رواية أحببتها صعيدية الفصل الثامن والعشرون 28 نور الدين جلال

وبالليل قعد مع اخوه حسين واتفق معاه لما البضاعة اللي في المحالات واللي في المخازن والمحاصيل تتباع

هيسيبوا البلد

حسين :: ماشي بس بلاش نبيع ياخويا محدش عارف الزمن مخبي لينا ايه

عصام :: فكرك كدي ؟

احمد :: يا جماعة انا شايف فكرة انكم تسيبوا البلد من الاساس غلط

عصام :: الامر ده يخصني انا واخويا محدش جالك تسيب البلد انت يا احمد وبعدين كت فين انت،الفترة،اللي فاتت ما انت كت ف مصر جال اية جبلت جواب التعيين واشتغلت ف مستشفي هناك وسبت العيادة اللي ابويا فتحهالك عشان تساعد اهل البلد

احمد بص لحسين وراح قايم

اشواق :: هو احمد جال ايه غلط يا عصام علشان تحرچة كدي.؟

عصام :: انا اللي مكوي بالنار يا اشوااج مش احمد والعار انا اللي مكوي بية

الحاجة امينة :: ولما نبعد عن بلدنا اللي اتولدنا فيها وعشنا فيها ده هيخلي الناس تسكت

عصام بصلها وهو قرفان منها ومش قادر يتكلم علشان اخواتة .. :: علي الاجل هنبعد عن الفضايح. بدل مافضيحتنا تكبر

حسين :: زي ما يكون ابويا ربنا يرحمة كان حاسس باللي هيحصلنا عشان كدي اشتري دار في مصر

عصام :: ابوك كان عامل حساب كل حاچة

وكان شايل وساكت ولسة مش عارفين كان شايل ايه تاني وراح بص للحاجة امينة

حسين :: طيب احنا ممكن نصفي شغلنا اللي هنا بس مش هنبيع حاچة

عصام :: اللي تشوفوا يا خويا وبالنسبة لحجوج اخواتك البنات وحج احمد في الورث .. شوية كدي وانا هدي كل واحد حجة

.....................

.....................

دهشان :: فيه بيت محتاچين حد يكون معروف يشتريه

العمدة :: مانت عارف اللي كان بيقوم بالعملية دي مفيش غيره الحاج كرم

دهشان :: وانا هروح اجيب كرم من التربة ما تصحصح معايا ياعمدة

العمدة :: طب ما تخلي حد من رجالتك هو اللي يشتري البيت يادهشان

دهشان :: وانت فكرك لو كان ينفع كنت جيت لغاية عندك وخبطت المشوار ده كلة

مانت عارف انا ورجالتي مينفعش ولازم اللي يشتري البيت لازم يكون معروف انة من الاعيان ومعاه فلوس. وفوق كل ده لازم تبقي سمعتة كويسة

العمدة :: ماهو انا كمان مينفعش ارشحلكم اي حد والسلام علشان الشغلانة دي عايزة حد يكون معانا وعارف اسرارنا

دهشان :: ماهو رشح وواحد بس وجال هو اللي ينفع يبجا معانا بدل كرم

العمدة :: ودة مين دة اللي الباشا بنفسة،جال علية ؟

دهشان :: عصام ابن نعمان

العمدة :: مين ؟ عصام .. لا لا ديه بالذات مينفعش خالص

دهشان :: ليه

العمدة :: انت مشفتهوش كان بيتحدت معايا ازاي لما روحت اباركلوا في دارة .. دكان ناجص يجولي جدام مرتي ياحرامي المساخيط

دهشان :: ايوة بس البلد كلها تعرفة ومش بس بلدكم لا دي البلاد اللي حواليكم تعرفة وتعرف المرحوم ابوه. ومعروف ان عندهم فلوس ياما واذا اشتري البيت اللي عليه العين محدش هيشك ان فيه خير وعشان كدي الباشا حط عينة علية وجال هو دة اللي يكون مكان كرم بالك انت مين،اللي عجد موضوع الجضية وخلاها طولت وعصاب كان هيروح فيها الباشا بتاعنا هو اللي عمل كدي عشان يضغط علية ويخلية يوافج يشتغل معانا بس هو موافجش

العمدة :: يعني انتي عايزني اروح واجوله تعالي اشتغل معانا في المساخيط

دهشان :: وايه المشكلة؟

العمدة ': طب ما هو هيرفض وهيتوكد اني شغال معاك

دهشان :: علي اساس انة مش عارف ومش متوكد من دية الباشا جالي انة عارف كل حاچة مش بعيد يكون كان شغال مع كرم من ورانا

العمدة :: بعد اللي عرفت انة عارفة. مستبعدش

دهشان ::خلاص اضرب عالحديد وهو سخن

احنا بجالنا كتير مريحين وعايزين الخير يعم علينا

...................

سامية :: صباح الخير يا ست زينب

زينب :: صباح الفل يا سامية .. ايه من ساعة ما الست فاطمة ما اتحبست واحنا مبجناش بنشوفك يعني

سامية :: ابدا ياست زينب كل الحكاية اني بطلع من صباحية ربنا الف علي البيوت بالچلاليب اللي ببعها علشان اخر اليوم اكسبلي كام چنيه

اسماء :: ازيك يابت ساميه عاش من شافك

سامية :: تسلمي ياست الكل ازيكي انتي وازاي سي حسين

اسماء :: كلنا بخير ياختي كنتي غطسانة فين كل المدة دي

سامية :: اهو من الدار ديه للدار دية واهي ماشية .. امال الحاچة امينة فين مش شيفاها يعني

اسماء :: بتستحمي

زينب :: جومي يابت ياساميه هاتي الملوخية من المطبخ واجعدي خرطيها

سامية :: بس كدة من عنيا ..

زينب :: البت دي يا اسماء مش سهلة وخدي بالك منها عصام نبهني منها منتكلمش جدامها في اي حاچة تخص الدار

اسماء :: حاچة زي ايه

زينب :: اي حاچة عائلية.. اسكتي لحسن چت

سامية :: وحشتني جعدكم جوي

زينب :: انتي چاية منين بالظبط يابت

سامية :: من دار الحاچة فاطمة

اسماء :: الا هو انتي جاعدة دلوك في دار فاطمة

سامية :: اهو بجول اجعد فيه بدل جفلتة

زينب :: ودارك ؟

سامية :: مالوا . اهو جاعد لا بياكل ولا بيشرب ولا هيخس

.............

...............

عصام :: الو ايوة ياعمدة

العمدة :: انا عايز اجعد معاك

عصام :: معلش ياعمدة مشغول في الأرض

وبعد الارض رايح المحل

العمدة :: معلش تعالا علي نفسك وتعالا جابلني انا عايزك في خير لي وليك

عصام :: خير ههههههه وانت هيچي من وراك خير بردو يا عمدة

العمدة :: عيب ياعصام انا بردو كت في يوم صاحب ابوك ودلوك حما اختك ونعتبر عيلة واحدة

عصام :: عايزني في ايه ياعمدة واخلص عشان مش فضيلك

العمدة :: كلام التلفون مش هينفع

عصام :: خلاص انت اللي عايزني. تعالالي المحل

العمدة :: ياعصام افهم الحديت اللي عايزك فيه مينفعش حد غيرنا يسمعة

عصام :: ماشي ياعمدة . انت فين دلوك

العمدة :: انا في الدوار. مستنيك

عصام :: خلاص چايلك .. سلام

عصام قفل مع العمدة وراح يشوفه عايزه في ايه

عصام :: ايوة ياعمدة عايزني في ايه

العمدة :: طب اجعد خد نفسك الأول.. اطلبلك شاي ولا جهوة

عصام :: لا شكرا مش عايز

العمدة :: لا هتشرب ياعصام علشان الحديت اللي هجولوا محتاچ دماغ مركزة

عصام :: اطرش الكلمتين اللي عندك يا عمدة

العمدة :: كدة. ماشي . دلوك انت عارف سرنا وانا عارف ومتوكد انك كت شغال مع كرم في الخباثة .. وبصراحة انا عچبان دماغك. محدش خالص حس بيك .. زي ما بيجولوا طلعت داهية مسحية

عصام :: كرم مين اللي اشتغل معاه ياعمدة

انت مصدج نفسك علي كدة

العمدة :: هعمل نفسي مصدجك وانت مشتغلتش مع كرم بس انا عايزك معانا

عصام :: معاكم ؟ انت ودهشان طبعا وابجا من رچالة الباشا عشان،لو حوصل،حاچة اروح اني ف الرچلين ؟

وعايزني معاكم في ايه ابيعلكم المساخيط

اللي بتخرچوها.؟

العمدة :: لا انا عارف انك لا هتعرف تبيع ولا هتعرف تخرچ حتي حتة واحدة من البلد .

عصام :: امال عايزني اعمل معاكم ايه ؟؟

العمدة :: كل اللي عايزينة مينيك. انك هتشتري الدار اللي هنجولك عليه

عصام :: انت اتخبطت في نفوخك . ولا شارب حاچة عالصبح ؟

العمدة :: انا لا شارب حاچة ولا مسطول وانا واعي للي بجولوا

عصام :: لا مش واعي علشان لو واعي مش هتيچي تطلب مني اني طلب زي ده

العمدة :: بص ياعصام من الأخر انت عرفت حاچات عننا مش من المفروض تعرفها .. وجدامك حاچة من اتنين يا تبجا معانا يا تبجا علينا .. وانت لسة متعرفش الباشا واصل لفين

وصدجني يا عصام هتزعل .. اه انا مش بهددك انا بوعيك

عصام :: اعلي ما في خيلك انت واللي الباشا بتاعك ديه اعملوه

العمدة :: دانت هتبج معانا واللي هيطلع هيبجا متجسم علي الكل الباشا بياخد الحاچة وبيدينا عشرة في،المية ومتستهونش المبلغ دي،فلوس ياما مالهاش عدد

وهيبجي اني ودهشان والرچالة اللي بتحفر وانت

عصام دماغة لفت وبعد ما كان قام راح قاعد تاني وفكر شوية

عصام :: طيب وفلوس الدار اللي هشترية بيها مين اللي هيدفعها

العمدة :: متخفش الفلوس دي الباشا اللي هيدفعها وبعد ما نخلص هنبيع الدار

وترچعلنا فلوسنا والفرج خده ليك

عصام :: ليا شرط ولو موفجتوش عليه انسوا اني ابجي معاكم

العمدة :: شرط ايه

عصام :: ابيع نصيبي بنفسي. واتعرف علي اللي هيشتري مينيكم عشان ابيع نصيبي من غير ما حد يضحك عليا انت مش عايز فلوس انت هاحد،نصيبي مساخيط من،اللي هتطلع

العمدة :: هشوف الباشا وارد عليك

عصام :: ماشي وانا هستني منك تلفون

........................... محل حسين ......................

عصام :: بجولك ايه يا حسين انا فكرت في موضوع اننا نسيب البلد دلوك ولجيت اننا نستني شوية

حسين :: طب ونظرات الناس لينا وحديتهم عليك لا انا مش هجدر اجعد في البلد دي . ربنا لوحدة عالم انا مستحمل جعدتي هني بالعافية ازاي

عصام :: معني كدي اني انا هستني هني شوية

حسين :: ايه اللي چد ؟ وايه اللي خلاك تغير رائيك دانت اكتر واحد كت عايز تهچ من البلد

عصام :: في مصلحة هني هعملها لو تمت هتخليني فوج

حسين :: مصلحة ايه دي

عصام :: هشتري دتر وابيعة والمكسب بتاعة حلو. ولو العملية مشيت هشتغل في الشغلانة دي علي طول

حسين :: اللي انت شايفة فيه مصلحة اعمله بس انا مش هجعد في البلد دي

عصام :: ماشي وفاكر المفاجئة اللي كت حددتك عليها جبل ما اتحبس

حسين :: ايوة صحيح دانا كنت ناسي

عصام :: انا مش ناسيك فيها بس حصل موضوع الحبس ده ولخبطلي كل حاچة

عموما هانت

حسين :: يعني بردو مش عايز تجولي

عصام :: لا انا بس قجولت اجولك اني فاكرك ومش ناسيك

تليفون عصام رن وهو قاعد مع حسين في المحل بتاعة

عصام ::/طيب اسيبك انا يا حسين ورايح المحل بتاعي

الو ايوة ياعمدة

العمدة :: انت فاضي دلوك

عصام :: خير في حاجة ولا ايه

العمدة :: ايوة هاخدك وهطلع بيك علي فيلا دهشان الباشا منتظرنا هناك

عصام :: ماشي هجابلك فين.؟

العمدة :: هات عربيتك وتعالا جابلني عند الدوار

عصام :: خلاص ماشي

عصام راح اخد عربيتة من قدام المحل بتاعة

وقال ل عوضين والرجالة اللي شغالة في المحل ياخدو بالهم علشان رايح مشوار واحتمال يتأخر

.........

................

العمدة وعصام وصلوا بلد دهشان وقابلوه هو و الباشا ف جنينة الڤيلا بتاعتة

دهشان :: يا اهلا يا اهلا ياعصام ده احنا هندبحلك عچلين علي الزيارة دي

عصام :: خير يا باشا

العمدة :: انت علي طول مستعچل كدة

الباشا :: احنا ناكل لقمة علشان يبقي عيش وملح

وبعدها هنتكلم في كل حاحة

عصام :: كتر خيرك بس انا سايب المحل لوحدة ومش عايز اتأخر

دهشان :: مينفعش الحديت ده يا عصام .. الواچب واچب وانت ابو الأصول انت ف داري ولازم تاخد،واچبك ولا عايز تكسف الباشا

عصام :: ماشي يامعلم دهشان .. ماشي يا باشا .. نجعد ناكل ونشرب الشاي وبعدها نتحدت

بعد ما عصام اتغدي وشرب الشاي معاهم المعلم دهشان اخدهم و رجعو قعدو في الجنينة

ورجالة الباشا منتشرا في الجنينة

الباشا :: انا بلغني انك موافق تبقي معانا وبلغني انك عايز تاخد نصيبك قطع اثار و عايز تقعد مع اللي هيشتروا البضاعة و المشتري

عصام :: ايوة ده شرطي علشان ابجا معاكم

الباشا :: وانا معنديش مانع ولا العمدة عنده مانع موافق بس حابب اعرفك حاجة

عصام :: عارف الخيانة

الباشا :: انت ذكي وده عاجبني فيك ايوة الخيانة. ملهاش مكان بينا والخيانة هيدفع تمن خيانتة حياتة

عصام :: بص للباشا وبص ل دهشان والعمدة وقالهم اكيد وانا موافج علي المبدأ والتطبيج عليا وعليكم ومهما كان الخاين مين

الباشا :: خلاص تمام متفقين .. العمدة بقي هيبقي يعرفك البيت اللي عليه العين

تروح تقعد مع صاحبة وتحاول تقنعة بالبيع وتتفق معاه علي السعر .. المهم انة ميحسش ان البيت تحتيه حاجة

عصام :: ماشي .. وتمن الدار ؟

الباشا :: لما تتفق مع الراجل تقول للعمدة كام وهو هيديلك

عصام :: طب والحفر

دهشان :: الحفر والتنقيب ده عليا انا والعمدة عليه يخرج الاثار من البلد ويسلمها للباشا في مصر والناس هنجابلها في مكان هنحدده وجتها .. المهم مش عايزين مجاطعة

عصام :: ماشي

العمدة :: خلاص يلا بينا احنا ياعصام

الباشا :: هو انت كنت شغال مع كرم

عصام :: مش هنخلص من السؤال ده بجا

جولت لا

الباشا :: خلاص بالسلامة انتوا لتتأخرو

............ ف نفس الوقت ف القاهرة.................

قصر كبير في اهم و ارقي مدن القاهره محاط بحراسه شديده جدا تقرب هجر ناحيه البوابه الرئيسيه اول ما تقرب الحراس يسلموا عليها ويرحبو بيها ويسمحولها تدخل بعد دخولها الحراس يتكبمو مع بعض

الحارس علي :: والله يا محمد البنت دي ما شفتش في ادبها من ساعه ما جت اشتغلت هنا وهي في حالها تيجي تشتغل وتخلص شغلها وتمشي على طول ولا بتكلم حد ولا حد بيكلمها ده انا حتى اسمها

الحارس علي :: اسمها شاديه انا شفت البطاقه بتاعتها اول مره دخلت فيها القصر لما كانت جايه تشتغل بيني وبينك الصراحه كان عايز اتعرف عليها وحاولت اعاكسها بس هي صدتني وكلمت ام خالد الطباخه تقول لها اني عايز اتقدم لها.

الحارس محمد :: وايه اللي حصل قالت لك ايه؟

الحارس علي :: والله يا محمد يا اخويا انا نفسي مش عارف كل اللي اعرفه ان ام خالد الطباخه قالت لي لو حاولت تفتح الموضوع ده تاني عيشك هيتقطع من هنا .

*** تدخل هجر القصر من الباب الجانبي اتجاه المطبخ وتدخل اوضه الشغالين تغير هدومها تلبس هجر لبس محدد بتلبسه اثناء شغلها في القصر هجر بدات شغلها واستغلت غياب الباشا وابنه البيه وبسرعه راحت ناحية اوضه المكتب بتاعه الباشا من غير ما حد ياخد بالة ودخلت بشويش ناحية الخزنه بسرعه طلعت ورقه فيها ارقام اللي ممكن تكون هي الارقام السريه للخزنه دي اللي قدرت تجمعها من خلال وجودها ف القصر ولما كانت بتدخل المكتب كذا مره تنضف والباشا بيفتح الخزنه بتاعته ف لمحت اول كام رقم لان مكنش ينفع تفضل بصة ومركزه علشان الباشا مايخدش باله وبعد كده قدىت تعرف تواريخ ميلاد الباشا وابنة ومراتة وتاريخ جوازة وكل الارقام المهمه اللي ممكن تكون هي الرقم السري لحد ما جمعت الارقام اللي متشابها مع الارقام اللي شافتها وبالفعل بدات تكتب الارقام لحد ما الخزنه فتحت لقيت جواها ورق كتير ومدت ايدها تطلعة وف نفس اللحظه باب المكتب اتفتح وهي بتلتفت تشوف مين سمعت صوت بيقول مش هتلاقي اللي بتدوري عليه كان واضح من اول يوم انك جايه علشان كده

...................... تاني يوم ......................

العمدة :: احنا دلوك هنطلع انا وانت علشان اوريك الدار اللي عايزين نشتريه. صاحبة

مش ساكن فيه ومجفول وظروفة المادية مش ولابد بعد ما هفرچك علي الدتر هاخدك واوديك لصاحبة. فاتح محل فراخ علي كدو وبعدين انا هسيبك وهستناك بره البلد وانت تدخل تشتري فرختين ولا حاچة وترمي كلمتين لصاحب الدار انك عايز تشتري دار في الحتة الفلانية وانك بتدور علي سمسار

عصام والعمده مشيوا وراحوا البيت اللي عليه العين وبعدها العمده اخده لصاحب البيت ووراهوله من بعيد

وفعلا عصام دخل علي الراجل كانة واحد عادي قالوا ادبحلي خمس فرخات كبار وقعد علي كرسي وبقي عمال يرغي مع الراجل

وقاله انة بيدور علي بيت في الحتة كذا وياريت لو يعرف سمسار يدله

الراجل ما صدق. وقال لعصام اديني رقم تليفونك انا قدامي بيت هعرف ظروفة ايه وهكلمك.. عصام ادلة الرقم بتاعة وقالوا منتظر منك مكالمة في اسرع وقت

الراجل عمل الفراخ وعصام اخدهم ومشي

وواحد من اللي شغالين في المحل قال للراجل ان اللي كان بيشتري منة ده عصام ابن الحاج نعمان ربنا يرحمة راجل طيب من بلدنا .. بس ايه اللي جابه هنا

الراجل حس بالأطمئنان من كلام العامل ومفكرش ان كان من البلد دي او من بلد تانية

كفاية انة راجل كويس ومش هينصب عليه في تمن البيت

عصام مشي وراح قابل العمدة بره البلد وحكي له اللي حصل بينة وبين صاحب البيت

العمدة :: كدة زين جوي.. الراجچل عايز يبيع الدار فعلا كل الحكاية عايز يطمنلك

عصام :: اديني مستني منه تلفون

.............

العمدة :: السلام عليكم

عصام :: وعليكم السلام. كيفك ياعمدة

العمدة :: زين والله يا عصام يابني

عصام :: اتفضل يا عمدة .. يا اهلا يا اهلا

ولاا يا عوضين.. انت ياولاا

عوضين :: ايوة ايوة .. ايوه ياسي عصام . العمدة ؟ ازيك ياعمدة

العمدة :: زين ياعوضين ..

عصام :: اطلع هات شيشية جص واتنين شاي من الجهوة

عوضين :: حمامة يا سي عصام

عصام :: خير يا عمدة مش عوايدك يعني

العمدة :: خير ياعصام . ابدا كل الحكاية اني

نويت اشتري عربية وجولت في بالي مفيش غيرك اللي بيفهم في العربيات

عصام :: الف مبروك مجدما.. بس هو انت بتعرف تسوج ياعمدة؟

العمدة :: ههههه لا. هو انا كنت هسوج ايه

مانا عايزك انت تعلمني

عصام :: اعلمك ؟ لا الحجيجة انا مش فاضي

بس فيه مركز تعليم سواجة ف البر التاني بيعلم السواجة

العمدة :: مركز ؟ وانت ترضهالي ياعصام اروح مركز وانت موچود

عصام :: مانا مش فاضي ياعمدة عشان اعلمك السواجة .. انت بس اشتري العربية وانا هخلي الواد اللي هناك يچيلك كل يوم. ويعلمك السواجة والموضوع كلة مش هياخد سبوع عشر تيام

عوضين :: الشيشة والشاي

عصام :: اشرب الشاي ياعمدة والمعسل عشان يظبطلك دماغك

..............

.....

عصام :: الو ايوة مين معايا

:: انا الحاج سعيد اللي كلمتني من كام علشان تشتري دار .. صاحب محل الفراخ

عصام :: ايوة ايوة ازيك يا حاچ سعيد . ايه سألت صاحب الدار ؟

سعيد :: بصراحة ومن غير لف ودوران انا صاحب الدار ومجدرتش اجولك ساعتها غير لما اسأل عليك.. والولاا اللي شغال معايا في المحل طلع يعرفك وشكر فيك جوي

عصام :: ربنا يخليك ويخليه .. المهم. ايه دنيتك

سعيد :: تجدر تچيلي بكره افرجك علي الدار.؟

عصام :: جوي جوي اجيلك .. بس اچيلك المحل ؟

سعيد :: ايوة وانا هكون مستنظرك بكره بعد الضهر

عصام :: ماشي وانا هچيلك في الميعاد

تاني يوم عصام اخد عربيتة وراح قابل الحاج سعيد صاحب البيت واخدوا بعربيتة وراحوا اتفرجوا علي البيت وبعدين الراجل اخده علي بيتة وكان عامل الغدا وحلف علي عصام يتغدي معاه قبل ما يتكلموا في اي حاجة

بعد الغدا .. الحاج سعيد سأل عصام الدار عچبك

عصام :: ايوة يا حاچ الدار حلو وواسع

الحاج سعيد :: خلاص نكتب العجود وكأن التمن وصل

عصام :: ده كدي هيبجي غالي جوي يا حاچ

الحاج سعيد :: الغالي يرخصلك

عصام :: طيب يا حاچ چولي عايز كام في الدار ديه

الحاج سعيد :: الدار يساوي 400 الف لكن ليك هنجول 380

عصام :: طيب يا حاچ انا مبسوط بمعرفتك

ويارب تكون معرفة خير

الحاج سعيد :: بص يا ولدي انت اسأل وشوف الدار يساوي كام وان مطلعش زي ما جولتلك انا هدهولك من غير اي فلوس

عصام :: طيب يا حاچ وانا مش هجولك البيت تمنة اجل من كدة بكتير خصوصآ ان الدار دورين بس انا هستني منك تلفون بعد ما تراچع نفسك في السعر

الحاج سعيد :: خلاص هكلمك تاني

عصام مشي وهو مروح البلد اتصل بالعمدة وحكي له كل اللي حصل بينة وبين صاحب البيت والعمدة قاله اشتري حتي لو بالسعر ده بس كويس انك مبينتش اننا ملهوفين علي الدار

............................