رواية أحببتها صعيدية الفصل العاشر 10 نور الدين جلال

* جاء ميعاد القاعده بالليل والضيوف وصلوا واستقبلهم الحاج سعد وكرم كان معاة بدوء الكلام الودي والتعارف والعريس بدا يعرف عن نفسه وعن ظروفه والحاج سعد طلب من كرم يجيب حاجه للضيوف يشربوها كرم راح المطبخ ل احسان لقاها واقفه ورا الستاره بتسمع بيقولوا ايه في القاعده طلب منها عصير للضيوف دخلت حضرت العصير وطلعت بالصينيه وهو بياخذها منها مسك ايدها جامد وبصلها اووي ف عن هي سحبت ايدها بسرعه وهو راح بالصينيه للرجاله علشان يثدملهم العصير *

الحاج سعد بدا يتكلم :: انا عايز اختي تعيش جاري ولو العريس ما عندزش مانع يسكن هنا في البيت ياخد الشجه اللي في الدور اللي فوج .

العريس وشة اتغير وقال :: ازاي يا حاج احنا مش هنسكن هنا .

الحاج سعد :: وماله يا ولدي شوف مكان جريب من هنا المهم يكون مش بعيد .

العريس :: لا يا حاج انا هتجوز واخد مراتي واسافر الكويت .

الحاج سعد :: ازاي يا ولدي ما حدش جال لي الكلام ده ابوك ما جليش ان انت هتسافر تاخذ مرتك معاك .

ابو العريس :: فيها ايه يا حاج سعد الست تروح مكان ما جوزها يروح في اي مكان .

الحاج سعد :: الا اختي دي روحي فيها وانا ما اجدرش اسيبها تسافر وتعيش بعيد عني .

ابو العريس :: يعني ده اخر كلامك يا حاج .

الحاج سعد :: ايوه يا حاج كل شيء قسمه ونصيب وان شاء الله ربنا يكرم ابنك باللي احسن من اختي 100 مره .

* الضيوف قاموا ونزلوا من غير حتى ما يتغدوا

الحاج سعد :: انا لو كت اعريف ان هو عايز ياخدها ويساافر انا ما كنتش وافجت اجابلهم من اساسة

كرم :: يلا اهوم غارو ف داهيه يا حاچ ربنا يكرمها بسيد سيده

الحاج سعد :: يسمع من بجك ربنا يا كرم والله يا ولدي اتجدم لها كتيير بس انا اللي رفضتهم كلهم علشان مش عايزها تبعد عني واصل

كرم :: ربنا يخليهالك يا حاچ ان شاء الله تچوزها وتفرح بها و بولادها كمان .

الحاج سعد :: انا مسافر كمان يومين اتفق على بضاعه وهجعد كام يوم ولا اسبوع وعايزك تاخد بالك من الشغل والاهم خذ بالك من البيت في غيابي وتجضي كل طلباتهم مش عايزهم يحتاجو حاچة واصلة.

كرم :: اطمئن يا حاج في عيني الشغل هيمشي كئنك موچود تمام وان كان على البيت دول ااهلي يا حاج افديهم بروحي والطلبات من جبل ما يطلبوها تكون حاضرة .

الحاج سعد :: اصيل يا كرم .

* وجاء ميعاد سفر الحاج سعد بعد ما اسافر كرم راح البيت بحجه انة يشوف طلباتهم ومحتاجين ايه *

فتحت له جنه واول ما فتحت الباب قال لها :: اخيرا شوفتك يا چنة داني كنت هتچنن واشوفك الدنيا كت مضلمه في عيني من ساعه ما غاب عني وشك اللي زي الجمر ده .

جنة :: كيفك يا كرم ؟

كرم :: انا مهكونش زين الا لما تطمنيني عليكي ياست البنات .

جنه مكسوفة :: زينه كرم دائما يا ست البنات .

كرم :: اهو انا دلوكت بجيت في احسن حال بعد ما كنت تعبان واجدر اهد چبال بيدي دي طالما شوفتك زينة يا ست البنات .

جنه مكسوفة :: وايي بس اللي كان تاعبك يا كرم ؟

كرم :: وهو في حد عاجل يا چنة يشوف عينيكي ديي ويتحرم منيهم ويبجي مش تعبان .

كرم :: بالله عليكي ما تكسري بخاطري ف طلبي دة انا هاجي بليل بعد الست احسان ما تنام نفسي اتحدت معاكي وهستناكي هنا ع السلم نجعدو ونتحدت شوية واهو البيت محدش غريب بيدخلو والحاج سايبلي زسخة من مفتاح البيت .

جنة :: مجدرش اعمل كدة يا كرم .

كرم :: انا هاچي وهستناكي وانتي براحتك تخرچي او ماتخرچيش انا هفضل مستني للصبح .

جنة :: معرفاش يا كرم بكفايا كلام دلوك احسن احسان تطلع دلوك وتسمع هتجول اية

كرم :: طب والنبي ندميلي عليها ل اجل الطلبات واللوازم بتاعة البيت .

* دخلت جنة تندة احسان وهي بتحاول تداري سعادتها وكسوفها وخرجت احسان ل كرم علشان تكتبلة ورقة الطلبات *

احسان ينفع يا كرم اللي عملته ليله القاعده ده يا كرم ؟

كرم :: ح جك عليا يا ست الستات بس والله اول ما بشوفك مبجدرش امسك روحي سامحيني يا ست الستات انا ما شفتش في الدنيا دي ست في چمالك .

احسان :: ايووووو يا كرم مش هتبطل بقى البكش ده بتكسفنى كده هتعود على كده .

كرم :: ديي دي وماله يا ست الستات من حج ال جمر يتغر .

احسان:: اللي قولي يا كرم انت ليه متجوزتش لحد دلوقت .

كرم :: مكنتش شوفت ف الدنيا ستات يعجبوني بس الصراحه من ساعه ما شفتك وانا جلت مش عايز من الدنيا غير واحده زي الست احسان تكون جمر كده ما فيش زيها تاني بس اعمل ايه لو لفيت الدنيا كلها مش هلاجي ست زيك .

* خرج ابنها الصغير يندهلها وخرجت وراة جنة ف كرم قالها خلاص يا ست احسان لينا حديت تاني علي روحة *

بليل كرم جة وفتح البااب الرئيسي. للبيت لان البيت كانت ٣ ادوار كل دور فية شقة وفضل قاعد مستني علي السلم لحد قرب الفجر لقا الباب بيفتح بالراحة وجنة بتبص منة *

كرم بصوت واطي :: اخيرا ياست البنات حنيتي عليا وطلعتي علشان تفرحي جلبي بشوفت الجمر .

جنة خايفة جدا ومرعوبة حد يصحي :: خلاص يا كرم امشي بجا الا احسان تصحي وتشندل حالي وتجول ل اخويا .

كرم :: مش همشي الا اما اتحدت معاكي اجفلي البا براحة وتعالي اجعدي هنا جاري .

جنة عملت كدة وجت قعدت قريب منة مش جمبة :: جولي ياكرم عايز اييي مني انا عمري ما خبيت علي اخويا او علي احسان حاچة واصل والخيبة كمان طالعة وش الفجر وجاعدة مع راجل غريب علي السلم .

كرم :: يا چنة انا عشجتك من اول ما شوفتك ولو ترضي ياست البنات هستني لما اظبط حالي واطلبك من الحاچ سعد .

جنة اتكسفت ومبقتش عارفة تتكلم :: بچد يا كرم ؟

كرم :: جد وچداني كمان بس انتي توافجي جلتي اييي ؟

جنة اتكسفت ومردتش

كرم :: يبجي موافجة .

..............................................................

* هجر فاقت وبتحاول تقوم علشان تمشي*

معتز :: انتي عايزه تقومي فين دلوقتي مفيش مشيان الا لما تقومي بالسلامه .

هجر :: مهينفعش اتاخر اكتر من كدي حاكم حد ف البيت ممكن ياخذ باله اني مش موجوده البنت ساميه كانت هي اللي بتداري عليا بس دلوك الامر مايسلمش يمكن الحاجه فاطمه تكون عايزاني في حاجه تطلع تشوفني .

معتز :: طب استني شوية كمان ارتاحي .

هجر :: ابويا دلوك مشغول باللي حاصل ف البلد لازم اروح البيت دلوك .

معتز :: طب ولما ابوكي يشوف انك متصابه هتقولي له ايه ؟ .

هجر :: ابويا مهيطلعش اوضتي واصل و لو حصل وطلع انا مهجومش من السرير واجولة تعبانه شويه .

معتز :: انتي لازم توقفي اللي بتعملية انا مش مستعد اخسرك يا هجر .

هجر :: جلتلك م الوالال أن الطريج طويج وانت مهتجدرش تكملة للاخر .

معتز :: احنا اتفقنا نكمل للاخر بس انا مش هسيبك تضيعي مني يا هجر .

هجر :: اللي ياخد العهد علي روحة لازمن يكمل الطريج ل اخرة ومايمنعوش غير الموت وطول ما انا فيا نفس هكمل للاخر

معتز :: ماشي يا هجر انا عارف دماغك ناشفه ومش هتعملي غير اللي انتي عايزاه .

* وبدا معتز يقوم هجر واخذها على العربيه بتاعته وروح بها قرب الفيلا بتاعه كرم ونزلها وراء الفيلا المسافه قريبه وهي نزلت ومشيت لحد الباب الوراني ودخلت طلعت اوضتها

................... العياده ..................

* بليل احمد فاق من البينج والدكتور وجدي سمح لهم يدخلوا يطمنوا عليه الكل دخل الا اشواق فضلت واقفه بره الاوضه ومدخلتش معاهم *

الحاج نعمان :: قولي يا احمد حصل اية وعيت للي طخك يا ولدي ؟ .

احمد :: والله يا عمي انا مش عارف حصل ايه انا كل اللي انا فاكرو انتي كنت ف العياده وخارج علشان في مريضه حالتها خطيرة وبعد كده مش فاكر حاجة تانيه .

الحاج نعمان :: خلاص يا ولدي ارتاح انتا وماتتعبش روحك اني هتصرف .

احمد بص لنعمه والدكتور وجدي :: امال فين جنه ؟ .

* وجدي حكايه له اللي حصل بالتفصيل وكل اللي عملته كل اللي هي عملته من ساعه ما اتصاب لحد ما خلصت وخرجت من العمليات احمد ما كانش مصدق الكلام ده وطبعا نعمه اكدت كلام الدكتور وجدي *

احمد :: طب هي فين دلوقتي ؟ .

الحاج نعمان :: محدش عارف يا ولدي هي بعد ما خرجت من عندك وطمنتنا عليك و غيرت هدومها كلنا اتلهينا من الفرح انك بجيت بخير

وهي اتسحبت من وسطينا ما حدش عارف راحت فين .

احمد وازاي سبتها تمشي بعد اللي عملته معي ده يا عمي دي انقذت حياتي .

الحاج نعمان :: والله يا ولدي ما حد اخد بالة خالص كنا كلنا مشغولين عليك ومحدش ياخذ باله منها هي ماشيه الا جولي يا ولدي هو انت تيعرف عنها ايه البت دي ؟ .

احمد :: والله يا عمي انا ما اعرفش عنها حاجه خالص غير اللي قالة العمده انها كانت ممرضةف المستوصف اللي ف البلد اللي جنبنا ولما كلمته من كام يوم بسألو عليها تاني و يعرف عنها ايه بالضبط قال لي ما يعرفش غير اللي قالهولي قبل كدة وان اللي جابها هو الست اللي شغالة عندة وحتى دي ما تعرفش حاجه دة واحدة صاحبتها اللي قالت لها عليها انها بنت غلبانه وعايزة تاكل عيش .

الدكتور وجدي :: مش معقوله دي تكون ممرضة عاديه في مستوصف في قريه ف الصعيد دي كانت بتتعامل كانها دكتوره محترفه عملت الف عمليه قبل كدة .

عصام :: انا لحد دلوكت مافهمش ازاي بت تعمل كل دية يا داكتور وچدي .

الدكتور وجدي : الطب مش بالسن يا عصام دي دراسة وموهبة من عند ربنا .

الحاج نعمان :: يوضع سره في اضعف خلجه وبكره كل حاجه هتبان بس دلوك لازم ن ولابد اعرف البت دي فين اراضيها فين وجاعدة فين وانتي يا بت يا نعمة اول ما تاچي ف اي وجت تضربي على تلفون البيت علشان اجي مخصوص اجعد معاها .

نعمه :: حاضر يابا اللي تؤمر به .

وجدي :: ممكن يا جماعه نخرج كلنا دلوقت نسيب دكتور احمد يرتاح شويه

............. ڤيلا الحاج نعمان تاني يوم الصبح ...............

* نعمة و اشواق قاعدين سوا بيتكلموا *

نعمة :: بس بجولك ايي يابت يااشواج الجدع اللي چيتي معاة امبارح دة اللي خبطك جبل سابج طول مهو واجقف مشلش عينة من عليكي كأيوانة مش شايفنا كلنا موچودين

اشواق :: انتي ف ايي ولا ف ايي بجا احنا كنا ف مصيبة وانتي رايحه تشزفي مين بص ومين مبصش وبعيدن ماهو اول ما الست چنة هانم مشيت هو كمان مشي كأيوانة كان چاي عشانها .

نعمة :: تفتكري يا بت بس الشهادة لله يا بت انا ف الاول مكنتش طايجة اللي اسمها چنة دي وكنت فاكرو بت جاية تاكل عجل احمد واد عمي شهادة ربنا البت طلعت ب ١٠٠ راچل ده انا خفت على الداكتور وچدي منيها لو شوفتيها يا بت وهي بتتكلم مع الداكتور وچدي جلبها كان مخطوف علي احمد كأنو منيها مش غريب عنييهاا .

اشواق :: ما بكفاياكي حديت عنيها يا نعمه مش عايزة اعريف حاچه واصل

نعمه :: يوووة يا اختي يجطعني انا كنت عايزة اطمنك علي احمد واحكيلك اللي حوصل جبل ما تاچي العيادة .

اشواق :: اني دخلت ل احمد امبارح اطمئن عليه وكان عمال يخاترف باسمها وينادي عليها ويجول مش عايزها تزعل منية تاني .

الحاجة امينه فتحت الباب ودخلت في نفس اللحظه :: هي مين دي يا بت انتي وهيا اللي في بيخاطرف ب اسمها وينده عليها دي ؟؟ .

* اشواق ونعمه سكتو ومبقوش عارفين يقولوا ايه *

الحاجه امينة :: طب يمين بالله لو منطقتم لكون مطينه عيشتك منك ليها .

* اشواق حكيتلها على اللي حصل لما دخلت ل احمد *

الحاجة امينه :: اللي بتجوليه ده واللي نعمه جالته امبارح معناه ان في حاچه بينهم .

نعمه ::حاچه زي ايه ياما .

اشواق :: يعني معرفاش حاچه ايه ؟.

الحاجه امينه :: خلاص ملكوش صالح بالموضوع ده من اساسة وانتي يا اشواج مش كنا قفلنا السيرة دهي واتفجنا أن خلاص فضيناها ايه اللي دخلك لحد عنده ؟ .

اشواق :: ياما احمد مهما كان ابن عمي واچب اطمن عليه .

الحاجه امينه :: ابن عمك بس ولا لسه في حاچه من ناحيته ؟ .

اشواق :: خلاص ياما مبجاش في حاجه ينفع تتجال بعد اللي احمد جالو .

الحاجة امينه :: عين العجل يا بتي يلا جومو چهزو الاكل والفراخ المسلوقه علشان نوديهم ل احمد في العياده و اعملو حساب الداكتور وچدي في الاكل .

.............. في العياده ...............

* حسين كان بايت طول الليل في العيادة مع احمد و وجدي الصبح جة عصام قبل ما يروح يفتح المحل بتاعه يطمئن على احمد بعد شويه الحاج نعمان جة هو كمان يطمن علي احمد *

الحاج نعمان :: كيفك النهارده يا ولدي طمني عليك ؟ .

احمد :: الحمد لله يا عمي بخير .

الحاج نعمان :: طيب يا ولدي انا هاروح للعمده مصيلحي اطيب خاطرو حاكم هو زعلان مني من امبارح .

احمد :: لية ياعمي دة انتو اكتر من اخوات ؟.

الحاج نعمان :: احنا مرضناش نبلغ الحكوومة علشان نعرف مين اللي طاخك وناخد بتارك وهو انخانج معايا وزعل مني عشان حلفت ل اجاطعو ل يوم الدين لو بلغ .

احمد :: انا من رائي زي العمدة لازم نبلغ الشرطة وهما يعملو تحرياتهم ويعرفو مين .

الحاج نعمان :: عيبة ف حجنا يا ولدي الناس تجول معرفوش ياخدو حج الداكتور واتخامو ف الحكوومة تجيبهلهم من اللي عايز يجتل الداكتور .

احمد :: بس انا ماليش اعداء يا عمي علشان يبقي حد عايز يقتلني دي اكيد رصاصة طائشة .

الحاج نعمان :: كلة هيبان ياولدي هروح انا البلد مجلوبة بيجلولو واحد اتجتل .

احمد :: ودة مين دة يا عمي هو امبارح كان حد داير يقتل ف فالناس ولا اية ؟.

الحاج نعمان :: دة واحد من كلاب الليل اللي شغالين مع الحاج كرم .

احمد :: ومسكو اللي قالو ولا اية معرفوش ؟.

الحاج نعمان :: بيجولو بت الچبل هي اللي جتلتة والحاج كرم عارض ١٠ تلاف چنية للي يدل عنها .

احمد :: طب وهي محدش يعرف حصلها اية ؟

الحاج نعمان :: وانتا تعرفها منين علشان تسأل كدي انت حتي مجولتش هي مين ؟ .

احمد :: مفيش ياعمي انا بسمع عنها من الستات اللي بيجو يكشفو واعرف انها بتساعد الغلابة علشان كدة سألت حصلها اية وبعدين واحدة زي دي بتساعد الناس تقتل واحد زي دة لية ؟

الحاج نعمان :: وانا عند رايك يا ولدي الست دي عملت معايا معروف يبين انها جدعة .

احمد :: معروف ايية دة يا عمي اللي عملتة معاك انت تعرفها ؟

الحاج نعمان :: اهو معروف. وخلاص متشغلش بالك انتا واني معريفهاش ولا شوفته دي بعتتلي مرسال بس .

............... ڤيلا كرم ..................

* واحد من رجالة كرم *

مجدي :: الحج يا معلم كرم في واحد برة بيجولو انة شايف ناس غريبة بيسندو حد متلتم بينها بت الچبل وبيجولك انها كانت بتنزف وخدوها وطلعو بالعربيات ووهو مشي بالحمارة بتاعتة وبعد يجي ساعة شاف العربيات راكنة جدام دار ف طرف البلد .

كرم :: اجمع الرچالة وتروحو تراجبو الدار دة وكمان ساعة اول ما السمس تغرب تهچمو علي الدار وتجتلو كل اللي فية .

مجدي :: امرك ياسيد للناس .

** هجر كانت ساندة علي السلم فوق بتسمع دخلت اوضتها وفضلت تتصل بمعتز تليفونة مقفول ومش عارف تعمل اية ولا تتصرف ازاي وكمان مش قادرة تنزل ولا حتي عارفة تنزل بسبب ابوها اللي قاعد تحت *

...................بيت العمدة مصيلحي ..................

الحاج نعمان :: خلاص بجا يا مصيلحي مكنوش كلمتين جلتهم ف ساعة شيطان يا راجل دة احنا اخوات .

العمدة :: لا يا نعمان بجا يا راجل يا ناجص عايزنا نخسر بعض بعد العمر دة كلة دة انت اخويا .

الحاج نعمان ميبجاش جلبك اسود بجا وانا جيتلك لحد دارك ومن چة دارك چاب اللوم عليك وانا مهتردنيش مكسور الخاطر وادي راسك ابوسها .

العمدة :: خلاص يا اخويا مبجاش واخد علي خاطري مينيك

طمني بس علي الداكتور احمد عامل ايي دلوك .

الحاج نعمان :: الحمدلله بجا زين جووي البركة ف الممرضة اللي انا چبتهالوة وليا عندك طلب .

العمدة :: اؤمر يا اخويا من غير سؤال .

الحاج نعمان :: عايزك تشيع حد من الغفر البلد اللي جارنا يسأل ف المستوصف عليها ويدلنا علي دارها دي ليها چميل كبييير اوووي ف رجبتي .

العمدة :: انتا اؤمر يا اخويا بكرة الصبح هبعت غفير يدعبس عليها هناك .

* تليفون الحاج نعمان رن :: الوو ... مين بيتحدت .....

* الحاج نعمان قام وقف وكمل كلامة * وآية اللي يثبت ..... ميتا الكلام دية ........ ماشي انا هتصرف دلوك والمكالمة اتقفلت

العمدة مصيلحي :: خير يا اخويا جلجتني ؟

الحاج نعمان :: جوم بينا بسرعة يا عمدة چيب الغفر بتوعك في مصيبة هتوحصل ولازم نلحجها دلوك .

..........البيت اللي فية معتز .........

معتز قاعد متوتر بيفكر ف الاحداث اللي بتحصل الفترة دي وبيحاول يرتب كل حاجة وفجاة جت صورة اشواق ف بالة بدا يهدا ويحس براحة

معتز :: ياترا انتي اللي بتيجي ف طريقي ولا انا اللي ماشي ف طريقي منغير ما اعرف ومشدودلك من اول لحظة شوفتك فيها .

* الباب خبط جام ومعتز استغرب لانة مكنش مستني حد واتحرك ناحية الباب يفتح علشان يشوف مين *