رواية أحببتها صعيدية الفصل الثاني عشر 12 نور الدين جلال

احسان :: حل ايه ده يا كرم ؟ .

كرم :: انك تسجطي اللي ف بطنك .

احسان :: طب وانا هانزله ازاي ؟ .

كرم :: انتم حريم وليكم طرجكم .

احسان :: لا يا اخويا انا ما اعرفش واخاف اموت فيها .

كرم :: طيب انا بكره هلف اسكندريه على الدكاتره وهشوف مين يرضى يعمل عملية التسجيط دي ؟ .

احسان ::حاول تلاقي بسرعه يا كرم احسن بطني هتبدا تبان ولو الحاج عرف هيقتلني .

كرم :: ماشي انا هامشي دلوك .

احسان :: ما لسه بدري .

كرم :: لا عشان اروح اشوف اللي جلتلك عليه .

* كرم نزل راح الحاج سعد الوكاله *

كرم :: كان في موضوع كنت عايز احدت معاك فيه يا حاج سعد .

الحاج سعد :: جول يا كرم .

كرم :: الصراحه يا حاج انا عارف اني يعني مش جد المجام بس كنت عايز اطلب مينيك يد الست جنه اختك .

الحاج سعد انت بتقول ايه يا كرم الكلام اللي بتقوله ده ما ينفعش يا ولدي .

كرم ليه يا حاجه انا مش جد المجام

الحاج سعد :: لااة يا ولدي مجصديش بس جنه اتجدم لها واحد من جرايبنا الايام اللي فاتت وانا وافجت عليه .

كرم ماشي يا حاج اللي تشوفه وربنا يسعدها دي بردو زي اختي .

* بالليل كرم راح بيت الحاج سعد بليل وقابل جنة اللي اتسحبت وخرجت من الشقة والحاج سعد واحسان نايمين ونزلت الشقة اللي تحت قابلت كرم اللي قال لها على اللي حصل بينه وبين الحاج سعد طبعا هي عيطت .*

جنة :: كرم اعمل اي حاجه لازم تتجوزني .

كرم :: مفيش غير حل واحد اننا نتچوز ونحطة جدام الامر الواجع .

جنه :: بس اني ما اجدرش اعمل كده يا كرم انت عايزني احط راسي اخويا في الطين وسط الناس .

كرم :: مفيش حل غير دة يا چنه ويا توافجي يا اما من بكره هسيب البلد كلها وههچ .

جنة :: انا عندي اموت نفسي والا انيش احط راس اخويا ف الطين يا كرم .

* كرم لما لقاها مصممة ومش راضية تلين ف غير اسلوبة *

كرم :: يا چنة انا مجدرش ابعد عنيك واللي جلتة دة جلتة علشان معيزش غيري ياخدك مني يا بت .

جنة :: انا بحبك يا كرم ومجدرش اعيش من غيرك بس مهجدرش اكسر اخويا اللي رباني كأيواني بتة اللي مخلفهاش عشان خاطري يا كرم حاول تاني وتالت لحد مايوافج .

كرم :: ماشي يا جلبي هتحدت معاة تاني وتالت لحد ما يوافج .

* كرم تاني يوم نزل دور في اسكندريه على برشام الاجهاض لحد ما جابه وعرف الجرعة المستخدمة اد ايه بعدها راح ل احسان في البيت وقال لها بكره الصبح لما الحاج ينزل الوكاله وجنه تروح عند اخواتها التانيين تاخدي البرشام دة قرصين كل نصف ساعه وفعلا تاني يوم الصبح احسان بعد الحاج سعد وجنة ما نزلو بدات تاخذ البرشام زي ما كرم قال لها *

اخر النهار و كرم قاعد مع الحاج سعد في الوكاله ..

كرم :: اللي جولي يا حاج سعد هو اية حكاية اخو الست احسان اللي كان بيزوركم امبارح دية ؟

الحاج سعد : اخوها مين ده يا كرم احسان مالهاش اخوات رچالة .

كرم :: امبارح يا حاچ وانا بودي الطلبات داخل البيت لقيت واحد نازل وكان باين عليه مستعجل فلما طلعت لحد الشجة مرضتش اسيب الحاچة زي ما متعود كنت جلجان عليها يا حاچ وخبطت عليها فتحت لي ف ساجلتها على اللي نزل جالتلي ده اخويا بس الحاچ زعلان معاة ما مابيكلمهوش وما يعرفش انة بيزورني ونبهت عليا ما اجولكش احسن تتخانق معاها وانا جلت اتحدت معاة انتي ف مجام ابويا وقلت اصلح الدنيا بيناتكم انتم مهما كان نسايب .

الحاج سعد :: انت متوكد من الكلام اللي بتجوله ده يا كرم .

كرم :: ايوة يا حاچ متوكد زي ما انا شايفك جدامي دلوك .

الحاج سعد مصدوم ومش عارف يقول ايه :: جوم بينا يا كرم نروح البيت داوك .

كرم :: امرك يا حاج .

* وراحو الاتنين البيت اول ما وصلو طلعوا الشقه فوق فضلو يخبطوا على احسان ما حدش بيرد في نفس الوقت اللي وصلت فيه جنه واتخضت من منظر اخوها وهو بيخبط بعنف علي الباب .

كرم قال لها احنا بنخبط من بدري والست احسان ما بتردش الحاج سعد :: ايدك معايا يا كرم نكسر الباب فعلا كسرو الباب واول ما دخلو لقو احسان على ارضيه الصالة غرقانه في دمها ..

كرم اتظاهر بالخضة عليها وشالها وجريو بيها علي المستشفى

* المستشفي *

الدكتور قال لهم انها ماتت بسبب هبوط حاد ف الدورة الدموية ونزيف حاد وتسمم ف المعدة وانها ماتت هي واللي في بطنها و واضح انها اخذت برشام يسبب اجهاض الحاج سعد اول ما سمع كده وقع من طوله وتشل من الصدمه .

كرم ابتسم لان دي كانت خطته لان الدكتور اللي اخذ منة البرشام نبهة علية ان الست تاخذ قرص واحد يوميا لحد ما يبدا يحصل نزيف فتوقف البرشام ولو اخذت اكثر من قرص هيجي لها هبوط حاد في الدوره الدمويه وتسمم ونزيف شديد وهتموت ..

الخطوة التانية أن كرم كان لازم يزرع الشك في قلب الحاج سعد ناحية حد غيره علشان لما الحاج سعد يعرف انها كانت حامل من يشكش في هو كده وبكدة خلص من احسان ومن الحاج سعد بضربه واحده ما كانش فاضل قدامه غير جنه اللي بقت زي الخاتم ف ثباعة ويقدر يتحكم فيها زي ما هو عايز .

*****************************

..

..................... الووووووووقت الحاضر....................

............ بعد مرور ايام من الاحداث السابقة ............

................ ڤيلا الحاج نعمان ..................

‏"ماذا يفعل المرء عندما يقع في حب نجمة ظهرت لليلتين متتاليتين وأختفت بعد ذلك للأبد؟"

* احمد رجع الفيلا بعد ما صحتة اتحسنت وبقى يقدر يمشي ويتحرك شكل كويس وكل يوم يتصل بالدكتور وجدي مستني هجر تكون راحت العياده ومفيش اي جديد قرر يتصل بالعمدة * .

احمد :: الو ازيك يا عمدة عامل اية ؟.

العمدة :: زين يا ولدي المهم انت طمنا عليك وعلي صحتك دلوك ؟

احمد :: الحمدلله يا عمدة بقيت احسن كتير .

العمدة :: الحمدلله يا ولدي شد حيلك بجا علشان ترچع العيادة جريب .

احمد :: أن شاء الله والنبي يا حاج كنت عايز اسألك علي حاجة .

العمدة :: اسأل يا ولدي ؟

احمد :: عمي الحاج نعمان كان قالي انة وصاك تسأل علي جنة الممرضة ف المستوصف اللي ف البلد اللي جمبنا .

العمدة :: والله يا ولدي بعت جوز غفر يطجسو ويعرفو الاخبار وسألو عليها ف المستوصفية طلع مفيش ممرضة اشتغلت هناك جبل سابج اسمها چنة .

احمد :: ازاي يعني يا عمدة ؟

العمدة :: زي ما بجولك كدة وخليتهم يلفو ف البلد هناك يسألو علي اي شابة اسمها چنة شغال ممرضة ملجيوش.

احمد :: يمكن راحو قرية غلط .

العمدة :: والله يا داكتور فكرت زيك كدي وسألت عمدة البلد التانية وهو سأل وبردو نفس الحدييت مفيش ممرضة كانت شغالةف حداهم ف المستوصف اسمها چنة .

احمد :: طيب ممكن يا حاچ ما تجيبش سيرة ل عمي بالكلام دة .

العمدة :: اومال اجولة اية يا داكتور ؟

احمد :: قولة انها كانت شغالة ف المستوصف فعلا بس سافرت .

العمدة :: طب فهمني يا داكتور انت بتداري عليها ليية مع انك ماتعريفهاش ؟

احمد :: علشان مستني لما تظهر واسألها بنفسي .

العمدة :: ما يمكن تكون عاملة مصيبة ومدارية ؟

احمد :: مظنش يا عمدة أن اللي تنقذ حياة انسان تكون فيها شر .

العمدة :: ماشي يا داااكتور هعمل اللي جلتلي علية .

احمد :: تسلم يا عمدة دة العشم بردو .

* قفل المكالمة وقعد يفكر أن جنة مالهاش وجود ف اي حاجة قالتها عن نفسها ..

يا ترا هي مين ولية بتعمل كدة ..

يمكن مختفية علشان زعلانة من اللي عملتة ..

طب انقذتة لية لو زعلانة .. ولية مرجعتش تطمن علية ..

***************

......................... ڤيلا كرم .........المكتب .........

كرم :: ولاا يا مچدي عايزك تنفذ اللي جلتلك علية بكرة .

مجدي :: امرك يا معلم كرم .

كرم :. اسمي حضرة النائب يا ولاا .

مجدي :: اللي تشوفة ياحضرة النايب بية .

كرم :: حلوة دي يا ولاا يلا روح چهز الرجال عشان بكرة وخليك فاهم أن الغلطة عندي مالهاش تاني وانت واعي ال سامبو كان ابن ليل وبسبع ترواح بس وجع واللي يوجع مالوش عندي جومة يا ولاا

مجدي :: اطمن ياسيد الناس مش اني اللي اخلي حورمة تعلم عليا انا جاتل ٩ جبل سابج وجنابك خابر دية زين .

كرم :: كلة هيبان وجت التنفيذ انا معيزش بت المركوب اللي اسمها بت الچبل تبوظ اللي هتعملة بكرة انا عايزها تجع ف الفخ اللي مرتبهولها يا ولا .

مجدي :: امر جنابك ياسيد الناس .

....... ...........ڤيلا الحاج نعمان .......الجنينة ............

............................

اقولِگ ع سر .. 

كان اجمل يوم لمّا قابلتك بين كل العُمر

* معتز عايش ف الڤيلا وبيقضي طول النهار ف اوضتة او ف الجنينة *

* معتز قاعد.ف اخر الجنينة ف جمب مداري شاف اشواق وفضل متابعها شوية ولما لقاها هتدخل ندهلها *

اشواق :: نعم يا استاذ معتز .

معتز :: عاملة اية يا اشواق ؟

اشواق :: زينة يا استاذ يلزم اي خدمة ؟

معتز :: اسمي معتز. يا اشواق اندهيلي ب اسمي زي ما بنهلك باسمك ولا تحبي اقولك يا اشواج زي ما بيقولولك .

اشواق :: ولا احب ولا محبش تؤمرني بأي حاچة ؟

معتز :: انا اسف يا اشواق مقصدش اضايقك .

اشواق :: طب يلزمك حاچة ولا امشي ؟

معتز :: يلزمني اعرف بتعامليني كدة لية وانا مصدرش مني حاجة اضايقك انا من ساعة ما شوفتك وانا معجب بيك جدا ؟

اشواق :: بص يا استااذ انت هني ضيف واكرامك واچب وليك واچبك اللي تاخدة بالأصول لكن تفكر اني هتحددت معاك ونجعدو ونتساهرو سوا تبجي غلطان انا ماليش ف جلة الحياه دي .

معتز : انا اسف يا اشواق والله مقصدت اللي فهمتية دة انا مفيش ف نيتي حاجة وحشة وعلي العموم انا هكلم الحاج نعمان علشان أمشي من بكرة .

اشواق :: محدش يجدر بجولك انت تجعد زي ما يلد عليك لكن بالأصول. بالاذن اني .

* معتز ندم جدا وحس انة اتسرع لما عبر لها عن مشاعرة ناحيتها وقرر يكلم الحاج نعمان علشان يمشي من البيت بكرة *

************

احمد قاعد بيفكر يوصل ل جنة الممرضة ازاي وجت ف دماغة فكرة ندة علي نعمة وطلب منها تكلم الستات معارفها وتعرفهم أن الدكتور احمد هيرجع العيادة من بكرة ونبهة عليها ان الخبر يننشر ف البلد كلها كان حاسس أن الخبر هيوصلها بقي مقتنع انهااكيد متابعة اخبارة اصل مستحيل تكون عملت دة كلة وتختفي من غير ما تكون بتطمن علية وتتابعة **

.................. تاني يوم ف العيادة ..........................

كل اما اقرب خطوه

ألاقيكي بتحاربيني

وعينيكي شايله كلام

مش شايفوا ما توريني

كل اما اقول هخبي

الخوف دا بيعريني

اديني فرصه اشرحلك

او حتي مره جاريني

***********

احمد وصل العيادة بس طلب من نعمة تروح لانة مش هيتقبل حالات واي ست هتيجي هيعتذرلها ..... وفعلا نعمة مشيت رغم انها استغربت من كلام احمد اللي كان مصمم أن البلد كلها تعرف انة راجع العيادة .... الدكتور وجدي ف الدور اللي فوق واحمد قاعد لوحدة ف العيادة تحت وكذا ست تدخل هيعتذرلها انة جة لقا نفسة تعبان ومستني حد يجي يروحة **

كُنتُ أعتقد أنّ الغُروبَ أجمَلُ ما رأت عيْني حتى وقت عيني على إشراقتك ....

*****

* فجاءة وهو قاعد بيبص علي الباب لقاها داخلة علية احمد قام وقف ومسك نفسة بالعافية كان عايز يجري عليها *

احمد :: كان قلبي حاسس انك هتيجي .

هجر :: بلاها حديت ماسخ من بتاع المصاروة ديية وطمني عليك يا داااكتور عامل اية ؟

احمد :: انا من لحظة ما شوفتك دلوقتي وانا روحي ردت فيا و بقيت احسن واحد ف الدنيا .

هجر :: وبعدهالك يا داكتور الظاهر عايز يدك التانية يسيل دمها .

احمد :: انتي اختفيتي لية ؟

هجر :: رچعت البلد اطمن علي اهلي .

احمد :: انا بعت ناس سألت ف البلاد اللي حوالينا ف المستوصفات علي ممرضة اسمها جنة كانت شغالة هناك واتضح أن مفيش وحتي البلاد نفسها مفيش واحد اسمها جنة ممرضة انتي مين قوليلي الحقيقة ومهما كانت أنا هتقبلها انا مش عايزك تبعدي عني .

هجر :: مش يمكن عايزة اجتلك ؟ .

احمد :: مستحيل اللي انقذتني من الموت الاكيد لا يمكن تفكر تأذيني بعد ما انقذتني وانا بين الحياة والموت .

هجر :: الموت لو الف طريجة انت متعريفش عنيهم حاچة واصل .

احمد :: انا مش هسألك انتي مين بس عندي سؤال واحد هو دة المهم والباقي مهما كان مش فارق معايا ..

هجر :: اسأل .

احمد :: تقبلي تت ..........

فجاة دخل رجالة متلتمة ومعاهم اسلحة وهجمو علي احمد وهجر حاولت تقاوم بس هما كانو كتير وبيهددو احمد بالسلاح ف وشة مسكوهم وخرجو بيهم ودخلوهم عربية چيب كانت مستنية قدام باب العيادة ***