رواية نبضات القلب الفصل السادس عشر 16 بقلم دينا صابر

حياه قررت تقوي نفسها و مش هتستسلم لدوامه الحب دي و تقاوم و تعافر لحد ما توصل لبر الامان بس هل يا تري هتقدر و لا هترجع تغرق تاني !!

*************************

مازن خارج مع نهي بعد الشغل و ماسك ايديها و قريب منها جدااا نهي متوتره من قربه بس خايفه تبعد يفكر انها بتصده و هي مش عايزه تزعله ف ساكته

مازن و بيحط ايده ع كتفهاا : عايزه نروح فين يا حياتي انتي اؤمري و انا انفذ

نهي بتوتر من حركته و انه بيتمادا : عادي اي مكان

مازن بثبات : طيب انا مش عندي اي مانع بس اي رايك اروح ع الشقه الاول اغير هدومي دي و بعدين نخرج

نهي برفض : لا لااا شقه اي لا مش لازم هدومك حلوه اهي

مازن و هو بيتصنع الحزن : انتي لسه مش واثقه فيااا يا نهي و انا اللي قلت انك بتثقي فياا و مش هتعترضي انتي مش بتحبيني و لا اي خليكي واثقه فياا بقا انا مش هعملك حاجه

نهي بتردد و خوف و ف نفس الوقت مش عايزه تزعله دا حبيبها و بتحبه اووووي و بتخاف ع زعله : خلاص ماشي هنروح الشقه تغير هدومك عشان اثبتلك اني واثقه فيك

مازن بابتسامه خبيثه : ايوااا بقااا خليكي واثقه فياااا و انا مش هخذلك ابدااااا

بدا عداد تنازلات نهي يزيد و يعلي و يكتر من لمسه ايد لقربه و احضان لمساته ليها كترت و هي خايفه تزعله ف بتسكت بس اي اخره التنازلات دي تنازلات تحت مسمي الحب اكبر غلطه ممكن البنت تغلطهااا هي انها تتنازل عن مبدا من مبادهااا تحت اي مسمي الاخوه, الصداقه , الصحوبيه او حتي الحب , العشق اي كان المسمي متتنازليش ابداااااا .

التنازل نهايته وحشه و قلت كرامه .

**********************************

فرح مصطفي و ساره بكرا اليوم المنتظر عصافير الحب حب نقي كله خوف ع الحبيب احترام الطرف التاني بس هل هيدوم الحب بينهم !!

ساره و هي بتخبط الباب ع حياه

حياه بهدوء : ادخلي يا ساره

ساره بابتسامه هاديه : حياه انتي مش هتيجي معايا اختار الفستان زي ما كنتي وعداني

حياه و هي بتلوم نفسها انها نست و اتلهت ف مشاكل قلبها و نست صاحبت عمرها و ان فرحها خلاص قرب و لازم تبقي معاهااا

حياه و هي بتقوم من ع السرير و بتتصنع الفرحه ساره ملهاش ذنب تنكد عليهااا : لا ازااي يا ست ساره فوريره و هبقي جاهزه

ساره بفرحه : بجد

حياه بضحكه : جد الجد كمان يلا اخرجي انتي كدا بتعطليني

ساره و هي خارجه و طايره من الفرحه ان صاحبتها بدات تعدي مرحله الزعل اللي كانت فيها دي : تمام بسرعه متتاخريش انا هقول لمصطفي يجيب عربيه من اي حد صاحبه عشان يوصلنا بيها

حياه : تمام

……………………………………………

حسام ف اوضه مدايق و مخنوق من وقت ما حياه مشت و هو حاسس بفراغ حاسس انه اتعود عليهااا

الجرس بيرن بقاله مده و هو مطنش و اخيرااا

حسام : حاااااضر جاااي ف حد يرن ع حد كدااا

فتح

حسام : هو انت خير جاي ليه عاايز اي مني هو مش انا اتعالجت و بقيت تمام و محدش عرف و لا سمعت العيله باظت و لا حاجه عايز اي تاني سيبني ف حالي بقا

امير بهدوء : انسه حياه قالت لي انك اتعالجت و بقيت تمام من مده و بسال عليك التور اللي واقف برا دا قال انك مخرجتش من وقت ما انءه حياه مشت انت لسه ف الشقه ليه و مخرجتش ليه و قاعد لوحدك و مكتئب كدا ليه مااالك

حسام و عيونه احمرت من النرفزه : وانت مالك هو غلط اما افضل ف شقتي انا حر و متخافش مش بحضر لمصيبه

امير بحده : انا سالت سوال ماااالك ! يبقي تجاوب ع قد السوال

حسام و هو بيكسر الفازه اللي ع السفره : قلت ملكش دعوه محدش ليه دعوه بيه اناااااا حر هو مش انا الزباله اللي ف العيله انا المتكبر المغرور النكره اللي ف العيله جاااي ليه هااااا سيبني ف حالي

امير بخضه ع الحاله اللي اخوه فيهاا مصدوم اي اللي حصل خلاااه كدا : حسام ف اي قولي هو مش احنا اخوااات انت تؤامي يا حسام احكيلي

حسام و هو متعصب : مش عايز احيكيلك يا اخي سيبني بقاا

امير فجاءه و بدون اي مقدماات حضنه جامد كانه بيحميه و بيقرا عليه قران بصوت واااطي

حسام بتنهيده من الاعماااق : انا غبي

…………………………………………………………

فاطمه : صوره نور اختي بتعملي اي ف دولابك و وسط هدومك يا فارس

فارس بارتباك و توتر: دي دي

فاطمه بعياااط : ارجوك يا فارس قول الحقيقه انا مش مستحمله اي كدب تاني

فارس و عيونه ف الارض : انااا اسف

فاطمه و هي فاتحه عيونها ع الاخر و بصدمه : يعني اي اسف افهم اي انااا انت ع علاقه باختي و انت متجوزنييي بتخوني انت و اختي !!!!!!

فاارس بسرعه و تبرير : لا والله ابداااا مش كدا خااالص كل الحكايه ان ……

فاطمه بتعيط : اتكلم سكت ليه

فارس و هو بيغمض عينه : والله الكلام دا قبل ما نتجوز انااا اسف

فاطمه بهدوء مخيف : كمل

فارس بتنهيده و بيحاول يجهز نفسه للعاصفه اللي هتحصل : كنت اعرفها قبل ما نتجوز و كنا بنحب بعض و اعترفت لها و هي رفضت و قالت انك بتحبيني و مش هينفع تتجوزني عشانك و انا اتعصبت عليها ازاي تقول كدا و ترفضني و تحكم ع حبنا بالنهايه كداا

فاطمه باستهزاء : ههه ف انت قررت تعاقبها و تتجوزني

فارس و هو منزل راسه : اااه بس صدقيني انا الوقتي بحبك و بحاول ابني معاكي الحياه اللي كنت بحلم بيهاا و…

قاطعه فاطمه بصراخ : انت كذاااب انا عمري مهصدقك تبدااا انت واحد حقير و بجح و خاااين بتخوني مع اختي اي البجاحه اللي انتو فيهااا دي قاعد معاياا و بتعترفلي بحبك القديم لاختي اي الجبروووت اللي انت فيه دا يا اخي

فارس و هو بيحاول يهديهاا لما شاف انها بتتوجع : اهدي طيب من حقي تعملي اي حاجه بس صدفيني كل دا كان ف الماضي كل دا قبل ما نتجوز صدقيني

فاطمه و هي ماسكه بطنها و بتصرخ : اااااه انت كذاب و خاين انا عمر ما هسامحكوا انت و اختي خاينين دا حراااام مينفعش انت بتقول اي متجوزني تعاقب اختي بيااا انا ذنبي اي طيب عملت لك اي عشان تظلمني كدا دا انا حبيتك تعمل فيا كدا اااااه

فارس اتصل بالاسعاف بصرعه و هي عماله تصرخ و تهذي بكلام مش متركب ع بعضه و بتردد عمري ما هسامحكوا ابداا انتو خاينين و اغمي عليهااا

فارس و هو واخدها ف حضنه : انا اسف مكنش قصدي كل دا انا اسف سامحيني انا كنت ناوي اتغير

الخيانه دي اصعب احساس الواحد ممكن يحس بيه و الاصعب ان طعنه الخيانه تيجي من حد قريب منك وجعهاا صعب , و مش سهل جرحها يتلم بسهوله و مهما الجرح لم و طاب اثره موجوده و بيسيب ندبه واضحه .

……………………………………………

مازن بيفتح باب الشقه و بيدخل

مازن : ادخلي يا حبيبتي متخافيش هغير هدومي ع السريع و اجي بسرعه البيت بيتك متتكسفيش و دخل الاوضه

نهي و هي متوتر و متردده و خايفه هي عماله تتصرف و تعمل حاجات هي مش عايزه تعملها بس عشان خاطر مازن حبيبها ميزعلش منها او يفكر انها مش بتثق فيه دخلت الشقه و هي قلبها مقبوض دخلت و هي عماله تهدي نفسها و قعدت ع كرسي ف الصاله

ثواني و خرج مازن و هو بدون تيشيرت و صدره باين و بيقرب منها و بيتكلم بنبره اول مره تسمعها منه

مازن : مالك يا حبيبتي متنشنه كدا ليه فكي كدا

نهي و هي بتبعد : انا كويسه اهو ادخل غير بسرعه يلا عشان نمشي

مازن بخبث و هو بيحاول يفك طرحتهاا : و نمشي ليه ما نكمل السهره هنا و اهو نبقي واخدين راحتنا و بعيد عن الناس و الدوشه

نهي بخوف و بتبعد ايده : ماازن مالك ف اي ابعد عني كدااا

مازن و هو قريب جدااا منها : فكي يا حبيبتي دا انا هضبطك متقلقيش

نهي بخوف و هي بتعيط : مازن انت مش كدا ابعد عني انت قلت انك هتحافظ عليااا

مازن بخبث : ما انا هحافظ عليكي متقلقيش احنا هستمتع ع خفيف يا روحي

نهي و هي بتبعده و بتطلع تجري ع باب الشقه : اي القرف دا ابعد

مازن و بيشدها : تعالي هنا انتي بتاعتي النهارده

نهي بصريخ : لاااااااااا

مازن و لسه هيبوسها

مسكت كاسه مايه كانت جمبها و كسرتها ع دماغه

مازن و هو ماسك دماغه : ااااه يا بنت ال……

نهي استغلت الفرصه و طلعت تجري و هي عماله تعيط ز خرجت من الشقه و من الشارع و عربيه جايه بسرعه و نور قوووي و نهي بعياط و صراااخ حطت ايدهاا ع وشهاا و…

اوقات كتير بنحتاج صدمه او قلم يفوقنا و ينبهنا و يعرفنا ان الطريق اللي ماشين فيه دا مش صح ابعد عنه عشان متغرقش نفسك قلم وجعه قوي اه بس هتقوي بعدهاا و هتلحق نفسك .

_________________________________________

سيف و هدي الضع بينهم اتحسن و بيحاولوا يعدوا فتره الفتور دي و يحسنوا علاقتهم

سيف بحب و هدوء وهو راجع من شغله و فتح باب الشقه و داخل : هدي فينك

هدي و هي بتتفرج ع التلفزيون : انا هنا يا سيف

سيف و دخل لها و قعد جمها و حط راسه ع رجليها : اما انا تعبت تعب النهارده طلع عيني و بتتفرجي ع اي انتي و مركزه اوي كدا

سيف بصدمه : هدي توم و جيري يا هدي

هدي ببراءه : اه ماله دا حلو اوي

سيف : هدي توم و جيري دا للاطفال يا ماما و انتي كبيرتي ع دا

هدي بعقده حواجب : لا انا بحبه و اسكت بقا خليني اركز

سيف و هو بيحدف عليه المخده : ركزي ياختي ركزي اما اخد شاوي يكون خلص عشان نتغداا

هدي بتركيز و بتشاور بايديهاا : طيب طيب

سيف ببرطمه : عيله هو انا متجوز عيله بدل ما تحب فياا و انا عمال اقول لها تعبان القيها بتدافع ع توم و جيري

………………………………………………

ادهم و هو بيركب العربيه بعد ما خلص كلام مع مهندس اللي هينفذ المشروع و متعصب و ماسك الطاره و عروقه بارزه و وعد قاعده جمبه ساكته و خايفه من عصبيته

و اخير اتكلم و هو شادد ع اسنانه جامد و بيتكلم بغيظ : عاجبك اوي هو

وعد باستغراب و عدم فهم : هو مين اللي عاجبني !

ادهم بغيظ : المهندس التنفيذي باين من نظراتك ليه انه عاجبك و ميعجبكيش ليه مهندس و شيك و عمال يتغزل فيكي و انتي مبتسمه و ساكته

وعد بصدمه : ااا……

ادهم مقاطعاا : من غير ما تبرري كل حاجه واضحه بس احب انبهك الحركات دي مش ف الشغل فااااهمه

وعد و هي بتكبت عصبيتهاا : انت بتقول اي !!!

ادهم بهدوء مخيف : اللي سمعتيه

وعد جيت تتكلم قاطعه ادهم بحده و امر : اتفضلي انزلي وصلناا

وعد بصت قدامها لقت انهم وصلوا الشركه نزلت بسرعه من العربيه و قفلت الباب جامد بعصبيه ازاي يقول كدا غبي هيفضل طول عمره متسرعه و بيحكم ع الحاجه من الظاهر و بس ميعرفش ان قلب وعد مختوم عليه ختم ادهم و بس ملك لاكتر حد ممكن يكون بيكرها اكيد هو بيكرهاا دا ع طول بيبين لها دا مش بيطقهاا هي مفروضه عليه

…………………………………………………………

بسرعه الاسعاف وصلت اخدت فاطمه و فارس وراهم ع طول و دخلو اوضه العملياات بقالهم 3 ساعات جواا محدش خرج و لا طمنهم ف الوقت دا نور و امها جوم و قاعدين مستنين اي جديد اي امل اي كلمه تطمنهم

نور و هي جيه جمب فارس اللي واقف قدام باب العمليات و ساند راسه و مغمض عينه : اي اللي حصل يا فارس

فارس بغضب و زعل انهم هما السبب ف اللي هي وصلت له : مش عايز اتكلم يا نور

نور بغضب : يعني اي مش عايز تتكلم انا عايزه افهم انت عملت اي ف اختي ضربتها و لا حاولت تقتلهااا هاا كل دا عشان انا رفضتك بتحاول تعذبها عشان تعاقبني

فارس بغل : فاطمه عرفت ان احنا كان بينا قصه حب اكتشفت ان احنا بنخونها نورر انا مبكرهش حد ف الدنيا دي قدك الوقتي حبك دا بالنسبه لي لعنه ضيع كرامتي و كبرياء زمان و الوقتي بيضيع بيتي و مراتي و ابني اللي لسه مشافش النور انا لازم اتخلص من لعنتك دي بس هي تقوم بالسلامه هي ملهاش اي ذنب ف اي حاجه

نور بصدمه و عيااط : يعني هي هي انهارت عشان عرفت اللي حصل زماان بس احنا مخونهااش دا دا كله ف الماضي اي اللي احنا عملناه دا انت السبب انت السبب انت اللي جيت و اتجوزتها و انت مبتحبهااش

الدكتور خرج بسرعه فارس جري عليه : طمني يا دكتور

الدكتور بهدوء : انا اسف جداا يا جماعه مقدرناش ننقد ……