رواية نبضات القلب الفصل الحادي عشر 11 بقلم دينا صابر

سيف : الغدا جهز و لا لسه مستعجل و عايز امشي

هدي بتوتر : ثواني بس و هيبقي ع السفره

سيف و هو بيبص ع هدي من فوق لتحت هو ملاحظ من فتره انها خست جامد و باين عليها الارهاق و مع ذلك مبين انه مش مهتم

صمت ع السفره

هدي و هي متوتره : كنت حابه اتكلم معاك ف موضوع

سيف بحده : وانا مش عايز اتكلم ف حاجه

هدي : بس انا عايزه اتكلم

سيف بقله صبر : هااا موضوع اي

هند : كان ف اعلان ان شركه ...... طالبه مواظفين ل... فانا كنت حابه ان اشتغل و الوظيفه كويسه ف كنت بطلب منك انك توافق اني اروح اقدم

سيف بعصبيه : لا مفيش شغل

هدي : ليه انا مخلصه كليه و تقديري كويس

سيف : هدي انا قلت كلمه صح مش عايزه اقررها تاني

هدي بانهيار : انت بتعاملني كدا ليه ولا اه صح انت مش بتتعامل معايه اصلا زي ما قلت لي قبل ما تتجوزني زيي زي الخدامه مليش لازمه تانيه و لا ليا راي انا عايزه افهم انت هتفضل تعاقبني لحد امتي ع فكره انت ظالمني و ظالمني اوي كمان انا مليش ذنب ع فكره انا الضحيه انا اللي اتخدعت و انا اللي اعتدو عليا بطريقه بشعه ذنبي اي انا عشان تعاملني بجفا كدا انا بعترف اني غلط ف اني كلمته و اني رضيت اخرج معاه بس مستحقش العقاب الطويل دا مستحقش المعامله دي انت مكنتش كدا انا بجد تعبت

ادهم و هو مصدوم من كلامها و انهيارها بالشكل دا قال بعد صمت بهدوء : سبيني افكر ف موضوع الشغل دا

هدي بدموع : سيف قولي انت هتفضل كدا لحد امتي هو مش انت كنت بتحبني اي اللي حصل

سيف بحده : انتي قولتيها كنت بحبك الوقتي لا

هدي بعياط : تمام فكر ف موضوع الشغل و ارجوك متتاخرش و دخلت اوضتها تكمل عياط

سيف بتنهيده و زعل من كلامها هو مش فاهم هو ليه بيتعامل معها كدا هو بيحبها بس مش عارف سبب بعده دا زعلان ع انه سبب فف وجعها و عياطها دا عمره ما كان يتمني دي تبقي حياته معاها هو طول عمره بيحلم بحياته الهاديه اللي مليانه حب مع حبيبت فوائده هدي اي اللي حصل هو مش فاهم كل اللي فاهمه ان المفروض يحاول ميخنقهاش

..................................................................

فاطمه : يعني هتتاخر ف السفريه دي كتير

فارس و هو بيحضنها : مش كتير اوي 4 شهور بس و هاجي

فاطمه : 4 شهور و مش كتير

فارس : انتي عارفه السفريه دي مهمه جدا و هتعليني ف الشغل جامد

فاطمه بتنهيده : بس انت عارف يا حبيبي اني مبعرفش اقعد لوحدي و انك بتوحشني بسرعه اعمل اي طيب

فارس : معلشي يا حبيبتي استحملي صدقيني هحاول اكثف الشغل بحيث اعرف ارجع بسرعه و مقعدش الاربع شهور كلهم تمام اهم حاجه انك تاخدي بالك من نفسك كويس و من البيبي و تهتمي بصحتك

فاطمه : متقلقش عليا يا حبيبي المهم انت فارس انت اهم حاجه عندي اهم حتي من نفسي فاااهم

فارس و هو بيبص عليها جامد هو مكنش هيسافر السفريه دي كانت لزميل و هو اللي طلب يسافرها مكانه عشان يحاول يبعد عايز يفكر كتير و يضبط افكاره و يشوف حل لقلبه دا

فارس و هو بيحضنها : فاااهم

و سافر فارس .....

__________________________________________

حياه و هي بتدي لحسام جرعه الدواء

حياه : حاول انك تتقبل الوضع و تستسلم صدقني دا كويس ف مرحله العلاج انك تبقي مقتنع و ساعدني عشان تقصر مده علاجك و تخف بسرعه

حسام بتكبر : انا كويس مفيش حاجه و مش عايز اتعالج انا انا عجبني كدا

حياه : انا نفذ التعليمات وبس

حسام بحده : و انا هفضل اشوفك هنا كتير

حياه : طول فتره علااجك انا موجوده انا هنا المشرفه ع حالتك

حسام بغرور : لو كان كدا فا انا هحاول اتعالج بسرعه عشان مشوفكيش تاني

حياه بتنهيده : اتمني ذلك

حسام بتكبر : و انت بقا معندكيش اهل سايبينك كدا تروحي تعالي الشباب ف شققهم عادي كدا

حياه و الكلام ضايقها و زعلها جامد اول مره حد يكلهما كدا : حضرتك انا مسمحلكش ابدااا انك تكلمني بالاسلوب دا او تقول لي الكلام دا ثانيا انا مش بروح للمرضي شققهم ع طول و كمان لو روحت فانا بروح لشغلي انا بمارس مهنتي و بعدين الكلام معايا يبقي بحدود مسمحلش ابدا تغلط فيا حتي لو تحت كلام خفي

حسام بتكبر: انا اقول اللي انا عايز اقوله انا حر

حياه بضيقه : لا مش حر طول ما بتتكلم معايا مش حر تاخد بالك من كلامك معايا كوبس اوي انت لا تعرفني و لا تعرف حاجه عني يبقي مترميش كلام و السلام

حسام بعصبيه : اطلعي بره

حياه : يكون احسن

……………………………………………………

ف مكان تاني بعيد شويه مجموعه من الضباط و العساكر المحترفين بيحاربوا فساد البلد

احمد و هو ببيضرب نار بقالهم 3 ساعات بيحاولوا يوقفوا ضرب النار المقابل ليهم و اخيرااا تم القبض ع 3 تجار اعضاء و مخدرات ف مصر

احمد و هو بيكلم نادر صاحبه و كل واحد متجهه لعربيته

احمد: اخيرااا هروح انااام

نادر بضحك : انت مش فالح غير ف النوم انا بقا هاخد اجازه عشان الحق اتجوز

احمد : هو ف احلا من النوم روقان بال يا عم

ركبوا كل واحد عربيتهو هو فرحان ان المهمه انتهت بنجاح

دقايق و احمد حس بحركه ف شنطه العربيه مسك مسدسه و وقف العربيه و هوووب فتح شنطه العربيه و بيصوب المسدس

صريخ و صويت يسمع اخر الشارع

بنوته قمه فالرقه و البساطه عماله تعيط و ترتعش

احمد بزعيق : انتي مين انتي يا بت و بتعملي اي ف شنطت عربيتي و اي اللي خرجك ف اليل كدا انطقي

_وهي عماله تعيط : انا مليش دعوه هما اللي خطفوني و انا هربت منهم و ملقيتش مكان استخبه فيه ف جريت ع عربيتك و حظي ان لقيت الشنطه مفتوحه

احمد بنفس نبره الحده:وانتي اسمك اي و منين

_ برقه : اسم شروق من ……

احمد بهدوء غير معتاد عليه قال : تمام تعالي معايا اوديكي للقسم عشان يروحوكي

شروق بعيااط : بس انا جعانه

احمد برفعت حاجب : نعم

شروق بحمحمه: احم بقول جعانه عايزه اكل

احمد : وانا القيلك مطعم انا فاتح الوقتي فين

احمد اخدها ع مطعم فاتح بعد ما طلع روحه و اكلت و هو مركز معاها من طريقه اكلها السريعه و بعدين سلمها القسم و طلع البيت يناااام

____________________

عدي ع ابطالنا شهرين :

__________________

حسام بدا يتعافي واحده واحده بمساعده الممرضه الخاصه بيه حيااه

حياه وهي بتكلم صاحبتها : انتي عارفه يا نهي حاسه اني بدات احبه اول مره احس الاحسيس دي

نهي : طيب و دي حاجه حلوه انك تحبي حدا انتي مدايقه ليه اعترفيله بحبك

حياه بتنهيده : انتي بتهزري يا نهي هو فين و انا فين مستحيل يفكر فيا او حتي يعتبرني حاجه او يشوفني حتي انا بالنسبه ليه مجر ممرضه

نهي بدفعه من الامل : حياه كلنا بشر مبقاش ف حد بيفكر ف الزمن دا بالطرقه اللي انتي بتتكلمي عنها دي حياه الحب مفهوش غني او فقير

حياه : لا مستحيل اعترف له انتي ناسيه اني يتيمه و معنديش اهل و هو غني و من عيله كبيره يعني لو حبني اهل مش هيرضوا بلاش ابني امال ع الفاضي كلها فتره هتعدي و و هتخلص فتره علاجه و مش هنشوف بعض تاني ثم ان ممكن يكون دا بس تعود عشان بشوفه كتير

نهي بتنهيده : اللي انتي حباه اعمليه

حياه : هو اصلا مغرور و متكبر مستحيل يبصلي انا اساسا ازاي فكرت التفكير الاهبل دا و ان انا بحبه و بتاع مفش الكلام دا المهم قوليلي اي اخبار مازن معاكي

نهي : هييييييح مازن دا قمر اوي يا حياه و بحبه اوي و هو ولا هناااا حاالص و عمال يضحك مع دي و يهزر مع دي و انا بولع ف مكاني و معرفش افتح بقئ هو بس لو يحس بحبي ليه كان زماني اسعد انسانه ف الدنيا انا اصلا بفكر اقوله و اللي يحصل يحصل اخره اي يعني لو ادايق اوي يطردني عادي و لا يهمني المهم ابقي عرفته اني بحبه و هو عليه الاجابه بقا اصل انا زهت 3 سنين عماله احبه ف صمت و اقول الوقتي هيحس و هو جبله مبيحسش و لا حتي بيفهم و عمال يصاحب دي و يحب ف دي شويه

حياه و هي بتضحك ع حال صاحبتها : والله انتي هبله انا قلت لك من الاول مازن دا لعبي و بتاع بنات فكك منه و انتي قلتي لا بحبه يا حياه مسيره يعقل يا حياه اهو يا ستي 3 سنين و هو زي ما هو لا بيعقل و لا خد باله منك

نهي و هي ع وشك العياط : ما هو جبله يا حياااه يوووه بقا انتي بتقلبي عليا المواجع ليه تعالي ننم ف البت ساره شويه هي اللي والعه معاهااا خااالص

حياه بضحك : اه و الله عندك حق ماشيه معاها زي السكينه ف الحلاوه و عماله طول ما هي ف الكافيه تحب ف مصطفي

نهي و هي بتمسح دموعها وبضحك : اه والله انتي بتبولي كدا و انتي بتشتغلي بعيد عننا انا اعمل اي بقا و انا معاهم ف نفس المطان دا انا لما بشوفهم بيجيلي جفاف عاطفي ربنا يتمم لهم ع خير و يتجوزوا بقااا اصل انا زهقت و عايز احضر فرح و البس و اتشيك كدا و ابقي مزااا

حياه : يااارب و بعدين اي يا نونا خليك واثق ف نفسك يا قمر انت

نهي : اتنيلي يا حياه انا واثقه اهووو اما نشوف اخرتهااا

___________________________________

امير و وتين قاعدين ف الصاله

وتين : امير عشاني عايزه اشتغل اي حاجه انا بزهق بسرعه اوي بص مشي السكرتيره الرخمه اللي عندك دي و انا ابقي السكرتيره بتاعتك والله دا انا شاطره خاالص

امير باستغراب : امشي السكرتيره ازاي يا توتا و هي معملتش اي حاجه تضر الشغل و شاطره جداا ف شغلها دا غير انها فاهمه هي بتعمل اي و ...

وتين بمقاطعه : يوه بقا يا امير دي رخمه و مش عجباني خااالص و بدلع و هي بتعمل انها بتعدل ياقه القميص هو انت مش عايزني ابقي معاك ف الشغل ولا اي

امير و هو فهم مغزي الحوار و فهم انها غيرانه و قاصد يضايقها : مش حكايه مش عايزك تبقي معايه لا الحكايه انها ملهاش ذنب اقطع اكل عيشها ليه و هي شاطره ف شغلها و شيك ووجهه للشركه

وتين بغيره و هي بتضرب كتف امير : هي مين دي اللي شيك دي دي دي بلدي اوي كمان و انت متمدحش حد ف الدنيا غيري فاااهم

امير بضحك : احبك و انت غيران يا روحي بس بجد يا توتا بقا السكرتيره بتاعتي بلدي حرام عليكي

وتين بغضب : اه بلدي و بطل بقا شوف حل لاني هاجي اشتغل معاك

امير بضحك و هو بياخدها ف حضنه : انتي مش عايزاني اركز ف الشغل بقاا

وتين ببلاهه : ليه بتقول كدا

امير بحب : انتي عاؤزاني ابقي شايفك قدامي و اركز ف حاجه غيرك معرفش

وتين بكسوف : امير

امير ضحك جامد