رواية أحببتها صعيدية الفصل الثامن عشر 18 نور الدين جلال

الحاج نزل وقال لعصام روح انت الدار و تعالا بعد ساعتين **

عصام :: انت هتدخل لوحدك يابا ؟

الحاج نعمان :: ايه هيخطفوني چوه ؟

عصام :: لا مش جصدي بس ليه معيزنيش ادخل معاك

الحاج نعمان :: مش انا جولتلك قبل سابق اي حاجة اطلبها منك تنفذها من غير متسأل

عصام :: ايوة ياحاچ بس الدار كبير وانا عارف انك جاي تدور ورا كرم يمكن تلاقي اثار مخبيها عن الشرطة او ثروة دهب او فلوس.. واكيد البيت كبير ومش بالساهل تدور لوحدك

الحاج نعمان :: اركب عربيتك ياعصام وتعالا بعد ساعتين انا مش ناقص مناهدة

** عصام ركب العربية والحاج دخل البيت ولف من باب المطبخ زي ما ساميه قالتلة

فتح باب المطبخ والباب اتفتح معاه وكانت الدنيا ضلمة كحل

الحاج طلع تليفونة من جيبة ونور الكشاف ودخل جوه البيت وعنينه بتروح لكل ركن في البيت .. والبيت مكنش فيه حتة عفش واحدة .. كلة اتنهب بعد ما اتقبض علي الحاج كرم

الحاج نعمان بقي بيدخل كل اوضة في البيت ويبص فيها ويرجع يقفلها بعد ما يتأكد ان الأوضة مفيهاش اي حاجة

فتش الدور اللارضي كلة لكن ملقاش اي حاجة ممكن تدلة علي وجود اثار او فلوس

طلع الدور التاني وشاف اوضة منوره

عرف ان سامية نايمة في الأوضة. دي

دخل الأوضة اللي نايمة فيها ولاقها نايمة علي الأرض وبالعصاية اللي بيتسند عليها الحاج نعمان نغز بيها سامية اللي فارشة كراتين علي الارض ونايمة عليها **

سامية :: قامت مخضوضة ولما شافت الحاج نعمان .. قامت ودعكت في عنيها .. الحاچ نعمان.. ؟

الحاج نعمان :: ايوة يا سامية

سامية :: خير يا حاچ . ايه اللي چابك هني؟

الحاج نعمان :: عايز اسألك كام سؤال

سامية :: انتا چاي مخصوص هنا وفي الوجت دية عشان تسألني سؤلاات

الحاج نعمان :: اكيد مش چايلك مخصوص بس طالما اني ملجتش اللي بدور عليه وطالما انتي كتي شغالة مع الكلب اللي اسمة كرم سنين طويلة فأكيد هلاجي عندك اللي يوصلني للي بدور عليه

سامية :: ايه هو ايه ياحاچ اللي بدور عليه ؟

الحاج نعمان :: الفلوس بتاعتة .. مخبيها فين والاثار اللي بيتاچر فيها بيخزنها فين

سامية فضلت تضحك علي كلام الحاج نعمان

الحاج نعمان :: ايه مستغربة اني بتحددت معاكي وبسألك ومش بلف ولا بدور عليكي ولا ايه يابت.؟

سامية وهي بتضحك ومش قادرة تمسك نفسها من الضحك ..

لا انا بضحك علي حديتك كلة ياحاچ .هههه معلش ياحاچ هو انا لو اعرف طريج الفلوس بتاعتة ولا الاثار كت هتشوفني متلجحة عالارض كدة ؟ ولا كت هتشوفني في البلد المخروبة دهي تاني

الحاج نعمان :: طيب خوديني بس علي جد عجلي انا ياستي راجل خرفان

الحاج كرم كان متعود علي طول بيروح فين.؟

له بيت تاني مثلا غير هنا ؟

لما كان بيخرچ بالليل متأخر كان بيروح فين غير هنا طبعا ؟

فيه حد هنا في البلد كان بيعرف خطواتة. غير سامبو ومچدي،رچالتة؟

ساميه :: بص ياحاچ من چيهت له مكان تاني غير هنا ف اه له .. ودي استراحة في البر التاني من البلد مفيش حد خالص يعرفها غير كام واحد كدة من المجربين من الحاج كرم منهم المعلم دهشان

الحاج نعمان :: حلو جوي الاستراحة دي تعرفي طريجها ؟ ومين المعلم دهشان ديه ؟

سامية :: الا اعرفها دي بالذات اعرفها جوي

والمعلم دهشان ده راجل جتال جتلة وتجدر تجول عليه دراع كرم اليمين وهو اللي كان مسؤل عن شرا البيوت اللي فيها السراديب

وكان بيجبلة رجالة تحفر وكان في الاخر بياخد نسبتة لما كرم يبيع الاثار دي

الحاج نعمان :: مكنش فيه حتة تانية الحاج زفت بتاعك ده بيروحها ؟

سامية :: مفيش غير جبر ابوه كان بعد ما بيخلص حفر وتنجيب وبعد ما بيلاجي الاثار ويخزنها كان يروح ويجعد عند جبره طول الليل وميرچعش غير الصبح وكأيوانة كان بينام هناك علشان كنت بشوف هدومة بتبجي متعفرة تراب

الحاج نعمان :: ابوه .. ايوة ربنا يرحمة كان راجل حافي ومش لاجي اللجمة.. وجبر ابوه ده بجي يطلع في انهي خرارة

ساميه :: ده يا حاچ مدفون في ترب البلد في الچيهة الغربية

الحاج نعمان :: تعرفيها اجصد. الجبر المدفون فيه بالظبط تعرفيه ؟

سامية :: مش فاكرة كويس .. اه افتكرت انا روحت معاه مرتين في العيد كان بيروح يوزع عليه رحمة

الحاج نعمان :: طيب چهزي نفسك هتوديني هناك كمان يومين تلاتة

سامية :: ليه ياحاچ ؟

الحاج نعمان :: هروح اترحم علي ابن المحروق ده علشان خلف عيل واطي ومات من غير ما يربيه

** ساميه فطست علي نفسها من الضحك والحاج خرج من الاوضة وكمل تفتيش في البيت ... لكنة ملقاش اي حاجة خالص وراح نازل

وهو نازل من البيت علي السلم لمح صوره كبيرة محطوطة علي الحيطة بتاعة الصالة صورة للحاج كرم

الحاج وقف قدامها وفضل يشتم فيه وراح بالعصايه بتاعتة كان عايز يوقعها في الأرض

وهو بيحركها لمح ورا الصوره باب حديد صغير حوالي 30×30 سنتي ومقفول بقفل حديد الحاج نعمان ركز فيه شوية. وفكر يخلي عصام لما يرجع ياخده يكسر القفل ويفتح الباب ده ويشوف فيه ايه

باب يدوب يدخل كف الأيد. ياتري فيه ايه ده وليه كرم مخبيه تحت برواز كبير فيه صورتة

لكنة قال في باله مش هينفع دلوك عشان سامية اللي مخمودة فوج

الحاج رجع الصورة مكانها زي كانت... ونزل قعد شوية علي سلم البيت من بره لغاية ما عصام جه وخده **

والحاج نعمان حكي لعصام علي الباب الحديد وقالوا عايزه بكره بالنهار تروح وتاخد معاك شاكوش كبير وتكسر القفل ده .. انا حاسس ان ورا القفل ده حاجة مهمة

وحكي له علي موضوع التربة اللي مدفون فيها ابو كرم وعصام استغرب من كلام ابوه وقالوا ودي فيها ايه واحد بيزور قبر ابوه

الحاج نعمان :: مش لما لما يكون ابوه مدفون في المدافن دي من اصلة ! انا فاكر يوم دفنة ابوه كويس اوي .. وكانت في الترب الجديمة والترب دي مكنتش لسة اتعملت اصلا.. دي اتعملت بعد موت ابوه بخمس سنين علي الأقل

عصام :: امال بيروح هناك ليه؟

الحاج نعمان :: واحد بعد كل خروچ اثار يروح الترب وميرچعش غير الصبح وهدومة متعفرة بالتراب تفتكر بيروح هناك يعمل ايه

عصام :: معجول يابا يكون بيخزن الاثار في الترب

الحاج نعمان :: هو ده بالظبط اللي اجصده .. ده اصلة تربية ابليس ويعمل ال الانقح من كدي كمان

عصام :: الراچل ده يابا دماغة سم بس انت كمان دماغك الماظ يابا

...............

الحاج نعمان وصل هو وابنة عصام

زينب :: ايه ياعصام كل ده بره. دانا جلجت عليكم

حسين :: اومال كنت فين يابا انت وعصام ؟

الحاج نعمان :: ليه الجلج ده هو احنا صغيرين ولا ايه.. يلا حضرو العشا

حسين :: في ايه ياعصام كتوا فين

عصام :: مفيش ياحسين دانا والحاج كنا في مشوار كدي

حسين :: مشوار كدي .. ماشي ياعصام

........................ڤيلا المعلم دهشان .......................

...................

المعلم دهشان :: لا ياكرم انت لازمن تفضل مستخبي اكتر وجت ممكن انت مش مسچون عادي وهرب انت كت عضو مچلس شعب ومتهم في جضية تهريب اثار واكيد الحكومة مفتحة عينها علي الأخر وبتدور عليك في كل شبر انتا بتروحة

كرم :: طيب انا لازم اشوفلي صرفة اخرج بيها فلوسي وكمان الكام حتة اثار دول لو اتعرف مكانهم واتسرجوا انا مش بعيد اروح فيها دول بملايين

المعلم دهشان :: مانت لو تريحني وتجولي انت مخبي الفلوس فين والاثار انا هچبهملكم لغاية عندك

كرم :: بص يامعلم دهشان احنا اخوات وحبايب اه وانت كتر خيرك مخبيني عندك

وحاميني وكل ده انا هعوضك عليه وجت ما اجيب فلوسي واخد الاثار واصرفها

لكن اجولك اسراري سامحني ياخويا

المعلم دهشان :: براحتك ياكرم بس خروچك دلوك مش هينفع .. واحنا مش هنسمح بيه من اساسه .. لازم الدنيا تهدي واديك جاعد عندنا معزز مكرم.. ومتخفش المكان ده لا يمكن البوليس هيوصلك فيه

كرم :: انا اتخنقت من الجعدة هنا وكمان حاسس نفسي محبوس

المعلم دهشان :: انا عارف انت نفسك في ايه

انت نفسك في نسوان مش كدة .. خلاص الليلة هجبلك واحدة انما ايه چامدة وهتعچبك.. بت تبعي كدة شغالة في الجاهرة هچيبهالك الليلة وبكره هنرچعها بالعربية واهي المسافة بينا وبين الجاهرة بتاع ساعتين زمن

كرم :: المهم الست دي متعرفش عني حاچة يا دهشان ياخويا لحسن تروح تبلغ عني

دهشان :: وهي هتعرفك منين لما هي مش من بلدنا اصلا .. بجولك من الجاهرة

كرم :: ماشي يا دهشان

.............................

..............

احلام :: يعني لازم النهاردة ؟ طيب اجيلك بكره

دهشان :: لا النهاردة .. هبعتلك العربية بالسواج تاخدك من تحت دارك وتچيبك لغاية عندي .. ولا انتي خايفة چوزك يعرف هههه

احلام :: جوزي هههههه تصدق ضحكتني هو جوزي من امتي بيسأل انا روحت فين ولا بايتة فين مش النظرية بس انا كنت واخدة النهاردة اجازة وكنت حابة ارتاح في البيت

دهشان :: لا راحة ايه .. الراحة في الفلوس اللي هتخديها وانتي مروحة وكمان الراچل دي يخصني اوي .. لما تبجي تيچي هحكيلك كل حاجة

احلام :: شكلك عايز منه مصلحة كبيرة

دهشان :: االحديت ده مهينفعش في التلفون

لما تجيلي هجعد معاكي ونتحدت .. يلا سلام دلوك

** احلام استنت علي ماجالها تليفون من السواق وقالها انة تحت البيت منتظرها

لسبت هدومها وقالت لجوزها علاء ان المستشفي اتصلوا بيها وهتبات الليلة هنا واحتمال تطبق

نزلت وركبت مع السوق وبعد ساعتين كانت وصلت للمكان اللي فيه المعلم دهشان**

دهشان :: يادي النور يادي النور . نورتي العزبه ياست الستات

احلام :: العزبه منوره بيك يامعلم دهشان

دهشان :: بس تصدجي يااحلام انك احلوتي جووي

احلام :: ياراجل يابكاش احلويت ايه انت محسسني انك بقالك سنة مشوفتنيش

دهشان :: هههههههه انا عارف انك كتي هنا الشهر اللي عدا . بس ده بردو ميمنعش من انك احلويتي

احلام :: المهم بقي .. ايه الحكاية ..وجايبني ليه علي ملا وشي .. انا عارفة انت متعملش كدة غير لو الراجل ده انت ليك عنده مصلحة ومصلحة كبيرة

دهشان :: انا هفهمك .. بجي ياستي الراچل ده محكوم عليه بالسجن المؤبد. وانا هربتة

احلام :: يامصيبتي .. رد سجون وكمان محكوم عليه وهربان

دهشان :: اه بس الراجل ده عنده ملايين ده غير الدهب وكام حتة كدة الحتة الواحدة منهم تساوي ملايين

احلام :: اه كدة بدأت افهم انت مخبيه وعايز تظبط دماغة علشان ينوبك من الحب جانب مش كدة

دهشان :: تؤ ... انا عايز الحب كلة .. مش جانب منة

احلام ؛: لا دي عايزة فنجان قهوة مظبوط وتفهمني براحة

دهشان :: بس كدة احلي فنجان جهوة

دهشان نده لواد من الشغالين اللي شغال معاه وخلاه عمل قهوة ل احلام

احلام :: فهمني كدة وبراحة

دهشان :: بجي ياستي الراچل ده كان فيه بينا شغل ياما

احلام :: اللي هو شغل ايه !؟

دهشان :: انا مش هلف ولا هدور عليكي علشان الخير لو عم هيعم علينا كلنا .. بس خدي بالك اي خيانة بعد اللي هجولوا معناه رجبتك

احلام :: في بير يامعلم ... احكي وانا معاك في اي مصلحة

دهشان :: الشغل اللي كان بيني وبين الراچل ده شغل اثار

احلام :: اوووباااا ... لا عندك حق ده تلقيه معاه فلوس مش عارف عددها

دهشان :: بالظبط كدي .. الراجل ده بقي عمره ما حط فلوسة دي في بنوك علشان محدش يسألة من اين لك هذا

احلام :: امال بيحطهم فين

دهشان :: ده اللي احنا عايزين نعرفة .. بيحط الفلوس والاثار اللي معاه فين

احلام :: وانت فكرك من ليلة واحدة انا هعرف الحاجات دي مخبيها فين

دهشان :: لا طبعا انا عارف ان الموضوع هياخد وجت .. والنهارد هيكون بداية تعارف بينكم وانتي بجي وشطارتك.. عايزك تخليه كل شوية يجولي ابعتلي احلام .. عايزك تاكلي دماغة وتوجعيه. بالكلام

احلام :: طب الراجل ده ظروفة ايه .. حويط

دهشان :: حويط وبس .. ده ابن ابالسه

احلام :: طب هو قاعد هنا في العزبه ؟

دهشان :: لا طبعا انا جبتك هنا بس علشان اجعد معاكي وافطمك علي اللي هتعمليه

احلام :: ماشي يامعلم بس انا نصيبي هيكون كام في الحوار ده

دهشان :: نص مليون جنيه .. ايه رائيك

احلام :: ههههههههه لا ابقي اعرف انت بقي مكان الفلوس والاثار

دهشان :: امال عايزة كام

احلام :: دي فرصة العمر اللي عمرها ماهتجيلي تاني .. نقول اتنين مليون جنيه وانت حلال عليك الباقي

المعلم دهشان :: نعم ياروح امك . اتنين مليون جنيه ليه هتچبيلي اسرار عسكرية

احلام :: خلاص براحتك .. شيل ده من ده

المعلم دهشان :: مليون الا ربع ودي اخري

احلام :: اتنين مليون جنيه يا معلم ماينقصوش جنيه

المعلم دهشان :: ياباي عليكي .. خلاص متفجين بس انتي شدي حيلك

احلام :: لا متخفش .. طيب مش هنروحلة

المعلم دهشان اخدها وراح بيها علي المكان البي مستخبي فيه كرم

المعلم دهشان :: احب اعرفك ياحاچ كرم

الست احلام فرس ملوش ايتها حل

كرم :: لا عندك حج يامعلم بصراحة البت حلوة جوي جوي وتستاهل كل الالحديتلحلو اللي اتجال عليها

احلام ضحكت وبمياعة ستات :: بس انت شكلك لسانك خلو وهتاكلني بالكلام

المعلم دهشان :: الحاچ كرم يعچبك يا احلام

عايزك بجي تدلعيه وتخليه يحس ان مفيش ستات بعدك

كرم :: تصدج بأيه يا دهشان ياخويا .. انا جولت كدي من دلوك ههههه

احلام :: يالهوي علي كلامك الحلو .. مستحملش كدة انا

دهشان :: كدة انا هبجي عزول .. اجولكم سلام انا ..

. .......................

..........

** الحاج نعمان الساعة اتنين الضهر نده علي عصام اللي كان بيبع للزباين في المحل **

عصام :: ايوه ياحاج

نعمان :: يلا روح دلوك اعمل اللي جولتلك عليه وخد معاك شاكوش علشان تكسر بيه الجفل

عصام :: حاضر ياحاچ

** عصام دخل المحل واخد شاكوش كبير من المخزن واخد العربية وراح البيت التاني بتاع الحاج كرم ودخل من باب المطبخ الوراني زي ما الحاج نعمان فهمه

دخل ودور علي الصورة الكبيره. ومدورش كتير لانها كانت في صالة الدور الاول ( الأرضي ). نزل الصوره ولقي الشباك الحديد اللي قالوا عليه الحاج

جاب الشاكوش وفضل يرزع علي القفل لغاية ما كسره شال القفل بعد ما اتفتح وفتح الباب الحديد ولقي وراه سكينة. شبه سكينة الكهربا

استغرب ومبقاش عارف دي سكينة ايه

المهم راح رافع الأيد لفوق سمع صوت جاي من الأوضة اللي في الوش .. صوت حاجة بتتحرك علي الأرض

اتسحب بالراحة لقي الحيطة اللي متعلق عليها شاشة تليفزيون عباره عن باب بيتحرك وبيتفح .. وورا الحيطة دي اوضة

حس نفسة بيتفرج علي فيلم

مشي في اتجاه الأوضة دي ودخل لقي.****