رواية أحببتها صعيدية الفصل السادس عشر 16 نور الدين جلال

*اشواق قاعدة ف اوضتها وجمبها التليفون اللي سابهولها معتز وكل ما يتصل ماتردش لكن المرة دي فضلت تفكر ف كلام الهام وقررت ترد وتسمع منة *

معتز :: اخيرااا .

اشواق :: عايز ايي ؟ .

معتز :: كنت اسمع صوتك رغم اني عارف انك لما تردي هيبقي كلامك ناشف .

اشواق :: بلاها الحديت دية وجول اللي كت عايز تجولة .

معتز :: اقولك علي حاجة؟

اشواق :: جول.

معتز :: انا مبسوط انك رديتي.

اشواق ::جلتلك بلاها الحديت دة واتحدت طواالي ف عايز تجولة.

معتز :: اول حاجة لازم تفهميها وتتأكدي منها أن هجر دي اكتر من اخت ليا انا طول عمري لوحدي وبطولي ف الدنيا دي وهي الوحيدة اللي وقفت جمبي هي وحد تاني انا مش قادر اعرفة لحد دلوقتي بس دة مش موضوعنا دلوقتي .

اشواق :: كييف يعني بطولك ايي ملكش اهل وهي وجفت چمبك كييف وميين دية اللي متعرفوش انتاا من تااني عتتحدت حديت مفهمهووش ؟ .

معتز :: طيب يا ستي انا هحكيلك كل حاجة وانتي حرة ف قرارك تقبليني ف حياتك او متقبلنيش دة اختيارك وانا هحترمة .

معتز :: انا اتولدت ل اب كل تفكيرة ف السهر والخمرة والستات وامي كانت ست غلبانة ومالهاش حد وفضلت مستحملة جوزها ان ربنا يهدية لكن مفيش فايدة كل يوم ضرب وشتيمة ومرمطة ولما وف مرة ضربها لدرجة انها اتعورت واتحزت ف المستشفي ايام ولما خرجت كانت قررت انها ﻻزم تطلق مهما كان التمن وفعﻻ رفعت قضية وبعد شهور من بهدلة المحاكم اتطلقت وبعدها قابلت راجل كبير كان متجوز ومرتة ماتت وهو مابيخلفش طلب منها الجواز وانة هيعتبر ابنها ابنة كان عندة اخت شابة صغيرة المهم امهي اتجوزت الراجل ة وعاشت معاة كانت بتراعية هو واختة وكانو كويسين معاها وكانت عايشة والحياة استمرت علي خير .

* معتز سكت *

اشواق :: كمل حديت سكت لية ؟

معتز :: كانت حياتها كويسة لحد ما ظهر شيطان اسمة كرم اشتغل عند جوزها وقدر مع الوقت يقربلها وقدر يستغل فرق السن الكبير اللي بينها وبين جوزها ف انة يضحك عليها ويخليها تضعف وتخون جوزها وبعد فترة حملت وماتت وهي بتحاول تجهض اللي فبطنها وجوزها لما عرف ف المستشفي وقع واتشل وساعتها اختة رفضت تسبني ﻻن ابويا رفض ياخدني وقال ان اكيد امي كانت بتخونة هو كمان قبل ما تطلق

الشيطان اللي اسمة كرم قدر يضحك علي عقل اخت الراجل واتجوزها وفضلت فترة عايش معاهم لحد ما خلفو بنت اسمها هجر اللي انتي تعرفيها باسم جنة الممرضة واختارت اسم جنة دة ﻻنة اسم امها

اشواق :: يعني چنة دي تبجي بت الحاچ كرم و انتم متربيين مع بعض كل السنين دي ؟

معتز :: ارجوكي اسمعيني للاخر وهتفهمي كل حاجة بعد فترة من وﻻدة هجر كنت انا يدوب عندي ٥ او ٦ سنين تقريبا المهم صحيت من النوم ف يوم عمري ما هنساة ابدا ولقيت الست جنة ام هجر مش موجودة وفي ناس كتير موجودين تقريبا كانو اخواتها وقرايبها المهم لقيت كرم دة اخدني ورماني ف ملجا وفضلت عايش فية و طول فترة معيشتي فية كان في حد بيبعتلي هدايا ولعب ولبس ومصاريف دراسة وكل احتياجاتي لحد ما كبرت وبقيت شااب واتخرجت وبقيت محامي سبت الملجا واخدت سكن خاص بيا وزي اي شاب متخرج جديد مكنتش ﻻقي شغل كويس لحد ما لقيت شغل ف مكتب محامي كبير اشتغلت فية ولما استقصي عني عرف اني كنت عايش ف ملجا ف مشاني من الشغل وقالي مش بشغل تربية ملاجي معرفش اصلة فضلت فترة عايش من غير شغل لما فلوسي قربت تخلص لقيت فلوس وصلتني ف ظرف قدام باب اﻻوضة اللي كنت عايش فيها فوق السطوح واتفاجئت تاني يوم بحد جايلي من عند المحامي انة عايز يشوفني.

**** فلاش باااااااااااااااااااااااااااااااك ******

في مكتب المحامي

المحامي :: اتفضل يا ميزو نورت المكتب كلة.

معتز :: ميزو !! حضرتك نسيت انك طردتني من المكتب دة اللي بتقول اني نورتة دلوقتي!؟

المحامي :: ميبقاش قلبك اسود اومال يا راجل.

معتز :: طيب يا افندم حضرتك عايزني ف اية؟.

المحامي :: ودي عايزة سؤال بردو طبعا عايزك ترجع المكتب ولو حابب تشتغل من النهاردة او حتي تاخد اجازة اسبوع علي حساب الشغل وترجع مستعد يا بطل انا ليا بركة اﻻ انتا.

معتز :: حضرتك متاكد من اللي بتقولة دة انا معتز اللي قلت علية تربية مﻻجئ متعرفش اصلة وطردتني من الشغل دلوقتي جاي تقول الكﻻم دة غريبة اوووي بصراحة.

المحامي :: وﻻ غريبة وﻻ حاجة المهم انتا متبقاش زعﻻن مني اصل انا راجعت نفسي ولقيت اني غلطت ف حقك وانا بحاول اصلح الغلط دة.

معتز :: وانا مسامح حضرتك ومستعد ابدا شغل من النهاردة.

المحامي :: ﻻ يا بطل انتي خد اجازة يومين كدة وبعدها ترجع الشغل علشان هتبقي مسئول عن شغل المكتب كلة.

معتز :: انا همسك شغل المكتب كلة دي ثقة كبيرة اووي ومسئولية ياارب اكون قدها .

المحامي :: طبعا يا ببطل انت قدها بس اهم حاجة متبقاش زعلان مني احسن انت زعلك طلع وحش اوووي وانا لو اعرف كدة مكنتش مشيتك ابدا..

معتز :: زعلي اية بس انا معملتش حاجة ابدا ونسيت المووضوع وكنت بدور علي شغل جديد !!!

المحامي :: خلاص يا يا بطل يﻻ اتفضل علي اجازتك وبعد يومين ترجع الشغل..

معتز :: ﻻ انا هبدا من النهاردة.

المحامي :: زي ما تحب المكتب مكتبك.

*****باااااااااااااااااااااااااااااااااااااااااااااااك *******

** معتز واشتغلت ف المكتب وقدرت اثبت كفائتي واني قد المسئولية لحد ما بقيت رقم واحد ف المكتب كلة وبقوم بكل الشغل المهم وبقا اسمي معروف بس اللي مقدرتش افهمة موقف المحامي دة بس مع الوقت قدرت اربط الفلوس اللي جاتلي وبعدها رجوعي للشغل بالطريقة دي ان دة تدخل من الشخص الغامض اللي طول السنين دي كان بيساعدني ومن سنتين قابلت هجر او هي اللي قابلتني انا اتفاجئت بيها جايالي وبتعرفني بنفسها طبعا معرفتهاش ف قالتلي انها بنت الست جنة وحكتلي وصلتلي ازاي

فلاش بااااااااااااااااااااااك هجر

هجر عاشت مع اخوالها طول سنين طفولتها وكانت بتروح الصعيد عند ابوها كرم زيارات ومكنتش بتﻻقي الترحيب وﻻ الحب اللي المفروض تلاقية من ابوها ولما كبرت ودخلت كلية الطب وهي ف اخر سنة ليها اوبها اتخانق مع اخوالها ﻻنهم طلبو منو يدي هجر ورثها ف فلوس ااختههم اللي هي اساس كل الغني اللي هو فية دلوقتي وكرم رفضت واتخانق معاهم وغصبها تروح تعيش ف الصعيد وبعد فترة سمح لها تزور اخوالها ف اسكندرية

....... ** بيت عائلة اخوالها **.......

خال هجر :: بصي يا بتي كنت عايز اديكي امانة يمكن ما اشوفكيش تاني والعمر مفضلش فيىة جد اللي راح.

هجر :: متجولش كدي يا خالي العمر الطويل ليك .

حال هجر :: بصي يا بتي زمان جوي قبل انتي ما توعي ع الدنيا جاتلي امك وادتني الصندوج دية امانة اديهولك لما تكبري وبعدها بسبوع حصل اللي حصل..

هجر انا بدي اعرف اللي حصل يا خالي نفسي اعريف عشان ارتاح؟؟

خال هجر :: وعشان كدي مكنتش عايز اديكي الصندوج وكنت داسو عانيكي عشان مالوش ﻻزمة ننبش ف اللي فات بس يا بتي مجدرش اجابل وجة كريم وانا موفتش اﻻمانة والصدوج اهو بنفس الجفل بتاعة مفتحتوش واصل.

** هجر مسكت الصندوق و وشكرت خالها اللي طلب منها تفتح الصندوق قدامة لكنها رفضت وقالت دي امانة امها ليها وانها لو عايزاة يعرف اللي جوة الصندوق كانت قالتلة علي اللي فية

هجر دخلت اوضتها وكسرت القفل ولقيت سلسلة بنص قلب وباين انها من النوع اللي بيبقي سلسلتين مكملين ل بعض لبستها ولقيت ورق فتحتة وبدات تقرا **

حبيبتي هجر اول هام عايزاكي تعريفي اني عحبك جوي وانك حتة من جلبي عايزاكي يا بيتي توعي ل روحك و اوعاكي تجبلي تبجي ضعيفة زيي ﻻزم تبجي جوية انتي صعيدية وامك وجدك صعايدة سامحيني يا بتي بس ابوكي دية عار علي الصعايدة دية مش بني ادم دية من بني ابليس وانا هحكيلك يا،بتي علي اللي عملة.

خالك الكبير الله يرحمة مات مشلول عشان مراتة كات حامل وماتت وهي بتسجط وهو ماكنش بيخلف يعني خانتة وهو مستحملش الصدمة واتشل وبعد كام شهر مات وابنها من چوزها اﻻوﻻني انا فضلت مصممة ما يروحش بعيد عني علشان طليجها مرضاش ياخدوة وعاش معايا بعد ما خلفتك وف يوم كرم كان راچع سكران ومش داريان بنفسة وكان الواد معتز صاحي ف ضربة وفضلة يجول يارتني موتك زي ما موت امك واللي ف بطنها المراة الخاينة دي وانا سمعت الكلام دية واتاكدت ان هو اللي عمل كدي حاكم هو كان شغال عند اخويا الكبير وقدر يضحك عليا بكلمتين ويوقعني ف حبة ومكنش فية غيرة بيچي بيتنا ومرات اخويا مكانتش بتروح ف حتة وهو اللي كان بيجيب كل حاجة لينا ودلوك يا بتي كرم رما معتز ف ملجا عايزاكي يا بتي وجت ما تشوفي وصيتي دي مهما كان سنك تروحي ل معتز دة اتظلم بذنب مش ذنبة واعتبرية اخ ليكي يسندك علي ابوكي الظالم اللي عارفة ومتوكدة انة هيظلمك وهياكل حجك وممكن يجتلك دة معندوش عزيز وﻻ غالي هتلاجي ف الورج عنوان الملجا انا عرفت اجيبة بالعافية ابوكي كرم كمان كتبني علي كل حاجة غصب عني بعد ما اخويا الكبير ما مات وكان كاتبلي كل حاجة وبجا كل يوم يجيب نساوين ولما اتحدت يضربني ويذلني ويوريني الويل .

اخر حاجة عايز اجولهالك اني حبيتك جوي يا بتي ويشهد ربنا اني بكتب الحديت دية وانا بتعذب وجلبي بيتجطع ونفسي اخدك ف حضني

بدعي ربنا حياتك تكون جنة اللي انا مجدرتش اعيشها

سامحيني يا بتي .

هجر كانت بتعيط وهي بتقرا الجواب ودورت ف الروق علي اسم الملجا واسم معتز بالكامل وراحت الملجا سالت علية لقيتة ساب الملجا من زمان وقابلت مديرة الملجا اللي اديتها الكارت بتاعة اللي جابهولها بعد ما بقي محامي معروف ولية كارت خاص بية جالها مخصوص وهو فرحان علشان ويريها انة بقا حاجة ف حياتة

وفعلا هجر خدت الكارت وقدرت توصل للمكتب وراحت تقابل معتز ..

.................... ………… مكتب معتز …………...........

علي الفراش :: في واحدة برة عايزة تقابل حضرتك .

معتز :: مقابلة الموكلين هتبقي بعد الساعة ٨ يا عم علي .

علي :: حضرتك دي بتقول انها قريبتك..

معتز :: قريبتي ازاي انا ماليش قرايب طيب دخلها لما اشوف دي تطلع مين!!!

علي :: تحت امرك يا افندم.

*** دخلت هجر المكتب ومعتز بيبصلها باستغراب عايز يعرف دي مين اللي بتقول قريبتة وهو عايش طول عمرة ف الملجا وحتي لما خرج فضل لوحدة مالوش حد **

هجر :: السلام عليكم استاذ معتز ؟

معتز:: وعليكم السلام ايوة انا معتز حضرتك مين قلتي للفراش انك قريبتي وانا ماليش قرايب ؟

هجر :: انتا ابن الست احسان ؟

معتز :: اة انتي ازاي تعرفيها دي ماتت وانا صغير ومظنش انك وعيتي عليها يعني ؟

هجر : ﻻ انا معرفهاش بس والدتي اللي كانت تعريفها واني عرفتها عن طريج الچواب دة اتفضل شوفة ؟

** معتز مسك الجواب وفضل يقراة وعينية دمعت **

معتز :: يعني امي ماتت مقتولة عليا ايد الكلب دة اة يا ناري لو اطولة هقتلة واشرب من دمة .

هجر :: وكدي هتكون خدت تارك ؟

معتز :: اومال اية انتي جايالي لية ؟

هجر :: چاية عشان نحط ايدينا ف ايدين بعض ايد لوحدها متسجفش وانا چيتلك عشان نستخدم عجلنا لو فاكر ان اﻻنتقام بالدم بس تبجي غلطان.. كرم دية عمل كل دية عشان الفلوس جتل وعذب الكل علشان يملك الثروة وانا ﻻزمة احرمة منها وساعتها هيجولي الحجيجة .

معتز :: حقيقة ايةة دي اللي مستعدة تعملي كل دة علشانها ؟

هجر :: كل حاجة ف وجتها المهم دلوك انت معاي وهتجدر تكمل الطريج للاخر وﻻ ﻻ ؟

معتز معاكي وهكمل الطريق للاخر .

** مدو ايديهم ف ايدين بعض وابتدو الخطة اللي توصلهم للي هما عايزينو ***

*** باااااااااااااااااااااااااااااااااااااااك ***

معتز :: بس يا ستي دي كل الحكاية ودة اللي يربطني ب هجر ومفيش بينا حب او اي حاجة من دي احنا اخوات وبس

اشواق :: بص يا معتز كلي اللي حكيتة زين وانا صدجتة ونظرتي ليك ما اتغيرتش بالعكس كبرت ف عيني اكتر وحجة صوح كل دة يطلع من اللي ما يتسمي كرم .

معتز :: يعني انتي مش شايفاني قليل وتربية مﻻجي والكﻻم اللي فضلت اهرب منة طول عمري ؟.

اشواق :: ﻻا يا معتز مش شايفاك كدي.

معتز :: طيب ممكن اعرف بقا موافقة تقبليني ف حياتك وﻻ لا ؟.

اشواق :: بص يا معتز انا عشت سنين عمري كلاتها طايرة ف السما مستنية راجل واحد بس.. كنت بنام واجوم بحلم بية ومستنياها وفچاة وجعت علي اﻻرض ولسة معرفاش اجوم تاني وﻻ جادرة اجف علي رجليا.

معتز :: انا هفضل جمبك لحد ما تقفي علي رجليكي.

اشواق :: يا معتز انا مبجاش فيا حمل ل وجع جلب من تاني انا تعبت من كل حاجة وخلاص فاض بيا.

معتز :: انا هفضل جمبك مهما حصل صدقيني يا اشواق انا مش هبعد عنك مهما يكون.

اشواق :: جلبي مش جادر يصدج حاچة واصل معيزاش غير اني اهمل الكل واعيش ل حالي بعيد..

معتز :: عايز اقولك حاجة مهمة يا اشواق..

اشواق :: جول يا معتز ؟

معتز : بحبك ومها حصل بردو حبك وهفضل جمبك علشان انتي الانسانة اللي عشت سنين عمري بتمني اﻻقيها لما بشوفك ببقا عايز اجري عليكي واخدك ف حضني واغمض عيني وارتاح وانسا كل حاجة حصلتلي ف حياتي قبلك انسا كل العذاب والقهرة واﻻهانة اللي شوفتهم قبلك مش عايز حاجة غيرك من الدنيا ارجوكي خليكي جمبي ومتسبينيش انا بحبك اوووي..

*******

......................... ڤيلا كرم ................

** هجر وصلت ودخلت البيت ملقيتش الحاجة فاطمة ف دخلت بسرعة اوضة المكتب بتاعة كرم وطلعت الحاجات اللي جابتها معاها علشان تفتح الخزنة وفضلت ساعة لحد ما قدرت تفتحها **

لقيت كام الف وشوية ورق و لقيت علبة فتحتها لقيت فيها فلاشة اخدتها وطلعت اوضتها شغلتها علي اللاب توب اللي جابهولها معتز خدية وخي، محبياة محدش يعرف عنة حاجة ف البيت .

لقيت ڤيديوهات شغلت كام واحد بشكل عشوائي لقت ان دي لقاءات كرم متصورة بكاميرا سرية ف،الحيطة ف المكتب عندة مع الناس المهمة وهو كان بيصور كل حاجة صوت وصورة، علشان يأمن نفسة.

ولقيت، فيديو مكتوب علية، الباشا فتحتة لقيت الكاميرا،موجهة ناحية،راجل قاعد علي،كرسي والمكان مكنش ف المكتب والراجل بيتكلم عاديف فخمت ان كرم،عند،الراجل ولابس،حاجة فيها،كاميرا،سرية بيصور بيها الراجل

كرم قاعد مع الراجل اللي شكلة مهم اوووي وكبير، ف السن وفصلو، يتكلمو عن الاثار والسلاح وان كرم هو الراجل بتاع الباشا دة ومجرد ستارة وان هو اللي بينفذ الاوامر، وبس

هجر، ركزت ف الفيديو شوية وشافت حاجة خلتها قامت من مكانها مخضوضة وقررت تنزل مصر فورا *********

...............

العمدة مصيلحي :: جومي يا ولية خلينا نروح بيت الحاچ نعمان علشان نلحقة قبل ماينزل

صباح :: حاضر قايمة هو

العمدة :: اعملي حسابك احنا رايحيين علشان نطمن علي الحاجة امينة ماعيزش حديت في موضوع ولدك

صباح :: يوه وفيها ايه لو اتكلمنا يعني وحاولنا نميل دماغ البت

العمدة :: مهينفعش ياصباح .. روحتنا النهاردة علشان الحاچة امينة .. الحاچة امينة وبس فهمتي

صباح :: بشوجك ياخويا

صباح لبست ونزلت هي والعمدة وراحو بيت الحاج نعمان

........................ ڤيلا الحاج نعمان .........….……………

الحاج نعمان :: يا اهلا يا عمدة .. كيفك يا حاچة عاملة ايه وچلال عامل ايه ؟

العمدة :: نحمده يا خويا ..

صباح:: كلنا كويسين ياحاچ .. انت اخبارك واخبار الحاچة امينة ايي ؟

الحاج نعمان :: الحمدلله بخير والله اتحسنت عن امبارح كتير .

الحاجة صباح :: امال فين الحاچة امينة ؟

زينب :: كيفك ياعمدة .. كيفك يا حاچة صباح

الحاج نعمان :: امينة فوج في اوضتها .

الحاجة صباح :: زينة يا بتي كيفك انتي وكيف امير ولدك وعمر.. .

زينب :: كلنا بخير يا حاجة

العمدة :: الف حمدلة بسلامتها وان شاء المولي بالعلاج يتمي شفاها علي خير

*اسماء جت سلمت علي العمدة ومراتة واخدت الحاجة صباح علشان تشوف الحاجة وتقعد معاها

العمدة مصلحي :: عرفت ياحاج اللي حصل؟.

الحاج نعمان :: ايه اللي حصل ؟

العمدة :: مش الزفت اللي اسمة كرم هرب من السجن

الحاج نعمان :: لا ياراجل ... ميتا الحديت ده

العمدة :: ليلة عشية والداخلية كلاتها مجلوبة ومدير السچن بيتحجج معاه .. اصلها باين كدي الحكاية كلها مطبخة وهروبة. مكنش بالساهل

الحاج نعمان :: يعملها ويعمل ابوها اصلة واصل ويعرف ناس تجيلة

العمدة :: بس تعرف ياحاچ نعمان انت عملت اللي محدش يجدر يعملة

جدرت تعرف هو بيحفر فين وبلغت علي الكلب ده وخليتهم يمسكوه متلبس بالاثار

***** فلا ش بااااااااااااااااااااااك ********

* ليلة القبض علي كرم *