رواية أحببتها صعيدية الفصل الحادي والعشرون 21 نور الدين جلال

عصام :: ايوة طبعا المفروض وانا كت هجولك كدي

زينب :: طيب ايه رئيك بكره نوصل انا وانت نزورها وكمان البت اسماء وحشتني هي والعيال

عصام :: انا اليومين دول مش فاضي خالص يا زينب. وكمان بكره انا والحاچ نعمان مسافرين مصر

زينب :: مسافرين مصر ؟

عصام :: كلام بيني وبينك ومحدش يعرفة يا زينب احنا مسافرين علشان نشتري دار في مصر اهو حاچة كدة تبجي موجودة للزمن وللأولاد من بعدنا

زينب :: ياحلاوة .. دار في مصر مره واحدة

عصام :: ايوة يابت. وانا كمان هستغل وچودي في مصر واشتري لينا حتة ارض كدة ولا حتي دار

زينب :: لينا ؟ مش فاهمة . هو انت معاك فلوس تشتري بيها دار ولا ارض

عصام :: انتي مالك معايا فلوس ولا مش معايا

زينب :: خلاص متزعلش نفسك جوي كدة .

طب انا كدة مين هيوديني ل اسماء ؟

عصام :: لما حسين يروح يشجر علي مراتة وعلي حماه ابجي روحي معاه احنا اصلا ممكن نجعد في مصر جد يومين تلاتة

زينب :: اروح مع حسين ؟

عصام :: ومالوا هو حسين غريب يابت

زينب :: انا مجولتش حاجة .. خلاص ابجي اسأل عليها بالتلفون وخلاص

عصام :: براحتك .. اما انام انا علشان هنصحي بدري

.......

الحاج نعمان حس انة لازم يعرف حسين انة مسافر بكره هو وعصام مصر علشان يشترو بيت هناك

نزل من الاوضة علشان مكنش جايله نوم. وخبط علي اوضة حسين

حسين :: مين ؟

الحاج نعمان :: انا ياحسين

حسين قام منفوض وفتح للحاج نعمان

الحاج نعمان :: ايه نمت ولا ايه ؟

حسين :: لا يابا لسة .. خير في حاچة ولا ايه.؟

الحاج نعمان :: خير انا بس چاي عشان اجولك اننا مسافرين بكره انا واخوك عصام مصر علشان هنشتري دار هناك

حسين :: دار في مصر ؟

الحاج :: ايوة انا اصلي شايل كدة مبلغ مش بطال وفكرت اشتري دار لينا في مصر

اهو تبجي حاجة مركونة ليكم ولعيالكم

حسين :: ربنا يخليك يابا هي فكره حلوة بس انت وعصام فكرتوا وجررتوا ومسافرين بكره

كل ده وانا اخر من يعلم؟

الحاج :: لا يابني انا اللي كنت بفكر وانا لسة جايل ل اخوك النهاردة وجولت له اني انا اللي هبلغك

حسين :: ماشي يابا طيب لو عايزني اسافر معاك انا تحت امرك

الحاج نعمان :: لا خليك انت علشان تراعي الأرض و الدار والمحلات احنا اصلا معرفينش هنيچي من مصر ميتا والموضوع ممكن ياخدله جد يومين تلاتة

حسين :: تروحوا وترچعوا بألف سلامة

الحاج نعمان :: المثل بيجول داري علي شمعتك جيد .. مش عايزين حد في البلد كلها يعرف

حسين :: لا يابا اطمن وسافر انت وعصام وترجعولنا بألف سلامة

تاني يوم بعد ما الحاج نعمان فطر هو وعصام سافرو علي القاهرة وحسين راح بص علي الارض الصبح علشان مفيش غيره وبعدين فتح المحل بتاع الحاج والمحل بتاعة رياض هو اللي فتحة

.................... ڤيلا المعلم دهشان...................

الحاج كرم :: بجولك ايه يا احلام انا عايز اطلب مينيكي خدمة وهتاخدي في جصادهها 2000 چنيه لا هديكي. 5000 چنيه

احلام :: خدمة ايه ؟ انت تؤمرني

الحاج كرم :: عايزك تخطفي رچلك لغاية البلد عندي وتدوري علي واحدة اسمها سامية واذا كانت في البلد وعرفتي توصلي ليها. عرفيها انك من طرفي واني عايز اشوفها . ومتجوليش ليها علي مطرحي .. خليها تيچي معاكي واذا رفضت تيچي معاكي بلغيها لو حاولت تهرب او استخبت مني هوصلها حتي لو في بطن اميها .. ونبهي عليها اي حركة غدر او خيانة منها وفكرت تبلغ الشرطة رقبتها مش بعيدة عن ايدي

احلام :: ماشي هوصلها متخفش بس الموضوع ده فيه خطر خصوصا اني هروح بلد كلها فلاحين والفلاحين كلهم عارفين بعضهم وانا هكون غريبة عن البلد يعني بمجرد ما رجلي تخطي بلدكم هتعرف اني غريبة

كرم :: متخفيش بلدنا ناسها طيبين وكلهم في حالهم

احلام :: انا هاخد 7000 وهروح حالا

كرم :: وانا مش هجولك لا .. موافج

احلام : بس جت او مجتش انا مليش دعوة

كرم :: اه طبعا دي حاچة مفروغ منها انتي تعملي اللي عليكي كرمك هتاخديه وهي هتيچي هتيچي علشان عارفة انا ايدي طايلة خصوصا اني دلوك بره السجن

احلام :: خلاص ايدك علي الأوبيج

كرم :: اوبيج ؟

احلام :: يعني الفلوس هههههه

كرم :: تروحي وترچعي هتلاجي فلوسك بالحفظ والصون وانا هبعت معاكي واحد من رچالتنا هيوصلك لبره البلد. تروحي تچيبي سامية وهتلاجيه مستنيكي بره هيچبكم تاني لغاية هنا

احلام :: لا ياحاج اللي اوله شرط اخره نور

واحد يجي معايا ماشي. لكن فلوسي هخدها قبل ما اتحرك

كرم :: ماشي مع ان كرم كلمتة سيف علي رجبتة لكن اجول ايه .. حجك مانتي معرفانيش.. وفيه اماره لما هتجوليها ل سامية هتصدج انك من طرفي

قولي ليها بأماره انك خليتي فتحيه مرات الحاج نعمان تحبل من سامبو

كرم طلع الفلوس ل احلام وداهملها ولسة احلام هتمشي

كرم :: استني انتي هتروحي ب خلاجاتك دي ؟

احلام :: امال هروح بأيه

كرم :: انا مش عايز اچيب العين عليمي انتي لازم تروحي ولابسة خلجات فلاحي علشان محدش ياخد باله مينيكي

احلام :: وانا هجيب لبس فلاحي منين

كرم :: متشغليش بالك دجايج وهتكون الخلجات عندك

مفيش نص ساعة وكان كرم جاب ل احلام اللبس اللي هتروح بيه .. لبسته ومشيت هي والراجل

...............

.................

احلام وصلت البلد بتاعة كرم والراجل اللي معاها قالها انا هستناكي يالعربية في المكان الفلاني

احلام دخلت البلد وبقت بتسأل علي سامية زي ما الحاج كرم قالها. وفيه ناس وصفتلها بيت الحاجة فاطمة وهناك اللي فتحتلها الباب سامية

احلام :: مسالخير

ساميه :: مسالنور . مين ؟

احلام :: انا واحدة قريبة سامية من بلد جاركم كدة وكنت جاية عايزها في موضوع

سامية :: نعم ياختي .. انتي جريبة سامية

احلام :: بصوت واطي .. هو انتي سامية

سامية :: ايوة انا سامية .. انتي مين بجا وعايزه ايي

احلام :: انا جيالك من طرف الحاج كرم

الحاجة فاطمة :: مين يا سامية عالباب

سامية :: دي واحدة جريبتي يا حاچة فاطمة

وچاية تزورني

الحاجة :: طب خليها تدخل هتسبيها عالباب

سامية :: ادخلي ومتتكلميش في حاجة غير لما اخدك ونطلع فوج

الحاجة فاطمة :: اهلا وسهلا

احلام :: اهلا بيكي يا حاجة

الحاجة فاطمة :: خدي جريبتك يا سامية وضيفيها واتحدتو براحتكم في الدور الفوقاني

سامية :: حاضر ياحاچة

سامية اخدت احلام فوق ... انتي مين وكرم مين اللي انتي چاية من طرفه

احلام : انا صديقة للحاج كرم .. وهو عايزك تروحي معايا له دلوقت علشان تقابليه

سامية :: اروح اجابلة فين في السجن ؟ ودلوك ؟

احلام :: لا ماهو هرب وبيقولك لو مجتيش معايا هو هيعرف يجيبك لغاية عنده بطريقتة بس ساعتها رقبتك الحلوة دي هتفارق جسمك

سامية :: الحاچ كرم هرب ؟ ميتا وازاي .. وانا كمان ايش ضمني انك من طرفه

احلام :: هو كان عارف انك مش هتصدقي

طيب بأماره ما خليتي فتحية مرات الحاج نعمان حبلت من سامبو غيرك انتي الحاج كرم اللي يعرفو

سامية سكتت لان احلام قالتلها علي سر محدش يعرفة خالص غيرها وغير كرم. والحاج نعمان بعد ماهي قالتله

سامية حطت ايدها علي رقبتها وخافت من كرم لانة قادر ويعملها وممكن يقتلها لو مارحتش

سامية :: طيب انا اروحلة فين ؟ اصل دلوك ميهينفعش اچي معاكي

احلام :: لا هو شارط عليا مقولكيش وانتي لازم تروحي معايا دلوقت

سامية :: كدة ؟ طب خليكي هنا وانا هنزل اجول للحاچة فاطمة انك بت خالي. وان امك عيانة جوي وطالبة تشوفني وانا رايحة ابص عليها

سامية نزلت وقالت للحاجة فاطمة وبعدين طلعت ل احلام وقالتلها يلا بينا

احلام وسامية خرجوا بره البلد وسامية اول ما لقت احلام بتقولها اركبي العربية وشافت الراجل اللي جوه العربية حست بخوف شديد امتلكها وكانت عايزه تهرب .. لكن تهرب تروح فين .. ركبت العربية والراجل مشي بيهم واول ما خرج خالص من البلد وبعد عنها وقف في نص الطريق ونزل من العربية وفتح الباب ونزل سامية

سامية :: ايه في ايه . انت هتعمل معايا ايه

الراجل :: متخفيش انا بس هغمي عنيكي بالأشرب ده علشان متعرفيش احنا رايحين فين

الراجل غمي عنين سامية بالأشرب وبعدين

ركبها تاني العربية وراح ماشي بسرعة بالعربية

دخلوا الفيلا بالعربية وكان الحاج كرم والمعلم دهشان قاعدين في جنينة الفيلا

كرم :: الغندورة وصلت

المعلم دهشان :: طيب براحة عليها ياكرم علشان توصل للي عايزه.. وانا همشي علشان عندي كام مصلحة عايز اخلصهم

كرم :: بالسلامة انت

الراجل نزل سامية من العربية

الحاج كرم :: براوا عليكي يا احلام .. مخيبتيش ظني.. وانتي ياسامية. نورتي

فك الأشرب من علي عنيها

سامية :: بصوت مليان خوف وقلق ... انا اول ما احلام جالتلي چيتلك علي طول .. انت عايز مني ايه

الحاج :: مش لما ترتاحي شوية نتحدت خدوها علي البدروم

اتنين رجالة اخدو سامية ونزلوا بيها اوضة في البدروم

وكرم قعد مع احلام

احلام :: ايه رئيك بقي عجبتك

كرم :: لا بصراحة براڤو عليكي

عملو معاه ايه هو التمرجي التاني

احلام :: يخليك يا حاج ابو الواجب كلة

بس انت هتعمل مع سامية ايه . وعايزها في ايه

كرم :: هسبها كدة تاخد وتدي مع نفسها علشان فيه سؤال محيرني والاچابة بتاعتة انا متوكد انة عندها

احلام :: سؤال ايه ؟

كرم :: عشان انتي بس بجيتي مننا وعلينا هجولك .. مين اللي بلغ عني؟؟ وهي ايه ليها صالح بسچني ولا لا

احلام :: تقصد انها هي اللي بلغت

كرم : معرفش لكنها اختفت من البلد قبل ما يتقبض عليا بتلات شهور . انا بقي عايز اعرف هي اختفت ليه وراحت فين ؟ ورچعت البلد ليه بعد ما اتحبست

بعد مرور اربع ساعات علي حبس سامية في البدروم نزلها الحاج كرم

اول ما الحاج كرم دخل الأوضة. سامية كانا قاعدة علي الأرض وخايفة منة ومرعوبة. قامت وراحت نازلة علي رجل كرم تبوسها وتترجاه يسبها تمشي لانها معملتش حاجة

كرم :: هو انا اصلا جولت انتي عملتي حاجة ؟ .. انتي خايفة كدة ليه ؟

سامية :: امال انت چايبني وحابسني هنا ليه

كرم :: مش يمكن وحشاني .. كرم قرب منها وراح ماسكها شعرها .. انتي هربتي من البلد ليه

سامية ،: انا ... انا مهربتش

كرم :: امال روحتي فين قبل ما يتجض عليا.. بصي وديني لجتلك لو ماقولتيلي انتي هربتي ليه ؟ وليه بلغتي عني

سامية :: انا مبلغتش عنك انا مليش دعوة بحبستك انا سبت البلد كلها لما لجيتك بتفضل عليا البت فتحية وضربتني جدامها

وجولتلي اني خدامة . كنت عايزني افضل في البلد اعمل ايه

كرم شد شعر سامية اكتر وساميه كانت بتتألم .. مين اللي بلغ عني

سامية :: معرفش .. اجسملك ما اعرف

الحاج كرم :: كدة ؟ .. ماشي

كرام :: يا دهشوري . انت يازفت

دهشوري :: ايوة ياحاچ كرم

كرم :: روح هات اللي جولتلك عليه واندهلي

سلمان معاك

سامية :: هتعمل ايه يا حاج كرم .. ابوس رجليك انا مش بكدب عليك

دهشان خرج ورجع بعد شوية بسلك كهربا طويل. وسلمان دخل .. ايوة ياحاج كرم

كرم :: امسكولي البت دي .. عايزها تتربي

دهشان وسلمان راحو مسكو ونزلو فيها ضرب وهي بتعافر وبتترجا الحاج كرم يسبها

كرم :: لما اوصل طرف من اطراف السلك ده ف ايدك والتاني رچلك يمكن ساعتها تعرفي مين اللي بلغ عني

سامية :: الحاچ نعمان هو اللي بلغ عنك

كرم :: ايوووة .. ازاي بجي عرفتي انة هو

*** سامية بدات تحكي للحاج كرم انة من ساعة ماضربها قدام فتحية وقالها انها مش اكتر من خدامة قررت تكشف له مراتة وراحت حكت له علي كل حاجة فتحية عملتها وعلاقتها بسامبو والعيل اللي في بطنها مش من صلبة

وانا كانت عايزة تنتقم بس من فتحية

وسابت البيت وهربت. ولما رجعت البلد تاني

عرفت ان اللي حبسه هو الحاج نعمان

كرم :: ومين اللي جالوا علي الدار اللي كنا بنحفر فيه

سامية :: اللي عرفتة بعدين انة كان ممشي وراك حد والحد ده هو اللي بلغ عنك

كرم :: بجي كدي ياحاچ نعمان .. ماشي

سبوها يا رچالة انا خلاص عرفت اللي كنت عايز اعرفة

سامية :: يعني هتسبوني اروح

كرم :: لا هتجعدي يومين هنا

** كرم بعد ما خلي سامية محبوسة لمدة يومين خلي واحد من رجالتة توصلها لغاية البلد وطبعا كان اتفق معاها علي اتفاق تعملة وينتقم من الحاج نعمان عن طريقها وهددها لو معملتش اللي اتفق معاها عليه مش هيرحمها المرة دي