رواية أحببتها صعيدية الفصل الرابع عشر 14 نور الدين جلال

** كرم بعد ما احسان ماتت والحاج سعد اتشل بقى هو المتحكم في كل شيء في تجاره الحاج سعد وبعد فتره كرم فاتح الحاج سعد في موضوع جوازه من جنه والحاج سعد وقتها كان صحته بدات تتحسن شويه وبدا يحرك ايدة ويتكلم بصعوبة وافق لان ما كانش قدامه حل تاني ..

الحاج لما لقى حالته الصحيه كده قرر يكتب كل حاجه يملكها باسم جنه وكرم بقى هو اللي بيمشي كل حاجه بعد ما اتجوز جوز جنه ......

بعد فترة خلفت بنت وبدا كرم يعاملها معامله سيئه جدا وخناق طول الوقت على اتفة الاسباب وبدا يرجع متاخر شارب وكل حاجه قاسي فيها وف كلامة معاها ****

جنة :: جولي يا سي كرم قل لي ايه اللي غيرك من ناحيتي .

كرم :: مفيش حاچه يا چنه انا كده اذا كان عاچبك .

چنة :: ابوس يدك يا سي كرم جولي ايه اللي يرضيك وانا اعمله

كرم :: بكفايا اللي يرضيكي انتي واخوكي ان اني ابجى في نظر الناس چوز الست وكل حاچه لازم ارجع ليكم فيها .

جنه :: ماعاش ولا كان اللي يجول عليك كده انت سيد الرچاله .

كرم :: الرجاله اللي شغالين ف الوكالة كلهم بيتغمزو ويتضاحكو لما تيجي مصلحه شغل ويبجي لزمن ولابد ارچع لك عشان تمضي على العجودات .

جنه :: جطع لسان اللى يجول كده حاضر يا سي كرم اني هتصرف .

** تاني يوم قعدت مع الحاج سعد وفضلت تتوسل له وتترجاة علشان يوافق ويبقى راضي انها تعمل توكيله عام لكن الحاج سعد رفض رفض تام كرم قررانة يتخلص من الحاج سعد علشان مهما كان تاثيره هو على جنه فهي بردو بتعتبر اخوها هو الاول في حياتها والاهم قبل اي شيء ***

**********************

............................................

**** وقفنا الحلقة اللي فاتت هنا ******

************

ضرب النار شغال برة ورجالة مجدي اتقتل منهم كذا واحد علي ايد رجالة معتز

عصام ورجالتة وصلو والحاج نعمان واللي معاة كمان والعمدة مصيلحي جة بعدهم بدقائق بالغفر بتوعة وكام راجل كمان وبدا رجالة مجدي يقعو واحد ورا التاني والباقي رمي سلاحة ونزل علي الارض مستسلم *

* احمد خرج قبل هجر يأمن الطريق و اول ما شافة الحاج نعمان جري علية وحضنة *

الحاج نعمان :: طمني عليك يا ولدي انت زين ؟

احمد :: الحمدلله يا عمي انا بخير .

الحاج نعمان :: في حد معاك حاكم اللي كلمني جالي ابن اخوك وبتك .

احمد :: ايوة يا عمي معايا جنة الممرضة كانت ف العيادة ساعة ما حصل اللي حصل ولولاها مكنتش خرجت سليم .

* هجر خرجت وكان باين ان ان كتفها نزف كتير والجرح اتفتح من الاشتباكات اللي قامت بيها مع الراجل ومجدي لقيت معتز بيجري ناحية البيت و اول ماشافها جري عليها وحضنها واحمد بقا هيتجنن من المنظر دة والحاج نعمان بيبص ل ابن اخوة وشايف نظراتة ل هجر وكمان مستغرب معتز يعرفها منين وهجر اغمي عليها ف نفس اللحظة من كتر الدم اللي نزفتة *

***********************

....................................................

*** العمدة مصيلحي وعصام اول ما قربو علي احمد و الحاج نعمان في نفس اللحظه التي هجر اغمي عليها و معتز بيحضنها وبينزلها علي الارض عصام قرب من احمد يطمئن عليه العمدة مصيلحي اول ما شايف هاجر فاضل يبص لها اووي ******

العمدة مصيلحي :: معقول ده يا ناس دي بت كرم بس ما فكرش اسمها دلوك .

الحاج نعمان :: انت بتجول يا عمدة معجول دي بت كرم ده انت اللي چايبها تشتغل ممرضة عند عند الداكتور احمد ؟.

العمدة :: مكتش شفتها انا افتكرت دلوك شفتها من سنتين كنت جاعد مع ابوها وهي كانت چايه من السفر سلمت عليها .

عصام :: وانت من ميتا يا عمدة بتجعد مع المخفي كرم دي ؟ .

الحاج نعمان مخدش بالة من تساؤل عصام :: يعني دي بت الشطان اللي اسمه كرم اللي كان عايز يخلص من احمد ابن اخويا وكمان يخطفة دلوك .

احمد :: يا جماعه اكيد في لبس في الموضوع او مجرد تشابه مش معقوله هيبعت ناس يخطفوني انا وبنته وكمان دي هي اللي انقذتني مره واثنين دلوقت

عصام :: ما يمكن ده ملعوب منهم حاكم انتا متعرفش كرم دية دة شطان .

الحاج نعمان لمعتز ::صحيح يا ولدي اللي بيجولوا العمده دية .

معتز ما لقاش فائده من الانكار :: ايوه يا حاج نعمان بس ارجوك اسمعني .

عصام :: يسمعك لية ماهي باينة زي السمس كرم لما معرفش يكسر شوكتنا بعت بتة وزرعها وسطينا وعلي يدك يابا كل مصيبة تكون موچودة .

الحاج نعمان :: بص يا استاذ معتز انا كدي رديت الدين اللي ف رجبتي وضايفتك من غير ما اعرف انت كينوحكايتك ايية بس من دلوك و رايح مالكش ضيافة عيندي .

* احمد قرب من هجر لقا نزيف الجرح مش بيقف *

احمد :: مهما كانت هي مين هي دلوقتي حياتها ف خطر وبتنزف وانا مستحيل تسببها كدة بعد ما أنقذت حياتي ودافعت عني .

العمدة مصيلحي :: يلا نطلعو بيها علي العيادة بتاعتك يا داكتور .

معتز :: العيادة مبقتش امان انا هاخدها ل مستشفي بالمحافظة .

الحاج نعمان بص ل احمد اللي كان بيبصلة بتوسل وفهم هو عايز اية :: لاا يا استاذ معتز هناخدها الدار عندي احنا بردو مهنسبش ولية بطولها ولو كانت بت ابليس .

احمد :: وانا هتصل بوجدي من عندك يا عمي يجيب المستلزمات الضرورية علشان الجرح ويسبقنا علي الڤيلا .

العمدة :: وانا بلغت الحكوومة وزمانها علي وصول روحو انتم وانا هفضل مع الغفر علشان نستجبل الحكوومة لزمن اكون موجود .

......................... ڤيلا كرم ........................

***** كرم بيتصل ب مجدي اللي تليفونة مقفول وبيتصل ب رجلين من الرجالة معاة ارقامهم بردو ارقامهم مقفول شك أن في حاجة حصلت قرر يروح بنفسة مع الرجالة الباقية عندة ولسة هيندة علي الرجالة تليفونة رن ****

كرم :: الووو ايووووة يا بية

البية الكبير :: اية كرم اية الاخبار عندك ؟

كرم :: كلة تمام يا بية بنفس سعاتك معانا.

البية الكبير :: مفيش جديد عندك يعني ؟

كرم :: زي ما حضرتك امرت الامانة هنخرجها اخر الاسبوع .

البية الكبير :: انا مش بتكلم عن االامانة اللي هتخرج أنا بتكلم عن البلد عندك ؟

كرم :: البلد تمام وانا كبيرها وناسها كلهم رهن اشارتي ومحدش يجدر يجف جصادي فيها ؟

البية الكبير :: طالما تنت متاكد كدة يا كرم يبقي انتا يانايم علي ودانك وخلاص كبرت وراحت عليك يا بتكدب عليا وبتتصرف من دماغك ؟

كرم :: لية بس يا بية انا بردو كرم خدامكم انت والباشا ابو حضرتك من جبليك وهفضل راچلكم بردو .

البية الكبير :: واضح ياكرم بدليل رجالتك اللي متكلبشين دلوقتي ف عربيات الحكوومة وطبعا هيجيبو سيرتك ف التحقيق .

كرم :: كلام اي دة يابية انا رجالتي هنا ف البلد وشوية منهم ف البر التاني بيخلصو حاچة طلبتها منهم ؟

البية الكبير :: قصدك خطف الدكتور ابن اخويا نعمان عدوك الراجل التاني بلغني باللي حصل قبل حتي الحكومة ما توصل وكنت مستنيك تتصل تستنجد بينا ما انت راجلنا بردو لكن يحصل كل دة وانت نايم علي ودانك كدة كتير .

كرم :: يا بيية انا ماليش بركة الا انتم .

البية الكبير :: انت غلطاتك كترت يا كرم والحكومة بقت بتدور وراك ومسيرهم هيوصلو ل حاجة .

كرم :: اديني فرصة اخيرة يا بيية وانا هثبتلك اني لسة زي ما انيي كرم اللي امكر التعالب وسعران كيف الديابه .

البية الكبير :: تقدر تخرج االامانة الليلة ؟

كرم :: الليلة يا بية من غير ترتيب زي كل مرة ؟

البية الكبير :: اية يا كرم صعب عليك دي ولا خطر ؟؟

كرم :: لا يا بيية الليلة هنخرج االامانة وهنبجي منتظرين المكان التسليم علشان نتحركو ناحيتة زي كل مرة .

البية الكبير :: ماشي يا كرم واعمل حسابك الغلطة المرة دي مالكش حماية عندي وزي ما خليناك عضو مجلس شعب نقدر نرفع ايدينا عنك ويبقي منك للحكومة .

كرم :: انا ماليش بركة الا انتم يا بيية .

البية الكبير :: مقولتليش صح اية اخبار بنتك سمعت ان مفيش ف جمالها ف البلد كلها .

كرم :: مالها بتي يابيية علشان حضرتك تسأل عليها كدي؟

البية الكبير :: مش بقولك انك كبرت وخرفت علي العموم ابقي سلملي عليها بصراحة بت ب ١٠٠ راجل صحيح حظك حلو اووي انك خلفت بت زيها الحقيقة سلام .

**المكالمة اتقفلت وكرم بقا عامل زي المجنون وطلع اوضة هجر ملقهاش وفضل يندة عليها ف البيت كلة لحد ما مراتة فاطمة نزلتلة **

فاطمة :: مالك يا اخويا عامل زي زعابيب امشير كدي لية ؟

كرم :: انطجي يا وليية فين المخفية اللي اسمها هچر ؟

فاطمة ::واني اعريف منين يا كرم هو انا عارفلكم حاچة انت ولا بتك ؟

كرم :: اجعدي هنا يا ولية وجوليلي كل حاچة بتچرا ف البيت دية من ورايا ؟

فاطمة :: واني اعريف منين مكنش حد يعرف حاچة عن بتك غير مجصوفة الرجبة سامية .

كرم :: يعني ايية يا ولية وبتي مخبية اييية يعني ؟

فاطمة :: معرفش بتك من يوم ما اتخانجت معايا وجالتلك هتنزل الچمعية الخيريةف البلد اللي جارنا وهي بتنزل كل يوم الصبح لحد ما جبل ما السمس وجبليها كنت بحس عليها حاچات غريبة يعني كانت اوجات ابجا ف جوضتي ف الليل واسمع باب جوضتها بيتفتح ويتجفل ولما اطلع اشوف الاجي سامية خارجة من عندها وتجولي كت بطمن عليها ومن جريب كدي كات بتك هجر تعبانة وبطلت تخرچ او حتي تنزل من جوضتها ومن كام يوم شوفت ولا مواخذة يعني لجيت غيارات چروح ف كيس اسود ف الزبالة ولما سألتها جالتلي انها متعورة فوج ركبتها من سرچ الحصان . معرفاش كيف بس هو دة اللي جاالتة .

كرم :: مفكراش هي تعبت مييتا ؟؟

فاطمة :: يچي من ١٠ ايام كدي من ساعة ما الواد سامبو اتجتل انا حتي جلت تلاجيها زعلانة علي ولد المحروج دية ومنزلتش من الدار غير النهاردة الصبح بس البت الدلالة عدت عليها امبارح ف العشية وفصلو يتودودو ف جوضتها ولما سألتها البت الدالالة جالتلي انها كانت بتحميلها علي الناس الغلابة اللي ظروفهم علي جدها .

كرم :: لو اللي ف دماغي طلع صح يبجا سامبو مكادبش عليا وكل دي هچر كات بتلعب بيا بس لية دة انا معيشها ولا الهوانم بتوع مصر ؟

فاطمة :: تلاجيها طالعة ل امها يعني هتجيب الطبع العفش دة منين ؟

كرم :: حسك عينك تچيبي سيرة امها تاني علي لسانك .

فاطمة :: اللي يسمعك كدي يجول لسة بيحبها اشحال أن مكنتش عارفة البير وغطاة .

كرم :: جلتلك جفلي ع السيرة دي و اوعاكي حتي تفكري فيها بينك وبين نفسك والا هجطع خبرك المهم دلوك الاجي هچر .

فاطمة :: اول ما تاچي من برة هحبسها ف جوضتها مش هخرها منها لحد ما انت تيچي .

كرم :: ايووووة هو كدي يا ولية و الليلة عندي شغل كبير وهبات برة .

فاطمة :: شغل بردو يا راجل ولا سهرة من اياهم ف البر التاني ؟

كرم :: ياولية بجولك شغل كبير يعني مش اللي ف نافوخك خالص وبطلي نجرك اللي عامل زي البومة دية بتشائم منة مراة فجرية بصحيح .

*************

..............................ڤيلا الحاج نعمان ....................

* البيت كلة مقلوب بعد ما اشواق حكيتلهم اللي قالو معتز ل ابوها ف التليفون ونعمة رجعت هي والهام اللي كانت جاية شايلة شنطة هدومها بس محدش ركز ف وسط المصيبة اللي حاصلة *

* الدكتور وجدي جة الڤيلا ومعاة الحاجات اللي احمد قالة عليها *

الحاجة امينة ::خير يا داكتور وجدي طمني في اي اخبار ؟

وجدي :: معرفش والله انا احمد كلمني من تليفون الحاج نعمان وقالي اخد مستلزمات تغيير وخياطة جرح واجي الڤيلا وقفل السكة قبل ما افهم اية اللي حصل .

اشواق :: يعني كلمك من تلفون ابويا طب انت مسمعتش حسة جار احمد وهو بيكلمك ؟

وجدي :: لا والله بس كنت سامع صوت واحد مش الحاج نعمان او عصام بيقول الجرح مش راضي يوقف نزيف والمكالمة كانت بتفصل ومقدرتش افهم حاجة ف جبت الحاجات اللي طلبها دكتور احمد وجيت علطول .

*" الحاجة امينة واشواق ونعمة والهام وزينب مرات عصام واسماء مرات حسين بقو بيعيطو وقلقانين ليكون الحاج نعمان او عصام جرالهم حاجة *

***** شوية و تليفون الدكتور وجدي رن ف كلهم جريو عليهم بيسألوة اذا كان الحاج نعمان لكن هو قالهم دي مكالمة شخصية وخرج يتكلم قدام باب الڤيلا الداخلي ونعمة رغم اللي هي فية الا انها مقدرتش تقاوم فضول الانثي اللي جواها ناحية الراجل المخطوبة اية وخرجت وراة تشوفة لانة كان مستعجل يخرج اول ما جاتلة المكالمة و وقفت قريب منة تسمع بيقول اية ***

وجدي :: اية يا حبيبتي عاملة اية ..... وانتي كمان وحشتيني اووووي اووووووي.... معلش يا حبيبتي قصرت معاكي الفترة اللي فاتت بس لو حكتلك نص اللي حصل من ساعة ما جيت الصعيد مش هتصدقي ..... اتنيلي ال اصورلك نفسي وسط الزرع هو انا ف حفلة للهضبة ... انا اصلا عايش ف شقة فوق العيادة اللي شغال فيها يعني ومش بخرج كتير ..... هبعتهولك علشان تطمني عليا ..... هقفل بقا علشان الوقت مش مناسب للرغي دة .... لا يا بنتي هو انا بتاع بنات وستات والكلام دة عيب عليكي خلي عندك ثقة فيا زيادة عن كدة ......سلام دلوقتي يا رغاية هكلمك بليل قبل ما انام ..

**** نعمة سمعت والمكالمة وبقت مصدومة من وجدي اللي شافت فية انة عوضها عن سنين العذاب الذي شافتها بعد طليقها اللي سابها وسافر وفضل سنين متعرفش عنة حاجة وف الاخر طلع كان متجوز ولما مراتة خانتة قتلها وهي لما عرفت كل دة ابوها طلقها منة بالمحكمة ..كانت خلاص فكرت ان الدنيا بدات تضحكلها لكن فجاءة حست بالصدمة دي ودخلت جري بتحاول تمسك نفسها من العياط الكل شافها وهي داخلها بتمشي بسرعة علشان تطلع اوضتها حاولو يوقفوها علشان يعرفوا مالها ف نفس اللحظة اللي دخل فيها معتز من الباب وهو شايل هجر علي ايدية واحمد والحاج نعمان وعصام داخلين معاة **

احمد :: بسرعة علي اوضة الضيوف .

**معتز راح بيها اوضة الضيوف ونيمها علي السرير **

الحاج نعمان :: تعالي يا اشواج ساعدي الداكتور احمد واد عمك وانت يا استاذ معتز مفيش داعي تفضل معاهم وهما بيغيرولها علي الجرح دة شغلهم واني الحجيجة يعن معرفش هي تجربلك اية ف اتفضل معانا برة دي ف داااري يعني بجت من حريم الدار لحد ما تخرج منة .

* اشواق استغربت من كلام ابوها ازاي معتز يعرف الممرضة ويقربلها وكمان خضتة عليها وهو داخل شايلها جري تقول انة يعرفها اوووي *

*الحاج نعمان وعصام خرجو كل الحريم و معتز خرج معاهم و وقف بعيد علي جنب مستني احمد او اشواق يخرجو *

جوة الأوضة احمد كشف الجرح اللي ف كتف هجر وبنظرة طبية لقا ان الغرز متخيطة بشكل مش احترافي و واضح انها عشوائية شوية وان الجرح دة حديث تقريبا من عمر الجرح بتاعة * بدا يعالج الجرح ويطهرو ويخيطو بطريقة طبية صحيحة **

اشواق خرجت من الأوضة :: خلاص يابا الحمدلله الداكتور جام باللازم وهي نعسانة دلوك علشان الچرح اتفتح كلة و نزفت دم كتييير .

معتز بسعادة :: الحمدلله انها بخير .

*اشواق بصت ل معتز اووي مش فاهمة هو اية علاقتة بيهاعلشان تبقي حالتة كدة ومعتز بصلها ولما لقا نظراتها بتبصلة باستغراب بدا يستوعب موقفة وبقا مش عارف يوضحلها ازاي *

الحاج نعمان :: بت يا اشواج انتي ونعمة اللي چوة دي مش ضيفة اللي چوة دي تعتبروها اختيكم تحطوها ف حبابي عنيكم وانتم التنين تجومو بخدمتها لحد ما تجوم بالسلامة وواحدة تجضي طول النهار و التانية تبات معاها المهم متحتاچش حاچة واصل .

نعمة و اشواق :: امرك يابا .

** معتز فضل يبص ل اشواق ويحرك وشة ناحية الباب لحد ما نعمة اخدت بالها ف غمست ل اشواق انها تخرج لكن اشواق رفضت ف نعمة فضلت توشوشها انها تخرج تشوفة عايز اية **

معتز خرج الجنينة و وقف ف مكان جانبي واشواق خرجت وراة من غير ما حد ياخد بالة ***

اشواق :: عايز اية يا استااذ معتز ؟

معتز :: عايزك تسمعيني ومتفهمنيش غلط .

اشواق :: مفيش بيناتنا حاچة عشان افهمك غلط ولا صوح .

معتز :: بس انا في جوايا حاجات كتير من اول مرة شوفتك فيها ونظراتك كلها بتقوب اني في بس انتي بتكابري .

اشواق :: انا مش هينفع اتاخر عن كدي علشان امي الحاچة متاخدش بالها بس علشان نجفلو االحديت دة هو سؤال واحد بس اللي عايزة اعريفو .

معتز :: مهما كان سؤالك انا هجاوبك بصراحة .

اشواق :: اللي چوة دي تبجي اختك ؟

معتز :: لا مش اختي .

اشواق :: يبجي كدة خلص الحديت بيناتنا انت مشوفتش حالك وانت داخل بترمح رمح عايز تلحجها وكلام ابويا اللي جالهولك مفهماش منة حاچة .

** خرجت نعمة تشاور ل اشواق علشان تدخل ف معتز طلع تليفون صغير من جيبة *

معتز :: ارجوكي اديني فرصة تسمعيني وانا هفهمك كل حاجة خدي التليفون دة خلية معااك وانا هتصل بيكي بليل مرة واحدة و اوعدك بعدها لو مش عايزة مش هتشوفي وشي تاني ابدا .

** اشواق رفضت تاخد التليفون ف معتز سابة علي طربيزة موجودة جنبهم وبصلها بصة طويلة ومشي **

......................... الأوضة اللي فيها هجر واحمد .............

** هجر بدات تفوق بعدا ما احمد علق لها محاليل علشان تقويها وتعوض الدم اللي اتنزف **

هجر :: انييي فين ؟ .

احمد :: انتي ف ڤيلة عمي الحاج نعمان .

هجر :: انا لازم امشي دلوك .

احمد :: خايفة ل ابوكي كرم يعرف ؟؟

هجر اتفجئت بس حاولت تسيطر علي رد فعلها :: مين كرم دية ؟

احمد :: العمدة مصيلحي لما شافك افتكرك وقال انة شافك وانتي جاية من السفر وهو قاعد مع ابوكي كرم .

هجر :: الكلام دي مش صوح دية غلطان ؟

احمد :: كفايا إنكار انا واثق أن كلام العمدة صح وانك بنت الراجل دة فعلا .

هجر :: هيفرج معاك إني بت مين ؟

احمد :: مش فارق معايا غير حاجة واحدة .

هجر :: ايي هي ؟

احمد :: انك تبقي جمبي وبس مش عايز حاجة تانية ولا فارق معايا اي حاجة تانية .

***************

.......... بعد ساعات خارج مقبرة فرعونية

موجودة تحت بيت قديم ............

..........

كرم :: الهمة يا رچالة عايزين نفتح الباب ونطلع االامانة حاكم الجماعة مستعجلين جووي وحلاوتكم هتيجي الطاج طاجين .

دهشان :: ايووة كدي يا كرم والله زمان ايام ما كنت بتحفر مع الرچالة بيدك من كتر ما انت مستعجل علي طلوع االامانة .

كرم :: نعمل ايي يا دهشان البية الكبير مستعجل علي االامانة وعايزها الليلة ما انت عارف البية الكبير دمة حامي زي الباشا ابوة .

دهشان :: انتا هتجولي يا اخي علي صغر سنة لكن ابليس يجعد ويتعلم منة .

كرم :: انا جلجان ل يجلبو عليا وساعتها هيخلصو عليا ف دجيجة .

دهشان :: لا يا كرم البية ما بيغدرش لرجالتة وانت خابر زين هما حموك من اية طول سنين شغلك معاهم .

** الرجالة وصلت للمقبرة وكرم نزل يشوفها بنفسة وخلاهم يطلعو الحاجة اللي فيها كان موجود ف للمقبرة بيعد كل القطع علشان مفيش حاجة الرجالة تخفيها او تسرقها اثناء النقل **

دهشان تليفونة رن :: بتجولي اية ... هتولد دلوك .. طب اني چاي حالا ..*

كرم :: خير يا اخويا ؟ .

دهشان :: باينها فتحة خير يا كرم الولية مرتي بتولد دلوك .

كرم :: طب و هتعمل اية دلوك ؟

دهشان :: ودي عايزة سؤالات هروح اطمن بنفسي دي رابع واحدة اتچوزها عشان تخلف ومكنش في واحدة فيهم بتحمل يا كرم واهي حملت وكمان يتولد دلوك جول يا رب يطلع وااد ..

كرم :: طب روح يا دهشان وتابعني بالتلفون وانا هكلم البية عشان يجولي المكان اللي ابعت علية العربيات اللي هتوصل االامانة .

**** كرم اتصل ب البية بلغة ب خروچ الحاچة والبية قالة المكان اللي العربيات هتسلم فية الاثار * وفعلا بدا الرجالة يملاو شنط العربيات الچيب وبعد ساعة كانو خرجو تلات تربع الاثار اللي ف المقبرة واتحركو بيهم ناحية مكان التسليم البوليس هجم علي البيت اللي تحتة المقبرة وقبض علي كرم والرجالة الباقية معاة **

..................................................

.............. علي بعد عشرات الكيلو مترات .............

.............. بالتحديد ف الطريق الغربي الصحراوي ........

** عربية فيها بنتين الكبيرة هي اللي سايقة عندها حوالي ٢٤ سنة والصغيرة نايمة عندها حوالي ١٧ سنة **

رحيل :: اصحي يا فريدة الظاهر اننا توهنا الطريق مش باينلة اخر ومفيش اي حاجة تبين البلد اللي رايحنها .

فريدة :: معرفش بقا انتي قلتي أن الطريق دة مختصر وهيوصلنا ف ٣ ساعات عكس الطريق العادي بتاع المحافظات اللي بياخد ٧ ساعات .

رحيل :: ايوة ما دة بيعدي من برة المحافظات و ظاهر علي الخريطة بتاعة جوجل اننا ماشيين علية بس مش عارفة مش ظاهر مداخل القري لية والطرق اللي بتودي ليها .. اية الحظ دة البنزين قرب يخلص .

فريدة :: في مدخل جانبي هناك اهو مكتوب قرية ( السلطان ) ادخلي فية ماينفعش نقف بالعربية ف الطريق الرئيسي بليل كدة خطر بيحصل حوادث .

رحيل :: مقدميش حل غير كدة .

** فضلو ماشيينف الطريق مسافة طويلة ومش باين اي اثر ل قرية قريبة لحد ما البنزين خلص ف وقفو العربية وركنو علي جمب **

فريدة :: هنعمل اية دلوقتي ؟

رحيل :: هنستنا لحد الصبح الفون كمان فصل وحضرتك نسيتي تجيبي وصلة الشاحن اللي بشحن فيها من العربية علشان تبقي تخلصي شحن تليفونك علي الڤيديوهات مكالمات الڤيديوهات مع اصحابك البنات .

فريدة :: يعني دلوقتي انا السبب ف كل دة .

رحيل :: لاياستي مفيش حد السبب دة قدر ربنا .

** فضلو قاعدين ف العربية يتكلمو شوية وسمعو صوت جمبهم بيبصو لقو ٤ رجالة علي احصنة وقفو قريب من العربية ونازلين من حصنتهم معادا واحد فضل علي حصانة **

الاول :: باينها هتبجي ليلة حلوووة يا رچالة .

الثاني :: دي صيدة سجع جوووي حريم وكمان عربية هنبيعها وناخد فلوسها روح يا مرعي للرچالة وهات معاك معاك راجلين تلاتة بالحصنة علشان نجطرو العربية دي ونتاويها لحد ما نتصرفو فيها .

التالت رفع بندقيتة وخبط بية علي ازاز العربية :: انزل يا حورمة منك ليها .

** رحيل وفريدة كأنو هيموتو من الخوف فريدة صرخت هي ورحيل ومكنش قدامهم حل غير انهم ينزلو من العربية ***

رحيل :: ارجوك خد كل الفلوس اللي معانا بس تقتلوناش .

الراجل :: ومين جال اننا هنجتلكم يا جمر حاكم الرجالة عايشة عمرها ف الچبل وبجابهم ياما ما شافوش حريم ودلوك جدامهم حريم من مصر اللي عمرهم ما شافوة حريمها غير ف المنام .

** فريدة فضلت تعيط وتصرخ و واحد من ال ٣ رجالة الباقيين قرب منها وبيشدها من دراعها علشان يقومها من علي رملة الصحراء ورحيل فضلت تصرخ سيبها سيبها فجاءة ظهر واحد هاجم الرجالة دي وهجم الاول علي اللي شايل البندقية ضربة بوكسين افقدة الوعي واخدها منة ف نفس اللحظة اللي الاتنين التانين سابو رحيل وفريدة وهاجموة بخناجر لكن هو مسك البندقية بايدية الاتنين كأنة عصايا و ضربهم بيها علي راسهم لحد ما وقعو علي الارض وفقدو الوعي وهما بينزفو **

الراجل اللي مش باينة ملامحة ف الضلمة بعيد عن نور العربية راح ناحية الحصنة وخلا لجام حصانين مربوط ف بعضة و جاب حبل كان علي حصان واقف بعيد واضح انة بتاعة ربطو ف اللجامين :: اركبو الحصانين ومتخافوش واصل انا هوديكم البلد جريبة من هني بسرعة جبل ما حد يأچي .

* رحيل و فريدة بصو ل بعض وهما بيحاولو يهدو*

رحيل :: يلا يا فريدة علي اللقل دة انقذنا منهم ولو عايز يئيذنا مكنش هينقذنا مهم اصلا .

فريدة :: انا خايفة اوووي دة ممكن يكون عايز يقتلنا .

رحيل :: كان قتل اللي حاولو يقتلوة انتي مشوفتيش هو ضربهم بس مقتلهمش .

الراجل :: همو يلا مجدمناش الليل بطولة وكلهاشوية وهتلاجي هجامة الچبل كلاتهم هني .

** فريدة ورحيل الحصانين اللي هوربط سرجهمببعض وهو ركب حصانة وبقا شاددهم وراة بحصانة بالحبل المربوط ف السرجين فصلو ماشيي فترة ف الصحراء لحد ما بانت القرية و اول ما وصلو القرية كان تقريبا مفيش حد البلد كلها نايمة و وصلو قدام بيت كبير باسوار عالية و الراجل نزل من علي حصانة وطلب منهم ينزلو **

الراجل :: اتفضلو ادخلو الدار الدور الارضي كلة للضيوف وعشان تطمنو اجفلو علي روحكم ونامو لحد الصبح .

رحيل :: ازاي هندخل كدة هو دة بيتك ؟

الراجل :: دي دار چدي ادخلو اللي لايسيجكم وجقفتما كدي عفسة ومتصحش ف وجت زي دي .

فريدة :: دول كدة خدو عربيتنا انا سمعتهم بيبعتو الراجل اللي كان معاهم يجيب رجالة تانين علشان يجرؤ العربية بالحصنة ويخفوها تقريبا مكنتش فاهمة اووي .

الراجل :: متجلجيش اول ما تطلع السمس العربية هتكون جدام الدار دي ادخلو نامو ومتشلوش هم حاچة انتم ف ضيافتنا .

فريدة :: هو انت اسمك اية احنا كل دة منعرفش اسمك .

الراجل :: مهيب سلطان .

رحيل :: شكرا يا استاذ مهيب .

مهيب :: لا شكر علي واچب اتفضلو انتو دلوك ارتاحو للصبح وبكرة يحلها الحلال ...