رواية أحببتها صعيدية الفصل الثاني والعشرون 22 نور الدين جلال

...............

احلام وصلت البلد بتاعة كرم والراجل اللي معاها قالها انا هستناكي يالعربية في المكان الفلاني

احلام دخلت البلد وبقت بتسأل علي سامية زي ما الحاج كرم قالها. وفيه ناس وصفتلها بيت الحاجة فاطمة وهناك اللي فتحتلها الباب سامية

احلام :: مسالخير

ساميه :: مسالنور . مين ؟

احلام :: انا واحدة قريبة سامية من بلد جاركم كدة وكنت جاية عايزها في موضوع

سامية :: نعم ياختي .. انتي جريبة سامية

احلام :: بصوت واطي .. هو انتي سامية

سامية :: ايوة انا سامية .. انتي مين بجا وعايزه ايي

احلام :: انا جيالك من طرف الحاج كرم

الحاجة فاطمة :: مين يا سامية عالباب

سامية :: دي واحدة جريبتي يا حاچة فاطمة

وچاية تزورني

الحاجة :: طب خليها تدخل هتسبيها عالباب

سامية :: ادخلي ومتتكلميش في حاجة غير لما اخدك ونطلع فوج

الحاجة فاطمة :: اهلا وسهلا

احلام :: اهلا بيكي يا حاجة

الحاجة فاطمة :: خدي جريبتك يا سامية وضيفيها واتحدتو براحتكم في الدور الفوقاني

سامية :: حاضر ياحاچة

سامية اخدت احلام فوق ... انتي مين وكرم مين اللي انتي چاية من طرفه

احلام : انا صديقة للحاج كرم .. وهو عايزك تروحي معايا له دلوقت علشان تقابليه

سامية :: اروح اجابلة فين في السجن ؟ ودلوك ؟

احلام :: لا ماهو هرب وبيقولك لو مجتيش معايا هو هيعرف يجيبك لغاية عنده بطريقتة بس ساعتها رقبتك الحلوة دي هتفارق جسمك

سامية :: الحاچ كرم هرب ؟ ميتا وازاي .. وانا كمان ايش ضمني انك من طرفه

احلام :: هو كان عارف انك مش هتصدقي

طيب بأماره ما خليتي فتحية مرات الحاج نعمان حبلت من سامبو غيرك انتي الحاج كرم اللي يعرفو

سامية سكتت لان احلام قالتلها علي سر محدش يعرفة خالص غيرها وغير كرم. والحاج نعمان بعد ماهي قالتله

سامية حطت ايدها علي رقبتها وخافت من كرم لانة قادر ويعملها وممكن يقتلها لو مارحتش

سامية :: طيب انا اروحلة فين ؟ اصل دلوك ميهينفعش اچي معاكي

احلام :: لا هو شارط عليا مقولكيش وانتي لازم تروحي معايا دلوقت

سامية :: كدة ؟ طب خليكي هنا وانا هنزل اجول للحاچة فاطمة انك بت خالي. وان امك عيانة جوي وطالبة تشوفني وانا رايحة ابص عليها

سامية نزلت وقالت للحاجة فاطمة وبعدين طلعت ل احلام وقالتلها يلا بينا

احلام وسامية خرجوا بره البلد وسامية اول ما لقت احلام بتقولها اركبي العربية وشافت الراجل اللي جوه العربية حست بخوف شديد امتلكها وكانت عايزه تهرب .. لكن تهرب تروح فين .. ركبت العربية والراجل مشي بيهم واول ما خرج خالص من البلد وبعد عنها وقف في نص الطريق ونزل من العربية وفتح الباب ونزل سامية

سامية :: ايه في ايه . انت هتعمل معايا ايه

الراجل :: متخفيش انا بس هغمي عنيكي بالأشرب ده علشان متعرفيش احنا رايحين فين

الراجل غمي عنين سامية بالأشرب وبعدين

ركبها تاني العربية وراح ماشي بسرعة بالعربية

دخلوا الفيلا بالعربية وكان الحاج كرم والمعلم دهشان قاعدين في جنينة الفيلا

كرم :: الغندورة وصلت

المعلم دهشان :: طيب براحة عليها ياكرم علشان توصل للي عايزه.. وانا همشي علشان عندي كام مصلحة عايز اخلصهم

كرم :: بالسلامة انت

الراجل نزل سامية من العربية

الحاج كرم :: براوا عليكي يا احلام .. مخيبتيش ظني.. وانتي ياسامية. نورتي

فك الأشرب من علي عنيها

سامية :: بصوت مليان خوف وقلق ... انا اول ما احلام جالتلي چيتلك علي طول .. انت عايز مني ايه

الحاج :: مش لما ترتاحي شوية نتحدت خدوها علي البدروم

اتنين رجالة اخدو سامية ونزلوا بيها اوضة في البدروم

وكرم قعد مع احلام

احلام :: ايه رئيك بقي عجبتك

كرم :: لا بصراحة براڤو عليكي

عملو معاه ايه هو التمرجي التاني

احلام :: يخليك يا حاج ابو الواجب كلة

بس انت هتعمل مع سامية ايه . وعايزها في ايه

كرم :: هسبها كدة تاخد وتدي مع نفسها علشان فيه سؤال محيرني والاچابة بتاعتة انا متوكد انة عندها

احلام :: سؤال ايه ؟

كرم :: عشان انتي بس بجيتي مننا وعلينا هجولك .. مين اللي بلغ عني؟؟ وهي ايه ليها صالح بسچني ولا لا

احلام :: تقصد انها هي اللي بلغت

كرم : معرفش لكنها اختفت من البلد قبل ما يتقبض عليا بتلات شهور . انا بقي عايز اعرف هي اختفت ليه وراحت فين ؟ ورچعت البلد ليه بعد ما اتحبست

بعد مرور اربع ساعات علي حبس سامية في البدروم نزلها الحاج كرم

اول ما الحاج كرم دخل الأوضة. سامية كانا قاعدة علي الأرض وخايفة منة ومرعوبة. قامت وراحت نازلة علي رجل كرم تبوسها وتترجاه يسبها تمشي لانها معملتش حاجة

كرم :: هو انا اصلا جولت انتي عملتي حاجة ؟ .. انتي خايفة كدة ليه ؟

سامية :: امال انت چايبني وحابسني هنا ليه

كرم :: مش يمكن وحشاني .. كرم قرب منها وراح ماسكها شعرها .. انتي هربتي من البلد ليه

سامية ،: انا ... انا مهربتش

كرم :: امال روحتي فين قبل ما يتجض عليا.. بصي وديني لجتلك لو ماقولتيلي انتي هربتي ليه ؟ وليه بلغتي عني

سامية :: انا مبلغتش عنك انا مليش دعوة بحبستك انا سبت البلد كلها لما لجيتك بتفضل عليا البت فتحية وضربتني جدامها

وجولتلي اني خدامة . كنت عايزني افضل في البلد اعمل ايه

كرم شد شعر سامية اكتر وساميه كانت بتتألم .. مين اللي بلغ عني

سامية :: معرفش .. اجسملك ما اعرف

الحاج كرم :: كدة ؟ .. ماشي

كرام :: يا دهشوري . انت يازفت

دهشوري :: ايوة ياحاچ كرم

كرم :: روح هات اللي جولتلك عليه واندهلي

سلمان معاك

سامية :: هتعمل ايه يا حاج كرم .. ابوس رجليك انا مش بكدب عليك

دهشان خرج ورجع بعد شوية بسلك كهربا طويل. وسلمان دخل .. ايوة ياحاج كرم

كرم :: ظبطولي البت دي ..

دهشان وسلمان راحو مسكوا ساميه وبقوا يضربوها وهي بتعافر وبتترجا الحاج كرم يسبها

كرم :: لما اوصل طرف من اطراف السلك ده ف ايدك والتاني رچلك يمكن ساعتها تعرفي مين اللي بلغ عني

سامية :: الحاچ نعمان هو اللي بلغ عنك

كرم :: ايوووة .. ازاي بجي عرفتي انة هو

*** سامية مرضبتش تجيب سيرة هجر وبدات تحكي ل كرم انة من ساعة ماضربها قدام فتحية وقالها انها مش اكتر من خدامة قررت تكشف له مراتة وراحت حكت له علي كل حاجة فتحية عملتها وعلاقتها بسامبو والعيل اللي في بطنها مش من صلبة

وانها كانت عايزة تنتقم بس من فتحية

وسابت البيت وهربت. ولما رجعت البلد تاني

عرفت ان اللي حبسه هو الحاج نعمان

كرم :: ومين اللي جالوا علي الدار اللي كنا بنحفر فيه

سامية :: اللي عرفتة بعدين انة كان ممشي وراك حد والحد ده هو اللي بلغ عنك

كرم :: بجي كدي ياحاچ نعمان .. ماشي

سبوها يا رچالة انا خلاص عرفت اللي كنت عايز اعرفة

سامية :: يعني هتسبوني اروح

كرم :: لا هتجعدي يومين هنا

** كرم بعد ما خلي سامية محبوسة لمدة يومين خلي واحد من رجالتة توصلها لغاية البلد وطبعا كان اتفق معاها علي اتفاق تعملة وينتقم من الحاج نعمان عن طريقها وهددها لو معملتش اللي اتفق معاها عليه مش هيرحمها المرة دي

..................

....................

كرم بعد ما خلي سامية محبوسة لمدة يومين خلي واحد من رجالتة توصلها لغاية البلد وطبعا كان اتفق معاها علي اتفاق تعملة وينتقم من الحاج نعمان عن طريقها وهددها لو معملتش اللي اتفق معاها عليه مش هيرحمها المرة دي

تاني يوم حسين فتح المحل بتاع عصام الصبح وبعد شوية لقي سامية داخلة عليه المحل

سامية دخلت المحل وراحت لحسين طلبت منة شوية طلبات وكانت واقفة بتتقصع وبتتمايل وطريقة كلامها مع حسين كلها مياصة ودلع وبعد ما اخدت الطلبات اللي عيزاها خرجت من المحل وهي بتدلع وحسين واقف عينه عليها وبيريل عليها

البت قدرت تلعب في دماغ حسين ومشيت

وحسين الشيطان بقي بيلعب في دماغة

...................

..................

قبل ما حسين يقفل المحل لقي البت سامية داخلة عليه المحل وبتطلب منة شوية طلبات تاني وبتتدلع وهي واقفة وحسين فهم انها عايزه تلضم معاه

حسين :: ده ايه اليوم الجميل ده. مرتين تچيلي في يوم

سامية :: تسلم ياسي حسين اعمل ايه

بجي الحاچات دي كنت المفروض اشتريها الصبح وخدت بالي من شوية وانا في المطبخ اني نسيتهم

حسين :: ده عشان حظي الحلو بس

سامية :: طب يلا مشيني ولا هتفضل موجفني كدي كتير

حسين :: ومالوا. هو انا اطول اجف مع الجمر

سامية :: بتتنوجر عليا ياسي حسين ماشي

حسين :: لا مش بتنجور عليكي انا بتحدت بچد

هو انتي لسة بتشتغلي عند الحاچة فاطمة

سامية :: ايوة ياسي حسين. يعني هشتغل فين

حسين :: طيب بجولك ايه ما تستني اجفل المحل واچي اوصلك

سامية :: ماشي بس انا هستناك علي اول الجسر *( الطريق)** .. سامية مشيت واستنتة علي اول الشارع فعلا وحسين قفل المحل وراحلها

حسين :: هو انتي بتباتي فين صوح

سامية :: انا واخده دار جاركم طوالي

حسين :: ايه ده ظار بحاله .. دي الأشيه بجت معدن بجي

سامية :: هههههه لا ياسي حسين. انا كنت شايلة تحويشة عمري وجولت اشتري دار يلمني بدل ما انا كنت نايمة في دار الحاج كرم القديم. وانت عارف اني ست وحدانية

والناس مبترحمش .. خوفت علي نفسي واشتريت الدار ده باللي حيتلي

حسين :: يعني انتي جاعدة في الدار ده لوحدك؟

سامية :: ايوة .. اهو هو ده الدار

حسين :: معجول ..؟ وانتي واخدة الدار ده من ميتا

سامية :: من فترة كدي

حسين :: ده جار دارنا طوالي .. معجول انا معريفش

سامية :: يلا بجي اديني وصلت

حسين :: طيب مش هتعزميني اشرب كوباية شاي ولا اي حاچة

سامية :: معجول ياسي حسين . دانت حتي ابو الأصول ينفع تجول كدي.. انت خابر اني عايشة لحالي ومينفعش تدخل معايا الدار

الناس تجول عليا ايه

حسين :: اه عيندك حق . طيب تصبحي علي خير

سامية :: وانت من اهل الخير

حسين مشي كام خطوه وسامية رجعت ندهت عليه .. سي حسين سي حسين

حسين وقف وبص علي سامية

ساميه :: مينفعش مجولكش اتفضل. دانت غالي

حسين ابتسم ورجع بسرعة وبص شمال ويمين وراح داخل مع سامية البيت

...................

المعلم دهشان :: وبعدين يا كرم بعد ما عرفت ان نعمان هو اللي بلغ عنك هتعمل معاه ايه

الحاج كرم :: لا ده عايز ترتيب علي هداوة

اول حاچة لازم اعملها افرج بينة وبين عيالة وده مش هيحصل غير لو خليت واحدة ست هي اللي تفرج بينهم .. وده هيحصل جريب اوي

المعلم دهشان :: ايوة تجصد البت سامية الخدامة

كرم :: ايوة مع اني خايف منها اصلها بت العوبان كدة ومتضمنش .. بس وديني لو معملت اللي جولتلها عليه لكون جاتلها وموزع لحمها علي كلاب السكك

المعلم دهشان :: المهم دلوك فلوسك انت متوكد انك شايلها في مكان امان

الحاج كرم :: فلوسي انا شايلها في مكان لو فضلت فيه خمسين سنة محدش ابدا يجدر يوصلها

المعلم دهشان :: طمنتني .. امال فين احلام

كرم :: فوج مريحة شوية اصلي لسة نازل من فوج

المعلم دهشان :: احلام شكلها مدلعاك عالأخر

كرم :: الصراحة البت مش مجصره معايا.

..................

تاني يوم الصبح بدري الحاج نعمان وعصام

بعد ما خلصوا كل حاجة في البيت الجديد رجعوا البلد وروحوا علي البيت علي طول كانت الساعة تقريبا 4 اخر النهار. وكانت زينب طابخة

جهزت ليهم الغدا وعصام عياله كانوا وحشينه اوي قعد معاهم علي ما الأكل اتحط علي السفرة

الحاج نعمان :: كيفك يازينب يابتي عاملة ايه والعيال كيفهم

زينب :: كلنا بخير ياعمي ..

عصام :: العيال الأشجية دول تعبوكي وانا مش موجود

زينب :: ههههه لا يا عصام خالص دول روحي

الحاج نعمان :: شوية كدي وهبجي اخدكم كلاتكم مصر تشوفوا الدار الجديد

زينب :: الدار حلو ياعمي ؟

الحاج نعمان :: عصام يجولك

عصام :: دار چميل وواسع ويرد الروح

الحاج نعمان :: اهو ليكم ولعيلكم انا مش چايبة ليا

عصام :: ربنا يخليك لينا ياحاچ ويباركلنا في عمرك

زينب :: هو احنا من غيرك ياحاچ نسوي حاچة دانت الخير والبركة اللي عاشيين بيها

الحاج :: تسلمي يازينب يابتي ... يلا اجوم انا اريح شوية

عصام :: وانا كمان اما ادخل انام لحسن تعبان اوي

عصام دخل الأوضة بتاعتة وزينب دخلت وراه بعد ماشالت الأطباق من علي السفرة ودخلتهم المطبخ

زينب :: عصام .. عصام انت صاحي

عصام :: ايه يا زينب انا مصدجت عيني غفلت

زينب :: انت لحجت ياراجل تنام

عصام :: عايزه ايه

زينب :: انت مش كت جولتلي انك هتشتري لينا فيلا في مصر

عصام :: ايوة يا زينب بس لسة مشترتش حاچة.. شفت فيلا حلوة بس صاحبها مسافر وهيرچع بعد شهر

زينب :: يعني كنت بتتحددت بچد مش بتضحك عليا

عصام :: وهضحك عليكي ليه يا وليه .. يلا بجي اطفي النور واجفلي الباب خليني انام

......................

حسين بعد ما عصام والحاج نعمان رجعوا. هو كمان رجع يقف في المحل بتاعة اللي كان سيبة لرياض. وكان بيقف هو في محل الحاج

عصام :: هاتلي يارياض كشف االسحاب وكشف النواجص علشان ارچعهم قبل ما ابعتهم للحاج

رياض :: حاضر يا سي حسين

** رياض جاب الكشوفات لحسين **

حسين روح اعملي كوباية شاي وبعدين روق المخزن اللي جوه

رياض :: المخزن انا سهرت امبارح بالليل وخليتة ميه ميه

حسين :: طب كويس روح اعملي الشاي ولا اجولك خلي الولاا فايز هو اللي يعمل الشاي

رياض :: ماشي .. ولاا يافايز انت يازفت اعمل الشاي لعمك حسين يا ولاا

علي الساعة تلاتة اخر النهار سامية راحت لحسين المحل بتاعة

سامية :: مساء الخير ياسي حسين

حسين :: اهلا اهلا ازيك ياسامية

سامية :: روحتلك المحل بتاع الحاچ. لجيتك مش هناك ولجيت الحاچ رچع من السفر جولت اعدي عليك هنا

حسين بصوت واطي .. اه مانا رچعت هنا .. ايه عايزه ايه

سامية :: عايزاك مش هتيچي .. اصلي محتاچة فلوس

حسين :: محتاچة كام

سامية :: مش كتير هما 200 چنيه بس

حسين :: 200چنيه ليه هتچيبي بيهم ايه

سامية :: هتديني ولا لا

حسين :: هو انا اجدر ارفضلك طلبك خدي

..............

الحاج نعمان علي الساعة 2 بعد الضهر ساب المحل لعصام وقالوا انة رايح مشوار

وراح للحاجة فاطمة اللي اول ما شافتة فرحت اوي وكأنها كانت ضايعة ودلوقت بس لقت روحها

الحاجة فاطمة :: يا حمدلة بالسلامة ياحاچ نعمان كل ده حتي متفكرش تتصل عليا وتطمني عليك

الحاج نعمان :: معلش يافاطمة اتأخرت في مصر

الحاجة فاطمة :: انا عرفت من البت سامية

انك روحت مصر عزاء حد جريبك اتوفي

الحاج نعمان :: ايوة. يلا ادي حال الدنيا

فاطمة :: حسك بالدنيا عمران ياحاچ .. انت مش هتمشي من هنا غير لما تتعشي معايا

الحاج :: مش هينفع ياحاجة وبعدين الناس تجول ايه

الحاجة فاطمة :: يمين تلاتة مانت ماشي.. ديهدي انت في ايه حاچ مالك وحش كدة

الحاج نعمان :: خلاص علشان بس متزعليش

اجعد

فاطمة :: وايه جولك بجي محد هيعملك الاكل غيري وبأيدي علشان تعرف غلاوتك عندي جد ايه

الحاج نعمان :: هي سامية هنا

فاطمة :: لا بجالها يومين مش بتيچي .. اما اجوم اعلج علي الأكل

فاطمة راحت المطبخ والحاج نعمان قعد في اوضة الرسيبشن وكانت الحاجة فاطمة كل شوية تخرج تقعد مع الحاج نعمان شوية. وترجع المطبخ علشان تباشر الطبيخ

الحاج نعمان عنيه غفلت غصب عنة والحاجة فاطمة لما شفتة مدد جسمة علي الكنبة وعنيه غفلت راحت قافلة عليه الباب علشان ميصحاش

بعد ما الأكل جهز وحطتة علي طرابيزه السفره وراحت صحت الحاج نعمان

الحاج نعمان :: ايه دي هو انا نمت معجول

فاطمة :: ومالوا ياحاچ ده بيتك ومطرحك

الحاج نعمان :: انا معرفش عيني ازاي جفلت كدي.. انا محرچ مينك جوي

فاطمة :: متجولش كدي هزعل منك ده دار ياحاچ

نعمان :: تسلمي يافاطمة

فاطمة :: طيب تعالا اغسل وشك ويلا جبل الوكل ما يبرد .

الحاج نعمان دخل الحمام غسل وشه وايده وخرج قعد مع فاطمة علي السفره واتعشي معاها وبعد ما خلص اكل

ربنا يچعلة عامر دايما يافاطمة

فاطمة :: مطرح ما يسري يمري.. اروح بجي اچبلك الشاي

فاطمة راحت صبت الشاي وادت كوباية للحاج وقعدت معاه تشرب الشاي. وكانوا بيتبادلوا النظرات وعيونهم بتحكي الكثير

الحاج نعمان :: بجولك ايه يا فاطمة في موضوع كدة فكرت فيه كتير

الحاجة فاطمة :: موضوع ايه ياحاچ

الحاج نعمان :: بصراحة كدي ومن غير لف ودوران انا عايزك في الحلال

كوباية الشاي وقعت من ايد الحاجة فاطمة

وقامت بسرعة نفضت الجلبية. والحاج نعمان وهي نزلوا يشيلو الأزاز اللي اتكسر من الكوباية

الحاج نعمان :: انا عارف طلبي غريب وانك لسة علي زمة راچل بس اني بصراحة مش جادر استني لما تطلجي علشان اطلب منك الطلب دي تتچوزيني

الحاجة فاطمة :: انت فچئتني يا حاچ نعمان انا كمان لسة مطلجتش ومكنش يچي في بالي انك ممكن تطلب مني الطلب دية

فاطمة وهي بتتكلم وماسكة الازاز المكسور

صوابعها اتعورت من الازاز

الحاج نعمان. طلع بسرعة منديل من جيبة وحطة علي صوابع فاطمة

ايه جولتي ايه ؟

الحاجة فاطمة قامت بعد ما لمت الازاز من الأرض وحطت الأزاز في زبالة جنب الباب ووقفت وهي مدية ضهرها للحاج نعمان

بصراحة اني مش عارفة ارد عليك بأيه .. انت فاجئتني وخيرك مغرجني وكفاية وجفاتك الكتير معايا

الحاج نعمان جه وحط ايده علي كتف فاطمة

انا مش بطلب ده وعايزك توافجي بعين مكسوره لسمح الله انا معملتش غير الواچب

واي واحد مكاني كان هيعمل اللي عملتة ويمكن اكتر. وراح شادد الحاجة من كتفها وخلاها تلف. ووشها بقي ناحية وشة

انا بحبك يافاطمة

فاطمة بصت في الأرض والحاج رفع وشها لفوق بأيده ... ايه جولتي ايه

فاطمة :: ياحاج انا كبرت علي الكلام ده چواز ايه بس ياخواتي جال بعد ماشاب ودوه الكتاب

الحاج نعمان :: مين جال كدي .. دانتي زي البدر في ليلة كمالة طب دانا خايف تكوني شيفاني انا اللي عچوز ومش هتجبلي بيا

فاطمة :: ياحاج انت شباب بجلبك وبروحك الطيبة. وكمان انت مش كبير

الحاج :: ههههههه كدة يبجي اجول لنفسي مبروك .. طيب امشي انا

فاطمة :: خلاص هتمشي.. طيب ماتخليك جاعد شوية كمان

الحاج نعمان :: معلش الوجت اتأخر وبعدين من هنا ورايح هعدي عليكي علي طول

...

..... تاني يوم الصبح ..........

الحاج كرم :: بجولك ايه يا دهشان انا الليلة هروح اچيب چزء من فلوسي وبالمرة اطمن عليهم

المعلم دهشان :: ماشي كدة كدة الدنيا هديت ابجي خد حد معاك من الرچالة

الحاج كرم :: لا مش محتاچ حد معايا انا بس محتاچ اخد العربية معايا

المعلم دهشان :: براحتك والعربية تحت امرك بس خد بالك اي حركة غدر او خيانة او تاخد الفلوس وتهرب هعرف اچيبك يا كرم

انت ساحب مني لغاية دلوك 2 مليون چنيه

الحاج كرم :: ايه اللي انت بتجولوا ده ايه يعني 2مليون چنيه بالنسبة للمليارات اللي عندي انت خابر حديتك ده كبير وكبير جووي

المعلم دهشان :: اعتبر حديتي اللي جولتة ده ملوش لازمة انا بس بنبهك يا حاچ كرم

كرم :: انت ذات نفسك لو مش عارف اللي عندي مكنتش هتخبيني عندك ولا هتسلفني

لكن عارف كويس مين الحاچ كرم .. بلاها حديت ماسخ ملوش لازمة

المعلم دهشان :: انا جولت اللي عندي .. يلا بالأذن انا

الساعة 1 بعد نص الليل المعلم كرم. اخد عربيتة وراح علي بلدهم وصل البلد الساعة 2 وركن عربيتة بعيد عن البيت واخد منها شاكوش علشان يكسر بيه القفل اللي مقفول بيه باب السكينة بتاعة الاوضة السرية وقفل جديد بمفاتيح جديدة ومشي لغاية البيت التاني االلي مخبي فيه الفلوس

واول ما دخل البيت لقاه خرابة العنكبوت والتراب معشش علي الحيطان وفرش البيت كلة مسروق .. راح جري علي الصالة وقلبة كان هيتخلع منة. لكنه حط ايده علي قلبة اول مالقي الصورة محطوطة مكانها علي الحيطة بسرعة رفع الصوره وبقي عمال يخبط علي القفل بالشاكوش .. ومأخدش باله ان القفل اساسا متغير ومش نفس القفل

الحاج كرم كسر القفل ورفع السكينة والمكتبة اتحركت من مكانها علشان تفتح للأوضة السرية.. الحاج كرم راح بسرعة ودخل الأوضة السرية وكانت الصدمة اللي كانت كفيلة بأنها تشل كرم .. الأوضة فاضية ومتاخد منها شنط وكراتين الفلوس والتماثيل الأثرية

كرم كان هيتشل فعلا وقعد علي الأرض وبقي بيضرب بأيده علي راسه وكل اللي علي لسانة ياخراب بيتك ياكرم ياخراب بيتك ياكرم

شوية كرم دماغة بقت عمالة توديه وتجيبة

وفجاءة كلام دهشان وتهديده له جه في دماغة وقال مفيش غيرك يا دهشان الكلب اللي عملها

كرم قام من علي الأرض وهي بيتسند علي الحيطة وبخطوات هزيلة اتمشي لغاية ما وصل للعربية بتاعتة

ركب عربيتة وراح علي الجزيرة من الطريق

الزراعي وهناك كانت الصدمة التانية

الأستراحة بتاعتة متولع فيها. وهنا كرم زاد الشك بتاعة واصبح شبه متأكد ان اللي سرق فلوسة وحرق الاستراحة مفيش غير المعلم دهشان .. وبقي عمال يكلم في نفسة ليه يعمل كدة. ليه

كرم ركب العربية ومبقاش عارف يروح فين ولا يروح لمين. وفي الاخر قرر يسيب العربية واقفة مكانها. ويركب المعدية ويروح بيتة بيت الحاجة فاطمة. وياخد من هناك المفاتيح لان مبقاش بيملك غير الاثار اللي شايلها في التربة ( المقابر )

.........................................

في الوقت اللي كرم كان موجود فيه في الجزيرة

الحاج نعمان قفل المحل وقال لعصام روح انت انا هعمل مشوار كدة. هرچع واخري

الحاج نعمان راح لفاطمة مرات كرم .. خبط عليها وفتحتلة الحاجة فاطمة ... الحاچ نعمان. يا اهلا وسهلا ياحاچ

الحاج نعمان :: معلش يافاطمة اني چايلك في وقت متأخر بس حاسس نفسي زهجان ومضايج ورچليا چابتني لحد عندك

الحاجة فاطمة :: ياخبر ياحاچ دانت تيچي في ايتها وجت. دارك ومطرحك اتفضل اتفضل

الحاج نعمان دخل والحاجة فاطمة دخلت عملتلة كوباية شاي وبعد ما الحاج شرب الشاي جه علشان يمشي لكن فاطمة حلفت عليه ليبات الليلة عندها وحلفت ما هتسيبة يمشي وهو بالحالة دي

مع مرور الوقت والحاج نعمان عند فاطمة. كان بيشتكي من الوحدة. وانة محتاج ست حنينة في حياتة وانة عايز يتجوزها باي طريقة وانها الوحيدة اللي قلبة اتفتحلها

كان الحاج نعمان قاعد عند الحاجة فاطمة

كرم راح علي بيت فاطمة وبقي عمال يخبط عليها

الحاجة :: ياتري مين اللي بيخبط عليا السعادي

الحاج نعمان :: معجول تكون البت سامية ؟

الحاجة فاطمة :: وايه اللي هيچيب البت سامية السعادي .. انا هنزل اشوف مين وانت ياحاچ ادخل الأوضة دي واداري فيها حاكم الوقت متاخر و انا لسة علي زمة راچل تاني

فاطمة نزلت علشان تشوف مين اللي بيخبط علي الباب في الساعادي واول ما فتحت الباب وشافت كرم زي ما تكون شافت الموت بعيونها. وبقت بتتلجلج في الكلام وعمالة تبص عليه

كرم انت خرچت من السجن ميتا

كرم :: اوعي يا وليه خليني اخش جبل ما حد يشوفني ..

كرم دخل البيت وسألها. مالك زي ماتكوني شوفتي عفريت

فاطمة :: لا ابدا بس انت خرچت من السجن ؟

كرم :: لا انا هربان من فترة

فاطمة عمالة تفرك صوابعها في بعض وعمالة تبص لفوق

كرم :: مالك مش علي بعضك ليه وعمالة تبصي لفوج .. هو في حد هنا في الدار.؟؟

** الحاج نعمان كان مداري ورا الحيطة فوق اللي في ضهر السلم. وعرف ان كرم هو اللي تحت وكان خايف لكرم يطلع فوق ويشوفة**

فاطمة :: بصوت مرتبك ومليان خوف والتوتر بان علي وشها ولهجة صوتها حد حد مين لا مفيش حد فوق

كرم بصلها. وبص لفوق ولمح حد بيبص ورجع اداري بسرعة

كرم :: لا في حد فوج.

** وراح طالع جري عالسلم وفاطمة بتجري وراه علشان تمنعة راح كرم ضربها برجليه وقعت من علي السلم علي دماغها وغابت عن الوعي.**

كرم :: الحاااااااچ نعمان ؟ بتعمل ايه داري يانعمان ؟