رواية أحببتها صعيدية الفصل السابع والعشرون 27 نور الدين جلال

و اشواق اتصلت ب معتز لحسين وكلمتة وطلبت منة يعملها تصريح زيارة ضروري لعصام باسم الحاجة فاطمة علشان عايزة تزوره

.........................

معتز اتصل ب اشواق علشان يديلها تصريح الزيارة بس هي طلبت منة انة،يروح للحاجة فاطمة ويديلها التصريح بنفسة وفعلا معتز راح للحاجة فاطمة البيت وادالها التصريح ومشي

تاني يوم الحاجة راحت الحبس لعصام وقابلتة

وقعدت اتكلمت معاة وبعدها عصام رجع الحجز،بتاعة

......

...........

عصام راح الحجز بتاعة وكان متصاحب علي واحد في السجن كان شغال مع المعلم دهشان وكان واحد من اللي كانوا بيحفروا في البيوت. في خلال 15 اتقرب منة وعرف بلاوي عن دهشان وعن دهشان وعرف الاهم من ده كلة. ان العمدة الراجل التالت بتاعهم

بس العمدة عمره ما تواجد في حفر ولا اي حاجة ودور العمدة بعلاقاتة كان بيعرف البيوت اللي فيها سراديب اثار وكان بيبلغ كرم اللي كان بيشتري البيوت دي باسمة

والاهم من كل دة ان التلاتة مش هما كبار الموضوع دة شغالين مع،راجل تقيل،اوووي هو اللي بيحميهم وبيأمن خروج الاثار من،البلد.

عصام بعد ما رجع من الزيارة اللي كانت جيالة زيارة الحاجة فاطمة . دخل الزنزانة وهو متعصب ومضايق ومش طايق دبان وشه وراح قعد في زاوية

جاله صاحبة سعيد الحراق

مالك ياعصام في حاچة حصلت بره

عصام :: مفيش ياسعيد

سعيد :: امال وشك مجلوب ليه ؟ حد من اهل دارك چرالة حاچة

عصام :: لا ياسعيد ده حكيوة خصوصي كدي معلش هملني ل حالي

سعيد :: يا چدع انا بكره خارچ بكفالة ومش عايز اسيبك وانت كدي

عصام :: معلش ياسعيد سبني دلوقت ..

سعيد :: براحتك ياصاحبي .. بس لو فيه حد مضايقك بره قولي وانا هجبلك كرشه

عصام :: ربنا يخليك ياسعيد معلش سبني دلوقت بجد محتاج اقعد مع نفسي

عصام قعد مع نفسة وسعيد سابه وعصام هيتجنن و دماغة بقت عمالة تودي وتجيب وبقي عمال يفكر.

عصام بقي عمال يضرب ايده علي راسه ومش عارف يعمل ايه وهو محبوس ما بين اربع حيطان وصاحبة سعيد مراقبة من بعيد وعايز يعرف عصام ماله وايه اللي خلاه بالشكل ده

..............

..........

الشاويش :: عصام نعمان

عصام :: ايوة يا شويش

الشاويش :: تعالا جايلك زيارة

عصام مشي مع الشاويش وراح اوضة المامور علشان يشوف مين اللي جايلة زيارة

بص كدة لقي راجل كبير. لابس بدلة فخمة وماسك وبيشرب سيجار

عصام :: مين حضرتك

:: انا واحد انت متعرفوش وجايلك علشان اعرض عليك عرض مظنش ممكن ترفضة نفع معاك كان بها منفعش خلاص ولا كأنك شوفتني

عصام :: عرض ايه

:: حابب تخرج من السجن ؟

عصام :: اكيد طبعا هو فيه حد عاجل خيحب يتسچن

:: انا ممكن اخلي راجل من رجالتي يعترف انة هو اللي قتل كرم

عصام :: يعترف علي نفسة بالزور يعني؟

طيب وهو هيستفاد ايه .؟ وانت هتستفاد ايه

:: انا كل اللي عايزو منك انك تبقي واحد من رجالتي وتشتغل تحت ايدي

عصام :: اه كدي اني فهمت ان بجا الراچل الكبير بتاع مصر اللي كرم واللي معاة شغالين تحت يدة ورچالتة مش كدة

االباشا:: انت تعرفني ؟ غريبة لا شكلك كدة كنت قريب من كرم فعلا

عصام :: ههههههههههه اللي متعريفهوش اني لا جتلت كرم ولا كان فيه بينا تعامل من اصلة

علشان اعرفة

كل ما هنالك ان سمعتك سبجاك انت والحاچ كرم

الباشا :: فكر كويس لحسن

اللي انت فيه ده اخرتة حبل المشنقة نسيت اقولك انتا طبعل مستغرب ازاي انتا متهم كدة ومفيش دليل قوي عليك تقدر تقول اني اقدر اعمل اي حاجة وزي ما دخلت هنا وممكن ف لحظة الف حبل المشنقة حوالين رقبتك ممكن بردو اخرجك من هنا ف لحظة.

عصام :: حبل المشنقة ده لو كنت اني الجاتل بصحيح والعملة دي مش هتعدي من يد العمدة والمعلم دهشان.. رچالتك

الباشا اتصدم من ثبات عصام وكمية المعلومات اللي عندة و انة عارف حاجات مش من المعقول يكون عارفها

الباشا قام وقال لعصام من الواضح انك كنت قريب من كرم بطريقة غريبة . انا ماشي بس هنتقابل تاني يا عصام لاني تأكدت دلوقت انك الراجل اللي بندور عليه يكون دراعنا اليمين

...................................

...........................

ميعاد جلسة عصام خلاص جه وبكره اول جلسات محاكمتة

تاني يوم الكل حضر الجلسة من اولها وشايفين عصام ورا القضبان بيتحاكم علي جريمة معملهاش وزينب قاعدة في المحكمة بتعيط علي جوزها

وف اخر الجلسة. الحاجة فاطمة دخلت القاعة

وعصام اول ما شافها بتنده علي القاضي ايده كلبشت في الحديد

فاطمة :: ياحضرة الجاضي انا عندي حديت ولازمن اجولو

** الحاجة فاطمة قررت لازم تقول الحقيقة ومهما كان ده ضد سمعتها وهتطلب من القاضي انة يخلي الجلسة سرية علشان سمعتها اللي محدش هيرحمها في البلد لو عرفوا ***

القاضي :: انتي مين وبأي حق تدخل قاعة المجكمة بالشكل دة

امينة :: انا مرات الجتيل كرم

القاضي بص في الورق .. انتي فاطمة ؟

فاطمة :: ايوة يا حضرة الجاضي وانا عايزة اجول الحجيجة عشان عصام ملوش ذنب

ومجتلش كرم بس يا حضرة الجاضي انا بطلب مينيك ان الچلسة متكونش عالعلن

** القاضي بص يمينة وبص شمالة واتكلم مع المستشارين وقال ترفع الجلسة لحين اخلائها من جميع الحضور **

عصام بصوت عالي اللي هتجوليه ده كدب كدب ومحوصلش ومحوصلش

***** فلااااااااااااش بااااااااااااااااك **

** زيازة الحاجة فاطمة ل عصام **

الحاجة :: عامل ايه ياعصام .. معلش سامحني يا ولظي مزورتكش اليام اللي فاتت

عصام :: ولا يهمك يا حاچة فاطمة وكتر خيرك انك فكرتي تزوريني ده عندي كبير جوي وربنا لوحده عالم اني بريئ من دم چوزك

الحاجة فاطمة :: انا عارفة ومتوكدة من كدي

وانا اصلا چاية بخصوص اللي جتل كرم

عصام :: وانتي تعرفي مين اللي جتلة.؟

الحاجة فاطمة بصوت واطي ::

اه اعرفة ومن اول يوم اتجتل فيه كرم

عصام :: وساكتة كل المدة دي ياشاويش يا

الحاجة فاطمة :: هششششش اسكت واسمعني الول يمكن انت ذات نفسك تطلب مني مجولش عن اسمة في محضر

عصام :: ليه ؟ مين الجاتل ؟

الحاجة فاطمة سكتت شوية وبعدين طلع الاسم من بين شفايفها زي الرصاصة

الحاچ نعمان .. ابوك

عصام :: انتي اكيد بتكدبي .. ابويا ايه اللي جتل چوزك .. انا ابويا كان عيان ومات جبل ما چوزك يتجتل

الحاجة فاطمة :: مش حجيجي يا،ولدي .. ابوك كان عندي وكرم في الليلة دي جه الدار عندي ولما شاف نعمان عندي اتجنن وضربوا بعض وانا اغمي عليا لما كرم ضربني وكرم كان هيجتلني والحاج جتلة جبل ما يجتلني

عصام :: انتي ولية كدابة .. ابويا عمره ما يعمل كدي

الحاجة فاطمة :: ابوك كان هيرفعلي جضية طلاج من كرم وكنا متفجين نتچوز ومن سوء حظة وحظي ان كرم چه شافوا وحوصل اللي حوصل

اني كت متوكدة انك مش هتصدجني بس انا چيت وچولت اللي يملي عليا ضميري. ولو عايزني اجول ده جدام النيابة هجول

عصام :: لو ده حصل. صدجيني هموتك والمرة دي هعملها بجد

فاطمة مشيت من عند عصام وكان نفسها عصام يصدقها وقررت انها لازم تسيب البلد وتروح تعيش في مكان بعيد عن البلد دي

ولازم تشوف شاري للبيت وتبيعة بسرعة لان مبقاش حد ليها في البلد حتي عصام بعد اللي قالتة له ومش مصدقها هيعتبرها بعد كدة عدوة ليهم

.............باااااااااااااااااااااك.........................

الحاجب نده بأخلاء المحكمة وبعد تلت ساعة القاضي والمستشارين والنيابة دخلو

القاضي نده علي الحاجة فاطمة وسمح ليها بالكلام

زينب خرجت وهي مش فاهمة حاجة وحسين واحمد و وجدي واخواتة البنات غير العمدة والمعلم دهشان. كلهم مش عارفين

في ايه وفاطمة هتقول ايه جوه للقاضي

فاطمة :: انا هحكيلك يا سيادة الجاضي الحكاية كلاتها من الاول وياريت تسمعني للاخر

القاضي :: اتفضلي. سامعينك

فاطمة :: طول عمري بسمع من چوزي اوحش حديت عن الحاچ نعمان ابو عصام وانة راچل ظالم ومفتري واكل حجوجة وانة ديما كان بيعاملة علي انة خدام

چوزي مع الايام كان بيكبر وكل ما كان بيكبر

كرهي كان لنعمان بيزيد وكنت بتمني چوزي يبجي احسن واحد في البلد كلاتها

مكنتش ببص لچوزي بيجيب الفلوس منين وازاي المهم عندي كان يبجي احسن من الحاچ نعمان وفي يوم چوزي كان مضيف ناس اغراب في بيتنا وجفت واتصنت عليهم وعرفت ان چوزي بيتاچر في المساخيط وان الثروة الكبيرة اللي عملها كلاتها من بيع المساخيط

القاضي :: اختصري يا حاجة فاطمة

الحاجة فاطمة :: الحكاية كلها لازجة ف بعض يا حضرة الجاضي

القاضي :: طيب كملي وحاولي تختصري لو امكن علشان وقت المحكمة

فاطمة :: حاضر

عرفت ان چوزي بيتاچر في المساخيط و واچهتة

وجالي ان المساخيط المتاچرة فيها مش حرام وانها رزج وچايلة من الارض وانة مش بيسرج من حد وجدر يجنعني لغاية ما كرم چوزي اتجبض عليه

مكنش معايا غير كام الف وشوية دهب

روحتلة اكتر من مرة السچن عشان يجولي شايل فلوسة وثروتة فين علشان اصرف منها لكنة رفض يجولي شايل الفلوس فين وجالي بيعي الدار اللي انتي جاعدة فيه واجعدي في الدار التاني انا مش معايا ولا مليم

بعت الدهب اللي حيلتي وكنت بصرف منهم عليا. وكنت خلاص جربت ابيع الدار فعلا

لكن ظهرلي الحاچ نعمان اول ما شفتة شتمتة وبهدلتة برغم انة كان چاي يجف چنبي ويساعدني وحكالي عن اللي عمري ما كت اتخيلة عن چوزي

چوزي يا حضرة الجاضي حاول يغتصب مرات الحاچ نعمان تحت تهديد السلاح اللي هي ام عصام الله يرحمها وبسبب كدي خي انتحرت،لما طلع عليها،اوشعات انها ماشية،مشي بطال

عصام :: كدابه الست دي كدابه

القاضي :: اسكت انت. وانتي يا حاجة فاطمة اختصري

فاطمة :: يا حضرة الجاضي انا بختصر اهو

وكل اللي بجولوا ده المحكمة لازم تعريفة

القاضي :: كملي

راحلها البيت وهددها بسكينة في غياب چوزها وحاول يعتدي عليها وبعدين شنع عليها في البلد. انها هي اللي كانت بتروحلة الدار

ومش بس كدي ام عصام انتحرت بسببة

والحاچ اتچوز بعدها الحاچة امينة والحاچ نعمان بنفسة ليلة ما كرم اتجتل جالي انة طلع مابيخلفش وانة لجا ورج ف الاستراحة بتاعة كرم ان فتحية،مرتة كات حامل من الولاا سامبو صبي كرم وهو كان هيطب فيها ف راح،المستشفي علشان يحلل لنفسة لسة، فية صحة يخلف ولا لاة

حاكم الشك لما يدخل جلب الراچل بيحرجة وياكلة واكل وطلعت نتيچة التحاليل ان الحاچ نعمان ما بيخلفش من اساسة وان دة معناتة ان كل عيالة دول من كرم سواء عصام او بجية عيالة من الحاچة امينة وياعيني بجا هيموت من الزعل عشان كدي مستحملش چاتلة الجلتة دي اللي راح فيها الله يرحمة.

المهم.. الحاج فضل واجف چنبي وكان بيساعدني ورچعلي چزء من فلوس چوزي اللي كان مخبيها في الدار التاني الجزء اللي لجاه وبعد فترة رچعلي دهب كان كرم شايلة في مكان تاني

حبيت نعمان غصب عني واتفجت معاه علي طلاجي من كرم وجالي انة هيتچوزني بعد الطلاج. .. وفي ليلة مشؤمة الحاج كان عندي في الدار وبيحكيلي علي،كل دية

ومن حظنا الأسود في الليلة دي كرم طب علينا في الدار وشاف الحاچ نعمان

وكرم ضربني ووجعت مغمي عليا ولما فوجت

لقيت الحاج نعمان قاتل كرم جوزي وقالي انة كان هيقتلني وقبل ما يقتلني الحاج لحقة

والسكينة بدل ما تيجي فيا جت فيه

*** فلااااااااااااااااااااش باااااااااااااااااااااااااك*****

..

الحاج نعمان :: حمدلة بالسلامة ياكرم .. شوف ياخي النصيب تهرب من السچن ويوم ما تيچي تيچي عشان تشوفني بعنيك وانا في دارك ازاي

داين تدان يا كرم

كرم :: مع مراتي وف داري يا نعمان

وراح ضارب الحاج نعمان بأيده جت علي وشه وقع علي الأرض. والحاج بيقع مسك في رجل كرم وقعة علي الأرض

وبقي كرم ونعمان شغالين ضرب في بعض علي الأرض وفاطمة تحت مرمية علي الأرض مغمي عليها

الحاج نعمان قدر يقف علي رجليه وكان جنبة منة علي اليمين فاظة ورد كبيرة شالها ورزعها علي راس كرم ونزل بسرعة يفوق في الحاجة فاطمة وهو بيفوقها الحاج كرم

نزل جري علشان يقتل الحاج نعمان وكان في سكينة علي طرابيزه جنب نعمان

كرم خطف السكينة والحاج نعمان مسك ايده قبل ما يحطها في بطنة والسكيمة قربت من الحاجة فاطمة وكانت هتيجي فيها وبقي الأتنين بيعافرو لغاية ما نعمان قدر يحول مسار السكينة ورشقت في بطن كرم. ووقع علي الأرض سايح في دمة

نعمان وقف. وبص علي كرم وتف عليه

وبعدين قعد يفوق في فاطمة اللي اول ما فاقت وشافت كرم مرمي علي الأرض بيطلع في الروح صرخت والحاج نعمان لحقها وحط ايده علي بوقها علشان محدش ياخد باله

وفهمها ان كرم كان هيقتلها وهي مغمي عليها وهو اللي لحقها قبل ما السكينة ترشق في بطنها هي

الحاجة فاطمة جاتلها حالة هستريا وخوف رهيب ونعمان نبه عليها تسكت خالص والا هيروحوا الأتنين في داهية خصوصآ انة يعتبر راجل غريب وهي علي زمة راجل تاني ولو اتعرف الموضوه الناس هتجول ان كرم لجاهم ف وضع وحش وكان بيدافع عن شرفة

نعمان :: انا هخرچ دلوك اچيب العربية. ونحط فيها الكلب دية وهرميه بره البلد خالص وعلي ما ارچع تكوني نضفتي مكان الدم. بتاعة

** الحاج نعمان راح جاب العربية بتاعتة. وركنها قدام بيت كرم. وبمساعدة الحاجة فاطمة شالوا كرم وحطوه في العربية. والحاج طار بالعربية وخرج من البلد خالص .. وطلع بيها لبلد فيها بحر تبعد عن البلد بتاعتهم مسافة 100 كيلو ورمي الحاج كرم في البحر. من غير ما حد يشوفوا وراح راجع بلدهم علي الساعة 7 الصبح ركن العربية في البيت. ودخل اخد دوش وغير جلبيتة علشان غرقانة دم وحط الجلبية بتاعة اللي غرقانة دم في كيس وراح الزريبة ولع فيها ومقدرش يطلع ينام قبل ما يروح لفاطمة ويطمن انها نضفت مكان كرم علشان سامية متعرفش حاجة

نعمان راح لفاطمة اللي كانت خايف ومرعوبة ومفيهاش اي اعصاب والدموع مش مفارقة خدها

نعمان نبه عليها لازم تتماسك والا هيتفضح امرهم وهيتحبسوا لما سامية تيجي تعمل نفسها عيانة ومتخرجش من سريرها لغاية ما اعصابها تروق وتنسي اللي حصل...

.......................

الحاج نعمان قام من النوم واول ما فتح عنية حس بوجع رهيب في كل جسمة وافتكر اللي عملة في كرم

قعد علي السرير وحط ايده علي راسه وطلع تليفونة لقي 20رنة من الحاجة فاطمة

اتصل بيها

الحاج نعمان :: ايوة يافاطمة

فاطمة :: عمالة ارن عليك من الصبح مش بترد ليه

الحاج نعمان :: كت نايم .. ايي في حاچة ولا ايي ؟

الحاجة فاطمة :: نايم .. انت جاچلك نوم ازاي بعد المصيبة بتاعة الصبح .. انا لا عارفة انام ولا يغمضلي چفن وحاسة روح كرم في الدار عايزة تخنجني

الحاج نعمان :: اللي انتي بتعمليه ده هو اللي هيودينا في داهية اركزي كدي وامسكي اعصابك .. هي سامية چت النهاردة.؟

الحاجة فاطمة :: ايوة چت وانا عملت زي ما جولتلي ومن صباحية ربنا وانا علي السرير هموت وانام بس شايفة شبح كرم ومش عارفة انام خالص

نعمان :: اهدي كدة متوديناش في دوكة

واليومين دول مش لازم نتجابل لغاية ما نشوف الدنيا هتمشي ازاي

فاطمة :: يالهوي هو ممكن يبجا فيه حاچة

نعمان :: اكيد لو جتتة الحكومة عترت فيها،واتعرفو عليها

هيچوا عندك ويسألو شوفتيه ولا لا وانتي طبعا هتنكري. وهتعملي نفسك انك متعرفيش من الاساس انة هرب

فاطمة :: انا خايفة جوي يانعمان

الحاج نعمان :: لا اوعي تخافي .. الخوف يخليكي تغلطي وده مينفعش

يلا سلام دلوك

********* بااااااااااااااااااااااااااااااااااااك ******

الحاجة فاطمة :: ادي كل الحكاية

القاضي :: يعني لما الحاج نعمان اتقتل انتي كان مغمي عليكي

الحاجة فاطمة :: ايوة

القاضي :: ومين اللي شال الجثة وخرجها بره البيت

فاطمة :: الحاج نعمان وانا

القاضي :: يعني انتي شلتي معاه الجثة

فاطمة :: ايوة يابيه وحطناها في عربية الحاچ ومشي بيها

القاضي امر بالقبض عليها وادخالها القفص

وطلب بسرعة التحريات والبحث عن اقوال الحاجة فاطمة والقبض علي السيارة وانتداب الطب الشرعي للكشف عليها

واتأجلت القضية اسبوعين للنطق بالحكم

البلد كلها مبقاش في لسانها غير سيرة عصام وابوه وامه واللي عملة كرم وبقت سيرة عيلة الحاج نعمان علي كل لسان وفيه ناس بتقول اللي عملة الحاج نعمان ده بطولة

وفيه اللي بيقول وهو سكت السنين دي كلها ليه .. مرت الايام والأسبوعين كانوا شهور علي عصام وعلي اهلة اللي بره وشايفين بعنيهم نظرات الناس ليهم

والقاضي حكم ببراءة عصام من التهمة المنسوبة اليه بعد ما التحريات اثبتت صدق كلام فاطمة ووجود اثار لدم كرم في شنطة العربية وورا الكرسي الخلفي غير قطعة قماش من هدوم الحاج كرم كانت ماسكة في الكرسي واتقطعت والحاج بيشده

والحاجة فاطمة اتحبست تلات سنين بتهمة مشاركة نعمان في الجريمة والتستر عليه بقصد تضليل العدالة

عصام خرج من السجن نفسة مكسورة ومش قادر يرفع راسه في البلد بسبب الفضيحة الكبيرة اللي اتفضحها. وكان مستنيه في البيت كل اخواتة البنات

عصام كان خارج من السجن وهو مقرر انة يبيع البيت والمحلات ويمشي من البلد خالص

برغم ان عصام خرج من السجن الا ان الحزن كان علي الوجوه بسبب الفضايح اللي بقت علي كل لسان

والكل رغم الضيق الا انهم كانوا فرحانين بخروج عصام من السجن

عصام قعد معاهم في البيت وشايف الهم في عيونهم رغم فرحتهم بخروجة

وكان طول ماهو قاعد مع اخواتة واجوازهم

مش بيفكر غير في كلام الحاجة فاطمة اللي قالتة في المحكمة واللي محدش سمعو غيرو ف المحكمة والشااعات اللي بتتقال،ف البلد دلوقتي هي الاشاعات القديمة اللي اتقالت علي امة وان الحاج نعمان كان بينتقم ل شرفة من كرم

..........................................

عصام حط راسه علي المخدة وبقي عمال يفكر في الهججان من البلد ويسيب الفضايح والجرس اللي بقت محوطاه في كل مكان

تاني يوم العمدة جه البيت هو ومراتة الحاجة صباح وعصام مكنش لسه صحي من النوم

زينب :: جوم يا عصام .. عصام جوم. العمدة بره هو والحاچة صباح چايين علشان يباركولك علي الخروچ

عصام :: طيب يا زينب جايم اهو

عصام قام ولبس هدومة وخرج. سلم علي الحاجة صباح وسلم علي العمدة

العمدة :: معلش يا عصام يا ولدي سامحني

معرفتش ازورك في اخر الكام يوم بتوع حبسك

عصام:: ولا يهمك ياعمدة ماهو الباشا جام بالواچب

* العمدة فضل يكح واسماء مرات حسين قامت جابت مايه للعمدة *

الحاجة امينة :: ازيك يا صباح كيفك ؟

الحاجة صباح :: بخير يا حاچة . وحيات چلال انا فرحت اوي لما عرفت ان عصام خرچ امبارح

الحاجة امينة :: ربنا يخليكي يا حبيبتي

عصام :: الف سلامة ياعمدة

العمدة :: انا عايز ابجا اجعد معاك يا عصام فيه حاچات انت فاهمها غلط

عصام :: ياعمدة دانا الحبس ده فهمني حاچات مكتش ابدا هفهمها وانا براه

زينب وصباح واسماء عمالين يبصوا بأستغراب هو في ايه بين عصام وبين العمدة

العمدة :: طيب حمدلة بالسلامة .. هي الهام فين امال مشفتهاش يعني

اسماء :: الهام بايتة فو مع نعمة واشواج ولسة مصحيتش

العمدة :: طيب خليها نايمة وتبجا تيچي وجت ما تحب

بأذن انا وحمدلله بالسلامة تاني يا عصام

عصام:: ما لسة بدري ياعمدة .. مش لما تاكل معانا لجمة

صباح عمالة تشد في جلبية العمدة علشان ميصحش يمشوا بسرعة كدة لكن العمدة شد الجلبية وقالها يلا يا حاچة. مش باركنا لعصام