رواية مجنونة بيك الفصل الحادي والعشرون 21 بقلم مريم نبيل
 |
| رواية مجنونة بيك الفصل الحادي والعشرون 21 بقلم مريم نبيل |
رواية مجنونة بيك الفصل الحادي والعشرون 21 بقلم مريم نبيل
اسرع مراد ليتصل بمي ليطمئن عليها ويتفق معها علي موعد عقد قرانهم
مراد: حبيبتي عامله ايه
مي بصوت ناعس: الحمدلله يا حبيبي ازيك انت
مراد: الحمدلله، ايه صحيتك من النوم ولا ايه
مي: هه اه كنت نايمة بس احسن عشان اعرف انام بالليل كويس
مراد: اممم معلش يا روحي بس كنت عايزك في موضوع مهم
مي: خير يا حبيبي فيه ايه
مراد: كنت عايز احدد معاكي معاد كتب كتابنا وكدا
مي بخجل: بالسرعة دي
مراد: اه مش انا وانتي بنحب بعض نستنا ايه ما خير البر عاجله
مي بفرحة: اللي تشوفه
مراد: ها بقا يناسبك امتي يا عروسه
مي: أي وقت عادي
مراد: يعني ممكن بكرة مثلا
مي: ايه لا بكره ايه دا قريب اوي
مراد يصطنع الحزن: ايه مش عايزانا نتجوز يعني يا مايوي
مي: يا حبيبي مش قصدي والله بس انا لسه محضرتش أي حاجة ولا جبت الفستان اللي هلبسه يوم كتب الكتاب حتي
مراد: بسيطة يا ستي غيري هدومك دلوقتي وانا اجيلك ونروح نختار الفستان سوا وبعدها اوصلك البيت واروح احجز القاعة واشوف المأذون اتفق معاه علي المعاد
مي بغلب: طب وليه الاستعجال دا ما تخليها كمان كام يوم، وبعدين انت هتعمل في قاعه ليه ما تخلي القاعه في الفرح وكدا عشان المصا...قاطعها مراد قائلا: لا خلاص بكره وملكيش دعوه انتي بالمصاريف انا يا ستي راجل مفتري وعايز افرح مراتي انتي مالك بقا اما انتي غريبة اوي
مي بخجل وصوت خافت: مراتك!!
مراد: اه مراتي وام اولادي اللي جايين ان شاء الله كمان عندك إعتراض
ابتسمت مي لكلام مراد ثم اكملت: لا طبعا معنديش
مراد: طب يلا بقا جهزي نفسك وانا ربع ساعه بالكتير اوي وهكون عندك
مي: مصمم يعني علي بكره
مراد: اه وانجزي مش عايز رغي كتير
مي بضحك: حاضر.....
مر اليوم في هدوء وتم التجهيز التام للحفل وتم دعوة الاقارب والاحباب وكل شئ اصبح علي ما يرام
في صباح يوم جديد ..
استيقظت مي وابتسامتها الجذابة مرتسمة علي وجهها والفرحة تغمرها وقلبها يخفق من شدة السعادة ها هي اليوم ستصبح زوجة مراد حب عمرها،،،ظلت جالسة علي سريرها لفترة لم تصدق واقعها ابدا، قطع شرودها رنيت هاتفها فأجابت قائلة:صباح الخير يا عمري
مراد: صباح الفل والياسمين علي عروستي الحلوة
مي بخجل: بس بقا يا مراد الله
مراد: ههه ايه يا روحي اتكسفتي
مي: اه
مراد: طب يلا بقا قومي كدا صحصحي عشان ورانا حاجات كتير هتتعمل
مي: حاضر، بس هرن علي مريم اشوفها هتجيني امتي عشان نروح الكوافير،، صحيح انت هتيجي امتي توصلنا
مراد: شوفيها الاول وردي عليا انا جاهز في أي وقت
مي: اوك ي حبيبي، باي
مراد: باي باي يا حياتي
قامت مي بالإتصال بصديقتها مي لتخبرها عن موعد مجيئها
مي: صباح الخير يا روما
مريم: صباح الجمال يا عروسه
مي بخجل: طب بس طيب بتكثف
مريم بضحك: وماله اتكسفي براحتك، المهم عامله ايه
مي: الحمدلله فل انتوا اخباركوا ايه
مريم: الحمدلله بخير
مي: قوليلي انتي هتجيني امتي عشان مراد يجي
يوصلنا للكوافير
مريم: مش عارفه هي المدام اللي هناك قالتلك المفروض نروح امتي
مي: قالتلي علي 11 كدا عشان النهاردة فيه عرايس كتير وهناخد دور وكدا
مريم: اممم طيب خلاص يدوب نلحق، انا هغير هدومي واغير لمايا واكلم امجد اقوله اني خارجة وكدا
مي: اوك في انتظارك ..
تعليقات
إرسال تعليق