رواية الخديعة الفصل الرابع عشر 14 بقلم ميرا اسماعيل

" ارتاح يا عبد الرحمن ، ماما معاها ."

لينظر له بألم " أنا مش مكتوب ليا راحه ."

ويخرج لها ويقف امامها ويحاول أن يتحدث معها لكنها ، كأنها متجمدة لينظر لوالدتها لترفع كتفيها بعدم الفهم ، ليأمر الطبيب أن يعطى لها مهدء قوى ، تنام علي اثره في ثوانى معدودة ، ليتم دفن عامر وتوديعه بحزن من الجميع ، لتبقي هى هكذا ، كأن ةعقلها لم يستعب ما حدث ، بعد شهرين كاملين ، كانت كما هى ، عمر مسيطر علي العمل ونجح بالشركة بشكل كبير ، ببنما عبد الرحمن كان جوارها دائما ، ام باسم وغافر كل منهم منهمك في عمله ، حياة الجميع بدأت في الاستقرار بينما هى كما هى صامته .... شاردة ..... متحجرة ......

...

............

في الشركة كان عبد الرحمن وعمر جالسون

ليهب عمر بجنون

" أنت بتطلب منى ارد حلم ! ازاى ؟ وليه ؟

عبد الرحمن بعذاب

" حلم محتاجك أنت وبس ، عمر بقالى اكتر من شهرين وأنا بحاول وهى رافضة تتجاوب بنسبة واحد في الميه ، أنت الوحيد اللي تقدر عليها ."

عمر يجلس بإرهاق

" اسف يا عبد الرحمن ، بس مش هقدر ، حلم محتاجة نفسها. وهى حاليا لازم تقوم علشان نفسها ."

ليقف امامه بغضب

" افهم يا اخى ، هى بتحبك وأنت طوق النجاة ليها ."

لينفي حديثه

" لا يا عبد الرحمن ، هى مش بتحبنى ، ولا محتاجانى ، هى لسه هتقابل الحب اللي بجد ، خليك جنبها انت ، أنت الوحيد اللي تستاهل المكان دا ."

ليقطب جبينه

" قصدك ايه ؟

" قصدى إنك أنت بس اللي تستاهل حلم ، أعمل والمستحيل علشانها ، لكن أنا كنت محطة ليس إلا ، لا عمرنا هنرجع مع بعض ، ولا لينا حكاية سوا ، غير اخوات واصدقاء وبس ."

بيدور حوله

" معقول مكنتش بتحبها !

ليؤما له

" مع الاسف ، وجعنا بعض من غير إدراك ، أنا كنت عامل زى المربوط بيها ، ومجرد ما اتحررت فهمت ، أن الخيط اللي يربطنا لازم يكون بالحب مش بالقوة والعيند ، والنتيجة اللي وصلنا ليه ، حتى لو حصل اللي حصل وأنا معاها مكنتش هعمل أى حاجة ، أنا ما اتعودتش اقف جنبها ، متعودتش اشوفها ضعيفه ، والنتيجه أن رافض ضعفها ورافضها لأنها ضعيفه ، افهمنى ."

لينظرله بأسف

" يا ريت كنت فهمت من زمان ، مكنش كل دا حصل ."

ليزفر بتعب

" احنا موجودين في الدنيا علشان بس نتعلم ، وأنا اتعلمت ، اتعلم أنت ةكمان يا عبد الرحمن ."

لينظر له بشرود ، ليقطع جلستهم وصول نهال ، ليعلم ما السبب وراء هذا التغير ، أن عمر فك وثاقه بحلم ، لكن هل حلم سترضي بهذا الوثاق .

" ازيك يا دكتور ، حلم اخبارها ايه ؟

" أنا بخير ، وحلم ادعيلها ."

ليربط عمر علي كتف اخيه

" طول ما عبد الرحمن جنبها انا مطمن ."

ليؤما له ويغادر بثقل شديد .

" ايه الاخبار ، سرحان في ايه ؟

" في الدنيا يا نهال ! ليه حطتنا في الموقف دا !

لتقطب جبينها

" مش فاهمه قصدك ، تقصد ايه ."

" أنا وحلم وعبد الرحمن وأنت ."

لتنظر له بسعادة وتشير علي نفسها

" أنا ؟!

ليومأ لها " ايوة أنت يا نهال ؟ مستغربة ليه ، أنا كمان مستغرب زيك بالظبط ، بس عايز اقولك أن فعلا احنا في الدنيا دى بس بندفع تمن اختيارنا سواء كان صح او غلط ، دلوقت طالب منك فرصة ، ندى بعضنا فرصة يا نهال .

لتؤما له بسعادة

" أنا عشت اللي فات وكنت مستعدة اعيش اللي جاى علي امل اسمع الجملة دى ، تفتكر لم تبقي واقع ممكن أفكر في الرفض ."

ليقف امامها

" يعنى ةموافقة ."

" موافقة يا عمر ، طبعا موافقة ."

لينظروا لبعضهم البعض بسعادة طاغية .

.........؟........؟.

في المشفي

كانت رئيفه كما هى بجانبها ، ليدخل عليهم غافر

" هى لسه زى ما هيا ؟ كدا مش هينفع أنا قولت تتنقل مصحه احسن .

لتنظر له رئيفه

" مصحه ؟ حرام عليك هى ناقصة ، ما هى السبب لم عبد الرحمن سمع كلامك ودخلت مصحه ، حالتها بقت اسوء ، سبوها في حالها اللي فيها ربنا بس اللي عالم بيه ، وهى تعبتك في ايه ."

لينظر باسم لوالده بعتاب

" متزعليش يا ماما ، هو بس خايف عليها ، بس اللي يشوفه عبد الرحمن طبعا ."

" هى اختك يا ابنى وعارفه أن والدك خايف عليها ، بس هى كمان بنتى اللي ربتها وقلبي بيتقطع عليها ."

ليدخل عبد الرحمن ويري الوضع مشحونا

" سلام عليكم ، مالكم حصل حاجة ؟

لتنفي له

" لا يا حبيي ، زى ما احنا ."

ليهتف غافر بغضب

" ودا اللي اقصده احنا زى ما احنا ، وهنفضل كدا طالما أنت مصمم تفضل هنا ."

ليقف عبد الرحمن امامه

" حضرتك حلم مش محتاجه مصحه ، هى محتاجة حب ... امان.... احتواء واللى حصل في المصحه دا مش هكرره تانى ، اسبوع واحد بعدت فيه رجعت الف خطوة ، أنا اسف بس حلم مش هتتنقل من هنا ."

باسم

" أنا كمان مع عبد الرحمن ، بابا هما هنا بيعملوا المستحيل ، وحلم إن شاء الله هتقوم ."

ليخرج غافر ويليه باسم لتستأذن رئيفه

" هقوم اجدد وضوئى يا ابنى ، خليك جنبها حاول معاها ."

ليؤما لها ويجلس جوارها ، يري صمتها وشرودها هذا لينشطر قلبه عليها

" حلم مش كفاية كدا ، وحشتينى ... اقصد وحشتينا كلنا ، عارفه عمر هيتجنن عليكى ويهمس وأنا هتجنن اكتر منه ، حاولى يا حلم أنا مش طمعان غير رد فعل واحد ، واحد بس يا حلم ، بصيلى حركى ايدك ، أى رد فعل يا حلم ."

كان يتحدث ويمسك يدها دون جدوى منها ، لينظر للسماء ويدعى برجاء

" يا رب أنا هموت من الوجع عليها ، رد عليها صحتها ، وردها لينا ، وجودها حتى لو مش جنبي بس بخير أنا راضي بيه ."

ليخفض بصره ويراها تنظر له كأنها تستمع له ، لم يصدق نفسه وينظر لها بسعادة غامرة

" حلم أنت سمعانى صح ، حلم علشان خاطرى انت سامعه صح ، طيب بلاش سامعه شايفه مدركة أنا مين ."

ظلت تنظر له بدموع متحجرة ، ليهتف وهو يقبض علي يدها وبقوة وحنان

" مش مهم كفاية أن وفي أى تطور راضي بيه ، حلم هتبقي كويسة واحنا جنبك ."

" مالك يا ابنى ، بتكلمها كدا وليه ."

لينظر لها بسعادة

" سامعه يا ماما سامعه ، هقوم انادى الدكتور ." .ليتحرك يراها تمسك يده بقوة ، سعادته الكبيرة ، وينظر ليدها تاره ولوالدته

" شايفه يا ماما ، شايفه ، ماسكه فيا ازاى ، حلم أخيرا يا حلم ، اخيرا ."

ليأتى الطبيب ويعلن بداية امتثالها للشفاء ، ليظل جوارها هى لا تترك يده نهائيا ، غفت وهى علي وضعها لتهمس له رئيفه

" اهى نامت اسحب ايدك براحه علشان تمشي وترتاح ، بقالك ٥ ساعات علي القاعدة دى ."

لينظر لحلم بسعادة

" عارفه أنا وعندى استعداد افضل كدا عمر بحاله ، بس تبقي بخير يا امى ،تبقي بخير ."

لتنظر له بحزن وتسأل نفسها هل تصميمها بالامس أن تكون حلم ملك لعمر كان خطأ ، ام صواب ، ليظل عبد الرحمن كما هو لتبتسم حلم ليري ابتسامتها ، ويهمس

" أنا كفاية عليا كدا ."

تفق حلم في منتصف الليل ترى عبد الرحمن نائما كما هو ، لتنظر له بحزن عميق ، وتبكى بدون صوت ثم يبدأ جسدها وفي الاهتزاز والبكاء بصوت مرتفع لينتفض من مكانه

" حلم ، بتعيطى! ... حلم اهدى أنا جنبك ،وماما اهى كلنا معاكى ."

ليجلسها ويتحدث معها

" عارف ومقدر ، لم ابويا مات كنت واعى ، عرفت يعنى ايه موت لم راح منى ، وبعدها حياتى بقت لامى واخواتى ، بس هدفى هو هدا وجعى ، أنت كمان لازم يبقي عندك هدف يا حلم ، علشان تبقي علي الاقل زى ما انكل عامر الله يرحمه كان بيحلم ."

لتبدء وتيره البكاء تهدء ، لينظر لها بسعادة

" انما ايه دا ، أنت بتغشي علي فكرة ."

" لتنظر له بعدم فهم.

" لا كنت بتأكد إنك وسمعانى.ر"

لتبتسم بهدوء وتشير مكان إصابته ، لينظر لنفس المكان

" بقيت كويس ، كانت في كتفي ."

لتنظر للسماء كأنها تحمد ربها ، ليتراقص قلبه علي اوتار سعادتها ، هى سعيدة أنه بخير ، يالله ما كل هذه السعادة .

بعد يومين كانت تحسنت كثيرا ، وكان عبد الرحمن جوارها ، بينما عمر ونهال بدأ في التعارف علي بعضهم ، واكتشفوا انهم مشتركين في أغلب الاشياء .، كان يذهب للسؤال وعن حلم دون أن تراه ، وومازال البحث جار عن قاتل عاليا وعامر .

دلف عبد الرحمن يري حلم ساكنه وحيدة

" ماما فين ؟

لتشير له أنها نامت ، ليؤما لها

" كنت بتعملى ايه ."

لتنظر له وتخرج اوراق كثيره ليقطب جبينه

" ايه دا ؟

لتضعه في يده ليقرأ الكلام وينظر لها. يبتسم

" لسه فاكرة يا حلم ؟

لتؤما له وتشير أنها تريد هذا

" اممم عايزة نلعب ، موافق بس بشرط لوفوزت تحاولى تتكلمى ."

لتنظر له بحزن وتمد يدها لتسحب الورق ليتمسك بالورق جيدا معترضا

" لا يا حلم ، زى ما هوافق علي اللعبه ، أنت توافقي إنك تحاولى ، أنا بطلب محاولة مش اكتر ."

لتنظر له بقلق وتمسك القلم وتكتب جمله ليقرئها

" خايفه افشل !

لينظر لها بحنان

" وحتى لو حصل وفشلتى ، هو الفشل عيب ، العيب عدم المحاولة ،وانا مصمم موافقة علي اللعب بقواعدى أنا ."

لتنظر له وتؤما للموافقة بإرتباك

ليسأل اولا

" الصراحه ولا الشجاعه ؟

لبتصنع التفكير ويسألها لعله ما ، تفتكرى عبد الرحمن يختار ايه ؟ لتنظر له وقبل أن ترفع كتفيها بعدم المعرفه تشير تجاه الصراحه لينظر لها بسعادة

" صح ،انا اختارت الصراحه ؟

ليقرء الورق التالية

" نهار ولا ليل ؟

لتنظر له بحماس ليجيب هو " ليل ."

لتقطب جبينها بسؤال ليفهم ما يدور بذهنها

" بحب الليل علشان حلم .

لتنظر له بفرحه ليغير حديثه

" عشان بحب الاحلام فهمتى أنام واحلم ."

لتؤما ويقرا التالية

" شروق ولا غروب ؟

" شروق يا حلم ، مع كل شمس بتشرق بيكون عندى امل ان حلمى يتحقق ."

لتشير للتالى ليبتسم

" احلى مشروب واحلى نوع كيك ؟

" بحب القهوة ، وبحب كيك الشيكولاته جدااااااااااا.

لتنظر له بحماس

وتكتب له ليقرا

" بعرف اعملها ، لم اخرج هعملك واحده كبيرة ."

لينظر لها ويضيق اعينه

" بتتكلمى جد بتعرفي ، لا مش مصدقك ."

" لتشير أنها متمكنه بها ، ليبتسم

" اوك اثبتى ،انا جعان جدا يلا نعملها ."

لتشير للمكان أنهم في المشفي

" عارف أننا في المستشفي ، بس في مطبخ تعالى ننزل ونشوف الطلبات أنا جعت يلا ويمد يده لتنظر ليده وتمد يدها وتقوم بجانبه .

....................

في مكان اخر

كانت نهال وعمر يجلسون سويا ، وكان عمر يتحدث عن أعمالهم القادمة ، لتنظر له بحب ، لينظر لها بسعادة .

" مالك بتبصيلى كده ليه ؟

" بحبك !

لينظر لها بإبتسامه

" قولتى ايه ؟

" بحبك ، قولت ايه ..... الحقيقة اللي بقالها سنين ، نفسي اقولها ."

" أنت بتتكلمى بجد يا نهال ؟ أنا مش مصدق نفسي ."

" ايوة يا عمر ، ومستنية رايك ايه .

لينظر لها بكبرياء

" تفتكرى هقول ايه ؟ زمان كنت فاكر أن حلم هى الحياه والله فيها ، بس لم بعدت فهمت حاجات كتير ، فهمت أن الحب لوحده مش كفاية ، في حاجات كتير بتتبنى مع الحب ، وأنا وهى معندناش دا ، هى كمان قلبها لم يدق بجد وتحب انسان يفهم ويقدرها بجد هتتغير تماما ، زى ما أنا اتغيرت بالظبط معاكى .

" معايا ؟

" أنت مالك عملاه بترددى كدا ليه

" اه معاكى ، يا نهال حبيت اتفاقنا وتفهمنا ، حبيت وجودك ، وأنك بتكملينى مش عبء عليا ."

لتقفز بسعادة غامرة

" وأخيرا ، كنت قربت ايئس ."

" لا مفيش يأس ، طالما بتسعى يبقي هنحقق هدفنا ."

..................

في فيلا عامر

كان غافر جالسا يستحى فنجان القهوة ليدخل عليه باسم

" أنت هتفضل كدا لامتى ، إن شاء الله .

" بابا أنا كويس وعاجب نفسي ، ارجوك أنا مش متحمل ، بجد يا بابا أنا علي اخرى ، كل حاجة خسرتها ."

" براحتك أنا قولت احظرك ، وبراحتك ."

ليهتف هو يشيح بيده .

" بالظبط أنا حر ، عن اذنك "

ليذهب لغرفته بهدوء ، لينظر له غافر

" غبي يا باسم ."

................

في المشفي

كانت تنتظر حلم الكيك أمام الفرن بسعادة ، ليدخل عبد الرحمن ، وهو يمسح المياه من وجهه ، لتقهق عليه بسعادة ليزيل المنشفه ويري ابتسامتها لتخطف قلبه ، وتتذكر هى عندما كانت تعد الكيك ، ومد يده ليذق العجين ، لتغتاظ وتضع عجين الكيك علي وجهه ، ليصدم من فعلتها ويبدأ في القهقه معها .

" علشان الضحكة دى ، مستعد اغرق ، مش شوية عجين علي وشي ."

لتخرج الكيك ، وتقطع له قطعه ، وتمد له الطبق ، ليأكلها بتلذذ ،

" واو إيه الجمال دا ، تحفه الكيك يا حلم ."

لتنظر له بشك ، ليضع قطعه أمام فمها لتأكلها وترى أنها جيده بالفعل .

" يلا بقي نوم ."

لتعترض وتقف امامه ، ليهتف بصرامة

" مفيش حاجة تانى ، هنام ."

لتتذمر وتتحرك ورائه ، ليجلس امامها

" يلا نامى ، علشان امشي ."

لتغمض أعينها لتبدء في النوم ، ليتحرك من جوارها لتمسك يده بقوه ، لينظر لها يراها تحاول أن تتكلم ، لينظر لها بحماس ويشجعها

" اتكلمى يا حلم !

لتحاول أن تفتح شفتيها وتتحدث

ليستمع صوتها بدأ متقطع

" عـــ. ..... عبـــــ

وتتنفس ليؤما لها بتشجيع

" قولى سمعك !

" عبدــــــ

لتنفي برأسها دليل علي عدم المقدرة ليتفهم هو

" مش مهم ، حلو تلات حروف ، بكرة اسمى كله ، ترجعى ترغي وتصدعينا ."

لتبتسم له وتزفر براحه لتستعد للنوم .

.............................

في منزل رئيفه

" يعنى ايه يا عمر ؟

ليمسك عمر يد والدتها بهدوء

" يا امى اسمعينى ارجوكى ، أنا فعلا مش هقدر ."

" في شهرين يا عمر ، نسيت حبك في شهرين !

" يا امى اكبر دليل أن نسيت ، أنه مش حب ، أنا محبتش حلم ! ليقف أمامها

" أنا اعجبت بيها ممكن ، اتعودت ممكن ، لكن حب ! معتقدش أنا كنت زمان بتخيل أن لو طلبت تبعد

دى اسوء حاجة في عمرى ، لكن لقيت نفسي بعيش عادى ، الحب مش لوحده يكفي علشان علاقه كاملة تتبنى ، لا يا امى في حاجات كتير وأنا وحلم مفتقدين دا ."

لتشيح بيدها

" ملكش دعوة بحلم خالص ، البت يا عينى بقت نفس داخل وخارج ، وأنت بس اللي في ايدك دواها ."

ليجلس يزفر

" مش هقدر يا امى ، صدقينى مش هقدر ."

" يعنى خلاص يا عمر ، هتبيع حلم ، وتبيع الراجل اللي وقف جنبنا ، علشان كلام فارغ ."

ليقف أمامها

" لا مش كلام فارغ ، أنا مع حلم دايما ناقص ، وهى كمان دايما عندها نفس الاحساس ."

" وأنا الكلام دا ميفرقش معايا ، أنا قولت كلمه واحده ، هترد حلم يا عمر يعنى هتردها ، ولم تبقي كويسة تتكلموا ،لو هى عايزة تنفصل يبقي وقتها ماشي ."

ليصدم من حديثها

" هو أنت ليه بتيعينى علشان ايه ، حلم ! ما عندك عبد الرحمن خليه معاها ."

لتنظر له بشك

" أنت بتعمل كدا علشان عبد الرحمن يا عمر صح ؟!

ليبتسم لها

" كان نفسي اقولك اه بس الحقيقة ، لا يا امى حتى متمناش ان حلم تبقي مع عبد الرحمن ، بس لو هو هيقدر معاها يبقي ليه لا ؟

لتجحظ أعينها

" مراتك تبقي مع اخوك ؟! أنت اللي بيجرى في عروقك دا ايه ؟

" مش مراتى يا امى ؟ دى طليقتى ، والاهم أنه لو حابين يكملوا سوا يبقي ليه لا ، دا مش حرام ، ربنا من فوق العرش محرموش نحرمه احنا ببساطه ."

لتخبط يدها كف بكف

" والناس يا ابنى يقولوا ايه ، بلاش عليك ، عارف هيقولوا ايه علي اخوك وحلم ؟

ليردف مستنكرا

" ناس ! ناس مين ؟ امى أنا اتربيت الحرام اجرى منه ، والحلال أجرى عليه ، وبعدين بقول لو ، أنت شايفه حلم ممكم بسهولة تبقي لعبد الرحمن ."

ليصل عبد الرحمن عند هذه الجملة فقط

" عبد الرحمن !

هتف بها عمر ، خجلا ليربط جأشه ويقنع نفسه أنه لم يستمع لهم

" مالكم واقفين كدا ليه ؟

لتنظر لعمر مستنكرا

" مفيش ، طمنى حلم عاملة ايه ؟ واتاخرت ليه ؟

" حلم كويسة الحمد لله ، اتحسنت كتير ، دى حتى . ويصمت ماذا يقول إنها بدأت في الكلام ولفظت حروف اسمه فقط ، لينظر لاخيه متخيلا أنه مستنكر وجود حلم بجانبه

" سألت عليك ؟

لتنظر رئيفه لهم الاثنين

" عبد الرحمن أنا مش .

لتهتف رئيفه بصرامه

" اخوك هيرد حلم .

هتفت رئيفه بهذا الأمر ظننا أن بالفعل حلم تتسأل عن عمر

" امى ، دا مش قرار ينفع اتأمر بيه .،"

ليقطب عبد الرحمن جبينه بعدم فهم هو منذ ثوانى شعر بإنسحاب الهواء من رئيته بعدما اصدرت رئيفه هذا الفرمان ، ليهتف بصوت مرتبكا

" هو ايه الموضوع ؟"

" الموضوع بإختصار أنا علاقتى بحلم كزوجه انتهت ، مش هترجع تانى ابدا .

لتعرف والسعادة أخيرا طريقها له

" بجد أنت مش هترد حلم ."

لتحاول رئيفه الحديث ليقاطعها عمر معترضا

" لا يا عبد الرحمن مش هيحصل ، أنا هوقف أى تطور رسمى مع نهال لغاية ما حلم تبقي كويسة ."

يتركهم ويدخل غرفته لتنظر له رئيفه

" شايف اخوك وكلامه ، وأنت ساكت ليه ؟

" ساكت علشان دا حقه هو حر يقبل يرجع ليها أو لا ، وهى كمان لازم تستوعب أنها ممكن تبقي في حياته أو لا ."

" قولها يا عبد الرحمن ، دا دورك إنك تقف جنبها وتنسيها اخوك ."

ليشعر بإتهام صريح من حديثها

" امى أنا عملت كل حاجة علشان يكونوا سوا ، والنتيجه فشلوا ، أنا ذنبي ايه ؟ ولو اللي في دماغك افترضنا صح برضه فين المشكلة .؟

" المشكلة فيكم واحد موقف حياته علي وهم ، والتانى مصمم يدوس علي كل حاجة طالما اكتشف أنه غلط ."

" امى هو المطلوب مننا ، نموت طالما خدنا خطوة غلط ."

لتهدء وتيرة عصبيتها

" لا مش مطلوب منكم تموتوا ، بس اللي أنت واخوك بتحلموا بيه صعب ، لا عمرنا سمعنا ولا هنسمع عنه ."

ليقطب جبينه " هو ايه يا امى ؟

لتهتف بغيظ

" إن أنت وحلم يكون ليكم حياه تجمعكم ."

ليصدم وينظر لها بوجع ، ليرق قلبها

" يا ابنى عارفه والله انك بتحبها ، بس هى بتحبك ، بلاش بتحبك ، خلينا نقول هتحبك ، مش هيحصل ، هتفضل اخو عمر إللى حبته واتجوزته وكانت هتخلف منه ."

ليغمض اعينه بألم وكسرة

" اللي بقوله هو الصح ، لا أنت ليك معاه حياه ، ولا هى ، يبقي ليه تتعذبوا علي الفاضي ."

ليهتف اخيرا

" هو عمر عايز يسبها علشانى ، شك في حاجة ."

" لا هو شاكك اه بس مش علشانك ، قال ايه بيحب نهال وعايز يتجوزها ."

لينظر لها بتيه وشرود

" طب أنا راضية زمتك في واحد يطلق بعد شهرين يقول بحب وعايز اتجوز ."

لينظر لها بهدوء

" اه يا أمى فيه ، لو هو اصلا محبش مراته"

لتقف بغضب منهم الاثنين

" أنا قايمه انام ، حرام عليكم اللي بتعملوه فيا وفي نفسكم ."

ليقف عبد الرحمن مكانه بحزن ، ويتذكرها عندما حاولت أن تلفظ حروف اسمه ويتسأل هل هناك إمكانية لجمعهم ؟ أم أنه ينتظر الوهم ؟

...............

في المشفي

كانت نائمه لتشعر بشخص يقترب منها ، وانفاس غريبة لتخاف ليمد الغريب يده علي فمها لتجحظ اعينها برعب جلى ، ليؤما لها بخبث

" أنا ! وحشتينى كل يوم كنت بدخل وأنت نايمه ، بس النهاردة عرفت انك اتكلمتى ، ودا كويس علشان الفترة الجاية محتاجك بتتكلمى كويس ."

لتهز رأسها يمينا ويسارا برعب

" متخافيش أنا بدأت اللعبه من زمان ، ولو الف زى عبد الرحمن حاول يخرجك مش هيقدر ، لأن بقيت متحكم فيك وفي كل خيوط اللعبة ."

ليخرج شئ من جيبه بهدوء

" عارفه دا علاج رهيب هتخفي بسببه بسرعه جدا ، بس هتبقي ملكى جدا ."

لتحاول أن تتحرك وتبتعد ليكن هو الأقرب ويغرس دوائه المريع بها لتجحظ أعينها بقوة وتظل هكذا ، ليبتسم ويقترب منها كالافعى التى تدور حول فريستها

" كدا اقدر اقول انك بقيتى جاهزة للعب يا حلم ؟!

ويخرج كما دخل الغرفه بهدوء لتغمض اعينها وتنام .

..................