رواية أحببتها صعيدية الفصل العشرون 20 نور الدين جلال

عصام :: ايوه ياحاچ

نعمان :: يلا روح دلوقت اعمل اللي جولتلك عليه وخد معاك شاكوش علشان تكسر بيه الجفل

عصام :: حاضر ياحاچ

عصام دخل المحل واخد شاكوش كبير من المخزن واخد العربية وراح البيت التاني بتاع الحاج كرم ودخل من باب المطبخ الوراني زي ما الحاج نعمان فهمه

دخل ودور علي الصورة الكبيره. ومدورش كتير لانها كانت في صالة الدور الاول ( الأرضي ). نزل الصوره ولقي الشباك الحديد اللي قالوا عليه الحاج

جاب الشاكوش وفضل يرزع علي القفل لغاية ما كسره شال القفل بعد ما اتفتح وفتح الباب الحديد ولقي وراه سكينة. شبه سكينة الكهربا

استغرب ومبقاش عارف دي سكينة ايه

المهم راح رافع الأيد لفوق سمع صوت جاي من الأوضة اللي في الوش .. صوت حاجة بتتحرك علي الأرض

اتسحب بالراحة لقي الحيطة اللي متعلق عليها شاشة تليفزيون عباره عن باب بيتحرك وبيتفح .. وورا الحيطة دي اوضة

حس نفسة بيتفرج علي فيلم

مشي في اتجاه الأوضة دي ودخل لقي فيها شنط كتير كانو اكتر من سبع شنط سفر كبار واربع كراتين وجنب الشنط دول والكراتين. شوال صغير

قرب من الكرتين وفتح كرتونة منهم لقي جواها فلوس متأستكة كلها ورق ب 200 جنيه .. بقي عمال يفتح الكراتين كلها وكل ما يفتح كرتونة يلاقيها مليانة بالبكاوي المأستكة. ..فتح الشنط شنطة شنطة وهو مش مصدق نفسة كل دي فلوس مع كرم

دخل علي الشوال الصغير وفك الرباط اللي كان مربوط بيه الشوال

فتحة وشاف جواه تمثالين فرعوني من الذهب الخالص

عصام كان هيتجنن من اللي شافوا

عصام شال شنطتين وخرج بسرعة بره الأوضة وراح منزل السكينة تاني. والأوضة رجعت اتقفلت زي ماكانت وراح مرجع الصوره مطرحة وخرج بسرعة من البيت وحط شنطين الفلوس في شنطة العربية

وساب العربية مطرحها وراح جاب قفل جديد ورجع البيت حطة مكان اللي اتكسر وراح طاير بعربية علي البيت وطلع الشنطتين ودخل مخزن المحاصيل وشال شنط الفلوس فيه وبعد ما تاكد ان مفيش حد شافة راح راجع للحاج نعمان. وحكي له علي اللي حصل وعلي الفلوس والتماثيل اللي في البيت .. بس محكاش للحاج انة اخد شنطتين فلوس **

** الحاج نعمان مكنش مصدق اللي قالوا عصام

معقول كرم عنده الثروة دي كلها

بس قال بردو لسة في مكان تاني اكيد شايل فيه باقي القطع الاثرية والتمثالين دول اكيد كانوا متحضرين للبيع **

الحاج نعمان قال لعصام :: المهم دلوك عايزين مكان نشيل فيه الفلوس والتماثيل دي في مكان الدبان الازرج ميعرفش يوصلة

عصام :: مفيش غير اننا نحفر في الزريبة ونحط التماثيل فيها محدش هيچ علي بالة ابدا ان الزريبة هيكون مدفون فيها حاچة زي دي

الحاج نعمان :: ماشي. فكرة زينة. طيب والفلوس هنوديها فين

عصام :: مش عارف بصراحة يابا اصل الفلوس كتيره جوي وكمان فيه كراتين مليانة فلوس

الحاج نعمان :: بجولك ايه الفلوس هندسها في الدار عادي وانا هبجي اتصرف

عصام :: طيب ياحاج مش عايزين نتأخر قبل ما حد يسبجنا ويروح ياخد الامانة دي

الحاج نعمان :: نتأخر ايه. داحنا نروح دلوك ناخد الامانة هو انت فكرك اننا هنستني

الحاج وعصام راحوا بيت كرم. وفتحوا الأوضة وعصام حول الشنط كلها في العربية

والتمثالين حطهم في شنطة العربية. وراحوا علي الزريبة. عصام حفر. حفرة كبيرة في الارض وحط فيهم التماثيل ورجع ردم عليهم والحاج قال لعصام احنا هنحط الشنط دي في اي اوضة من اوض المخازن اللي هنا علشان مينفعش ندخل بالشنط دي جدام الحريم .. وهيفضلو يسألو شنط ايه دي

عصام ارتبك وخاف ان الحاج يقولوا نحطهم في غرفة تخزين المحاصيل اللي شال فيها الشنطة اللي اخدها ف الاول

لكن الحاج قالوا نحطهم في مخزن العطاره

وفعلا عصام دخل الشنط والكراتين في مخزن الغلة. والحاج خلي عصام جاب قفل جديد وقفل بيه المخزن

وبعد ما كل حاجة اتخزنت وادفنت الحاج نعمان وعصام رجعوا المحل واشتغلوا عادي ولا كانهم عملوا حاجة....

.........

بعد يومين الحاج نعمان راح المخزن اللي فيه الفلوس وطلع مبلغ 200000الف جنيه وراح زار الحاجة فاطمة

الحاجة فاطمة :: ازيك يانعمان ياخويا كيفك

نعمان :: اهو نحمد ربنا يافاطمة .. انتي كيفك

فاطمة : عايشة بحسك ياخويا

الحاج نعمان :: تعيشي يافاطمة .. بجولك ايه البت سامية هنا ؟.

فاطمة :: ايوة فوج بتروج الأوضة

الحاج :: بصوت واطي طيب انا عايزك تخفي الشنطة دي بحيث البت العقربة دي متخدش بالها منها

فاطمة :: شنطة ايه دي ياحاچ ؟

الحاج نعمان :: دي شنطة فيها ميتين الف جنيه دول اللي جدرت اوصلهم من فلوس چوزك

فاطمة :: ميتين الف جنيه ؟ ودول عترت فيهم فين. دانا مخلتش حتة الا مدورت فيها

الحاج نعمان :: في البيت التاني كان شايلهم في اوضة سرية

فاطمة :: دانا جلبت البيت التاني ده حتة حتة ..

الحاج :: لا ماهي الأوضة دي سرية .. المهم علشان بس البت سامية متسمعناش .. شيلي الفلوس دي في مكان امين .. دول حجك ياختي ومحدش عارف بكره فيه ايه

فاطمة :: يخليك ويبارك في عمرك وميشمتش فيك عدو ولا حبيب ويباركلك ف عيالك

الحاج نعمان :: تسلمي يافاطمة وانا لو لجيت اي حاچة تانية هچيلك طوالي

فاطمة : انا مش عارفة انا من غيرك كنت عملت ايه .. الراچل الناجص الدون بجي معاه 200000 الف جنيه وسايبني من غير ولا ربع جنيه .. شفت ياحاچ ..

الحاج نعمان :: المهم انا عايزك لو تعرفي اي حاجة عنة او عن مكان كان بيروحه تبلغيني

جايز لو فتشنا وراه تاني نلاجي فلوس هنا ولا هنا

فاطمة :: حاضر ياحاچ

سامية نزلت وشافت الحاج نعمان قاعد مع فاطمة

ايه ده الحاج نعمان ؟ ازيك ياحاچ .. عامل ايه

الحاج نعمان :: بخير يا سامية .. بجولك ايه

ابقي عدي عليا في البيت علشان عايزك تبجي تيچي تساعدي الحريم في ترويج االدار

سامية :: بس كدة حاضر من عنيا ياحاچ

الحاج نعمان :: يلا فتكم بالعافية

................

.........

سامية راحت للحاج نعمان تاني يوم المحل

سامية :: ايوة يا حاچ انا جتلك اهو زي ما طلبت مني .. عايزني اروح الدار بچد ولا ده كلام بس جدام الحاچة فاطمة

الحاج نعمان :: لا انا عايزك فعلا تبجي تعدي عليا في الدار كل يوم عشان تروجي مع الحريم الدار

سامية : دانا اخدمك بعنيا يا حاچ

نعمان :: انا كمان هشتري ليكي دار علشان تجعدي فيه بدل المرمطة اللي انتي فيها

ساميه :: بفرح شديد بچد ياحاچ يارب يخليك ليا ياحاچ ومانحرمش مينيك

الحاج نعمان :: انتي دلوك بجيتي تبعي وتخصيني ومينفعش اسيبك كدة من غير دار ... الليلة انا هخلص في ظار كدة جاري

اه هو مش كبير ودور واحد بس اهو احسن من المرمطة اللي انتي فيها

سامية : ده حلو اوي ياحاچ انا عارفة البيت ده .. مش دار سالم محروس

الحاج نعمان :: ناصحة وواعية و ياسامية ايوة هو بعينة ياسامية

سامية :: يخليك ليا ياحاچ ومنحرمش منك

العمدة مصيلحي :: السلام عليكم ياحاچ نعمان

ساميه :: وعليكم السلام ..طب بالأذن انا ياحاچ

الحاج نعمان :: وعليكم السلام ياعمدة.. اتفضل .. خلاص بالسلامة انتي يا سامية ومتنيسش تعدي ع الدار زي ما جولتلك وانا مفهم زينب واسماء انك چايه عشان تساعديهم

ازيك يا مصيلحي عامل ايه وازاي الحاچة صباح عاملة ايه

العمدة :: كلنا بخير يانعمان ياخويا

الحاج نعمان : ولاا يا عوضين انت يا ولاا

عوضين :: ايوة يا حاچ ايوه. .

الحاج نعمان : شوف عمك العمدة مصيلحي يشرب ايه يا ولاا

العمدة :: لا ياحاچ انا جاي ااتحدت معاك ف كلمتين وماشي طوالي

نعمان :: روح هات لعمك العمدة كوباية چهوة مظبوط وانا هاتلي شاي

خير يا مصيلحي .. في حاچة ولا ايه

العمدة :: بص بجي يا نعمان ياخويا بجي خير في سلامة وسلامة في خير وانت خخابرانك صاحبي واخويا وزعلك عندي بالدنيا كلاتها

بس انت ميرضكش ان ولدي جلال يفضل متعلج كدي يا حاچ نعمان. وانا چاي دلوك عشان احط النجط علي الحروف واشوف بتك هترجع لولديل ولا لا عشان لو مش عايزه خلاص احنا نشوف حالنا وزي ما دخلنا بالمعروف نخرج بالمعروف وهنفضل حبايب برضو واخوات

الحاج نعمان :: عندك ج يا مصيلحي في كل كلمة انت جولتها وانا مجدرش اغلطك في حرف واحد .. بس اديني فرصة يومين بس وانا هرد عليك ومتخفش .. بأذن ربنا خير

عوضين :: الجهوة والشاي ياحاچ

نعمان :: اشرب بس جهوتك علشان عايزك في موضوع تاني

العمدة :: خير يا نعمان

نعمان :: انا نويت انزل مصر ( القاهرة ) اشتري حتة ارض هناك واعمل عليها دار كبير .. ايه رائيك نشوفلك حتة ارض ونبجي چار بعض هناك

مصيلحي :: وانت هتاخد في مصر ليه هو انت ليك حد هناك

نعمان :: يعني اللي راحو مصر جبلي كان ليهم حد هناك .. اهي حاجة تنفع العيال وعيال عيالهم

مصلحي :: بس الارض في مصر بفلوس ياما يانعمان وانا مجدرش عليها

نعمان :: طيب فكر كدي وشوف ظروفك ايه وانا هسافر الاسبوع الچاي اشوف الدنيا هناك عاملة ايه

مصلحي :: ماشي بس المهم ياحاچ .. يومين وترد عليا بخصوص الهام بتك

الحاج نعمان :: بسيطة يا مصيلحي ياخويا وعايزك تطمن خالص ..

.........

سامية في المطبخ بتروق المطبخ وزينب واسماء بره ومعاهم الهام

زينب :: انا مش عارفة عمي نعمان چايبلنا ليه الحرباية دي هو احنا كنا اشتكيناله من شغل االدار

اسماء : مش عارفة ليه مش مطمنة لدخول البت دي الدار دي عينها واسعة وتدب فيها رصاصة

الهام :: ابقي حرصي علي چوزك منها يا اسماء ههههههههه

زينب :: انتي بتقولي فيها .. دي شكلها بتاعة رچالة يخوفي منها

اسماء :: ابجي خليها كدة تهوب ناحية راچلي. دانا كنت جطعتها بسناني

زينب :: ده انا هعدمها العافية .. بت يا ساميه

انتي يابت

سامية :: ايوة يا زينب

زينب :: نعم ياختي ... زينب كدة حاف .. اسمي ست زينب

سامية :: ست زينب مره واحدة.. ليه اكنش شغالة عندك

زينب :: ما هو بصي كدي من اولها هتطولي لسانك وتتأنزحي علينا لا احنا كدي كدي مستغنين عن خدامتك

سامية :: انا مليش حديت معاكي وانا چاية هنا عشان خاطر الحاچ نعمان .. لو مش عايزني. امشي

الهام :: بجولك ايه يا ساميه . ابلعي ريجك كدة ياحبيبتي واهدي. علشان الطريجة بتاعتك دي متكلش معانا ماشي ومن هنا ورايح. اي واحدة في البيت ده تبجي ستك وتاچ راسك

ولو مش عاچبك مع الف سلام

سامية :: ودي مين دي كمان .. انتي من الدار ده ولا وجعتي من حد وهو ماشي

اسماء :: باااااااااس ده كدة احلوت اووي

اسماء راحت قالعه الشبشب وراحت نازلة علي نفوخ سامية وزينب والهام هما كمان قلعوا الشبشب بتاعهم ونزلوا عليها

بقت ساميه بتصرخ ومفيش حد في البيت خالص بيحوش عنها لان مفيش في البيت غيرهم

سامية اخدت علقة موت وهدومها اتقطعت

ووشها ازرق وعنيها اتنفخت ولا اللي داس عليها اتوبيس

سامية جريت من تحت ايديهم بأعجوبة

والتلاتة قعدو يضحكوا ومبسوطين علي الاخر

سامية دخلت علي الحاج نعمان وهي منكوشة الشعر ووشها بيجيب دم من كل حتة. وعصام اول ما شافها داخلة المحل وبتجري تشتكي للحاج اول حاجة فكر فيها ان سامية حد كان عايز يغتصبها او دخل فيها قطر .. حاجة شبه كدة

عصام راح جري يشوف سامية مين عمل فيها كدة وبعدين عرف وهي بتشتكي للحاج ان مراتة ومرات اخوه واختة الهام هما اللي روقوها الترويقة دي. وعصام يبص للحاج وماسك نفسة بالعافية عايز يضحك

والحاج نعمان كمان بيبص ل عصام وبيزغر له علشان يمسك نفسة لانة شايف عصام والضحكة باينة علي وشه

الحاج نعمان رضاها بكلمتين وادها 200 جنيه. وخلاها تمشي

بعد ما سامية مشيت عصام انفجر من الضحك والحاج كمان ضحك

الحاج نعمان :: عاچبك اللي حصل من الحريم

عصام :: مش عارف اجولك ايي ياحاچ بس الصراحة انا مش مضايج منيهم اصل سامية تتستاهل اكتر من كدي

الحاج :: بس بردو انا اللي جايلها تروح تساعدهم. وبعدين انا في حاچة في دماغي

من سامية وبسايسها. علشان اوصل للي كرم مخبيه

عصام :: عارف يابا وانا جريت دماغك

الحاج نعمان :: علي فكرة انا اخدت من الفلوس 200000 وروحت ودتهم لمرات كرم

علي اساس ان الفلوس دي اللي لجتها في دار كرم التاني

عصام :: ليه يابا كدي بس .. انت ليه واجف مع الست دي مع انها مرات كلب ولا يسوي

الحاج نعمان :: عشان انا عايز اوجع كرم من كل الاتجاهات وعايز انتجم منة اشد انتجام ويعرف ان كما تدين تدان

عصام :: ايوة يابا عندك حج في دي

الحاج نعمان :: المهم العمدة جالي من شوية علشان يرجع اختك ل چلال

عصام :: ايوة صحيح انا نسيت اسألك لما چالك الصبح

الحاج نعمان :: العمدة شكلة المرة دي لو اختك جالت مش راجعة. هيخلي جلال يطلجها

عصام :: انا شايف يابا اننا منچبرش الهام علي الرچوع ل چلال عشان ميحصلش حاجة تاني بينهم وترچع تجولك انت السبب

الحاج نعمان :: لا انا مش هچبرها بس هجعد معاها وواتحدت واللي فيه الخير يجدمة ربنا

..............

صباح طلبت من سعاد تعملها كوباية الشاي

سعاد عملت الشاي للحاجة صباح

سعاد :: الشاي ياست صباح

صباح :: حطيه علي الطرابيزه واجعدي عايزاكي

سعاد :: ماشي .. وادي جعدة

صباح :: بجولك ايه ياسعاد انا طاجج في دماغي لو الهام مرچعتش ل چلال وفضلت راكبة دماغها انا هچوز چلال

سعاد :: بس ياست صباح چلال عارف ؟

صباح :: لا ما اتحددتش معاها في الموضوع دية بس اللي في دماغي لازم اعملة .. يا الهام ترچعلة

يا هچوزه ست ستها

سعاد:: وهتچوزيه مين بجي ؟

الحاجة صباح :: ماهو ده اللي انا عايزاكي فيه .. انا عايزاكي تشوفيلي واحدة كدة تكون حلوة. وجسمها فرع وتكون بت ناس

سعاد :: بصراحة مفيش حد جدامي بس هشوف كدي .. بس خدي رائ چلال ولدك الأول

صباح :: مانا مستنية العمدة يجي من بره علشان هو هيجابل الحاج نعمان النهاردة وهيحدتو وهشوف هيرد عليه بأيه

سعاد :: خلاص ياست صباح اللي ربنا عايزه هيكون

......

*** الحاج نعمان بعد ما فطر وعصام وحسين كل واحد فيهم راح شغلة الحاج نده علي الهام ودخل بيها اوضة الضيوف علشان يتكلم معاها

وبعد اكتر من ساعة مع الهام قدر يقنعها بالرجوع لجوزها وان لو حست انة لسة مريض ولسة زي ما هو حالتة متحسنتش

بيت ابوها مفتوح ليها وانة هو بنفسة اللي هيطلقها

الهام وافقت ارجع لجلال بس بشرط انه ياخدها اول شهر ده وينزلوا يقضوه في اي حتة بعيد عن البلد يمكن تقدر تعالج اللي اتكسر جواها من جوزها **

الحاج نعمان قالها :: وانا هخليه غصب عنية لو موافجش ياخدك ويفسحك بره البلد مع اني متوكد انة مش هيرفضلك طلب

الهام : خلاص يابا اللي تشوفوا انا موافجة عليه

الحاج نعمان :: خلاص يومين كدة وانا هخليه يچي ياخدك بنفسة ومش هخليه ياخدك علي دار ابوه لا انا هخليه ياخدك من هنا علي الجاهرة او الاسكندرية

الهام :: لا نروح الاسكندرية انا نفسي اروحها من زمان

الحاج نعمان :: بس كدي .. حاضر يابتي

يلا بجي اسيبك انا عشان اتأخرت علي الأرض هروح اشجر عليها وبعدين هطلع علي المحل

** الحاج مشي وراح قعد مع الراجل اللي اسمة سالم صاحب البيت اللي عايز يشتريه ل ساميه وخلص معاه فعلا وكتبوا عقود البيت طبعا باسم الحاج نعمان وادلة تمن البيت وبعدها راح اشتري شوية خضروات ولحوم وفراخ وشوية فاكهة وراح حطهم في التلاجة بتاعتها وبعدين راح المحل. نده علي الولا عوضين. وقالوا روح بيت الحاجة فاطمة مرات كرم هتلاقي هناك البت سامية عندها

قولها كلمي الحاچ نعمان عايزك ضروري دلوك

عوضين راح نده لسامية ورجع وبعد شوية سامية جت علي ملا وشها **