رواية أحببتها صعيدية الفصل السابع عشر 17 نور الدين جلال

ز اتصل بالحاج نعمان *

معتز :: الو ايوة يا حاج نعمان .

الحاج نعمان :: ايووة يا استاذ معتز في حاچة ؟ .

معتز :: اسمعني كويس يا حاج نعمان واللي هقولة دة يفضل سر بيتا مفيش مخلوق يعرفة .

الحاج نعمان :: جول ياولدي واللي هيتجال هيبجي سر هينزل معايا الجبر لما ربنا يريد .

معتز :: دلوقتي نقدر نقضي علي كرم للابد وانا عارف هو اذاك اد اية وآخرهم خطف الدكتور احمد .

الحاج نعمان :: بتتكلم چد ؟

معتز :: ايوة هو دلوقتي ف مكان بيحفؤو فية علشان يطلعو اثار .

الحاچ نعمان :: طب ومبلغتش الحكووومة لية ؟

معتز :: انا مش هينفع اظهر ف الصورة لان كرم تقيل والناس اللي وراة هتدور ورايا وتجيبني لان لو بلغت القسم اكيد مطبخ معاهم ومحدش هيتحرك.

الحاج نعمان :: وانتا عايزني اني اللي ابلغ عنة علشان العداوة اللي بينا وعشان عندي ناس تجال اعرفهم ؟

معتز :: الصراحة ايوة ياحاج .

الحاج نعمان :: ودي عايزة سؤالات يا ولدي انا اعمل اي حاچة عشان انتجم من كرم يلا جوام جولي مكانة فين علشان اكلم حبايبي ويبعتو جووة تجبض علية .

معتز :: هقولك كل التفاصيل بس متنساش انا مقولتلكش حاجة .

******* باااااااااااااااااااااااااااااااااااااااااااااااااك ****

الحاج نعمان :: الفلوس ياحاچ هي اللي چابتلي كل اسراره

العمدة :: ايوة فاهم طبعا

انا اجصد علي تفكيرك .. اذيتة وهديتة وكسرتة وانتجمت منة وكلة بالجانون

الحاجة صباح :: كيفك يا امينة يا اختي عاملة ايه دلوك ؟

الحاجة امينة :: الحمد لله نحمده .

صباح :: الف سلامة عليكي يا اختي .. امال فين الهام من ساعة ما چيت وهي ولا حس ولا خبر

اسماء :: راحت العيادة مع اشواج ونعمة الصبح وهتجضي معاهم اليوم هناك .. اصلها زهجانة

صباح :: راحت العيادة.. ومن غير متستأذن من چوزها .. ليه هي اطلچت واحنا مانعريفش

الحاجة امينة :: ماهو ابوها موچود يا حاچة ولا ايي ؟

صباح :: مجولتش حاچة بس كمان چوزها موچود مماتش .

...............

العمدة :: ايوة صح ياحاچ نعمان مش البت سامية اللي كانت شغالة مع كرم رچعت البلد تاني

الحاج نعمان :: ايوة عرفت وبجت شغالة دلالة بتسرح علي البيوت بالچلبيات الحريمي وجمصان النوم

العمدة :: البلد كلها بتجول ان البت دي ماشية مشي بطال وكات مرافجة الكلب كرم في الحرام

الحاج كرم :: كانت متچوزاه عرفي

العمدة :: ياسلام ؟ وانت عرفت منين بجا ؟

الحاج نعمان :: هو فيه حاچة بتستخبي في البلد دي

العمدة :: علي جولك .. الحاچة صباح نزلت اهيي.. ايه يا حا چة الحاچة امينة كيفها دلوك ؟

صباح :: بجت زينة الحمدلله وراجت شوية .

العمدة :: ربنا يشفيها ويجومها بالسلامة ... طيب بالأذن احنا

الحاج نعمان :: علي فين .. محدش هيمشي من هني غير بعد الغدا

العمدة :: غدا ايه بس ياحاج مانت عارف مشاكل البلد مبتخلصش ولازم اكون في دوار العمدة علشان لو فيه حاجة

الحاج نعمان :: مفيش مشيان من غير ما تتغدو .. وبعدين الدنيا مطرتش

.........

احمد وهجر اتقابلو بعد ما هجر كلنتة انها عايزة، تشوفة ضروري

احمد :: في اية، يا، هجر، قلقتيني اوووي ؟

هجر :: انت بتحبني زي ما جولت يا احمد؟

احمد :: طبعا بحبك يا بنت الجبل يا قمر انتي

هجر :: يعني لو انا بعدت عنيك هتفضل تحبني.؟

احمد :: بعد اية اللي بتتكلمي عنة انا مستخيل اسيبك تبعدي عني ابدا

هجر :: انا لازم اسافر، مصر دلوك ومعرفاش هرچع ميييتا..

احمد :: طب خلاص هاجي معاكي.

هجر :: مهينفعش يا احمد لازم اروح ل حالي

احمد :: صارحيني يا هجر انتي بتتهربي مني ؟

هجر :: واللي خلج الخلج انا معيزاش تبعد واصل وعلي عيني فراجك انتا غالي عندي جووي يا احمد.

احمد :: غالي!! هجر اسمعيني انا برجوكي ما تبعدنيش عنك وخليني معاكي وان شاء الله مهما كان اللي انتي فية هنعدية سوا

هجر :: سامحني يا احمد مهجدرش اجولك دلوك بس والله وجت ما الحجيجة تبان هتفهم كل حاجة.

احمد :: انا مش عايز افهد حاجة غير اني بحبك واني لازم تفضلي افضل جمبك وبس.

هجر :: مجدرش يا احمد

احمد :: ل اخر مرة برجوكي ما تبعديش وما تبعدنيش عنك

هجر :: سلام ياللي هزيت جلبي اللي كان كيف الچبل مايهزهوش شئ واصل

..............

..............

* الحاج نده علي عوضين لانة شغال معاهم في الارض وبعد ما بيودي البهايم ويخلص اللي عليه بيروح المحل ويقعد معاهم لغاية ما يخلصو

يروح يجبلهم حاجة .. يطلع من المخزن بضاعة... يروق المحل . اي حاجة محتاجينها هو اللي بيعملها *

عوضين :: نعمين ياحاچ ؟

الحاج نعمان :: عارف يا ولا ا يا عوضين البت سامية ؟

عوضين :: سامية مين يا حاچ ؟

الحاج نعمان :: البت الدلالة اللي بتسرح علي البيوت وبتبيع هدوم حريمي

عوضين :: ايوه ايوة جصدك اللي كانت شغالة مع الحاچ كرم ربنا ياخده

الحاج نعمان :: ايوه يا ولاا هي دي عايزك ت جب وتغطس ومترچعش غير وهي ف يدك

عوضين :: ودي هچبها منين دلوكت .. بص يا حاچ هي بتعدي من هنا كل يوم عالعصاري

اول ماهتعدي من هنا هچبهالك من رجبتها

بس ليه ياحاج هي سرجت منكم حاچة

الحاج نعمان :: مش شغلك .. انت تعمل اللي بجولك عليه من غير ما تستفسر

يلا غور من جدامي چاتك البلا .

* الحاج سرح شوية وباين كدة فيه حاجة بدور في دماغة *

الحاج نعمان :: بجولك ايه ياعصام

عصام :: ايوة يابا ..

الحاج نعمان :: خد تعالا عايزك

عصام :: ايوة يابا

الحاج نعمان :: هي فاطمة مرات كرم لسة في البلد ؟

عصام :: ايوة يابا يعني هتروح فين.. بس بتسأل ليه ؟

الحاج نعمان :: عايزك بكره تروح تزورها في البيت وعايزك تودي ليها زيارة محترمة وتجولها دول باعتهم ابويا واي حاچة ناجصاكي كتافنا مليانة بالخير ليكي .

عصام :: ليه كدة يابا .. ملجتش غير مرات الزفت ده وعايز تجف چنبها وتساعده

الحاج نعمان :: لا انا هعمل اللي لازم اعملة .

عصام :: انت ناوي علي ايه يابا ؟

الحاج :: انت بس اعمل اللي جولتلك عليه واي حاچة اعملها او اطلبها منيك متسألنيش

وهيجي اليوم اللي هعرفك فيه كل حاچة

* بعد ما عصام قام الحاج قال

العين بالعين والبادي اظلم ياكرم الكلب *

.......................

عوضين :: بت ياسامية .. يابت ياسامية .

سامية :: بت لما تبتك علي جرعة ستك يا جربان .

عوضين :: ياباي علي طولة لسانك .. ايه فلجلة

سامية :: اخلص عايز ايي ؟

عوضين :: وانا هعوز منك ايه ده الحاچ نعمان هو اللي عايزك .

ساميه :: اتلخبطت وقالت بصوت واطي وده عايزني في ايي ؟ .

عوضين :: بتجولي ايه ؟ .

ساميه :: مبجولش .. فوت جدامي لما اشوف الحاج بتاعك عايزني في ايي ؟ .

عوضين دخل قدام سامية وقال للحاج نعمان

سامية جات اهي ياحاچ .

الحاج نعمان :: تعالي ياسامية.. اتفضلي اجعدي وانت ياعوضين روح هات حاجة ساجعة لسامية .

سامية :: خير ياحاج نعمان ؟.

الحاج نعمان :: خير انا محتاچ اتكلم معاكي شوية بس هنا مش هينفع .. انا بجفل المحل الساعة 9. عايزك تعدي عليا في الدار عساعة عشرة

سامية :: اجيلك الدار وبالليل ؟

الحاج نعمان :: ايه مش عارفة طريج الدار ؟ اظن انتي اكتر واحدة تعرف طريج داري

ثم ماتخفيش انا لو ناوي اعمل فيكي حاچة مش هچيبك الظار عندي ووسط عيالي

انا عايز اتكلم معاكي شوية .. يمكن يكون فيه خير كتير جايلك

سامية :: حطت ايدها علي خدها وفكرت للحظات وردت ومالوا اچيلك. مش هخسر حاجة

عوضين :: الساقع يا ست سامية

سامية :: ماشي ياعوضين

* عصام واقف بيراقب ابوه من بعيد ومش عارف ليه البت سامية قاعدة مع ابوه *

عصام :: ولاا يا عوضين خد عايزك

عوضين :: نعمين ياسي عصام

عصام :: البت دي جاعدة مع الحاچ ليه.؟

عوضين :: وانا هعرف منين يا سي عصام..

عصام :: طب غور يلا

عوضين :: وانا مالي دهدي

الحاج نعمان :: عصام

عصام :: نعم ياحاچ

الحاج نعمان:: عملت اللي جلتلك علية، عشية

عصام :: الا هو ايه ؟

الحاج نعمان :: انت نسيت .. انا مش جلتلك ععشيةتروح لفاطمة مرات كرم وتوديلها شوية طلبات لزوم الدار

عصام :: ياحاچ هو انا فضيت. انا يدوب چيت من علي الارض علي هني..

الحاج نعمان :: طيب يلا روح دلوقت انا عارف انها مش هتاخد مينيك حاچة ابدا

عصام :: طيب مادام انت عارف انها مش هترضي تاخد مننا حاچة انت عايزني اروحلها ليه؟.

الحاج نعمان :: اسمع اللي بجولك عليه من غير ما تجاوحني

عصام :: حاضر ياحاچ هروحلها دلوكت

عصام راح اشتري الطلبات زي ما الحاج نعمان طلب منة وراح علي بيت فاطمة مرات كرم قعد معاها شوية وفعلا هي رفضت تاخد منة الحاجة ورجع للحاج قالوا زي ما انت جولت فعلا رفضت تاخد مني الحاجة

الحاج نعمان :: طيب لما انت روحت الدار

شكلها كان عامل ازاي .. مهمومة. ولا عادية

وكمان حالتها .. يعني مبسوطة ماديا ولا الجبض علي جوزها اثر علي ععيشتها

عصام :: بصراحة ياحاچ مش عارف بس حسيت كدة ان الظروف مش قد كدة

بس انا بيتهيئلي كرم فايتلها فلوس لو اكلتها اكل مش هتخلصها

الحاج نعمان :: متنساش ان كرم شغال في الاثار وف حاچات تاني الله اعلم بيها فيمكن تكون فلوسة بره او حتي شايلها في حتة مراتة نفسها متعرفش طريجها

عصام :: تعرف يابا انا فكرت في الموضوع ده وجلبي بيقولي ان البيت التاني. اكيد اكيد كرم شايل فيه الاثار بتاعتة

الحاج نعمان :: وده جه في دماغي انا كمان .. علي كلا انا هسيب المحل ليك ورايح مشوار صغير

** الحاج نعمان نده علي الولا عوضين وخلاه اخد الحاجة اللي رجع بيها عصام ومشي.**

عوضين :: علي فين ياحاج

الحاج :: علي دار فاطمة مرات كرم

** الحاج نعمان وصل لبيت فاطمة ووراه عوضين شايل الحاجة **

ضرب جرس الباب وشوية فتحت ليهم فاطمة واول ما شافت الحاج نعمان. حطت ايدها علي وسطها وقالت هو فيه ايه

انت وولدكد في ساعة واحدة.. عايز ايه ياحاچ

الحاج نعمان :: ايه هنتحدت في الشارع كدي ؟

فاطمة :: مصمصت في شفايفها .. لا ميصحش بردو اتفضل ياحاچ

الحاج نعمان :: تعالا دخل اللي في يدك يا عوضين

فاطمة :: تتفضل انت ماشي عندك كلمتين وعايز تجولهم معنديش مشكلة لكن تدخل الحاجة لاااه

الحاج نعمان :: دخل الحاجة چوه ياعوضين واستناني بره.. وياستي لو حديتي معچبكيش ابجي جوليلي خد الحاجة تاني وانا مخلي عوضين بره

عوضين حط الحاجة جوه وخرج والحاجة فاطمة قالت اتفضل ياحاچ نعمان

الحاج نعمان :: ازيك ياحاچة فاطمه .. عاملة ايه

الحاجة فاطمة :: نحمد ربنا يا حاچ.. خير ايه اللي فكرك بينا بعد السنين دي كلها

الحاج نعمان :: بصي ياحاچة انا مش هكدب عليكي وهكون معاكي صريح

انا عارف انك عارفة ان فيه بيني وبين چوزك عداوة كبيرة ومعرفش ان كنتي عارفة السبب ولا لا ودي حكاية كبيرة جوووي ترچع لسنين كتير

فاطمة :: ايوة عارفة علشان انت راچل حاجد وطول عمرك بتكره كرم ومكنتش بتحبلة الخير. ولما كبر كبرت عداوتك ليه

الحاج نعمان :: ده اللي مفهمة ليكي كرم لكن الحجيجة هو ميجدرش يجولهالك ولو عايزة احكيلك الحجيجة هحكيها رغم انها صعبة جوي علي راچل زيي بس انا عايز اسألك سؤال واحد وانتي احكمي بنفسك

فاطمة :: بلوية بوز ونظره قرف اسأل ياحاچ

لو انا اتقدمتلك قبل ما كرم يتطلب ايدك وابوكي رفضني وانتي رفضتيني وجه بعد كدة كرم طلب ايدك وانتي وافقتي وابوكي وافق واتجوزتو انتوا وكرم

هل يبقي من حقي اجيلك البيت وجوزك مش موجود واحط السكينة علي رقبتك واحاول اعتدي عليكي

فاطمة :: وقفت وبعصبية وبصوت عالي ايه اللي انت بتجولوا ده ياحاچ نعمان ؟ انت جاي تهني في بيتي عشان چوزي مش موچود ؟

الحاج نعمان :: اعوذ بالله مايكون ده جصدي

لكن ده اللي حصل من جوزك مع مراتي. من سنين طويلة ومراتي ماتت بسببة

فاطمة :: وانت چاي تجولي انا ليه الكلام ده ودلوكت

الحاج نعمان : عشان انتي ملكيش ذنب في اللي عملة چوزك. ودلوكت المفروض انتي ست وحدانية وفي ظروف لازم اي راجل شهم يجف معاكي وميخلكيش محتاچة حاچة

بصي انا همشي يا حاچة وكل اسبوع هبعتلك عوضين يشوفك محتاچة ايه .. ولو عايزه اچبلك خدامة تخدمك عنيا .. انتي مننا يا حاچة ومفيش راچل عنده نخوه يسيب ست وحيده محتاچة ضهر وسند ويسيبها كدة

*** الحاج نعمان قدر يبلف دماغ الحاجة فاطمة ومشي والحاجة قبلت الحاجات اللي جبهالها

ويمكن اللي ساعد الحاج نعمان في بلف دماغها انها عارفة كرم جوزها وعارفة ان ديلة نجس وانة ممكن يعمل اي حاجة في الدنيا في مقابل انة يوصل للست اللي بتعجبة وغير كدة هي عارفة كويس سمعة الحاج نعمان في البلد وعارفة ان كبيرها بصغيرها بيحبة وبيحترمة سواء هو او ولاده

وطول عمرها كانت مستغربة من الكلام اللي كان بيقولوا كرم عليه **

بالليل والحاج نعمان قاعد بيتعشي مع عياله وحريم عيالة وبناتة والدكتور احمد

جرس البيت ضرب .. زينب قامت فتحت الباب

زينب :: ساميه ؟ ريح ايه دي اللي حدفتك علينا

سامية :: ازيك يا زينب عاملة ايه ياحبيبتي

عصام :: مين يا زينب

الحاج نعمان :: دي اكيد البت ساميه

زينب :: دي سامية معرفش ايه اللي حدفها علينا

الحاج نعمان :: خليها تدخل يا زينب .. انا اللي جولتلها تچيلي

الكل بص للحاج نعمان بأستغراب ومش عارفين في ايه

سامية دخلت واول ما شافتهم بياكلوا وقفت بعيد

الحاج نعمان :: تعالي ياسامية متتكسفيش

بسملة

سامية بصت للحاج وبصتلهم كلهم.. لا ياحاج انا شبعانة

الحاج نعمان :: تعالي يابت علشان يبجي عيش وملح

سامية كان بقالها كتير مدقتش فيها طعم الظفر .. وراحت قعدت واتعشت معاهم

والكل عمال يبص ل ساميه اللي بتاكل بطريقة باين اوي انها بقالها زمن مكلتش فيها فراخ وبط

بعد ما اتعشوا الحاج نعمان قام غسل ايده

والكل قام الا سامية لسة بتاكل

بعد ما سامية خلصت اكل وراحت غسلت ايدها الحاج قال لزينب. هاتيلنا الشاي في اوضة الضيوف انا وسامية

محدش فاهم ليه الحاج بعت لسامية مع انة مش بيحبها وهو عايزها في ايه

كلة بيسأل نفسة وعمالين يبصوا لبعض ومش فاهمين دماغ الحاج فيها ايه

الحاج دخل هو وسامية اوضة الضيوف وزينب دخلت الشاي والحاج قالها اجفلي الباب وراكي يازينب ومحدش يدخل علينا

الحاج نعمان :: ايه يا سامية. يعني اختفيتي اديلك مدة ياتري كتي فين وعايشة ازاي

سامية :: كنت في بلاد ربنا الواسعة ياحاچ

الحاج نعمان :: انا عرفت انك دلوكت شغالة دلالة علي البيوت مش كدي

سامية :: اهي حاجة بتچبلي جرشين اصرف بيهم علي نفسي

الحاج نعمان :: بتنامي فين وعايشة كيف

سامية :: ما انتا عارف ياحاچ من ساعة ما رجعت وعرفت ان كرم اتجبض عليه. بروح ابات في الدار التاني وكدي كدي الدار مهجور ومفهوش حد

الحاج نعمان :: اه بس انا سمعت ان االدار اتنهب بعد ما اتجبض علي كرم

سامية :: ايوة فعلا وانا بنام في اي حتة في الدار اهو حاجة تسترني سواد الليل .. انت جايبني علشان تطمن عليا

الحاج نعمان :: لا عايز اساعدك و اجف جنبك

سامية :: وده بجي جصاد ايه ؟

الحاج نعمان :: قصاد انك ترچعي تخدمي الست فاطمة

سامية :: يالهوي دي بطيج العما ومطجنيش

وانت عايزني ارجع اخدمها ليه

الحاج نعمان :: عايزك تبجي عنيا في البيت

سامية :: ايوة فهمت .. انا مش فاهمة انت عايز ايه بالظبط لكن اللي فهمتة انت عايز تنتجم من الحاچ كرم بسبب اللي عمله فيك

اجصد في فتحية وفيك

الحاج نعمان بعصبية :: الموضوع ده لو ااتحدتي فيه مع حد او حتي فكرتي فيه بينك وبين نفسك انا مش هجولك انا هعمل فيكي ايه

سامية :: حاضر ياحاج ومتعصبش نفسك

الحاج نعمان.:: في حاچة كمان عايزها منك

سامية :: حاجة ايه

الحاج نعمان :: عايزك تچبيلي مفتاح االدار

التاني اللي بتنامي فيه

سامية :: لا انا مش معايا مفتاح انا بدخل من باب المطبخ اللي ورا .. ملوش مفتاح

الحاج نعمان :: طيب حلو المهم لازم ترچعي تخدمي الست فاطمة وتفهميها انك رجعتي تخدميها علشان العيش والملح اللي اكلتيه في دارهم وتبيني انك اصيلة وانك بتحبيها

سامية :: طيب وانا هكسب ايه لما اعمل كدة

الحاج راح مطلع من جيبة الف جنيه وقالها

خدي دول وليكي زيهم مرتين تاني كل اول شهر

سامية خطفت الفلوس من ايد الحاج وابتسمت وقالت

بس كدة دانت تؤمر ياحاچ نعمان

الحاج نعمان :: خبي الفلوس في خلجاتك ويلا مع السلامة انتي ولما ترچعي بيت فاطمة عدي عليا في المحل وبلغيني.. وحسك عينك حد يعرف بأتفاجنا ده حتي عيالي

سامية :: ولا يكون عند فكره ..

..............

*** بعد اربع ايام البت سامية راحت للحاج المحل وطمنتة انها خلاص رجعت تخدم الحاجة فاطمة وانها بتروح كل يوم ويوم تشوف طلباتها وتروقلها البيت وبعدين تمشي

الحاج نعمان قالها انا عايزك تعرفيلي هي بتزور كرم امتي وكل قد ايه وياتري بيكلمها في التلفون من السجن ولا لا

الحاج نعمان مقالش ل سامية ان كرم هرب علشان ميخوفهاش وكمان علشان يشوف هي هتجبلة اخبار صحيحة ولا كدب

وفعلا بقت سامية كل ما تعرف حاجة تروح تبلغها للحاج نعمان

وبلغتة ان الحاجة فاطمة بطلت تروح تزور كرم في السجن من اكتر من شهرين وانها عايزة تطلق منة علشان مخبي عليها ثروتة وهي بقت علي الحديدة ومحلتهاش اللضه زي ما بيقولوا وهي حاولت كتير معاه لكنة قالها ان كل فلوسة راحت في تجارة الاثار وانة مبقاش بيملك غير البيت اللي هي قاعدة فيه وهو كاتبة بأسمها ***

.................

........

طول الايام اللي فاتت الحاج نعمان كان هو اللي بيروح يزور فاطمة في بيتها ويطمن عليها بنفسة ومكنش بيبعت الحاجة اللي بيشتريها مع الولا عوضين زي ما قالها في الاول وكان في كل مره كان بيقولها حجة شكل. اصل عوضين راح هنا .. اصل عصام بعتة الحتة الفلانية

لغاية ما الحاجة فاطمة اتعودت علي زيارات الحاج نعمان ليها وبقت حاسة فعلا انها مسنودة عليه ومش مخليها محتاجة ايتها حاجة وفي يوم وهو عندها

قالتلة انها عزماه علي الغدا

في الاول الحاج رفض وقال ميصحش اجعد عندك واتغدي وانتي ست وحدانية. وحديت الناس مبيرحمش

فاطمة :: الناس مبترحمش حد وانت اكتر واحد كنت مضرور منهم بسبب الله يسامحة بجي كان مفهمني عكس الحجيجة خالص

لكن بعد ما عاشرتك واتعاملت معاك عرفت انك اچدع راچل في البلد كلاتها

الحاج نعمان وافق انه يتغدي معاها ل اول مره من ساعة مابقي بيزورها وده طبعا بعد ما اوهمها انه خايف عليها من كلام الناس

الحاجة فاطمة وهما بيتغدوا مع بعض

تعرف ياحاچ نعمان انا طلبت من كرم انة يطلجني

الحاج نعمان :: ليه كدة ؟

فاطمة :: تعرف الراجل الناجص من يوم ما دخل السجن. وهو مخبي عليا شايل فلوسة فين .. دانا لولا اني كنت شايلة كام الف للظروف انا كنت دورت في البلد اشحت .. ويعلم ربنا انت چتلي منين وازاي .. انا كنت خلاص مش عارفة اعمل ايه ولا اصرف منين. كل اللي كان معايا اتصرف وراح

الحاج نعمان :: لا لا ده كدة راچل ناجص قوي

بس انتي لما تطلجي منه دلوطت هتستفادي ايه؟

فاطمة :: وانا دلوكت مستفادة منة بأيه ؟ ده مش عايز يجولي فلوسة المتلتلة مخبيها فين

الحاج نعمان :: عايزه نصيحتي

فاطمة :: انت تؤمرني مش تنصحني .. انا لولاك معرفش كنت عملت ايه

الحاج :: اصبري لغاية ما توصلي للفلوس بتاعتة انتي اولي بيها منه هو لسة جدامة سنين ياما في السجن هتصرفي علي نفسك منين

فاطمة :: طب وانا هعرف منين .. ده بير غويط ومش سهل ابدا

الحاج نعمان :: بصي هملي الموضوع ده عليا انا هحاول اعريف هو مخبي الفلوس فين

ما يمكن شايلهم في بنك .. بس ساعتها مش هنعرف نطول منة مليم احمر

فاطمة :: لا كرم حويط. ومهيحطش

فلوسه في بنوك غير جليل جوي

الحاج :: ياريت يكون حديتك صوح ساعتها يمكن نجدر نعرف هو شايل الفلوس فين

فاطمة :: يخليك ليا ياحاج نعمان دانا لو فضلت عمري كلة اوفيك حطك وچمايلك مش هكفيك

الحاج نعمان بعد ما اخد قعدتة معاها واتغدي وشرب الشاي راح مطلع من جيبة مبلغ 5000 جنيه واداهم لفاطمة اللي رفضت لكنة صمم انها تاخدهم وبهزار كدة قالها لما نجيب فلوس كرم ابجي ياستي رجعيهم

فاطمة اخدت منة الفلوس وبقت عمالة تدعيلة لغاية ما خرج من البيت

فاطمة :: ربنا ياخدك ياكرم ويارب ماتشوف النور في حياتك .. كنت مكرهني في الراچل ومسوء سمعتة واتريك انت اللي كلب وناجص ودون

..............