﻻ شكرا مش عايزة .

رحيل :: وهي شمايل او النداهة او ديبة الجبل زي ما قلتي ان دة من القابها اية علاقتها ب البنت دي وانتي قلتي ان بناتها اتقتلو ؟

العمة هند :: الجرار ف ايدكم انادم لها تأجي وتحكيلكم وﻻ بلاهاا خالص ؟

رحيل و فريدة :: ﻻﻻﻻا ناديها تحكيلنا .

** العمة هند ندهت للحريم وطلبت منهم يندهو الخالة شمايل **

بعد شوية دخلت ست يمكن تكون تخطت التسعين سنة لكن اي حد يبصلها يجدر يشوف انها كانت تملك جال شديد وهي صغيرة *

شمايل :: خبر ايي يا هند ؟ جالولي انك رايداني هني ؟

العمة هند :: خير يا خالة شمايل كت عايزاكي ف طلب كدي .

** بصت ل رحيل وفريدة وقربت منهم اووي **

شمايل :: انتو خوات يا صبايا ؟؟

العمة هند :: ايوة يا خالة خوات وچايين من مصر .

شمايل :: وانتي مالك يا هند حد وچهلك حديت دلوك اني بكلم الصباب الحلوين دول .

رحيل :: ايوة خالة شمايل احنا اخوات .

شمايل :: فكرتوني ببتين كانو زي الجمر زمان جووي وانتي يا هند عايزة ايي؟

العمة هند :: البنيتة كانو عايزين يعرفو حكاية بت المساخيط اصلهم شافو صورتها ف جوضة المكتب وسألوني عنيه ف جلت مفيش غيرك يا خالة اللي تجدر تجولهم الحكاية زين .

شمايل :: جفلي ع الحديت دي ومتفتحيش السيرة دي واصل .

فريدة :: من فضلك يا خالة نفسي اعرفها .

رحيل :: ارجوكي يا خالة انتي قلتي اننا فكرناكي ب بنتين وغلاة البنتين دول عندك تحكيلنا .

شمايل :: حلفتيني بالغالين اللي عمر حد محلفني بيهم واصل بس بيني هند حكتلكم عني عشان كدي بتحلفيني بجلب مليان وعارفة اني مهردش طلبك .

رحيل :: بصراحة اة وياريت متكسفينيش انا غريبة و اول مرة اجي بلدكم او حتي الصعيد كلها عايزاني لما ارجع القاهرة اقولهم اهل الصعيد ما بيكرموش الضيف عندهم .

شمايل :: معاش وﻻ كان اللي ما يكرمش ضيوف دار السلطان بس يا بتي الحكاية دي فيها حاچات ماينفعش تتجال وتخص ناس م الدار دي خلاص الله يرحمهم وماينفعش اجولها واصل .

فريدة :: والله يا خالة شمايل ما هنجيب سيرة لحد ابدا .

شمايل :: طيب يا بتي اني هحكيلكم بس اﻻول روحي انتي يا هند وسبيني مع البنتة ولما اخلص يبجو ينادولك .

العمة هند :: ماشي يا خالة شمايل اللي تشوفية .

** فريدة وشوشت رحيل وقالتلها هي الست دي هتقتلنا وﻻ اية ف رحيل ضحكت وشمايل بصتلهم **

شمايل :: اني هحكيلكم الحكاية من اولها بس ﻻزمن تيعرفو ان اللي هجولة دية محدش يعرفو و تطير فية رجاب ..

رحيل وفريدة :: نوعدك اننا مش هنجيب سيرة ل حد ابدا وﻻ حتي العمة هند ..

شمايل :: دلوك اجدر احكيلكم واني مطمنة