رواية هنا التقينا الفصل الثامن عشر 18 بقلم ندى محسن

سراج ابتسم: للدرجة دي

رشا انتبهتله وبصتله

سراج: كأنه هم وانزاح عن قلبك

رشا هزت راسها بإيجاب وخجل

اوتار بتأكل اسلام وبتاكل

اسلام: عايز بابا

اوتار: مش قولنا في شغل وكلها يومين ويرجع

اسلام: فات يومين

اوتار: لسه

اسلام نزل من على الكرسي وجري على برا

اوتار زعقت: والله انا هتجنن يا اخي انا اللي حملت فيك ورضعت وشلت وتعبت وانت عايز بابا عايز بابا اعمل ايه طيب انااااااااا

سراج بص لرشا وضحكوا

اوتار طلعت ورا اسلام بتدور عليه: اسلااااااام متجننيش

عز: ايه مواحدة واحدة عليه

اوتار اتفاجأت بعز: عز!!!

عز باس اسلام واسلام حاضنه

اسلام: انا زعلان منك سافرت من غير متقولي

عز باس خده: حقك عليا كنت مستعجل وكنت انت نايم

اسلام: مش هنام تاني

اوتار بصاله بإشتياق كأنها مشافتهوش من زمن بصلها: ازيك

اوتار: انا.... بخير...

عز ابتسم وهز راسه بإيجاب دخل وابتسم بخبث

اوتار حست انها اتخنقت من معاملته ليها ودخلت

سراج ضحك: يعني ايه بقى مقدرتش تستحمل تبعد عن اوتارك

عز: بس يلة

رشا ابتسمت ورفعت ايدها اليمين بسلام

عز ابتسم وقرب يحضنها بعدت استغرب وهي ابتسمت بكسوف: عامل ايه

عز ابتسم بحنان: الحمد لله بخير

انتبه لرقبتها مسك وشها: ايه دا يارشا؟

رشا: ايه؟

عز: ليه في خرابيش كدا؟ مين خربشك بالشكل دا؟

رشا انتبهت وافتكرت تامر وماجد: انا كويسة...

عز: ايه اللي حصل؟؟

سراج: اقعد طيب ريح وهنحكيلك

حكاله كل حاجة وهو بص لأوتار بحيرة

اوتار:في ايه بتبصلي كدا ليه؟

عز:اصلك اعترضتي انها تمشي حتى مع اهلها

اوتار بصتله وسكتت

رشا ابتسمت:هي قلبها كبير

عز:كان نفسي عقلها يكون زي قلبها

اوتار بصتله وحست بنظراته التهكمية اللي بتظهر عكس اللي جواه:انا هروح اشتري شوية حاجات ناقصة

سراج:تحبي اروح انا

اوتار:لا يا حبيبي انا اللي هروح...بس خلوا بالكوا على اسلام

رشا:متخافيش هخليه معايا

اسلام كشر:لا هقعد مع بابايا

اوتار هزت راسها بإيجاب وهتخرج وقفها صوت عز

عز:استني

اوتار بصتله:نعم

عز:انا لسة راجع وسراج ممكن يجيب الحاجة دي بدالك

اوتار:انت لسة راجع محتاج تريح مش تتكلم

سابته وخرجت بضيق

سراج:في ايه بتتكلم معاها كدا ليه

عز:هو انا اتكلمت اصلآ!

رشا بصتله بلوم وسكتت

عز:مالك انتي كمان

رشا:مش عارفة حساك بتضايقها

اسلام:بابا براحته

سراج:انت بتطبله والسلام

عز ضحك:ملكش دعوة بيه يا سراج

سراج:اه منت مخلفتش غيره

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

اوتار:اول مرة كان يرجع من مشوار مهما كان بسيط مياخدنيش في حضنه....دا كان سفر يومين مشوفتهوش...وهو... حسيته مهتمش....

اسيل:وبعدين

اوتار:وبعدين حسيته بيوجهلي كلام....ضايقني جدا انا بحاول اسيطر على نفسي بس ليه مش فاهمني

اسيل:انتي خايفة

اوتار هزت راسها بنفي

اسيل:انتي فعلآ خايفة يا اوتار خايفة من حاجات كتيرة

اوتار هزت راسها بنفي:انا مخنوقة مش خايفة

اسيل:بمنتهى البساطة انتي مخنوقة لأنك خايفة خايفة يبعد عنك فجأة خايفة متلقيش حد جنبك خايفة تتنسي عيالك كل واحد في دنيته وانتي فجأة لقيتي نفسك وحيدة

اوتار هتتكلم بس سكتت فجأة عيونها دمعت وفي ثواني الدموع انسابت على خدها

اسيل بصتلها بحنان:اوتار انتي محتاجة تطمني نفسك محتاجة تثقي اكتر في اختياراتك عز دا نفس الشخص اللي انتي اختارتيه نفس الشخص اللي حبتيه ولحد الأن لو خيروكي بين الدنيا كلها وبينه هتختاريه

اوتار بتعيط:انا هختاره بس هو ايه!انا خايفة فعلآ ليكون حاسس ان عمره راح معايا على الفاضي بقيت اشوف في نظرته سخرية مني

اسيل:ليه ميبقاش انتي بس اللي بتشوفي كدا

اوتار بدموع:انا مش عارفة حاجة انا بقيت مخنوقة من كل حاجة انا معنديش صحاب وكنت واخدة عز في حياتي كل حاجة بس في وقت متخنقت اكتشفت اني معنديش الشخص اللي هتكلم معاه ويفهمني

اسيل:انتي محتاجة ترجعي الحماس اللي كان في علاقتكوا من البداية انتوا لسة فيها انتو مكبرتوش انكوا ترجعوا الشغف اللي بينكوا

اوتار:انا مش عارفة هو بيفكر في ايه لأول مرة اعجز اني افهمه....

اسيل:هقولك على خطوات لازم تطبقيها على نفسيتك هتحسي براحة اهم حاجة انتي بتصلي؟

اوتار هزت راسها بإيجاب:مهما حصل علاقتي مع ربنا مش هتتغير هو اللي دايمآ جنبي واتمنى انها تقوى

اسيل ابتسمت بتشجيع:ودي اهم خطوة ندخل بقى على اللي بعده

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

سراج بيتكلم في التليفون ووقف بصدمه:يعني ايه يحيى انت متأكد طيب...انا جاي حالآ

عز:في ايه يا سراج؟

سراج بغضب:دا اللي كانوا بيسموه هدوء ما قبل العاصفة كنا ماشيين في القضية ومصادرنا اللي مع رجالة الكيلاني بتدينا اخبار مكناش فاهمينها بس دلوقتي جه خبر انه بيستعد لتهريب اكبر صفقة في تاريخه او نقول في تاريخ مصر كلها ثفقة داخل فيها بكل جنيه معاه فاهم مدى اهميتها ليه

عز وقف بإستغراب:يعني ايه

سراج:يعني لو خربت هيشهر افلاسه ولو نجحت هيبقى اكبر خراب في تايخ البلد كلها وهيزيد قوة ونفوذ ابن الكيلاني ومحدش هيقدر يوقفه لأن محدش ماسك عليه حاجة

عز:ثفقة ايه دي؟

سراج:متتسماش ثفقة بقى دي ثفقات مخدرات واثار واسلحة يعني تدمير شامل لكل شيئ هتتهرب ازاي؟امتى بالظبط محدش عارف ودا دوري

عز:سراج انت هتقدر

سراج:انا لقاتل لمقتول يا بابا ومش سراج المنشاوي اللي ينتهي بسهولة

خد سلاحه لبس الچاكيت ومسك المسدس بتاعه بغضب حطه في جيبه وخرج

رشا بصت لعز بقلق

عز:القضية دي بقالها سنة الظباط عجزوا عن حل لغز الكيلاني لحد ممسك القضية سراج كان اكتر تصميم وتمسك بيها واتمنى انه هو اللي يقضي على عيلة الكيلاني.....

رشا هزت راسها بقلق:ربنا يستر

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

وليد قاعد على السفرة بيبص لسلوى من وقت للتاني

سلوى سرحانة وعقلها مش معاهم وهي بتفتكر

Flash bach

سلوى بعدم فهم:انت عايز ايه انا مش فاهمه بردو هنطلع فوق ليه انت عارف ان الحتة اللي فوق دي محدش بيطلعها انت عارف ان

غيث سحبها:اسمعيني بقى مش وقت كلام كتير البرج محدش بيطلعه على حسب كلام بابا وعمتي وعمي ان تيته انتحرت فيه ومن ساعتها البرج دا مقفول مش كدا

سلوى:وجدك لو شافنا فوق هيعمل مننا بطاطس محمرة...محمرة اي دا هيعمل مننا بطاطس مهروسة يا ابيه غيث

غيث اتنهد بضيق:قبل محد يصحى اسمعيني انتي الوحيدة اللي هثق فيكي انتي الوحيدة اللي هقدر اتطمن لما اقولكد. كريمة ممكن متقدرش تكمل المهمة دي هتبقى تحت عين جدك لما يرجع

سلوى:تقولي ايه!ومهمة ايه دي

غيث طلع البرج معاها فتح اوضة وهي هزت راسها بنفي وهي بتتخيل المكان دا انتحرت فيه واحدة شافت الدم مالي المكان بعدت بفزع وهزت راسها بنفي غمضت بخوف

غيث:سلوى

سلوى فتحت ملقتش حاجة

غيث:ادخلي

سلوى:ابيه غيث ارجوك خلينا نمشي انا لو مموتش بسبب جدو هموت من الرعب

غيث غمض بضيق سحبها بهدوء وقفل الباب قلب مرتبة السرير وشال المولل اللي تحته وهي مستغربة هو بيعمل ايه خبطت تلت خبطات وسكت وخبط خبطتين وسكت وخبط خبطة الأرض مربع منها بقى يتحرك وهي في حالة صدمه واتفتحت مقدرتش تشوف وشها لأنها نزلت بسرعة وغيث نزل مع سلوى اللي لجمتها الصدمه اول مشافت وش البنت:ايماااان؟؟؟

غيث:اهدي وسيطري على نفسك

سلوى بعدم تصديق وخوف:ا...ايمان...دي انتي....انتي عايشة غيث دي ايمان

غيث خلاها تقعد:ايمان هاتيلها مية

ايمان جابتلها ميه:اهدي يا سوسو والله مش عفريته

غيث ابتسم وهو باصص لإيمان بحب

ايمان ابتسمت وبصتله:اشمعنا عرفتها

غيث اتنهد:علشان مش ضامن ايه ممكن يحصل

ايمان حضنته:انت شايل كل حاجة لوحدك

غيث بضيق:عارفة بس لو حبيبك يخف عني شوية

ايمان بحزن:كان لازم يعرف من حقه

غيث:نادر مجنون لو عرف ان جده هو اللي كان عايز يموتك يا ايمان هيقلب الدنيا وهو لسة مش عارف قوة عدوه

سلوى بصالهم بذهول

back

رامي بيحركها:سلوى

مرڤت:اللي واكل عقلك

سلوى انتبهتلهم

رأفت بتهكم:اللي واكل عقلها انا عارفه بس الأحسن تبعد عنه علشان هي لسة صغيره وعقلها على قدها

الكل بص لرأفت ووليد اتضايق هو معترض على علاقتهم الراجل دا مبيحبش يشوف حد سعيد قدامه

رامي:متاكلي

جواهر:باكل اهو...بس

رامي بيهمس هو وجواهر:بس ايه

جواهر:قلقانة على سلوى وخايفة...

رامي:جواهر احنا نستعد نمشي من هنا ونبعد عن اي حاجة

رأفت بجمود:هو انتوا قاعدين هنا علشان تتكلموا الأكل ليه احترامه ركزوا فيه

نادر بلامبالاة:جدي الصفقة كلها اسبوع وتبقى منتهية

رأفت:بجد

شاكر بإستغراب:صفقة ايه؟؟

رأفت بحدة:خليك في شغلك ومتدخلش

شاكر اتعصب وسكت

كامل بصلهم بإستغراب ونادر ابتسم بتهكم

سلوى باصة لنادر بشفقة استغربها جدآ بس معلقش...

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

ملك خبطت على روز

غيث فتح

ملك: احنا هنروح الكوافير دلوقتي لو ممكن هي تيجي معانا

غيث بص لجوا شافها هز راسه بنفي: لا هي مش محتاجة هي هتحط حاجات بسيطة

ملك هزت راسها بإيجاب وخجل مشيت

روز: مكنت اروح معاهم

غيث سحبها في حضنه: النهاردا انا عايزك رايقة وحلوة كدا هاا

روز: اشمعنا!

غيث ابتسملها بخبث وهي بصتله زأته بخجل: انت قليل الأدب

غيث برق وشاور على نفسه بمعنى انا

روز: اه انت قليل الأدب

غيث قرب: واثقة

روز بعدت هزت راسها بنفي:لا طبعآ

غيث ضحك: سمعيني كنتي بتقولي ايه

روز ببراءة: هو انا اقدر اقول حاجة عليك يا غيثي

غيث ضحك : بتضحكي عليا اوي

روز ضحكت وحضنته بحب

غيث ابتسم وضمها وغمض بقلق: يا ترى يا نادر ناوي على ايه انت ورأفت باشا!!

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

اوتار دخلت شافت رشا قاعدة بتلعب مع اسلام

رشا: حمدلله على السلامة

اوتار ابتسمت نص ابتسامة: الله يسلمك...

دخلت الشنط اللي معاها في المطبخ وخرجت

رشا: عز.... انكل عز... عايزك فوق

اوتار هزت راسها بإيجاب وطلعت دخلت كان بيتكلم في التليفون: ايوا انا عايز عينكوا متتشلش من عليهم.... طيب..... امممم... تمام.... اتفقنا

قفل وانتبهلها

اوتار بصتله

عز: كنتي فين ؟

اوتار: روحت اشتري حاجات

عز: كنتي فين؟

اوتار: روحت اجيب حاجات

عز: كنتي فين يا اوتار

اوتار بصتله: انا قولتلك

عز: كنتي فين؟!

اوتار: انا... قولت

عز مسك كتفها بعنف سحبها ليه: كنتي فين

اوتار بصت لأيده بصدمه: في ايه يا عز؟؟؟ في ايه انت هتضربني

عز: واكسر رقبتك كمان

اوتار بصتله بصدمه سيطرت عليها وزأت ايده بصوت مهزوز: ابعد عني دا مش من حقك

عز شدها: مش من ايه؟ لا سمعيني كدا

اوتار بتبعد بضيق

عز ماسك ايدها ومثبتها قدامه

اوتار بتبعد ايدها: في ايه يا عز انت مالك في ايه؟

عز: انتي اللي مالك مقلوب كيانك ليه وبقيتي تروحي على فين

اوتار بتبعد

عز اتعصب:اوتااااار انتي عارفة انا بتضايق من الأسلوب دا

اوتار:متضايق

عز بصلها اوي

اوتار بعدت ايده وبعدت بتسيطر على دموعها بالعافية هي خلفت كل حاجة قالت عليها الدكتوة بس هي حاسة انها محتاجة تخرج غضبها المكبوت

عز سحبها وبصلها بعدم تصديق:هو في ايه بالظبط مالك متتكلمي

اوتار:مالي انا كويسة

عز:لا مش كويسة

اوتار:انت راجع من سفر هحضرلك اكل

عز:كلت انتي لسة فاكرة تيجي دلوقتي تجهزيلي اكل

اوتار بصتله وهزت راسها بإيجاب

عز اتخنق من طريقتها الجديدة دي واللي كانت عكس متوقع يعني هي بتعاقبه على طريقته ولا اي بالظبط

اوتار نزلت وهو قعد بضيق مش قادر يفهم في ايه

اوتار دخلت اوضة اسلام وعيطت غصب عنها

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

الأغاني اشتغلت والناس هاصت وروز كانت لابسة فستان انيق جدآ ازرق ومعاها غيث وملك قربت الفستان كان يجنن عليها

ملك ابتسمت بسعادة:انتي شكلك حلو اوي

روز ابتسمت:حبيبتي انتي اللي قمر جدآ بسم الله ما شاء الله

مالك:ربنا يخليكي...اكيد كنتي اجمل واجمل في فرحك

روز بصت لغيث وابتسمت

غيث باس ايدها بحب:هي اجمل في كل وقت

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

اوتار نادت:الغدا جاهز يلا

عز قرب:لسة سراج مرجعش؟

اوتار هزت راسها بنفي:لا لسة...

رشا قربت قعدت

عز:في ايه قاعدة بعيد ليه متقربي مش بتحبي تقعدي جنبي؟

رشا بصت لأوتار

اوتار متجاهلة وبتاكل

عز بص لأوتار:في ايه انتي مالك بيها

اوتار بصتله بإنتباه

عز بغضب:انتي مالك بيها قولتيلها ايه انتي مش عايزة تفهمي ليه

اوتار اتفاجأت من كلامه

رشا:عز....هي مقالتش حاجة...انا...

عز قاطعها:رشا انا فاهم كل حاجة

اوتار:فعلاً باين عليك فاهم كل حاجة

سابت المعلقة وطلعت

اسلام بص لعز بضيق وراح وراها بيطلع السلم بصعوبة

رشا:عز هي فعلاً مقلتش حاجة كانت لطيفة جدا معايا وكانت بتعتبرني بنتها لدرجة انها معترضتش تنام جنبي ومكنتش بتنام في الأوضة وانت مش فيها انت ليه عملت كدا لو عملت كدا علشاني فأنا مرتحتش باللي انت عملته دا

عز اتنهد بضيق وطلع شاف اسلام بيخبط على اوتار شاله واسلام بيبعد:نزلني انت زعقتلها ليه انا مش هكلمك

عز باس خده:لا مش تزعل انا داخل اصالحها يلا روح اوضتك بقى

اسلام اول معز نزله نزل على تحت

عز دخلها شافها بتلم هدومها اتفاجأ:انتي بتعملي ايه

اوتار بخفوت:انا كنت....كنت فاكرة لما ترجع الوضع هيبقى مختلف...على الأقل هلاقي منك نظرات حنان واشتياق...مش غضب وجفاء...

عز حضانها

اوتار دموعها نزلت:عز سيبني امشي انا محتاجة لدا لأني تعبانة بجد

عز:مالك اتكلمي معايا

اوتار:لأول مرة مش عارفة اتكلم معاك لأول مرة حاسة انك مش هتقدر تفهم اي حاجه هقولها

عز:كنتي فين النهاردا يا اوتار

اوتار بصتله هو كل اللي عايزو يعرف هي فين!

عز:اتكلمي يا اوتار ومتخبيش حاجه

اوتار:انت شاكك فيا

عز بضيق:انا كنت بتعامل مع رشا قدامك عادي وانتي كنتي شاكة ومازلتي شاكة فيا

اوتار:انا محتاجة اريح اعصابي علشان تعبت

عز:مني؟

اوتار بصتله

عز:امشي؟

اوتار عينها دمعت

عز:متتكلمي مش عيزاني قوليلي امشي

اوتار قعدت على السرير وهي بتعيط

عز قرب قعد قدامها:كنتي فين

اوتار انفعلت:كنت عند الدكتورة هو دا اللي هيريحك؟كنت عند الدكتورة

عز:دكتورة؟دكتورة ايه (اتكلم بقلق)ليه فيكي ايه ايه اللي تاعبك؟

اوتار:دكتورة نفسيه....

عز بنفس القلق:ليه

اوتار:علشان تعبانة وعلشان مخنوقة ومش عارفة اعمل ايه ومش عارفة اروح لمين

عز:اوتار احنا لازم نتكلم

اوتار:صدقني مفيش كلام هيحل

عز:ازاي؟ يبقى الأحسن اننا نسكت ونتجاهل لحد منوصل لمرحلة مش هنعرف نعيش مع بعض حبيبتي انتي لازم تتكلمي معايا

اوتار بصتله هو قال حبيبتي بقالها فترة مسمعتهاش دموعها نزلت:انت مش هتفهمني

عز:مين قالك انا كنت دايمآ بفهمك ايه اللي مش هيخليني افهمك دلوقتي؟

اوتار بصاله:مش عارفة

عز قام خرجلها فستان بسيط وانيق لبسهولها فوق البچامه وهي مستغربة خد البندانة لبسهلها ولبسها الطرحة

اوتار:وبعدين!!انت بتعمل ايه

عز:تعالي معايا

خد الفلوس من على الكومودينو ونزل بص لرشا:رشا خلي بالك على اسلام

اسلام:هتروحوا فين

عز:مشوار اسمع كلام رشا لحد منيجي

اسلام:طيب خودني معاك

عز هز راسه بنفي:مش هينفع بكرا هخرجك مخصوص بس لو معيطتش وسمعت كلام رشا...يلا سلام

نزل واسلام بص لرشا وبرقلها بشكل بيحاول يبقى مخيف:انا عفريت

رشا ضحكت:يا عم انت هي ناقصة

اسلام كشر:خافي والا هعيط علشان انا ذنان

رشا بصتله اوي:ومعترف

اسلام بإبتسامه برود:اه

رشا ضحكت وهي بصاله عيونه تشبه اوتار بطريقة غريبة ملامحه زي عز شعره نفس لون شعر اوتار بقت تدقق النظر فيه وابتسم اد ايه هما لايقين على بعض

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

غيث:معلش بقى دلوقتي لازم نمشي

عم محمد:ليه يا ابني كنتوا مونسينا

غيث ابتسم:والله يا عم محمد المكان دا كان مريح جدا بس جه الوقت اللي لازم نمشي

ام ملك بحزن:طيب خلي بالكوا على نفسكوا وخلي بالك على نفسك يا بنتي وعلى ابنك

روز هزت راسها بإيجاب والشنطة اللي في ايدها ادتها لملك

ملك:ايه دا؟

روز:دي هدية وداع من اخت لأختها

ملك:بس...ملوش لزوم انا بجد مش

روز قاطعتها بتصميم:ملوكة مش عايزة اعتراض

ملك بخجل خدت الشنطة

غيث:بكرا المحامي هيجيلك يا عم محمد ويمشي معاك في الإجراءات

عم محمد بإستغراب:محامي لأيه

غيث:محامي متمكن وهو اللي بيخلصلي اي حاجة بعوزها هيرفع قضية الخلع روز قالتلي وانا بصراحة عايز ملك تبعد عنه النهاردا قبل بكرا وحسابه واصل متديهوش حاجة عم محمد بضيق:ولزومته ايه يا ابني الحمد لله مستورة

غيث:عم محمد انا زي ابنك وارجوك بلاش ترفض طنط ام ملك في اطباق ليكوا في الشقة وكتر خيركوا على كل حاجة

ملك:هتوحشيني

روز ابتسمت وحضنتها:وانتي كمان هتوحشيني اكتر

نادية:انتوا ماشيين؟

ام ملك:امممم عايزة ايه يا نادية

نادية:وهعوز ايه يختي منهم

بصت لغيث:هو اللي بيتكبر على النعمة

استغربوا طريقتها ومحدش فهم

نادية بصت لروز:سلام يا مزة

روز بصتلها بإشمأزاز وبعدت وشها

نادية بصت لغيث بغيظ وطلعت

غيث:الأحسن ونصيحة لوجه الله خلي اخوك يطلقها صدقني متستاهلش القاعدة معاكوا

عم محمد:هي لسانها متبري منها شوية

غيث:الحكاية مش حكاية لسان هي مش تمام

عم محمد بصله وتقريبآ فهمه

غيث:بعد اذنكوا

خد روز على الموتسكل ومشي وهي راكبه قدامه وبصاله:انا اديت فستانين لملك انت جيبت حاجات كتير

غيث:ملوش داعي تقوليلي انتي بتعملي الصح

روز بغيظ:اعمل انت كمان الصح بقى وقولي العقربة دي حصل بينك وبينها كلام

غيظ ضحك ومثل عدم الفهم:عقربة؟

روز:نادية دي

غيظ:سيبك منها

روز:يعني حصل كلام بينكوا امتى وايه اللي حصل

غيث:اليوم اللي قعدت اخبط عليكي ومرضيتيش تفتحي كنت طالع اشوف عم محمد بس هي كانت واقفه بحاجة شبيهة بقميص النوم كدا وقعدت ترمي نفسها عليا بس تتحرق مليش دعوة بيها بني ادمة قذرة محستش بأي شعور غير القرف والأشمأزاز ودا طبيعي قدام اي واحدة بترخص نفسها ومتحطيهاش في دماغك

روز بصتله: مقولتليش ليه

غيث: علشان دي اتفه واقذر من انك تحطيها في دماغك

روز بصتله بتحذير:متخابيش عليا حاجة بعد كدا

غيث ضحك:طيب انزلي

روز:انزل فين هو ايه دا؟

غيث:انتي شيفاه ايه

روز:تقصد الأتليه؟

غيث:اممم يلا بقى

دخلها الأتليه

ايناس:هاي مستر غيث

غيث ابتسم وشاور بإيده ناحية روز:روز مراتي

ايناس:زي القمر اتفضل

روز مستغربة:غيث!

غيث ابتسم:دقيقة وهتفهمي دي مفاجأة

روز بقلق:ربنا يستر متكونش معلق واحد جوا وتقولي اصله بصلك

غيث عض شفايفه بغيظ:بقى كدا

روز بصت قدامها بتجاهل

غيث باس خدها وهي اتفاجأت بصت حواليها مشافتش حد ضربت كتفه بخجل:غيث انت بطل تعمل كدا افرض في حد

غيث:مش مراتي؟وبعدين افرض ليه وهو مفيش حد

ايناس قربت عليهم:اتفضلوا

دخلت لقت طوابير من فساتين الفرح

روز بصتله بإستغراب

غيث ابتسم:اختاري اللي يعجبك

روز:وانا هعمل ايه بيه...يعني انت تقصد ايه...و

غيث خرج الخاتم اللي عبارة عن لؤلؤة رقيقة وركع على ركبته قدامها:تقبلي تتجوزيني

روز بصتله بدهشة وبصت لإيناس اللي مبتسمة بدهشة

غيث:تقبلي تشاركيني باقي حياتي تقبلي تتجوزيني من اول وجديد

روز بدهشة:غيث....

غيث:تقبلي تخليني اسعد انسان في العالم وانا جنبك

روز ضحكت بدهشة وهو مسك ايدها لبسلها الخاتم وباس ايدها وقف وحضانها ابتسمت وهمست:انت مجنون....بس انا بحبك.....

غيث ابتسم:علشان مجنون بس معاكي انتي وبس

روز ابتسمت

غيث مدلها دبلته الفضة وهي ابتسمت مسكتها ولبستهاله وباست ايده ابتسم وحضانها بحب:ربنا يخليكي ليا

ايناس:احم احم نحن هنا تحبوا امشي؟

ضحكوا

غيث:شوفيها هيعجبها انهي فستان ويا رب يكون على مقاسها

ايناس:انت معاك ايناس اي حاجة هظبطهالها عادي براحتها

غيث ابتسم:يلا علشان الميك اب ارتست هتيجي هنا تعملها الميك اب

روز:بس انا مش عايزة

غيث بصلها بإنتباه

روز:انا مش عايزة احط حاجة في وشي الا لو مرطب بس مش عايزة ميك اب غيث مش قولنا اننا هنحاول نقرب من ربنا والشيخ اللي كنا بنسمعه قال حرام التبرج اللي هو الميك اب واللبس العريان والضيق والشفاف وان لبس المرأة زي مالرسول قال لا يشف ولا يصف صح؟

غيث ابتسم وهز راسه بإيجاب:انتي صح انا هستناكي هنا

روز ابتسمت بحب وهزت راسها بإيجاب

ايناس كانت مستغربة عروسة من غير ميك اب ومرات اكبر رجل اعمال في البلد!!

غيث:يا رب عينا....اللي جاي صعب

اتصل على نادر:قررت ايه يا باشا

غيث غمض بضيق:هكون قررت ايه يعني انت يلة اتجننت

نادر:محدش غيرك هيقوم بالمهمة دي

غيث صرخ فيها:لا انا ولا انت يا نادر

نادر:عم محمد مراته وعياله؟فرح ابنه ازاي يجيلك قلب تاخد ابن من حضن اهله بعد يوم من جوازه ازاي يا غيث؟؟؟

غيث اتصدم:انت...تقصد ايه؟؟؟

نادر ابتسم بخبث:اقصد ايه انت اكيد فهمت قصدي مراته هتترمل تبقى ارمله بعد يوم من جوازها ودا علشان ايه علشان ساعدوك يا غيغو

غيث بغضب:انت اقذر انسان انا شوفته بس انت لسة غبي لسة سذج بتقول بمهمة لواحد اصلآ دمر حياتك ولسة هيدمرها

نادر صرخ فيه:جدي احسن من ميت واحد زيك مش كفاية كنت هتموته لما حاول يمنعك

غيث:انت من كل عقلك مصدق دا واحد مختل واحد مجنوووون مبيحبش يشوف حد سعيد علشان عايش في تعاسة مبيحبش اتنين يبقوا قريبين من بعض علشان الكل بعيد عنه وبدل ميحسن علاقته ويهتم بنفسه اهتم انه يدمر كل اللي حواليه حتى لو كانوا اهله وواحد غبي زيك بيسانده

نادر:انا مش هيتضحك عليا مرتين مرة لما وثقت فيك وخنتني وقتلتني لما قتلتها والمرة التانية لما هتخليني اخسر جدي

غيث:وهعمل كدا ليه هقتلها ليه

نادر:علشان قذر علشان حبيتها علشان مستحملتش تكون معايا مش كدا

غيث غمض بغضب:انت من كل عقلك مصدق اني يوم مبص هبص لمرات اخويا انت ايه ربنا خاتم على قلبك وعقلك وسايبه يلعب في دماغك لحد ميغرقك وتكتشف انك متختلفش اي اختلاف عن رأفت الكيلاني

نادر:انا قولت اللي عندي وانت مقدمكش خيار تالت لأما هتقوم بالمهمة دي وتنقذ مراتك لأما متقومش بيها ويموتوا اللي ساندوك ولو فشلت فيها فأنت هتموت على ايدهم ومفيش هزار يا غيث

قفل في وشه

غيث:مكنتش عايز اعمل كدا بس لو ايمان ظهرت دلوقتي رأفت هيموتها ويموت ابنها انا واثق....ولو فضلت مستخبية وقتها نادر محدش هيقدر يمنعه اي حب دا اللي يخلي واحد يدمر كل اللي حواليه علشان بس خسر شخص عزيز عليه دا هوس.....

للكاتبة/ندى محسن ♕Noody♕

متابعة لصفحتي هنا 

وصلوا عند النيل المكان المفضل لعز واللي كانوا بيجوا فيه في اول جوازهم وهي بصتله نزلوا سلالم وقعد وهي جنبه

عز بصلها وابتسم:انا عارف ان نفسيتك بتتحسن لما تيجي تقعدي هنا

اوتار:معاك.....انا مبجيش غير معاك ومع ذلك برتاح

عز:كدا بقى تفتكري راحتك فين ؟

اوتار بصتله وبعدت نظرها

عز باس ايدها وخدها في حضنه:ها بقى اتكلمي ومتقلقيش محدش بيجي هنا

اوتار:انا حاسة انك مبقتش تفهمني انا اعترف اني يمكن بالغت شوية والمفروض ابقى واثقة فيك اكتر من كدا بس انا غصب عني انا بتخنق وبموت كل متقرب من اي واحدة من اول جوازنا وانت ماشي بمبدأ ان كلهم اخواتك ودا ميدلكش حق انك تسلم حتى على اي واحدة مش تحضن اي واحدة مش من محارمك لما اعرف انك روحت مع واحدة وحصل وبت في شقتها ومش بس كدا يا عز انت كمان كذبت عليا وقولت انك في الشغل وانا قاعدة مستنياك وقلقانة عليك....واسمع چيمس بيقول لفلورا لما راح وراك انه شافها نايمة في حضنك

عز اتفاجأ بكلامها

اوتار:انت منتظر مني ايه يا عز؟جيبتها البيت علشان مخنوقكش علشان مفضلش طول منت برا اسأل يا ترى معاها يا ترى عارف يسيطر على نفسه ولا هيضعف قدام بنت جميلة وصغيرة ومش فاهمة الدنيا حواليها انت متخيل كمية العذاب اللي كنت هبقى فيه لتغلط وتتحمل الغلط دا....

عز:اوتار..

اوتار بتمسح الدموع اللي بتتمرد عليها وبتتحرر من بين جفونها:حط نفسك مكاني ولو مرة انا قاعدة مع شاب بيحضني وبيبوسني و

عز اتعصب:اوتااااااار متشبهيش وانا مش صغير

اوتار:وانا كمان مش صغيرة....

عز بصلها

اوتار اتعصبت:زي منت عندك قلب وعندك عقل وعارف الصح والغلط بالنسبة للي حواليك انا عندي قلبك وعقل واقدر اميز

عز فعلآ خسر في نقاشه معاها

اوتار بدموع:انت مستني اراعيك وانت مبتراعيش انا مين بيراعيني ومين بيفهمني انتو بس بتستغلوا طيبتي...و....

سكتت وهي بتحاول تهدى:سافرت وانا حسيت اني مش لازم اضغطك زيادة عن ضغط الشغل والدنيا حسيت اني مفتقداك من يوم وليله...انت رجعت وكنت مستنية تاخدني في حضنك تقولي ان مفيش حاجة اتغيرت انا لسة بوحشك ومش هتتخلى عني....بس...انت اتجاهلتني...انت سيبتني ودخلت وكنت هتحضن رشا وهي اللي بعدت

دموعها نزلت وبقت تعيط من قلبها

عز حس انه غبي هو مضايقهاش هو وجعها مش مجرد مضايقة او مناغشة منه لا هو وجع قلبها...

قرب هياخدها في حضنه بعدت ايده وهزت راسها بنفي

اوتار بدموع:مش عيزاك تراعيني بعد مطلبت منك دا مش عيزاك تاخدني في حضنك لأني طلبت دا انت لو بتحبني هتعمل كدا من غير مقولك هتراعيني من غير مقولك وهتخاف على مشاعري من غير مقولك لأكتر من مرة بقولك حط نفسك مكاني يا عز شوف هتحس بأيه وهتعمل ايه ووقتها هتحس ان تصرفي دا نقطة في بحر تصرفاتك......

عز بصلها وهي بتهدي نفسها

اوتار:انا حقيقي اتعاطفت معاها وحبيتها البنت ملهاش حد بس انا زعلانة من جوزي اللي المفروض يكون عارفني وحافظني والمفروض يراعيني......

عز:تحبي اعمل ايه...انا لأول مرة عاجز عن التفكير....

اوتار بصتله بدموع:عز............