رواية نبضات القلب الفصل السادس والعشرون 26 بقلم دينا صابر

كانت واقفه قدام باب الشقه و مش عارفه تعمل اي خايفه جداا من اللي بتسمعه عنه , اخدت نفس طويل و قررت تعمل اللي مطلوب منها و رنت الجرس

فتح الباب و بص للبنت اللي قدامه بستغراب

حسام باستغراب : اهلا , مين حضرتك

سهي بارتباك : انا الاستاذه سهي سكرتيرت امير بيه

حسام بابتسامه : اه اتفضلي و بعد عن الباب

سهي فضلت واقفه مكانهاا خايفه تدخل حسام لاحظ خوفهاا

حسام : ما تتفضلي يا استاذه

سهي بتوتر : اه ... ححاا..ضر

دخلت و هي خايفه و هو لاحظ دا اتكلم يطمنهاا

حسام بجديه : متخافيش و تتوتري اوي كدا انا مباكلش و بعدين انتي جايه ف شغل و سيف لو مكنش واثق ان اانا مشهاذيكي مكنش هيبعتك ف اتطمني ااانا عايزك تساعديني بس ف انك تشرحيلي التفاصيل بتاعت المشروع الجديد تمام

سهي و ارتاحت من اسلوبه شويه

سهي : انا اسفه جدا بس اصل انا كنت دايماا اسمع عنك كلام ف كنت خايفه

حسام بجديه : و حضرتك جايه هنا لشغل مش حاجه تانيه

سهي : اسفه

حسام بهدوء : حصل خير اتفضلي يلا ورريني ورق المشروع

سهي : تمام

سهي طلعت ورق المشروع و بدوء يتناقشوا ف الورق كتيير و حسام بدا يندمج مع الافكار و هي كانت منبهره قد اي هو عنده معلوماتتت و خبره

………………………………………………

حياه و ساره حاضنين بعض و ع وشهم ابتسامه طمأنينة

مصطفي و هو جاي عليهم و معاه فنجانين قهوه

مصطفي : اظن كدا تمام الحمد الله ان نهي عدت مرحله الخطر و قدرو ينقذوهاا و سمحولنا نشوفهااا لما تفوق نهدي بقااا و بلاش المناحه اللي كنتوا عاملينهاا دي

ساره بارتياح : الحمد الله دا انا كنت هموت من القلق عليهااا

حياه : انا حسيت ان روحي بتتسحب مني اول ما شفتها و هي غرقانه ف دمهااا كدا انا مش فاهمه هي كانت هتروح فبهااا بسبب الزفت مازن دا بي ادم زباااله ميستحقش نقطه دم واحده منهااا مش تضيع حياتهاا عشانه

مصطفي : حياه هي الوقتي اكيد هتبقي نفسيتهاا تحت الصفر لازم نراعي دا و نقف جمبهاا و نقويهااا و نحسن من نفسيتهااا فاهميني طبعااا

ساره و حياه : اكيد

الدكتور : ف ضابط عايز يتكلم معاكواا

مصطفي : اه طبعااا

……………………………………………

احمد و هو بيكلم شروق ف الفون و قاعد ع مكتبه و قدامه ورق لقضيه مهمه

احمد بهيام : وحشتيني

شروق : وانت كمان

احمد : وانا كمان اي

شروق : يووه بقا يا احمد بتكسف

احمد بضحكه : و انا بحبك و انتي مكسوفه و وشك طماطم كدا

قطع عليهم وصله الحب رنين هاتف العمل

احمد : معلشي يا حبيبتي جالي تليفون شغل هقفل انا سلام

و اغلق الهاتف

احمد : ايوا يا نادر

الضابط نادر : بقول لك اي محتاج تروح مكاني ف القضيه دي مراتي تعبانه و محتاج اروح لها ضروري

احمد بتنهيده : قضيه اي

نادر : انتحار

احمد بتعقيده حواجب : اي انتحار هو لسه ف عالم مستهتره تضيعي حياتها و يموتوا كافرين و اسمه اي الواد اللي كان حابب ينتحره

نادر : اسمهااا سهي بنت مش ولد

احمد بحده اكثر و غضب اكثر : بنت !!!!!

…………………………………………

دخل عليهم و بيسلم ع مصطفي

احمد : معاك الضابط احمد و كنت عايز ادردش معاكوا شوياا

مصطفي : اهلا و سهلا اتفضل اوي اوي

احمد بجديه : اي سبب الانتحار و اي صلتكوا بيهااا

مصطفي : صحابهاا , اما عن سبب الانتحار ف دا منعرفهوش

احمد بعدم تصديق و بيبص ع ساره و حياه : وانتوا متعرفوش اي معلومه تفيدني

حياه و ساره : لا منعرفش

احمد بتنهيده : تمام كدا هضطر استني لحد ما تصحيي عشان اتكلم معاه بعد اذنكوا

&&&&&&&&&&&&&&&

دخلهااا الشقه بالعافيه و هي عماله تققاوم

فارس بغضب : ادخلي بقااا مالك ف اي هو مش انتي مدايقه مني و غضبانه ف بيتك دااا بيتك تفضلي فيه و انا اخرج تمام بطلي حركه بقا و اثبتي

فاطمه و هي بتبعد عنه و بتدخل ف الصاله : ان اي يا اخي انا مش عايزه اقعد ف مكان انت فيه و الاهم من كدا مش عايزه اقعد هنااا بتخنق و انا قاعده هنا انت بارد كدا ليه و متعصب ليه اصلا اصلا انت باي حق تتعصب كدا انت مس مستوعب انت مش واخد بالك ع فكره انت اللي خايني المفروض انا اللي اتعصب و انا اللي اقلب الدنيا مش انت انت بتتعصب عليااا ليه هاااااا

فارس بتنهيده : قلتلك انا مخنتكيش الكلام دا قبل ما تجوزك و كل الحوار كان مجرد مشاعر و بس

فاطمه بزعيق : كذااااب طلقني

فارس : مش هطلقك يا فاطمه و هتفضلي هنااا معايااا ف البيت و هتسامحيني مسيرك تسامحيني عارفه ليه عشان بتحبيني حبي باين ف عيونك واضح و ظاهر ليااا و انا نفسي طويل و وراكي لحد ما تسامحيني انا بشر يا فاطمه غلطت اه لما اتجوزتك ك انتقام بس صدقيني الوقت انا بحبك انتي نور دي كانت ف الماضي انا اتخدعت فيهااا زي ما انت كمان اتخدعتي , ارحمي قلبي اللي بيتعذب ببعدك دا بيتعذب بكلم طلاق كل شويه , انتي ليه بتعملي فيا كدا انا عمر ما حد عمل معايا كدا , كرامتي و كبريائي بيتجرحوا من معاملتك دي بلاش تزودي ف العناد

فاطمه بسخريه : مبقاش ينفع مينفعش اسامحك انت خنتني مع اختي معرفش اسامح ف دي مش عارفه و انااااا كرامتي فين ف كل دااا انت ضيعتهااا و ضايعتني معاهااا

فارس بياس : يا فاطمه اديني فرصه

فاطمه و هي داخله الاوضه : اسفه , مبقاش ينفع

……………………………………………

امير و هو داخل البيت استغرب ان البيت هادي دور ع وتين ملقهاش اتثل عليها مبتردش

اتصل مره و اتنين و تلاته و اربعه و عشره و برضوا مبتردش قعد ع كرسي ف الصاله مقرر انه يستناهااا

مستغرب ممكن تكون راحت فين

………………………………………

وتين و هي قاعده قدام الدكتوره و مصدومه من الكلام اللي الدكتوره قالته مصدومه ازاااي امير يخدعهااا كدا ازاي يخبي عليهاا موضوع مهم زي دا ازاي !!!!!!!

…………………………………………………

فتحت باب الشقه و دخلت لقت امير قاعد ف الثاله و متعصب اتنهدت و اخدت نفس تفكيرهااا متلخبط و مش عارفه هتقول اي

امير بعصبيه : حمد لله على السلامه يا هانم ممكن افهم حضرتك كنتي فين و مبترديش ع فونك ليه

وتين بهدوء تخفي الاعصار اللي جواهااا : كنت عند الدكتوره

امير بعصبيه و توتر : هو مش احنا اتك…

وتين مقاطعه : عارفه اللي هتقوله اتكلمنا ف الحوار و انت رافض بس انا عايزه ابقي ام و الدكتوره قالت لي ان اناكويسه و مفيش حاجه تمنع الحمل

امير : طيب اهو انتي كويسه مفيش حاجه يبقي سبيها ع ربنا

وتين بنظره ليهاا معني : انا اه كويسه انت بقااا !!!

امير بعقده حواجب : انا اي

وتين : انت ليه مصرحتنيش من الاول

امير و هو لسه مستغرب : قصدك اي

وتين و هي بتوريه الشريط : اقصد دا يا امير انا لقيته ف الدولاب و شكيت يكون حبوب منع الحمل و مش عايزني اخلف و روحت للدكتوره عشان اشوف دا اي بس اتصدمت لما عرفت انه ليك انت ازاي متقوليش, ازاي متعرفنيش انا من حقي اعرف من الاول منك انت مش اكتشف لوحدي و بالصدفه , انت ازاي متقوليش انك عندك مشاكل بتعالجها هتاخر الحمل شويه !!!!

امير بنظره حزن : خوفت ……… خوفت لما تعرفي تسبيني

امير بحزن و هو ماسك ايد وتين : توتا بلاش تسبيني انا بحبك

وتين فضلت تبص عليه و مش بترد

امير : وتين ردي علياا طمنيني انك مش هتسبيني

وتين بعدت و اديته ضهرهاا

امير قرب منهاا و حط ايده ع كتفهاا و اتكلم : لدرجاتي ,, دا انا فكرت لما تعرفي هتقوليلي انك هتفضلي معاياا و مش هتسبيني , ع العموم براحتك انا مش هغصب عليكي تفضلي معاياا لو حابه انك تطلق……

قاطعته و هي بتحط ايديهاا ع بوقه و بتحضنه جامد و هي بتعيط قربها منه جامد و بادله الحضن و هو موجوع ع عياطها

وتين بدموع : انا بحبك يا امير و مقدرش ابعد عنك مهما حصل انت منقذي و لا نسيت انا عمري ما ابعد عنك انت ازاي تفكر اني اقدر ابعد انت ازاي تفكر ان حبنا يبقي بالضعف دا دا انا لو هموت ع الحمل هصبر معاك و انا واثقه ف ربنااا .

امير و هو حاضن وشها بكفوفه و بيبص ف عيونها : انا بحبك يا وتين بحبك اوي

وتين و هي بتحضنه : وانا كمان بحبك اوي

&&&&&&&&&&&&&&&&&&&

اتنهد و دخل عليهااا الاوضه بعد ما الدكتور إذن ليه بعد ما فاقت بصت للي داخل الاوضه و بعدين بصت للفراغ من تاني دا حالها من وقت ما فافت لا راضيه ترد ع حد و لا راضيه تتكلم مع حد

احمد بهدوء : معاكي الضابط احمد جاي عايز افهم منك السبب

نهي بصت ليه و رجعت بصت للفراغ من تاني

احمد بتنهيده : لازم تتكلمي عشان افهم و اقفل القضيه

نهي لا رد

احمد برفعت حاجب : انتي يا بتاعه انتي خارصه و لا اي الله يخربيتك يا نادر انا قلت لك بلاش هو انا اعرف اتعامل مع بنات عدل اوي عشان تجيبني ف ام القضيه دي

نهي بصت ليه و ابتسمت بسخريه و رجعت بصت للفراغ من تاني

احمد بعقده حواجب : ودا اسمه ايه ان شاء الله

…………………………………………………

فاطمه قاعده ف اوضتها و قفله الباب و قاعده ع السرير و ضامه رجليها و بتعيط و بتدعي ربنا : يااارب انا تعبت نفسي ارتاح بقااا و انسي اي حاجه حصلت نفسي اخرج حبه من قلبي و انساه يا رب مش قادره استحمل وجع قلبي اللي حاسه بيه دا يارب عايزه ارتاح انا بقيت اشوف كوابيس انهم مع بعض و انا موجوده بس و لا كاني موجوده زي زي الهواء ليه يا نور تكسري اختك كدااا ليه تكسريني كدا دا انا حبيته اوي ازتي تخوني مع اختي و تسيبني وحيده كدااا مش لقيه حد اشتكيله همي حتي امي واقفه مع اختي ياارب انا مليش غيرك

~~~~~~~~~~~~~~~~~~~~~~~~~~~~~~~~~~~

هدي و هي بتلم هدومها و خلصت و قفلت الشنطه و خارجه من الاوضه سيف و هو داخل الشقه رفع حاجبه

سيف : دا انتي بتتكلمي بجد بقاا

هدي : اه طبعااا بجد ورقه طلاقي تجيلي ف بيت بابا و لسه هتمشي سيف مسك دراعهااا

سيف و هو ماسك دراعهااا : بطلي جنان و رجعي هدومك مكانهااا

هدي : انا مجنونه فعلا لو رجعت هدومي انت مركزتش و انت بتقول كلامك و لا اي مش عارف انت قلت اي

سيف : هدي انتي عارفه ان انا كنت متعصب ف متمسكيش فيهااا

هدي : انت جرحت جاامد انت بتشكك فياااا

سيف : دا من غيرتي عليكي

هدي : مهما كان لازم تبقي واثق فيا

سيف : انا واثق بس الكلام طلع غصب عني ف وقت عصبيه

هدي : وقت العصبيه بيطلع فيه الكلام اللي جواناا

سيف : لا مش صحيح انا بحبك و كلامي قلته و انا غيران عليكي انتي عارفه اني مقصدوش

هدي : تقصده او لا المهم انه طلع و اتقال و انا معرفش اسامح فيه انت بتفكرني باكتر حاجه عايزه انساهااا انت بتعايرني و تزلني ع غلطه غلطهاا زمان و ندمانه ندم عمري عليهااا

سيف بترجي : هدي انا بحبك متسبنيش

هدي و هي ماشيه : مينفعش انت جرحتني جااامد و مشت

الكلام بيوجع اكتر بكتير من الضرب و العنف اوقات الكلام بيسيب اثر اكبر بكتير من العنف لازم ناخد بالنا من الكلام اللي بنقوله لانه اوقات بيطلع رصاص بيقتل اللي قدامنا بيوجع و بيألم جامد و صعب الوجع يخف او الجرح اللي بيسببه الكلام يلم الا بعد وقت طويل .

انتبه للحرف التي تخرج من فمك حتي لا تقتل بها غيرك بدون شعور او قصدا منك الكلام احيانااا يقتل

&&&&&&&&&&&&&&&&&&&&

قاعده ف الشقه لوحدهااا خايفه و حزينه ع صاحبتهااا اللي حاولت تنتحر و بعد ما لحقوهااا مش راضيه تتجاوب مع حد كانهااا رافضه الواقع و زعلانه لان حسام فعلا نفذ كلامه و من اخر مره اتقابلوا فيها و هو لا كلمها و لا بعت ليها رساله خلاص كدا بعد بجد يعني مش هيحاول تاني هي كانت متوقعه هيفضل وراه هي كانت بتقوله ابعد عشان مفكره انه هيحاول معاه تاني لكن هو بعد بجد كل شويه تدي لنفسها امل ان هو ممكن يكلمها او يرسلها رساله بس مش بيحصل …

اوقات كتير كتر العند و الجفاء و البعد ف الحب بيقلب ضدنااا لو انت بتتقل كتير ممكن اللي قدامك يمل و يزهق و يقرر يبعد بجد و وقتها انت اللي بتندم بلاش العند الطويل ف الحب .

####################

شروق و سماح قاعدين ف الكافيه

شروق : انتي عبيطه يا بنتي بقول لك بقي زي الخاتم ف صباعي ابوله يمين يمين شمال شمال هو انتي عارفه ان ف حد يقدر يقف قصادي دا ما اخدش ف ايدي غلوه

سماح : و ناويه ع اي

شروق بشر : ابيعه اللي واره و اللي قدامه اتنغنغ شويه بدل الفقر داا

سماح : و انا

شروق بضحكه خبيثه : متقلقيش دا انتي صاحبتي هضبطك

سماح : ايوا كدا و انا من ايدك دي لايدك دي

ممكن و انت قاعد مكانك يكون حد عمال يدبرلك ف مصايب و مكيده تتعبك و توقعك القلوب الحاقده كتير و ف دوامه الحب مفيش اكتر من القلوب الحاقده موجوده و بكثره المهم انك تاخد بالك و تعرف تفرق بين القلب اللي بيحب و القلب الحاقد الاتنين بيجوا شبه بعض متغلفين تغليف هداياا و انت عليك تميز بينهم بقلبك مش بعينك