رواية أحببتها صعيدية الفصل الرابع والعشرون 24 نور الدين جلال

الدكتور قالة ان الفحوصات اكدت علي ان الحاج نعمان مصاب بجلطة في القلب والحالة خطيرة جدا وممكن ميقومش منها

عصام بعد كلام الدكتور مقدرش يتحكم في دموعة. ونزلت منة علي خدة. وخرج قعد جنب اوضة الرعاية علي الأرض وبقي عمال يعيط .. شوية العمدة مصيلحي ومراتة الحاجة صباح راحو المستشفي وشافوا عصام قاعد علي الأرض بيعيط وافتكروا ان الحاج نعمان مات. لكن عصام قالهم كلام الدكتور

العمدة :: يا ولدي متعملش في روحك كدي محدش له في نفسة حاچة والحاچ راچل جوي وهيجوم منها بأذن الله

الحاجة صباح :: هيجوم منها وهيبجي زي الفل ياعصام وبكره تجول الحاچة صباح جالت

** صوت جه من الخلف

الحاج نعمان عامل ايه ياچماعة

عصام والعمدة والحاجة بصوا علي مصدر الصوت وكانت الحاجة فاطمة مرات كرم هي اللي بتسأل **

عصام :: الحاچة فاطمة ؟ الحاچ تعبان جوي يا حاچة ادعيلة

الحاجة فاطمة عنيها مليانة بالدموع .. دعيالة من جلبي ان ربنا يقومة بالسلامة .. ده اللي عملة معايا مفيش راچل في الدنيا يعملة

العمدة مصيلحي :: ازيك ياحاچة فاطمة

فاطمة:: بخير ياعمدة .. ازيك ياست صباح

صباح :: بخير ازيك انتي ياختي عاملة ايه

فاطمة :: بخير

الممرضة جت وقالت وقفتكم كدة ياجماعة غلط معلش حضراتكم تتفضلوا في الاستراحة

عصام :: تعالو ياچماعة معلش ننزل الكافيتريا عشان هنا ممنوع الوجوف

عصام اخد العمدة ومراتة والحاجة فاطمة ونزل بيهم الكافترية وشوية العمدة مشي هو ومراتة والحاجة فاطمة عصام كان بيتحايل عليها علشان تمشي تروح تشوف بيتها علشان قعدتها ملهاش لازمة لكنها فضلت تقولوا مش هتمشي وانها مهما عملت مش هتقدر توفي جمايل الحاج نعمان عليها

لكن في النهاية الحاجة فاطمة مشيت بعد ما عصام اصر علي انها تمشي علشان قعدتها هتتعبها علي الفاضي وتروح ترتاح في بيتها

...............

............

ساميه :: سا الخير ياسي حسين

حسين :: سامية مساء الورد .. كيفك يابت

سامية :: زينة .. الا اخبار الحاچ نعمان ايه؟

حسين :: تعبان جوي يابت ادعيلة

سامية :: في بالها .. ربنا ياخده. .. ربنا يجومة بالسلامة

حسين :: جربي يابت عايزك ..

سامية :: اهو .. خير

حسين :: خدي يابت الغوشتين دول دهب عيار 21 يابت چبتهملك مخصوص

سامية :: ياحلاوة يا حلاوة دول عشاني انا

حسين :: امال ايه يابت هما اللي بيلبسوا الدهب احسن منك ولا احسن منك يعني

سامية :: يخليك ليا ومتحرمش مينيك ابدا

كدة انت تستاهل اني ادخل معاك المخزن

حسين :: دلوك ؟

سامية :: ولا اجولك ما تچيلي البيت احسن

هناك هنبجي علي راحتنا

حسين :: طب روحي وانا چاي وراكي طوالي

سامية مشيت وحسين نده علي رياض علشان ياخد باله من المحل علي يوصل مشوار وراجع

حسين راح بيت اللي كانت قاعدة ومستنياه علشان تديلة هدية الغوشتين الدهب

وبعد ما رجع المحل

شوية ولقي اسماء مراتة جاتلة المحل علشان تشتكي له ان امة محطتش في بوقها ولا لقمة من الصبح ولا عايزة تاخد العلاج وعمالة تعيط علي الحاج نعمان وبتقول انة مش هيجوم منها المرة دي

حسين :: طيب روحي انتي وانا چاي وراكي

خد بالك يارياض من المحل هوصل للدار وراچع

حسين روح البيت لقي امة مفطورة من العياط علي الحاج. واول ما شافت حسين مسكت فيه علشان يوديها المستشفي تقعد تحت رجلين الحاج وتخدمة

حسين :: ياما مينفعش ممنوع حتي عصام لسة مكلمة وبيجولي انة منعين عنة الزيارة خالص ولا بيشوف حد ولا حد بيشوفوا

هتروحي انتي تعملي ايه

الحاجة امينة :: ابص عليه ابوك مش هيجوم ياحسين .. ابوك اتحمل اللي چبال متتحملوش

حسين :: طيب يا اما اهدي انتي بس وابوس ايدك كلي لجمة. لحسن انتي محتاچة تاكلي علشان تاخدي العلاچ بتاعك

الحاجة فاطمة:: مش عايزة اكل .. مش عايزة علاج انا عايزة اشوف ابوك . ابوك مش هيجوم ياحسين .. ابوك خلاص راح مني

حسين فضل يتحايل علي امة تقوم من علي الأرض وتاكل علشان تاخد العلاج لكنها رفضت الاكل تماما

ومكنش قدام حسين غير انة يتصل بعصام يعرفة

عصام قاله انة يحاول باي طريقة يأكلها لانة مش هيقدر يسيب ابوه لوحده ولان عصام كان متوقع في اي لحظة تيجي الممرضة وتقولوا ابوك تعيش انت

.......................

.............

تاني يوم الصبح المعلم دهشان قاعد بيشرب الشيشة ودهشوري بيظبطلة الحجر

المعلم دهشان :: تفتكر يا دهشوري كرم ممكن يكون راح فين ؟

دهشوري :: مش عارف بس فيه سؤال عمال يروح ويچي في دماغي

المعلم دهشان :: سؤال ايه ده يا ولاا

دهشوري :: مش العمدة مصيلحي شريكم بردو ف الدرا .. ومحدش يعرف خالص انة شريكم

دهشان :: ايوة هو فعلا شريكنا عايز تجول ايه ؟

دهشوري :: ليه انت مبتسألوش ان كان راح البلد ولا لا مش چايز يكون هو اللي مخبية

دهشان :: عشان هو مكنش يعرف اني مخبي كرم ولو عرف دلوقطك هيعرف اني مخطط اني اخد منة الفلوس ولو كت عرفتة. جبل ما يهرب كان هيطمع يشاركني فلوس كرم او مكنش هيأمن ليا تاني .. فهمت يابو مخ ضلم

دهشوري :: بس ده ميمنعش ان ممكن كرم يكون راحلة وحكي له كل حاچة وهو اللي مخبيه دلوك.

دهشان سكت شوية :: مع اني شايفك حمار ومن غير مخ لكن ده التفسير الوحيد انا لازم اتصل دلوك بالعمدة واجس نبضة

المعلم دهشان طلع تليفونة واتصل علي العمدة

دهشان :: الو ايوة ياعمدة

العمدة :: ايوة يادهشان في حاچة ؟

دهشان :: لا ابدا انا بس بطمن عليك

العمدة :: مش قولتلك قبل سابج لما تعوز تتحدت معاي حددتني علي الرجم التاني

دهشان : اه صحيح معلش نسيت.. بجولك ايه

مفيش اخبار عن شريكنا

العمدة :: لا مفيش من ساعة ماعرفت انة هرب وانا معرفش عنة حاچة واصل

دهشان :: يعني انت متعرفش طريجة

العمدة :: مانا لو عارف طريجة يا ناصح كت بلغتك وكنا شوفنا طريجا نخرچة بيها بره البلد

دهشان :: اصل انا وصلني حديت من ناس معرفة جوي انة عندك

العمدة :: انت بتجول ايه .. انت شاكك اني مخبية ؟ طب ولو خبيتة ايه مصلحتي في اني مجولكش

دهشان :: طيب انا هچيلك علشان حديت التلفونات ده مينفعش

العمدة : تچيلي فين انت مجنون .. انا هشوف الدنيا واتصل بيك .. سلام

دهشوري :: ايه يا معلم

دهشان :: الظاهر كدة يا ولاا العمدة بيلعب بيا وانت عندك حج

..............

فااضل يوم واحد علي المصيف وبعدها هيرجعوا البلد والكل هناك مبسوط ومش عايز يمشي. لكن ارداة القدر كانت فوق الجميع

الممرضات كلها بتجري علي غرفة العناية وعصام قاعد في الكافتريا بتاعة المستشفي

وشاف الدكتور بيجري علي فوق ووراه الممرضات

عصام حس بالقلق والخوف وخرج سأل واحدة من الممرضات فيه ايه

الممرضة :: فيه عيان في العناية شكلة بيموت والدكتور جري علشان يحاول يسعفة

عصام جري علي فوق وشاف الدنيا مقلوبة وسأل ممرضة اتعرف عليها. قالتلة ان الحاج والدك تعيش انت

الدنيا لفت بعصام ومحسش بنفسة غير في اوضة نايم علي السرير ومحطوطلة حقن في ايده. متعلق له كلجوز اول مافاق شال الكلجوز من ايده وجري علي غرفة العناية حاول يدخلها لكن الدكاترة منعتة وحاولوا يهدوه لكنة كان منهار جدا وقعد علي الأرض وهو بيبكي علي ابوه وفضل يترجي الدكاترة ان يدخل يودع ابوه لغاية ما الدكتور الأخصائي وافق علي انة يدخل يشوف ابوه

عصام دخل وبص علي ابوه وهو بيملي عنيه منه للحظة الأخيرة

كسرتلي ضهري يابا كسرتلي ضهري

ليه سبتني دانت السند والضهر وانت كل حاچة في حياتي .. ليه سبتني يايابا

الدكتور دخل وبقي بيطبطب علي عصام وخرجه بره الأوضة بالعافيه

عصام اتصل علي اخوه حسين اللي قفل المحل وكتب ورقة علي باب المحل ان ابوه اتوفي وراح المستشفي وهناك عصام قابله بالحضن وعنيه حمرا زي الطماطم من كتر العياط وحسين مش قادر يقف علي رجليه

وبقي عمال يضرب راسه في العمود الخرساني وينده علي ابوه

اتلمت الناس اللي في المستشفي علشان تهديهم والبلد كلها اتقلبت علي موت الحاج نعمان وفي ظرف ساعة كانت كل البلد في المستشفي

امينة في البيت عرفت بخبر وفاة الحاج نعمان وبقت عمالة تشيل في التراب وتحطة علي راسها وعمالة تصوت . والبيت اتملي ستات جاية تعزي

منهم الحاجة فاطمة اللي بتبكي بالدموع علي فراق الحبيب والغالي

عصام اتصل باحمد وقالة لازم تيچي دلوك من مصر

عشان ابويا تعيش انت.

علي العصر كان احمد راح البيت وقابل وجدي ومن اول ما دخلوا البلد الناس كانت بتاخد بخاطر احمد والحريم عرفت بالخبر من قبل ما يوصلو البيت واشتغل الصويت والنويح

الحزن سيطر علي الجميع وبناتة الهام ونعمة واشواق كانوا في حالة بكاء شديد واشواق اغمي عليها من كتر العياط والحزن

عصام وحسين بيجروا في المستشفي علشان يخلصوا اجراءت الدفن واحمد وجدي وجلال وصلوا المستشفي ووقفوا مع عصام وحسين لغاية ما قدرو ياخدو جثة ابوهم وروحوا بيها البيت ودفنوها في البلد

العمدة اتصل ب دهشان وبلغة انة يجي النهاردة. علشان البلد كلها ملهية في موت الحاج نعمان

المعلم دهشان فرح بموت عدوهم اللدود الحاج نعمان وقال في بالة ان ممكن كرم كدة يظهر ويبان

المعلم دهشان استني ل بالليل علشان تبقي البلد كلها في عزاء الحاج نعمان واول ما وصل البلد اتصل علي العمدة والعمدة قالوا

اسبجني علي دوار العمدة وانا خمس دجايج هخرچ من العزاء واچيلك

العمدة راح قابل المعلم دهشان في دوار العمدة وحصل بينهم خناقة لما عرف من دهشان انة كان مخبي كرم عنده من غير ما يعرفة. وان كان فيه نيه عند دهشان للخيانة واكيد الحاج كرم عرف واخد الفوس وطفش

لكن دهشان كان مصمم ان العمدة هو اللي ورا اختفاء كرم وانة هو كمان خاين

حصل شد وجذب بينهم بالكلام والمعلم مشي وهو متوعد العمدة ان كرم لو مظهرش ودفع له ال اتنين مليون جنيه اللي اخدهم منة

مش هيحصل كويس وهيفضح العمدة اللي الناس مغشوشة فيه

.......

عصام راح البيت التاني بتاع الحاج وبقي عمال يقلب في البيت علشان يلاقي اي اوراق كدة ولا كدة خاصة بأملاك الحاج لغاية ما لقي كل الاوراق في صندوق عاملة الحاج

ولفت نظره دوسيه فيه اشاعات وتحاليل مكتوبة بالانجليزي

عصام بينة وبين نفسة ايه الاشاعات دي والتحاليل دي .. معقولة الحاج يكون كان عنده حاجة ومخبيها علينا

وبدأت دماغ عصام تودي وتجيب وليه الحاج مجبلوش سيرة الأشاعات دي وليه مخبيها في الصندوق .. بدا يقلب في الورق لغاية ما لقي ورقة مكتوب فيها كل حاجة

عصام مسك الورقة وبدأ يقراها والدموع بتنزل من عنيه وايده بتقفل علي بعضها وقام زي الطور الهايج يخبط في كل حاجة في الشقة

معجول ابويا مش ابويا .. معجول الحاچ نعمان مكنش بيخلف ؟

امال انا ابن مين ؟ وحسين واشواج ونعمة والهام دول عيال مين

معقول الحاجة امينة خاينة وامي خاينة وفتحية كات خاينة

معجول كل دول كانوا خاينين ؟

عصام الدنيا بدأت تلف بيه ومش مصدق اللي قراه ولا مصدق بعد العمر ده كلة. يطلع الحاج نعمان. اطيب واحن خلق ربنا مش ابوه

ياااااااه ياحاج نعمان دانت كت مخبي حمول الچبال متجدرش عليها

عصام اخد الجواب والورق وراح الأوضة المقفولة بالباب الحديد اللي مخبي فيها الفلوس وراح شال الجواب والاشاعات هناك وبعدين خرج ومبقاش عارف يعمل ايه.

وقرر ان مش لازم حد يعرف الحقيقة دي مهما يكون وان زي ما الحاج داري سره هو كمان لازم يداري علشان ميتفضحوش في البلد

رجع عصام جوه البيت وبقي بيقرا الورق لغاية ما لقي وصية توزيع التركة ( الميراث )

وان الحاج كاتب بعد موتة لازم البنات تاخد حقوقها كاملة .. والفلوس بتاعة كرم والاثار

تبقي من نصيبه هو واخوه حسين

لكنة ميعرفش اخوه السر اللي بينهم لانة ممكن يضيع كل حاجة في لحظة لانة متهور

وان عصام يكون سند له وضهرة ويحافظ علي اخواتة البنات وميعرفهمش السر بتاع امهم مهما كان

عصام كان بيقرا الوصية ودموعة بتنزل بالدموع وبيكلم نفسة

هتفضل انت ابويا ياحاچ نعمان .. كفاية حنيتك علينا وعلي الحاچة امينة حتي بعد ما عرفت الحجيجة .. مفيش غيرك هيكون ابويا ولا يستحج اجولوا يابا غيرك

ربنا يرحمك يابا. ربنا يرحمك

خرج عصام من البيت الجديد وقفلة من بره بالقفل وقرر انة لازم يشيل الفلوس من البيت ويدور علي مكان تاني غير البيت ده

وبرغم ان البيت بأسمة الا انة قرر لازم يشيل الفلوس لكن الاثار هتفضل في مكانها مدفونة تحت الارض لغاية ما يجي يومها اللي هتخرج فيه

..................

العمدة نزل صباح الخير ياچلال يابني

جلال :: صباح الخير يابا

العمدة :: ايه مش ناوي تنزل الشغل النهاردة ولا ايه

جلال :: لا يابا النهاردة الچماعة طالعين الجرافة وشوية كدة هاخد الهام ونروح دار ابوها عشان هنمشي معاهم من هناك

العمدة :: ماشي

جلال :: انت مش ناوي تروح ولا ايه

العمدة :: لا انا مش فاضي ورايا مصالح البلد

هبجي اروح بالليل اجعد شوية معاهم مع اني مبجتش بحب ادخل الدار دية من ساعة ما،راح الحاچ نعمان.

سعاد عملت الفطار وبعدين طلعت صحت الهام

سعاد :: ست الهام . ياست الهام

الهام :: ايوة ياسعاد ..

سعاد :: سي چلال مستنيكي تفطري معاه

الهام :: اتمطعت حاضر يا سعاد انا خلاص صحيت. روحي انتي وانا هنزل وراكي طوالي

الهام قامت من النوم وغيرت هدومها ودخلت الحمام غسلت وشها ونزلت

صباح الخير ياعمي صباح الخير يامرات عمي

العمدة / الحاچة صباح صباح النور يا الهام

العمدة :: ال بجولك ايه يابتي محدش من اخواتك جال هيشوف الورث بتاعكم ميتا

الهام بصت ل جلال وبصت للحاجة صباح

صباح :: واحنا مالنا ياعمدة ورثها وهي بس اللي من حجها تطلبة وجت ماهي عايزة

جلال :: هو ده وجتة يابا

العمدة :: ازاي بجا يا ولية مش الهام دي مرات ولدك ومن حجنا نجف معاها ونچبلها حجها

الهام :: تچبلي حچي من مين ياعمي ؟ من اخواتي؟

العمدة :: يابتي انا خايف علي حجك اوعي تفكري اني طمعان فيكي

الهام :: شكرا ياعمي بس الموضوع ده يخصني انا بس حتي ولدك ده ملوش يجولي

فين ورثك ولا حتي يجدر يتكلم في حاجة زي كدي .. مش كدي يا چلال

جلال :: صح يا الهام ده حچك وانا مليش اتحدت فيه

العمدة بص ل جلال وقالوا :: بجا كدة ماشي يا چلال ماشي

صباح :: رايح فين مش هتفطر الأول

العمدة :: لا مش متنيل فاطر .. سلامو عليكم

صباح بصت ل ابنها جلال وقالت :: مكنش لازم تحرچ ابوك كدي

الهام :: نعم ؟ بجولك ايه يا مرات عمي جدام ولدك اهو محدش فيكم له دخل باللي بيني وبين اخواتي وانت يا چلال يلا بينا علي فوج

سعاد يا سعاد

سعاد :: ايوة ايوة ياست الهام

الهام :: طلعي لينا الفطار في شجتنا ومن هنا ورايح الفطار يطلعلنا فوج

صباح :: في ايه يا الهام يابتي ايه اللي حصل لده كلة

الهام :: مش هستني لما يحصل .. يلا يا چلال ولا هتفضل جنب امك

جلال طلع مع الهام شقتهم والحاجة صباح قاعدة مكانها بتهري وتنكت علي ابنها الدلدول وبدأت تفكر في ابنها اللي مبقاش فيه ريحة الرجولة

بعد ما الهام فطرت لبست هدومها هي وجلال ومشيوا علي البيت الكبير

...............

عصام :: بت ياسامية انتي يابت

سامية :: ايوة ياسي عصام

عصام :: رايحة فين عالصبح كدي يابت

سامية :: رايحة للحاچة فاطمة زي كل يوم

عصام :: هو انتي مش عارفة يابت اننا طالعين النهاردة الترب علي عمك نعمان

سامية :: ايوة ياسي عصام عارفة وانا لسة چاية من الدتر وسألت الست زينب ان كنتم عايزني معاكم ولا لا جالتلب لا

عصام :: طيب روحي اسبجيني علي الدار امال مين اللي هيساعد زينب واسماء في تفريج الرحمة يابت

سامية :: بس كدة انت تؤمر ياسي عصام

عصام :: ابجي جولي لستك زينب اني چاي مش هتأخر هوصل مشوار كدي جريب وچاي

سامية :: حاضر ياسي عصام

سامية راحت البيت الكبير زي ما طلب منها عصام وزينب سألتها. ايه اللي رچعك ياسامية

سامية :: سي عصام جالي اكون معاكم

زينب :: ماشي روحي ساعدي اسماء في الجوضة وعبي معاها الاكياس

زينب :: تعرفي يابت يالهام اني مكنتش بطيج اشوف البت سامية دي خالص بس الحجيجة تتجال التلات ايام بتوع الجنازة البت كانت واجفة معانا وجفة من حديد. ولا كلت وملت ولا حتي اشتكت

الهام :: الصراحة يازينب فعلا البت وجفت معانا وقجة كبيرة وتتحسبلها

عصام طلب مني اعاملها كويس ومجفلش الباب في وشها ابدا ولو طلبت فلوس في اي وجت اديلها من غير ما اكسفها

الهام :: عارفة يازينب اوجات كتير انا بحس اخويا عصام ده زي المرحوم ابويا طيب زيه

زينب :: امال ايه يابت ماهو دلوك بجا الكبير بتاعكم ولازم كلكم تحسوا بكدي وهو يا نضري من يوم ما ابوه مات كل ليلة يفضل يعيط زي العيال الصغيرة ويفضل يكلم نفسة

احمد :: بقولك ايه يا نعمة ما تعملي لينا دور شاي

نعمة :: حاضر

وجدي :: لا متعمليش حسابي لحسن حاسس بطني وجعاني يظهر كدة القولون شادد عليا

نعمة :ماشي هعملك حلبة

وجدي :: لو حلبة ماشي وبصوت واطي:: بقولك يا نعمة عايزك ف كلمتين كدة علي جمب لما تفضي خالص

نعمة.:: ماشي يا داكتور وچدي وجت ما اخلص اللي ورايا نتحدت.

وجدي :: دكتور كمان لا الظاهر اننا لازم نتكلم ف اقرب فرصة يا نعمة.

سامية :: عايزين واحدة يا چماعة تيچي تساعد معانا علشان نلحج نخلص

زينب :: جومي يا اشواج ساعدي معاهم

اشواق :: حاضر يا زينب

شوية عصام جه من برا ومعاه ميكروباص علشان ياخد فيه العيلة كلها ومعاه عوضين ورياض وحسين كان لبس هدومة وخرجوا

والحاجة فاطمة لما عرفت من سامية من امبارح لبست ولحقتهم علي باب البيت قبل ما يمشوا

راحوا كلهم القرافة. ورجعوا بعد ما وزعوا كل اللي في الشنط علي الناس الغلابة

عصام طول الطريق وهما راجعين كان بيبص للحاجة امينة الخاينة اللي راحت نزور قبر الراجل اللي هي كانت سبب في موتة بسبب خيانتها وقلة شرفها لكنة كان مجبر بالتظاهر قدام اخواتة بتمثيل التعاطف معاها .. وعلي قد ما كان بيحبها ومعتبرها امة علي قد ما كره شكلها واسمها وحتي انة يسمع صوتها

القرافة مكنتش بعيد عن البيت لأنها في نفس البلد ومش هتاخد تلت ساعة بالعربية

بعد ما وصلو البيت الكبير. الحاجة فاطمة كانت هتمشي علي بيتها لكن عصام حلف عليها ماهي ماشية قبل ما تتغدي وقالها دانتي من الناس اللي الحاچ نعمان كان بيعزهم ولا يمكن ابدا تمشي من غير ما تتغدي

وزينب مسكت في سامية وقالتلها انتي كمان هتتغدي معانا

الكل اتجمع في البيت الكبير والستات كانوا بيعملوا الغدا

بعد ما الكل اتغدي ساميه والحاجة فاطمة مشيوا

الساعة تلاتة العصر جه خبر للعمدة عن طريق جواب رسمي من المدرية انهم لقيوا جثة متحللة وبعد كشف الطب الشرعي عليها وعمل تحليل الحمض النووي عليه اكتشفوا ان الجثة للنائب السابق عن دايرة البلد وهو الحاج كرم

ولازم يكون متواجد هو والحاجة فاطمة للتعرف علي ملابس القتيل

العمدة قعد مكانة بعد ما قرا الجواب ومش مصدق ان الحاج كرم اتقتل وبقي عمال يلف في البيت عمال يفكر مين اللي قتل كرم ::

لو الحاچ نعمان عايش كنت هجول مفيش غيره اللي جتلة لكن دلوك الحاچ نعمان مات وبلها كان محچوز في المستشفي .. يبجي مين .. معجول يكون المعلم دهشان . بس لا لو دهشان اللي جتلة مكنش جه سأل عليه

طب وبعدين . ده في الحالة دي دهشان مش هيتهم حد غيري وهيفكر اني انا اللي جتلتة بعد ما لطشت فلوسة

العمدة راح بيت الحاجة فاطمة وبلغها اللي اول ما سمعت كلام الكلام اعصابها سابت وكان هيغمي عليها لدرجة ان جالها هبوط وسامية لحقتها بميا وسكر

الحاجة

العمدة فكر ان فاطمة كان هيغمي عليها بسبب صدمتها من الخبر وزعلها علي جوزها الحاج كرم

العمدة :: اوعي تنسي ياحاجة فاطمة بكره الصبح هعدي عليكي علشان اخدك. ونطلع علي المستشفي ومن المستشفي اكيد هنروح المركز عشان ياخدو اجوالك

في ظرف ساعة كانت البلد كلها عرفت بموت الحاچ كرم مچتول وده كان حديث اهل البلد كلاتها وزي ما الكل عارف بقي الكل بيحكي ويفتي عن طريقة موت كرم

وصل الخبر لبيت الحاج نعمان

حسين :: سمعت ياعصام ياخويا الحديت اللي داير في البلد

عصام :: ايوة سمعت ودماغي هتشت من صباحية ربنا ياتري مين اللي جتلة

حسين :: اكيد حد من اللي بيتاچر معاه في المساخيط هو اللي جتلة

عصام :: ممكن بردو لانة كان هربان واللي هربة اكيد هو اللي جتلة

حسين :: البلد مفيش علي لسانها غير موت الحاچ كرم وكل واحد بيحكي حكاية شكل

عصام :: هي دي بلدنا ياحسين يعني انت تايه عنيها

حسين :: بت يا اسماء

زينب :: اسماء في المطبخ بتچهز الوكل عايز حاجة ياحسين

حسين :: اعمليلنا دور شاي

زينب :: حاضر

عصام :: بجولك ايه ياحسين كنت عايزك كدي في موضوع

حسين :: خير ياخويا

عصام :: تعالا نطلع فوج علشان نتكلم براحتنا

حسين :: هاتيلنا الشاي فوج والنبي يازينب

** عصام وحسين طلعوا الشقة بتاعة البنات **

حسين :: خير ياخويا

عصام :: خير يا حسين . كنت عايز اخد رايك في موضوع كدي

حسين :: سامعك ياخويا .. جول

عصام :: اخواتك البنات مش المفروض ليهم في ورث ابوك ؟

حسين :: اكيد ليهم

عصام :: طيب احنا عايزين نشوف ونتمن كل حاچة بما يرضي ربنا ونديهم حجوجهم فلوس

حسين :: منين ياخويا مانت عارف حجهم هيكون في الاملاك البيوت والاراضي والمحلات وعلشان نديهم حجوجهم لازم نبيع

وده مش هيحصل ولو علي جثتي

عصام :: بص مانا مش هبيع انا هتصرف في موضوع الفلوس

حسين :: منين ياعصام

عصام :: منين دي بتاعتي انا انا ليا سكتي اللي هچيب بيها الفلوس.. انا مش عايز اچواز اخواتك البنات يجوا في يوم يجولو احنا لينا في الاملاك دي والمحلات. ويشاركونا في رزجنا ورزج عيالنا وده عمري ما هسمح بيه ابدا

حسين :: طب وحج احمد واد عمك

عصام :: احمد هنشوف الدار اللي ابوك اشتراه له والمعدات اللي في العياده يساوي كام وهو نصيبة كام في الورث بتاعة من ابوه وندهولة

حسين :: وانت هتعريف تتصرف في كل المبالغ دي

عصام :: متجلجش هتصرف

حسين :: خلاص شوف انت عايز تعمل ايه وانا معاك وفي ضهرك

عصام :: انا مش عايز منك اكتر من كدي

زينب :: الشاي ياعصام الشاي حسين

حسين :: تسلمي يازينب