رواية هنا التقينا الفصل الثاني عشر 12 بقلم ندى محسن

رشا بصاله وبتحاول تعرف ردت فعله قربت وشها من وشه وهو ثابت ودا خلاها ارتبكت واتراجعت

عز:كنت دايمآ بشوف في عيونك انك عيزاني دلوقتي انا اللي عايزك

رشا بصتله بعدم تصديق وشافته مركز في عينها وبيقرب ليها فضلت بصاله وبعدت ايدها عنه وهو لاحظ ارتجافها واستغرب هي خافت منه!؟؟؟

رشا بإرتباك وهي بتحاول تجمع الكلام:عز....انت هتنام دلوقتي صح...تصبح على خير...انا بكرا اي رأيك اروح بيتي وهسمع لكلامك..انا عايزة انام دلوقتي

عز عرف انها مش هتقبله وابتسم بتفكير حاوطها:ازاي من غير مقضي وقت معاكي ازاي هيجيلي نوم

رشا بصتله بلعت ريقها بصعوبة وارتجاف من نظراته اللي محستش ولو واحد في المية انها بتخدعها:انت تقصد انك...عز...

عز:هعمل اللي انتي عيزاه يا حبيبتي ها يلا تعالي

بيقرب بعدته وهي بتزأه بعنف وبتضرب في كتفه بعنف وهزت راسها بنفي:لا...

عز بيمثل الذهول:مالك يا صغيرة خايفة؟خايفة مني انا؟مش انتي كنتي عيزاني اقرب منا بقرب اهو ومعاكي بقرب يا شوشو

رشا هزت راسها بنفي:لا...انا...مش عايزة...ابعد

عز:اومال ليه كنتي بتقدميلي نفسك وعلى طبق من دهب

رشا بتبعده:ا....ابعد.....مش عايزة تقرب....ابعد مش من حقك

عز مسك ايدها وثبتها وهو مركز في عيون رشا بجرأة:انتي اللي ادتيني الحق اللي كان مش حقي

اوتار استغربت من كلام عز وقرب بتحاول تشوف ايه اللي بيحصل!

رشا عينها دمعت وبتبعد:ابعد وسيبني انت مخوفني....انت مكنتش بتتعامل معايا كدا

عز:بس انا بني ادم وانتي حلوة وبتقدميلي نفسك ولا ارخص يا موزة انتي موزة فراولة حاجة كدا طعمة اووي بطلي مقاومة

رشا بتزأه بس مبيتأثرش وثابت عيطت:ابعد عني...بالله عليك

عز بيقرب لحد موصل قدام شفايفها وهمس:بالله عليكي انتي شششش اسكتي

رشا عيطت وصوتها علي:ابعد عني بالله عليك انا مش هقرب منك او من مراتك سيبني انا مكنتش فاكرة انك هتعمل كدا ابعد عني ارجوك

عز:انا مهما كنت راجل ومهما كان انتي جميلة مش انتي اللي كنتي عايزة كدا علشان متخلاش عنك؟مين قال اني مش هتخلى عنك؟مين قال اني بعد ملمسك وبعد مقرب منك مش هسيبك؟؟مش هرميكي؟مين قال ان دا الحب وانك لو حبيتي حد تسمحيله يتجاوز حدوده معاكي يا رشا عمره مكان حب

رشا زأته وبقت تضربه برجليها وايدها:ابعد عني بالله عليك كفااية انا اسفة ابعد عني ارجوك ابعد يا عز ابعد انا غلطت بس متغلطش انت وحيات مراتك وعيالك سيبني لو بتحب ربنا

اوتار الغضب اتملكها وهتتدخل وهي مصدومة من عز

عز بعد عن رشا وبصلها بثقة

رشا عيطت:انا مبحبكش انت واحد سيئ رشا احسن منك

عز بحنان قرب حط ايده على شعرها بعدت راسها وهزت راسها بنفي بترجي:بالله عليك خلاص

عز قعد قدامها مسح دموعها:اهدي طيب...مش هقرب اهدي حبيت اربيكي مش معنى انك بتقدمي نفسك لحد يبقى هيفضل ملاك اتقي ربنا في نفسك اتقي ربنا في تصرفاتك يا رشا

رشا بتعيط:اعمل اي وانت هتبعد عني كان نفسي اقدملك حاجة بس انا معنديش....معنديش...

عز ابتسم بحنان:مش مستني تقدمي حاجة انا مش هسيبك بس انتي هتفضلي زي بنتي ها زي بنتي لو كنت عايز اقربلك مكنتش حاجة هتمنعني ولا في بيتك ولا في بيتي حبيبتي اوعي تفكري بالشكل دا انتي غلطتي في حقي ومش في حقي بس في حق نفسك ودا شيئ مش سهل

رشا ضحكت وهي بتمسح دموعها ببراءة:يعني....

عز:يعني هتفضلي مسئولة مني لحد ميجي المجنون اللي هياخدك ويتحمل جنانك ومسئوليتك هتفضلي مسؤولة مني علشان بعتبرك بنتي وعلشان انا بالنسبة ليكي اب مش زي مكنتي فاكرة وبتفرضي تفكيرك على نفسك

اوتار ابتسمت وقلبها اتطمن وحمدت ربنا على الصدمة اللي خليتها مدخلتش واتعصبت وعكت الدنيا اكتر

رشا بصت لعز قربت بتردد باست ايده

عز بضيق:بردو

رشا:مش علشان حاجة ولا علشان ديين عليا علشان بحبك كأب بجد صدقني بحبك جداً علشان بتطمني

عز ابتسم:اقفلي الباب على نفسك تصبحي على خير

خرج ودخل اوضته شاف اوتار نايمة بصلها بخبث وهز راسه بتهكم وهو عارف انها صاحية غير هدومه ونام وهو مديلها ضهره

اوتار بصتله

عز بهدوء اتكلم ببطئ:نامي

اوتار:انت...

عز:كنتي واقفة عند الاوضة عارف انك صاحية

اوتار:ازاي...

عز:انتي ناسية جوزك مين

اوتار ابتسمت:منستش

عز:دا مش سؤال دا خبر انتي فعلآ ناسية مين جوزك

اوتار ملامحها اتغيرت:دا....مش صح

عز ضحك بسخرية:طيب نامي تصبحي على خير

اوتار قربت حطت ايدها على كتفه

عز بحدة:اتلاشيني يا اوتار لحد معرف اتعامل معاكي اتلاشيني

اوتار بعدت ايدها بقلق

عز ابتسم وهو بيحاول يكتم ضحكته

اوتار:طيب...اي علاقة دا ب...بنومي في حضنك مش فاهمه

عز بنبرة تهكمية:تؤ انا عامل عليكي واحد خاين وقذر وسكري واستغلالي بيستغل اللي قد ولاده!ازاي تقربي منه وكمان تنامي في حضنه مش خايقة يوسخك؟

اوتار بأسف ودموع:حقك عليا....حقك عليا بالله عليك....

عز اتعصب:بالله عليك بالله عليك بالله عليك بطلوا بقى انتوا معندكوش اي احساس ولا دم

اوتار:انا يا عز....

عز:انتي واخدة الرقم القياسي في عدم الدم يا اوتار

اوتار بصتله

عز وقف وخرج

اوتار قعدت على السرير بحزن

عز دخل بضيق

اوتار بصتله بدموع

عز بصلها بضيق:طب اعمل فيكي ايه محسساني اني غلطان!!محسساني اني اللي جاي عليكي؟؟طيب جيت عليكي في ايه!

اوتار ضحكت وجريت على حضنه استخبت فيه وغصب عنها عيطت:انا اسفة حقك عليا...اسفة يا عز....اسفة...والله مقصدتش

عز حاضنها:طيب بس اهدي طيب...

اوتار:انت طول عمرك بتتحمل وانا

عز قاطعها بإبتسامه هادية وحنان:انتي احلا واحن واجمل ست في العالم

اوتار ضحكت وباست خده

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

روز فاقت شافت النهار طالع حست بتحسن الم راسها خف نوعآ ما اكيد المخدر راح مفعوله بصت جنبها شافت غيث نايم جنبها ابتسمت بحنان وافتكرت امبارح لما جده جه قلقت وبقت تسأل اللي حصل هي محستش بحاجة لمست وشه بحنان واول مفتح عينه اتنطرت بفزع دا مش غيث....

نادر :حبيبتي مالك

روز:انت بتعمل اي هنا

نادر:روز دي اوضتي في اي؟

روز صرخت فيه:ابعد عني انت اتجننت بتعمل ايه هنا

وقفت وخرجت نزلت بسرعة على السلم شافت راجل باين عليه الوقار وكبير في السن ابتسملها بعظمه وهو بيقيمها بنظرته :اي يا روز عاملة اي يا حبيبتي امبارح شربتي كتير على العشا مع اني حذرتك غلط على صحتك وغلط على البيبي

روز بصاله بعدم استيعاب :بيبي؟....انت...مين

رأفت:روز مالك؟

روز بصاله وبلعت ريقها بصعوبة:فين غيث ..

نادر من وراها:اي يا روز يا حبيبتي غيث مين يا روحي؟

رأفت:نادر غيث مين اللي بتتكلم عنه دا

مرڤت قربت:في اي يا روز؟مالك؟؟

روز:مرڤت غيث فين...

مرڤت بإستغراب وتفاجأ:غيث؟؟مين غيث يا نادر!

روز صرخت فيهم لما شافت استغرابهم وملامحهم الجدية:غيث جووووزي فين؟انت عملت فيه ايه يا نادر؟عملت فيه ايه

مرڤت:اهدي انتي اكيد اتعرضتي لصدمة عصبية بس بسبب اي نادر جوزك يا روز

روز بغضب:مش جوزي مش جوزي انتي بتكذبي دا الحقير اللي عمل علاقة معاكي انتي فكراني غبية

رأفت بغضب:اخرسي انتي اتجننتي ولا اي

نادر:بابا اهدى اكيد هي فاهمه غلط اكيد هي تعبانة روز في اي هعمل علاقة مع اختي؟انتي اتجننتي

روز بصتله بصدمه وهي حاسة انها في كابوس اكيد هتصحى منه

نادر قرب منها:تعالي يا روز

روز صرخت فيها وزأته:ابععععععد انتو...انتو بتكذبو انتو كذابين

شافت جابر ابتسمت وقربت بأمل:جابر غيث فين...غيث جوزي

جابر بشفقة:مدام روز انتي لازم تتعالجي مش كل فترة هتعملي كدا غيث دا شخصية وهمية في عقلك زيه زي اي شخصية بتصحي تتخيليها

روز اتصدمت وهي فاكرة اللحظات اللي عاشتها مع غيث وقد اي كانت بتعشقه وقد اي كان بيوصفلها انه بيحبها

نادر مسك ايدها بحب:حبيبتي

روز زأته بدموع:لا مستحيل انت مش جوزي مستحيل....انت مش جوزي...

نادر:انا جوزك يا روز انا هو جوزك مش شايفة انه صعب عليا كل متصحي تتهميني اني مش جوزك وان جوزك واحد تاني واني

روز صرخت:دي الحقيقة انت مش جوزي انت مش غيث

رأفت صرخ فيها:مش حرام عليكي عذابه دا يعمل اي يثبتلك انك مراته قسيمة؟ وكل يوم والتاني يوريهالك معاملة؟ وبيعاملك كأنك ملكة يعمل اي تاني؟؟

كريمة بصالها بحزن

روز قربت قدامها:غيث....انتي اللي مربياه غيث فين؟ دول بيكذبوا دي لعبة صح قولي اه انتي قضيتي عمرك كله بتدافعي عن غيث وبتربيه بالله عليكي انطقي

رأفت:غيث مين اللي ربته؟دي مراتي ومعندناش ولاد غير نادر ومرڤت

روز الدنيا لفت بيها وذكريات غيث بتتعرض قدامها بسرعة غريبة نفسها عالي وحست انها هيغم عليها.. لامش لازم تفقد الوعي مش لازم تكون ضعيفه

نادر هيمسكها:روز حاسبي

روز صرخت فيه وبعدت:متقربش بحذرك متقربش لو عندك دم يا قذر انت

نادر بيقرب بغضب:لا انتي زودتيها اوي

روز جريت عند اقرب زهرية وكسرتها ومسكت حتة منها:انتو لو حد قرب مني انا...انا هقتله...

نادر:اي الجنون دا وذنبنا اي نتحمل جنونك

روز بدموع:ابعدوا عني...انا عايزة اشوف اهلي عايزة اشوفهم

نادر: بسيطة يا روز لو دا هيريحك خدي كلميهم وقوليلهم اننا جايين

خدت التليفون منه وعينها جت على التاريخ بصدمه هي نامت اخر مرة من خمس ايام؟؟بصتله بصدمه

نادر:مالك يا روز

روز:التاريخ مش مظبوط

نادر:لا يا روحي مظبوط

روز اتصلت على امها مغلق بتطلب الرقم مرة واتنين مغلق بصتله بدموع:ماما مبتردش

رأفت بغضب:ماما ميتة من عشر سنين هترد عليكي دلوقتي؟بأنهي عقل

روز اتصدمت وبصت لنادر

نادر:حبيبتي اهدي انا عارف ان حالتك صعبة بس صدقيني انا حاولت معاكي كتير مفيش حل غير انك تروحي المستشفى

روز مستسلمتش واتصلت على باباها ابتسمت لما رد:بابا

انهارت في العياط:بابا الحقني انا....مش عارفة اي اللي حصل مش عارفة اعمل اي

.....:حضرتك مين

روز بإنتباه:حضرتك اللي مين؟فين صاحب التليفون دا

......:صاحب التليفون عمل حادثة من خمس ايام وللأسف توفى ولما محدش جه يستلموا ومعرفناش نتواصل مع اهله دفناه وعرفنا انه ملوش غير بنت ومعرفناش نوصلها

روز الدنيا لفت بيها والتليفون وقع من ايدها فجأة

نادر:حبيبتي مالك؟عمي قالك اي

رأفت بصلها بإستفهام

نادر:روز

روز انهارت في العياط بس اتماسكت وبصت لنادر

نادر وقف قدامها:روز حبيبتي تعالي

روز بدموع:مش جوزي...والهي لا مستحيل انا في كابوس انا مش في حقيقة انا في كابوس مستحيل

نادر باصصلها بحزن

كريمة:تعالي يا بنتي ربنا يهديكي يا حبيبتي تعالي ارتاحي شوية وبس ها يلا

روز بدموع مسكت كريمة:كان بيقولك كوكي وكنتي عنده قبل منام افتكري لما جده جه

كريمة:مش ابني اي المشكلة يدلعني وجده مين اللي جه جدو ميت من وانا حامل في نادر

روز بتبعد وبتهز راسها بنفي هتخرج حد مسك فستانها بتبص شافت اياد ابتسمت بأمل:اياد فين عمك غيث؟

اياد:ماما انا مش عارف ؟انتي هتسيبيني وتروحي المستشفى؟

روز بصتله

نادر:حبيبي اطلع اوضتك مامي لازمها ترتاح

اياد ابتسم:هتيجي وتنيميني جنبك انتي وبابا

روز مكنتش مصدقة حاجة بقت تصوت:انتووووو كذااااابين دا كاااابوس انت متقربش انت مش جوزي وانتي بتكذبي انتي مش اخته انتوا على علاقة سوا وانا مش مامتك انا...انا مرات غيث

انهارت في العياط كانت نفسها تشوفه يضمها حست الدنيا بتلف بيها وظهر ناس قدامها بلبس الممرضين ومسكوها بس مقدرتش تقاوم وفقدت الوعي

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

يحيى مكشر:واحشني اقول تاني انه واحشني؟

غرام حاطة السماعة في ودنها وباصة في التليفون

يحيى:يا رب لو كنتي سمعاني ومبترديش اموت

غرام رمت السماعة على السرير وبصتله:افندم يا لمض انت يلة بقيت لمض ليه هو اسلام بهت عليك

يحيى:اقول تاني بابا واسلام وجدي وكله وحشني

غرام:اعملك اي يعني

يحيى قلد طريقتها:توديني يعني

غرام بصتله بضيق

يحيى كشر

غرام بضيق:يحيى ممكن تهدى شوية

يحيى:عايز اروح

غرام :وبعدين

يحيى:اشوفهم ونقعد سوا

غرام:حاضر ربنا يسهلها

يحيى بصلها:يلا وديني

غرام:مش دلوقتي

يحيى:قولتي ربنا يسهل وربنا جميل ومسهلها يلا

غرام صدعت منه ونادت:اياااااان

ايان دخل:اي يا بت مالك

غرام:خده وديه لسراج يقعد معاه شوية وهاته ممكن علشان دماغي هتنفجر منه

ايان:ممكن!مش غريبة وبعدين احنا جينا امبارح كان بابا طبيعي وانتي كنتي نمتي و

غرام:مش وقت كلام دلوقتي ممكن تاخده

ايان:وخطيبتي دي تولع عادي؟

غرام:انت وديه وروح مع خطيبتك وابقى عدي عليه معلش انا مش عارفة اذاكر وصدعت

ايان:انا متأخر معلش بقى وقت تاني مش فايق انا وهو مصدعني اصلآ

مشي ويحيى هيعيط

غرام:خلاص هوديك هوديك اسكت بقى

يحيى مسح عينه وضحك

غرام لبست وبصتله:يلا؟

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

رشا بتفطر مع سراج بعد معزم عليها كذا مرة

سراج:انتي بقى اي حكايتك ومبترضيش تاكلي معانا ليه ملكيش غير في الكبار بس؟

رشا بصتله اوي وطريقته التهكميه معجبتهاش

سراج ابتسم :اقصد بابا

رشا بصاله مش عارفة تقول ايه

سراج بصلها من تحت لفوق وابتسم:انتي يا ترى انسة ولا مدام؟

رشا وقفت فجأة

سراج:في اي مالك متكملي اكلك يا بت انتي ولا بتحاولي تمثلي دور الشريفة

رشا هزت راسها بنفي ودموعها على وشك النزول من طريقة سراج:انت ازاي...تتكلم معايا كدا...

سراج:طيب اقعدي انا مش فاهم انتي تمام ولا شمال

رشا:عارفة اني غلطت بس كنت عايزة اضمن وجوده جنبي بأي طريقة صح او غلط مكنتش هتفرق معايا بس اضمن وجوده وخلاص....

سراج:اممم

رشا بصاله وهي قلقانة

عز قعد قدامها وجنب سراج وهي ابتسمت براحة فأبتسملها:صباح الخير

رشا بأمل:صباح الخير جدآ....انا كنت مستنياك تصحى ....علشان....

عز:علشان!!

رشا بنبرة حزينة:علشان امشي

عز:فين

رشا:مينفعش ابقى هنا ومراتك طيبة اوي...وانا..

عز:رشا وجودك هنا مش هيسبب مشاكل انا مراتي مفيش زيها وهتتفهمك وهتتعاطف معاكي فجربي تبقي قد الثقة دي

رشا بصتله وهو كمل اكل

الباب خبط وسراج قام فتح واوتار نزلت بإسلام

سراج:صباح الجمال

غرام:ابنك عايز يشوفك

سراج شال يحيى وحط ايد على بطنها:مين فيهم

غرام بعدت:انت لم نفسك

سراج:بتتلككي اوي جيت جنبك؟انا بحط ايدي على ابني

غرام:انت بقيت بقيت مستفز مش سافل بس انت سافل مستفز

عز:غرام تعالي

غرام دخلت وابتسمت وهي باصة لعز

عز قام وقرب باس جبينها وحضانها وهو بيهمسلها:اي الأخبار كلمك؟

غرام همست:لا كان حنين معايا اوي انت ضربته جامد لحد دلوقتي بيتألم شوف من خمس ايام لسة ضربك معلم

عز ابتسم:هو حنين بس لما الجنونة بتيجي بيتعفرت وكان لازم افوقه

ضحكت وسراج من وراهم:مجيب شجرتين لمون هو انت مالك عندك جفاف عاطفي ليه اليومين دول فين اوتارك روحلها وسيبني مع غرامي

غرام باست خد عز:شكرآ

عز ابتسم:على اي يا مجنونة يا صغيرة انتي؟انتي مش بنت اخويا انتي بنتي يا غرام انتي اللي فرحتيني بالواد البائس دا

غرام بصت لسراج اللي باصصلها بحب واضح وبصت لعز:انا اسفة بس مش هقدر

عز:انا فاهمك بس يحيى

غرام:انا مش منعاه دا ابوه ودا ابن عمي غير كدا انا مش هقبل ولا هرضى اعيش مع خاين

تليفون عز رن ابتسم:جدك بيتصل

رد:الو يا سليم باشا

سليم:النهاردا انتو كلكوا متجمعين عندي

عز:بمناسبة!

سراج ابتسم واتكلم بتلقائية:بمناسبة عيد ميلاد غرامي

غرام بصتله اوي والكل بصله

سليم:عيد ميلاد غرام النهاردا وعمران عايز يعملهولها وتالين وحسام وحلم ولارا جايين يلا هستناكوا وهات سيف ويحيى ومالك كمان مش غرب عننا

عز ابتسم:حاضر يا بابا بإذن الله

قفلوا وسراج ساب يحيى مع اسلام والإتنين كانوا في قمة السعادة بيهزروا وبيجرو وبيلعبوا

غرام:بعد اذنكوا بقى هستناك يا عمي وانتي كمان يا طنط

اوتار ابتسمت: بإذن الله يا حبيبتي

غرام بصت لرشا بإستغراب وسراج لاحظ

رشا وقفت بحرج وحست انها غريبه:انا...هطلع فوق...

غرام:انتي مين؟

رشا بصتلها

عز:دي بنت صاحبي

غرام بصت لسراج بنوع من الشك

سراج:بنت صاحبه ومليش اي ايد في الموضوع بتبصيلي ليه؟؟

غرام:معنديش اي ثقة في واحد زيك (بصت لرشا) ممكن تبقي تيجي هتشرف بمعرفتك بعد اذنكوا

خرجت وسراج راح وراها مسكها زأته:يا بني ادم انت ملكش اي حق في انك تلمسني انت اياك تفكر تقربلي فاهم

رفع ايده:اولآ مقصدش ثانيآ بقى ودا الأهم انتي مراتي ومن حقي اي حاجة

غرام بصتله:كان نفسي بجد لو كنت صادق لو كان همك عليا بس يا ترى عايز ترجع ليه للعيلة اللي اتغصبت عليها ها؟

سراج:انا بحبك....بحب العيلة بجنونها بكلامها بمناغشتها

غرام:انت مبتحبش غير خوفها وضعفها قدامك علشان انت انسان قذر مبتحبش غير نفسك

سراج اتعصب:غرااام

غرام:هتعمل اي هتضربني زي مكنت بتعمل ولا هتقطع شعري في ايدك ولا هتتهجم عليا؟

سراج حس بالندم وحس بألم كان بيتفادى يحس بيه

غرام:انت مش بس اذيتني مباشر انت اذيتني بشكل غير مباشر

سراج:انا مش فاهمك بس انا اي حاجة حصلت مني مكنتش اقصدها وانتي جننتيني يومها لما سمعتك بتكلمي حد في التليفون

غرام ابتسمت بسخرية:كان هيثم....هو ميفرقش عنك في حاجة كان قذر زيك

سراج:اي اللي حصل؟

غرام:ليك عين تسأل؟يا بجحتك

مشيت وهو وقف والغضب ماليه مش عارف يعمل اي وهي بتفتكر لما قابلت غيث الكيلاني(نادر)

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

يحيى نايم في اوضته باصص لدبلة امل اللي في ايده بحزن

سيف دخل ويحيى اتعدل وقعد وسيف بحنان قرب قعد جنبه ومسك ايده

يحيى:ايه يا بابا في حاجة

سيف:لو اتخلت عنك بسبب اللي حصل فأحمد ربنا يا يحيى يمكن حصل دا كله علشان تعرف انك متستحقهاش!

يحيى بصله بلوم:دي امل....دي اكيد مش هتفكر في كدا

سيف بحزن:صدقني لو عيزاك هتحاول مع اهلها ولو شوية لكن دا محصلش

يحيى:مين قال مش يمكن حصل مش يمكن حاولت وفشلت...مش يمكن ابوها مهتمش واجبرها ترجع الدبلة والحاجة

سيف:انت ابني ومفيش حاجة هتهمني قد سعادتك وسعادتك مش معاها يا يحيى

يحيى غمض بضيق:عايزني اعمل ايه؟

سيف اتكلم بهزار ومناغشة:متنكدش على اللي جابونا وقوم اخرج يلا

يحيى:مليش نفس ويا ريت لو حد اتصل انا مش موجود عايز ابقى لوحدي

سراج من وراه:والنبي يا سيف باشا سيبنا شوية

سيف قرب وقف قدام سراج وهو طمنه بعينه مسح جبينه وقعد قدام يحيى

يحيى بيحاول يهزر:ايه يا عم في ايه من امتى الأهتمام دا كله

سراج ابتسم وبصله:بنتعلم منك

يحيى:احنا ليه حظنا كدا

سراج ضحك:نقول ايه اتلم المتعوس على خايب الرجا

يحيى ضحك بغلب:معاك حق

سراج:متستهلكش يا يحيى في فرق مبين واحدة بتحبك وواحدة واخداك علشان اسمك

يحيى:اول مرة حبيت....حبيتها هي

سراج بيحاول يتمالك اعصابه:متستهلكش يا يحيى

يحيى:هي مجبورة

سراج هز راسه بنفي وبيفتكر

Flash back

امل:انا بحبك

سراج بضيق:امل انا وانتي كنا صحاب مش اكتر وبعدين انا متجوز ومخلف انتي ايه الهبل اللي بتقوليه دا

امل بدموع:انا...غصب عني من قبل معرف انك متجوز ومخلف...بحبك...

سراج بضيق:امل يحيى اتقدملك وانتي وافقتي

امل:لما ملقتش منك حتى نظرة وكنت بتيجي تقعد في الكافتريا اللي بشتغل فيها بتتكلم مع الكل اكتر مني

سراج بغضب:سيبي يحيى

امل:وبعدين

سراج:وبعدين؟

امل:وبعد مسيبه؟سراج....

سراج وقف بغضب:وبعدين متقربيش منه تاني وتنسيني فاهمه

امل بدموع:سراج...انا اسفة انا غلطت بس محدش بيختار الشخص اللي يحبه

سراج هز راسه بعدم تصديق:في عقل نميز بيه المشاعر انجرفت مننجرفش وراها

امل بصتله بدموع

سراج:ابعتيله دبلته وحاجته يا امل هو ميستهلش يعيش مع واحدة مبتحبوش وبتحب صاحبه يحيى لما بيحب بيحب بجد وانا لو شوفته بس بيعاني صدقيني هنسى اي كلام بينا وهقلب حياتك جحيم فاهمه؟انتي متعرفيش الشيطان اللي جوايا انا حلو اوي وبهزر ومبعملش تكليف لكن قسمآ بالله اللي يقرب من حاجة تخصني انا ببقى اقذر مما تتخيلي كنت فاكر اني جاي الكافتريا اقنعك تتمسكي بيه وتقنعي والدك متخيلتش اقول كدا بس انتي متستحقيش يحيى

مشي بغضب وهي عيطت وحست انها كانت غبية بتصرفها دا بس هينفعها بإيه الندم!!

back

يحيى:ايه يا سراج روحت فين

سراج ابتسم وهز راسه بنفي:ولا حاجة سرحت شوية بس

يحيى ماسك دبلة امل:انا هكلمها يا سراج هحاول معاها مع ابوها هي اكيد مجبورة

سراج بضيق:يحيى انسى بقى انساها

يحيى:انساها ازاي انت بتقول ايه يا سراج انت فاكر الموضوع بالسهولة دي؟

سراج بصله وهز راسه بنفي:اللي مش سهل انك تعلق نفسك بحبال دايبه

يحيى بصله:انت مالك ليه غريب حاسس انك مخبي حاجة؟

سراج هز راسه بنفي:ولا حاجة....متنساش عيد. ميلاد غرام النهاردا..هستناك في بيت جدي...سلام

خرج وهو بيهرب من عيون صاحبه اللي واثقة ان سراج مخبي حاجة..

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

روز فاقت بصت حواليها بإستغراب في اوضة بيضا كل اللي فيها بلون ابيض هتتحرك لقت نفسها مربوطة في السرير افتكرت اللي حصل وافتكرت اخر مرة شافت فيها غيث ودموعها نزلت:غيث....حبيبي انا محتجالك بالله عليك تعالى ارجوك متبعدش عني...

الباب اتفتح وواحد قرب منها وقف قدامها وابتسم:حد يبقى مجنون وقمر كدا تؤتؤ خسارة

روز بدموع:فكني

هاني:افكك؟

روز:انا مش مجنونة هما بيكذبوا عليا وعليكوا

هاني:مش فاهم حاجة بس يا قمر محدش بيجي هنا غير المرضى العقليين واللي اهلهم مش راضيين عليهم خالص

روز بدموع:انا مش مجنونة هما كدبين

هاني قرب قعد جنبها:طيب اهدي طيب وقوليلي مالك

روز عيطت:هو مش جوزي وكلهم بيقولوا انه جوزي بس ولا هو جوزي ولا هي امه ولا هو ابوه ولا اياد ابني انا واثقة انا مش مجنونة ولا بيتهيقلي صدقني

هاني:واي تاني متعيطيش بس كملي ها اتكلمي

حست بأيده اللي بتمشى على رجليها بصتله وهو عينه بتلمع برغبه وبيقربلها:كملي كملي اتكلمي انا سامعك ومعاكي

روز بعدت وشها وهي بتحاول تبعد رجليها بدموع:ابعد عني انت بتعمل ايه

هاني :ششششش اسكتي بس ششششش

روز بدموع : خلي عندك ضمير وابعد عني

هاني رجع راسها لورى:اهدي ها استرخي يلا

روز بتبعد راسها عن ايده وصرخت:ابعد عني يا زبالة يا قذر سيبني الحقووووني

الممرضة فتحت الباب:انت بتعمل اي هنا يا هاني؟؟

هاني وقف:بطمن على حالتها بلاش يا ست نرجس؟ولا ايه

نرجس:عندك قسم الرجالة تقدر تتطمن عليهم ولو اتكررت هقول للدكتور ومدير المستشفى فاااهم

هاني بصلها بغضب ومشي

روز بدموع:ارجوكي فكيني ومش هعمل حاجة بس انا بعاني الحبل بيوجعني والشخص دا قذر

نرجس قربت وكانت شكلها متعاطفة معاها فكتها

روز ابتسمت بدموع:شكرآ ممكن طلب....

نرجس:اتفضلي

روز بدموع:عايزة مجلة الجمعة اللي فاتت او اللي قبليها ممكن ومش عايزة حد يعرف

افتكرت لما نادر قال انها حامل:وكمان عايزة اتأكد لو كنت مدام ولا انسة

نرجس استغربت طلبها جميل:هو ممنوع نطاوع المريض بس طلب غريب من مريضة؟

روز:محدش هيعرف حاجة فأرجوكي....ممكن تجيبيلي المجلة الأول بأسرع وقت

نرجس:هحاول

خرجت وقفلت الباب

روز اتغطت في سريرها وهي بتعيط

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

غيث بيدب على الباب بكل قوته وبيحاول يخرج

كامل: اهدى بقى اهدى

غيث: عملوا فيها اي عملوا اي دي مراتي فاهم

كامل بغضب: انت ازاي تعمل حاجة زي كدا انا اتمنى انه يسامحك

غيث: انا ميفرقش معايا غيرها فين مراتي يا بابا

كامل بصله بغضب: مراتك انت ازاي اتخميت بالشكل دا دي تبقى مراتك؟ الستات اتعملوا بس نقضي معاهم ليلة ولا نسيت

غيث صرخ فيه: مش معنى انك فشلت تختار يبقى الكل اختياره غلط

كامل بصله بغضب ورغم نظراته النارية قدر غيث يلمح حزن في عيونه

غيث: ودوها فين ولا عملوا ايه؟

كامل اتنهد وسند جسمه على الكرسي وهو بيحكيله

Flash back

بعد منادر ضربه على دماغه وغيث بيجاهد ميفقدش الوعي رأفت امر جابر انه ينزله المقبرة وبالفعل نزل غيث وقفل عليه ونادر طلع لروز

كامل متحملش يفضل واقف عاجز بالشكل دا وطلع شافه بيحقن روز في دراعها زأه: انت اي اللي بتعمله دي دي مرات اخوك انت مش قولت انه اتجوزها انت هتموتها؟؟متوسخش ايدك يا نادر كفاااية قهر بقى

نادر: هو موت مراتي وام ابني بس انا مش هموتها ها انا هسيبها تتعذب ويتعذب معاها بشويش هحرقه بنار هادية

كامل : ناااادر

نادر: ششششش كلامك مش هيغير حاجة وبلاش تعمل دور الأب دا صدقني مش لايق عليك

سابه وخرج وكامل بص لروز:الوش بريئ..وياما بيخدع

back

كامل عرفت انهم ودوها مستشفى ******للأمراض العقلية...

غيث غمض بضيق: انا السبب..بس انا لازم اشوفها انت لازم توصلني ليها

كامل ابتسم وهز راسه بإيجاب:حلو بس ازاي بقى! وهتعمل ايه انا واثق في قرارك بس صدقني الحب لعنة واخاف يكون قصر على عقلك

غيث:حراسه برا؟

كامل:اكيد

غيث:اوووف انا عندي فكرة...بس ارجوك تساعدني المرة دي وبس..

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

روز فتحت المجلة شافت صور لغيث ولأسمه غيث الكيلاني ابتسمت وهي بتعيط وحضنت المجلة:كنت واثقة مستحيل تكون كذبة مستحيل

الباب اتفتح ودخل نادر وقفت بغضب:يا قذر يا زبالة

نادر بص في ايدها بص للمجلة وابتسم بغل

روز هتخرج مسكها بعنف زأته وضربته بالألم حط ايده على وشه بصدمه وبصلها بغضب

نادر:اكيد اتجننتي

روز مسكته من رقبته بعنف:انت مش جوزي مش جوزي فاهم

زأها بعنف زأها:انتي مجنونة

صرخت فيه:اطلع برا انا هخرج من هنا غصب عنك انت مش جوزي

نادر نادى لممرضة غير نرجس كلمها وهي قربت ربطتها في السرير وحقنوها بالمهدأ

روز صرخت:سيبوني...دا دا مش جوزي....سيبو....

غمضت عيونها اتحررت منها الدموع وفقدت الوعي

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

غرام لبست فستان انيق وبصت لبطنها البارزة وضحكت:ابتدينا

طبطبت على بطنها بحب:ماما بتموت فيك

يحيى دخل:مامي

غرام:مش اللي يدخل يخبط؟جيت امتى

يحيى:اسف...اي رأيك دا حلو كدا شكلي خالو ايان لبسني وهو اللي عدى عليا جابني

غرام ابتسمت:زي القمر

ايان:وانا

غرام ضحكت:قمرين

ايان ضحك وقرب باس جبينها:انتي اللي قمر يا روحي انتي

غرام ابتسمت

عمران دخل:مش يلا الناس تحت

غرام هزت راسها بإيجاب

عمران بص لبطنها وهي اتوترت وايان لاحظ

ايان ضحك:بطنها اهي بتكبر عاملة زي خلة السنان اللي بالعة زتونة

عمران ضحك و قرب حضنها وهمس:تولدي على خير يا رب يا حبيبة بابي

غرام ابتسمت والدموع اتجمعت في عينها وبصتله

عمران هز راسه بنفي لما شاف دموعها:تؤتؤ اوعي

ايان:غرام اوعي

غرام ضحكت:خلاص مفيش حاجة مش هنهار

عمران ابتسم وحط ايدها على دراعه:يلا يا احلا بنوته

نزلت والكل سلم عليها والكل متجمع

لارا بصت لبطن غرام وابتسمت وحطت ايدها على بطنها:يلا اللي يولد الأول

عز ابتسم:مبروك يا قلبي

لارا:للمرة المليون يا عز

عز ضحك:طب اعمل اي طيب فرحان اختي الصغننة هتبقى احلا ام

كريم ابتسم:ربنا يفرحك دايمآ يخويا انا بردو هبقى احلا اب

عز ابتسم:اكيد

حلم حضنت لارا

لارا ابتسمت:اي اخبارك وحشتيني

حلم:الحمد لله بخير يا روحي اسفة مأثرة معاكي بس كان طالع عيني

حور دخلت مع ادهم:هلوووو

عز ابتسم:يا مراحب

اوتار جريت حضنتها:وحشتيني يا حيوانة يلي مبتسأليش

حور:معلش والله يا امي البت او ابوها هيجننوني

ادهم:لا والنبي! عمي تسمحلي اقولك ان بنتك مفترية

تالين ضحكت:على قلبك زي العسل ولا لا

ادهم بصلها:للأسف زي العسل والقمر والسكر والقشطة يا قشطة انت

حور خدودها احمرت وهو بيلاعب كارما وبيضحك

سراج شايل يحيى وباصص لغرام اللي متجاهلاه

يحيى صاحبه خرج الڤرندا بيتكلم في التليفون شاف رشا بتعيط استغرب وقفل مع صاحبه:انتي مين؟؟

رشا اتخضت ولفت بصتله

يحيى:انتي مين

رشا:رشا.....

يحيى:تقربي لمين!

رشا بتمسح دموعها:بنت صاحب بابا....بنت صاحب عمو عز...

يحيى:اممم طيب مالك لو في حاجة ممكن اساعدك؟

رشا هزت راسها بنفي:مفيش...لا

هتخرج يحيى وقف قدامها:طيب اهدي هتخرجي كدا

رشا دموعها نزلت تاني:مفيش حاجة لو سمحت....ملكش دعوة بيا..

عز دخل:في اي مالك بيها يا يحيى

يحيى:معرفش يا عمي شايفها بتعيط في وسط الفرحة دي فقلقت

عز بص لرشا

رشا بصتله بصوت مهزوز:انا اسفة

عز حضانها:في اي مالك؟

رشا بدموع:انا...عايزة امشي اروح بيتي..

عز:حصل حاجة زعلتك من حد؟

رشا بدموع حضنته اجمد:لا بس....خايفة حاسة مليش مكان هنا يا عز مليش حد حاسة اني نكرة الكل فرحان ومع بعض بس انا مليش....مكان

يحيى استغرب ووراه حور مستغربة اي اللي بيحصل يحيى بصلها وهي بصاله بإستفهام

يحيى:مش فاهم اي الل بيحصل!

حور:بابا

عز بصلها وبعد بهدوء عن رشا

حور:مين دي؟؟وبعدين واخدها في حضنك ليه؟؟؟وتبقى مين اصلآ البت دي

رشا وشها احمر بشكل ملحوظ

عز سحب حور:تعالي

حور راحت معاه وخرجوا برا واوتار استغربت راحت وراهم

حور بضيق:هو في اي ومن امتى انت بتتصرف كدا ومين دي اللي كانت في حضنك

عز اتعصب:حور دي مش طريقة كلام دي عيلة

حور:عيلة؟دي شكل عيلة؟

عز:حور دي بنت صاحبي واتوفى وانا بقيت الوحيد ليها

حور:فدا يديك الحق تستغلها؟

عز اتصدم من كلامها:نعم؟

اوتار:في ايه مالكوا

حور بصت لعز بغضب:اسأليه يا ماما

سابته ودخلت بغضب

ادهم:كنتي فين واي اللي حارق دمك كدا؟؟

حور:اتخنقت يلا نمشي

عمران:نمشي دا اي احنا لسة عملنا حاجة

حور:معلش يا عمي انا بس تعبانة شوية معلش

عمران:طيب تطلعي تريحي شوية

حور:لا يا عمي معلش خليني امشي

اوتار بضيق:انا مش فاهمه في اي واي اللي بيحصلك هما طول عمرهم بيحترموك وحاجة زي كدا انت هتخليهم...

سكتت وهو بصلها وكمل:يخليهم يبطلوا يحترموني؟مش كدا

اوتار:انا مش هقول حاجة غير انك بتغلط

عز صرخ فيها:انا بغلط ولا انتو مش فاهمين للمرة الألف دي بالنسبة ليا زي بنتي زيها زي حور

حور بصاله وابتسمت بسخرية

ادهم مش فاهم ايه اللي بيحصل

حور ماشية معاه

اوتار:انتو رايحين فين

ادهم:مروحين..حور عايزة تروح

عز فهمها وبصلها:حور الحفلة لسة

حور بصت لأدهم:مش يلا بينا؟

ادهم استغرب وهز راسه بإيجاب:بعد اذنكوا

عز مسك ايد حور:حور

حور بصتله :بعد اذنكوا

مشيوا واوتار بصت لعز ودخلت

عز اتنهد بضيق:اعمل اي في اللي مبيفهموش دول

رشا:انا ماشية

عز التفت شافها واقف

رشا:هسافر...

عز:تسافري؟فين

رشا:اي حتة....مش عايزة اشوفك تاني

عز بصلها بعدم فهم

رشا:هبعد عنك ومش هسببلك مشاكل تاني...انت اديتني الحب والأمان والراحة...كانت اعظم حاجة صدقني بعد الحادثة بتاعتهم حسيت اني وحيدة عمي طمعان في الورث وعايز يجوزني لأبنه عافية وانت اللي وقفت جنبي انت اللي....وقفت معايا كنت خير الأب والأخ والصديق رغم اني مستهلش والله

عز حاوط وشها بيمسح دموعها هز راسه بنفي:انتي احلا بنوتة في الدنيا صدقيني

رشا ضحكت بدموع:انت دايمآ بتجامل

عز حضانها:ممكن تهدي امسحي دموعك واهدي سفر مفيش واوعي تفتحي الموضوع دا تاني لما تكوني وسط ناس تعرفيهم احسن متكوني لوحدك

رشا:بس...

عز قاطعها:مفيش بس

خرج منديل ومسح دموعها وادالها المنديل:اهدي ويلا هندخل ولا كأن في حاجه صدقيني مش هتحسي بفرق انا جزء من الناس دي وهما جزء مني انتي بتحبيني مش كدا

رشا هزت راسها بإيجاب

عز ابتسم:يبقى اكيد هتحبيهم

رشا ابتسمت وهزت راسها براحة

سراج راقب غرام لحد مطلعت وهو استغل الفرصة وراح وراها

غرام دخلت الحمام رجعت:اي اللي بيحصل دا يعني جاية دلوقتي ارجع انا في الشهر الرابع...ااااه...

غسلت وشها ونشفته حاوطت بطنها:يا صغنن انت بكرا هنروح للدكتورة نتطمن عليك ونشوف احوالك واخبارك ويا ريت تبان بقى ولد ولا بنوتة بس لا مش هتفرق مع ماما هي هتحبك في جميع الأحوال

سراج:وبابا كمان هيحبه في جميع الأحوال

غرام اتخضت وشافته واقف على باب الحمام اتعصبت:انت

سراج:امممم بكرا هتروحي المستشفى هعدي عليكي بعد الشغل هاخدك

غرام بصتله:انا مش عايزة حاجة منك ويا ريت تبعد وتنسى انك عرفتني واحد مدمن وخاين زيك ميستحقش يتكلم معايا حتى فاهم؟

سراج متصدمش قد متوجع من كلامها بصلها وهي بغضب اتكلمت:بكرهك ومتحاولت تعدل شعوري ناحيتك علشان الأمور متزدش صعوبة....

سراج قرب مسك ايدها باسها وبصلها:اسف

غرام بصتله بإستغراب

سراج:اسف اني مستأذنتكيش

غرام استغربت وبصتله بإستفهام

سراج:يلا وهتفهمي كل حاجة

نزلوا والكل باصلهم وهي استغربت

عمران هيتكلم عز حط ايده على بؤه:اهدى بقى بلاش شغل الحموات دا اهدى وخليهم يتكلموا

ايان جاله تليفون من خطيبته ابتسم وراح يرد

سراج:هتيجي معايا حالآ على البيت ونرجع من تاني سوا ومحدش كان يعرف غير يحيى ابني اللي عايزنا نرجع مش كدا يا روح بابا

يحيى ابتسم وهز راسه بإيجاب

اوتار ابتسمت بسعادة

غرام هزت راسها بنفي:مستحيل انت بتعمل ايه؟

سراج:غرام علشان خاطر يحيى علشان خاطر ابننا هنرجع سوا والكلام في الموضوع دا منهي

غرام:انا مش همنعك من يحيى دا حقك لكن انا خلاص مبقتش من حقك....يا بجحتك يا اخي؟يا بجحتك انت بتأمرني كمان ارجعلك؟انت ايه بس العيب مش عليك العيب عليا اللي فيه طبع مبيغيروش والندل بيفضل ندل

للكاتبة/ندى محسن ♕Noody♕

متابعة لصفحتي هنا 

في قصر الكيلاني رأفت وكامل قاعدين وفجأة سمعوا ضرب نار بشكل مش طبيعي والنور قطع الكل اتصدم

رأفت صرخ:اي اللي بيحصل دا كامل كلم احمد حالآ

كامل:حاضر يا بابا

نادر هيخرج مرڤت مسكته:نادر لا انت اتجننت؟

النور رجع والضرب بطلع وخرج نادر شاف الحراس واقعين وجابر واقع قرب منه بيحركه بدموع:جابر فوق جابر...

بصله بإستغراب واتفاجأ اتكلم بذهول:دا نايم؟؟دول نايمين؟؟

رأفت بإستغراب:اي؟ازاي دا!

نادر بغضب وقف واتكلم بغل فهم كل اللي حصل:غيث.......