رواية هنا التقينا الفصل العشرون 20 بقلم ندى محسن
 |
| رواية هنا التقينا الفصل العشرون 20 بقلم ندى محسن |
رواية هنا التقينا الفصل العشرون 20 بقلم ندى محسن
اوتار صحيت على صوت عز جاي من البلكونة استغربت وقربت سمعته بيتكلم مع حد
عز: ابدأو فيه زي مقولتلكوا من دلوقتي وعايزوا مفيهوش غلطة فاهمين
.......
عز: حلو كثفوا العمال عايزو يطلع زي التصاميم بالظبط
اوتار استغرب بس دخلت الحمام خدت شاور خرجت عز سحبها في حضنه: صباحو قمر
اوتار ابتسمت بحب
عز ركز في عيونها: صباح البنفسج
اوتار ضحكت: صباح الخير
عز ابتسم
اوتار: كنت بتكلم مين بقى
عز: ناس
اوتار: منا عارفة انك كنت بتكلم ناس والله اومال معيز
عز ضحك: خليها مفاجأة
اوتار: مفجأة ايه بالظبط
عز ابتسم: مفاجأة يعني متحاوليش تعرفي اي حاجة عنها
اوتار بنظرات نارية: لو اتجوزت عليا هقتلك
عز ضحك بصوته كله: يااااه كويس انك قولتيلي علشان اخاف ومتجوزش
اوتار بصتله بغيظ ونزلت
عز ضحك:الكلام اخد وعطا طيب
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
غرام قاعدة:مجاش من اخر مرة لما مرضيتش يلبسني السلسلة والخاتم
عشق:دا جوزك يا غرام
غرام:انا مش عارفة اعمل ايه
عشق:انتي بتحبيه ومفتقداه
غرام:انا مش...مش عارفة يا ماما ...بعد اذنك انا رايحة الجامعة وخلي بالك من يحيى..
خرجت وعشق اتنهدت بحزن:ربنا ييسرلك امورك يا رب...
غرام دخلت الجامعة وهيثم شافها ابتسم وجري عليها :غرام
غرام اتجاهلته وماشية
هيثم جري وقف قدامها:غرام...حبيبتي..
غرام:انت متتكلمش معايا ولا ليك دعوة بيا اصلآ
هيثم:انا اسف بس دا غيث الكيلاني انا كنت عايزك تعرفي حقيقة سراج لكن غيث هو غير كلامه
غرام بغضب:ابعد عني وملكش دعوة بيا فاهم
مشيت دخلت المدرج بتاعها
هيثم:غرام...انا اسف.....بس لسة بحبك..
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
روز بصدمه:وبعدين....هتعمل ايه
غيث:انتي تفتكري اعمل ايه
روز هزت راسها بنفي:انت مش هتروح
غيث:واسيب ناس ملهومش ذنب يموتوا
روز:ولو روحت....
غيث:مستحيل اخليهم يكملوها
روز:هيقتلوك لو مكنش نادر وجدك هيقتلك الراجل اللي متفقين معاه
غيث حضانها:محدش بيموت ناقص عمر مش كدا
روز هزت راسها بنفي ودموع:مش عايزة اخسرك...ارجوك
غيث:كل كلمة بيقولوها مبتبقاش تحت مسمى التهديد او الخوف لا بتبقى حقيقة يا روز هيقتلوهم فعلاً وكل ذنبهم انهم ساعدونا!
روز بتمسح دموعها:غيث انت مش لازم تسيبني
غيث باس خدها وحضانها بحنان:ابدآ يا روز عمري مهسيبك ابدآ
روز بصتله بدموع:غيث ارجوك كلم الظابط قوله وفهمه يمكن يساعدك
غيث اتعصب:انتي اتجننتي يا روز ظابط ايه اللي اكلمه انتي فاكرة اني كدا هكسب انا هخسر نادر
روز بضيق:نادر مذنب نادر قاتل افهم بقى
غيث سابها وخرج
روز:يا رب انا مش هقدر...مش هقدر اخسره
سراج بيتكلم في التليفون بدهشة:ايه؟؟اكيد انت غلطان ممكن يكون دخل تاني
......
سراج:ازاي يعني انت هتجنني طيب ابعت الصور...
قفل ويحيى ساب التليفون بتاعه وبصله:في ايه؟
سراج:غيث الكيلاني خرج من الڤيلا مع انهم في نفس الوقت كانوا شايفينه داخل القصر؟
يحيى:دا ازاي؟
سراج:معرفش يا يحيى هما غلطوا ولا في ايه
يحيى:غلطوا ازاي يبني يعني هيكونوا اتعموا
سراج:يحيى مش نادر برا مصر؟من بعد قتله لرجل الأعمال راشد الأسيوطي؟
يحيى هز راسه بإيجاب:المفروض ولسة برا مصر
سراج:دا ملوش تفسير غير انه رجع بس امتى وازاي؟ومين اللي اتجوز روز ومين اللي في الڤيلا ومين اللي في القصر
يحيى:صعب ندخل القصر دلوقتي من غير قوات سراج مش غيث خرج من الڤيلا ايه رأيك لو نروح لمراته
سراج:وتفتكر هتتكلم؟
يحيى:متنساش انها نفسها اللي خطفها ويمكن يكون اتجوزها تحت التهديد متستبعدش
سراج هز راسه بإيجاب:يلا بينا...
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
اسلام:هو انتو ليه مبتسمعوش الكلام؟
اوتار:انت عايز ايه يلة انت
اسلام:انتي بتنسي؟
اوتار:يخربيت اللماضة
اسلام قعد على رجليها:عاااااايزززز اعوووووم
اوتار:الجو مش مستقر الجو برد
اسلام:هو انا ليا دعوة؟لا مليش دعوة
اوتار:وانا ليا دعوة؟لا مليش دعوة
اسلام كشر بغضب
اوتار غمضت عينها
اسلام عض ايدها
اوتار فتحت وضربت كتفه بألم:يا غبي
اسلام بصلها ومط شفايفه بحزن وانهار في العياط
عز اتعصب:ايه يا اوتار في ايه بتمدي ايدك عليه ليه
اوتار بضيق:انت مشوفتش يا عز دا عضني
اسلام بصلها بدموع وحضانها وهو بيعيط
اوتار اتضايقت من نفسها وحضنته وهي بتطبطب عليه:معلش حقك عليا وبعدين مضربتكش جامد ومينفعش تعض ماما كدا
اسلام بدموع وشهقات متتالية:اسف
عز شاله باسه وحضنه:بس اهدى بقى يا عم القمر انت عايز ايه بس
اسلام:كنت عايز..اعوم....
عز:من عيوني يا روحي انت تؤمر بس
اوتار بضيق:خليك انت كدا بتمشيله اللي هو عايزو وخلاص
عز:حرام عليكي يا مفترية تضربيه
اوتار بإنفعال:دا عضني يا عز ومضربتهوش جامد
عز بسخرية :لا كنتي تضربيه جامد
اوتار عضت شفايفها بغيظ:خليك كدا تزعله مني
عز:ملكيش دعوة بيه محدش يمد ايده عليه دا اخر العنقود دا حبيبي وحياتي دا
اسلام ضحك
عز:يلا بقى نعوم سوا من هنا لبكرا
اسلام ضحك وحضنه:يلااااا
عز ابتسم بص لأوتار اللي بصالهم بغيظ وغمزلها وخرج
رشا ضحكت
اوتار:هيجننوني انا خلاص هتجنن فعلاً
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
الباب خبط وروز فتحت شافت سراج قدامها قفلت بسرعة بإستغراب مين دا!
يحيى:مالها دي؟
روز بسرعة لبست الحجاب بتاع الأسدال وسراج خبط تاني:افتحي
روز:غيث مش موجود انتو ..مين
سراج:سراج المنشاوي...المقدم سراج المنشاوي افتحي
روز بقلق:بس..غيث مش هنا
سراج:عارف وعايز اتكلم معاكي
روز بتردد فتحت
سراج بصلها وبص ليحيى
يحيى:لو تسمحي ندخل نتكلم معاكي ممكن؟
روز هزت راسها بنفي :جوزي...مش هنا .....
سراج اتعصب:عارفين ان الحقير دا مش هنا عايزين نتكلم معاكي ومن واجبك تساعدينا
روز بصت لسراج بغضب وهتقفل الباب سراج زأه بعنف اتخبطت جامد وغصب عنها وقعت
يحيى بص لسراج بغضب:اهدى دي مش طريقة
روز بألم وقفت:اطلع....برا ....
سراج افتكر لما غيث استفزه بغرام وازاي غرام كانت بتعيط لما كلمته يومها
يحيى:مدام روز...ارجوكي خليكي متعاونة معانا
سراج سحبها بعنف وهو ماسك دراعها بغضب:تعرفي ايه عن غيث الكيلاني
روز بصت لأيده بغضب وزأته وبعدت بخفوت:اطلعوا برا...انتو..مش من حقكوا...تدخلوا...جوزي مش موجود
سراج ابتسم بتهكم:جوزك هو انتي فرحانة بالكلمة الجديدة ولا ايه
قاطع كلامهم سراج اللي وقع في الأرض بسبب ركل غيث ليه
روز بصتله وجريت استخبت فيه بخوف وهي بتعيط
غيث بيطبطب عليها وبيهديها:خلاص بس خلاص اهدي بس انا هنا
روز منهارة في العياط
سراج باصصله بغضب وهو واقف وبيحاول نظراته تكون باردة اتكلم بنفس نبرة غيث:مش هتتخيل ازاي كانت ناعمة
غيث نظراته اتحولت لعتمة من الأزرق الصافي للضلمة المهلكة وفجأة كان سايب روز وهاجم على سراج اللي كان بيصد لكماته وبيردله اللكمات
يحيى بغضب زأ غيث اللي لكمه بعنف وخرج سلاحه وجهه على سراج
روز اتصدمت وبصتله بصدمه
غيث شد اجزاءه وخلاص هيضرب روز وقفت قدامه بصلها بحدة:ابعدي
روز بدموع هزت راسها بنفي:وحيات اغلى حاجه عندك بلاش
مسكت السلاح من ايده:غيث بالله عليك اهدى
سراج خرج السلاح وبسرعة كان ضارب ويحيى زأه وروز في حضن غيث وماسكة السلاح منه عيطت بإنهيار:هو معملش حاجه...دا اخوه....هو معملش حاجة
غيث:رووووووز
يحيى بص لسراج وهما خلاص اتأكدوا ان نادر رجع بس ازاي وهما معندهمش اي خبر؟
سراج فكر انه اكيد زور ورق
يحيى:نادر كامل الكيلاني اممممم هي بانت
سراج ابتسم:يا ترى بقى انتي اتجوزتي مين فيهم؟
روز مبصتلوش وهي دافنة وشها في غيث وبتعيط بخوف
غيث بغضب:كلامك معايا انا يلة انت
سراج بتهكم:يلة؟
روز ارتجفت ومسكت في غيث اللي كان هيهجم عليه:غيث....متبعدش...عني...انا...ت.....
حس بيها جسمها بيتقل بين ايده:روز
روز بصتله بتوهان:م...تبع...دش..ارجو....
قبل متكمل كلامها كانت وقعت بين ايده اتصدم ونظراته اتحولت للخوف المبالغ فيه بقى بيحركها:روز...حبيبتي...حبي..بتي....فوقي.
شالها حطها على الكنبة:روووز فوقي في ايه حبيبتي مالك...روز فوقي روز.....
يحيى جابله ميه
غيث بصله بغموض خد المية وبيحاول يفوقها:حبيبتي فوقي
روز فتحت بتعب
غيث ابتسم وبينفخ في ايدها يدفيها
سراج بص لغيث وبص لسراج اللي باصله بدهشة
غيث بصلهم بغضب:لو حصلها حاجة هقلب حياتكوا جحيم....فااااااهميييييييييين
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
عز شايل اسلام وبيخليه يعوم
اسلام رش على عز مية
عز:بقى كدا!
اسلام ضحك
عز سابه في المية وبعد واسلام بيعوم بقلق ومازال بيضحك
اسلام:تعالى
عز وقف عند البسين:تعالى انت
اسلام بيعوم بسرعة
عز:شاطر شاطر يلا براڤو ايوا يا جاامد
اسلام قرب وعز شاله:اوبااااااا دا ايه القمر دا
اسلام ضحك عز ابتسم وباس خده :الا قولي يا شقي يا صغنن انت نفسك تبقى ايه لما تكبر
اسلام بصله:ابقى ايه
عز:اممم فكر
اسلام بص لعز بخبث وضحك:هبقى زي ماما
عز:نعم يا اخويا
اسلام:هقعد في البيت مع ماما واعوم ومش هشتغل
عز:مهي باينة من اولها
رماه في المية وضحكوا
رشا بصالهم من بعيد ومبتسمة وهي بتراقبهم عز شافها ولاحظ نظراتها ابتسم وقرب وهي بصتله وبصت لصدره العريان بعدت نظرها بخجل واتكلمت بخجل:ماما اوتار بعتاني...اقولكوا الأكل جاهز
عز شالها وهي شهقت بصدمه :عععز
عز ضحك وهي بصتله وايده محوطاها ومشي ناحية البسين
اوتار استغربت وهي شيفاهم من جوا من ورا الإزاز
رشا:نزلني.....
عز رماها في البسين وهي شهقت بصدمه
اوتار اتضايقت وخرجت
عز ضحك:عومي معاه بقى
رشا بصت لعز بضيق وهتخرج وقف قدامها ومدلها ايده وهي هطتلع نزلت تاني
عز :ايه رأيك عجبك
اوتار:ايه اللي انت عملته دا يا عز وبعدين انت واقف كدا ازاي
عز:مالك يا اوتار في ايه كنت بعوم انا واسلام
اوتار:اطلعي
رشا بصت لأوتار بقلق
اوتار:اطلعي يا رشا
رشا بخفوت:هدومي مبلولة..وهي بيضا......
اوتار مفهمتش بس شافت رشا محاوطة نفسها بصت لعز بضيق:ممكن تدخل
عز:هو في ايه انتو مالكوا احنا كنا بنهزر!
اوتار دخلت بضيق
عز مدلها ايده واتنهد بضيق من ترفات اوتار:تعالي يا بنتي
رشا بعدت
عز:رشا مالك؟
رشا مش بصاله واوتار قربت بالروب وبصت لعز بضيق وهو بعد
رشا طلعت واوتار لبستهولها
اوتار حضنتها:يلا يا حبيبتي تعالي غيري وملكيش علاقة بهزارهم التقيل دا
بصت لعز بغضب ودخلت رشا
عز:انا مش فاهم في ايه بجد؟تعالى يا حبيبي
شال اسلام ودخل يلبسه
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
غيث حكالهم كل حاجة
سراج:يعني نادر كان موجود هنا يعني دخل بهوية مش حقيقية
غيث بحدة:نادر ملوش علاقة بأي حاجة حصلت رجل الأعمال المحترم اللي بتتكلموا عنه دا هو كان بيتعدى حدودة مع الستات وخصوصآ مع الموظفين بتوعه وبيستغل منصبه وتقدر تتأكد من الكلام دا وفي اجتماع بينه وبين نادر لما كانت ايمان معاه ايمان مراته ولما كان نادر بيتكلم في التليفون الحيوان دا استغل الفرصة واتطاول عليها ونادر بدوره ضربه وانتهى الشغل بينهم
يحيى:وبقى نادر يدمرله اي صفقة يدخلها لحد مفلس
غيث:وبعد منادر عرف ان ايمان ماتت خلاص وكل شيئ انتهى حاول راشد يقتله ونادر وقتها كان قدام القصر وجه عليه المسدس وكان بيهدده ومحدش عارف ايه اللي حصل فجأة الراجل وقع غرقان في دمه
سراج:محدش يعرف ايه اللي حصل؟نادر قتله
غيث:نادر اي حاجة عملها كانت بسبب رأفت الكيلاني
سراج:دا ميمنعش انه مذنب قانونيآ
غيث:القانون ساعات بيظلم مش بينصف
سراج:انت عارف فين العملية
غيث بصلهم وهو بيفكر في نادر
سراج:مرات نادر عايشة فين؟
يحيى:انت لازم تقولنا ولازم نساعد بعض دا واجب علينا وعليك
غيث بصلهم وبص لروز اللي قاعدة جنبه وهزت راسها بإيجاب ونظرات ترجي في عيونها
غيث:على شرط
سراج بصله ومستنيه يتكلم
غيث:نادر مفيش حاجة هتأذيه
سراج ويحيى بصوله بعدم تصديق
غيث:دا الشرط الوحيد نادر مفيش حاجة تيجي عنده
سراج:دا مجرم
غيث:انا قولت اللي عندي نادر ملوش ذنب في حاجه
يحيى:هو قتل
غيث:لو حصل مكانش بإرادته كان غصب عنه
سراج:اتكلم
يحيى بص لسراج بإستغراب هو وافق انه يحمي نادر ويتعاون مع غيث؟؟؟؟
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
اوتار بغضب:عز انت ازاي بتفكر هي نفسها اتكسفت منك وهدومها البيضا بقت شفافة بسبب المية
عز اتعصب:كله بسببك انتي وسبب كلامك انتي فكراني عيل ولا ايه مبطلتيش زن على ودانها حرام تتكلمي مع عز غير بحدود حرام يحضنك حرام تقربي منه انتي مالك ومالها
اوتار بصتله بعدم تصديق:انت انسان قذر
عز اتعصب:اوووتااااار الزمي حدودك
اوتار:الزم حدودي؟؟وانت ملكش حدود؟انت كذاب واناني انت لو معتبرها بنتك مكنتش هتقول كدا كنت هتعلمها الصح والغلط والحلال والحرام مكنتش هتتكلم بالطريقة دي
عز:مش انتي اللي هتعلميني الصح والغلط يا اوتار فااااهمه انا عاقل وفاهم هي كانت باصة وانا بلعب مع اسلام وكانت مبتسمه كانت مشتاقة لأبوها وبمنتهى السهولة انا قدرت افهم واشوف اللي انتي ولا قادرة تفهميه ولا تشوفيه قربت شيلتها ورمتها في المية وحبيت اخليها متفكرش في حاجة مش هتعرف ترجعها عملت ايه انا
اوتار بصاله بضيق:انا قرفت
عز اتعصب:انا اللي قرفت المفروض اقدملك تفاصيل عن ادق تفكير ممكن افكره اوتار انا مش صغير انا فاهم وعارف انا بعمل ايه كويس
اوتار:انت مش فاهم حاجة ولا عمرك هتفهم انت لو رشا دي بنتك هترضى حد يشيلها كدا ويرميها في المية ويبقى معاها زي منت مع رشا كدا
عز بصلها وسكت
اوتار:متتكلم لو انت معتبر دي بنتك فعلاً
عز:لا مش هرضى حد يقرب من بناتي لأني مش ضامن تفكير حد بس انا واثق في نفسي وفي تفكيري
اوتار بصتله بضيق وحزن
عز خرج تليفون اتصل بفلورا وحور وسراج ويحيى وقال انه عايزهم كلهم عندن النهاردا....
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
غيث مسك ايد روز:انا عارف انهم لما يبعدوني هيكون قدامهم فرصة لو عايزين يخلصوا منها علشان كدا انتو لازم تخفوها لازم متظهرش لحد فيهم
سراج:انا هشدد الحراسة على بيتي تقدر تيجي تقعد فيه لحد مالمهمة دي تخلص مع امي ومع بابا
غيث اتردد وبص لروز
روز:هو....انت هتسافر طيب...قد ايه....
غيث باس ايدها:انا مش هتأخر
روز هزت راسها بإيجاب وهي ماسكة في ايده
غيث:لو حصلها اي حاجة اعتبروا الأتفاق بينا ملغي
سراج هز راسه بإيجاب
يحيى:يلا بينا على البيت نشوف باباك و علشان نلحق نستعد للسفر ونوصل الخبر للقيادة
غيث:بس لازم تخلوا بالكوا في من القيادة نفسها ناس مع رأفت الكيلاني ابسط نموذج هو احمد
سراج هز راسه بإيجاب وبص لغيث :متأكد ان دا كل حاجه
غيث هز راسه بإيجاب:دا فعلآ كل اللي اعرفه ويمكن ما خفي كان اعظم ايمان مش صح تظهر دلوقتي لأن رأفت الكيلاني مش هيسيبها في حالها...
سراج هز راسه بإيجاب ووقفوا:احنا هنمشي
غيث هز راسه بإيجاب وهما خرجوا
روز حضنته:غيث انت كويس؟
غيث هز راسه بإيجاب وهو واخدها في حضنه:انا كويس
روز باست خده وحضنته
غيث:كل حاجة هتكون كويسة
روز:بإذن الله...
غيث:بإذن الله انتي كلتي
روز:لا منت خرجت وسيبتني
غيث باس ايدها:طيب يلا ناكل يا قمري
روز:حاضر
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
فلورا قاعدة ماسكة ديما
اسلام مد لديما ايده وهي اترمت عليه وفلورا مسكتها:لاااا
اسلام كشر:هاتيها انا خالها اصلا
فلورا:يا واد انت اهدى بقى دي لسة صغيرة
ديما:ديما عايزة تلعب مع اسلام
فلورا:طيب يختي روحي العبي خلي بالك منها
اسلام:لا هي تخلي بالها من نفسها
حور ضحكت وكارما نزلت من على رجليها راحتلهم تلعب معاهم
يحيى وسراج دخلوا: في اي
فلورا: في ايه
سراج: متجمعين يعني وبابا اتصل بينا ليه
حور: علمي علمك
فلورا شافت رشا نازلة ملامحها اتبدلت للقرف: بتعمل ايه هنا دي
سراج بصلها بإنتباه
رشا وقفت مكانها
عز نزل ووراه اوتار:ايه يا فلورا بتعمل ايه هنا دي؟
فلورا بصتله بضيق ووقفت:ديييمااااا اسلام هات ديما هنا
عز وقف قدامها:انتي مالك في ايه حد كلمك لسة اقعدي
فلورا:لا مش هقعد واذا كانت ماما قابلة تعيش في الوضع المهين دا فأنا مسمحش اني اقعد فيه ولو حتى دقايق چيمس خلاص جاي وهروح
عز اتعصب:ممكن تقعدي علشان نتكلم
فلورا بصتله بنظراتها النارية وعيونها اللي اتبدلت للعتم:مش هقعد هنا وخلي الأنسانه المقرفة دي هي اللي تعوضك
رشا بصتلها والدموع اتجمعت في عينها
يحيى لاحظ وهو بيراقب ردود افعالها
عز مسك ايد فلورا:فلورا دي مش طريقة اهدي
فلورا نطرت ايده من على ايدها بعنف والكل اتصدم من تصرفها العنيف
اوتار كانت ساكته تمامآ
عز بصلها بغضب وهو بيحاول يتماسك اعصابه:اقعدي....
فلورا:انا لا عايزة اقعد ولا كنت هاجي اصلآ
هتمشي شدها بعنف:انا قولت اقعدي فتقعدي وتسمعي كلامي للأخر
فلورا:مش هسمع كلام واحد زيك
اوتار برقت بصدمة والباب في نفس الوقت خبط ويحيى راح يفتح
عز هز راسه بعدم تصديق:واحد زيي؟
في لحظة كان ضاربها بالألم توازنها اختل ووقعت في الأرض وهي بتتألم دراعها اتخبط جامد وانفها وشفايفها بينزفوا اثر الضربة بتاعته
چيمس جري بسرعة عليها وهو مش فاهم في ايه يخلي عز يضربها ساعدها تقف بحنان:حاسبي انتي كويسة؟
فلورا دفنت وشها فيه:مشيني...من..هنا
چيمس بصلها:حاضر حاضر اهدي بس اهدي
عز هيسحبها چيمس زأ ايده بحده والكل متفاجأ ايه اللي بيحصل
عز:انت اتجننت يلة انت؟
چيمس باصص لعز بحده:مراتي مقبلش اي حد يمد ايده عليها مهما كان مين
عز:لا انت شكلك اتجننت بجد
چيمس بصله بإستحقار ومشي بفلورا شال ديما
عز اتعصب اكتر وراح شد فلورا خلاها تبصله:خلاااااص من وجهه نظرك خلاص بقيت انا الوحش؟انا دلوقتي اللي بتستحقريه يا فلورا وعلشان كلام الغبي دا وصلهولك قالك ايه هااا قالك اني كنت حاضن رشا قالك ايه
چيمس سحبها وراه:ملكش دعوة بيها انت علشان كدا مديت ايدك عليها؟؟
عز مسكه من ياقة قميصه:چيمس انت ملكش دعوة انا بتكلم مع بنتي
چيمس:دي مراتي ومسمحش حد يقرب منها ولا يمد ايده عليها
عز بغضب هيقرب منه اوتار وقفت قدامه واتعصبت:ععععععز مخلاااااص بقى هو فيه ايه انت عايز ايه مجمعهم علشان تثبت انك الشريف اللي مفيش منه مخلااااص يا اخي بقى الكل عارف ان علاقتك مع رشا اتعدت الحدود وانت مبتثبتش عكس كدا انت بتتصرف بهمجية
عز بص لأوتار بغضب:مش عايز كلمة منك انتي بالذات
رشا عيطت غصب عنها:مفيش حاجة حصلت وهو...هو متجاوزش حدوده معايا هو انتو ليه بتعملوا كدا
عز:رشا اهدي
يحيى باصصلهم وساكت بضيق
رشا لاحظت نظراته وهتخرج عز مسكها:انتي رايحة فين؟؟
رشا بتبعد ايده:انا سبق وقولتلك هسافر وانت منعتني علشان صعبت عليك سيبني امشي علشان بجد انا تعبانة انا مش هقدر استحمل دا انت بتعاملني على اني بنتك بس هما مش هيفهموا دا
چيمس بيمسح الدم اللي على شفايف وانف فلورا بحب وهو متعصب من عز
عز:رشا مش هتمشي
رشا بعدت ايده:شكرا على كل حاجة عملتها...بس انا مش هقدر اكمل او اتحمل صدقني
عز:رشا انتي بنتي
رشا:انا مش بنتك......
يحيى:هو في ايه احنا مش قولنا الفرح بعد اسبوع رشا لو مضايقك القعاد هنا انا ممكن اخدك اي مكان تاني عادي لحد منعمل الفرح بعد بكرا هتكوني براتي بكرا نكتب الكتاب ايه رأيك
رشا بصتله بدهشة
سراج بصله بإستغراب ميقلش عن استغراب اللي حواليه
رشا بصاله بدموع:يحيى
يحيى وقف قدامها:لو تحبي اخدك خلاص هاخدك من هنا حالآ
رشا بدموع هزت راسها بنفي
اوتار باصة لعز نظرات بتوجههاله هو مش قادر ولا عارف يفسرها
عز اتنهد:ممكن كلكوا تهدوا وتقعدوا هقولكوا كل حاجة علشان حقيقي الموضوع زاد عن حده
قعدوا بضيق وعز حكالهم كل حاجة من ساعة مأبوها وامها ماتوا في حادثة وحكاية عمها وابنه اللي بيتعرضولها وعايزين يأذوها بأي طريقة علشان ياخدوا ورث وفلوس هما ميستحقوهاش ولا ليهم نصيب فيها
يحيى:وقررنا نتجوز علشان بالطريقة دي محدش هيتعرضلها
حور:مش انت كنت خاطب؟
سراج:خلاص دا حوار راح لحاله
فلورا باصة لعز وساكته
عز بص لچيمس:انا مش فاهم شوفتنا امتى ولا شوفت ايه ولو في حاجة بيني وبين رشا من كل عقلكوا كنت هجيبكوا قدامها ولا كنت هوافق يحيى يتجوزها انا قولت اللي عندي ومكنتش مطالب ارد على اتهاماتكوا دي اصلآ انا خلصت كلامي وانت يا يحيى انت ورشا شوفوا هتقرروا ايه
اوتار:انا قررت.......
عز بصلها
اوتار:عز طلقني
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
غيث منيمها في حضنه :بحبك
روز ابتسمت ودفنت راسها فيه:انا اللي بحبك وبموت في كل حاجة فيك يا غيغو
غيث خلاها تبصله واتكلم بتحذير:يا ايه؟؟
روز:يا غيغو ايه يا غيغو مهو حلو
غيث:حلو بقى كدا؟
روز ضحكت:اه
غيث بيقرب وهي زأته مسكها:على فين يا حلو انت
روز ضحكت:غيث انا زهقت من قعدتنا هنا بقى ايه يا غيث هنفضل قاعدين في الأوضة
غيث:لا صح مينفعش تعالي ندخل الحمام
سحبها وهي بتضحك بغلب:يا حبيبي يا نور عيني يا قلبي انت انا زهقت
غيث:يا حبيبتي يا نور عيني يا قلبي انتي مجربناش الساونا
روز ضحكت ودخلوا الساونا وهي استرخت وهو مبتسم وباصصلها
روز:بتبصلي ليه
غيث هز راسه بنفي وابتسم بحب:ولا حاجة بتخيل بس لو مكنتيش في حياتي كنت هعمل ايه؟
روز ابتسمت :تعرف اني بحبك جدا انا بحبك بجد يا غيث بشكل غريب مش عارفة اوصفه
غيث ابتسم وقرب حضانها:ربنا ميحرمنيش منك
روز:على فكرا المفروض نخرج بقى علشان نصلي المغرب
غيث هز راسه بإيجاب:حاضر يا حبيبتي يلا بينا وكمان علشان عايز اديكي حاجة
روز:حاجة ايه؟
غيث:لما نطلع هقولك
روز ابتسمت وهزت راسها بإيجاب
للكاتبة/ندى محسن ♕Noody♕
متابعة لصفحتي هنا
عز باصص لأوتار وساكت
اوتار بصوت مهزوز:طلقني يا عز
الكل كان متفاجأ ان اوتار بتطلب الطلاق فجأة كدا
عز حاول يبقى هادي واتكلم ببرود:لو هتمشي من هنا هتمشي لوحدك مش هتاخدي معاكي حاجة واسلام هيفضل هنا يا اوتار
كلامه كان صدمة ليها هو حتى محاولش يتمسك بيها!
عز باصصلها بغموض:هتختاري ايه ؟
اوتار........
تعليقات
إرسال تعليق