رواية أحببتها صعيدية الفصل الخامس والعشرون 25 نور الدين جلال

فاطمة :: ولا انا ياسامية جادرة اصدج

سامية :: بس تفتكري مين اللي يكون عيملها

فاطمة :: وانا هعريف منين ياسامية شيفاني كنت بعرف خبياه ولا كان بيجولي بيعمل ايي ؟

ده حتي طلع كان هربان بجاله مده مفكرش حتي يطمن عليا بالتلفون .. يلا ربنا يسامحة بجا

سامية :: جلبي بيجولي ان موتة ده بسبب المساخيط اللي كان بيتاچر فيها

فاطمة :: .اهو بكرة كل حاچة تبان .. فاطمة حاطة ايدها علي خدها وخايفة اوي من بكره

وخوفها ل كل حاجة تنكشف كان مخليها هتتجنن

سامية :: علي رائيك ياست فاطمة بكره كل حاچة تتعرف والحكومة اكيد مش هيسكت غير لما يعرف من اللي عمل العملة دي

اروح اعملك كوباية شاي

فاطمة :: ياريت لحسن حاسة نفوخي هيطير مني

سامية راحت عملت الشاي لفاطمة ورجعت

الشاي ياست الستات

فاطمة :: تسلمي يا سامية

سامية :: بالك ياستي الحاچ نعمان لو كان عايش كنت هشك انة هو اللي عيملها

فاطمة :: كوباية الشاي وقعت من ايدها ووشها جاب الوان ..

سامية :: ايه ياستي مالك

فاطمة :: معرفش سرحت في الحاچ كرم

بتجولي ايه

سامية قامت شالت الازاز بتاع الكوباية اللي اتكسرت ومسحت بحتة قديمة مطرح الشاي اللي ادلق وعملت كوباية تانية للحاجة فاطمة

سامية :: كت بجولك لو الحاچ نعمان كان عايش كت هشك انة هو اللي عيملها اصل الحاچ كرم كان علي طول في عداوة معاه وزي ما انتي عارفة. كان علي طول مطلع حديت عفش علي حريمة

فاطمة :: ربنا يسامحة بجا مكنش سايب الراچل في حالة بس نعمان ميعملهاش

سامية :: علي جولتلك نعمان كان راچل طيب

ولو كان عايز يعمل حاچة كان عملها من زمان

بس عارفة ياست فاطمة مين اللي عامل زي الحاچ نعمان بالظبط من عيالة

فاطمة :: عصام هو هو الحاچ نعمان

سامية :: ايوة ياستي انا لما جربت منيهم الفترة اللي فاتت حسيت جد ايه سي عصام طيب

وچدع وبيجف مع الغلابة. زيه زي المرحوم ابوه بالظبط

فاطمة :: ربنا يخليه لولادة ويبارك في عمره

بصراحة انا مشفتش عيلة في البلد كلاتها زي العيلة دي

..........

............

العمدة الصبح بدري راح اخد فاطمة وطلع بيها علي المشرحة.

الحاجة فاطمة اتعرفت علي الحاج كرم من هدومة وخرجت من المشرحة كان هيغمي عليها من المنظر والريحة والعمدة سندها لغاية بره وكان فيه امين شرطة مستنيها بره سجل اقوالها وقالها::_

حضرة الظابط مستنينا في المركز عشان ياخد اقولك واقوال العمدة

العمدة راح جاب عصير للحاجة فاطمة

اللي كان هيغمي عليها وبعد ما فاقت راحت مع العمدة المركز

والظابط بقي بيسأل شوية اسألة زي اخر مرة شوفتيه امتي وكنتي بتزوريه قد ايه

وايه اللي خلاكي بطلتي تزوريه الفترة الأخيرة .. كنتي عارفة انة هرب تشكي في مين. ومين اللي بيتردد ديما عليهم واللي بيترددو عليه . هل كان فيه خلافات بين المرحوم وبين اي حد في الفترة الأخير

ومضت علي اقوالها وخرجت وبعدها العمد دخل يدلي بأقولة وبعد ما خلص اخد الحاجة فاطمة ومشي

الحاجة فاطمة روحت البيت هلكانة وتعبانة جدا وماصدقت روحت البيت

دخلت الحمام استحمت وخرجت كانت البت سامية لسة مراحتش البيت وكانت في البيت الكبير قاعدة مع زينب واسماء وراحت علي الساعة اتنين للحاجة فاطمة.***

سامية :: ايه ياست فاطمة عملتي ايه في المشرحة

فاطمة :: روحت ورچعت خلاصانة من هناك

ده غير تحجيج البيه الظابط اللي سألني علي كل كبيرة وصغيرة

سامية :: المهم طلع الجتيل هو الحاچ كرم فعلا

فاطمة :: ايوة هو نفس الهدوم بتاعتة

سامية :: وهما كانوا بياخدو اجوالك ليه

فاطمة : الظابط كان بيسألني عن معارفة صحابة. حد كان عامل معاه مشكلة وكدة

الباب خبط

فاطمة :: روحي شوفي مين عالباب

سامية قامت وفتحت الباب

اهلا اهلا سي عصام .. ده سي عصام ابن الحاچ نعمان ياحاچة

الحاجة :: اتفضل يا عصام واجف عندك ليه

عصام :: يزيد فضلك يا حاچة فاطمة

الحاجة فاطمة :: وايه اللي انت شايلة في ؤدك دة كلة

عصام :: دي حاچة بسيطة شوية حاچات كدة طلبات الدار

الحاجة فاطمة :: فكرتني بالمرحوم ابوك

الف رحمة ونور عليه وانت طالع زيه ابن اصول وچدع وراچل

عصام :: ربنا يخليكي وجلبي عندك معلش امبارح معرفتش اچيلك واخد بخاطرك

الحاجة فاطمة :: ربنا يكون بعونك. انا عارفة ان الدنيا تلاهي

عصام :: انا عرفت انك كتي مع العمدة روحتي المشرحة وبعدين روحتي المركز

الحاجة فاطمة :: ده كان يوم ما يعلم بيه الا ربنا كنت حاسة اني خلاص هموت وانا في المشرحة

عصام :: ربنا يبارك في عمرك يا حاچة .. ياتري الچثة اللي لجيوها طلعت بتاعة الحاچ كرم فعلا

فاطمة :: هي مش باين منها حاچة بس الخلجات ايوة بتاعتة

عصام :: ربنا يرحمة المهم لو حسيتي نفسك محتاچة ايتها حاچة حتي لو كانت ايه شيعيلي بس سامية وانا رجبتي سدادة

فاطمة :: تسلم يا عصام وانا خابرة انك كدها وكدود

عصام :: طب بالأذن انا لحسن سايب المحل لوحده

الحاجة فاطمة :: يادي العيبة بجا عايز تمشي من غير ماتتغدا معانا

عصام :: معلش يا حچة اصلي سايب المحل وده مال ناس مينفعش اسيبة فتكم بالعافية

..................

العمدة :: ايوة يا دهشان

دهشان :: ايوة ياعمدة .. ايه كرم ظهر

العمدة :: كرم تعيش انت. الحكومة لجيتة مجتول وميت من كذا يوم وجتتة متحللة

دهشان :: نعم ! انت بتجول ايه مجتول ؟

العمدة :: انا عرفت الخبر ده من امبارح ومرضتش اجولك غير لما اتأكد

دهشان :: وفلوسي ؟ خلاص راحت عليا ؟

العمدة :: يعوض عليك ربنا

دهشان :: اسمع ياعمدة لو كرم مات مجتول بصحيح زي ما بتجول يبجي مفيش غيرك اللي عميلها . بعد ماعرفت هو مخبي فلوسة فين

بص ربنا يحلل عليك فيهم بس انا عايز فلوسي وهاخدهم منك

العمدة :: انت بتخرف بتجول ايه ؟ انا لا شوفت كرم ولا كت مخبيه عندي

دهشان :: اللي عندي جولتهولك ياعمدة. يافلوسي ياخليك تحصلة

العمدة :: انا انا... دهشان قفل الخط في وشه

العمدة وبعدين بجا في الوجعة الطين اللي بجيت فيها ؟ دهشان ده جتال جتلة ومهما حلفتلة مش هيصدجني وانا كمان مستحيل اديلة 2مليون جنيه دانا اموت ولا اديلة المبلغ ده

................. ڤيلا الحاج نعمان ....................

برة الزريبة زينب بتكلم عوضين الصبي بتاع جوزه

زينب ::

يلا انجر دخل البهايم جوة

زينب سابت عوضين ومشيت وهي رايحة تدخل البيت سمعت سامية بتنده عليها

سامية :: ياست زينب

زينب :: ايه يا سامية في حاچة ولا ايه.؟

سامية :: لا انا بس جولت اعدي عليكم اشوف لو فيه حاجة محتاچيني اساعدكم فيها

زينب :: ايه خلصتي شغل في دار الست فاطمة ولا ايه

سامية :: ايوة مفيش حاچة اعملها هناك وجولت اشجر عليكم اهو منها اساعد ومنها اجعد معاكم شوية لحسن الوحدة وحشة ولما بروح الدار بفضل جاعدة مابين الاربع حيطان وبكلم نفسي

زينب :: لا هو مفيش حاچة بس تعالي اجعدي معانا بدل مانتي جاعدة ل حالك

زينب وسامية دخلوا البيت

سامية :: كيفك ياحاچة امينة

امينة :: زينة كيفك انتي ياسامية ؟

سامية :: بخير يا حاچة عيني عليكي باردة شايفة صحتك بجت احسن

الحاجة :: نحمده علي كل حال

اسماء نزلت بعد ما روقت الاوضة بتاعة الحاجة امينة :: كيفك يابت سامية

سامية :: بخير ياست اسماء

اسماء :: الحاچة فاطمة صحيح عاملة ايه

سامية :: حزينة ومنكسرة يانضري علي چوزها كرم

زينب :: حزينة .. هو ده راچل حد يحزن عليه

اسماء :: يباي عليكي يازينب مش كان چوزها يابت متحزنش عليه ليه ؟

زينب :: كان راچل واطي ودون دانا مره سمعت المرحوم ابويا كان بيجول انة مكنش عايز يجولها طريق فلوسة فين.

سامية :: ايوة ولولا الحاچ نعمان الله يبشبش الطوبة اللي تحت راسه مكنتش عارفة تروح فين ولا تيچي منين لولاه كانت هتتبهدل

زينب :: يلا اهو غار في داهية

اسماء :: يابت حرام عليكي الراچل خلاص مات ومينفعش نچيب سيرته غير بالكويس

سامية :: هو ده كان له سيرة كويسة من اساسة

زينب :: شوفي البت ... علينا الحديت ده يابت

...........................

البوليس بدأ التحقيق مع اغلب اهل البلد

وكلهم اجمعوا ان الحاج كرم راجل مش كويس وكان راجل انتهازي وياكل اموال الغلابة وبيسرق ارضهم وكان له خلافات مع ناس كتير منهم فلاحين كان شاري من الارض برخص التراب وطلعت الارض في الاخر تبع تقسيم المباني والسعر الحقيقي كان فوق السعر اللي دفعة للفلاحين عشر اضعاف اللي دفعة ده غير خلافة المستمر مع الحاج نعمان

دائرة التحقيقات شملت ناس كتير

وكل يوم كانت الحكومة تيجي دوار العمدة تحقق مع شوية من الفلاحين وتمشي

..........

...........

عصام :: جومي يابت الساعة داخلة علي سبعة الصبح

زينب :: فتحت عنيها وقامت وهي بتتمطع

صباح الخير يا ابو امير

عصام :: صباح النور يا زينب جومي عشان تحضريلي الفطار

زينب :: حاضر ياراچل جايمة اهو.. قامت ولبست الجلبية بتاعتها وراحت غسلت وشها وبعدين دخلت المطبخ تعمل فطار

شوية اسماء هي كمان صحيت هي وجوزها حسين

اسماء :: صباح الخير يا عصام

عصام :: صباح النور يا اسماء .. صباح الخير ياحسين

حسين :: صباحك نادي ياخويا

اسماء :: اروح احضر الفطار مع زينب

صباح الخير يازينب

زينب :: صباح النور .. هاتي كام طماطمية من التلاجة وجطعيهم

اسماء :: طلعت من التلاجة كام طماطمية وقطعتهم وزينب عملت الفول والجبنة وحطتهم في الاطباق واسماء طلعت العيش

وخرجوا

عصام :: اطلعي يازينب صحي اشواج ونعمة وصحي الحاچة امينة علشان يفطرو معانا

زينب :: حاضر يا عصام

زينب طلعت صحت اشواق وصحت الحاجة امينة ونزلت

و اشواق وامينة نزلوا وقعدوا كلهم فطرو مع بعض وبعد ما خلصوا فطار

اشواق:: بجولك ايه يا عصام ياخويا كان فيه موضوع كدي كت عايزة اتحدت معاك فيه

عصام :: موضوع ايه اتكلمي ياختي

ااشواق:: اختك نعمة مكلماني من يومين علشان افاتحك في موضوع الورث بس اني يعلم ربنا مسكتها هزجتها

عصام بص علي حسين وبص علي مراتة ومرات اخوه وقالها .. اه وبعدين يا اشواج

مين تاني من خواتك البنات كلموكي

رشا :: بصراحة نعمة كلمت الهام وكلمتني والهام جالت انها مسكت حماها العمدة وزعجتلة جدام مراتة و ولدة علشان طلب منها تتحددت معاكم في ورثها وقجالت له محدش له يدخل بيني وبين اخواتي

عصام :: طب وانتي ؟؟

حسين :: علي فكرة يا اشواج اخوكي اتحدت معايا في حكاية الورث دي

عصام :: استني انت ياحسين انا مش عايزك تجول حاچة .. انا حابب اسمعهم الأول

رشا :: انا عن نفسي ضامنة حجي معاكم ومش عايزه .. انا عايشة في وسطكم وده عندي بالدنيا والفلوس تغور طالما انتوا چنبي

عصام :: انا عارفك يا اشواج انك حنينة وچدعة بس حجكم محفوظ وهتاخدوه من غير ما ابيع اي حاچة من الاملاك

حسين :: عصام جال نفس الحديت ده من جبل ما اخواتك يتحدتو وجالي هيتصرف علشان يچبلكم حجكم بما يرضي ربنا

اشواق :: لا ياخويا لو هداين نفسك علشانا بلاش تغور الفلوس هو احنا ناجصنا حاچة

عصام :: متخفيش عليا يا اشوااج وحقجكم هدهولكم وهتفضلوا اخواتي وهشيلكم علي راسي من فوج هو انا ليا في الدنيا غيركم

زينب :: اشوااج اصيلة يا عصام واخواتك كلهم ولاد حلال وميستغنوش عنكم

** عصام :: سمع كلمة ولاد حلال وراح في دنيا تانية وبص للحاجة امينة وافتكر الجواب

اللي كان سايبة ابوه لعصام وقايلة علي الحقيقة كلها.**

حسين :: بتاخدي ياما العلاچ بتاعك في وجتة

اشواق :: انا متابعة العلاچ ياحسين متجلجش

امينة :: اشوواج هي اللي بتديني العلاچ واوجات زينب ربنا يباركلها

عصام :: طيب اجوم انا يا چماعة ..هروح ابص علي الأرض وبعدين اطلع علي المحل

حسين :: خدني معاك ياخويا

عصام يدوب خرج من البيت هو وحسين جالة تليفون

عصام :: الو مين معايا .. ايوة ايوة افتكرت

بچد يعني الراچل جه من السفر خلاص

طب تمام اديني بس يوم ولا اتنين وهچيلك مصر علي طول .. لا لا ميتصرفش انا شاري زي ما جولتلك

عصام قفل وحسين سألة مين ده ياخويا

وشاري ايه

عصام :: لا دول جرشين كنت شايلهم علي جنب وفكرت اتاچر في الاراضي ف رايح ابص علي حتة ارض عچبتني هشتريها وبعدين ابعها بمبلغ اعلي واهي حسنة تطلعي

حسين :: ربنا يبارلك ياخويا انت تستحج كل خير

عصام :: ادعيلي ياخويا وعلي فكرة انا هحضرلك مفاچائة حلوة جريب

حسين :: بچد !؟ مفاچائة ايه

عصام :: هجولك ازاي عليها. امال هتبجي مفاچائة ازاي ؟ يلا يلا متشغلش بالك وروح علي محلك

........................

حسين :: في المحل واقف بيبع للزباين شوية دخلت عليه سامية

سامية :: صباح الخير ياسي حسين

حسين :: صباح الفل ياست الستات وحشاني يابت

ساميه :: وحشتك ده ايه. اشحال لو مكتش جوبالك ليل ونهار. في الدار بتاعكم

حسين :: ههههه يابت مش جصدي عالشوف انا اجصد علي المشاعر اللي بينا

سامية :: اااااي مشاعر بجا اللي بينا ده اسمة مشاعر

حسين :: امال اسمة ايه يابت

سامية :: هههههه ده اسمة مسخرة وجلة ادب

حسين :: بجا كدي يابت .. طب ايه جولك بجا ان وحشتني المسخرة وجلة الادب

سامية :: ههههههههه خلاص ابجي تعالا بالليل الدار بتاعي انا هستناك هناك .. ايدك بجا علي 500 جنيه

حسين :: انتي علي طول كدة ناحلة وبري

سامية :: هات ياعم انت كل ما هطلب منك فلوس تسمعني كلمتين

حسين :: بس لو مكنتيش غالية عليا

سامية :: هستناك بالليل اوعا متچيش

حسين :: بجا معجول مچيش ههههه ده انا لسة كاعع الخمسميت چنيه .. جال مچيش ج ال

............

الساعة 9 بالليل عصام قفل المحل بدري ساعة وراح ماشي وراح لبيت سامية

خبط عليها وسامية كانت لابسة قميص نوم

خفيف ازرق ومتزوقة ومستنية حسين

وراحت فتحت الباب ومكنتش عارفة ان اللي علي الباب عصام اخوه

عصام عمال يخبط وهي بتقول من جوه

حاضر حاضر چاية اهو

راحت فتحت الباب وهي بتقول يعني چيت بدري ياحسي.... عصام

عصام بصلها كدة ايه مستنية حسي .. يطلع مين ده ؟

عصام :: لا لا مجصدش حاچة . وبصت عليه لقت عنيه علي جسمها. حطت ايدها علي صدرها وجريت دخلت الأوضة ولبست جلبيتها وخرجت كان عصام دخل

عصام :: زيارة غريبة انا عارف

سامية :: لا ياسي عصام. الدار دارك

عصام :: ماهو فعلا داري

سامية بصتلة كدة وهي مستغربة

عصام :: روحي بس اعمليلي كوباية شاي ومتستغربيش كدي انا عرفت كل حاچة

سامية راحت المطبخ علشان تعمل الشاي لعصام ولسان حالها بيقول وده عرف كل حاچة منين وازاي

عملت الشاي وعصام قالها تعالي اجعدي چنبي ياسامية تعالي .. شايفة الورجة دي

سامية :: انت عارف انا لا بعرف اجرا ولا اكتب

عصام :: بتريقة اه صحيح نسيت طيب اجولك انا الورجة دي حچة الدار اللي انتي جاعدة فيه ومفهمة البلد كلها انة داىك ومن تحويشة عمرك .. ما علينا

وراح ماسك سامية من شعرها

سامية :: اي اي شعري ياسي عصام

عصام :: انا بجا عايز اعرف عملتي معانا كدي ليه

خليتي كرم الكلب ينام مع مرات ابويا. وخليتي الزفت سامبو ينام معاها ويحبلها. وخلتوها بصمت علي ورجة بفلوس

ليه ابويا كان عمل معاكي ايه .. وايه علاجة كرم ب الحاجة امينة

سامية :: انت چبت الحديت ده منين .. مفيش حاچة من دي حصلت

عصام :: بصي انا كل الفترة اللي فاتت دي بعملك حلو وخليت كل اللي في الدار يعاملك حلو مع اني مش طايجك من ساعة ماعرفت .. عملت كل ده علشان تأمنيلي وتدخلي وتخرجي دارنا وانتي مطمنة ودلوك وديني لو ما اتحددتي وجولتي كل اللي تعرفية لحش بطنك حش

سامية :: حاضر هحكيلك بس سيب شعري هيطلع في يدك

عصام :: اهو سبتة.. احكي

سامية قعدت تحكي كل حاجة

وبعد ما قالت كل حاجة تعرفها

عصام قالها :: انا هسيبك جاعدة في الدتر . ومش هجتلك بس بشرط محدش في البلد كلها يعرف اللي جولتيه .. ماشي

سامية :: وانا لو كت عايزة احكي كنت حكيت من زمان

عصام :: وده اللي مخليني سايبك عايشة لغاية دلوك .. وكرم حظة حلو انة مات لاني كنت هخليه يتمني الموت

انا همشي .. ومن غير سلامو عليكم

اه صحيح لما حسين اخويا يجي عندك يافاجر متجوليش له اني كت هنا و واحدة واحدة تصدية ومتخليهوش يعتب دارك دية،ابدا دية راچل متچوز وعندة عيال وانتي حرباية جدرتي تلوفي علية

وفيه حاچة تانية .. تيچي الدار زي ما كتي بتيچي مش عايز حد يحس ان فيه حاچة