رواية عاشق السيوفي الفصل التاسع عشر 19 بقلم شهد محمد

-ليه عملت كده انت احرجتها يا مراد قدام الكل ما كنت تعترف ليها بس مش بالطريقه دي

مراد:...........

نادي حسين باعلي صوته:

-يا جماعه حصل خير يلا نكمل الحفله ثم وجه كلامه الباب روحي شوفيها وانزلوا

حركت ليلي رأسها بالإجابة

***************

"في منزل عنود عبدالحميد"

نظرت نجوي في ضيق علي حالها:

-انت يا بنتي من ساعه ما اشتغلتي في الشركه دي وانت علطول مشغوله طب ارتاحي شويه علي الاقل

عنود وهي لم ترفع راسها من علي اللاب:

-يا نوجه لازم اثبت نفسي في الشركه دي

فرن جرس الباب ثم قفلت اللاب ووضعته جانبا

نجوي باهتمام:

-مين الي هيجي في الوقت ده

عنود بابتسامه بسيطه وبدأت الدموع تتجمع في عينيها:

-قصدك مين الي بيسال علينا اصلا يلا هروح افتح

فتحت عنود الباب وتفاجأت ببوكيه ورد رائع باللون الابيض

عمر:

-أن أن أن مين هناااا

زفرت عنود في ضيق:

-جاي ليه يا عمر بيه جاي تاخد من امي اي غير الي انت اخدته اااااه صح لسه في شقه باسمها تحب تاخدها يا ابن خ ا ل ي

**************

"في قصر عائله الصياد"

عطيات ببرود:

-عايزه تشوفي ابنك بعد السنين دي عيشي حياتك هو اصلا نسي أنه ليه ام لسه الانتقام هيبدا تاني يا حبيبتي

وقفت فريده بعصبيه:

-وانا قولت مافيش انتقام ولازم مروان يعرف اني بريئه وحبيته بجد حتي لو كنت الاول عايزه ادمرهم بس انا حبيته ولازم يسامحني حتي لو مرجعناش زي الاول

قاطع كلامها صفعه قويه تلقتها من أبيها رافت بعصبية:

-باين عليكي انك اتجننتي

ثم جذبها من ذراعها بقوه والقاها في غرفتها واغلق عليها الباب بالمفتاح

فريده ببكاء ونواح:

-والنبي افتح يا بابا وحياتي عندك عايزه اشوف ابني الي اتحرمت منه طول السنين دي والله حرااااام عليكوووا

*************

"في فيلا الخولي"

ترجلت ليلي داخل الغرفه فوجدت عشق جالسه في زاويه الغرفه تبكي بصمت واضعه يدها علي فمها لتمنع صوت شهقاتها

جلست ليلي بهدوء بجانبها:

-طب ينفع قمر يعيط يعني

نظرت لها عشق بدموع ثم حضنتها وكأنها تخفف ما بداخلها

وقف مازن أمامهم واضع كلتا يداه في جيبه:

-احم انا بارد وأود أن اقطع تلك اللحظه السعيده والاحضان دي بعد اذنكم

ابتعدت عشق عن والدتها لتخفف دموعها:

-ماانت قطعتها لسه هتقطعها

مازن:

- طب قومي نتمشي عايز اتكلم معاكي شويه ومتقوليش ثم قلد طريقه عشق 'لا يا مازن مش قادره سيبني في حالي دلوقتي'

ضحكت عشق وليلي

ليلي بحب وهي تضع يدها علي كتف مازن:

-طب هنزل انا وانت يا مازن مهمتك تخليها ترجع عشق إلي كلنا نعرفها تمام

ادي مازن التحيه العسكريه:

-تمام يا فندم لولو

ضحكت ليلي:

-والله اتنين اهبل من بعض

"بينا في جه اخري"

ايه الي انت عملته ده انت واحد غبي دلوقتي اكيد هتخاف مني وهتبعد انا كده هخسرها لا مستحيل اعيش بدونها انت مش هتكوني غير ليا يا عشق انا بقيتي عشق السيوفي

***************

"في مكان الحفل"

وقف مختار بجانب حسين في أسي:

-انا اسف جدا علي الي عمله مراد والله اول مره يكون كده ،مراد كان بيكره الستات كلها ورافض الارتباط بعد موضوع فريده وهيا بس معرفش ايه حصل والله

حسين بجديه ممزوجه بحزن:

-بس مراد احرجنا كلنا يا مختار سوا احنا أو انتم الناس يقولوا اي دلوقتي زمانهم هياكلوا وشي لما يشوفوني

"سرح مختار"

Flash back 

سمع مختار طرق الباب:

-اتفضل

ترجل مختار داخل المكتب في إحراج:

-حضرتك فاضي اتكلم معاك شويه

ترك مختار ما بيده:

-اتفضل يا مراد فاضيلك اهو هو انا عندي اغلي منكم

رد مراد بسرعه:

-طب انا عايز اخطب واحده

مختار بدهشه:

-تخطب!!!!!! طب عندك العروسه ولا اجبلك

مراد بهدوء تام:

-عندي

رفع مختار حاجبه:

-وكمام عندك مين سعيده الحظ

مراد بهدوء كما هو:

-عشق،عشق السيوفي يا بابا

"نعود الي وقت الحفل مكان مختار وحسين"

رد مختار بتلقائية:

-طب انا طالب ايد بنتك عشق لابني مراد لو معندكش مانع

حسين:

-والله لو عليا فاانا معنديش مانع نهائيا مراد شخص محترم واي حد يتمناه بس القرار الأخير فا لعشق وبعدين عشق بنتي الوحيده مفرطش بيها بالساهل ومراد اكيد قدها وقدود

مختار باستغراب:

-ربنا يخليلك عهد يا عم

حسين بهدوء وبدأ الدموع تترقرق:

-عهد دي قصه طويله ابقي احكيهالك بعدين

**************

"في الجنينه الخلفيه الخاصه بفيلا الخولي"

وقف مازن ونظر لعيون عشق:

-هااا وانتي ايه ردك علي الي حصل يا عشق بخصوص إلي مراد عمله من شويه

عشق بدموع:

-يا مازن انا بحبه من اول يوم شوفته واتعاملت معاه وكنت فرحانه لما بقينا صحاب وكل شويه نقرب بس.

مازن بدهشة:

-بس ايه يا عشق كملي؟!

جففت دموعها:

-فكك يلا بينا نرجع ليهم زمانهم بيسالوا علينا

أوقف عشق صوت مازن:

-ردي بقولك انا بكلمك علفكرا تبقي تردي، بس ايه يا عشق؟!

عشق بدموع منهمره علي خديها:

-بس هو مش بيحبني يا مازن ولا عمره يحبني

رفع مازن حاجبه في دهشه:

-يعني بقي الراجل يعترف قدام الكل بحبه ليكي ويبقي كذاب انت هبله صح

عشق:

-بس انا عارفه والدليل المكالمه دي يا مازن

ثم فتحت هاتفها وبدا مازن يسمع الريكورد

مازن بعدم فهم وتصديق:

-بس مين دي ما اكيد عارفه مراد وشافتكم سوا كمان المهم سيبي الحوار ده عليا والريكورد ده بس ليا ضروري

اومأت عشق :

-حاضر هبعته لما اوصل البيت

مازن بخفه دم كعادته فاهو يريد اعاده صديقته المقربه لعادتها:

-بس يلا الاول ظبطي الميكب لانك دلوقتي اتحولتي من عشق لعبسلااااام

ضربته عشق في كتفه:

-والله بارد

غمز مازن:

-ما الجميل ده طول عمره جميل يعني مراد الي معروف بهيبته وكره للنساء يحب واحده هبله تافهه

اخرجت عشق لسانها:

-اهو الهبله دي حبها مراد السيوفي ثم جرت بعيدا