رواية غيوم الشمس الفصل الحادي عشر 11 بقلم أطياف راحله
 |
| رواية غيوم الشمس الفصل الحادي عشر 11 بقلم أطياف راحله |
رواية غيوم الشمس الفصل الحادي عشر 11 بقلم أطياف راحله
لقد انتظرتك كثيرا كي تأتي وتقص لي اعذارك في البعد والغياب. هل طاوعك قلبك في البعد؟ لم يذكرك بي لم يؤلمك في بعدي عنك. ألم يسألك عني. ألم يتألم لغيابي. لم يكن غيابي فارق معه ام ان البعد علمه الجفا.
____________________________اطياف راحله.
الجميع في المستشفي ينتظرون خروج الطبيب.
القلق يسيطر على الجميع يتهافتون بالدعوات ومناجاه المولى عزو جل أن يشفيه ويخرجه من هذه الازمه.
مايقارب من الثلاثه ساعات ولم يخرج الطبيب الجميع على أعصابهم.
لحظه خروج الطبيب كانت لحظه فارقه اندفع ا جميعا نحوه ولكن مايبدو على وجهه أصابهم في لحظه بالفزع قبل أن ينطق ويقول لهم شدو حيلكم ياجماعه البقاء لله وحده.
صدمه الجمت الجميع ماقاله كان آخر توقعاتهم وافقدهم توازنه وتماسكهم.
صرخه مدويه أطلقتها عزيزه هزت أرجاء المستشفى تكادتزلزل جدرانها اخوووووووي. صرخات متتاليه حتى هوت فاقده الوعي.
الجميع منهار يبكون محاولات منهم لدخول الغرفه على ابيهم ولكن الطبيب منعهم.
ياجماعه لو سمحتم اللي انتوا بتعملوه ده مينفعش الميت ليه حرمه انا عارف ان الحاج غالي عليكم بس ده أمر ربنا ومحدش ليه في أمر نفسه شيء وحدو الله.
عدنا ن بيه اللي بيحصل في المستشفي ده مينفعش ياريت تهدي الجماعه شويه انا عارف ان الحاج كان غالي عليكم كلكم بس اللي بيحصل ده مينفعش.
في ركن ليس بالعيد عما يحدث يجلس جابر وقد خارت كل قواه من اثر الصدمه حتى أصبح غير قادر على الوقوف فجلس متهالكا غير قادر حتى على الوقوقوف أو الدخول عند صاحب عمره ليلقي عليه نظره الوداع الاخيره والدموع تسيل من عينيه كالشلال والجم الحزن قلبه حتى أصبح لايقوي على النطق بكلمه واحده ليدعم به أبناء عبد المجيد في محنتهم فهو الان من يحتاج الدعم يحتاج من يواسيه ويدعمه في فقدان صاحب عمره ورفيق دربه التي لم يمهله القدر أن يكملا حياتهما معا بعد خصام دام لسنين طويله فهذا هو حال الدنيا تجبرنا على فراق الاحبه.
لحظات طويله من الصمت بعد ما هدا الوضع قليلا وحاله من الحزن الصامت تسيطر على الموجودين لم يبقى منهم إلا عدد قليل وعلى رأسهم جابر فهو لا يستطيع مفارقه رفيق عمره ويود إلقاء نظره وداع اخيره قبل أن يفترقا للأبد والآخرون ذهبو ا لتجهيز مراسم العزاء.
بعد ما اتفقوا على أنه سوف يخرج جثمانه من المستشفى إلى المقابر مباشره وهذا الرأي أشار به جابر على أولاده فوافقوا وبالتالي وبعد أن تمت مراسم الغسل والتكفين ا اد جابر أن يلقي نظره الوداع الاخيره على صديق عمره وبالفعل دخل وهو في حاله يرثى لها...
_________________________________اطياف راحله
عتجول ايه ياادهم ميته دا حوصل.
أدهم // انا لسه جاي من المستشفى دلوكيت وسايبهم هناك حالتهم مايعلم بيها الا ربنا وابوي كمان حالته تحزن.
الجده // دلوكيت حالا تاخدمرتك تروحها دار ابوها وخيتك كمان لازم تروح وتجي جنبيهم في الظروف دي وانا وامك عنحصولهم على هناك وربنا يسترها على مرتك لما تعرف.
أدهم // انا خايف عليها جوي ياحنا انت عارفه صالحه عتحب ابوها جوي.
الجده //متخافش ياولدي احنا كليتنا جنبيها.المهم شمس لازم تروح بيت جوزها دلوكيت.
أدهم // طبعا ياحنا وهي دي فيها كلام.
شمس // سماعكم عتجيبو في سيرتي خير ياترى.
أدهم // ابوكي عبد المجيد.
شمس // ماله ابويا فيه ايه.
أدهم // العمر الطويل ليكي.
شمس // لطمت وجهها ايه عتجول ايه ميته ده حوصل عمتي عزيزه لسه مكلماني الصبح.
أدهم // انا لساني جاي من المستشفى وسايبهم مايعلم بيهم الا ربنا وابوكي ربنا يسترها عليه النهارده.
شمس // ياجلبي يابوي فجدت صاحب عمرك النهارده.
أدهم // المهم دلوكيت اطلعي نادمي على صالحه متجوليش لها حاجه فهميها انه تعبان وانكوا عتروحوا عشان تشوفها.
شمس // ياجلبي روحت من غير منشوفك َلانودعك.
أدهم // اطلعي دلوكيت ياشمس نادمي عليها علشان عيتغسل في المستشفي ويطلع على المجابر علطول.
الجده // يالا ياولدي خدهم وديهم وخليك جنب مرتك وخد بالك منها وربنا يسترها عليها النهارده.
صالحه // فيه ايه بس ياشمس مين جال ابويا تعبان.
شمس// أدهم اهوه هو جال مستنين علشان يودينا.
صالحه // ماله ابوي يا أدهم دالسه مكلمني الصبح وكان زين.
أدهم // يا بجي عشان اوديكم عتفضلوا تتكلموا كتير.
صالحه // الله يخليك يا أدهم جلي ابوي ماله فيه ايه.
أدهم // جلتلك مفيهوش حاجه يالي بس شهلي عشان نمشوا.
صالحه // أكده ياادهم لو ابوي كان جراله حاجه وانت معتجوليش معسمحاكش واصل.
شمس // كفايكوا رط ويالا بينا.
صالحه // على فين انتي جايه معانا.
شمس // ايوه جايه عشوف ابويا ولا معيزانيش اشوفه.
صالحه // لا طبعا تشوفيه وانا في ديكي الساعه لما تروحي طيب مالك عنيكي مالها حمره زي الدم أكده ليه انتي معيطه.
شمس // لا عيني دخل فيها هموشه وامشي بجي كفاياكي اسئله.
*********************
روحت وسيبتني ليه يالغالي ماليش حدا في الدنيا بعدك ياجلب اختك انت ابوي واخوي وكل اللي ليا ودعتني بدري أكده ليه ياخوي يامرار العيشه من غيرك ياجلبي لوكنت بس تعبت شهر والاتنين ورجدت وسطينا وكنا شبعنا منيك وودعناك ياخوي كان هيبجي فراجك هين على ياحبيبي روحت في لمح البصر وخدت جلبي معاك فتني لمين ياحبيبي ماليش حدا غيرك بعد ربنا فتني لمين ياجلبي ياخوووي ياحبيبي ياخوووي.
استهدي بالله ياحاجه عزيزه اومال ومتعمليش أكده ياختي ادعيلي بالرحمه وربنا يبارك في ولاده ويخليهملك.
انا معرفش ابوي وولاشفته هو اللي رباني هوابوي واخوي وكل اللي ليا في الدنيا دي.
ربنا يرحمه ياخيتي كان أطيب واحن واحد في البلد عمر محدقصده في حاجه و جه خايب كان بيجبر الصغير والكبير الف رحمه ونور عليه.
*******************************
ايه ياصاحبي خلاص ماشي فايت الدنيا ماشي والله.بدري الوداع ياصاحبي ورفيق عمري ياللي كنت ليا اكتر من الأخ فايتني ليه ومين عيبجي جنبي في مصيبتي ليه ياصاحبي ليه فتني ليه يارفيج عمري. الموت خدك وانا في أشد الحاجه ليك مكنتش عارف ان فرجك عيوني أكده دا كان روحي بتتسحب مني ليه سبتني ياخوي ويا صاحبي. خلاص ياغالي التراب عيتاوي جتتك ومعيبجاليش صحاب ايوه معيبجاليش صحاب عشان مفيش حد عيعوضني غيابك واصل مع الف سلامه ياصاحبي ربنا يسكنك الجنه ونعيمها عفضل ادعيلك طول العمر لحد ما اروح واجابلك.
كانت كلمات جابر تنزل على الواقفين بجواره كجمرات النيران الحارقه جميعهم لايقلون حزنا عليه الجميع في حاله يرثى لها.
تجمهر لاحصر له أمام المستشفى ينتظرون خروج الجثمان ليتم نقله إلى المقابر الأعداء وافق الوصف والعدد يزداد بكثره فالفقيد شخصيه مرموقه وله وضعه في بلده وفي البلاد المجاوره.
خروج الجثمان من المستشفى تبعه إعداد لاحصر لها من أهالي البلد والبلاد المجاوره والقيادات في المحافظه ومدير الأمن في مشهد مهيب حتى وصول الجثمان إلى المقابر وانتهاء مراسم الدفن وانصراف جميع المعزيين من المقابر ولم يبقى سوى أولاده وجابر وبعد المقربين يدعون له ويقراون القرآن.
انصرف الجميع من عند المقابر للتوجه إلى صوان العزاء لمقابله الناس التي تأتي من مكان لتقديم العزاء وكان على راسم جابر الواقف وهو فاقد اتزانه من الحزن ليتقبل العزاء في صاحب عمره ورفيق دربه واولاده وأقاربه كله يخيم عليهم الحزن.
**************************
صالحه // ايه اللي بيحصل وايه الحريم اللي لابسه اسود دي وداخله البيت عندينا أكده ياادهم بوي مات وانت مخبي عليا بوي مات ياادهم اااااه يابوي اااااه روحت من غير مودعك ااااه ياحبيبي معشفكش تاني واصل معشفكش ياحبيبي الله يسامحك يا أدهم الله يسامحكم كلكم حرمت ني اشوف ابوي وودعه.
ادهم // اهدي ياحبيبتي اهدي والله ابوكي اتغسل وطلع من المستشفى ومجاش البيت وانا خفت عليكي ومفيش من الحريم كان هناك غير عمتك وحتى ماشفتهو ش تعبت وراحت في دنيا تانيه ولسه مروحنها البيت دلوكيت.
شمس // اهدي ياصالحه ربنا يصبرنا كلنا على فراجه ياحبيبتي.
صالحه // مشفتهوش ياشمس راح من غير مااشوف ولا اودعه ليه كان مستعجل أكده كلمني الصبح وأذن عليه بس كان واحشني جوي وحسيت في كلامه انه بيودعني عيوحشني جوي ياشمس عيوحشني كيف ادخل البيت مالجيهوش فيه.
شمس // عيوحشنا كلنا ياحبيبتي ربنا يعلم أن غلاوته عندي من غلاوه بوي تمام ربنا يصبرنا على فراجه.
أدهم // ادخلي يالا اومال عتفضلي واقفه بره أكده.
صالحه // مجدراش ادخل البيت وانا عارفه اني مالجيهوش فيه مجد راش.
شمس // يالا ياحبيبتي لازم ندخل.
صالح // ااااه يابوي كان نفسي اشوفك واودعك.
عزيزه // جيتي ياجلب عمتك تعالى ياريحه الغالي ماكنش عندي أعز منيكي وكأنه كان جلبه حاسس انه عيودعنا بدري كان ديما يوصيني عليكي.
صالحه // ليه أكده ياعمه ليه متبعتوليش ابوي يروح من غير ما دعه ليه ياعمه.
عزيزه // راح ياجلب عمتك راح في ساعات ولا حسينا اتخطف وخطف جلوبنا معاه عمتك مش مصدجه اننا معنشفوش تاني هموت ياصالحه مجدراش على فراجه.
صالحه // يابوي اااه يابوي جطعت بينا يابوي ملناش حد من بعديك ياحبيبي.
وحدي الله يابنتي اومال ليكي اخواتك ربنا يباركلك فيهم وليكي جوزك ابن حلال وطيب.
عزيزه // تعالى ياشمس كان عيحبك جوي وكان عيوصيني عليكي علطول ويجولي اوعي ياعزيزه حد يزعل شمس ولو شمس زعلت جابر عيزعل وانا مجدرش على زعل جابر واصل انا مصدجت أن ربنا لم شملنا شمس عندي كيف صالحه تمام.
شمس // ربنا يصبرنا على فراجه قطع بينا كلنا ياعمه والله كنت عحبه كيف ابوي تمام وغلاوته من غلاوته.
عزيزه // اه ياجلب عمتك ربنا يصبرنا على فراجه ويخلفنا خير في المصيبه اللي لاكانت ولا على البال ولا على الخاطر.
****************************
انتهت مراسم العزاء وانصرف الجميع ويصبح بعدها الفقيد في طئ النسيان لايتذكره الا محبيه. يتذكرون بالرحمه والدعاء وق اه القرآن والصدق فهنيئا لمن كان له محبين ومن تستقر غلاوته في قلوب الناس من يترك إثر طيب وسيره عطره لاينسى على مر الزمان.
في بيت الجبلاوي..
البقاء لله يا أدهم ابوك قطع بينا كلنا والله.
أدهم حياتك الباجيه ياخاله أمر الله ونفذ.
ناديه // فين عدنان اومال
أدهم // في حاجات بيخلصها وعياجي طوالي
داليا // البقاء لله ياادهم ربنا يصبركم.
أدهم// ونعمه بالله.
عزيزه // جوم يا ولدي ارتاح يومك كان طويل.
أدهم // حاضر ياعمه يبحث بعينيه في كل مكان عن ضالته المفقود فهو يعلم جيدا انها لن تتركه في تلك الظروف وحده وعلي يقين تام انها أتت إلى المنزل بعد أن عرفت خبر وفاه والده ولكنه لايراها هذا واقفا للصعود إلى غرفته بعدما ياس في العثور عليها فربما يجدها في الغرفه.
صعد إلى الغرفه وفتحها باحثا عنها فلم يجدها إصابتها خيبه امل للحظات محدثا نفسه معجول ياشمس تكوني مجتيش تحضري عزا ابوي عشان ايه يعني ايه اللي حصل عشان دا كله خلع عباءته والقاها بأعمال و القى الجلباب هو الآخر بضيق فرد طوله على السرير مغمضا عينيه ملستسلما للنوم محاولا أن يقاوم مراره مايشعر به لعدم وجودها بجانبه في هذه الظروف وترك الأفكار السيئه تجتاح عقله للدرجه دي هونت عليكي ياشمس بلاش اني ابوي مش غالي عليكي توصل انك مجيش عزاه ومتكونيش واجفه جنبي في الظروف دي دا انا كنت محتاجك جنبي جوي وفي لحظه شروده لايشعر بتلك التي تسللت عبر الباب وأغلقت بهدوء وخذت تلملم الهدوم التي خلعها أدهم ورماه وقامت بتعليق علي الشماعه وجلست على السرير دون أن يشعر بها وأخذت تهزه بهدوء حتى يستيقظ.
شمس // أدهم أدهم .
أدهم // فتح عينيه ولكن في مخيلته أن يحلم وهي تراوده في حلمه وليس في الواقع ينظر لها ويركز عينيه في عينيه كل هذا ويظن انه في حلم حتى شعر بيديها التي تهزه حت يستيقظ فامسك يدها بقوه كأنه يخاف أن تهرب منه شمس انتي اهنه من ميته.
شمس // انا لساني جايه صالحه كانت تعبانه شوي وانا كنت حداها.
أدهم // قصدي جيتي البيت ميته.
شمس // جيت من وقت ماعرفنا الخبر كان نفسي اشوفه واودعه.
أدهم // لما جيت ومالجتكيش مع الحريم فكرتك مجتيش.
شمس // معجيش ليه يعني لو مجتش عشانك عيبجي عشان ابو ي عبد المجيد كان غالي على جوي غلاوته من غلاوه ابوي جابر.
وضاح // وانا مش غالي عليكي عشان تجيني وتبجي جنبي.
شمس // طيب جوم دلوكيت انا جبتلك لجمه زمانك طول النهار مدوجتش الوكل.
وضاح // ماعيزاش اكل ماليش نفس.
شمس // لجمه صغيره عشان خاطري متنمش من غير وكل.
الحزن في الجلب البطن معتحزنش.
وضاح // وغلاوتك ماليا نفس للوكل لو جعت عجولك.
شمس //طيب جوم عطلعلك غيار وخد حمام عشان تنام مرتاح من تعب اليوم.
وضاح // والله ماجادر ياشمس جسمي مدغدغ من الوجفه طول النهار.
شمس // طيب اجيب لك غيار تجيل الجو برد.
وضاح // متتعبيش نفسك انا مش عايز غير حاجه واحده.
شمس // ايه هيه وانا اجيبها وجتي.
وضاح // كل اللي عايزه منيكي انك تاجي جنبي واخدك في حضني وانام.
شمس // عطل على صالحه.
وضاح // ماعيزاش تاجي انا اتوحشتك جوي ومحتاج لك جوي ياشمس انا لما دخلت البيت ومالجتكيش اتخنجت ومكنتش طايج نفسي وجولت الزاي تسيبني في ظروف زي دي ومتبجاش جنبي.
شمس انتي لساتك زعلانه مني.
شمس // خلاص يا وضاح انا مش زعلانه منيك.
وضاح // اقترب منها أكثر ومسك يدها وجذبها إلى أحضانه وشدد من أحضانه لها.
وحشتينى ياشمس انا محتاجلك جوي النهارده اكتر من اي وجت تاني.
انا خسرت ابوي النهارده خسرت اللي كان ضهرنا وسندنا كلنا تعرفي انه كان كل يوم بيسأل عليكي ويجوا انتي جاعده هناك ليه وكان عايز يروحلك بنفسه وخايف لكون مزعلك.
شمس // والله كان غالي على جوي وغلاوته من غلاوه ابوي.
انا خسارتي فيه النهارده متجدرش.
بجولة جوم ياله خد حمام على السريع وان عجوم احضرلك لجمه.
أدهم // ولاانا عجوم ولا انتي عتجومي تعالى اهنه وشدها إلى حضنه نامي بجي عشان انا ميت من التعب.
شمس // بعيد الشر عليك حاضر هنام.
______________________________اطياف راحله.
أظن كده الموضوع بقى مفيش أسهل منه اللي احنا كنا خايفين منه خلاص اتكل. كده انتي ضمنتي مفيش مخلوق هيقدر يمنع الجوازه خالتك معانا وفي صفنا وعدنان مكبر أدهم ومبيكسرلوش كلمه.
داليا // ليه انتي نسيتي العقربه هو أدهم بيعمل حاجه غير لما ياخد رأيها.
ناديه // ماليش دعو انتي تتصرفي وتخلي أدهم يكتب عليكي بأي طريقه بدل منتفضح.
داليا // بس لو خالتي تجمد معانا ونقف كلنا في وش عزيزه ديه هنخلوها تكره نفسها.
ناديه // خالتك هي خالتك دريانه بالدنيا من ساعه مجالها خبر جوزها ودي كل شويه يغمى عليه وبعدين اللي هيزعل عزيزه أدهم هيقفله ما انتي عارفه انه معندوش أغلى منها.
داليا // دا ايه الحظ ده هو احنا كل منحلها تتعقدليه اسمعي ياما ما انا ياقاتله يامقتوله في موضوع جوازي من وضاح انا مقداميش غير كده وكله الا ست زفته اللي رجعت دي كمان كانت ناقصها هي كمان مشفتيش وهو داخل البيت عينه كانت بتلف وتدور في كل حته وبيدور عليها انا مش عارفه ايه اللي حصل خلاه اتلق بيها كده انا هلاحق على ايه ولا ايه حاجه تقصر العمر.
هدي // والله معارفه انتوا ايه الراجل لسه دمه مبردش وانتوا قاعدين تفكروا وتخططوا لا وايه عايزين تطفشوا صحاب الحق وتقعد ا انتوا فيها زنبها ايه شمس واللي بتعمله فيها انتي وخالتي أعمال وسحر وشعوذه حرام عليكو اتقوا الله انتوا ايه موراكوش حاجه غير خراب البيوت ياماما حرام عليكي انتي معاكي اتنين اللي هتعملي في بنات الناس هيقع لهم.
ناديه // اخرسي خالص مش عايزه اسمع نفسك انتي عايز انا نسيب العز ده دا كله ومنخدش منه حاجه واحنا مش لاقين ناكل علشان خاطر الست زفته دي.
داليا // بقولك ايه إياك اسمع صوتك ولا اسمعك بتتكلم في الموضوع ده انتي تقعدي وسطينا متنطقيش بكلمه والا قسما بالله هسفرك مصر عند عمتك ما انتي طلعالها موضوع جوازي من وضاح دا موضوع منتهي لو هدوس فيه على أي حد لازم يتم لو هضطر اني اقتل حتى مش هتردد علشان اتجوزه هو ده الأمل اللي فاضلي فياريت محدش يقف في طريق علشان ميخسرنيش انا مش هقف اتفرج كل أحلامي بتضيع من بين ايديا علشان خاطر اي حد العقوبه الوحيده اللي كانت وشي خلاص الله يرحمه يبقى مفيش اي عقبه تمنع جوازي من وضاح...
تعليقات
إرسال تعليق