رواية هنا التقينا الفصل السادس عشر 16 بقلم ندى محسن
 |
| رواية هنا التقينا الفصل السادس عشر 16 بقلم ندى محسن |
رواية هنا التقينا الفصل السادس عشر 16 بقلم ندى محسن
الباب خبط وروز ابتسمت جريت فتحت واستغربت لما شافت عاصم
عاصم: هو ليث رجع؟
روز هزت راسها بنفي: لا... هو قرب يوصل
عاصم مدلها تليفونه
روز بصتله بإستغراب:دا علشان ايه؟؟
عاصم: خليه معاكي لو عايزة تعملي اي مكالمة
روز هزت راسها بنفي: لا شكرا هو خلاص جاي....
عاصم: انا في الخدمة بردو لو فيه اي حاجة عيزاها
روز بصتله بغموض: لو عوزت اي حاجة انا هطلبها من طنط بعد اذنك
هتقفل صد الباب بإيده: استني بس استني
روز بضيق: في ايه انت عايز ايه بالظبط؟
عاصم: عايز نبقى صحاب وبعدين انتي زعلتي ولا ايه
روز: صحاب؟
عاصم: انا متفتح جدا على فكرآ ايه المشكلة نبقى صحاب سيبك من العقل الشرقي دا
روز بتهكم: كلامك دا يدل انك متخلف مش متفتح!انت ازاي عايش في وسط الناس دي وبتفكر بالشكل دا يمكن لو كنت مكانك كانت حاجات كتيرة اتغيرت في حياتي
قفلت في وشه بسرعة بقلق وهو ابتسم بذهول
روز الدموع لمعت في عينها اتوضت وصلت والباب خبط اتعصبت: امشي بقى انت عايز ايه
غيث استغرب: روز
روز ابتسمت وجريت فتحت وحضنته جامد وهي متعلقة في رقبته استغرب بس ابتسم ورفعها من على الأرض في حضنه
روز ابتسمت فتحت شافت عاصم قدامها اتفاجأت
غيث حس بيها جامدة بين ايده بصلها: مالك يا حبيبتي؟
روز بعدت عنه وهو لف مكان مبتبص شاف عاصم اتضايق: في حاجة
عاصم: نعم؟ واحد واقف في الحوش بتاع بيته ولا انت فاكر انه اتعمل للأحضان والبوس
روز اتحرجت وغيث بصله بحدة حاوط كتفها
عاصم خرج سجارة ولعها ببرود
غيث بحدة: الأحسن تخليك في نفسك انا فاهم دا بيت مين وانت متعرفنيش فالأحسن ملكش دعوة بينا طول الفترة اللي احنا فيها هنا
دخل وبص لعاصم بتحذير وقفل في وشه
غيث بصلها: في ايه ليه خايفة يا روز؟
روز دفنت راسها في صدره: غ.. غيث مش عارفة... اترعبت لما مشيت.....(انهارت في العياط) لما كنت.... لما كنت في المستشفى الحقير اللي اسمه هاني هو كان بيقرب مني وانا كنت مرعوبة كنت لوحدي لما مشيت حسيت نفسي لوحدي متسيبنيش تاني
غيث حضنها والغل مالي قلبه مسح دموعها وباس جبينها وهو بيلعب في شعرها لحد مهديت شالها ونيمها على السرير غطاها وهي في حضنه وهي مستخبية فيه استنى لحد منامت وراحت في النوم وخرج التليفون بتاعه اتصل بحد
عاصي: امرك
غيث: هاني بيشتغل ممرض في مستشفى *******للأمراض العقلية عايزو يتمنى الموت هتاخده على مخزن الشركة وتأدبه ولما يبقى جاهز كلمني بكرا هكون عندك
عاصي: امرك.
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
غرام قاعدة في الأوضة بتاعتها بتفكر في اللي حصل وفي سراج تليفونها رن ردت: الو
سراج: وحشتيني
غرام ابتسمت بس دارت
سراج: غرام
غرام: احنا اتفقنا على ايه
سراج بهزار: على ايه
غرام سكتت
سراج: متقلقيش مش هنسى...
غرام: تصبح على خير يا سراج
قفلت وهو اتنهد بحزن
رشا في اوضتها تليفونها رن ردت اتفاجأت بعمها تامر: انتي سيبتي البيت؟
رشا بلعت ريقها بصعوبة
تامر: متردي يا بنت ال ******
رشا: انت ملكش... دعوة انت عايز ايه مني
تامر: وهعوز ايه من وشك لو متعدلتيش فأنا مش هرحمك وهتتجوزي ماجد غصب عنك بالزوق او بالعافية
رشا هزت راسها بنفي:م..مستحيل...
تامر:لما نشوف
رشا قفلت بغضب:سااافل حقييييير وقذر
الباب خبط وهي قامت وفتحت
اوتار:في حاجة؟
رشا بصتلها والدموع في عينها
اوتار:مالك ايه اللي حصل وبتزعقي مع مين
رشا عيطت وفقدت السيطرة على نفسها
اوتار قلقت:مالك يا رشا
رشا:قال....هياخدني بالعافية قال هيجوزني لأبنه انا مش عايزة حاجة كنت هسيبلهم كل حاجة بس عز مرضيش وقال انه حقي
اوتار افتكرت اللي حصل معاها زمان وهي مع جلال وابتسمت بحنان ضمتها:اهدي
رشا عيطت:عز سافر وانا لوحدي محدش هيقف قصاده عز كان بيتصدرله بس هو دلوقتي سافر
اوتار حست بخوفها:طيب اهدي اهدي
دخلت قعدتها على السرير وهي بتعيط وبتملس على شعرها بحنان
رشا مسحت دموعها وابتسمت بحزن:انا اسفة....غصب عني انا عيطت و
اوتار بحنان ضمتها:وايه يعني انا مش زي مامتك؟
رشا بصتلها اوي
اوتار بحنان:مينفعش؟
رشا هزت راسها بنفي:مينفعش علشان انا....مستحقش اني اكون بنتك....
اوتار باست جبينها ومسحت دموعها وهي بتطبطب عليها
رشا بصالها بإستغراب وابتسمت هي عرفت دلوقتي سبب من الأسباب اللي مخليا عز بيعشق الست دي
اوتار:عمك ميقدرش يقرب من هنا اتطمني
رشا بأمل:بجد مش هتسمحي ياخدني
اوتار هزت راسها بإيجاب وعينها اتحولت لأزرق قاتم وهي بتفتكر جلال وبيتهيقلها انه رجع للحياة بعد ممات من التعذيب جلال مكنش في حياتها هي بس في كتير بنفس التخلف والجهل بتاعه
رشا اتصدمت وبعدت بتلقائية
اوتار انتبهتلها وعينها اتحولت لأزرق فاتح
رشا:انتي....عيونك....انتي...بتت..حولي
اوتار انتبهت لكلامها وضحكت فجأة
رشا بصتلها اوي
اوتار بضحك:مش ملبوسة انا هي عيني بتتغير حسب حالتي عز كان قالي ان اسمها متغيرة القزحتين
رشا بدهشة ابتسمت:انا عارفة بس اول مرة اشوف حد كدا
اوتار ابتسمت وهزت راسها
رشا ابتسمت
اوتار حضنتها:نامي ومتخافيش من حاجة
تليفونها رن ورشا بصتلها:دا رقم بس مش عمي
اوتار:افتحي وشوفي مين مترديش الا لما اللي على الخط يرد
رشا فتحت الخط والأسبيكر
ماجد:ازيك يا روحي انا مصدقتش لما بابا جاب الرقم
رشا اتصدمت وبصت لأوتار واوتار بتسألها بعيونها مين
رشا:انت عايز ايه
ماجد:عايزك بحبك يا رشا
رشا صرخت فيه:انا بكرهك انت وابوك بكرهكوا انت كذاب انت مبتحبنيش انتو كلاب فلوس
ماجد:اتكلمي بأدب احسنلك
رشا:انا مش عايزة اتكلم مع حد فيكوا وانسى
قفلت في وشه وحطت الأرقام على قايمة الحظر
اوتار بصالها
رشا بغضب:ابن عمي دا ابن عمي....
اوتار هزت راسها بعدم تصديق:ازاي هما كدا
رشا:كلاب فلوس الفلوس دا مرض لبعض الناس صدقيني
اوتار:طيب انسي بقى صفي ذهنك ونامي
رشا:عز مش هنا
اوتار بصتلها بتركيز
رشا بإرتباك:انكل عز...
اوتار:مش هنا وبعدين!
رشا بحرج هزت راسها بنفي:خلاص....
اوتار مسكت ايدها بتشجعها على الكلام:كنتي عايزة ايه
رشا:عايزة تنامي جنبي لو مش هيضايقك بما انه مش هنا
اوتار بصتلها وابتسمت هزت راسها بإيجاب:معنديش مشكلة مش هعرف انام في الأوضة وهو مش فيها اصلا
رشا ابتسمت
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
النهار طلع وروز فتحت ملقتش غيث جنبها نادت:غيث
غيث دخل الأوضة وابتسم:صباح الخير
روز ابتسمت براحة وغمضت عينها تاني:صباح النور
غيث قعد جنبها:هتنامي تاني ولا ايه
روز:جعانة نوم
غيث ابتسم وقرب باسها:وانا جعان روز
روز ضحكت وهي مغمضة:طيب بطل رخامة
غيث قرب حضانها وهمس جنب ودنها:انتي حلوة في كل وقت في كل دقيقة في كل ثانية انتي حلوة دايمآ
روز فتحت وبصتله شافت لمعت حب في عيونه ابتسمت بخجل وبصت لتحت:وانت ...
غيث قرب بمناغشة: وانا؟ انا ايه
روز: انت احلا شخص في العالم
غيث ابتسم وحاوطها وهي مبقتش باينه من محاوطته هيقرب حطت ايدها على شفايفه بقلق من وضعهم
غيث بعد عنها شوية: مالك؟
روز: انت... قولت....
غيث: قولت؟
روز بخجل وارتباك: مش هتقرب لحد مكون مراتك
غيث ابتسم وهو فاهم قصدها:انتي فعلاً مراتي والكل بقى عارف دلوقتي
روز بصتله
غيث بيقرب بعدت وشها دفن راسه في رقبتها غمضت بضيق وزأته وهو اتفاجأ:روز!
روز بقلق هزت راسها بنفي:بلاش يا غيث
غيث:مش فاهم انتي خايفة مني مثلآ؟
روز هزت راسها بنفي:لا...
غيث:اومال يا روز؟
روز:انا مش متطمنه وحاسة اني مراتك في السر!
غيث هز راسه بنفي:روز الكلام دا مش
روز قاطعته:اهلي ميعرفوش وصحابي
غيث صرخ فيها:اهلك دول راموكي ميبقوش اهل فااااهمه وصحابك مين واحدة زي اروى وعيلتها ازاي تعرفيها اصلآ انتي عارفة انهم متسيبين البت واخوها ماشيين على حل شعرهم ومحدش ليه كلمة على التاني وابوها مش فاضيلهم ومقضيها فين الراعي هااا؟؟؟
روز خافت من شكله وطريقته وبتحاول تبعده وهو لسة محاوطها
غيث بص لأيدها بغضب:انتي خايفة مني انا ومكنتيش خايفة من سامح اللي كان عايزك تغريني وتبيعي نفسك ومش بس كدا كان عايز يق...
روز بدموع قاطعته:كفاية بقى يا غيث كفااااية انت ليه مُصر تجرحني ابعد عني
غيث باصصلها بغضب
روز خبت وشها بإيدها الأتنين من نظراته اللي قلقاها
غيث بعد عنها بضيق:مش عارف ازاي انتي خايفة مني بالشكل دا!
روز قعدت ودفنت راسها في رجليها بإنكماش وبتعيط ودا ضايقه قعد جنبها سحبها في حضنه بضيق:اهدي طيب قولتلك متعيطيش اهدي يا روز
روز انهارت في العياط وزأته:ابعد عني مش عيزاك انت مش بتحبني انت مبتحبنيش
غيث غمض بضيق:انا مبحبكيش؟انا محبتش غيرك اصلآ
روز بتعيط:ملكش دعوة بيا وابعد عني
غيث بعد:اهو اهدي بقى
روز وقفت وزأته برا الأوضة وهو مستغرب وقفلت الباب
غيث:روز افتحي
روز:مش هفتحلك وسيبني لوحدي بقى
غيث:روز حبيبتي خلاص مش هعمل حاجة غصب عنك
روز قعدت على السرير مبتردش عليه
غيث اتنهد بضيق وخرج وهي سمعت صوت الباب خرجت ملقتهوش عيطت تاني
عاصم قاعد على القهوة اللي قدام البيت وشاف غيث ماشي متعصب ابتسم
الباب خبط وروز فتحت بس اتفاجأت لما ملقتهوش غيث
عاصم ابتسم وهو باصصلها:اول مرة اشوفك بشعرك شكلك حلو اوي
روز اتضايقت وهتروح على الكرسي تاخد الحجاب عاصم شدها:انا بقول جميل مش علشان تغطيه علشان تهتمي توريهوني دايمآ بني مع اصفر طبيعي بشكل جذاب انتي قمر اوي
روز زأت ايده وضربته بالألم
عاصم حط ايده على وشه بصدمه
روز:اياك انت اياك تفكر تلمسني فاهم
عاصم بإستفزاز:كنتي تجنني امبارح لما كنتي في حضنه
روز بغضب:انت ملكش دعوة بيا بأي شكل والا هقوله وشوف وقتها هيعمل ايه فيك انت متعرفهوش
ام ملك:في ايه؟ايه يا عاصم اللي موقفك هنا؟
عاصم:ها..انا كنت....
ام ملك بشك:كنت ايه؟؟
عاصم:كنت بسأل على غيث
ام ملك بصت لروز اللي كانت هتعترض على كلامه بس افتكرت انهم مش ناقصيين هما كدا كدا مش عارفين يطلقوا ملك منه
ام ملك:ايه يا بنتي في حاجه؟
روز:لا يا طنط...اتفضلي
ام ملك:بصي بقى انا جيبالك فستان من عند ملك يا رب يجي على مقاسك انتي عارفة ان ملك مليانه شوية على عكسك
عاصم ابتسم:صح ملك تفصل منك اتنين
ام ملك وروز بصوله بغضب بمعنى انت مالك
عاصم:بس واثق هيبقى حلو عليكي ومتنسيش لما يجي غيث تسلميلي عليه
مشي وام ملك اتنهدت بضيق:لو مضايقك قوليلي
روز هزت راسهابنفي:متقلقيش اتفضلي
ام ملك هزت راسها بنفي:لا يا حبيبتي انا رايحة السوق اشتري حاجات النهاردا الحنة وملك معندهاش حاجة مميزة تحضر بيها
روز:وجوزها مش بي..
ام ملك قاطعتها:جوزها دا لو عرف ان معاها فلوس مش هيسيبها دا بيجيب سجايره بالعافية ولا شغلة ولا مشغلة واحنا بنهتم ببنتنا وقريب بإذن الله هنطلقها بيني وبينك احنا بنظبط فلوس المحامي علشان قضية الخلع
روز هزت راسها بإيجاب
ام ملك:مش عايزة حاجة يا بنتي
روز:لا يا طنط سلامتك
ام ملك مشيت وروز قفلت راحت الحمام خدت شاور واتوضت وصلت
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
نادر باصص لسلوى وغمزلها وهي بعدت قامت بغضب من على الأكل
رامي لاحظ وبغضب اتكلم:في ايه يا نادر؟
نادر بتهكم:حد كلمك
رامي:انت بتضايقها ليه؟
نادر بيمثل عدم الفهم:بضايق مين ؟
رامي:بتضايق سلوى انت فاهم قصدي كويس اوووي
رأفت اتكلم بصرامة:وهي اشتكتلك ولا انت بتغني وترد على نفسك
جواهر بصت لرأفت
رامي:يا عمي انا شوفته بيغمزلها وهي قامت سلوى مش صح
سلوى هزت راسها بإيجاب
عمار ابتسم بخبث وهمس:شكلها هتولع
وليد اتعصب وبص لنادر
كامل:معلش يا رامي انت عارف نادر بيحب يناغش اي حد
رأفت:معلش؟ميلم بنته ووقتها لو اتعرضلها هيبقى في كلام تاني متبقاش لابسة فستان بالمنظر دا تغريه بيه وتيجي تقول متبصش
الكل اتصدم من كلام رأفت ونادر ابتسم بخبث وهو باصص لسلوى
سلوى بغضب:جدو انت ايه اللي بتقوله دا انا حتى مبتكلمش معاه و
رأفت بصرامة:اخرسي ولا حرف
جواهر اتضايقت ووقفت خدت سلوى وطلعت
سلوى عيطت:ماما انتي عاجبك اللي هو بيعمله دا و
جواهر حضنتها:انتي عرفاه وعارفة ان دا واحد..
سكتت بضيق
سلوى:ليه نقعد هنا ماما نمشي بقى
جواهر:علشان هو امر بكدا لو سيبناه القصر دا هيروح مننا ومش القصر بس كل حاجة هيكتبها بإسم كامل او ولاده يعني مش بس قارفنا وهو عايش لا بيخطت يقرفنا وهو ميت
سلوى عيطت:مش محتاجين فلوسه يا ماما
جواهر:الفلوس دي من حقنا احنا شفنا الويل مع الأنسان دا مكنش اب لينا كان منبع قسوة اللي خلا امي.....تنتحر.....
سلوى بصالها بحزن
جواهر:انا معاكي متقلقيش ونادر دا ملكيش اي تعامل معاه انتي عارفة انه مش طبيعي من يوم ممراته ماتت والله اعلم ماتت ازاي كل واحد بكلام بس طز احنا اللي يهمنا الفلوس وبس
سلوى هزت راسها بحزن
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
رشا صحيت ملقتش اوتار جنبها نزلت شافتها بتكلم اسلام: يا حبيبي كل بقى
اسلام بيعيط: عايز بابا انا مليش دعوة
اوتار: طيب هو سافر يومين وهيجي
اسلام هز راسه بنفي: يبقى مش هاكل بقى يومين
اوتار: اسلام كل والا هكلمه اقوله ميجيش علشان انت عنيد
اسلام عيط اكتر: لا
اوتار حضنته: طيب اهدى بقى وكل يا اسلام
اسلام: انا عايز بابا
اوتار ابتدت تأكله: بابا مش هيتأخر
رشا:صباح الخير
اوتار:صباح النور مرضتش اقلقك بس شوية الأكل هيكون جاهز
رشا:انا مبكلش اول بصحى عز كان بيأكلني بالعافية
اوتار بصتلها بتركيز:وعز كان بيبقى هناك اول مبتصحي؟
رشا حست بغيرت اوتار ودا خلاها اتضايقت من نفسها وحاولت توضح:انا....اقصد....يعني....
اوتار بجمود:الأكل هيكون جاهز دلوقتي
دخلت المطبخ ورشا اتنهدت بضيق
اسلام:اكليني
رشا بصتله بإنتباه
اسلام كشر:اكليني مش شيفاها دخلت علشان تأكلك وسابتني؟
رشا ضحكت:حاضر يا اسلام باشا
اسلام ابتسم
اوتار واقفة في المطبخ بحزن : انا واثقة فيك بس اللي بتعمله دا مينفعش يا عز دي مش بنتك مهما كان دي واحدة غريبة عنك حتى لو في فرق سن كبير.... انت كنت بتبقى معاها في الشقة وبت عندها لما كانت تعبانه وبتحضنها وبتبوسها كمان زي مچيمس شافكوا... و....
دموعها نزلت: ودا مخليني مخنوقة انت بجد ضاغطني
سراج: صباح القمر
اوتار مسحت دموعها وابتسمت ولفت: صباح الخير
سراج قرب حضانها: مالك
اوتار: مليش يا حبيبي
سراج: مش عليا انا كنتي بتعيطي ليه
اوتار: متضايقة شوية بس...
سراج: من ايه
اوتار هزت راسها بنفي: مش مهم
سراج: متعتبريني عزك وتفضفضي
اوتار ضحكت وضربت كتفه:بطل لماضة
سراج ضحك وباس ايدها وجبينها وخدها في حضنه بحنان:شكرا
اوتار استغرب اوي من طريقته اللي مش متعودة عليها معاها وهي بصاله
سراج ابتسم:شكرا لأنك امي وشكرآ لأنك احلا حاجة في حياتي محدش عنده ام كدا والله
اوتار ضحكت بحب ودموعها لمعت في عينها
سراج:انا مبقولكيش كدا علشان تعيطي ماما دموعك غالية عليا
اوتار ابتسمت وباست خده:ربنا ميحرمنيش منك ويصلح حالح
سراج:عايز منك خدمة بقى
اوتار بصتله بغيظ:يعني كنت بتتمسكن علشان مصلحتك
سراج ضحك:والله ابدآ بس انا مستغناش عنك
اوتار:طيب بطل تضحك عليا بالكلام وقول عايز ايه
سراج بنبرة بان فيها الحزن:كلميلي غرام....يمكن تحن شوية
اوتار بصتله بشفقة وهزت راسها بإيجاب
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
يحيى بغضب ماسك ايدها:منا مش هسيبك غير لما اعرف في ايه ايه اللي مغيرك كدا
امل بضيق بتبعد ايده:يحيى بس بقى انا هنا في مكان شغل مينفعش اللي انت بتعمله دا
يحيى سحبها بعيد:امل انا مش فاااهم في ايه امل انا بحبك ارجوكي اديني فرصة متتخليش عني بالسهولة دي انتي بتحبيني
امل صرخت بغضب:انا مبحبكش كفاااية بقى كفاااية انا تعبت وبسببك الإنسان الوحيد اللي بحبه مستحقرني وخلاص مش هشوفه تاني
يحيى اتفاجأ:انتي بتقولي ايه...بتحبي؟
امل دموعها نزلت:انت مكنش ليك ذنب بس انت مكتفتش برفضي ليك من الأول انت جيبته وجيت اتقدمت انت كنت بتضغطني
يحيى بضيق:انا مش فاهم حاجة
امل بدموع:قالي ابعد عنك قالي ابعتلك حاجتك بقى مستحقر يشوفني سراج داس على قلبي وانا اللي حبيته بكل غباء وسذاجة
كانت الصدمه الكبرى اللي حسسته ان التنفس صعب ان رجله هتخونه اتماسك بصعوبة بالغة فهم وقتها كلام صاحبه
امل انهارت في العياط:انا اسفة يا يحيى انت حبيتني بس انا محبتش غيره ضحكه هزاره كل حاجة فيه انا محبتش غير سراج
يحيى بصلها وبدون كلمة ركب عربيته وساق بيها بسرعة مشاعر مختلطة بين الحزن والغضب والألم
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
الباب خبط وروز ارتجفت للحظات وبعدت عنه بقلق وهو بيخبط عيونها دمعت محدش في البيت غير ملك في اخر دور لو كان عاصم هتتصرف معاه ازاي
غيث بإستغراب طلع لعم محمد خبط ملقاش حد خرجت نادية بلبس بيكشف اكتر مبيسطر : الجماعة خرجو
غيث: خرجو فين!
نادية بصاله بتركيز وكأنها بتحفر ملامحه في عقلها وباصة للشنط اللي في ايده : خرجوا علشان يجيبوا اللي ناقصهم من الحنه
غيث بصلها: ومراتي
نادية: معرفش صح مقولتليش ايه رأيك في الحنة
بعدت حمالة البدي من عن كتفها وهو انتبه للبسها بصلها بإشمأزاز ونزل
نادية بغضب وتهكم: مغفل عاجبه خلة السنان اللي معاه دي
غيث خبط على روز وبقى ينادي: رووووز رووووز
روز فتحت بسرعة شاف عينها حمرا اثر الدموع استغرب وهي بعدت عن الباب دخل وهي قفلت وبصت للشنط بإستغراب
غيث: ساعة بخبط مبتفتحيش ليه
روز: مكنتش... اعرف
غيث: مكنتيش تعرفي ايه؟
روز: مكنتش اعرف ان انت
غيث: هيكون مين يعني
روز: اي حد
غيث: مش تردي حتى تشوفي مين
روز دموعها نزلت: انا اسفة معرفش بقى انا خفت بس
غيث: من ايه مقولتلك صعب يجوا
روز بصتله بدموع وتردد
غيث بعد نظره عنها: تحبي اخرج؟ يمكن تبطلي خوف
روز عيطت: مش خايفه منك انا بس قلقانة غيث انا اسفة متسيبنيش
غيث بصلها وقرب بتردد
روز اترمت في حضنه وبقت تعيط
غيث دافن راسها في صدره
روز بصتله وهو مسح دموعها وباس جبينها ابتسمت
غيث: حقك عليا لو كنت ضايقتك بس انا نفسي تثقي فيا اكتر وانا معاكي كل اللي ببقى عايزو اني ابقى جنبك وبس وبعدين خدي هنا انتي صليتي النهاردا؟؟
روز هزت راسها بإيجاب وحماس: اه وقرأت قرءان
غيث: انا صليت في الجامع بس للأسف مقرأتش انا ميت من الجوع
روز: هما راحوا يجيبوا مستلزمات الحنة
غيث: كلهم؟
روز: ملك بس اللي فوق
غيث هز راسه بإيجاب: طيب يلا ناكل
روز: مفيش اكل هنا يا غيث
غيث: جيبت كريب وبيبسي علشان كدا كدا خارجين لو جوعنا نبقى ناكل برا
روز هزت راسها بإيجاب وابتسمت وقعدوا كلوا سوا: ايه الشنط دي كلها؟
غيث: هدوم ليكي وجزم ويا رب يكونوا على قدك انا شوفت المقاس من جذمتك فيا رب تيجي على قدك واكسسوارات بقى ومكياچ(غمز مناغشة) وهدوم بيتي
روز بصتله اوي
غيث سحبها عليه ودفن راسه في رقبتها وهي على رجله: بحبك اووي
روز ابتسمت
غيث استغرب وبصلها
روز: ايه
غيث استنشق هدومها بعمق وبصلها: ريحة سجاير جت منين دي
روز بصتله بإستفهام وافتكرت عاصم لما مسكها وضربته بالألم وارتجفت بإشمأزاز
غيث ملاحظ تعابير وشها: ايه يا روز متتكلمي في حاجة حصلت؟
روز هزت راسها بنفي
غيث خلاها تواجهه: متأكدة ايه اللي حصل؟
روز مركزة في عينه اللي مش بس بتسحرها دي بتسحر اي حد
غيث: ايه اللي خوفك تفتحي وايه اللي قالك تتكلمي وايه اللي مخليكي مترددة كدا
روز: عاصم
غيث بإستغراب: عاصم؟؟(بان عليه الغضب من ذكرها اسمه) ودا ماله بيكي دا
روز: هو.... بيضايقني.... وانا مبرتحلوش
غيث: ودا من امتى ومقولتليش ليه؟
روز: يا غيث احنا مبقلناش يومين لما خرجت روحت القصر وقتها كنت عايزة اكلمك هو اتكلم معايا بطريقة غريبة وبعدين خبط عليا و.....
حاكتله كل حاجة بالتفصيل وهو كان محاوطها في حضنه بأمان لدرجة انها كانت بتبتسم في كل مرة عينها تيجي في عينه
غيث بيحاول يسيطر على غضبه: انا هربيه حلو
روز: مش عايزة مشاكل يا غيث انا ضربته بالألم و الناس دول طيبين اوي بس في اتنين عقارب هنا
غيث: اتنين!
روز هزت راسها بإيجاب: عاصم والست نادية دي بحسها مش مظبوطة وبتكرهني اوي مش عارفة ليه
غيث افتكر طريقتها معاه وحس بالأشمأزاز فعلاً هي حتى منالتش انتباهه
غيث: انسي ويلا البسي علشان رايحين مشوار شوفي الحاجات اللي جبتهالك
روز: انا اخدت القرار اللي قولتلك اني بفكر اخده ولما هفكر هقولك انا كنت حباه بس مش عايزة اتسرع وكلام عاصم وهو بيتغزل في شعري انا كرهته و
غيث ضمها بتملك وغضب بان عليه: روووز القذر دا انا مش عايزك تنطقي بإسمه حتى فاهمه
روز هزت راسها بإيجاب وحب وهو بعد عنها جاب علبة هدايا وهي بصتله بإستغراب
غيث ابتسم وفتحها وهي اتفاجأت اوي
غيث ابتسم: القرار بتاعك هل هو منفصل عن دا
روز مسكت الحجاب وابتسمت ابسامتها اتحولت لضحك اندهاش: لا... ميفرقش... غيث انت ازاي كدا
غيث ابتسم: شوفتي اني بفهمك
روز ضحكت وضمته: دا شكله رقيق اوي يا غيث وانيق جدا جميل
غيث ابتسم: جبته ابيض علشان هيليق على الفسان وعلشان يبقى اول لون تلبسيه بعد القرار دا
روز ابتسمت باست خده وجريت قدام المرايه تلبسه وعجبها وفتحت الشنط لقت كذا فستان: ليه كل دا
غيث: النهاردا الحنة وبكرا الفرح بتاع شريف وعايزك تبقي براحتك
روز فكرت وخدت فستان جميل:غيث دا شكله غالي جدا!
غيث ابتسم بحب: مفيش حاجة تغلى عليكي دا اكتر فستان عجبك؟
روز: صح .... بس......مش هلبسه
غيث: ليه دا هيليق جدآ للفرج
روز: غيث لو معندكش مانع انا عايزة ادي الفستان دا لملك
غيث: اكيد معنديش مانع بس ايه وجهت نظرك
روز ابتسمت بحب: انت عارف انهم على قد حالهم وساعدونا وعندهم قناعة ورضا حلوة اوي انا حابة انها تلبسه اوي يا غيث
غيث ابتسم بحب وهو باصصلها عيونه لمعت بمنتهى العشق باس ايدها وهز راسه بإيجاب: وانا معاكي
روز ابتسمت: هطلع اوديهولها
غيث: طيب غيري وبعدين ابقي طلعيهولها قبل منمشي
روز هزت راسها بإيجاب وخدت فستان انيق بيبي بلو بالشنطة بتاعته ودخلت تغير واكتشفت ان غيث منساش اي حاجة ممكن تحتاجها
#رواية_هـنـا_الـتـقـيـنـا
للكاتبة/ندى محسن ♕Noody♕
متابعة لصفحتي هنا
#Nada_Mohsen
الباب خبط بعنف ورشا فتحت بقلق
يحيى دخل لأول مرة بغضب وعيونه حمرا: فين سراج؟
رشا مبقتش عارفة ترد من هيئتة دي
يحيى بغضب: فين سراج... سرااااااج
سراج نزل بإستغراب جري عليه: في ايه يا يحيى في مشكلة ولا ايه
يحيى بعنف لكمه وسراج مسك فكه بألم
رشا شهقت بخضة
اوتار: في ايه؟ ايه اللي بيحصل
يحيى بص لسراج بغضب
سراج فهم نظراته وغمض بضيق:كنت عارف انك هتعمل كدا كنت عارف انك مش هتفهم
يحيى لكمه اقوى من الأول بغضب
اوتار: يحيى اهدى في ايه
يحيى صرخ في سراج: انت ازاي متقوليش ازاي تستغفلني بالطريقة دي كنت عارف ان امل بتحبك كنت عارف انها بتهين كرامتي ومفكرتش حتى تقولي
اوتار اتفاجأت بكلام يحيى: امل بتحب... بتحبه؟
يحيى: الواضح اني اهمك فعلاً!
سراج بغضب: فتح عينك انت ايه مش شايف انها متسهلكش وانها واحدة قذرة و
يحيى قاطعه بغضب مضاعف: مقولتليش ليه انا كرمتي اتهانت اضعاف وانا بترجاها تحاول وانا بقولها اني بحبها واني محبتش ولا هحب حد قدها مقولتليش ليه يا سرااااج خليتني زي المتخلف خليتني احس قد ايه انا ساذج وغبي ليه مفكرتش تقولي؟
سراج: كنت هقولك ايه وانا شايفك بتحبها بالشكل دا يحيى فكرة انها سابتك في المستشفى ومفكرتش تجيلك علشان قولت انك كنت في السجن ومن غير حتى متحاول تستفسر دا في حد ذاته يخليك تسيبها وتبعدها عن حياتك نهائي
يحيى باصصله بغضب وصرخ فيه لأول مرة بلشكل دا:كان لازم تقولي كان لازم تفهمني
سراج: مرضيتش اقولك علشان مجرحكش انا خليتها تبعتلك حاجتك وهددتها متقربش من حد فينا مكنش قدامي حل تاني يا يحيى صدقني مكنش ينفع اجي واقولك ابعد عنها علشان بتحبني مكنش هيبقى صعب عليك وبس كان هيبقى صعب عليا
يحيى غمض وحس الدنيا بتلف بيه هيخرج سراج سحبه: ممكن تهدى تعالى اقعد معايا شوية اهدى
يحيى بعد ايده: عايز... ابقى لوحدي...
خرج وسراج ضرب الباب برجله بعنف اترزع جامد والكل اتخض
اسلام بغضب: خليه يرجع يضربك تاني باللي انت بتعمله دا اكسر الباب احسن
سراج بصله وغصب عنه ضحك بغلب:يا اخي ايه الجحود دا
اوتار بصاله بقلق
سراج ابتسم وهو ماسك فكه بألم: رد فعل طبيعي جدا هو كان بيحبها ومعندوش حد يخرج عليه غضبه غير صاحبه يعني طبيعي
رشا: صعبة... صعبة اوي لما حبيبته تحب صاحبه!
اوتار هزت راسها بإيجاب: هو يستاهل احسن منها يحيى يستاهل كل خير
سراج ابتسم بحزن: ربنا هيعوضه هو انسان نضيف
للكاتبة/ندى محسن ♕Noody♕
متابعة لصفحتي هنا
روز خرجت من الأوضه غيث صفر بإعجاب وهي بصت للبدلة اللي لابسها وابتسمت بحب
غيث: ايه رأيك
روز: قمر انت طول عمرك قمر
غيث ابتسم بحب:يلا
روز:يلا هطلع اوديلها الفستان
غيث:طيب وانا هقفل الباب وهستناكي على السلم
روز ابتسمت وطلعت غصب عنها ابتسمت:الحمد لله العقربة مش فاتحة الباب نادية دي
طلعت محتارة انهي شقة ملك بس خبطت على اللي قدامها جزمتها
الباب اتفتح وشافت عاصم قدامها
عاصم بصلها بدهشة:بسم الله ماشاءالله ايه دا..
روز رجعت خطوتين كانت هتتكعبل في فستانها عاصم سحبها بصت لأيده اللي ماسكة كتفها بصدمه
عاصم بيتفحص ملامحها:انتي قمر اوي بسم الله ماشاء الله الحجاب زادك جمال
روز زأت ايده وهتضربه بالألم مسك ايدها باسها
عاصم:سكت مرة مش هسكت التانية
روز سحبت ايدها بإشمأزاز
ملك:مين يا عاصم
قربت وابتسمت:چوري اتفضلي
روز بخفوت:اتفضلي
مدتلها الشنطة
ملك استغربت:ايه دا؟
روز بصوت مهزوز:دي هدية بسيطة بعد اذنكوا
عاصم ابتسم بخبث وهي كانت هتعيط من نظراته الجريئة نزلت بملامح مهزوزة
غيث لاحظها:في ايه يا وردتي مالك
روز حضنته جامد
غيث روز حبيبتي مالك........
تعليقات
إرسال تعليق