رواية أحببتها صعيدية الفصل الحادي عشر 11 نور الدين جلال

هجر ربما لانك لم تحاول الابحار فيها لتستكشف نجومها

احمد وماذا يجدي الابحار في سماء كهذة

هجر بالتاكيد لا يجدي عندما يصبح البحار مثلك لا يريد ان يري من البحر الا تقلباتة وامواجة دون ان يري ما يخفية من كنوز واسرار

احمد غامضة انتي اكثر مما ينبغي محاصرة باشياء لا اعرفها

هجر بل اشياء لا تستطع رؤيتها او حتي تخيلها

*******

انا الي تايه في ملكوتك وكانك عمل وعيونك دول سحر

.......................... ف العيادة ...................

* احمد بيفكر ف هجر وف كل اللي عملتة معاة مش قادر يبعد تفكيرة عنها ولا قادر يعرفاية المختلف فيها جت علي بالة اشواق واستغرب نفسة ما الاتنين من الصعيد ومعذلك قلبة مدقش ل اشواق ومكنش عايز يتجوز من الصعيد لكن هجر قدرت تختطف قلبة مع كل لحظة بتمر حبة ليها بيزيد مش بس جمالها اللي مالوش زي لكن شخصيتها وطريقتها وروحها اللي تخطف من اول لحظة

افتكر اللي عملتة معاة قبل ما يتصاب وازاي جرحتة ف ايدة بفتاحة الجوابات من غير ما يطرف لها رمش علشان مسك ايدها وبعدها بدقائق تنقذة من رصاصة وتعملة عملية خطيرة جدا ... بيحاول يفهمها ومش عارف هي ازاي ممكن تكون شرسة جدا كدة عنيفة وقوية وف نفس الوقت اللي حكهولة وجدي ونعمه يبين اد اية هي قلبها حنين وطيب. ... فضل يفكر فيها لحد ما حس بتعب ونام *

..................... الإسكندرية من ٢٧ سنة .............

.................. بيت الحاج سعد .................

كرم :: السلام عليكم يا ست الستات كيفك يا ست احسان انا چيت بالطلبات وكمان ل اجل اشوف وشك اللي زي البدر ف تمامة .

احسان :: ايوووو عليك يا كرم كفايا بكش كل ما تيجي نفضل تغازل فيا كدة يا راجل .

كرم :: وهو اللي يجول الحجيجة يبجا بكااش ؟

احسان :: يعني انتا شايفاني زي القمر يا كرم ؟

كرم :: ينجطع لساني لما تجول انك زي الجمر .

احسان :: شوف الراجل مش انت اللي بتقول ؟

كرم :: الجمر دة ولا يسوي ف چمالك وحلاوتك ياست الستات .

احسان :: يالهوووي علي لسانك اللي بينقط سكر طب ادخل اشرب شاي يلا .

كرم :: ماينفعش ياست الستات بردو الحاچ مش موجود والست چنة ممكن تضايج .

احسان :: هو انت غريب يعني يا كرم ادخل انا زهقانة لوحدي و الواد نايم و جنة عند اخواتها التانين بتروح تزورهم ٣ ايام ف الاسبوع الحاج سعد مقاطعهم بس مش مانعة منهم .

كرم :: اذا كان كدة ماشي يا ست الستات .

احسان شافت مع كرم اللي ملقيتهوش مع الحاج سعد كرم قدر يحسسها انها ست وقدر ياثر عليها وضغط علي اوتار حرمانها من الحنان والحب *

* كرم بقا كل يوم يروح لها البيت والحاج سعد مسافر وجنة بتبقي عند اخواتها طول النهار وبترجع قبل الليل ما بليل وبليل بييجي يقعد مع جنة علي السلم وقدر يقنعها تاخد مفتاح الشقة اللي تحت علشان يقعدو فيها ورغم انها كانت خايفة جدا الا انة قدر يقنعها *

الحاج سعد رجع وزيارات كرم ل احسان بقت قليلة لانة كان لازم يخترع عذر قوي علشان يسيب الشغل ويروح لها البيت لكن فضل مستمر علي زيارة جنة كل ليلة حتي مع وجود الحاج سعد قدر يسيطر علي جنة لدرجة انها بقت مش شايفة ولا سامعة غير كلامة هو وبس *

..... بعد فترة .وكرم ف البيت عند احسان لوحدهم...

احسان :: الحقني يا كرم انا ف مصيبة .

كرم :: مصيبة اية بس يا ست الستات ؟

احسان :: انا حامل يا كرم .

كرم :: يا الف نهار ابيض دة الحاج هيفرح جوي بالخبر دي .

احسان :: انت اتجننت يا كرم ولا انت متعرفش أن الحاج سعد ما بيخلفش ولا اية اللي ف بطني دة منك وانت فاهم كدة كويس ؟

كرم :: ايوة صوح كان جالس اول مرو جعدت معاة فيها .

احسان :: طب والعمل دلوقتي يا كرم ؟

كرم :: مفيش غير حل واحد بس ولازم توافجي علية .

*******

............الوقت الحاضر...

****** فلاااااااااش باااااااااااك ********

الحاج نعمان قاعد مع العمدة مصيلحي ف دوار العمدة وتليفون الحاج نعمان رن

الحاج نعمان :: الوو

هجر مغيرة صوتها :: الحاچ نعمان معايا ؟

الحاج نعمان :: مين بيتحدت ؟

هجر :: انا بت الچبل يا حاچ .

الحاج نعمان قام وقف :: وآية اللي يثبت ؟

هجر :: بأمارة الچميل اللي سامية جالتلك علية قصاد اللي عملتة معاك ودلوك وجتة الحاچ كرم باعت رچالتة يجتلو واحد غريب مش م البلد ولازم تلحجة وتخلية ف امان يا حاج نعمان الدار اللي جاعد فيها جمب دار علوان ابو جابر ف طرف ف الجيهة الجبلية .

الحاج نعمان :: ميتا الكلام دية ؟

هجر :: دلوك يا حاج نعمان ولازم تلحجة ولو مرضيش يچي معاك جلة بأمارة الشامة اللي ف دراعك وجولة يطمن عليا انا زينة وف امان .

الحاج نعمان :: ماشي يابتي انا هتصرف .

******* بااااااااااااااااااااااك ******************

...... البيت اللي فية معتز ............

* معتز قام يفتح الباب وهو مستغرب لانة مش مستني حد ومحدش يعرف مكانة غير هجر وهي تعبانه مش هقدر تيجي يبقي مين اول ما فتح الباب *

معتز :: حاج نعمان اهلا وسهلا اتفضل .

الحاج نعمان :: لا مؤاخذة ياولدي انتا لزمن ولابد تيچي معانا دلوك الدار هنا خطر عليك .

العمدة مصيلحي :: الغفر حاوطو المكان بس الامر مايسلمش حد يكون متربصلة ف السجر كدي ولا كدي هم بينا يا استاذ .

معتز :: انا مش فاهم حاجة ياجماعة ومين دة اللي هيتربصلي انا معرفش حد هنا من اساسة .

العمدة مصيلحي :: علمي علمك يااستاذ بس في حد بلغ الحاج نعمان أن في ناس جاية تقتلك وتسرق الفلوس اللي معاك .

معتز :: كلام اية دة يا حاج نعمان ؟

الحاج نعمان قرب من معتز وبصوت واطي مايسمعهوش غيرة :: بت الچبل بتجولك اطمن وتعالي معايا وبتجولك بأمارة الشامة اللي في دراعك .

* معتز كشف كم القميص بين للحاج نعمان الشامة وخرج معاة هو والعمدة مصيلحي والفغر بتوعة *

معتز :: هنروح علي فين دلوقتي يا حاج نعمان ؟

الحاج نعمان :: بص يا ولدي انت ضيف علينا ولازم نجومو بالواچب معاك ودلوك انت هتيجي معايا بيتي وتجعد فية لحد ما نطمنو أن الامور بخير .

معتز :: واجبك علي راسي يا حاج نعمان بس مايصحش اجي البيت واقعد فية كدة هضايق اهل البيت انا هنزل المركز ف اي حتة وااجر شقة هناك .

الحاج نعمان :: عيب يا ولدي الحديت دة حدانا الضيف بيبجي من اهل الدار وانا يا ولدي برد دين عليا ولو فيها موتي مفيش حد هيجربلك ابدا ومش هطمن عليك الا وانت وسط عيالي و تحت عنيا ف الدار .

معتز :: مش عارف اقولك اية يا حاج نعمان ولا اشكرك ازاي الحقيقى .

الحاج نعمان :: ماتجولش حاجة واصل يا ولدي وطمن بالك .

........................... ڤيلا كرم ......................

* هجر قاعدة ف اوضتها علي نار مستنية تطمن علي معتز وفتحة باب اوضتها علشان لو حصل حاجة تحت تسمعها بعد شوية سمعت ابوها بيزعق قامت بالعافية علشان تلحق تسمع بيقول اية

كرم :: يعني اييي الحاچ نعمان والعمدة بالغفر چم خدو الراچل .

مجدي :: والله ياحاچ زي ما بجولك كديي احنا كنا خلاص هنهچم علي الدار وفجاءة لجينا عربيات وجفت جدام الدار ونزل منها العمدة والحاچ نعمان ودخلو خدو الراچل وبجو محاوطينو من كل جيهة لحد ما ركب الغربية مع الحاچ نعمان ومشيو وفصلت وراهك لحد ما لجيتهم نزلو جدام دار الحاچ نعمان ونزل الحاچ نعمان بالراجل الغريب ودخلو الفيلا بتاعتة .

كرم :: الراجل دة واللي معاة كأنو مع بت المركوب بت الچبل داهية تاخدها وطالما الحاچ نعمان هو اللي جة خد الراجل يبجي هو اللي وراهم و ورا بت الچبل دي كمان ماشي يا نعمان انا وانت والزمن طويل .

* هجر اطمنت ودخلت اوضتها وقفلت الباب قبل الحاجة فاطمة ما تشوفها *

هجر بتفكر مع نفسها :: الحمدلله كدي اطمنت علي معتز مفضلش غير احمد يا خوفي ابزيايبعت حد يجتلو وهو راجد ف العيادة مهيجدرش يتحرك انا لازم اخف بسرعة علشان اكون جارة .

بدات تسأل نفسها هي لية خايفة علي احمد كدة ملقتش اجابة ف حاولت تشغل نفسها بالخطة بتاعتها وبعد كدة نامت *

.............................ڤيلا الحاج نعمان................

* الحاج نعمان دخل باب الڤيلا الكبير هو معتز ولقا عمر حفيدة بيلعب ف الجنينة ف قالة يدخل يعرف الحاجة امينة أن معاة ضيف وفعلا عمر دخل جري قال الحاجة امينة أن جدة معاة ضيف ف الحاجة امينة نبهت علي الحريم كلهم مفيش واحدة تخرج من اوضتها لحد الضيف مايمشي *

ومعتز دخل مع الحاج نعمان الڤيلا وقعدو سوا * .

الحاج نعمان :: اتفضل يا ابني بيتك ومطرحك .

معتز :: والله يا حاج مش عارف اقولك اية .

الحاج نعمان :: متجولش يا ولدي احناصعايدة ونعرفو الواچب زين .

معتز :: طبعا يا حاج داهل الواج والكرم .

الحاج نعمان :: ما بلاش الاسم المشندل دة وافتكرلنا حاچة عدلة .

معتز :: ماشي يا حاج اللي تشوف .

الحاج نعمان :: مش هتجولي بجا المخفي كرم ديي كان مشيع رچالتو يجتلوك لية ؟

معتز :: علمي علمك يا حاج انا زي ما قلتلك قبل كدة انا غريب مش من هنا وجاي اتفق علي محاصيل فاكهة وراجع بلدي .

الحاج نعمان :: بشوجك يا ولدي بس جولي اية علاجتك ب بت الچبل دي كانت جلقانة عليك جوي وجالتلي اطمنك عليها وانها ف امان .

* معتز سكت ومردش*

الحاج نعمان :: ماشي يا ولدي وانا مش هضايجك بسؤالاتي تاني ..

الحاج نعمان نده بصوت عالي :: يا حاجة امينة .

الحاجة امينة :: نعم يا حاچ اؤمر يا اخويا .

الحاج نعمان :: جولي للبنات يحضرو اوضة الضيوف حاكم الاستاذ معتز هيجعد حدانا كام يوم كديي لة مصلحة ف البلد هيخلصها ويتوكل علي الله .

الحاجة امينة بصت ل معتز بتفحص :: امرك يا حاچ هنچهزلة الأوضة البحرية احسن اوضة ف الدوار كليها هواها بحري يرد الروح .

الحاج نعمان :: علي ما الاوضة ما تچهز حضرولنا الوكل .

الحاجة امينة :: امرك يا حاچ .

*الحاجة امينة طلعت ل بناتها نعمة و اشواق وطلبت منهم يجهزو الأوضة وينضفوها كويس للضيف * ونزلت ل زينب واسماء مراتات عيالها طلبت منهم تجهيز الاكل للحاج والضيف اللي معا *

* بعد شوية الحاج نعمان اخد معتز ودخلو اتغدو ف اوضة السفرة وبعده طلع معتز اوضتة يرتاح *

الحاج نعمان :: ارتاح يا ولدي ومتجلجش من حاچة واصل اعتبر البيت بيتك .

معتز :: محدش يقلق وهو مع حد زيك والله طمني علي الدكتور احمد عامل ايي دلوقتي اعذرني انا مشيت ساعتها بعد ما اطمنت علية بس اتحرجت علشان انا غريب وسطيكم وكلكم عيبة .

الحاج نعمان :: متجولش كديي يا ولدي احنا كلنا هنا عيلتك وان شاء الله بكرة الصبح نروح نطمن علي الداكتور احمد .

معتز :: أن شاء الله يا حاج انا والله ارتحتلة من اول مرة شو فتة يمكن الظروف اللي قابلتة فيها مكانتش مناسبة علشان ساعتها كنت خابط بنت حضرتك الانسة اشواق بس والله كل عيلتك ناس محترمه جدا و ولاد اصول .

الحاج نعمان :: دة من اصلك وذوقك يا ولدي اسيبك ترتاح والصبح نروح للداكتور .

* خرج الحاج نعمان ونزل قعد تحت كأنو ولادة عصام وحسين جم من برة والحاجة امينة قالتلهم علي الضيف ودخلت معاهم للحاج نعمان *

حسين :: صحيح يابا الكلام دية انت چايب راچل غريب يجعد معانا ف الدار .

عصام :: الحاجة امينة بتجول انة دة اللي كان موچود ف العيادة معانا اللي جال انة خبط اختي اشواج جايبو لية يابا والبيت كلة ستات ومايصحش يجعد وسطيهم راجل غريب .

الحاجة امينة :: عصام عندو حج يا حاچ البيت كلة ستات وانتم بتبجو غايبين طول النهار ف اشغالكم ومايصحش يعني .

الحاج نعمان :: خلاص خلصتو حديت جاعدين تتحدتو ولا كأني عيل صغاير معارفش بيعمل ايي ولا بيجول اية .

الحاجة امينة :: جطع لساني يا حاچ جبل ما اجول كديي احنا عايزين نستفهمو مينيك .

عصام :: ايوووو يابا عايزين نفهم ؟

الحاج نعمان :: اللي لزمن تفهموة ان انتي يا حاچة امينة تراعي الضيف ومتخليهوش محتاچ حاچة واصل وانت يا عصام عايزك دلوك تچيب كام راچل من رچالتك اللي انت واثج منيهم يحرسو الدار .

عصام :: رچالة يحرسو الدار دي عمرها ما حصلت يابا فهمني بس فية اية ولا ناوي علي اية و اية اللي جالجك علشان تحرس الدار منيية ؟.

الحاج نعمان :: محدش لية صالح انتم تنفذو اللي جلت علية بالحرف واللي هيجصر فيكم ف حاچة حسابة معايا شديد .

* البيت كلة بقا مقلوب ومحدش فاهم حاجة والصبح الحاج نعمان بعت اشواق تخبط علي معتز وطلعت اشواق تخبط علي معتز اللي اول ما سمع صوتها اتنفض من مكانة وجري فتح الباب و اول ما شافها مبقاش عارف يتكلم يقول اية *

******

كان ساعتها هو ساكت

سحر عينها مبنجه

و اما فاق من بنج عينها

حس حاجه بتبهجه 

*********

اشواق :: ابويا بيجولك انزل افطور معانا الاكل چهز .

معتز :: هو انتي بجد واقفة قدامي؟

اشواق :: نعم واجفة جدامك ازاي يعني ؟

معتز :: مقصدش اعذريني لسة صاحي ولسة مفوقتش .

اشواق :: بعد اذنك يا استاذ احسن ابويا يستعوجني .

معتز :: شكرا اتفضلي وانا هنزل حالا .

............................... ڤيلا كرم ..................

كرم :: نورت يا دهشان .

دهشان :: الدار منور باصحابة يا كرم .

كرم :: جولي بجا عايزني ف ايي ومهينفعش فالتلفون ؟

دهشان :: الشغلانة الچديدة كبيرة ومحتاچك تبجي صاحي ومتكررش اللي حصل المرة اللي عدت ومحدش يشم خبر بالحكاية خالص .

كرم :: متجلجش يا دهشان انا مئمن كل حاچة ؟

دهشان :: المرة اللي عدت البية الكبير لم الموضوع وانت مچتش ف الصورة لكن المرة دي هيحتاچو كبش فداء وانت لو غلط هتشيل الليلة كلها لوحدك ف سوي خلافاتك مع اللي ممكن يكونو بيدعبسو وراك علشان نفوج للمصلحة دي .

كرم :: ماشي يا دهشان انا هتصرف الظاهر لزمن يشوفو الوش تاني .

دهشان :: انت حر يا كرم انا عملت اللي عليا وحذرتك .

كرم :: ماشي يا دهشان تسلم وان كان اللي بينخرب ورايا ف انا عرفت هو مين وناوي احزنة اللي باجي من عمرة علي عيالة واحد واحد .

* مشي دهشان وهجر كالعادة واقفة ورا شباك اوضة المكتب اللي بيطل علي الجنينة وسمعت كل اللي اتقال وطلعت اتسحبت علي اوضتها وقعدت تفكر ف اللي سمعتة وهي هتتصرف ازاي لحد مانامت بعد المجهود اللي بذلتة والعلاج اللي بتاخدة قووي جدا وبينيم *