رواية أحببتها صعيدية الفصل الحادي والثلاثون 31 نور الدين جلال

عصام :: نعيم مين ؟

احمد :: الاشاعات دي بأسم حد اسمه نعيم سيد الفار

عصام :: انت بتجول ايه ؟ انت متوكد من الأسم دية

احمد :: ايوة ياعم مكتوب قدامي اهو .. هو انا هكدب عليك.. الراجل ده عنده عيب خلقي مش هيخليه يخلف

عصام اخد التليفون من احمد وراح جري علي الأوضة بتاعتة وبص علي التحاليل وجاب منها عنوان معمل التحاليل اللي في مصر. وراح بسرعة راكب العربية بتاعتة وطيران زي المجنون علي مصر

فضل يسأل علي العنوان اللي موجود في الظرف بتاع التحاليل لغاية ما وصل المعمل

عصام :: سلام عليكم

دكتور المعمل :: وعليكم السلام

عصام :: حضرتك التحاليل دي اتعملت هني من فترة

الدكتور اخد ظرف التحاليل وبص علي التاريخ :: ايوة حضرتك دي فعلا معمولة عندنا خير

عصام :: حضرتك التحاليل دي بأسم مين

الدكتور :: بص علي الظرف وقاله باسم نعيم سيد الفار

عصام ::

التحاليل دي مش بتاعة ابويا .. انا ابويا اسمة نعمان سيد علي

الدكتور :: طيب معلش ثواني .. من حسن الحظ اننا بنحتفظ بصور التحاليل علي الكمبيوتر. ثواني ابحث عن تحاليل بتاعة والدك

بعد نص ساعة الدكتور وصل لصورة من تحاليل الوالد فعلا

الدكتور :: ايوة فعلا والدك جه عندنا وعمل تحاليل والظاهر كدة البنت او الشاب اللي كان شغال هنا وقتها ادالة تحاليل غلط

عصام :: طيب الحاچ بيخلف ولا مش بيخلف

الدكتور :: التحاليل بتقول انة كويس اه هو فيه ضعف في الحيونات المنواية وده بحكم السن لكن معندوش مشكلة

تعرف يا داكتور ان بسبب الغلطة بتاعتكم دي بيت اتخرب وصاحب التحاليل ده مات

الدكتور :: للاسف والدك مكنش سايب رقم تليفون او اي بيانات تخلينا نقدر نوصلة

ثواني هعملك نسخة من التحاليل

عصام اخد التحاليل وهو مش عارف يفرح علي ان ابوه طلع ابوه فعلا ولا يزعل علي ابوه اللي مات بسبب اهمال واحد مش شايف شغلة وكان بسبب الاهمال ده ان الحاج تعب واتعذب الشهور الطويلة قبل موته

عصام اخد التحاليل الأصلية وهو حاسس انة اتولد من جديد

وبقا فرحان ان ابوه كان سليم وانه ابن الحاج نعمان من صلبة و اول ما وصل البيت لقا وجدي واقف قدام البيت الكبير وشكلة مستنية وقف معاة وعزمة يدخل **

.....................

*** عصام بعد ما دخل هو و وجدي و قعدو سوا لقا وجدي مترددوبيلف ويدور ف الكلام كان في حاجة عايز يقولها ومتردد **

عصام :: خير يا داكتور وچدي عايز تجول حاچة ؟

وجدي :: بصراحة ايوة انا كنت اتفقت مع الحاج نعمان الله يرحمة وقرينا فاتحة اختك نعمة ولوﻻ الظروف اللي حصلت كان زمنا اتجوزنا وانا كنت ساكت ومنتظر وقت مناسب بس زي ما انت عارف مكنش في فرصة والظروف كانت وحشة اووي بمشاكلي بتحصل للعيلة ورا بعضها بتحصل للعيلة

عصام :: عداك العيب طب وانت دلوك عايز اية ؟

وجدي :: عايز اتجوز نعمة اظن دة الوقت المناسب احمد قفل عيادتة وهيبعها ةانتم هتسافرو تعيشو ف القاهرة وانا كمان هروح هناك اشتغل ف مستشفي خاصة يعني ﻻزم نخلص كل حاجة كل ما تسافرو وف اقرب فرصة نكتب الكتاب واخد نعمة معايا مصر .

** نعمة كانت واقفة بتسمع من بعيد ودخلت اتكلمت **

نعمة :: بس اني مش موافجة علي الچوازة دي

** عصام و وجدي بصوله اووي وعصام استغرب ﻻن اختة كانت موافقة ب وجدي وفرحانة اوووي لما خطبها الحاج نعمان *

وجدي :: طب ممكن اعرف اية اللي يخليكي ترفضي يا نعمة انا ملاحظ معاملتك معايا متغيرة من فترة كبيرة كل ما بكون ف البيت هنا وبقول يمكن الظروف اللي هي فيها مشيلاها الهم ومخليهاها كدة لكن دلوقتي اظن من حقي اعرف السبب ؟؟

عصام :: خير يا نعمة اية السبب اللي يخليكي ترفضي الداكتور وچدي وانتي ابوكي كان واخد رايك وكتي موافجة علية ؟

نعمة :: علشان هو خاين ؟

وجدي :: انا يا نعمة خونتك طب امتا وازاي دة انا مبخرجش من البيت اللي فية العيادة ومعرفش مخلوق ف البلد وماليش تعامل مع ستات انا دكتور تخدير عمليات يعني بدخل العملية اخدر المريضة وبس وماليش اي علاقة باي حاجة تانية يعني مفيش صلة بيني وبين اي ست

عصام :: استنا انتا يا داكتور لما اسمع من اختي ولو اللي هتجولة صح يبجا متاخذنيش معندناش بنات للچواز .

وجدي :: وانا موافق يا عصام .

عصام :: اتكلمي يا نعمة ومتخافيش جولي كل اللي ف نفسك .

نعمة :: من فترة كبيرة جوي جالة مكالمة كدي وخرچ يتحدت برة الدار ليلة ما كنا كلاتنا متچمعين وسمعتة بيتحدت مع واحدة ف التلفون وبيجولها يا حبيبتي وبعد كدي بجيت اﻻحظ علية ااكون واجفة ف شباك اوضتي وانا مستنياها يچي ف اشوفة بيتحدت ف التلفون وبيضحك ويهزر و اول ما يجرب من الدار يجقفل السكة ويدخل الدار ولما التلفون بتاعة بيرن وهو جاعد حدانا مايردش لحد ما يخرچ واخرچ وراة الجية بيتحدت ف التلفون وبيضحك ويجول للي بيكلمها يا حبيبتي وعايزني اتچوزة كيف وهو كدي دلوك اومال بعد الچواز هيكون كيف ؟

عصام :: صحيح الحديت اللي جالتة نعمة دة يا داكتور وجدي ؟

وجدي :: ايوة فعلا كل كلمة قالتها نعمة صح وهي مكدبتش اي حرف قالتة .

نعمة :: شوفت يا اخويا بچاحتة اهو كمان بيعترف وﻻ هامة .

عصام :: يعني انتي انت بتعترف بخيانتك وانك ﻻ مواخذة يعني عينك زايغة طب حيث كدي بجا انا معنديش بنات للچواز واختي هچوزها للي يصونها ومايبصش لغيرها .

وجدي :: ممكن تسمعوني اﻻول وبعدا تحكم انت يا عصام وانا هتكلم واثبت كل حاجة هقولها .

عصام :: ايي رايك يا نعمة عايزة تسمعي الحديت اللي الداكتور وچدي عايز يجولة ؟

نعمة :: وهو في حديت تاني بعد اللي جالة بعضمة لسانة ؟

وجدي :: ايوة فية .. فية ان ليلة ما كنا متجمعين و اول مكالمة سمعتيها دي كانت مع اختي رحيل وانا بقولها يا حبيبتي هي واختي فريدة الصغيرة ﻻنهم مالهمش غيري وعايشين مع عمتي ف بيت العيلة ف القاهرة واتحرجت اتكلم ف وسط اللمة دي والكل قلقان وهي كانت بتطلب مني اللوكيشن بتاعي يعني ابعتلها مكان بالظبط علشان يطمنو عليا مكنتش اعرف انهم ايزين يجو البلد هي واختي ويفاجئوني وللاسف وهما جايين تاهو راحو بلد تانية بعيدة ف وسط الصحراء ومحدش كان يعرف عنهم حاجة ورجعو القاهرة وانا سافرت اطمنت عليهم ورجعت وبعدها بقيت بكلمهم علطول واطمن عليهم ولما باجي ادخل هنا بحترم الظروف اللي انتم فيها وبقفل معاهم علشان ماصحش ابقا بهزر واضحك وانتم ف مصايب يعني .. وانتي يا نعمة لو معاكي تليفون كان زماني خليتك تكلميهم واتحرجت اجبلك تليفون اخوكي عصام يشلني حق قلت لما نتجوز وتبقي ف بيتي اجبلك كل حاجة ولما اخوكي عصام من قريب جاب للكل تليفونات ملقتش فرصة اقعد معاكي واقولك تكلميهم ﻻني اصلا لقيتك مش بتتكلمي معايا وادي يا عصام التيلفون اظن مكنتش اعرف باللي هيحصل دة ادي رقم اختي مسمية حبيبتي واهو هتصل .

* وفعﻻ وجدي اتصل وشغل ألميكرفون بتاع التليفون وبقا يكلم اختة رحيل ويسالها علي عمتة وعلي اختة فريدة وضل يضحك معاها وقالها خدي سلمي علي خطيبة اخوكي وادا التليفون ل نعمة اللي كلمتها وهي مكسوفة اوووي ومش عارف ترد تقولي اية ** بعدها وجدي قفل المكالمة *

وجدي :: ها يا عصام صدقتوني وﻻ لسة ؟

عصام :: صدقتك يا داكتور متاخذنيش انا معنديش اغلي من خواتي البنات ومستحملش عليهم الهوا .

وجدي :: طب نقدر نحدد كتب الكتاب وﻻ لسة نعمة عندها مانع ؟

عصام :: هاا يا نعمة لسة مش موافجة علي الچوازة وﻻ ايي ؟؟

** نعمة سكتت واتكسف اوووي وقالت :: اللي تشوفة يا اخويا

عصام :: يبجا علي بركة الله نكتب الكتاب الخميس الچاي وتاخد عروستك وتسافر مصر واحنا هنحصلكم لما ننجل علي دارنا اللي هناك .

** عصام ندة للحاجة امينة ول باقي العيلة والحريم كلها زغرطت ل نعمة وفرحو اووي ان اخيرا الفرحة زارت بيتهم تاني ******

.........…………...............

حسين :: ايه يابت ياسامية الغيبة دي كلها

سامية :: بجا كدي يا سي حسين متسألش عليا واني كت تعبانة و كت في مستشفي الميركز بين الحيا والموت

حسين :: ياساتر يارب .. ليه كدي

سامية :: كان عندي تعب كدي اسمة الكلوي ولل مغص كلوي والله ما اني عارفو

حسين :: لا الف سلامة عليكي المهم انك بخير دلوك

سامية :: مالك يا سي حسين مش ملهوف عليا يعني زي هوايدك ولا هو انت شوفتلك شوفة تانية واني غايبة.؟

حسين :: طب تعالي اجعدي ولاا يا رياض انتا يا ولاا

رياض :: ايوة ياسي حسين

حسين :: تشربي ايه ياسامية

سامية :: اي حاچة

حسين :: روح هات ليها ساقجع

سامية :: مالك بجا يا سي حسين دة احنا بينا حاچات ياما ؟

حسين :: بصي يا سامية اللي كان بيني وبينك دة تنسية انا راچل متچوز ومش عايز افضل ف الطين كدي.

سامية :: وهو انتا كنت نايم وصحيت من النون افتكرت انك متچوز ولا اني كنت بمسكك من ليدك واجولك تعالي عيندي ؟

حسين :: اني غلطان واستاها ضرب الجزمة وربنا يسامحني علي اللي حوصل ميني بس انا ويعلم ربنا كان غصب عني مراتي كات مجصرة،معايا جووي وانتي كتي كيف الحية لفيتي عليا وجدرتي توجعيني فيكي وخلتيني كيف الاهبل اللي معندوش عجل يفكر بية ومشيت وراكي واني مغمض.

سامية :: وانت فتحت دلوك يا سي حسين وخلاص سامية مبجاش ليها عازة عينيدك ؟

حسين :: ايوة فتحت ولجيت ان مرتي متستاهلش ميني كل دية وان اني كدي راچل دون سايب مراتي ام عيالي اللي شيلانا ليل ونهار وبخونها اني حتي مبجتش جادر ابص ف عينها كأيوني كل ما ابصلها اشوف العملة الطين اللي هببتها دي اشوفه ف عينيها كأيونها بتجولي اني عارفة باللي انت بتعملة.

سامية :: كدي يا سي حسين دلوك عايز ترميني؟

حسين :: يا سامية انتي شوفي حالك وربنا يسعدك ويتوب عليكي من المشي البطال لكن اني مبجاش ينفع اعرفك من اساسة وربنا يسامحني ويجدرني اعوض مرتي عن اللي عملتة دية...

..........................

تاني يوم حسين وعصام والحاجة امينة واسماء واشواق ونعمة وزينب قاعدين بيفطروا والهام جت تفطر معاهم وعرفت عصام انها صالخت حماتها واستئذنت منها تيجي البيت هنا تقعد اليوم كلة *

حسين :: بجولك ايه يا عصام اني النهاردة هتفج مع سواج عربية جل عشان بعد بكره ياخد شوية الهدوم بتوعنا وشوية الحلل ننزل علي مصر

عصام :: ماشي انت خلاص المحل بتاعك فضي خالص

حسين :: ايوة مفيش ولا حباية في المحل وخلاص انا جفلت المحل

عصام :: ماشي وانا اجرت الأرض وبعت البهايم وفيه تاچر چاي ياخدهم بعد المغرب

وبكدة يبجا مفيش حاچة باجية هني واهو نعمة هيتكتب كتابها يوم الخميس وهتسافر مع الداكتور وچدي مصر واحنا هننجل الچمعة

زينب :: والنبي الدار هني هيوحشني جوي

اسماء :: واني كمان يازينب وحاسة نفسي الدمعة هتفر من عيني

عصام :: وانتي يا نعمة جهزتي حالك وچدي مستعجل وهيكتب تلكتاب وياخدك تعيشو ف داى اهلة ف مصر واحنا هنبجا چارك ف اي وجت هنكون معاكي متجلجيش من حاچة.

نعمة :: انا مچهزة كل حاچة يا اخويا ربنا يباركلك فيك انت وحسين اخويا ويخليكم دايما سند ليا وضهري

حسين :: الا بالحج مفيش اخبار علي العيادة ؟؟ مفيش حد چالك عايز يشتري الدار اللي هي فية

عصام :: لحد دلوك مفيش وانا كدي كدي هكون بين هني وبين مصر باستمرار عشان عندي مصالحي هني ولو چه شاري اهلا وسهلا.. اجوم اني عشان عندي مشوار وانت ياحسين طالما معندكش حاچة اطلع علي المحل بتاعي اجف فيه

عصام :: والنبي يا الحاچة امينة كت عايز اتحدت معاكي جبل ما اروح مشواري ..

الحاجة امينة :: ومالة يا ولدي جوم بينا نطلع فوج نتحدت براحتنا

** عصام طلع معاها علي اوضة الحاجة امينة **

عصام :: بصي يا حاچة من غير لف ولا دوران اني ابويا الله يرحمة كان سايبلي وصية بيجول فيها انة طلع ما بيخلفش وان اخواتي كلاتهم مش عيالة ودية اللي تعبة وچابلة جلطة راح فيها.

الحاجة امينة :: يادي المرار بجا نعمان كان شايل كل دي وساكت الله يرحمة كان وتد .. تيعرف يا عصام زمان لما اتچوزت ابوك وانت حتة لحمة حمرا بعد ما امك الله يرحمها اتوفت بيني وبينك كان هيتچنن وكان شاكك ان كرم دية جدر يعتدي علي امك وانها جالت انها صدتة علشان الحاچ مايجتلهاش وفضل طول الوجت مستنيني احبل بس حوصل ان كرم دية رچع البلد وبجا معاة فلوس كتير واشتري اراضي وبجا شوكة كبيرة ف حلج ابوك الله يرحمة .. الحاچ بجا هيتچنن عايز ينتجم من كرم ومش عارف.. وف يوم لجيت كرم بيتهچم عليا ف الزريبة بس انا رمحت رمح ومخلتهوش يمسكني ودخلت الدار وجفلت علي نفسي لحد ما چة ابوك وخفت اجولة يجتل كرم ويروح فيها ومكنش هيصدج اني،رمحت منية واصل ف سكت.. وكرم لما لجا ان ابوك معملش حاچة فهم اني مجولتلوش ف بجا يبعتلي مراسيل اني لو مروحتولوش الاستراحة بتاعتة هيجول ل ابوك ان فية حاچة بينا ويجولو علي شكل هدومي اللي كنت لابساها ف الدار وكات يعني هدوم ماتسترش بس كت لابساها عشان اني لوحدي و واخدة راحتي ف الدار ... المهم روحت ل كرم الاستراحة علشان اجفل الموضوع و كت مخبية سكنية ف الچلابية بتاعتي ... وهناك كرم حاول يعتدي عليا ف غزيتة بالسكينة ف دراعة بس جدر ييجطع چلابيتي و روحت الدار واني بدار لحد ما چيت وغيرت خلجاتي وحرجتها ف صفيحة ف الزريبة وبجيت طول الوجت عايشة واني خايفة كرم يجول ل ابوك اني روحتلة الاستراخة ويعيب فيا زي ما عاب ف امك .. كرم دة كان شطان الله يجحمة طول عمرة بيكرة ابوك عشان كان احسن منية وفضل لحد ما بيكرهو واهو ف الاخر مات علي يدة حكمت ربنا..

*** الحاجة امينة جابت مصحف ومسكتة عند عينيها ***

والله يا ولدي اجسم بالله وبحج هذا القران ابوك زين وبيخلف وجسما بالله كلكم من صلب ابوكم الحاچ نعمان الله يرحمة.

عصام :: اني اتوكدت من كدي بنفسي وسامحيني علي معاملتي ليكي وظني الوحش فيكي بس كان غصب عني والله يا حاچة

الحاجة امينة:: مسمحاك يا ولدي دي اني اللي مربياك وشايلاك طول عمرك وخابرة زين ان جلبك ابيض زي ابوك الله يرحمة.

عصام نزل من عند الحاجة امينة وراح المركز .. السجن العمومي علشان يزور الحاجة فاطمة

فاطمة اول ما جت وشافت عصام هو اللي جاي علشان يزورها مكنتش مصدقة

فاطمة :: اخر حاچة كنت افكرها انك تيچي تزورني وكت مهددني تجتلني لو جلت الحجيجة و اتهمتني بالكدب رغم اني خرچتك من حبل المشنجة

عصام :: حجك عليا وانا فعلا ندمان بس ان السجن عندي كان اهو من ان سمعة ابويا وشرفة يتعاصو ف الطين

فاطمة :: ابوك كان زين الرچال واني مكنش ينفع اسيب ولدة يتحبس

عصام :: انا جيت علشان استسمحك تسامحيني واجولك اي حاچة هتطلبيها انا سداد وعنيا ليكي وهجوملك محامي،يعمل استئناف عشان يخفف الحكم اكتر من،كدي

فاطمة :: طول عمرك راچل زي المرحوم ابوك ونظرتي فيك ماخيبتش ابدا

عصام بعد ما زار الحاجة فاطمة راح المحل ووقف هو حسين فيه