رواية غيوم الشمس الفصل الثامن عشر 18 بقلم أطياف راحله
 |
| رواية غيوم الشمس الفصل الثامن عشر 18 بقلم أطياف راحله |
رواية غيوم الشمس الفصل الثامن عشر 18 بقلم أطياف راحله
وحبي لك وان لم تكن تعرف فاق حب المحبين سنينا وحبي لك وان لم تكن تشعرقد جاءني بغته فلم يكن في الحسبان اخترق القلب دون ان اشعر وسري في دمي واحياني من جديد اشعر بحبك في كل كياني ما اشعر به ما اتنفسه ما اعيشه هو حبك حتي دقات قلبي تنبض لحنا ماهو الا اسمك وماتعنيه لم يكن الا حبك.
________♕♕♕♕♕♕♕♕________اطياف راحله.
انتي رايحه فين ياست مياده.
مياده //دجيجه واحده رايحه الصيدليه اجيب طلب واجي علطول.
الغفير //طيب اكتبي اللي انتي عايزا في ورجه وانا عروح اجبهولك هوا وبلاش تطلعي عشان وضاح بيه منبه مفيش حد يخرج من السرايا متجبلناس الكلام الله لايسيئك ياست.
مياده //خمس دجايج مش هعوج اشتري حاجه واجي علطول.
الغفير // طيب اجي معاكي الا حد يضايجك.
مياده //لا مالوش لازمه.
الغفير // بالله عليكي متعوجي منجصينش كلام وبهدله.
مياده //حاضر.
♕♕♕♕♕♕♕♕
الو ياكبير البت خرجت من السريا لوحدها ايه رايك انفذ دلوكيت ولا استني.
سعفان //ودي عايزه كلام ياغبي نفذ علطول مستني ايه بس اتاكد ان مفيش حد ماشي وراها وان مفيش حد شايفك وانت بتنفذ.
الرجل // دخلت الصيدليه ياكبير باين عليها بتشتري حاجه عستناها لما تطلع وانفذ علطول متجلجش جنابك.
سعفان //اتاكد ان مفيش حد شايفك الغلطه بعمرك انا بجولك عشان تبجي فاهم..
الرجل // اطمن جنابك ولا يكون عندك فكره.
سعفان //خلص وكلمني.
الرجل // حاضر جنابك.
♡♡♡♡♡♡♡♡
لو سمحتي يابتي ممكن تجري لي الورجه دي معلش يابتي معرفش اجري.
مياده //حاضر ياعم لفيني الورجه.
الرجل //خدي يابتي الورجه اهي.
مياده //اتعمل ايه ياراجل انت..الحجونني ياخلج اااااااه.
الرجل // متخافيش يابتي عنروحوا مشوار صغير وعنرجعوا علطول. هات العربيه وشيل معايا نحطوهافي العربيه. يالا اطلع بسرعه.
الرجل // الو ياكبير كله تمام البت معانا في العربيه.
سعفان //اطلعوا علي البيت طوالي واياك حد يجرب منيها عيكون اخر يوم في عمره وانا مسافه السكه عكون عنديكم.
الرجل // تمام جنابك..
____________♕♕♕♕♕♕♕______اطياف راحل.
راحت فين داهيه البت دي قالت حتشتري حاجه من الصيدليه وترجع علطول بقالها يجي ساعتين ولسه مرجعتش.
داليا // واحنا مالنا متروح في مصيبه هي كانت بقيت اهلنا ولا احنا هنقعد لهم بيها اياكش تروح مترجعش.
ناديه // بس اسكتي انا قلقانه عليها دلوقت يجوا يسالوا عليها وعتسمعي العقربه هتقول ايه لما متلاقيهاش.
داليا // هتقول ايه يعني واحنا مالنا هو احنا اللي كنا قلنا لها تخرج.
ناديه // طيب انتي قاعده ليه قومي نطلع فوق قبل ماحد يجي ويسالنا عليها.
داليا // لا انا مستنيه شويه لما يجوا من عند صالحه هستني وضاح.
نادبه //وتستني وضاح ليه زمانهم كلهم راجعين معاه بتفكري في ايه.
داليا //الليله ياماما دا انسب وقت انفذ فيه اللي في دماغي مفيش وقت مش ضامنه ايه اللي هيحصل بعد كد ولا ضامنه اننا نفضل موجودين بعدكده.
ناديه // ايه اللي في دماغك يابت بطني فهميني.
داليا// هتفهمي كل حاجه بس النهارده لازم انفذ النهارده انسب يوم وخصوصا ان مفيش حد موجود من الحريم كلهم في المستشفي مش هيجيلي فرصه تانيه انسب من دي.
ناديه // ياخوفي المره دي عزيزه تخلي اللي مايشتري يتفرج علينا وتخلينا عبره للناس كلها.
داليا قلتلك متخافيش ومتكسريش مجاديفى بقي.
ناديه // هكتم واسكت لما اشوف اخرتها معاكي.
السلام عليكم.
نايه // وعليكم السلام ايه الاخبار صالحه ربنا كرمها.
وضاح // اه الحمد لله ياخالتي عقبال سعاده بناتك جابت فهد زي الجمر.
ناديه // ربنا يخليهولها.
داليا // اومال الجماعه مجوش ليه.
وضاح// لسه عيوصلوها البيت وعيشوفوا مين اللي عيبات معاها والباقي عيجي.
ناديه // وعدنان مستنيهم وهيجيبهم.ولا هما هيجوا لوحدهم.
وضاح // لا عدنان عنده شغل في المزرعه ويمكن يبات.
ناديه //اه مين هيجيب الجماعه.
وضاح // ادهم عيوصلهم الا انا عندي صداع خلي البت سماح تعملي جهوه وتطلعهالي الغيه.
ناديه //حاضر ياحبيبي.
وضاح //بعد اذنكم تصبحوا علي خير.
ناديه // وانت من اهل الخير ياحبيبي.اوووف الحمد لله مسالش علي الزفته اللي اسمها مياده مكنتش عارفه ارد عليه اقوله ايه.
داليا //سيبك من الزفته دي وركزي معايا كويس وتنفذي اللي هقولك عليه بالحرف الواحد.
انا هطلهله القهوه في الغيه واقعد اتساهر معاه شويه وانتي اول مايوصلوا هتقولي للزفته اللي اسمها شمس لما تسال عليه انه في الغيه فوق وبعدين هترني عليه والباقي عليه انا هتصرف واعمل اللي المفروض كان يتعمل.
ناديه // طيب افرضي شمس مجتش وفضلت عند صالحه.
داليا // هتيجي وانا متاكده انها هتيجي شمس بتغير علي وضاح ولا يمكن هتسيبني انا ووضاح في مكان واحد وهي في مكان تاني دي كانت تموت هتلاقي العقربه جايباها وجايه دلوقت.
ناديه //مش عارفه انتي جايبه الثقه دي منين.
داليا // انا خطتي مش هتنزل الارض المره دي بكره تشوفي بتك هتعمل ايه دلوقت انا هعمل القهوه هاخدها واطلعله بيها الغيه وزي ماقولتلك اول ماتوصل هتقوليلها ان وضاح في الغيه وهتديني رنه وسيبي الباقي عليه واوعي تنسي اي حاجه من اللي قلتلك عليها.
ناديه // اوعي تحطي حاجه في القهوه تاذي وضاح.
داليا // لا اطمني دي حاجه بسيطه هتخليه يدروخ بس هتخليه في وعيه علشان الموضوع ميتكشفش.
ناديه //قلبي مش هيطمن غير لما الموضوع ده يخلص والبت دي تغور من البيت ونرتاح منها.
داليا // اوعدك انها هتغور وانا اللي هبقي ست البيت واحكم وامر فيه.
ناديه // ياخوفي المره دي يرمونا بره البلد خالص.
_______________♡♡♡♡♡♡♡♡______اطياف راحل.
هي دي البت اوعوا يكون حد جه جارها.
الرجل // عيب ياكبير محدش لمسها.
سعفان // والله حلوه زي الجمر زي امك يا بت عزام انتي اللي عتجيبي هيبه علي ملا وشه عياجي يرمح ورا رئيسه بعد ماتعرف ان بنتها اتخطفت.
الرجل // انا بس نفسي افهم ياكبير انت عايز هيبه تعمل بيه ايه.
سعفان // ملكش صالح يابهيم انت انا عارف انا بعمل ايه خليك في حالك ومتسالش علي اللي مالكش فيه تنفذ اللي عجولك عليه وخلاص.
الرجل //انت تامر جنابك وانا انفذ علطول.
سعفان // اطلب عياد والرجاله علشان يجي ضرور ي وبلغه ان احنا هنخلص كل حاجه الليله.
الرجل // حاضر جنابك عتصل بيه دلوكيت.
سعفان // شوف حالك يالا علشان عايز اعمل مكالمه مهمه.
الرجل // انت تامر جنابك.
سعفان // الو.. طب ياراجل اسال عليا هو اللي بينا مكانش عيش وملح تمشي وتجول عدولي دا انت حتي مودعتنيش وانت ماشي.
هيبه // انت عرفت النمره دي منين مفيش حدا بيعرف النمره دي نهائى غير....
سعفان // ايوه هي غير دي اللي ديما بتودينا في داهيه ديما بنثج في ناس متستهلش الثجه تدي الامان لواحد زي ده شغال عندي خدام وتجوله علي تليفونك عشان يبلغك الاخبار اول باول كت جولي انك عايز تعرف اخبارنا وانا كنت بلغتك بيها.
هيبه // عايز ايه ياسعفان انت مش وديت الفيديو لجابر عايز تسلم الفيديو للحكومه روح سلمه مفيش حاجه فارجه معايا.
سعفان // عيب عليك ياراجل انا برده اعمل اكده دا انت عشره عمر واحنا كنا عايشين مع بعض علي الحلوه والمره ولا يمكن اعمل اكده.
هيبه // لا من انت عملت وخليت رجالتك يراجبوني ويصوروني كمان وخدت الفيديو وبتهدد بيه جابر اخوي.
سعفان // مش تهديد ولا حاجه ياهيبه الحكايه ومافيها اننا عايزين نعدي شويه حاجات في العربيات بتاعه اخوك جابر اللي محدش عيبصلها لا ولا وهي داخله ولا وهي طالعه بس اكده.
واخوك جابر وافج خلاص ومفيش مشكله والفيديو ده محدش عيشوفه المهم دلوكيت انا بكلمك في موضوع تاني خالص.
هيبه // موضوع ايه مفيش مواضيع بيني وبينك غير ده.
سعفان // لا في موضوع مهم خالص وانا طالبك عشان اكده.
شوف الصوره اللي عبعتهالك دلوكيت.
هيبه // دي مياده!! ايه اللي جايبه عنديك وهي نايمه اكده ليه واللي خلج الخلج لو مسيتها لكون مجطعك ياسعفان.
رئيسه // مياده مالها ياهيبه رد عليا.
هيبه // استني يارئيسه اوعاكي اكده.
رئيسه // رد عليا ياهيبه بجولك مياده مالها.
سعفان // طول بالك ياواد عمي انا عجولك علي كل حاجه بس لما تاجي الاول في خير كتير ياواد عمي عيساع الكل وعيغرقنا في العز والهنا وعتيجي وتشوف بنفسك.
هيبه // سيب البت ياسعفان وخليها تروح وبعدين نتفاهم.
سعفان // ممنوش فايده ياهيبه الكلام دا جدر ونفذ خلاص دا نصيبها اللي مكتوب ليها ومحدش يجدر يخلصها الا لو جيت انت طبعا وخلصتها.
هيبه // قدر ايه يامجنون عتجول ايه انت تقصد ايه.
سعفان // اللي انت فاهمته ياواد عمي المجبره معتفتخش الا بدم عروسه والعروسه موجوده.
هيبه // عيكون اخر يوم في عمرك لو ده حصل وانت عارف ان مبجولش كلمه وارجع فيها حياه مياده جصاد حياتك لو ده عيكلفني عمري ياسعفان.
رئيسه // بتي انا اللي ضيعتها مشيت وراك وسمعت كلامك وسبت بتي بتي ضاعت منك لله ياهيبه منك لله بتي زنبها ايه حرام عليكوا دي اللي فضلالي في الدنيا انا لازم انزل البلد دلوكيت لو ايه اللي عيحصل لازم اروح لبتي.
هيبه // اهدي يارئيسه متخافيش والله لجيبلك بتك لو ايه اللي عيحصل لوده عيكلفني حياتي متخافيش معيعملوش حاجه النهاره معينفش اللي عيعملوه غير مع تمام الجمر يعني
عمره معيجدر ياذبها النهاره هو دلوكيت خايف عليها اكتر منينا اول يسال الشيخ عيجوله اكده.
رئيسه // انا اللي ضيعت بتي انا اللي ضيعتها مشيت وراك عاميه ومش شايفه ووافجتك علي كل حاجه بتعملها ودي النتيجه.
هيبه //جلتلك اهدي الله وكيلك ياشيخه ماعخلي حد يجرب ليها وعتشوفي انا جد كلمتي ولا لا.
_________♕♕♕♕♕♕______اطياف راحله.
يعني ايه ابن الجديمه كان بيضحك عليا محمل العربيات تحف وانتيكات هي دي الحاجات اللي عيساوم عليها مجابل العشره مليون جنيه.
مدير الامن // اهدي ياجابر احنا كنا متوقعين انه هيعمل كده علشلن كده مرضيناش نهاجم العربيات هو عمل كده علشان يختبرك ويشوف انت هتبلغ عنه ولا لا. والراجل بتاعنا اللي وسطيهم بلغنا لكل حاجه.
جابر // طيب هو اكده استفاد ايه.
مدير الامن // استفاد ان امن نفسه والمره اللي جايه هيحمل العربيات الممنوعات اللي عايز يحملها.
جابر // طيب وبعدين يابيه.
مدير الامن // كده يبقي هو لعب اللعبه زي ما احنا عايزين احنا كنا ماوقعين انه هيعمل اكده والمره الجايه هنقبض عليه متلبس هو واللي معاه. وكمان احنا عرفنا ان هيبه اخوك هيرجع البلد.
جابر // هيرجع كييف يعني اتجبض عليه.
مدير الامن // لا متقبضش عليه وده اللي كنت عايز اقولهولك وطلبتك علشانه سعفان خطف بت عزام وطبعا رئيسه لما تعرف ان بنتها اتخطفت هتيجي علي ملا وشها وطبعا هيبه مش هيسيبها تيجي لسعفان.
جابر // ابن المحروج حصلت كمان لخطف البنته.
مدير الامن // اومال لو تعرف هو خاطفها ليه.
جابر // عيكون خاطفها ليه يعني واحد قذر عيخطف البنته ليه.
مدير الامن // هو اينعم قذر بس مش اللي في دماغك. سعفان خاطف البنت علشان يدبحها علي باب المقبره علشان تفتح لان الشيح قاله ان المقبره عشان تفتح عايزه دم عروسه وهو مكدبش خبر.
جابر // واااه عتجول ايه حضرتك عيدبح مين هي فروجه عيدبحها دي بني ادمه والبت دي كانت عند وضاح في بيته خطفها الزاي.
مدير الامن // مش مهم الزاي المهم انه خطفها وخلاص.
جابر // طيب وجنابك سيبهم ليه لما يخلصوا علي البت.
مدير الامن // الموضوع ده متاجل كام يوم لما القمر يكتمل زي الدجال ماقالهم.
جابر // عشان كده حضرتك مستني يتلموا كلهم عشان تقبض عليهم.
مدير الامن // ربنا يسهل نفسي قبل ما مشي من البلد دي انضفها من المافيا دي الحيوان ده بيتحكم في مافيا كبيره لتجاره السلاح والمخدرات والدعاره حتي في تجاره البشر مخلاش حاجه قذره الا وعملها وللاسف ياجابر اخوك مشترك معاهةفي كل الحاجات دي.انا مش عارف ياجابر هيبه ده اخوك الزاي.
جابر // متستغربش يابيه صوابعك مش زي بعضيها هي دي اخرت المشي العوج وانا سبب اساسي في اللي هيبه فيه ده كل غلطه كان بيغلطها هيبه وهو صغير مكنتش بحاسبه عليه وكنت ماشي اصلح واسوي وراه لما تعود علي الغلط وهو عارف كويس ان في حد عيصلح وراه ومبجاش يهمه حد وبجي يعمل اللي هو عايزه وميعملش حساب لحد.
مدير الامن // لا جابر متحملش نفسك ذنب انت معملتهوش هو اللي غلط وهو اللي لازم ياخد جزاءه.
جابر //بردك اخوي يابيه والدم عمره مايبجي ميه وصعبان عليه اكتر مرته وولاده مالهمش ذنب في اي حاجه.
مدير الامن // ربنا يقويك ياجابر علي اللي انت فيه مش اي حد فعلا يستحمل اللي حصل ده ولا اللي لسه حيحصل انت فعلاجبل.
جابر // ربنا يستر يابيه اهم حاجه عندي دلوكيت البت الغلبانه اللي هتضيع في الرجلين دي اوعاك تسيبها يابيه او اديني الاذن الم البلد كلياتها واهجم عليه ونخلص عليهم كلياتهم ونريح الناس من شرهم.
مدير الامن // جابر اوعي تخليني اندم علي اني قلتك علي كل حاجه انا متحكم في زمام الامور كلها ومسيطر علي كل حاجه.
جابر // متخافش يابيه انا مش ممكن اهد كل اللي حضرتك عملته الشهور اللي فاتت ولا عخطي خطوه واحده الا بامر جنابك انت لازم تتاكد من اكده.
مدير الامن // انا عارف ياجابر و متاكد من كده وعارف انا معتمد علي مين كويس.
تعليقات
إرسال تعليق