رواية أحببتها صعيدية الفصل الثاني والثلاثون 32 نور الدين جلال
 |
| رواية أحببتها صعيدية الفصل الثاني والثلاثون 32 نور الدين جلال |
رواية أحببتها صعيدية الفصل الثاني والثلاثون 32 نور الدين جلال
المعلم دهشان اتصل علي عصام
المعلم دهشان :: ايوة ياعصام كيفك ؟؟
عصام :: بخير .. في حاچة ولا ايي؟
المعلم دهشان :: ايوة عايزك بكره تروح تفتح الدار اياه وتستناني لما اجيلك عايز الناس تفهم انك هتعمل شغل في الدار وانا المجاول
عصام :: ايه خلاص ناويين علي الحفر
دهشان :: ايوة عايزين نخلص بجا
عصام :: عالبركة .. بس العمدة
دهشان :: ماله ؟ اه تجصد علي موضوع ولدة اللي في المستشفي
عصام :: اكيد هو مش فاضي
دهشان :: الشغل بتاعنا ملوش صالح بالحديت دية وانا اتحددت وهو بكره هيعدي علينا .. المهم تچهز نسخة بكره من المفاتيح علشان هخدها منيك
عصام :: خد بالك احنا مسافرين مصر بعد بكره
دهشان :: مسافرين مصر ليه .. خير
عصام :: خلاص هنعزل من هنا وهنعيش في مصر بس انا هبجا معاكم ولما تعزوني هچيلكم
دهشان :: مفيش مشكلة كدي كدي احنا مش هنعوزك كتير
عصام :: ماشي بكره الصبح هروح هناك وافتح الدار
......................................
الهام روحت البيت علي الساعة 8 بالليل وكانت صباح مسخنة العمدة عليها
العمدة :: كتي فين يا الهام ؟
الهام بصت للعمدة ورفعت حاجب وايدها اتحطت في وسطها .. يعني ايه كتي فين ؟
هكون كنت بصيع مثلا ؟
العمدة :: مش الجصد بس المفروض الدار ده فيه راچل. تستأذني منة جبل ما تخرچي
الهام :: هي مرتك مجالتلكش انا رايحة فين
صباح :: انتي جولتلي رايحة دار ابوكي بس انتي استأذنتي جبل ما تلبسي وتنزلي
الهام :: ايه ياعمي. عاچبك انتا الحديت دية
العمدة :: خلاص مچراش حاجة يا صباح الهام راحت دار ابوها مفيهاش حاچة . بس بعد كدي اعملي حسابي يا الهام وابجي اديني حتي تلفون وانا مش هجولك لا
الهام :: حاضر .. المرة الچاية هبجا اكلمك
العمدة :: رايحة فين مش هاتتعشي معانا ؟.
الهام :: هطلع اغير هدومي
صباح :: هو ده اللي جدرك عليه ربنا!؟
العمدة :: انتي عايزة ايه مني يا وليه. عايزاني اجوم اكرشها برات الدار يعني
صباح :: تكرشها ده ايه ؟ دي هي اللي هتكرشنا كلنا من الدار وانتا سايبلها السايب ف السايب كدي .
الهام مكنتش لسة طلعت الشقة بتاعتها وسمعت الكلام اللي بين العمدة وبين صباح ونزلت تاني جري
الهام :: انتي عايزة مني ايه يا وليه انتي .. حاطة نجرك من نجري ليه ؟ .. تحبي اجبها علي دماغكم كلاتكم دلوك
العمدة :: عيب يا الهام ميصحش كدي
الهام :: ابعد مرتك عني ياعمي لحسن انا ساكتة ومعبية .... وانتو ماتعريفوش انا ممكن اعمل ايه
صباح قامت وسابت المكان خالص وطلعت الأوضة بتاعتها والعمدة فضل يزعق ويقول انا محدش في الدر ده بجا بيعملي حساب
وراح واخد بعضة وخارج من البيت
الهام طلعت شقتها وغيرت هدومها وراحت نايمة
وسعاد طلعت ل الحاجة صباح الاوضة بتاعتها وفضلت تزن علي ودان صباح علشان يمسكو الهام يدوها علقة موت
صباح :: انتي بتجولي ايه انتي مش شايفة كات بتتحدت ازاي جدام العمدة.. انا لازم اهدي معاها اليومين دول خالص
..............................................
*** وجدي جة يوم الخميس وكتب الكتاب واحمد جة من القاهرة حضر وكانت اامناسبة علي ااضيق ف البيت وحضرها كمان معتز اللي اخد عصام علي جنب واتكلم معاة شوية ورجعو قعدو وسط الكل تاني وبعدها وجدي اخد نعمة واحمد ركب عربيتة وهما ركبو معاة علشان يوصلهم القاهرة *
و اول ما احمد وصلهم الليت كان ف انتظارهم رحيل وفريدة اخوات وجدي وعمتة كمان واقفين قدام البيت علشان يرحبو ب وجدي و عروستة**
سلمو عليها واخدوها بالاحضان *
رحيل :: اهلا بعروستنا القمر اللي كانت بتشك ف اخويا العسل دة
فريدة :: بقا حد يشك ف اخويا دة بيتكسف يسلم علي،قرايبة * وقعدت تضحك *
عمة وجدي:: والله يا حبيبتي كنا عايزين،نيجي بس وجدي قال انة هيكتب الكتاب وهيرجع بيكي واخنا هنا نتعرف عليكي ما انتي،خلاص بقيتي،مننا وزيك زي رحيل فريدة انا اللي مربياهم،وف مقام بناتي
نعمة :: ربنا يخليكي يا عمتي كلاتكم علي راسي وهشيلكم ف عنيا زي وچدي تمام
رحيل :: شايف الطيبة علي،الله تزعلها انا بقولك اهو احنا اللي هنقفلك خلاص يا نعمة من هنا ورايح انتي اختنا و هو مش،هيقدر،يدوسلك علي،طرف والا هنتفق علية ونورية الويل
وجدي :: من اولها كدة يا ست رحيل طب اية رايكم بقا احنا جايين من السفر تعبانين وعايزين نرتاح شوية
فريدة :: بقا كدة صح مهو،العروسة للعريس والجري للمتاعيس يلا ربنا يسعدكم
عمة وجدي :: يلا يا بنات نسيب العرسان يرتاحو من،السفر ويلا نطلع،شقتنا والصبح،يا،نعمة هننزل نطمن،عليكي ونقعد معاكي،شوية
وجدي بضحك :: الصبح مين دة بتاع بكرة لا انسو خلوها بعد ٣ سنين كدة ابقو انزلو اطمنو علينا انا اصلا هفصل الجرس بتاع الباب ومحدش يخبط والا هطلع ارش علية مية ساقعة زيو .
*************
وجدي : نورتي بيتك يانعمة
نعمة :: ياخرابي يا وجچدي الشقة چميلة جوي
بس هيطلع عيني في فرش الشقجة
وجدي :: بقا هو دة اللي همك الفرش والترويق الله يباركلك علي، الڤولت بتاع الرومانسية شوية تعالي بقي افرجك علي المطبخ الجديد والبوتجاز والتلاجة
نعمة :: ياحلاوة ياحلاوة ايه الحلاوة دي كلاتها
تلاچة ببابين وايه المطبخ ده كلة؟
وجدي :: علشان تعملي لينا احلي اكل
نعمة :: ربنا يخليك لينا يا وجدي ..
.................................
** احمد شغال ف المستشفي ف القاهرة **
احمد :: حالات تاني برا ؟
نسرين :: لا مفيش والدكتورة فايزة جت وسألت عليك وبعدين مشيت
احمد :: مشيت .. روحت يعني ؟
نسرين :: ايوة
احمد :: طيب روحي كدة بصي علي الدكتور ايمن قاعد ولا مشي
نسرين :: الدكتور ايمن لسة موجود ممشيش
احمد :: طب معلش يا نسرين هتعبك روحي عرفيه بعد ما يخلص يعدي عليا
نسرين راحت للدكتور ايمن دكتور المسالك البولية وقالت له ان الدكتور احمد مستنيك في اوضة الكشف بتاعتة والدكتور ايمن قالها انة جايلة خلاص
وفعلا نسرين مشيت وبعد منها بربع ساعة كان الدكتور ايمن راح للدكتور احمد
احمد :: انت وراك حاجة ؟
ايمن :: لا ليه؟
احمد :: خلاص نروح نتغدي ونتكلم هناك براحتنا
احمد وايمن خرجوا من المستشفي وكل واحد ركب العربية بتاعتة وراحوا مطعم علشان يتغدوا
وهما بيتغدوا احمد عرض علي الدكتور ايمن فكرة مشروع عيادات خاصة
الفكرة عجبت الدكتور ايمن وقالوا معنديش مشكلة برغم اني عندي عيادتي الخاصة
بس لو هتبقي يومين في الاسبوع معنديش مشكلة
احمد :: طيب تمام كدة انا وانت والدكتورة فايزة موافقين علي الفكرة كلم انت الدكتورة الاء دكتورة النسا علشان انت عارف مليش معاها لسة كلام والدكتور فكري دكتور العظام
ايمن :: طيب انت لقيت المكان
احمد :: لا لسة انا بظبط بس معاكم علشان بدل ما اخد شقة اخد شقتين ونفتحهم علي بعض ولو الدكتورة الاء وافقت نعمل شقة للولادة
ايمن :: اعتبرني اتكلمت معاهم
احمد :: تمام هستني ردك بكره او بعده وانا بكره هسافر البلد علشان اشوف موضوع العيادة واشوف عصام شافلي مشتري ولا لا
ايمن :: اه عصام ده ابن عمك اللي كنت كلمتني عليه
احمد :: ايوة هو ده
ايمن :: خلاص عالبركة انت سافر بكره شوف دنيتك وانا بكره هشوف الدكتورة الاء والدكتور فكري
.............
تاني يوم الصبح بدري الكل قام ونزل الشنط بتاعتة تحت وكلة لبس هدومة وحسين اتصل علي العربية النقل وعوضين ورياض كانوا من النجمة عند عصام في البيت الكبير وحملوا كل الشنط في العربية النقل وركبوا العربية الملاكي بتاعة عصام والباقي ركب ميكروباص جابة حسين وطلعوا علي مصر
وطبعا سابوا عربية الحاج نعمان في الجراج
هما مشيوا من هنا واحمد وصل البلد من هنا
اتصل علي عصام اللي قاله انة سايب نسخة من المفتاح تحت الشجرة اللي ورا الزريبة
احمد فتح البيت وطلع شقتة ريح شوية
..............
الجماعة وصلوا البيت بتاع مصر وعصام ركن العربية قدام البيت
زينب وعصام طلعوا شقتهم وااسماء وحسين طلعوا شقتهم
زينب اول ما دخلت الشقة بتاعتها بقت عنيها بتروح لكل ركن فيها وهي مبهورة بالشقة والعفش الجديد اللي فيها
عصام :: ايه رائيك في الشجة يا زينب
زينب :: ياخرابي ياعصام .. دي شجة چميلة جووووي
عصام :: تعالي افرجكك علي اوض العيال
زينب راحت مع عصام علي اوضة عيالها واتفرجت عليها
چمييييييلة جووي جوووي جوووي
عصام :: ايوة اومال ايه داني فرشها علي زوج بتوع البندر
........
حسين :: شايفة الشجة يابت حلوة ازاي
اسماء :: دي حلوة خالص ياحسين
حسين :: ولا العفش يابت .. شيفاه عامل ازاي
اسماء :: تعيش وتچيب يا حبيبي
حسين :: هو انا چبت حاچة .. كل ده اللي اشتراه عصام اخويا
اسماء :: مانت وهو واحد .. ربنا يخليكم لبعض
...........................
عصام :: الو ايوه مدام .. ايوة .. ايوة
لا متخيفش .. هو انا جصرت معاكي جبل كدي . مانا بعمل باللاتفاج اللي بينا وانتي جولتي اعمل كذا واعمل كذا
لا متخفيش انا اي حاچة هتحصل هبلغك بيها
ماشي ماشي ولا يهمك .. لا حاضر من عنيا
انا كلاتها يومين تلاتة ونازل البلد واي چديد هبلغك بيه طوالي
ايه .. بتجولي اعمل ايه . اه يعني لازم اعمل كدي !؟ خلاص لما انزل البلد هعمل اللي جولتيلي عليه .. حاضر
عصام قفل وزينب كانت قاعدة جنب منة سألتة مين دية عصام وانت من ميتا بتكلم ستات ف التلفون
عصام :: ده واحدة كبيرة فيه بيني وبينا شغل
زينب :: شغل ايه ده
عصام :: انتي مالك .. خليكي في حالك
زينب :: ماشي
عصام :: جومي هاتيلي الچلبية من الأوضة عشان عايز انزل
زينب :: تنزل تروح فين هو انت تعرف حد في مصر
عصام :: شوف الولية الباردة اللي معندهاش دم دي اومال معرفش ياختي .. فزي جومي جاكي خابط في نفوخك .. اما وليه ساجعة بصحيح
عصام لبس هدومة ونزل قعد عالقهوة
وبعدين طلع تليفونة واتصل بالعمدة
عصام :: ايوة ياعمدة . عامل ايه وچلال ابنك اخباره ايه .. طيب نحمد ربنا . بجولك ايه ياعمدة انا مش مستريح ان الدار يفضل بأسمي خلي دلوك لا جدر الله وحصل في الأمور امور محدش هيلبس الليلة غيري
لا ياعمدة انا مش مطمن بصراحة . انا كدي كدي هنزل بعد يومين فتعمل حسابك انت والمعلم دهشان حد فيكم يبقي الدار بأسمة
ايوة يا عمدة مصمم .. ايوة .. خلاص عالبركة اني هنزل بكره تحضر العقود وانجلك الدار بأسمك .. لا مش عايز انا كفاية عليا نصيبي من اللي هيطلع والفرج بتاع الدار لما يتباع ابجا خده انت..
عصام قفل مع العمدة
تاني يوم عصام روح البلد كتب البيت بأسم العمدة وراح سجلة في الشهر العقاري واتنقلت ملكية البيت من عصام للعمدة وعصام بعد ما خلص راح بص علي البيت ولقي الرجالة لسة يدوب هتبتدي حفر في البيت
قعد شوية مع دهشان والعمدة كان عرفة بالمكالمة بتاعة عصام وعرف ان عصام خلاص نقل ملكية البيت بأسم العمدة بس اهم شرط انة يفضل هو صاحب البيت قدام اهل المنطقة
.............. ............
عصام :: ايوة يا مدام بيه .. كلة تمام وزي ما امرتي بالظبط .. يعني انا كدي في السليم
ماشي يا مدام وكدي كدي الموضوع مش هياخد كتير.
تمام ساعتك . لا يا مدام انا في الخدمة دة انتي كتر خيرك علي اللي عملتية معايا
عصام قفل ونده علي زينب
زينب :: ايوة ايوة ياعصام
عصام :: مين اللي معاكي بره
زينب :: دي نعمة واشوااج چايين يجعدوا معايا شوية
عصام :: طيب ناوليني الچلبية هنزل اجعد مع حسين اخويا شوية
عصام لبس الجلبية وخرج نزل قعد مع حسين
عصام :: بجولك ايه مش كفاية كسل بجا
حسين :: عيزني اعمل ايه
عصام :: نوضب المحلات اللي تحت دي ونفتحها بجت
حسين :: لا انا بفكر في حاچة احسن
عصام :: حاچة ايه
حسين :: نخدلنا محلين كبار في سوج العبور .. والفاكه والخضار لعبتنا واحنا لينا معارفنا مع التجار اللي هناك
عصام :: تصدج فكرة زينة جوي . ازاي مچتش في بالي الفكرة دي
حسين :: يعني انتي موافجني
عصام :: اومال ايه .. موافجك طبعآ
حسين :: خلاص انا من بكره هنزل سوج العبور واعدي علي كام تاجر من اللي نعرفهم وافهم الدنيا هناك ماشية ازاي
عصام :: عالبركة ياخويا
...............
سعاد :: بجولك ايه ياست صباح. العمدة دلوك مش موجود وچلال زي ما انتي شايفة عاجز ومش بيتحرك. والبت فوج ومفيش حد يجدر يدافع عنيها
صباح :: فكرك ننفذ اللي اتفجنا عليه دلوك
سعاد :: ده انسب وجت. واللي هنعملة هيربيها وهيخليها تتعلم الأدب
صباح :: طيب روحي انتي هاتي شومة كبيرة
سعاد :: عملت كل ده ياستي ومحضراهت م الصبح
صباح وسعاد طلعوا شقة جلال والهام كانت نايمة علي السرير بتكلم نعمة تطمن عليها وعاملة اية مع جوزها سمعت الباب بيخبط ف قفلت المكالمة .. حطت الروب علي جسمها وراحت فتحت
صباح :: مساء الخير يامرت ولدي
الهام :: مساء النور .. خير طالعين يعني انتي والمحروسة سعاد
صباح :: طالعين نطمن علي چلال. ولا بلاش
الهام :: اهو نايم جوه ادخلوا شفوه
سعاد دخلت وراحت قافلة الباب وجريت علي الهام اللي كانت ادتلهم ضهرها ورايحة الأوضة وراحت موقعها في الأرض والتليفون وقع من ايدها وصباح وسعاد كتفوها والهام بتصرخ وبتقاوم لكن كانت سعاد شديد عليها وقدرت تشل حركتها وتلحاجة صباح تصربها بالشومة علي ظهرها ورجليها وبطنها
الهام بقت بتزحف علي الأرض واخدت التليفون واتصلت بعصام وهي بتصرخ وبتقولوا الحجني. هيموتوني
علي ما عصام لبس هدومة ونزل جري وحسين سألة في ايه قالوا مش وجتة تعالا معايا بسرعة نازلين البلد اختك شكلها بتموت
................................................
هجر :: ايوة يا مدام سحر بس اني ماليش يد ف حاچة دي كلها حاچات من عند ربنا ومجصدتش اچي هني زي مابتجولي
مدام سحر :: تعرفي يا شادية ودة طبعا مش اسمك انا خليت ام خالد دفعت للست فلوس علشان تحكيلها كل حاجة تعرفها عنك والست قالت الحقيقة وانا سبتك كل دة مستنية اعرف انتي ناوية علي اية ؟؟
هجر :: اية اللي بتجولية دة يا مدام سحر اني اسمي شادية زي ما مكتوب ف البطاجة اللي مع حضرتك شوفتيها.
مدام سحر :: قصدك البطاقة اللي عملهالك معتز المحامي يا هجر ؟
هجر :: معتز مين ؟
مدام سحر :: بردو مصممة تهيني ذكائي طيب انا هحكيلك من الاول وانتي بقا تقوليلي صح وﻻ غلط
معني وجودك هنا انك عرتي ان جوزي هو الباشا اللي ابوكي كرم كان شغال معاة صح ؟
هجر :: وحضرتك دلوك هتبلغي الباشا عشان يخلص مني ؟
مدام سحر :: لو كنت عايزة اعمل كدة كنت ندهت للحرس مسكوكي ورموكي ف البدروم لحد الباشا وابنة ما يرجعو
هجر :: اوومال حضرتك عايزة ايية ؟
مدام سحر :: عايزة نفس اللي انتي جاية عشانة .
هجر :: اللي هو ايي يا مدام جولي ؟
مدام سحر :: اننا ندمر الباشا .
هجر :: ما يمكن حضرتك تكوني بتلعبي عليا عشان تعريفي مين معايا طالما زي ما بتجولي كنتي عارفة من اﻻول اني مش شغال وعارفة اسمي وكل حاجة عني ؟
مدام سحر ::انتي محدش معاكي غير معتز وحتي معتز نفسة شغال معايا من غير ما يعرف والرجالة اللي تحت ايدة دول كلهم تبعي اناومفيش خطوة بيعملها معتز الا لما بعرفها من قبلها هو فاكر ان محش يعرف اي حاجة عنة وانة قدر ينتقم من كرم من غير ما يظهر ف الصورة
هجر :: يعني حضرتك اللي كنتي بتساعدية وهو مايعرفش مين اللي بيساعدة دايما ؟؟
مدام سحر :: ايووة ؟
هجر :: وانتي هتستفادي ايي ؟ ولية ساعدتي معتز ف انة يدمر كرم ويخلية يتجبض علية واحنا الي مكناش عارفين نخلي البوليس يجبض علية عشان الباشا كان بيحمية ف محدش كان جادر يجربلة انتي بجا حوشتي الحماية عنيية والبوليس جدر يجبض علية طب كل دية فايدتك مينية ايي ؟
مدام سحر :: تقدري تقولي طار قديم بيني وبين كرم وكان مستحيل اخد تاري بنفسي ف وجود الباشا بيحمية
هجر :: عشان كدي كنتي بتحركي معتز من الضلمة واللي يحصلة يحصلة ومش هيجدر يجول عليكي عشان مايعفركيش وﻻ يعرف ان في حد وراة
مدام سحر :: انا مستحيل افكر سبب اي اذي لمعتز او ليكي كل خطوة كنت ببقا مئمناكم كويس اووي بس انتي اللي متهورة وكنتي بتوقعي نفسك ف مشاكل كبيرة .
هجر :: انتي جلتي انك عملتي كدي عشان الطار واني بردو عملت كدي عشان انتجم ل امي واخد بطارها من كرم بس كأيوانها كات رامياني السنين دي كلاتها وعايشة حياتها ومرتاحة وبجت هانم كبيرة جوووي ف مصر .. مش كدي يا مدام چنة !!
تعليقات
إرسال تعليق