رواية قلب لا يقبل الهزيمه الفصل الثاني والعشرون 22 بقلم دودو محمد

جلست رضوى أمام جدها كما أمرها على المقعد واستمعت له ماذا يريد نظر لها سويلم وقال

سويلم :- رضوى يا بنتى انا عارف انك زعلانه منى علشان صدقت كلام سليم ومديت ايدى عليكى

رضوى :- لاء يا جدى مش زعلانه منك خالص

سويلم :- يا بنتى اسمعى كلامى للآخر

رضوى :- حاضر

سويلم :- اى حد مكانى ولا مكان جوزك كان هيعمل كده مش قلة ثقه فيكى لاء بس علشان انتى عندى من الاول ومرضتيش تتكلمى لو كنتى اتكلمتى من الاول وقولتى الحقيقه مكانش كل ده حصل الدنيا مش قفش زى ما انتى واخدها يا حبيبتى لازم تسمعى غيرك وتدى فرصه لغيرك يسمعك سليم بيحبك ومستعد يعمل اى حاجه علشانك ولو مكانش بيحبك مكانش عمل كده لما شافك نازله من هناك سليم بيغير عليكى يا رضوى وده من حقه اى راجل لازم يكون غيور على أهل بيته سامحيه واديلوا فرصه تانيه وانا اضمن ليكى أن هو هيحافظ عليكى بجد انا مش بغصب عليكى يا رضوى بس انا شايف اللى انتى مش قادره تشوفيه انا شبعت من الدنيا واتعلمت فيها حاجات كتير اوى لسه بدرى عليكى لما تتعلميها

رضوى :- انا اسفه يا جدى بس مش هقدر اكمل معاه حياتى سليم وصلنى لمرحلة عمرى ما كنت اتخيل نفسى اوصل ليها انا مش عايزه اعيش حياة امى وابنك انا عايزه افضل زى ما انا يا جدى ولو اتنازلت مره يبقى هتنازل مليون مره

سويلم :- انا مش عايز اغصب عليكى تانى يا رضوى بس عايزك تفكرى فى كلامى كويس

رضوى:- تنهدت وقالت حاضر يا جدى

سويلم :- انا هوريكى سليم شاريكى ازاى روحى ناديه

رضوى :- انا مش عايزه اشوف حاجه يا جدى لأن ده مش هيغير رأى برضه

سويلم :- اسمعى كلامى اللى بقولك عليه روحى نادى سليم

رضوى :- تنهدت وقالت حاضر يا جدى ونهضت من مكانها واتجهت إلى باب الغرفه وفتحته ونظرت إلى سليم وقالت كلم جدى

سليم :- ماشى ودخل واغلق الباب وقال نعم يا جدى

سويلم :- تعالى يا سليم

سليم :- جلس بجوار جده وقال نعم

سويلم :- انا كلمت رضوى كتير وهى رافضه تكمل معاك وانا بعد اللى حصل ده مقدرش اغصب عليها تانى

سليم :- لاء يا جدى ارجوك كلمها ترجع عن اللى فى دماغها ده انا والله العظيم بحبها ومقدرش استغنى عنها

سويلم :- نظر لرضوى

رضوى :- نظرت الاتجاه الاخر وقالت ارجوك يا جدى خليه يطلقنى ويخلص انا مش هكمل حياتى معاه مهما حصل

سليم :- رضوى انا اسف متزعليش منى انا بحبك وبثق فيكى والله بس لما شوفتك نازله من عنده اتجننت وغيرتى عامتنى سامحينى يا رضوى ومتسبنيش ارجوكى جدى قولها إن اللى حصل منى ده طبيعى واى حد مكانى كان هيعمل كده قولها إن مفيش راجل على وجه الارض هيقبل يشوف مراته نازله من عند راجل فى نص الليل قولها إن انا مستعد اعمل اى حاجه فى سبيل أنها تسامحنى وتفضل جمبى

سويلم :- هى رافضه طلقها يا سليم

سليم :- ايه اللى انت بتقوله ده يا جدى مستحيل اعمل كده مستحيل

سويلم :- وانا جدك وبقولك طلقها زى ما قولتلك اتجوزها

سليم :- يا جدى مش هقدر

سويلم :- طلقها

سليم :- أتجه إليها ووقف أمامها ونظر فى عيناها وقال رضوى انا بحبك واتغيرت علشانك انا بسببك انتى شوفت النور بعد ما كانت حياتى كلها ضلمه انا ما صدقت لاقيتك ومستحيل افرط فيكى مهما حصل حتى لو هيكلفنى عمرى كله برضه مش هسيبك وتركهم وذهب

رضوى :- اغلقت عيناها بحزن شديد

سويلم :- ايه رأيك دلوقتى يا رضوى شوفتى سليم متمسك بيكى ازاى احنا ممكن نأدبه بس تفضلى معاه وتشيلى فكرة الطلاق دى من دماغك

رضوى :- نأدبه ؟؟

سويلم :- اه نأدبه نوهمه انك مصممه على الطلاق وترجعى معانا الصعيد ونحسسه انك خلاص هتروحى من ايده

رضوى :- لاء يا جدى انا فعلا عايزه أطلق مش عايزه اكمل حياتي معاه ولا مع غيره انا عايزه افضل زى ما انا

سويلم :-نظر لها وقال وانا قولت مفيش طلاق يا رضوى

رضوى:- وانا قولت حياتى الجايه انا حره فيها ومش هسمح لاى حد يدخل فيها

سويلم :- تانى يا رضوى

رضوى :- انا قرارى اخده ومش هرجع فيه يا جدى انا هستنى لما تخرج من المستشفى بالسلامه ونرجع الصعيد وطلقنى منه عن اذنك وخرجت وتركته

سويلم :- نظر لها بحزن وقال أنا اللى عملت فيكى كده يا رضوى وانا اللى هصلح كل حاجه بنفسى

&&&&&&&&&&&&&&&&&&&

باااااك

فاقت رضوى على صوت اختها اسماء وهى تنادى لها نظرت لها بتسأل وقالت

رضوى :- اسماء فيه حاجه

اسماء :- جلست على السرير وقالت بحزن انا تعبانه اوى يا رضوى مكنتش أتوقع أن النهايه تيجى بسرعه كده

رضوى :- انا حذرتك قبل اى حاجه يا اسماء قولتلك ارفضى بس كنتى سلبيه قولتلك حاولى تنسى احمد لأنك كده هتبقى خاينه ومع ذلك روحتى و اعترفتى بحبك ليه يعنى رايحه تعترفى لاخو جوزك اللى هو ابن عمك وصديقك المقرب بحبك ليه وعايزه حياتك تستمر عادى ازاى بس يا اسماء كل اللى قولته ليكى حصل بالظبط اديكى خسرتى رحيم جوزك وخسرتى ابن عمك وصديقك المقرب خسرتى كل حاجه بغبائك يا اسماء متلوميش حد غير نفسك دلوقتى

اسماء:- بدموع عارفه ان كل كلامك صح بس انا برضه كنت ضحيه زى زيك يا رضوى اتفرض عليا واحد مبحبهوش والانيل كمان أنه اخو الشخص الوحيد اللى حبيته فى حياتى كنتى عايزانى اعمل ايه وهو قصادى اربعه وعشرين ساعه مكانش فيه فرصه اديها لقلبى علشان أنساه واحب جوزى انا اكتر واحده مظلومه هنا على الأقل أنتى سليم دلوقتى بيحبك ومش عايز يطلقك وعايز يكمل حياته معاكى ونسرين عايشه سعيده مع احمد وحامل ومى عايشه سعيده مع حب عمرها وحامل هى كمان إنما أنا رحيم طلقنى واختفى حتى لما يرجع عمره ما هيفكر يبص فى وشى تانى لانه شيفنى خاينه ومع اقرب حد ليه أخوه يعنى امل رجوعنا مستحيل

رضوى :- اسماء هو انتى حبيتى رحيم

اسماء :- بدموع مش عارفه بس حاسه ان انا مفتقداه اوى فى حياتى سايب فراغ كبير جدآ عندى واحشنى صوته وكلامه ونظراته ليا حتى وهو بيحاول يكون قاسى معايا نظرة عينه ليا كانت حنينه كانت بطمنى أن هو لسه بيحبنى واللى بيعمله ده من وراه قلبه واحشنى نفسه اللى كنت بحس بيه وهو قاعد يراقبنى وانا نايمه

رضوى :- يبقى بتحبيه يا اسماء

اسماء :- بس للاسف عرفت ده بعد فوات الاوان

رضوى :- كان نفسى اطمنك واقولك أن فيه امل بس للاسف الامل ضعيف جدآ يا اسماء

اسماء :- ارتمت داخل حضنها وقالت بدموع عارفه ان مفيش امل نرجع لبعض تانى يا رضوى وده اللى واجعنى اوى

رضوى :- ربتت على ظهرها بحنو وقالت خليكى قويه يا اسماء وحاولى تنسى اللى فات من حياتك وعيشى حياة جديده محدش عارف بكره فيه ايه يمكن اللى جاى يكون احسن أن شاءالله

اسماء :- بدموع قالت أنا مش عايزه الجديد يا رضوى انا عايزه اطمن على رحيم و يسامحنى ومش عايزه حاجه من الدنيا تانى

رضوى :- بأسف مش عارفه اقولك ايه يا اسماء بس أنه يسامحك دى صعبه

اسماء :- بدموع عارفه عارفه وظلت تبكى

رضوى :- أهدى يا حبيبتى واللى ربنا كاتبه هو اللى هيكون وتنهدت بحزن على حال شقيقتها .

&&&&&&&&&&&&&&&&&&&&&&&&&&&

بغرفة نسرين

جلس احمد على السرير وفتح ذراعيه ونظر لنسرين وقال

احمد :- تعالى فى حضنى واحشتينى اوى يا نونه

نسرين :- جلست بجواره ووضعت رأسها على صدره وقالت بحب وانت كمان واحشتنى اوى ونفسى ارجع الفيلا معاك دلوقتى قبل كمان شويه

احمد :- معلش يا حبيبتى مش هينفع البيت عندنا الجو مش مناسب وخصوصآ عليكى وانتى حامل يعدوا بس اول تلت شهور فى الحمل ويكون رحيم اخويا رجع بالسلامه وكل حاجه بقت تمام هخليكى ترجعى تنورى بيتك من تانى

نسرين :- مش ناوى تقولى ايه اللى حصل بين اسماء ورحيم وصلهم لطلاق واختفاء رحيم

احمد :- تانى يا نسرين مش قولتلك متسألنيش فى حاجه تخص الموضوع ده

نسرين :- يا احمد انا مراتك فيها ايه لما تقولى وانا والله العظيم مش هقول لحد

احمد :- لاء

نسرين :- يوووه بقى

احمد :- يا حبيبتى مينفعش اطلع اسرار اخويا لاى حد هو لما يرجع بالسلامه يبقى يحكى إنما أنا مقدرش اتكلم

نسرين :-احمد هو انت تعرف مكانه

احمد :- ها و.و. وانا هعرف مكانه ازاى يعنى ما انا زى زيكم

نسرين :- يا احمد عليا برضه الكلام ده اصلك متبقاش هادى اوى كده واخوك مختفى اكيد عارف مكانه

احمد :- بلاش هبل ما انا لو اعرف مكانه كنت قولت لامى وريحة قلبها من العذاب اللى هى فيه ده

نسرين :- برضه مش مرتحالك حاسه انك تعرف حاجه اتكلم بالله عليك والله العظيم ما هقول حاجه لحد

احمد :- نهض وقال اقول ايه بس يا نسرين

نسرين :- قول انت عارف مكانه ولا لاء

احمد :- تنهد وقال والله معرفش مكانه بس وصمت لحظات ونظر لنسرين بقلق

نسرين :- ايوووووه بس ايه بقى اتكلم يا حبيبى متقلقش

احمد :- بس هو بيكلمنى كل فتره بيطمنى عليه وبيطمن على ماما وبابا حاولت اعرف هو فين مرضاش يقولى قولتله على الحاله اللى امى وصلت ليها بسببه قالى خليك جنبها واحاول أخرجها من اللى هى فيه وقال كلام وجع قلبى اوى يا نسرين

نسرين :- كلام ايه

احمد :- قالى لو ربنا مأردش أنه يرجع تانى ويشوفنا ونشوفه اقول لامى تسامحه لو فى يوم زعلها واقول لبابا برضه يسامحه وانا لو زعلان منه اسامحه وصمت لحظه وأكمل كلامه وقال وقالى ابلغ اسماء أنها حب عمره اللى سكن قلبه ومخرجش منه وأنه بعد كل اللى حصل ده برضه مش قادر يكرهها ولسه بيحبها

نسرين :- بقلق طيب هو ليه بيقول كده

احمد :- رحيم مريض يا نسرين ويوم اللى حصل ده انا كنت واخده اعمله شوية فحوصات وتحاليل بس هو مشى قبل ما اعمل اى حاجه ومش عارف ليه حاسس أنه فى مكان بعيد بيتعالج فيه ومش عايز حد مننا يعرف

نسرين :- بصدمه مريض عنده ايه

احمد :- نظر لها وقال بحزن انا كنت شاكك أنه عنده كانسر وكنت هتأكد من التحاليل والفحوصات

نسرين :- بحزن كانسر

احمد :- ايوه وده اللى قلقنى عليه مش عايزه يبقى لوحده فى وقت زى ده

نسرين :- بدموع لا حولا ولا قوة الا بالله رحيم طيب وميستهلش كده

احمد :- بدموع أن شاءالله يطلع شكى ده غلط ويكون كويس وبيريح أعصابه شويه وهيرجع

نسرين :- يارب يا احمد يارب

&&&&&&&&&&&&&&&&&&&&&&&

بالاسكندريه......شركة سليم

جلس سليم على المقعد الخاص بيه بإرهاق شديد وتنهد بحزن وارجع راسه للخلف وقال

سليم :- واحشتينى اوى يا رضوى ونفسى اسمع صوتك ونظر إلى الهاتف بتردد شديد وأخذه من فوق المكتب وطلب عدة ارقام ووضعه على أذنه وانتظر الرد وهو دقات قلبه تتزايد واغلق عينه بتوتر وقال أنا كنت عارف أنها مش هترد ولكن اتفاجئ بصوتها وهى تقول

رضوى :- عايز ايه يا سليم

سليم :- بفرحه رضوى انا مش مصدق نفسى أن سمعت صوتك واحشتينى اوى يا رضوى

رضوى :- عايز ايه يا سليم مش طايقك يا اخى ما تيجى طلقنى وخلصنى منك بقى احسن قسمآ عظمآ لو مجتش طلقتنى هرفع عليك قضية خلع واخلعك وورينى بقى عندك ده سعتها هيعمل ايه

سليم :- ليه يا رضوى كله ده انا غلط ومعترف وانتى كمان غلطى خلينا ننسى اللى فات انا مش قادر اعيش من غيرك والله

رضوى :- حرام عليك بقى كفايه انا تعبت والله العظيم تعبت طلقنى وسيبنى فى حالى يا سليم

سليم :- مش هقدر انطقها صدقينى رضوى انا معاكى عرفت معنى الحياه معاكى عرفت يعنى ايه حب معاكى عرفت معانى كتيرررر اوى حلوه بلاش تحرمينى منها علشان حاجات فى دماغك مش صحيحه انا عمرى ما هكون ابوكى ولا انتى عمرك ما هتكونى امك انا وانتى حاجه تانيه مختلفه انا سليم وانتى رضوى وده اجمل معنى للحب

رضوى :- انت ليه بتعمل فيا كده

سليم :- بعمل ايه مش فاهم

رضوى :- ليه مصر انك تظهر ضعفى ليه مصمم انك انت اللى تكون فايز فى الاخر انت عايز توصل لايه بالظبط

سليم :- انا عمرى ما اتمنيت ضعفك يا رضوى بالعكس أنا عايز اكون قوتك عايز اكون ضهرك وسندك عايز اعوضك عن حاجات كتير اوى كان نفسك تعيشيها عايزك تعترفى بحبك ليا من غير خوف ولا رهبه عايزك تتأكدى أن انا عمرى ما هوجعك ولا اكسرك لأن كرامتك من كرامتى وطول ما انتى سعيده هكون انا كمان سعيد

رضوى :- تنهدت بوجع وقالت هستناك تيجى تطلقنى يا سليم فى أقرب وقت سلام وأغلقت السكه

سليم :- تنهد بحزن ووضع الهاتف فوق سطح المكتب وقال مش هيحصل يا رضوى ولا عمرى هفرط فيكى وهنتظر اليوم اللى

هتعترفى فيه بحبك ليا

وبدأ يستكمل عمله

&&&&&&&&&&&&&&&&&&&&&&&&&&&

بالصعيد.....غرفة نسرين

وضع جاسر جسده فوق السرير ونظر لمى وغمز لها وقال

جاسر :- ايه مش مشتاقه ليا ولا ايه

مى :- نامت بجواره وقالت ده انا هتجنن عليك والله

جاسر :- اخذها بحضنه وقال الأوضه وحشه اوى من غيرك يا ميمو أمته بقى ترجعى تانى اوضك

مى :- انا نفسى والله بس مش عايزه ارجع علشان هرجع اقعد تانى فى الأوضه لوحدى ومش هتنزلنى الشغل معاك

جاسر :- تانى يا مى موضوع الشغل ده مش قولنا لما تولدى وبعدين ما انتى قاعده هنا فى البيت اشمعنا بقى

مى :- هنا بقعد مع امى ومرات خالى واختى ورضوى وأسماء ومش بحس بالزهق إنما هناك مفيش حد اقعد معاه وبعدين انا متأكدة بعد ما اولد هتقولى مفيش شغل علشان الطفل مين هياخد باله منه وترجع ريمه لعادتها القديمه

جاسر :- يا بنتى انتى برميل نكد بقى انا جاى علشان اشوفك وواحشتينى تتكلمى على الشغل ده وقته بذمتك

مى :- مش انت اللى فتحت الكلام

جاسر :- انا غلطان يا ستى هتيجى ولا المشوار اللى انا ضربته ده كله هيروح على الفاضى

مى :- عايز ايه

جاسر :- عايز اتعلم الف به

مى :- ههه خفه

جاسر :- اعملك ايه، راجل ومراته وجاى من اسكندريه سايق وطالع عين اللى خلفونى وسايب شغلى واكل عيشى هيكون ليه حضرتك الحدق يفهم بقى

مى :- بس انا مش فاهمه يعنى مش جاى تطمن عليا

جاسر :- لاء طبعآ علشان اطمن عليكى وعلشان حاجات تانيه انا بنهار يا روحى وخايف الانهيار ده يبقى مع واحده تانيه

مى :- بغيظ وحياة امك طيب فكر تعملها وشوف اللى هيحصلك

جاسر :- ضحك وقال ما انتى فاهمه اهو انا عايز ايه

مى :- ها ا.ا.اوعى كده انت غلس وانا مخصماك

جاسر :- لاء مخصمانى ايه مقدرش على خصامك انا لازم أصلحك حالا واقترب منها

مى :- بضحك بطل قلة أدب يا جاسر متبقاش غلس

جاسر :- نعم يا اختى قلة أدب وانا خطيبك انا جوزك يا بنت الهبله

مى :- على فكره الهبله دى تبقى عمتك

جاسر :- عارف ما احنا عندنا عرق الهبل بالوراثه اخلصى بقى خلينى الحق ارجع اسكندريه

مى :- ايه ده انت هترجع اسكندريه النهارده

جاسر :- ايوه

مى :- ومش هتقعد معايا ليه بقى لحد بكره وراك ايه يعنى .

جاسر :- ورايا شغل قد كده فوق دماغى واجلته لبكره علشان اجى اشوفك

مى :- مليش دعوه خليك معايا النهارده

جاسر :- يا بنتى مش هينفع هبقى اجى يوم الخميس وأمشى الجمعه

مى :- لاء مليش دعوه

جاسر :- يا ربى، ربنا يسهل يلا بقى

مى :- لاء

جاسر :- يا بنت الناس انتى غاويه تطلعى عينى

مى :- اه خلى رجوعك لشغل ينفعك ونهضت من فوق السرير واتجهت إلى باب الغرفه

جاسر :- رايحه فين يا مجنونه

مى :- نازله ليهم تحت وتركته ونزلت إلى الاسفل

جاسر :- يا بختك المنيل فى جوزتك يا جاااااسر ونهض من على السرير ونزل إلى الأسفل

&&&&&&&&&&&&&&&&&&&&&&&&&

فى الحديقه

كان يجلس احمد فى الحديقه الخاصه بالدوار وهو يشعر بالقلق على أخيه وفى ذلك الوقت سمع صوت رنين هاتفه أخرجه من جيبه ونظر فيه بأستغراب وقال

احمد :- السلام عليكم

المتصل :- وعليكم السلام ورحمة الله وبركاته

احمد :- بفرحه رحيم واحشتنى

رحيم :- انت اكتر يا احمد عامل ايه

احمد :- وحيد من غيرك أمته هترجع بقى

رحيم :- تنهد بحزن وقال دى حاجه فى علم ربنا المهم طمنى ماما وبابا ايه اخبارهم

احمد :- امك هتجنن عليك يا رحيم امك حالها بقى صعب اوى وكل اللى نازل عليها عايزه رحيم عايزه رحيم

رحيم :- بحزن غصب عنى والله علشان خاطرى يا احمد خلى بالك منها وبوس ايديها وراسها بس اوعى تعرف أن انا بكلمك انت وعدنى

احمد :- مش هتعرف بس اخرت اللى انت فيه ده ايه

رحيم :- انا لازم اقفل دلوقتى

احمد :- متهربش منى يا رحيم طيب قولى انت فين خلينى اجيلك واقعد اتكلم معاك

رحيم :- مش هينفع يا احمد انا بطمنك عليا اهو انا كويس ووقت ما ربنا يريد هرجع ولو مأردش ربنا أن اشوفكم وتشوفونى تانى عايزكم تعرفوا أن انا بحبكم وبعدى ده غصب عنى والله

احمد :- بدموع رحيم انت مريض وبتتعالج صح

رحيم :- سلام يا احمد

احمد :- استنا يا رحيم رحيم رد عليا ارجوك ونظر للهاتف بدموع وقال رحيم ليه بتعمل فيا كده ليه

اسماء :- بدموع رحيم ده

احمد :- نظر خلفه وقال انتى

اسماء :- رحيم ده يا احمد

احمد :- وانتى مالك مش كفايه اللى حصل ليه بسببك

اسماء :- ارجوك يا احمد طمنى عليه

احمد :- اللى يشوفك وانتى بريئه كده يقول عليكى ملاك وانتى فى الاساس شيطانه كفايه بسببك انا حاسس بالذنب أن اخويا قلبه اتكسر بسببى منك لله على اللى انتى عملتيه فينا ربنا يوجع قلبك ويكسره زى ما كسرتى قلبه وقلب الكل

اسماء :- بدموع يا احمد افهمنى انا قلقانه عليه وهموت واعرف هو راح فين انا عايزه اعرف مكانه بأى طريقه عايزه اطمن عليه اخر مره كان تعبان ومشى ومحدش عارف راح فين ومتأكده انك انت عارف مكانه يا احمد

احمد :- دلوقتى عرفتى قيمته وخايفه عليه خلاص يا اسماء فات الاوان فؤقتى متأخر اوى انسى رحيم واياكى تفكرى تتكلمى بكلمه واحده لحد فاهمه وتركها وذهب

اسماء :- نظرت له وجلست على المقعد وظلت تبكى وشعرت بيد على كتفها رفعت رأسها للاعلى ونظرت بصدمه وقالت رحيم

&&&&&&&&&&&