رواية أحببتها صعيدية الفصل الاول 1 نور الدين جلال

رجال البلد واغناهم فقد كان فاحش الثراء ولديه عددة محلات لبيع العطارة غير الأراضي والبهايم اللي عنده

المنزل .. يشبه القصر وكان يضم افراد عائلتة وابن اخوه احمد كان مسافر المانيا

الدور الأرضي عصام ومراتة اللي مخلفة ولدين امير وعمر

واللي علي اليمين بتاعة حسين ومراتة اللي مخلفة بنتين سهيلة .ونرجس

وفي النص السلم والصالة كبيرة فيها صالون وانتريه وسفرة بيتجمعوا كلهم عليها

والدور الأول كلة بتاع الحاج نعمان اللي فيه اوضتين اوضة بتاعة الحاجة امينة واوضة مراتة التانية فتحية

والدور التاني فيه بناتة التلاتة

والدور التالت مجهزة ل للدكتور احمد واوضة مخليها مفروشة وفاضية للظروف

البيت في وسطة جنينة كبيرة وفي الزريبة اللي فيها البهايم علي الشمال وعلي اليمين اوضتين اوضة مربين فيها الطيور

والاوضة التانية كبيرة عاملينها مخزن بيخزنوا فيها البضاعة بتاعة المحلات

ومخزن كبير مبني جنب البيت بيحطوا فيه المحاصيل بتاعة الأرض قبل ما يبعوها لتجار الجملة اللي بتيجي من القاهرة مخصوص علشان تشتري زرعة الحاج نعمان

وفيه كمان جراچ وده له بوابة تانية بتدخل منة العربية المرسيدس بتاعة الحج وعربية عصام .. وحسين مكنش غاوي سواقة علشان كدة مجبش عربية

الحاج نعمان .. رجل في الخمسين .. وزوجتة الحاجة امينة في نفس عمره او تقل عامان

وزوجتة الثانية فتحية .. كانت تعمل خادمة لديهم في المنزل .. وتزوجها بعد ان وقع في غرامها رغم خلافة من ابنائة

حسين وعصام وبناتة .. الهام .. ونعمة .. اش اشواق ..

حسين متزوج من اسماء ..

وعصام متزوج من زينب.

اشواق مخطوبة ل احمد ابن عمها من وهم عيال صغيرين

واختها الهام مخطوبة ل جلال ابن العمدة مصليحي

والكبيرة نعمة جوزها مسافر العراق ومحدش يعرف عنة حاجة

................................... .......

زغاريط وافراح في منزل الحاج نعمان احتفالا بعودة الدكتور احمد ابن اخوه الحاج نعمان وخطيب ابنتة اشواق من المانيا بعد ان اتم دراستة وحصولة علي الدكتوراه بالخارج وتخصصة في النسا والولادة

الحاجة امينة :: هي طيارة احمد هتوصل امتي يا حاج نعمان

الحاج نعمان :: انا بعت حسين ابنك وعصام

يروحوا يستقبلوه في المطار

الحاجة امينة :: والنبي اني كان هاين عليا اروح بنفسي استقبلة لحسن الولاا ده وحشني جووي يا حاج

الحاج :: اهو كلها خمس ست ساعات وتلاجيهم داخلين علينا

الباب خبط

الحاج نعمان:: .. مين ؟

زوجة الحاج نعمان الثانية فتحية :: انا يا حاج نعمان

الحاجة :: ادخلي يا فتحية

فتحية :: الولا عوضين بره وبيجولك الچزارين دبحو العچل بتاع الليلة وفاضل ال عچلين اللي هتوزع لحمتهم نية وبيجولك يدبح العچلين دلوك ولا يستني علي ما الداكتور احمد يوصل بالسلام

الحج نعمان :: لا دول يدبحوا تحت رچلين الداكتور .. خليه يستني لما الداكتور احمد ابن اخويا يجي بالسلامة

ونبهي علي الواد شعبان خليه يشوف الجماعة اللي بتعمل الاكل بتاع الليلة اللي هتتعمل واذا العچل مكفاش ياخد من اللحمة بتاعة العجلين اللي هيدبحوا .. انا عايز البلد كلها تاكل وتتبسط

فتحية :: طيب يا خويا انا بچي هروح اقولة وبعدين ادخل ادبح كام جوز حمام علي ديك رومي كدة لسي الدتكتور

الحاج نعمان :: ماشي وخلي البت نعمة هي والبت زينب مرات عصام تساعدك

فتحية :: ماشي ياخويا تؤمرني بحاچة تانية

الحاج نعمان :: ايوة شوفي كدة اسماء خلصت ترويق الدور الفوچاني اللي هيقعد فيه الداكتور ولا لسة .. لحسن انا عارفها بت لكعية اوي

فتحية :: حاضر ياحاج .. بالأذن انا

الحاجة :: امينة :: تعيش ياحاج ودايما كدة مفرح اهل البلد

الحاج نعمان :: ولسة يا امينة .. دانا عاملة ليلية هيتحاكي بيها اهل البلد كلهم

الحاجة امينة :: هههههه امال ايه هو احنا عندنا كام داكتور .. هو داكتور واحد بس

..........

فتحية :: ينيلك يا اسماء انتي لسة مخلصتيش؟

اسماء :: وانا اعمل ايه .. ما انا شغالة اهو بأيدي وسناني

فتحية :: طب شهلي كدة لحسن لو الحج عرف انك لسة مخلصتيش هيخرب الدنيا

اسماء :: الا چوليلي يابت يا فتحية متعرفيش الحاج نعمان اشتري العيادة الچديدة بتاعة الدتكتور احمد فين في البلد

فتحية :: وانا اعرف منين بس هو انا كنت معاه وهو بيشتريها

اسماء :: ايهيي بچي عليا انا الكلام ده يابت

بقي انتي متعرفيش .. اشحال لو مكنتيش واكلة دماغة وخلتيه اتچوزك يابت

فتحية :: خليكي كدة انتي ارغي لغاية ما نلاچي الدكتور وصل واحنا معملانش حاچة

انا سيباكي ونازلة

...........

نعمة :: بت يا اشواق انتي هتچابلي خطيبك بالچلبية دي

اشواق :: مالها بقي الچلبية دي

نعمة :: روحي يابت البسي الجلبية اللي جبنهالك اولت امبارح

اشواق :: انا مش عارفة اعمل ايه ولا ايه انا حاسة اني متلخبطة كدي والدنيا فوج راسي

نعمة :: من حجك ياختي ما هو حبيب الجلب

جاي كمان شوية

اشواق :: شكلي كدة حلو يابت

نعمة :: طب حطي احمر واصفر

اشواق :: يالهوي يا نعمة انتي عايزة ابويا الحاج يجتلني

نعمة :: هههههه ولا هيجتلك ولا حاجة.. ده حتي ابويا بيحب احمد جووي وبيتمنالة الرضا

اشواق :: فكرك كدي .. طيب انا هحط بس حاجة خفيفة كدي

نعمة :: ايوة كدة يابت يا اشواج لحسن احمد جاي من بلاد الخواجات وهناك البنات كلها حاطة ايشي احمر وايشي اصفر واحنا مش اجل منهم يابت

اشواق :: ههههههههههههههه واحنا هنيجي ايه جنب بنات بلاد بره يانعمة

.............................

عصام :: حمدلة بالسلامة ياواد عمي

احمد :: الله يسلمك يا عصام .. ازيك ياحسين

حسين :: انا بخير يا واد عمي .. بركة انك رچعتلنا بألف سلامة

احمد :: ربنا يخليك .. طمني علي الحاجة والحاجة وزوجاتكم

عصام :: كلهم بخير ومستنظرينك كلهم في البيت الكبير

حسين :: ده الحج في البيت مستينك من صباحية ربنا وعاملك ليلة انما ايه .. كل ده بمناسبة رچوعك ياواد عمي

عصام :: امال ايه يا حسين هو احمد ابن عمنا ده شوية .. ده راجع من بلاد بره ومعاه شهادة جد الدنيا ورجعلنا داكتور

* خرجو بره المطار وركبو عربية عصام وبدأو يتحركو من القاهرة للبلد والمسافة بتاخد تقريبا تلات ساعات

شكل مصر كلة اتغير ولانة مسافر من سنين طويلة كان طول الطريق بيتفرج علي البلد من زجاج العربية

....................

العمدة :: يا ساتر

الحج نعمان :: اتفضل ياحاج نعمان هو انت غريب

العمدة :: ازيك يا حاج نعمان

الحج نعمان :: بخير ياعمدة .. بجي كدي يا راجل ياعجوز انت محدش بيشوفك عندنا غير لو فيه مناسبة

العمدة :: مشاغل يا حاج مانت عارف العمودية وجرفها

الحج نعمان :: ايوة ربنا يعينك .. امال چلال فين

العمدة :: جاي ياحاج بس بيطلع العچل في عربية نقل وجاي

الحج نعمان :: عچل ؟ ليه بس كدة ما خير ربنا كتيير وفيه اتنين عچول بره

العمدة :: مفيش حاجة تكتر علي سي الداكتور

الحج نعمان :: تاكل دلوكت ولا هتستني الداكتور وتاكل معانا

العمدة :: لا انا هستني اللمة

الحج نعمان :: بت يا الهام

الهام:: ايوة يا يابا جاية اهو

تعالي يابت سلمي علي عمك الحج مصيلحي واعمليلنا دور شاي

الهام:: ازيك ياعمي

العمدة :: ازيك انتي ياعروسة ابني ياغالية

الهام:: كويسة ياعمي .. هو چلال مجاش معاك

الحج نعمان :: زمانة جاي .. روحي يلا اعملي لينا الشاي

الحجة امينة :: يا اهلا يا اهلا ازيك ياعمدة

العمدة :: ازيك انتي يامرات اخويا الغالي

الحجة امينة :: في نعمة يا عمدة .. ازيك وازي مراتك. صباح .. الا بالحق هي مجتش معاك ليه

اشواق :: الشاي

الحج نعمان :: حطي الشاي علي الطربيزه وادخلي ساعدي مرتات اخواتك

العمدة :: هتيجي بس شوية كدة مانتي عارفة انها علي طول في الدوار وبتحب تعمل كل حاجة بأيدها مع اني جايب اللي يخدمها يا امينة ياختي

الحجة امينة :: ههههههه ايوة عارفة انت هتجولي

الحج نعمان :: مراتك دي ست طيبة اوي ياعمدة وماعليك عليا حلفان الحجة بتعزها اوي اوي

العمدة :: الجلوب عند بعضيها... اهو جلال وصل

الحج نعمان :: ازيك يا جلال يابني

جلال :: الحمد لله .. ازيك انت ياعمي وازيك يامرات عمي

امينة :: بخير يابني

العمدة :: نزلت العجل وحاسبت السواج يا جلال

جلال :: ايوة يايابا متحطش في بالك انت

كلة مشي زي مانت عايز واكتر

امينة :: والله ماكان له لزوم كل ده

الحاج نعمتن :: جولتلة .. نعمل ايه بقي اصل العمدة صاحب واچب من يومة

ضرب النار اشتغل بره

الحج نعمان :: دول بيناتهم وصلوا

الكل جري علي بره والزغاريط بقي ياما

وكان فيه طبل بلدي جايبنها من اول البلد لغاية ما وصلوا للبيت الكبير

والكل بقي بياخد الدكتور احمد بالأحضان

وكل افراد البيت خرجوا استقبلوه بره البيت

الحج نعمان نده علي الجزارين ودبحوا التلات عجول في حضور الدكتور احمد ووزعوا اللحمة علي اهالي البلد

احمد :: اللي انت عاملة ده كتير اوي يا عمي

انا لو كان ابويا وامي عايشين مكانوش عملوا اللي انت عملت واللي لسة بتعملو علشاني

الحاج نعمان :: متجولش كدة وبعدين مانت ابني مانا اللي مربيك من وانت لسة عيل صغير

احمد :: طبعا طبعا ربنا يخليك لينا وميحرمناش منك يارب

الحاج نعمان :: طب يلا ندخل احسن مستنينا جوه والحاجة امينة هتموت وتشوفك

العمدة :: وانت كدة يا احمد هتمارس علي طول الطب ولا فيه اچراءت هتعملها

احمد :: انا خلاص ياعمدة اخدت الدكتوراه

اجرءات ايه .. بس هستني شوية اشوف الوظيفة هتعين في انهي مستشفي

الحاج نعمان :: بقي ده اسمة كلام يا داكتور

وظيفة ايه ومستشفي ايه .. عيادتك ماهي موچودة يا بني

احمد :: عيادة ؟ عيادة ايه

العمدة :: ماهو الحاج نعمان اشتري بيت صغير كدة غرب البلد وهيعملهولك عيادة شاملة

احمد :: ايوة ياعمي بس انا محتاج للوظيفة الحكومية

الحاج نعمان :: بجا ده اسمة كلام يا احمد بجا تبجي الداكتور احمد ابن اخويا وتشتغل في مستشفي حكومي دي تبجي عيبة اوي في حجنا

دخلو البيت والزغريط من حواليهم والحاجة امينة جت سلمت علية وخدتة بالحضن اكمنة زي ابنها ومربياة من وهو عندة عشر سنين

الحاجة امينة :: وحشني جووي يا احمد.. عيني عليك باردة

احمد :: وانتي كمان ياحاجة وحشاني اوي اوي

فتحية :: ازيك يا سي احمد

احمد :: اهلا يا فتحية

فتحية :: اهلا .. طيب

اهل البيت كلهم بحريمهم ورجالتهم قعدوا مع احمد والكل بيسألة وبيطمن عليه

و اشواق قاعدة بتبصلة ومكسوفة

احمد :: ازيك يابنت عمي .. ايه مش بتتكلمي وقاعدة ساكتة

فتحية :: مكسوفة يا سي احمد

احمد بصلها كدة ..

و اشواق قالتلة لا ابدا. .. اخبارك ايه

الحاج نعمان :: طيب ايه مش هتأكلي خطيبك ولا ايه. احنا جعانين

احمد عمل نفسة مش واخد بالك من الكلمة اللي قالها عمة

الحاجة امينة :: الأكل معمول من الصبح

يلا يابنات طلعوا الأكل يلا الرجالة علي لحم بطنها من الصبح

اتلمت العيلة كلها علي السفرة واحمد من زمان جدا حوالي عشر سنين من يوم مسافر المانيا علشان تعليمة وكان كل سنة ينزل اجازة ومكنش بيتجمع معاهم غير شهر في السنة

بعد ما الرجالة اتغدت وشربوا الشاي الحاج نعمان اخد احمد والعمدة وولادة حسين وعصام وطلعوا راحوا الليلة اللي معمولة بره البيت

وكان جايبين اشهر مطربين في البلد .. ورقص حصان علي المزمار

والأكل كان غرب الجنينة بتاعة البيت

وكان فيه ناس مخصصة انها تنظم اهل البلد للدخول علشان تاكل

والكل مبسوط وبيدعي للحاج نعمان ويبارك برجوع الدكتور من بلاد بره

الستات واقفة في البلكونة بتتفرج و اشواق

هيمانة وعيونة بتراقب ابن عمها وخطيبها الدكتور احمد .. ومين قدها وهي هتبقي مرات الدكتور اللي متعلم وواخد الشهادة الكبيرة من بلاد الخواجات

وعيون فتحية مراقبة الدكتور ومراقبة نظرات اشواق والحقد والغيرة ملو قلبها

وبقت بتجز علي سنانها وهطق من الغيظ

............

الليلة الكبيرة خلصت والناس اكلت وانبسطت وبعد ما خلصت الليلة .. كان احمد خلاص مش قادر لانة مستريحش من ساعة من جه من السفر

وما صدق الليلة تخلص واستأذن من الجميع وطلع علي شقتة او بمعني اصح الجناح المخصوص اللي كان عمة مجهزه له

ومصدق غير هدومة ودخل الأوضة بتاعتة واترمي علي السرير

تاني يوم طلعت خطيبتة رشا تصحيه الساعة 8 الصبح وقالت له ان ابوها مستنيه تحت علشان يفطرو مع بعض

قام احمد بعد ما رد علي اشواق وقالها هيغسل وشة وينزل

قام دخل اخد دش وبعدين خرج لبس بيجامة ونزل

احمد :: صباح الخير

كل اللي كان قاعد علي السفرة صباح الخير

الحاج نعمان :: تلجيك ماصدجت امبارح تحط جسمك علي السرير

احمد :: انا محستش بنفسي حطيت راسي من هنا وروحت في النوم

الحاجة امينة :: نوم الهنا علي بدنك

احمد :: تسلميلي يا مرات عمي

الحاج نعمان :: ما تچيبي يابت ل ابن عمك كوباية اللبن

احمد :: لا لا اعذرني ياعمي لبن لا

فتحية :: ايه دي هو برضك ينفع ياسي الداكتور فطار من غير لبن

احمد :: معلش يافتحية انا اصلي مش معود معدتي علي اللبن الصبح كدة

الحاج نعمان :: سيبوه علي راحتة .. افطر علشان تلبس هدومك علشان اخدك افرجك علي البيت اللي اشترتهولك علشان نعملة عيادة ليك

عصام :: ده هيعجبك اوي .. اي نعم البيت جديم شوي بس بيت حلو وواسع

حسين :: انا هاچي معاكم علشان لو ابن عمي احتاج حاچة انا ابقي ادبرهالة

احمد :: تسلم ياحسين .. ده كتير اوي عليا ياجماعة

الحاج :: كتير ايه بس ما ده حجك يابني انت ناسي ان ورث ابوك في الاراضي معايا

ولو عايزو يابني دلوكت انا تحت امرك

احمد :: ياعمي اللي عندك بيزيد وانا دلوقت ابنك برضو

الحاجة :: اصيل يا احمد وابن حلال بصحيح

احمد ::طيب الحمد لله انا هقوم اغسل ايدي واطلع علشان البس

الحاج نعمان :: جومي يابت مع ابن عمك صوبي له الميا علشان يغسل ايده

فتحية :: خليكي انتي يا اشواج .. انا هصبلة

الحاج نعمان :: انا جولت اشواج ...

فتحية :: كدة .. ماشي

احمد راح يغسل ايده اشواق راحت وراه وهي مكسوفة اوي

احمد :: عاملة ايه يا اشواق ؟

اشواق ابتسمت وبصت في الأرض وهي ماسكة الفوطة

احمد بضحك :: انتي لسة بتتكسفي زي ما انتي

اشواق بصت له وهي مكسوفة ومبتسمة وهزت دماغها ب اه

احمد::/طيب انا هطلع البس هدومي للحاج يستعوقني بقي

احمد طلع يلبس هدومة

والحاج قاعد مع اولادة وحريم اولادة ومراتة الحاجة امينة بتقولوا ابقي اتكلم مع احمد وحدد معاه بقي ميعاد الفرح والدخلة

عايزين نستر البت

الحاج :: يا ولية اصبري شوية ده الراجل لسة جاي امبارح بس سبيه ياخد نفسة حبة ويشوف وراه ايه

الحاجة :: يووه يا حاج بقي بجولك نفسي اشوف البت اشواج متجوزة ومتستتة

عصام :: ياما مش هينفع دلوك .. نستني حتي اسبوع عشر ايام علشان ميجولش اننا هنموت عليه

حسين :: ايوة ياما كلام اخويا عصام صح

الحاج :: شوفتي الولاد جالولك ايه

الحاجة :: ماشي ياحاج اللي شايفينة صح اعملوه

الحاجة :: ما تأكلي بناتك يا اسماء

اسماء :: ماهم بياكلوا ياعمي .. كلي يا سهيلة

وانتي يا نرجس

عصام :: بجولك ايه يابا الراجل اللي اسمة كرم ده حاسس انة بيعمل حاجة مريبة ومش مستريحلة

الحاج نعمان :: عمل ايه الزفت ده .. الراجل ده اي مصيبة في البلد بيكون هو اللي وراها

حسين :: ايوة يابا الراجل ده تعبان ومش سهل ده داير في البلد بيشنع علينا ومخلي الرجالة بتاعتة يجولوا ان جدنا الله يرحمة

ضحك علي ابوه وسرق الارضي بتاعتنا منة

وان الخير بتاعنا ده كلة اصلا بتاعة

الحاج نعمان :: بجي ابويا انا سرج ابوه هههههه اما صحيح بطلو ده واسمعوا ده

اذا كان ابوه كان حافي ومش لاقي ياكل .. وكل البلد عارفة كدة ... ومحدش فينا عارف كرم ده چاب الفلوس اللي عنده دي منين

عصام :: الراجل ده بجالوا كام يوم بيلم في انفار ومحدش عارف بيوديهم فين

وله حركات كدة غريبة .. امبارح شفتة قبل الفجر راجع من بره ومعاه الرجالة بتاعتة

معرفش كان راجع مين

الحاج نعمان :: تلاجيه راجع من اي خمارة .. ماهو اصلة راجل سكري وبتاع نسوان

احمد :: انا جهزت ياحاج

الحاج :: طب يلا بينا

حسين :: وانا كمان جاي معاكم

احمد والحاج نعمان و وحسين راحوا للبيت الجديد

الحاجة امينة :: تنضيف الزريبة علي مين يابنات

اسماء :: عليا انا يامرات عمي وفتحية عليها تحط اكل للطيور وتنضف مكانهم

فتحية :: لا انا تعبانة ومش جادرة اعمل حاجة

الحاجة امينة :: تعبانة ليه بجي؟؟

فتحية :: اهو تعبانة وخلاص هو تحجيج

زينب :: خلاص يا مرات عمي هروح انا بدالها النهاردة وهي تروح بدالي بكره

الحاجة :: لا يا زينب اني تعبانة من امبارح ومعاكي عيلين ربنا يكون في عونك... خليكي انتي مع اولادك عمر وامير

فتحية :: يعني ايه بجي ؟

الحاجة :: يعني دورك في تنضيف الزريبة محدش هياخده بدالك .

الهام بصوت واطي :: الله يرحم ايام ما كانت خدامة عندنا دلوقت عاملة فيها برنسيسة بنت الشحات افندي

الحاجة امينة :: بتتودودو في ايه منك ليها .. يلا شوفوا وراكم ايه انتوا كمان

وانتي يانعمة تعالي عايزكي معايا في المطبخ

فيه مواعين كتير عايز تتغسل

نعمة :: حاضر ياما جاية وراكي

.............

الحاج نعمان :: ايه رايك بجي في البيت يا داكتور

احمد :: حلو اوووي وينفع كمان اعمل فيه دور مجهز للولادة بس كدة هحتاج معايا ممرضات

الحاج نعمان :: ودول هنچيبهم منين .. البلد كلها مش هترضي تشغل بناتها في التمريض ده

حسين :: يابا اكيد هنلاجي ليها حل المهم دلوكت الاچهزة وفرش العيادة

احمد :: انا الاسبوع اللي جاي هنزل القاهرة

وهشوف كل حاجة لازمة العيادة واجيبها

الحاج نعمان :: علي البركة يابني وابجي خد معاك حسين يساعدك

احمد :: مش عايز اعطلة علي المحل بتاعة

حسين :: ياعم عطلني انت بس .. دانا نفسي اتفسح في الجاهرة

احمد :: خلاص طالما نفسك تتفسح مش هقدر اقولك لا

عصام :: صباح الخير يا ما

الحاجة :: صباح الخير ياعصام يابني .. امال مرتك زينب فين وعمر وامير ولادك

عصام :: چاية ياما بتغسل وش العيال

شوية وحسين ومراتة وبناتة نزلوا

واحمد والبنات كلة بقي علي السفرة

والكل اتجمع علي الفطار

بعد الفطار .. اللي راح الزريبة علشان ينضفها

وعصام خد البهايم هو والولا عوضين وراحز علي الأرض

وحسين راح لمحل العطارة بتاعة ..

والحاج نعمان هو وعصام ماسكين المحل الرئيسي وبيتبادلوا مع بعض في المحل والأرض

واحمد فضل في البيت وبعدين نزل اتمشي شوية في جنينة البيت

و اشواق اول ما شافتة طلعت اتمشت معاه

اشواق :: مجولتليش بقي يا احمد البيت اللي هتعملة عيادة عچبك

احمد :: اوي اوي يا اشواق وكلها يومين هننزل القاهرة انا وحسين علشان نشتري لوازم ومعدات العيادة .. انا ناوي اخليها مستشفي. بتخدم كل ستات البلد

اشواق :: ياريت يااحمد وكمان تخلي الكشف علي جد ايد الغلبان .. حاكم بلدنا فيها غلابة كتيير جوي

احمد :: اكيد طبعا وكمان هعمل كشف من غير فلوس خالص للناس اللي مش قادرة علي تمن الكشف

اشواق :: يارب يخليك يا احمد كنت متوكدة انك هتعمل كدي . وربنا مخيبش ظني

.......... في البيت .........

الحاجة امينة :: جومي يانعمة اكنسي الزريبة

نعمة :: حاضر يااما .. وشوفي عايزة مني ايه تاني علشان بعد ماهخلص هدخل استحمي ومش هعمل حاجة. تاني

الحاجة :: لا هي الزريبة بس اكنسيها وبعدين استحمي براحتك

نعمة قامت وخرجت علشان تروح الزريبة شافت احمد واختها اشواق وهما بيتمشوا في الجنينة ومبسوطين وبيضحكوا مع بعض

افتكرت جوزها اللي مسافر وسايبها من خمس سنين ومتعرفش عنة ايتها حاجة

وخصوصا ان نعمة مش كبيرة في السن

دي عندها 35. سنة بس وكانت حامل وسقطتت مرتين مش بيعيش في بطنها عيال .. وجوزها سافر علشان يشتغل هناك

لانة مكنش حابب اي مساعدة من ابوها

وبعد سنة واحدة من سفرة العراق انقطعت اخبارة ومحدش عارف عنة حاجة

بقت بتراقب اختها من بعيد وهي فرحانة بخطيبها

وكانت بتتحسر علي نفسها وعلي نصيبها

وكل ليلة وهي نايمة علي فرشتها .

دخلت الزريبة ونضفتها وبعد ما خلصت طلعت اوضتها

########

بعد مرور عشر ايام احمد وحسين نزلوا القاهرة اشترو المعدات اللازمة للعيادة وشراء المكاتب وكل ما يخص العيادة ومستلزماتها ودفع المبالغ المطلوبة ومشيوا رجعوا البلد والمستلزمات هتتشحن بعد يومان وفي اليوم الثالث هتكون وصلت البلد

وفيه ناس متخصصين هيركبوا غرفة العمليات وتجهيزها

الحاج نعمان :: حمدلة بالسلامة يا ولاد .. ايه عملتوا ايه

احمد :: كلة تمام اشترينا كل حاجة وبعد يومين تلاتة هتبقي الحاجة موجودة في العيادة

حسين :: دي حاجات حلوة جوي يابا وكمان احمد بيجولي انة هيعمل اوضة عمليات علي احدث مستوي .. علشان الستات اللي هتعمل عمليات قيصري

احمد :: المهم دلوقت ياعمي عايزين نتصرف ولازم يبقي في العيادة تلاتة او اربع ممرضات علي الأقل

الحاج نعمان :: بصراحة يابني مش عارف اجولك ايه .. صعب اوي الموضوع ده .. بس اجولك خليها علي ربنا هتتبدر

عصام :: السلام عليكم

احمد / الحاج ./ حسين :: وعليكم السلام

الحاج نعمان :: عملت ايه يا احمد

عصام :: كلة تمام يابا بعت كل محصول البرتقال .. واليوسفي للحاج سعيد ودفع كل الفلوس مرة واحدة.. اتفضل يابا

الحاج :: طب كويس.. واخدهم وحط الفلوس في الخزنة

الحاج نعمان :: خد بالك بجي من المحل وانا هوصل لدار عمك العمدة هجعد معاه شوية

حسين :: وانا هوصل لغاية المحل ابص عليه وبعدين اروح البيت لحسن تعبان جوي

احمد :: خدني معاك يا حسين

......................

سامية :: بت يا فتحية رايحة فين

فتحية :: سامية معجول .. فينك يابت وحشاني وحشاني موت

سامية ::: اه ماهو علشان كدة بتسألي .. بجي يا واطية تنسي صاحبت عمرك ومن يوم ما اتچوزتي متسأليش عليا

فتحية:: غصب عني مانتي عارفة اني جاعدة في بيت عيلة والخروج بحساب

سامية :: ايوة ياختي مانتي اتچوزتي الحاچ نعمان بجلالة قدره .. مين جدك

فتحية :: وحشاني يابت ووحشاني جعدتك

سامية :: احنا فيها ما تيجي تجعدي معايا شوية

فتحية :: لا انا يدوب هوصل كدة للخياطة اشوف عملت الجلابيتين وارجع قبل ما الحج يدور عليا.. الا عاملة ايه مع جوزك

سامية :: جوزي ؟؟ ... صحيح مانتي بجالك سنتين لا بتسألي ولا بتطلي هتعرفي اخباري منين

فتحية :: مالوا يابت جوزك المدهول

سامية :: طلجني ياختي بعد ما صرف اللي ورايا واللي جدامي علي مذاجة... وشغل سنين في البيوت راح

فتحية :: يالهوي .. طلجك ؟ .. مانا جولتلك يابت ان جوزك ده تعبان وديلة نجس تلجيه لاف علي واحدة من اياهم وضيع عليها تحويشة عمرك

سامية :: يلا اهو غار في داهية.. داهية لا ترجعة ابن الكلب

فتحية :: امال انتي جاعدة فين دلوجت يابت

سامية :: رجعت ياختي اخدم من تاني في البيوت .. بس دلوقت شغالة مع كرم بيه بجلالة قدرة

فتحية :: كرم بيه بحالة يابت .. دانا بسمع عنة انة غني جوي جووي

سامية :: غني وبس .. ده الفلوس عنده ملهش جيمة من كترها

فتحية :: يالهوي الحاج نعمان جاي هناك .. سلام انتي لحسن لو شافني واجفة معاكي هيموتني

وجريت قبل ما الحاج نعمان يشوفها

................................... .....

الصبح الحاج نعمان .. صباح الخير ياحاجة امينة

الحاجة امينة :: صباح الخير ياحاج

الحاج نعمان :: بجولك عايزك في موضوع

الحاجة امينة :: خير ياخويا

الحاج ::/خير ياحاجة ... احمد كان طلب مني اوفر له ممرضات يشتغلوا معاه في المستشفي .. وزي ما انتي عارفة ان بلدنا دي

مفيش حد فيها هيرضي يشغل بت من بناتة

الحاجة :: ايوة فعلا .. ده حتي انا مش عارفة مين اللي هيخلي مراتة تكشف عند داكتور راجل

الحاج :: ماهو علشان كدة انا عايز اتكلم معاكي.. زي ما انتي عارفة اني معروف في البلد ولازم يكون ليا دور في كسر الجهل بتاع اهل البلد

الحاجة :: يوه يا خويا .. براحة عليا ... انا مش عارفة انت عايز تجول ايه

الحاج :: انا هفهمك .. ايه رايك بنتك اشواج تشتغل مع احمد .. منها خطيبتة ومش هتشتغل مع حد غريب ومنها ستات البلد لما يعرفوا ان بت الحاج نعمان شغالة مع الداكتور احمد ممرضة وان اللي هتيجي تكشف مش هتكون لوحدها مع الدتكتور .. جايز يطمنوا وانا هكلم حد ف مصر يشوفلنا ممرضة شاطرة تبجي مجيمة هنا

الحاجة :: فكرة بردو ياحاج بس المهم اشواج

الحاج :: ده بقي عليكي ابجي جوليلها وابجي عرفيني

الحاجة :: حاضر يا حاج هجولها

الحاج :: روحي حضري الفطار وصحي احمد

علشان عايزو ينزل معايا هنلف كدة كام لفة في البلد .. من يوم ماجه من بلاد بره وهو في البيت

الحاجة :: حاضر ياحاج

الحاجة خرجت كانت اشواق والهام اختها صاحيين .. بت يا اشواق اطلعي صحي خطيبك علشان يفطر

اشواق :: حاضر ياما

اشواق طلعت وذقت الباب بحرص ومشيت اتجاه اوضة احمد لكن باب اوضتة كان مقفول

خبطت ومن اول خبطة احمد رد مين

اشواق :: انا اشواج يا احمد يلا علشان تفطر

احمد :: تعالي يا اشواق انا صاحي من بدري

اشواق فتحت الباب ودخلت وكان احمد قاعد علي السرير وساند ضهره علي شباك السرير

اشواق :: شكلك صاحي من بدري يا منمتش ؟

احمد :: اه يعني نمت ومش نمت

اشواق :: ايه اللي شاغل بالك ؟

احمد :: لا ابدا بس كلها ايام والمفروض افتح العيادة

اشواق :: افتكرتك هتجولي حاجة تانية

احمد :: حاجة اي انا كل تفكيري في موضوع العيادة دي مستقبلي

انا مصدقت اخد الشهادة علشان انزل مصر

وفتح العيادة واحقق حلمي

اشواق :: طب يلا لحسن امي بتنده علينا

حاضر يا ياما نازلة اهو

احمد :: يلا بينا

............................

العيلة قاعدة كلها علي السفرة بيفطرو

عصام :: بجولك ايه ياحاج .. انا عايز شوية حاجات كدة للمحل وبضاعة ناقصة

الحاج نعمان :: اكتب كل اللي ناجص وانا هبعتلك الحاجة

حسين :: وانا كمان ياحاج في شوية حاجات ناجصين في المحل

الحاج :: اكتب اللي ناجص محلك يا حسين

حسين :: حاضر يابا

الحاج نعمان :: ايه يا احمد خلاص جربت تفتح العيادة ؟

احمد :: اه يا حاج هانت كلها كام يوم بس انت عارف الموضوع اللي كلمتك فيه .. انا واقف عليه

الحاج :: خير متجلجش

فتحية :: موضوع ايه ده يا سي احمد

احمد بص لفتحية ورجع بص في الأرض

وهي عنيها يدب فيها رصاصة وكانت قاعدة علي شمالة جنبة وجنب الحاج نعمان

وعلي يمينة خطيبتة اشواق

موضوع كدة بيني وبين الحاج نعمان

وفتحية كل شوية تخبط رجليها في رجل احمد من تحت الطربيزة

وتبصلة بعيونها وتبتسملة وبكوع ايدها عمالة تداعبة براحة

احمد قاعد حاسس بأحراج وخوف ان حد ياخد بالة واضطر انة يقوم من علي السفرة

بحجة انة خلص فطار

اشواق :: انت لحجت فطرت يا احمد

احمد :: اه يا اشواق فطرت وتمام اوي كدة

الحاجة :: جومي اعملي شاي يا اشواج

زينب :: لا انا هعلج علي الشاي

الحاجة امينة :: لا انتي خدي اسماء ونضفوا الزريبة واكلوا الطيور وغيرو ليهم الميا

وانتي يا اشواج تعالي عايزاكي في موضوع

الحاج نعمان :: يلا بينا احنا يا احمد عندنا كام لفة كدة في البلد... الا صحيح يا حاجة

هو الولا عوضين ودا البهايم الأرض ولا لا

الحاجة :: ايوة ياحاج من النجمة

الحاج نعمان اخد احمد ومشيوا والحاجة امينة اخدت اشواق الاوضة وكلمتها في موضوع شغلها في عيادة احمد خطيبها .. اشواق فرحت اوي ووافقت طبعا

نعمة سمعتهم من ورا الباب علشان كانت بتتسنط عليهم ودخلت ل امها وقعدت تتحايل عليها انها هي كمان تنزل مع اشواق وتشتتغل في العيادة خصوصا انها عايزة

تضيع الوقت وتشغل نفسها وتفكيرها

والحاجة قالتلها هتكلم ابوها وتشورو وتشوف هيقول ايه

..............

..........فيلا كرم ............

زوجة كرم بنت عمة جاهلة مش متعلمة

لكنها بتحب جوزها رغم انها عارفة ومتأكدة انة راجل واطي وميملاش عينة غير التراب

وشاكة ان فيه بينة وبين البت سامية الخدامة علاقة لكنها مش قادرة تمسك عليهم حاجة .. ولأن كرم عنده بيت تاني في البلد عاملة مضيفة وبيقابل فيه كبارات البلد ده غير الشغل اللي بيعملة بعيد عن عيون الناس

واللي محدش يعرفة

كرم في الخمسين من عمره .. لكنة بتاع نسوان وعايق في نفسة في لبسة وكان غير كل اللي في البلد لبسة ديما بنطلونات وقمصان والسيجار مبيفرقش ايده

وكان متجوز زمان قبل الحاجة فاطمة واحدة وخلف منها بنت اسمها ( هجر ) عايشة معاة ف الڤيلا والحاجة فاطمة هي اللي مربياها

وطبعا بيكره الحاج نعمان جدا ونفسة ومني عينة يكسره ويذلة ويفرج عليه وعلي اولاده اهل البلد. وده بسبب انة كان ابوه فقير وطول عمره شايف الحاج نعمان عايش في نعيم من الصغر

فاطمة مرات كرم :: اصحي يا حاج كرم الولا سامبوا بره وبيجولك ان فيه ناس مستنياك في المضيفة

كرم :: فيه ايه يا وليه عالصبح... مالك بالعة راديو عالصبح

فاطمة :: بجي كدة .. الحج عليا اني بصحيك

الولا سامبو تحت وبيجول فيه ناس مستنياك في المضيفة

كرم :: خلي البت سامية تحضر الفطار علي ما البس وانزل

فاطمة :: سامية ؟ امتي تغور اللي تنشك في جلبها

كرم :: انتي ياولية علي طول كدة حاطة البت الغلبانة في راسك

فاطمة :: غلبانة ؟ طب اوم ياخويا ... جال غلبانة جال

كرم لبس وسامية حضرت الفطار وحطتة في الجنينة علي طرابيزه السفرة زي كل يوم

وكرم نزل قعد يفطر

كرم :: فيه ايه ياولاا .. مين اللي في المضيفة

سامبو :: ده المعلم دهشان ياتاج راسنا

كرم :: المعلم دهشان . ومجولتش من الأول ليه ياحمار .. اروحلة بسرعة قبل ما يزعل

كرم قام من غير حتي ما يفطر

فاطمة :: ايه ده انت مش هتكمل فطارك؟

كرم في سره ... ططر يشيلك ويريحني منك

وليه بنت كلب ... بت يا سامية حصليني عالمضيفة علشان تعملي لينا الفطار هناك

فيه ضيف جاي ولبود يفطر معايا

كرم راح بسرعة وقابل المعلم دهشان

كرم :: يا اهلا يا اهلا بالمعلم دهشان

المعلم دهشان :: ازيك حاج كرم ..

كرم :: تمام ... واد ياسامبو.. بسرعة خلي البت سامية تعملنا الفطار يا ولاا

المعلم :: ملوش داعي ياحاج.. انا فطرت من بدري

كرم :: لا يمكن ابدا .. لازم تفطر وايايا علشان بعد الفطار نتكلم في المفيد.. انت لسة واجف يا ولاا غور بسرعة

سامبو:: فورريره ياتاچ راسنا

سامبو :: بسرعة يابت اعملي الفطار

سامية :: الا جولي ياسامبو .. يطلع مين المعلم دهشان ده اللي الحاج كرم اول ما بيعريف انة چاي بيروحلة چري ؟

سامبو :: خليكي في حالك يابت واعملي اللي جولتلك عليه ... بت رغاية بصحيح

بعد ما كرم ودهشان فطرو دخلوا هما الأتنين اوضة الضيوف او اوضة الأجتماعات اللي مخصصها كرم علشان يتكلم فيها براحتة

كرم:: ايه يا معلم دهشان وصلتوا ل ايه

دهشان :: الرچالة لسة شغالة حفر وفاضل حاچات بسيطة

كرم :: الناس دي يا معلم دهشان مش لازم تهمل الدار غير لما الأمانة اللي فيه تظهر

دهشان :: يعني هو اول شغل بينا يا حاج كرم .. عيب عليك

كرم :: مش الجصد .. بس الحكاية اصلها طولت والناس اللي هتشتري مستعجلين

وانا خايف حد من نواحي الدار اللي شغالين فية ياخد بالوا

دهشان :: متخفش يا حاچ كرم .. بس انت فكرت في اللي جولتلك عليه ؟

كرم :: جصدك موضوع مجلس الشعب ؟ اديني بفكر فيه

دهشان :: لا يا حاچ .. الخطوة دي ضرورية عشان الحصانة .. ساعتها مش هنخاف من حد ولا حد يجدر يجولنا تلت التلاتة كام

كرم :: عندك حج يا دهشان ياخويا ... انا لازم اخش المچلس

#######

ورا الشباك اللي بيطلع علي الجنينة كان في حد بيسمع كل اللي اتقال دة