رواية نبضات القلب الفصل الثاني والعشرون 22 بقلم دينا صابر

احمد سكت فجاءه لما هي ردت عليه بعياط وقالت

شروق بعياط : نزلني

احمد بصدمه : نعم

شروق : قلت لك نزلني خلاص حاضر هخلي عندي كرامه و مش هكلمك و لا اقرب منك تاني و اسيبك للسانيوره براحتك نزلني

احمد بتنهيده وقف العربيه و قال بحده : يكون احسن فعلا لو مشوفش وشك دا تاني

شروق بصت ليه بغصه و وجع : شكرا و نزلت و قفلت باب العربيه و مشت و هي بتعيط و مبصتش وراها تاني خاالص

احمد و هو ف العربيه و بيبص عليها جامد مش متوقع انها هتمشي كدا عادي و مش هتقاوح معاه زي كل مره يقول لها امشي المره دي مشت بجد طب انا ليه حاسس ان قلبي وجعني ليه مدايق و خايف تنفذ كلامها و مشفهاش فعلا تاني اتنهد و بدا يحرك العربيه

.....................................................................

امير و هو رايح جاي ف المكتب و متعصب جداا موبيله رن جري عليه بسرعه و رد

امير : الوو

_ عجبتك الصوره صح و لا ابعتلك غيرهاا

امير بحده : انت مين و عايز اي

_ تؤ تؤ انت مين بسرعه كدا طب واحده واحده انا واحد ليه حق عندك و باخده بطريقتي

امير بجديه : حق اي يا ابو حق انت انت عارف انت ورط نفسك مع مين انت عارف اساسا اللي انت اخدتها دي تبقي مين ولااا انت بتلعب ف عداد عمرك

_ تؤ انت كدا بتزعلني منك ما كنا كويسين و هادين و بعدين انت اللي بتلعب ف عداد الحلوه اللي معاياا دي

امير بعصبيه و هو بيضغط ع ايده جامد : اخلص عايز اي

_ما انا قلت لك باخد حقي اللي عندك انا متصل عليك عشان اقولك ع مكاني عشان تيجي تحضر المشهد و هي ف حضني دا انا حلمت باليوم داا وتين دي بتاعتي انااا انت جيت اخدتها مني معرفش اصلاا طلعتلي من انهي داهيه

امير بزعيق : متحترم نفسك يا زباله انت دي مراتي و ايااااااك تلمسهااا او تقرب منهاا

_ ههه المسها او اقرب منها انت بتحلم بقول لك وتين دي بتاعتي

امير بصوت مخيف : انجز قول المكااان

_ هقوله بس اوعي تبلغ البوليس لو شميت خبر انك بلعت البوليس هعمل عليهااا حفله كان نفسي فيها من زمان اوعي تنسي ان انت بتلعب ف عداد عمرهااا

امير : متقلقش مش هبلغ حد المهم اوعي تقرب منهااا انا هجيلك و نسوي الامور و اللي انت عايزه هتاخده اياااك تقرب منها فهمت

_ و هو بيشرب السجاره ببرود : اما نشوف وامير كان لسه لقي المكالمه اتقفلت ف وشه صرخ بغضب و ضرب ازاز المكتب بايده جااامد واقف مكانه مش عارف يعمل اي حاسس انه اتشل مش عارف يفكر او يعمل حاجه رايح جاي ف المكتب شغل تسجيل المكالمه اللي بينه و بين الخاطف و عمال يفكر هيتصرف ازاي مستني رساله منه يحدد فيها هتقابلوا فين و هو هيتجنن مين دا و عايز اي و يعرف وتين منين ع طول اتصل ع صاحب عمره لازم يلتقي حل هو الوقتي تفكيره اتشل لازم يلاقي حل

امير بضعف : ادهم وتين يا ادهم روحي بتروح مني مش عارف اعمل اي حاسس اني عاجز

ادهم و هو ع الفون مستغرب : ف اي اي اللي حصل اهدي كدا و فهمني وتين ماالهاا

امير بغضب : معرفش جالي رساله بصورتها وهي متكتفه و بعدين اتصل عليا واحد قالي انه خاطفهااا و معرفش معرفش

ادهم بخووف : اي انت بتقول اتخطفت انا جاي حالاا

و قفل السكه

امير اتنهد و اتصل بالحرس بتوعه يدخلوله المكتب

امير بغضب : كنتو فين يا كلاااب لما وتين هانم خرجت هو انا موقفكم قدااام البيت اي زينه و لا تبقوا واخدين بااالكم و مفتحين عينيكم هااااا انطقواا

واحد الحرس بخووف و رهبه : يا بيه ... هي وقفت تاكسي عشان العربيه بتاعتها عطلت و رفضه حد يوصلهااا مكونااش

قاطعه بوكس وراه بوكس من امير امير و هو بيضربه بغللل

الضرب دااا عشان تبقي تفتح عينك كويس يا متخلف وتين هانم لو حصل لهاا حاجه ميكفنيش فيكوا رابتقواا كلكواا غور انت وهو من وشي

خرجوا بسرعه مرعبين من الوحش اللي ظهر فجاه دااا اول مره يشوفوا كدا

.............................................

وعد بقلق و هي كانت قاعده قدام المكتبه كان بيتكلموا ف شغل و قاطعهم اتصال امير

وعد : خير يا استاذ ادهم استاذ امير حصله حاجه

ادهم بخوف و قلق و حيره : مش عارف بيقول وتين اتخطفت

وعد بخضه : ياا نهار اسود وتين

ادهم و هو ماشي : انا هروح له و افهم الموضوع

وعد و هي ماشيه وراه و عماله تعيط : وانا كمان جايه معااك

ادهم جايه يعترض صعبت عليه شكلها و هي بتعيط ف سكت و سابها تيجي معاه وعد و وتين تؤام صحاب جدااا و هو مقدر دا

##################

سيف و هو قاعد مع جيرانهم ف الصاله عزمهم ع الغدا عشان يتعرفوا ع بعض

سيف و هو ملاحظ نظرات علي جارهم لهدي و بيغلي من جواا

اتكلم بغضب مكتوم : انما قولي يا بشمهندس علي متجوز عن حب بقاا و لا اي

علي و هو انتبه لسيف و بعد عيونه عن هدي : هاا اه اه عن حب

سيف بغضب و هو نفسه ينفجر فيه عن حب يا زباله و بتبص لمراتي دا انت واطي اوي

وجهه كلامه لمراته مدام ناديه : وحضرتك يا مدام ناديه مبسوطه ف الجواز طبعا صح

ناديه بنظره حزن بتحاول تداريها : اه طبعاا علي محترم جدا و انا بحبه

سيف و هو ملاحظ نظره الحزن ف عينيها هز راسه و اكتفي بالصمت

هدي بهدوء و ابتسامه : ربنا يخليكوا لبعض

ردد : يارب

بعد الغدااا

علي و هو بيمسح ايده : تسلم ايدك يا مدام هدي الاكل يجنن بجد

هدي بضحكه : قول لسيف اصله مش مقتنع باكلي خااالص

علي بتوهان من ضحكتها : لا ازاي يا استاذ سيف دا اكل مدام هدي خرافه ازاي ميعجبكش

سيف بغل و هو خلاص ثانيه و هيقوم بفقع عينه : مراتي و بهزر معاهااا عادي يعني انا حرر

هدي و لحظه الجو بدا يكهرب : اتفضلوا اقعدوا ف الصالون هجيب الحلو و اجي تعالي يا ناديه نحضر الحلو

سيف بابتسامه غصب : اتفضل

علي بتوتر من نظرات سيف : يزيد فضلك

.........................................................

قاعد ف مكتبه باصص ف ورق القضيه و مش مركز خالص دماغه مش معااه و قلبه من زمان و هو مش معاه بيفكر فيهاا بقاله يومين مشفاش فعلا بعدت مبقيتش تيجي عشان تشوفه و لا بقت تيجي ترخم عليه بقااا يومه عادي يعدي بدون ما تقف قدام القسم مستنياه و اول متشوفه تقوله وحشتني طب يا احمد انت بتفكر فيها ليه هو مش دا اللي انت كنت عايزه مش دا انتي كنت كل ما تشوفها تقول لها ابعدي عني مدايق ليه و بتفكر فيهاا ليه

القلب : وحشتك

العقل : لا طبعا

القلب : بطل تكابر باين عليك انها وحشتك

العقل : لا يا احمد انت مش بتاع حب

القلب : وماله ياحمد لما تحب اي اللي هيحصل يعني

العقل : هتتعب ياحمد كل اللي يحب بيتعب

القلب : تعب الحب حلو

العقل : حب اي لا انت مبتحبهاش يا احمد

القلب : لا بتحبها بتفكر فيها و شاغل بالك جيت او لا وحشتك و نفسك تشوفها يبقي بتحبهااا

العقل : لا

القلب : اه

احمد بتوهاان قام من مكانه و كالعاده القلب هو اللي بينتصر و بنستسلم للحب غصب عننا و بدون اراده مننا الحب كالمغانطيس يسحبك له بقوه .

احمد حصل معاه كدا اتسحب جامد لشروق و لحبها و براءتها وقع ف حبهاا بدون ما ياخد باله او يعمل احتياطاته مع انه كان بيقاوم و يعافر بس تعب من المعافره و قرر يستسلم لحبها بس هيعمل اي هو ميعرفش اي معلومااات عنهاا الا .........

₩₩₩₩₩₩₩₩₩₩₩₩₩₩₩₩₩₩

حسام و هو بيخبط الشقه ع حياه فضل كل يوم يرن عليها و يبعت لها رسايل و هي و لا بتعبره يوم ما كان مستنيها ف المستشفي طنشته و مشت و سابته و هو اخر ما زهق بعد اسبوع من تطنشها راح الايتعلامات ف المستشفي اللي بتشتغل فيها و قبض واحد من المواظفين و قاله ع عنوان بيتها قرر بعد تفكير انه يروح لها لازم يتكلم معاهااا لازم تسمعه و تفهمه و هو قرر خلاص ان دي اخر محاوله هو بقاله شهرين بيحاول معاها و بطلب منها نسامحه و هي بترفض هو تقريبا عمل المستحيل عشان تسامحه و هي رافضه قرر ان خلاص دي المحاوله الاخير

اخد نفس و ضغط ع الجرس شويه و الباب اتفتح

حياه باستغراب :نعم خير جاي ليه

حسام بهدوء و وجع : جاي حابب اتكلم معاكي شويه

حياه برفعت حاجب : بس دي شقه بنات عيب اني ادخلك اصلا

حسام بهدوء : عارف انا طاالب منك تدخلي و تلبسي و تنزلي معايه اي كافيه نتكلم دا لو بعد اذنك يعني

حياه بتافاف : وانا مش عايزه اتكلم معاكي

حسام بحزن : لو سمحتي يا حياه المره دي بس

حياه بتكبر : كل مره تقول لي اخر مره و ترجع ف كلامك

حسام بوجع : صدقيني المره دي وبس

حياه بتردد : تمام استني هنا قدام الباب هجهز و اخرج

حسام : تمام

دخلت لبست و خرجت خبطه ع اوضه نهي

حياه و هي بتفتح الباب : نهي انا خارجه تشويه عايزاني اجيب لك حاجه و انا جايه يا حبيبتي

نهي بابتسامه : لا يا روحي بس متتاخريش عشان مفضلش قاعده لوحدي

حياه : اوك سي يو

اخدت نفس طويل و هي بتفتح باب الشقه

حسام و هو بيعدل وقفته : تمام يلا

حياه و هي بتبص عليه : يلا

فتح ليها باب العربيه و ركبت و هو راح ركب و قبل ما يبدا سواقه اتنهد و هو عمال يفكر هيقول لها اي و يا تري هتسامحه و لا لا صعب عليه اوي لو رفضت هو خلاص قرر ان دي اخر محاول و هيزعل اوي لو رفضة

حرك العربيه و وقف عندك كافيه و نزلو و قعدوا ع طربيزه

ادهم و هو بيشاور للجرسون : تشربي اي

حياه بتوتر : اي حاجه

حسام بجديه : 2 قهوه مضوبه لو سمحت

حياه : لا انا مبحبش القهوه هاخد لمون

حسام بابتسامه : خليه لمون واحد قهوه و واحد لمون

مشي الجارسون و حسام بص ع حياه لاحظ ارتباكها و رجفتها اخد نفس و اتكلم

حسام بهدوء مع ابتسامه : اهدي يا حياه مالك متوتره كدا ليه

حياه و هي بتحاول تهدي نفسها : اتكلم يلا عشان مش عايزه اتاخر ع نهي

حسام : حاضر انا كنت عايزك عشان اطلب منك تسامحيني حياه صدقيني انا بعترف بغلطي انا بحبك و الكلام اللي قلته دا غصب عني قلته ف لحظه غباء كنت مدايق و متعصب اني ضعفت و حبيتك حياه الحب بالنسبه لي ضعف و انا كنت مدايق اني ضعفت بس الوقتي كل اللي انا طالبه تسامحيني و تديني فرصه و الله بحبك و باين ف عينيكي انك لسه بتحبيني بلاش تكابري و تعذبيني و تعذبي نفسك فرصه يا حياه فرصه واحده انا هتغير مش هبقي حسام الفاشل بتاع البنات و السهر و الشرب لا انا هتغير عشانك عشان بحبك عايز ابقي احسن هبدا اساعد امير ف اداره الشركه و هبطل اسكر و انتي البنت الوحيده اللي شايفها الوقتي بس انا محتاج اتغير و انتي معايا انتي تبقي نوري يا حياه تسحبيني للنور تخرجيني من الضلمه اللي انا فيها دي

حياه و هي بتقاوم دموعها اخدت نفس طويل : انت كذاب انت جرحتني و ذلتني

حسام و هو بيمسك ايدها : انا اسف اسف اوي يا حبيبتي سامحيني و انا هعوضك ع الاهانه دي

حياه و هي بتعيط :.....................

.................................

فاطمه قاعده ف اوضتها من يوم ماخرجت و رافضه تكلم قارس خااالص بيحاول معاها و هي مش راضيه تكلمه او حتي تفتحله باب الاوضه و هو مش هيياس هحاول بدل المره الف عشان ترضي تسمعه و تفهمه نور اختفت مع الواد اللي كانت ماشيه معاه و لما فاطمه عرفت دا اتصدمت و بقت بتواسي مامتها اللي تعبت لما عرفت دا .........