رواية أحببتها صعيدية الفصل التاسع والعشرون 29 نور الدين جلال

رحابة السماء

هدوء الافق

مسافات بعيدة بيني وبين الصخب

وتفاهات البشر

ايماءات العصافير

حنان وهمس الامواج

الشمس عصية الدفء

ورحيل السحاب لارض العشق والخيال

موسيقي الكون

اكتشافي المتجدد انني من كوكب اخر

ومسافر ابدا للمحال

تدفق الغروب والاشجان

وهذا الانتحار البطيء

اسمة انت

وهذا الموت اليومي

اسمة الحنين اليك

ما اروع الموت حين ياخذ شكل عينيك

وما اجملة من انتحار

ما ينهيني بين يديك

............................

السمسار بتاع مصر اتصل بعصام وقالة لقيت فيلة كويسة مش نفس المساحة هي اصغر شوية بس حلوة و في نفس المنطقة تبعد اربع شوارع بس عن الفيلا بتاعتك

عصام :: والمطلوب فيها كام

السمسار ::الراجل بيقول عايز فيها كذا وممكن تخلص علي كذا

عصام :: طيب انا كلاتها كام يوم وهدلي مصر

السمسار :: يعني اكلم الراجل واتفق معاه

عصام :: ايوة خلص معاه وخدلي معاد

السمسار :: تمام وانت عارف انا نسبتي مش هتقل عن ...

عصام :: مش هنختلف كل اللي هتطلبة هتاخدة

عصام قفل مع السمسار وقال معلش يا حاچ سعيد تلفون مهم

الحاج سعيد :: ولا يهمك يا عصام يا ولدي

عصام :: عديت فلوسك ياحاچ سعيد

سعيد :: اه يا ولدي مظبوطين

عصام :: طيب هنجوم دلوك انا وانت عشان نخلص عجد الدار في الشهر العجاري

سعيد :: ماشي. هجوم دلوك بس اطلع ادس الفلوس فوج واچيلك

عصام :: ماشي ياحاچ

الحاج سعيد طلع شال الفلوس في الأوضة بتاعة فوق وبعدين اخد عصام وطلع بيه علي الشهر العقاري بتاع البلد سجلوا البيت بأسم عصام وبعدها عصام ركب عربيته ومشي علي بلدهم وراح دوار العمدة

العمدة :: ايه عملت ايه

عصام :: خلاص الدار بجا بتاعي والعجد الرسمي اهو

العمدة : وريني كدي... ايوة كدي تمام جوي

كدة الدار بجا تحت تصرفنا

عصام :: طيب انتوا هتبدوا حفر ميتا

العمدة :: لا مش دلوك خالص. لازم نصبر شوية .. المهم دلوك ان الدار بجا بتاعتنا

عصام :: ماشي اسيبك انا دلوك

العمدة :: لا تمشي ايه انت نسيت الموضوع اللي جولتلك عليه ؟

عصام :: موضوع ايه

العمدة :: تيچي معايا تشتريلي العربية

عصام :: انت خلاص نويت تشتري العربية

العمدة :: ايوة وانا زي ما جولتلك مبعرفش في العربيات

عصام :: ماشي يا عمدة .. نخليها بكره ولا بعده علشان ننزل المركز

العمدة :: خلاص بعد بكره الصبح نروح نشتريها

عصام :: طيب عايز مني حاچة تاني

العمدة :: لا خلاص روح انت للمحل بتاعك

.............. بعد مرور ايام ..........

العمدة اشتري العربية وفيه واحد بقي بيجيلة كل يوم يعلمة السواقة عليها لغاية ما بقي بيعرف يسوق وبيروح وبيجي بيها

العمدة :: بجولك ايه ياعصام انا شايف المحلات بتاعتكم مبجاش فيها بضاعة

عصام :: اه احنا خلاص هنخلص البضاعة وهنمشي نعيش في مصر

العمدة :: تسيبوا البلد ؟ ليه كدي ؟ والشغل اللي بينا هنا انت ناسيه

عصام :: لا مش ناسيه ومصر مش بعيده عن البلد دهما كام ساعة بالكتير وهكون هني

العمدة :: ليه اصلا ماشيين من البلد

عصام :: خلاص يا عمدة احنا مبجاش لينا عيش هنا بعد اللي حوصل

العمدة :: يا ولدي لو كان علي موضوع كرم والجضية والحديت اللي اتجالل فالناس بتنسي

عصام :: خلاص يا عمدة احنا جررنا وهنروح نعيش في الدار اللي اشتراه ابويا جبل ما يموت

العمدة :: وناويين علي ميتا

عصام :: خلاص ممكن سبوع ولا عشر تيام بالكتير

العمدة :: خلاص انا شاري منكم الدار والمحلات مش هتبعوهم برضو

عصام :: لا يا عمدة كل حاچة هتفضل زي ماهي محدش يعرف الايام مخبية ايه

العمدة :: طب واخواتك البنات مش ليها في ورث ابوك

عصام :: ياعمدة انا عرفت انك اتحددت مع الهام وانا مرضتش ساعتها احدتك مع اني اضايجت جوي مينيك .. وعموما انا هريحك

بعد ما نخلص المصلحة اللي بينا كل واحدة من اخواتي هديها حجها

العمدة :: انا مكنتش اجصد حاچة يا عصام ويوم ما اتحددت

عصام :: خلاص ياعمدة اللي فات مات وانا مش حابب اتحددت في حاچة راحت

العمدة :: انت تعرف ان ابوك زمان عرض عليا اشتري دار معاه في مصر وانا مرضتش

انا حاسس ان ابوك كان بيجرا المستجبل لما اشتري الدار ده . اهو انتوا دلوك رايحين تسكونوا فيه

عصام :: بتنهيد . الظاهر كدي يا عمدة

العمدة :: طيب اجوم انا اروح الدوار ولو حصل چديد بخصوص الشغل اللي بينا هتصل بيك

.............

عصام :: انا مسافر القاهرة هظبط الدار وهغيب يومين وراجع

زينب :: طيب والفيلا بتاعتنا

عصام :: اياكي جنس مخلوج يعرف بيها دلوك

زينب :: هموت واشوفها واروح اعيش فيها

عصام :: جريب اوي يا زينب بس ندي اخواتي حجوجهم

زينب :: طيب ممكن تصورهالي ولما ترچع تخليني اشوفها

عصام :: وانتي مستعچلة علي ايه كلها سبوع وهننجل كلنا مصر وهناك ابجي اخدك اوديكي تشوفيها

زينب :: والنبي بچد ؟

عصام :: يلا بجا انا همشي

زينب :: طيب تروح وتاچي بالسلامة

*** عصام مشي راح مصر وراح البيت اللي في مصر حط هدومة في الشقة بتاعتة وبعدين راح قابل السمسار اللي اخده لصاحب الفيلا

عصام اتفرج عليها وعجبتة جدا واتفق مع صاحبها علي السعر واتفق معاه انه هيجيلة بكره علشان يكتب العقد ويسجل الفيلا

وفعلا عصام عدي علي الفيلا بتاعتة تاني يوم قبل ما يروح للراجل واخد فلوس من اللي شايلها هناك وبعدين عدي علي المحامي وراح قابل الراجل. ادالة الفلوس وكتبوا العقود وسجلوها بالشهر العقاري بأسمة

وبعدين راح اشتري عفش لشقتة وشقة حسين وقعد تلات ايام علشان يفرشهم

بالعفش الجديد

عصام بعد ما كل حاجة بقت تمام اخد عربيتة ورجع البلد وكانت الساعة ساعتها

خمسه المغرب عدي علي اخوه حسين.**

حسين :: حمدلة بالسلامة ياخويا

عصام :: الله يسلمك ياخويا . انا مردتش اروح وجولت اچيلك علي طول

حسين :: ايه عملت ايه في االدار ؟

عصام :: الدار چاهز وكلة تمام

حسين :: يعني كمان سبوع نجدر ننجل العفش بتاعنا

عصام :: هههههههه عفش ايه اللي هتنجلة

شجتك وشجتي اتملوا خلاص عفش وعفش چديد بكل حاچة ..

حسين :: بچد ياعصام .. ربنا مايحرمنا منك ياخويا .. بس كدي المصاريف ياما عليك يا خوي

عصام :: ولا ياما ولا حاچة خير ربنا كتير

انا بعت الارض اللي اشترتها وبالمكسب بتاعها فرشت شجتي وشجتك

حسين :: ليه كدي ياخويا ؟ ده رزجك ورزج عيالك

عصام :: متجولش كدي انا وانت واحد

يلا اسيبك عشان تعبان جوي هعدي علي المحل وبعدين اروح الدار

...............

العمدة :: خلاص يا معلم دهشان انا هچيلك بكره بالليل

دهشان :: دانا محضرلك سهرة يا عمدة هتعچبك جوي

العمدة :: متخلنيش اچيلك من دلوك هههههه

دهشان :: لا خليك لبكره عشان انا مش موچود الليلة في البلد رايح اجابل الباشا في مصر

العمدة :: خلاص يا دهشان سلام

دهشان :: سلام

..............................

** الساعة 6 العمدة ركب عربيتة الجديدة وراح

يسهر سهرتة مع المعلم دهشان في بلده

وفعلا العمدة راح وكانت ليلة من ليالي الف ليلية وليلة العمدة عمل فيها كل انواع االفساد .. اتنين ستات بيخدموا عليه وحشيش وخمره للصبح

وكان في نفس الوقت جلال سهران بره مع صاحبة بهاء وبيشربوا هما كمان حشيش في شقة صاحبة ودي اول مره يشرب فيها جلال مخدرات

العمدة بعد ما السهرة خلصت الساعة تلاتة ركب العربية بتاعة وهو سكران ومدرمخ والسواقة بتاعتة مهما كانت علي قده

طول الطريق العمدة عمال يغني وفي حالة توهان لغاية ما وصل البلد بسلام.**

جلال خرج من عند صاحبة الساعة 4 ومشي في طريق طولة بتاع اتنين كيلو مشي وكان ماشي بيتمطوح وخطواتة متعرجة شمال ويمين

العمدة تليفونة رن وكان المتصل المعلم دهشان

العمدة :: ايوة مين . دهشان ايوة انا خلاص وصلت البلد

** والعمدة بيتكلم العربية بتاعتة خبطت واحد ومن شدة ارتطام العربية بالشخص ده ارتطم بزجاج العربية كسره واترمي ورا العربية يجي بمترين

العمدة رمي التليفون علي الكرسي اللي جنبة وركن العربية ونزل يشوف هو خبط مين وكانت المفاجئة اللي فوقتة من السكر

العمدة خبط جلال ابنة اللي في لحظة كان غرقان في دمة ورجليه متنيه بالعكي ومابينطقش العمدة قعد علي الأرض وهو بيصرخ ولدي ولدي وحط راس جلال علي رجليه

البلد حست وجريت علشان تشوف في ايه وبعد ساعة الأسعاف جت وخدت جلال المستشفي والعمدة بمعارفة في المركز وفي البلد لبسوها لواحد تاني بمقابل مادي **

جلال دخل العمليات وامه والهام وعصام وحسين كانوا في المستشفي والعمدة كان في القسم وراح بعد اربع ساعات المستشفي ومكنش جلال لسة خرج من العمليا وعرف

من الدكاترة ان جلال حالتة حرجة جدا وانه هيخضع ل اكتر من عمليه وهيخرج من المستشفي ده لو قام منها عاجز لان عنده كسور متعددة منها كسر في العمود الفقري + ارتجاج بالمخ

صباح مسكت في العمدة وفضلت تصرخ جتلت ولدي يا عمدة جتلت ولدي يا عمدة

العمدة قعد عالأرض وحط ايده علي راسه وقعد يعيط وكان نفسة الزمن يرجع لورا وميروحش ل دهشان .. لا ميجبش عربية من اصلة

.............

ساميه راحت البيت الكبير وفتحتلها اسماء

اسماء :: كيفك يابت يا سامية وايه اللي شيلاه في يدك ده

سامية :: دول شويه جمصان نوم بسرح بيهم علي كل دوار البلد

اسماء :: ادخلي ياختي وفرچيني

زينب :: ازيك يا ساميه

سامية :: بخير ياست الستات كلهم

زينب :: تعالي يابت چنبي وفرچيني علي اللي معاكي

امينة :: بت يا سامية شوفي ستك اسماء لو عچبتها حاچة تاخدها وانا هحاسبك عليها

وتاخد اللي هي عيزاه

اسماء :: تسلميلي يامرات عمي

زينب :: اهيي واشمعني اسماء يعني . هو انا بت البطة السودا

امينة :: لا سودا ولا بيضة هو انتي محتاچة ياختي ؟ دانتي اكتر واحدة في الدار ده مهتمة بنفسها

زينب :: طلعي يابت وفرچيني يمكن انفعك انا وبفلوسي

امينة :: بت يا سامية .. تعرفي تچبيلي شوية حاجات احمر واخضر للوش

سامية :: ايوة اوومال هو ليكي؟

امينة :: طيب استني هطلع اجبلك فلوس تشتري بيها شوية حاچات للبت اسماء

اسماء :: لا يا حاچة انا مبحطش الحاچات دي

الحاجة :: هتحطي غصب عنك وهتهتمي بنفسك لحسن چوزك كدة هيرمرم وهيبص لغيرك

سامية بصت للحاجة ومصمصت شفيافها و اخدت الكلام عليها . علشان علي راسها بطحة

امينة طلعت جابت 500 جنيه وادتهم ل سامية ونقت شوية هدوم وحاسبت ساميه عليهم واخدت اسماء ودخلت بيها الأوضة

اسماء :: مش هينفع يا مرات عمي اتكسف البس الحاچات دي جدامك

امينة :: بت اجسم بربي هضربك بالشبشب

اجلعي. والبسي قميص قميص وفرچيني

اسماء :: طيب ودي وشك الناحية التانية

امينة :: غيري يابت ووريني الهدوم دي عليكي وانا زي امك ياختي

اسماء بقت تغير ورا ضلفة الدولاب وهي مكسوفة جدا وبقت بتلبس الهدوم والحاجة امينها تقولها ايوة كدي ياهبلة انا عايزاكي تخلي چوزها يتهبل عليكي وتسرحي شعرك ده وتحطي شوية ريحة

الحاجة امينة راحت فتحت الدولاب لقت اسناء معاها جلبيات عمرها مالبستها وهدوم كتير

امينة :: يخرب مطنك يا بت كل ديه عيندك وانتي علي طول جاعدة بالكام چلبية المعفنين دول

بت اياكي اشوفك لابسة الجلبيات المعفنة دي تاني

اسماء :: حاضر يا مرات عمي خلاص

الحاجة :: الليلة تلبسي لچوزك لبس زين بدل خلجاتك العفشة اللي رايحة چاية بيها ف الدار وتجعدي وتتحددتي معاة وتجوليلة انك مجصرة معاة وتراضية بكلمتين يا،بتي،الراچل،مهما كبر هيفضل عيل صغيير اجولك ارجصيلة يا بت

اسماء :: ميصحش يامرات عمي الكلام ده

امينة :: لا يصح ياختي .. اعملي اللي بجولك عليه انا اكبر منك وعارفة الرچالة بتحب اي..

............................

.............

احمد :: بقولك ايه يا حاجة امينة

الحاجة امينة :: ايي يا ولدي.؟

احمد :: انا خلاص قررت اقفل العيادة اللي في البلد وافتح واحدة في القاهرة واعيش في مصر

الحاجة امينة ::مع اني هزعل عليها اوي علشان دي بتخدم ستات البلد الغلابة بس مش هقولك لا علشان الكل هنا خلاص هيسافر مصر

وانا مش عايزة اعيش لوحدي هنا

احمد :: انا هكلم عصام وحسين علشان يشوفوا مشتري للبيت كلة بالعيادة. ونقعد مع بعض ونشوف انا ليا ايه

االحاجة امينة:: اللي انت شايفة صوح يا احمد اعملة بس اني خايفة ليكون عصام وحسين مش معاهم الفلوس اللي يدوك بيها حجك

احمد :: مش معاهم ؟ ازاي يعني .. امال حقوقنا هنسكت عليها

الحاجة امينة :: انا مجولتش تسكت بس براحة وانت ببتتحدت معاهم وعصام ولدي اكيد مش هياكل حجك

احمد :: انا هتكلم معاهم بالليل وهشوف هما هيقولوا ايه

................

الحاجة امينة :: ايه يا اسماء عاملة ايه مع چوزك .. بتعملي اللي قولتلك عليه

اسماء :: بلجلجة . اي ايوة يامرات عمي بعمل امال ايه

الحاجة امينة :: بتعملي ؟ بت انتي انتي بتكدبي عليا وانا بعرفك لما بتكدبي

احنا مش اتفجنا انك هتحطي من الاحمر والاصفر اللي خليت البت سامية تجبهملك

وخلتها تعلمك تتزوقي ازاي ؟ والقمصان اللي عندك دي كلها هتلبيسها امتي

يابت ياخيبة جوزك هيتجوزك عليكي واحنا خلاص كلاتها كام يوم وهنسيب البلد وهننزل مصر. وهناك الستات كلها تخطف العين

اسماء :: يامرات عمي مانا بتكسف وكمان متعودتش ابجا زي ماانتي عيزاني اعمل وكمان الحديت اللي بتجولهولي ده صعب اجوله

الحاجة امينة :: يابت متخلنيش اجوم عليكي

لو جومت هكسرك خالص ومش هخليكي لا تنفعي لحسين ولا لغيرو.

اسماء :: حاضر. اوعدك الليلة هعمل كل اللي جولتيلي عليه

............