رواية أحببتها صعيدية الفصل الثالث والعشرون 23 نور الدين جلال

واول ما حسين شافة بالشكل ده وهو داخل البيت **

حسين :: ايه ده يابا مين اللي عمل فيك كدي

الحاج نعمان :: بسيطة يا ولدي متخفش ده واحد الصبح كان طالع بالبهايم وانا كنت بتمشي في البلد وسرحان مخدتش بالي فالحمارة رفصتني

حسين :: مش تبجي تاخد بالك يابا

الحاج نعمان :: بسيطة بسيطة.. بجولك ايه انا تعبان ومش هجدر اروح المحل ولا ابص حتي علي الأرض

حسين :: لا يابا ارتاح انت ومتعولش هم حاچة ابدا

اسماء زوجة حسين :: ايه ده يا عمي .. ايه اللي عامل فيك كدي

الحاج نعمان :: بسيطة يابتي بسيطة .. انا هدخل انام لحسن تعبان

حسين :: مفيش حاچة يا اسماء .. روحي انتي شوفي كنتي بتعملي ايه

.......................

....................

الحاج نعمان علي الساعة تلاتة العصر قام من النوم نزل من الأوضة وكانت زينب مرات عصام في الزريبة ولما رجعت شافت الحاج قاعد في الصالة تحت

زينب :: ايه ياعمي اعملك الغدي

الحاج نعمان :: لا مليش نفس بس اعمليلي كوباية شاية

زينب :: يالهوي ياعمي ايه اللي عمل في وشك كدي

الحاج نعمان :: حمارة رفصتني ووجعتني علي الأرض مكنتش واخد بالي منها

زينب :: ده وشك منفخ خالص هو انت وجعت علي وشك

الحاج :: يلا حصل خير . روحي اعمليلي الشاي

زينب :: حاضر ياعمي

زينب عملت الشاي والحاج نعمان بقي عمال يفكر في شكل وشة وقال في بالة انة مينفعش يخرج خالص بشكلة ده . ده ممكن منظر وشه هو اللي يكشفة

زينب جابت له الشاي وبعدين عملت اكل ل ولادها امير وعمر

شوية وتليفون الحاج نعمان رن

الحاج نعمان :: ايوة ياعصام

عصام :: انت عامل ايه يابا دلوك

الحاج نعمان :: نحمد ربنا

عصام :: الدا خلاص يا حاچ چهز من كلة

الحاج نعمان :: طب زبن. اعمل حسابك عايزين ننجل الأمانة الليلة مش عايزين الحاچة تقعد عندنا اكتر من كدي

عصام :: حاضر ياحاچ الليلة كل حاچة هتبجي هناك

** وعصام بيكلم الحاج البت سامية جاتلة المحل وفي بوقها لبانة وواقفة بتتسهوك **

عصام :: طيب يا حاچ سلام دلوك عشان المحل مليان زباين.. خير يا سامية اؤمري

سامية :: خير ياسي عصام انا عايزة شوية طلبات كدي

عصام :: ولاا ياعوضين تعالا شوف سامية عايزة ايه

سامية :: بمحن ستات وصوت واطي بس اني عيزاك انت .. جصدي انت اللي تجبلي الحاچة

عصام :: اه ومالوا .. انتي تؤمري ياسامية

** سامية قالت علي الحاجات اللي عايزها وعصام جابهملها **

سامية :: الحساب كام ؟

عصام :: خلاص ياسامية الحساب المرة دي عندي.

سامية حطت ايدها في صدرها علشان تطلع الفلوس .. لا جولي بس كام وانا عنيا ليك

عصام بص ل سامية وبصوت مرتبك .. لا خلاص بچد الحساب وصل

سامية :: طيب ياخويا تسلم .. واخدت الحاجة. ومشيت وهي بتدلع ف مشيتها شوية وبصت لورا لقيت عصام مركز ف الشغل ومش بيبص عليها

...........

بالليل عصام روح البيت واتصل بالحاج نعمان وهو واقف جنب عربية الحاج نعمان المركونة في الجراچ . وقالوا انة مستنيه عند المخزن

الحاج نعمان راح لعصام ودخلو الزريبة حفروا في الأرض وطلعوا منها الأثار

وبعدين دخلو المخزن طالعو منها باقي الأثار

واخدو كام شنطة من شنط الفلوس وراحو علي البيت الجديد حطوها هناك ورجعوا تاني اخدوا باقي الفلوس

وهناك عصام حفر حفرة كبيرة وحط فيها التماثيل والقطع الأثرية وبعدين ردم عليها

والحاج نعمان قالوا بكره تتفج مع مبلط يچي يبلط الأرض دي علشان الحاچة دي لازم تختفي نهائي ولسنين طويلة

............. ...............

تاني يوم الحاج نعمان اتصل بعصام اللي قاعد مع المبلط اللي بيبلط البيت

الحاج نعمان :: الو ايوة يا عصام المبلط خلص ولا لسة

عصام :: خلاص ياحاج كلها ساعتين ويخلص خالص

الحاج نعمان :: ماشي ولما تخلص عدي عليا في المحل عايزك توصلني الدار بالعربية لحسن حاسس حالي تعبان

عصام :: خير يابا مالك ؟

الحاج نعمان :: مفيش.. شوية تعب بس في المفاصل متجلجش عليا

** الحاج نعمان كدب علي عصام وكان حاسس بوجع في قلبة ونغزة عمالة تروح وتيجي

من ساعة ما صحي *

عصام :: حاضر يابا اخلص بس هني وهچيلك طوالي

...............

المعلم دهشان في الفيلا اللي كان مخبي فيها الحاج كرم رايح جاي عمال يفكر كرم راح فين

كرم هرب بالفلوس ولا البوليس مسكة ولا ايه اللي جرالة

دهشان :: دهشوري .. يا دهشوري

دهشوري :: ايوة يامعلم دهشان

دهشان :: عايزك توصل الكفر وتعسعس كدة من بعيد لبيعيد عن كرم وتشوف لو حد شافة في البلد ولا لا .. ولا اجولك حاول توصل للبت الخدامة اللي اسمها سامية. وتسألها عن كرم واذا حسيت انها بتلف وبدور وتعرف اي حاچة عن الحاج كرم تشدها وتچبهالي هنا

دهشوري :: حاضر يامعلم دهشان اروح دلوك

دهشان :: ايوة ياخويا تروح دلوك .. يلا

دهشوري :: حاضر .. حاضر

..........

سامية :: مساء الخير يا حسين

حسين :: سامية جيتي في وجتك يابت

سامية :: لا مش هينفع دلوك خالص اللي في دماغك

حسين : ليه بجي دانا مروق المخزن مخصوص من صباحية ربنا علشانك

سامية :: بجولك ايه. محتاجة منك 500 چنيه عايزة اشتري شوية حاچات ليا

حسين :: 500 چنيه مرة واحدة .. كتير. كتير جوي ياسامية وانتي كل يومين تلاتة تسحبي مني فلوس جد كدي .. كدة المحل هيخسر معايا والحاچ لو راچع الدفاتر هيشك فيا

سامية :: انت بتسمي الفلوس اللي بخدها منك دي فلوس ولا الحاچ هياخد باله منها

عموما براحتك ياسي حسين ولا علشان عندي ظرف هستكترهم فيا

حسين :: مش الجصد يابت . طيب خلاص الفلوس اهي انا مش عايزك تزعلي مني دانا بحبك جوي

سامية اخدت الفلوس وحتطهم في عبها طيب بالأذن اني عشان معطلكش عن شغلك

سامية سابتة وراحت المحل اللي فيه عصام وبصت من بعيد لقت الحاج نعمان هو اللي في المحل راحت داخلة

سامية :: ازيك ياحاچ نعمان

الحاج نعمان :: اهلا .. خير عايزه حاچة.؟

سامية :: اه ده .. بتكلمني كدة ليه ياحاجچ هو انا حصل مني حاچة ؟

الحاج نعمان :: لا محصلش اخلصي قجولي عايزة ايه لحسن ده مكان اكل عيش

سامية :: طيب مش هتجولي اقعدي وتطلبلي حاچة اشربها زي ماكنت بتعمل معايا زمان ؟

الحاج نعمان :: عوضين

عوضين ايوة ياحاچ چايلك .. اؤمر ياحاچ

روح يا ولاا هات حاچة ساقعة لسامية بس بسرعة علشان هي مستعجچلة

عوضين :: فريرة ياحاچ

الحاج نعمان :: اديني جعدتك وطلبتك حاچة تشربيها

سامية :: انت متغير ليه من ناحيتي ياحاچ

بجالك كام يوم بطلت تسأل عليا .

الحاج نعمان :: صوح عايز اجولك الورجة اللي بصمتي عليها دي مش عجد الدار اللي انتي جاعدة ؟

سامية :: امال دي ورجة ايه ؟

الحاج نعمان :: دي ورجة مكتوب فيها انك اخدتي مني 200000 الف جنيه وبصمتي اجرار علي نفسك بكدة

سامية :: يا نهار اسود ومنيل بستين نيلة

انت بتجول ايه ياحاچ

الحاج نعمان :: زي ما سمعتي كدي يكونش فكراني كنت هسيبك بعد اللي عملتيه مع فتحية مرتي

سامية :: بجي كدة ياحاچ تستغل جهلي بالجراية.. وانا مالي ماهي اللي راحت برجليها ولا يكونش انا اللي ودتها للحاچ كرم

الحاج نعمان :: جصر الحديت انتي تشوفيلك بلد تاني غير البلد دي ولو جعدتي فيها يبجا تجعدي فيها زي الچزمة الجديمة

عوضين :: الساجع

الحاج نعمان:: لا خلاص. سامية مستعچلة وعايزة تمشي اشربها انت ياعوضين

** سامية قامت مذهولة مش مصدقة ان الحاج نعمان يعمل معاها كدة مشيت وحست ان رجليها بقت تقيلة اوي ومش قادرة تجرها من علي الأرض **

عصام بعد ما المبلط خلص البيت راح لحسين اخوه المحل وقعد معاه شوية

عصام :: طب بالأذن انا لحسن ابوك تعبان هروح اخده بالعربية اروحة االدتروبعدين ارچع علي المحل

حسين :: تعبان ازاي؟

عصام :: لا بسيطة مفاصلة تعبانة. حكم السن بجا

عصام مشي من عند حسين وراح للحاج نعمان اخده وهما ماشيين رايحيين البيت

الحاج نعمان قالوا

المبلط كدة خلاص خلص كل حاچة ياعصام؟

عصام :: ايوة ياحاج خلاص خلص وكدة مفيش حاجة ناقصة خالص

الحاج نعمان :: طيب اعمل حسابك بعد ما توصلني هتروح تجفل المحل وبعدين تطلع علي محلات العفش اللي في المركز

وتشتري كل حاچة محتاجها الدار من اوضة نوم لسفرة ل انتريه. لمطبخ وكل الاچهزة وتاخدهم بعربيتن نجل شاسية وتوديهم علي الدتر. وتتفج مع انفار تدخل العفش ديه في الدار

عصام :: ليه النهاردة وليه من اساسة واحنا مش هنقعد في الدار ده

الحاج نعمان :: انا اللي هجعد فيه .. الليلة هتكون اخر ليلة ليا في الدار الكبير

عصام :: ليه يابا .. ليه بتعمل فينا كدي ؟

الحاج نعمان :: اهي ليه دي مينفعش اجولها

عصام : ياحاچ انا متوكد ان فيه سر انت مخبيه عننا واتحيلت عليك ياما عشان تجولي وانت مش راضي خالص .. يابا ابوس يديك وابوس رچليك .. جولي وريحني انت مخبي عننا ايه

الحاج نعمان :: مخبي عنكم نار ممكن تاكلكم وتاكل كل حاچة في سكتها خليني ساكت ياعصام ولما اموت هتعرف كل حاجة في وجتها

عصام :: بعد الشر عليك يابا .. طيب ليه دلوك عايز تسيب البيت وتسيبنا ليه يابا ليه

انا ملاحظ معاملتك للحاچة اميتة الفترة اللي فاتت وبجيت بتنام ف اوضة فتحية الله، يرحمها من ساعة ما ماتت لية يابا دة الحاچة امينة طول عمرها شيلانا في نن عنيها وعمرها في يوم ما حسستني انها مش امي لدرجة اني مش مصدج ابدا ان الست دي متبجاش امي ليه يابا جولي وريح جلبي

الحاج :: مانا جولتلك الحديت مش هيفيد .. الحديت هيشعللها نار في غني عنها

عصام :: يابا احكيلي دانت طول عمرك بتحكيلي علي كل كبيرة وصغيرة اشمعني دي مش عايز

الحاج :: خلاص ياعصام متتعبش جلبي اعمل اللي جولتلك عليه وفضنا سيرة بجي

عصام :: حاضر يابا .... امرك

..............

....................

الحاج نعمان كان متابع مع عصام بالتليفون كل حاجة من اول ما راح اشتري كل اللي طلبة منة ولغاية ما جاب العربيات وحمل عليهم العفش وجاب الانفار ودخلو كل حاجة في البيت

عصام روح البيت مهدود وتعبان ومصدق اكل لقمة ودخل الأوضة بتاعتة اترمي علي سريره . والحاج نعمان قعد مع حسين وقاله انة خلاص هسيب البيت وهيقعد في بيت جديد اشتراه

حسين :: تسيب الدار ؟ ليه يابا ؟

الحاج نعمان :: معنديش حديت تاني اجولة

انا خلاص الليلة. هتكون اخر ليلة ليا في الدار دية

حسين :: براحتك يابا مش هجدر امنعك ثم دار چديد ؟ واشتريتة امتيميتا ؟ وطبعا عصام هو اللي اشتراه .. انت ليه يابا مش شايفني راچل ..؟ ليه مش بتشاركني اي جرار بتاخدة

وليه عصام بس اللي جريب مينيك

الحاج نعمان :: انت ولدي وعصام ولظي ومفيش عندي خيار وفجوس بيناتكم كل ماهونالك ان عصام جدامي ليل ونهار هنا وفي المحل. لكن غلاوتك زي غلاوتة بالظبط

حسين :: زي ما تحب يابا بس مين اللي هيخدمك هناك ؟ مين هيطبخلك .. مين هيغسلك هدمتك ؟.

نعمان :: متخفش عليا ياحسين هتفج مع اي خدامة من اللي بيخدموا تيچي تطبخلي اللجمة وتغسلي الهدمة

حسين :: وليه ده كلة يابا .. ليه تبعد عننا واحنا عيالك وحريمنا تحت رچليك تخدمك

وامي كمان وعمرها ما جصرت معاك

نعمان :: من جه عمرها ماجصرت معايا فهي عمرها ماقصرت .. يلا بقي اللي بيحاسب العباد ربنا

حسين :: في ايه يابا. امي عملت معاك ايه علشان تجسي عليها الجسوة دي

ده بدل ما تخدها تحت چناحك وتطبطب عليها تجوم تسبلها الدار وتمشي

الحاج نعمان :: بعدين هتعرفوا كل حاچة

كل حاچة ليها وجتها ... اسيبك انا عشان عايز انام

حسين :: براحتك يابا اعمل اللي انت عايزه واللي انت شايفو

تاني يوم الصبح الحاج نعمان حضر شنط هدومة وخبط علي عصام صحاه من النوم وقالوا قوم افطر وانا هاخد هدومي اوديهم البيت التاني. وارجع اجبلك العربية علشان تنزل بيها مصر

الحاج اخد العربية وشنط الهدوم بتاعتة وراح خد عوضين اللي كان مستني عند المحل وخد واحد تاني معاه من اللي شغالين في المحل وراح بيهم علي البيت

دخل هدومة في البيت وقال لعوضين عايزكم تفرشوا الشجة وتخلوها علي سنجة عشرة علي. ما اودي العربية لعصام .

الحاج نعمان رجع العربية البيت ورجع علي رجليه البيت الجديد علشان يشرف بنفسة علي عوضين واللي معاه وهما بيفرشوا البيت

الحاج نعمان :: بجولك ايه ياولاا ياعوضين

متعرفش طريج خدامة كويسة

عوضين :: لمين ياحاچ ؟

الحاج نعمان :: ليا يا ابو مخ ضلم

عوضين :: ليه ياحاچ هو انت هتجعد في الدار ده لحالك..

الحاج نعمان :: اخيرا الحمار فهم

عوضين :: ليه ياحاچ ؟

الحاج نعمان :: انت مالك ؟ انا بسألك علي خدامة تعرف تچيبلي واحدة. وغير سامية لحسن عارفك حمار

عوضين بص للحاج وهرش في قفاه علشان كان هيقولوا علي سامية وبعدين قالوا

ايوة ياحاچ فيه بت كدة غلبانة اسمها شربات من غرب البلد عند دكان عباس البجال كدي

الحاج :: طب زين شيعهالي بكره المحل

** اخر النهار كان البيت مفروش وعلي سنجة عشرة زي ما طلب الحاج نعمان والحاج طلع لكل واحد فيهم 200 جنيه

عوضين واللي معاه مشيوا وهما فرحانين بالفلوس اللي اخدوها والحاج اتصل بعصام

اللي قالوا ان الحاجة اامينة في البيت بتعيط وزعلت اوي لما عرفت انك سبت البيت.**

الحاج حس بنغزه في قلبة ووجع شديد ومكنش قادر ياخد نفسة طلع تليفونة واتصل علي عصام علشان يلحقة ويوديه للدكتور. وفعلا عصام جري بالعربية واخد الحاج نعمان وطلع بيه علي المركز ل دكتور القلب هناك في مستشفي المركز وهناك قالوا لازم الحاج نعمان يدخل العناية المركزة

ل اشتباه جلطة في القلب

عصام اتصل بحسين وقالوا تعالي المستشفي بسرعة. ابوك عيان اوي ومحجوز في المستشفي. وعدي علي العمدة وانت جاي هاتة معاك لحسن ممكن يزعل ويقول محدش قالوا ليه

الحاجة امينة لما عرفت صممت انها لازم هي كمان تروح تزور الحاج نعمان جوزها وعشرة عمرها

واسماء كانت عايزة تروح تشوفة وتطمن عليه لكن حسين قالها خليكي انتي مع بناتك وانا هاخد امي واعدي اخد العمدة ونروحلة المستشفي وهبقي اطمنك من هناك

حسين اخد الحاجة امينة والعمدة وراح بيهم المستشفي

العمدة :: خير ياعصام مالوا الحاج نعمان

عصام :: الداكتور بيجول حالتة خطيرة اوي ياعم مصيلحي وربنا يستر

امينة :: انا عايزه اخشلة . ابوس يدك يا عصام ورچليك انا عايزة اخشلة .. انا مليش عازة في الدنيا طول ماهو غضبان عليا

امينة قعدت في الأرض تحت رجل حسين وعمالة تعيط

حسين راح قعد مع الحاج مصيلحي في الكافتريا بتاعة المستشفي وعصام اخد الحاجة امينة روحها غصب عنها ورجع بعد كدة المستشفي وكان العمدة مشي من المستشفي وقال هيجي يزور الحاج نعمان بكره

حسين : اتصل بخواتك اللي هايصين في المصيف دول اچبهم

عصام : لا اوعا تتصل وتجلب الدنيا استني لما نشوف الدنيا هترسي علي ايه هنا

حسين :: ياعصام مش هينفع ابوك لو جرالة حاجة اخواتك هيفضلو العمر كلة يجولوا اننا السبب في انهم ميشفوش ابوك جبل ما يموت

عصام :: ولو جم دلوك هيعرفوا يشفوه

خليهم وهما چايين علي ملا وشهم عملوا حادثة مش هنبجي احنا السبب بردو.. اصبر ياحسين اصبر لما نشوف الايام دي مخبية ايه لينا

....................

المعلم دهشان :: يعني انت متوكد يا دهشوري ان الحاج كرم معتبش ناحية البلد

دهشوري :: لا يامعلم كل اللي في البلد بيوكد انة محبوس حتي محدش يعرف انة هرب

دهشان :: طيب انت شوفت البت سامية وكلمتها

دهشوري :: ايوة جابلتها و اتحددت معاها وهي كانت فكراني جاي من طرف كرم وجالتلي في الاول انها بتعمل اللي اتفج معاها عليه

و وجعت حسين ابن الحاچ نعمان وفاضل عصام علشان تخليهم يجعوا في بعض بسببها ولما عرفتها ان الحاج كرم هرب. خافت وجالت انها هتسيب البلد خالص لانة ممكن يقتلها

المعلم دهشان :: وبعدين بجي .. دي الحكاية كل مادا بتتعجد .. يعني هيكون راح فين.؟

وكيف منزلش البلد . كدة فيه سر في الموضوع .. انا اللي غلطان كنت خليتك جطرتة وشوفتة راح فين طب انت متوكد ان سامية سابت البلد

دهشوري :: لا معرفش هي جالت كدة

دهشان :: بجي هي جالت كدي .. طب غور من وشي الساعادي غور چتك ستين نيلة

.................

سامية :: شوفتي اللي حوصل يا ست صباح

صباح :: بخوف وقلق:: ايه اللي حوصل ؟

سامية :: الحاچ نعمان شفتة في العربية راكب من ورا وشكلة كان تعبان جوي. وعصام هو اللي كان سايج والظاهر كدة راح بيه المستشفي

صباح :: ضربت بأيدها علي صدرها .. الحاچ نعمان

سامية :: ايوة يا حاچة ومن شوية لجيت المحلات بتاعتهم مجفولة الظاهر كدة الموضوع كبير

الحاجة صباح :: متعرفيش يابت راحو بيه في انهي مستشفي ؟

سامية :: لا ياحاچة

الحاجة صباح :: انا هتصل علي تلفونة يمكن يكون التلفون مع عصام

الحاجة صباح اتصلت علي تليفون الحاج نعمان وكان بيرن ومحدش بيرد

صباح :: وبعدين بجا .. ياتري فيك ايه ياحاچ نعمان .. روحي يابت شوفي كدي عصام چه ولا لسة وطمنيني

سامية :: حاضر

...............