رواية غيوم الشمس الفصل العاشر 10 بقلم أطياف راحله
 |
| رواية غيوم الشمس الفصل العاشر 10 بقلم أطياف راحله |
رواية غيوم الشمس الفصل العاشر 10 بقلم أطياف راحله
سبحان من أسرى بكى في دمي ليس في دمي فقط بل في روحي وعقلي وكل وجداني نعم انتي ولا أحد سواكي ملك القلب والعقل وهام في الروح.
_______________________________اطياف راحله.
عتجول ايه ياولدي يعني اتخانجتوا تاني.
وضاح // لا متخنجناش يعني اتكلمنا انا وهي بس دماغها كييف الصخر برده مش راضيه ترجع البيت.
عزيزه // وبعدهالها شمس يعني هو انا لازم اروح انا اجيبها.
وضاح // زعلانه كمان من الكلام اللي امي جالته لها.
عزيزه //اسمعني زين ياوضاح امك بتعمل عمايل مترضيش حد امك باعته جايبه خالتك وبناتها مخصوص علشان تبوظ جوازتك بشمس وتجوزك داليا واللي لازم تعرفه اني طول ماني عايشه دا عمره ما عيوحصل. اصل انا سيبا ها تخرب في بيتك وتروح وتيجي عند الدجالين ومش راضيه اتكلم علشان ابوك لو عرف حاجه معيخلهاش تجعد في البيت ساعه واحده ومش عايزه ابجي انا السبب بس لحد أكده وكفايه اللي متعرفوش أن مش بيت واحد اللي عيتخرب دا بيت بتها كمان عيتخرب بس هي ولا يهمها أهم حاجه تراضي الست ناديه وبتها.
وضاح// ايه بس اللي عتجوليه ياعمه هو انا عيل صغير امي عتمشيني على هواها اطلج دي واجوز دي انا عمري ماعطلج شمس ياعمه لو حتى ايه حوصل خلاص مبجاش ينفع. بس لو تبطل نشفان دماغها.
عزيزه // فرحت جلبي ياحبيبي والله دي طيبه وجلبها زي اللبن الحليب وبتحبك ياولدي بس انت راضيها وهي عتبجي كيف العجين في إيدك تشكلها كيف ما انت عايز.
وضاح // حاضر ياعمه.
عزيزه // من حج ياولدي كنت عنسي ابوك تعبان شويه وانا بعت الغفير حجزله عند الدكتور .
وضاح // ابوي ماله ياعمه.
عزيزه // متنخلعش كده اومال هو زين بس بتجيله شكه في صدره والنهارد ه جاتله وجلتله متخرجش بس مسمعش كلامي وخرج.
وضاح // طيب ليه مبعتليش ياعمه وليه سبتيه يخرج وهو تعبان.
عزيزه // ياولدي هو اللي صمم يخرج وجال عندي مشوار مهم وانا كلمت عدنان اول ميرجع بوك تروحوا للدكتور طوالي.
وضاح // وهو انا لسه هستنى لما يرجع انا عدور عليه وخلي عدنان يستناني علشان نمشي علطول.
عزيزه // ماشي ياولدي هبلغه بس انت متتاخرش.
وضاح // لا مش عتاخر انا عشوفه فين واجيبه واجي طوالي
_____________________________اطياف راحله.
ياالف مرحب ياخوي كيفك.
جابر // خير يا عبد المجيد جلجتني.
عبد المجيد // مش خير ياجابر واصل. شوفت ده.
جاير // شوفته. بس انت مين اللي اداك الفيديو ده.
عبد المجيد // التليفون ده حد بعتهولي في البيت.
جابر // شفت الخراب اللي هيبه جلبه لحد عندينا ضيع نفسه وضيعنا معاه.
عبد المجيد // وعتتحل كيف المصيبه دي ياجابر.
جابر // مالجلهاش حل ياخوي اينعم عزام البنداري مقطوع من شجره ومالوش أهل ياخذه بطاره و مراته في الاول والآخر مره معتشلش سلاح وتاخد بالطار وكما معيبجلهاش وش تتكلم عشان هي كانت معاه لما عزام حاول يجتله واكيد اللي بعت التلفون عيسلمه للحكومه.
عبد المجيد // طيب لو هو عيسلمه للحكومه ليه بعتهولنا الأول انا بجول انه ليه طلبات عشان أكده بعت التلفون.
جابر // هو مين بس اللي صورهم انا راسي عتتشل من التفكير وجلبت الدنيا عليه مش لجيله إثر زي مايكون بعد عملته عارف ان كل ده عيحصل.
فجأه بتجف سياره جيب سوده قصادهم وهما قاعدين بينزل منها واحد بيفتح الباب الخلفي لرجل في أوائل الخمسينات من عمره ولكن لايبدو عليه السيب يرتدي بدله سينيه يبدو عليه الوقار والهيبه ينزل من السياره ويقترب من مكان مجلسهم ينفخ دخان سيارته الكوبي في الهواء يضحك ضحكه خبيثه لا يعرف مغزاها الا هو.
كنت متأكد اني هلاقيكم هنا انتوا الاتنين لاني عارف ان ده مكانكم المفضل طول عمركم.
*************************. اطياف راحله
ايه يابدربه ساكته ليه بعتي وجبتيني على ملا وشي انا وبناتي من مصر وقلتي كل حاجه تمام وانك غورتي المحروسة من بيتك والسكه خاليه لبنتي اتاريكي ياختي غورتيها بس سايبه قلبها مع ابنك وقعدتي تجولي الشيخ مندور عمل والشيخ مندور خلي مطلعش شيخ دا طلع شيخ منصر خد فلوسك ودهبك وضحك عليكي.
بدريه!// لا ياختي متجوليش أكده على الشيخ مندور الا ياذيكي واديكي شوفتي بعينك انها سايبه البيت ومش راضيه ترجع.
ناديه // اه مش راضيه ترجع بس واخده قلب ابنك معاها.
بدريه // اسكتي ياختي ابني معيحبهاش ولا عيطجها واصل ابني معيحبش غير داليا بتك.
ناديه // والله انتي عايشه في ميه البطيخ ولا انتي عارفه حاجه عزيزه عملت اللي متعملش عشان يحبها ويقبلها وفعلا نجحت علقته بيها ومبقاش قادر يستغني عنها وكل يوم والتاني رايح لها علشان يرجعها ومش راضيه ترجع معاه أن سمعته بوداني بيقولها كده.
بدريه // واه ياخيتي عزيزه دي سبب جهري ذلاني وكاتمه على نفسي وجوزي ميكسرلهاش كلمه واصل وسره معاها ومعيخبيش عليها حاجه واصل علىها. انا عروح للشيخ مندور تاني عشان يجدد العمل ويعمل عمل بالمحبه هو داليا ونلم شملهم.
ناديه // تاني الشيخ زفت بتاعك وهو انتي لاقيه فلوسك بتصرفيها على النصاب ده ويضحك عليكي ويعشمك بحاجات عمرها ماهتحصل.
بدريه // ياخيتي متجطعيش عيصل وبكره عفكرك.
ناديه // انا طالعه اوضتي ارتاح قبل ماضغطي يعلى من كلامك اللي لاهيقدم ولا ياخر.
بدريه // اطلعي ارتاح وسيبي كل حاجه عليه وانا عتصرف وبكره تشوفي خيتك عتمل ايه.
****************************** اطياف راحله.
وبعدهالك ياشمس لحد ميته عتفضلي منشفه راسك أكده.
شمس // ايه ياحنه زهجتي مني ولا ايه.
الجده // لا ياجلب حنه عمري مزهج منيكي بس معيزاكيش تبعدي عن جوزك أكده بجالك شهر جاعده اهنه وهو جالك كذا مره وانت مرضياش تروحي معاه والرجاله متستحملش البعد كتير ومعيحبوش الجفا والهجر وانتي تعتبر لساتك عروسه مينفعش تهجري فرشتك المده دي كلياتها.
شمس // ماعيزاش ارجع ياحنا انا خلاص مش عايزه اعيش معاه وعايزه يطلجني.
الجده // واه واه واه عتجولي ايه يابت جابر اتجنيتي إياك طلاج ايه اللي عتتكلمي عنيه معندناش بنات تطلج واصل.
انتي عارفه لو ابوكي سمعك مش عتعرفي ايه اللي عيوحصلك ولا انتي فاكره انه عشان مابيحبك وبيدلعك تعملي اللي انتي عايزاه.
شمس // ياحنا انتوا ظلمتوني بالجوازه دي واد توني لواحد مريدنيش اصلا وافج عليا عشان ابوه جاله انه لازم يتجوزني واخرتها بجي يعاملني زي اي كرسي ولا كنبه في البيت يعني ماليش اي لازمه حتى التعليم مرضيش يخليني اكمل تعليمي وانا جايبه مجموع كبير في الثانويه.
الجده // دا جوزك ابن حلال ومفيش أطيب منيه لو مبيحبكيش ليه كان يجي كل يومين عشان تروحي معاه َانتي مش راضيه لو مبيحبكيش كان مصدق ان سبتي الدار ومكنش سأل فيكي.
صالحه // جوليلها ياحنا والله اخوي مفيش احن من جلبه وعيحبها وانا غلبت افهمها أكده وَمهياش مصدجه.
شمس // ايوه ياختي ماهو اخوكي مين يعني عيشهد له غيرك.
صالحه // اخوي ونور عيني طبعا زينه الرجال وعيموت فيكي يابت صدجيني انا عارفاه زين ولو معيحبكيش ويموت فيكي عمره ماكان يجيلك ويتحايل عليكي عشان تروحي معاه وانت تجلعي عليه مش راضيه تروحي معاه..
شمس // ايوه ياختي ماهو اخوكي مين عيشكر فيه غيرك يعني.
صالحه // ياعبيطه والله دا عيحبك ويعشجك دا اخوي واني عارفاه زين عمري في حياتي ماشفته بيترجي حد كيف ماكان بيترجاكي عشان تروحي معاه.
شمس // بس بس اسكتي معرفهاش حاجه انتي.انتي فاكره زي اخوي أدهم لا أدهم اخوي مالهو ش زي في الدنيا.
الجده // وبعدهالكو انتو التنين كل واحده فيكم بتدافع عن اللي ليها.
صالحه // لا والنبي ياحنا انا بدافع عنيهم التنين هما عندي اغلى من عنيه بس شمس مش عايزه تقهم.
شمس // طيب ياختي ربنا يخليهملك هما التنين.
صالحه // طيب بزمتك متوحشتيش وضاح عيني في عينك أكده يابت.
شمس// جاكي جلع عينك غوري من اهنه جاكي الطين.
صالحه // والله اتوحشتيه وعتموتي فيه كمان دا حبه عيفط من عنيكي.
شمس // طب اجوملك اموتك ولا اعمل فيكي ايه لا والا استنا لما تولدي احنا عايزين ولدنا.
صالحه // وايه عرفك انه ولد كتب بتفتحي المندل أدهم حبيبي جالي عايز بت وتكون شبهك كمان.
شمس // معيزينش بنات البنات حظهم جليل حدانا اهنه.
صالحه // لا انا بتي عتكون غير كل البنات ابوها عيجول أكده انتي تجيبي ولا ونجوزوهم لبعض ويبجي زيتنا في دقيقنا.
الجده // هو انتي حامل ياشمس؟
شمس // الله يخربيتك ياصالحه هو ده السر اللي انتي حفظتيه.
صالحه // سامحيني ياخيتي والله ماكنت اقصد اجول فلته لسان.
الجده // وعتخبي ليه ياشمس وهي دي حاجه عتستخبي طيب دول لو عرفوا عيجيموا الأفراح.
صالحه// جوليلها ياحنا جال مخبيه عليه عشان لما تطلب الطلاق ميعترضش.
الجده // طلاج ايه ياشمس اتجننت إياك احنا معندناش حاجه اسمه طلاج اعجلي ياشمس.
شمس // اهمدي بجي ياصالحه انا غلطانه اللي امنتك على سري.
صالحه // جرا ايه ياشمس هي حنا غريبه دي حبيببتنا كلنا ومعتجولش لحد واصل.
شمس // اكتمي ياصالحه اكتمي مش طيجالك كلمه.
الجده // بس انتي وهيه خلصنا سيبكم من لعب العيال ده واسمعوني شمس تو ماوضاح ياجي اهنه تروحي معاه قبل ماحد يحس بحاجه ابوكي لو عرف بدلعك ده معيحصلكيش طيب واحنا مش ناجصين انتي فاهمه.
شمس // أكده ياحنا عايزاني امشي زهجتي مني.
الجده // لا ياجلب حنا مزهجتش منك ولاحاجه بس معيزاكيش تسيبي بيتك وتهجري فرشتك مده الرجاله معتحبش أكده الراجل معيحبش مرته تبعد عنيه عيحب الدفا ودفاه الحجيجي حضن مرته و معيستغناش عنيها واصل والراجل اللي يتعود أن مرته كل شويه تبعد وتكتر في البعد عيتعود على أكده وعيدور على مكان تاني يلاجي فيه الدفا والحنيه.
صالحه // يسلم فمك ياحنا انا غلبت اجول ليها الكلام ده وهي معتسمعش.
شمس // الله يخليكي ياحنا سبيني بس شويه وبعدين ربنا يحلها من عنده.
الأول وجبل اي شي اسمعي ياهند عتاخدي الورج بتاعي تجدميلي في كليه الحجوج علشان اكمل تعليمي وانا كلمت سراج عيخلصي كل الإجراءات التانيه لازمن اكمل تعليمي وابجي معايا شهاده جامعيه عشان ميبجا ش ناجصيني شي.
هند // حاضر سراج نازل بكره ياخد الورق معاه ويجدملك ويدفع المصاريف َيجيبلك الكتب وليكي عليا انا وسراج معاكي معنسبوكيش ونساعدوكي في كل حاجه.
الجده // بس ياهند اسكتي هي عتروح بيت جوزها وتتفق معاه وهو حر يخليها تكمل ولامتكملش سيبك منيها.
شمس // يوووه بجي ياحنا انتي بتكسري مجاديفي ليه عاد.
الجده اعجلي ياشمس بيتك وجوزك ابدالك من اي حاجه يالا هاتي لي الدوا اللي جبل الاكل عشان اتغدا ويالا شوفوا حالكم وجعتولي دماغي.
شمس // أكده ياحنا عتطرودينا.
الجده // يالا انتي وياها بلاش دلع ماسخ كل واحده تشوف وراها ايه بنات آخر زمن.
___________________________اطياف راحله.
واااه ياجابر انت وعبد المجيد مسير الحي يتلاجي ياترى فاكرين ولا لا.
جابر // فاكرين ايه وانت مين.
عبد المجيد // استني استني ياجابر معقول انت طب كيف.
سعفان // أمر الله ربك هو العاطي لما بيعوز يدي بيدي من غير حساب .
جابر // مين ده يا عبد المجيد.
عبد المجيد // دا واحد خسيس عض الايد اللي اتمدله زمان وجاي دلوكيت معاه جرشين يتنطط بيهم علينا وفاكر أن الفلوس ممكن تعمله جيمه.
سعفان // الخسيس اللي عتجول عليه معاه فلوس لو غاب يصرف فيها طول عمره معتخلصش والكبير والصغير بيعمله الف حساب دلوكيت.
عبد المجيد // لو بجي معاك مال جارون انت واطي وخسيس برده ومحدش عينس انت كنت ايه.
سعفان // كنت دراعك اليمين في كل حاجه مكنتش بتخطي خطوه من غيري.
عبد المجيد // ماتكمل سكت ليه كنت بعتمد عليك في كل حاجه لولا خستك وندالتك اللي خلاتك تبص لستك وتاج راسك وعايز تحط راسك براسنا وتجوزها فكرت اني معاملتي الزينه ليك عتشفعلك في اللي عملته وتديك الحج انك تجرأ وتروح تكلمها انا ممكن كنت جتلتك يومها بس جابر حاشني وجالي اني موسخش يدي بدمك.
سعفان // تمام هو ديما كان جنمبك زمان وحاش عنك الشر والنهار ه انا جايبة مخصوص عشان تبجي جنبه بس معتجدرش تحوش اللي هو مجابل عليه حمل تجيل جوي يابوي كيف الجبل لاعيجدر يشيله ولو معاه الف برده معيجدروش يعينوه على شيله.
جابر // ايه اللي جابك اهنه وتجصد ايه بكلامك ده.
سعفان // مشفتش الفيديو اللي بعتهولكم إياك.
عبد المجيد// انت اللي بعت التلفون.
سعفان // تمام انا اللي بعته نسخه ليك ونسخه لاخوك جابر عشان بس تعرف ان عندي اصل لاني ممكن كت بعته للحكومه وهي شافت شغلها بس انا عملت حساب للعيش والملح اللي كلته معاكم مبعتكوش زي مابعتو ني زمان وطردتوني من البلد.
عبد المجيد // لا وانت ابن أصول ماصل من يومك والعيب معتطلعش منيك.
سعفان // عتتريج اتريج براحتك المهم انا بجيت ايه دلوكيت ووصلت لايه ورجبه صاحبك في أيدي بكلمه مني اجلب موازين الأمور كلياتها واجيب عليها واطيها.
عبد المجيد // انت عتجولي ما انا عارفة زين وعارفك أن دماغك سم من يومك.
جابر // انا عايز اعرف يا واكل ناسك انت جاي ليه وعايز ايه وليه مبعتش الفيديو للحكومه وبعتهم لينا غرضك ايه من كل ده.
سعفان // باجي على العشره الجديه وغرضي اساعدكم واخرجكم من النصيب اللي انتوا فيها اينعم عزام مجطوع من شجره ومفيش حد عياخد بتاره بس اخوك أجل مافيها عياخد تابيده غير فضيحتكوا في البلد كلها..
عبد المجيد // خلص جوام جول انت عايز وهات من الاخر.
سعفان // على مهلك شوي يا ابو عدنان انتو اللي محتاجني مش انا اللي محتاج ليكم.
عبد المجيد // بجولة اخلص وهات من الاخر مفضينش لكلامك ده.
سعفان // عشره مليون جنيه واديلك الفيديوهات وتموت الحكايه زي صاحبها مامات وتخلص كل حاجه.
عبد المجيد // اه ياكلب ياواطي عشره مليون بجيت تتكلم بالملايين دلوكيت بعد ماكت مش لاجئ تاكل لما كت تشوف الميت جنيه ترجص من الفرحه دلوكيت الفلوس لعبت في إيدك منين كل كل الفلوس دي ياسعفان العربيه الابهه اللي راكبها ولبس فخم زي لبس البهوات وساعه دهب وحراسه وماخفي كان أعظم ايه لجيت كنز ولا ايه.
سعفان // مش شغلك اني مش ملزم اجدملك تجرير عن ثروتي ولا عن حياتي من يوم مسبت البلد.
جابر // انا موافج تسلملي الفيديوهات أسلمك الفلوس.
عبد المجيد // عتجول ايه ياجابر اتخبلت إياك ازاي تأمن لتعبان زي ده وتضمن منين انه ميخدش الفلوس ويساومك تاني.
جابر // يبجي وجتها انا ليا كلام تاني.
عبد المجيد // دا واطي وجليل الأصل ميتامنلوش ياجابر.
سعفان // ماعيزش غلط اللي جدامك مش سعفان بتاع زمان اللي ضربته وكنت عتجتله عشان طلب خيتك للجواز.
عبد المجيد // وايه اللي اتغير يعني فاكر ان الفلوس اللي منعرفش انت جبتها منين عتعملك جيمه وتخليني احترمك.
سعفان // عتعملي قيمه وعتحترمني عصب عنيك دا مش بعيد تجوزني خيتك اللي رفضت تجوزه إلى زمان.
عبد المجيد // أخرس ياكلب ياخسيس جسما بالله اضربك طلجه واخلص الناس منيك.
سعفان // انت لسه عايش الدور خلاص انت وصاحبك زمانكو ولا وخلص خلاص الزمن اللي جاي زمني أن خلاص عستجر في البلد وبجي عندي أرض وعبني جصر كبير وعبجيl كبير البلد انتوا خلاص راحت عليكوا. انا حبيت اعرفك ا بس عشان متتفجئوش باللي عيوحصل ولسه كمان محضر. ليكوا مفاجآت تانيه كتير بس مش عجولها غير في وجتها. ودلوكيت مضطر اسيبك وامشي ورايا معاد مع ناس مهمه أهم منيكم بكتير سلام ياكبارات جهز الفلوس يا حاج جابر وابعتلي دا الكارت بتاع شركتي في المركز تسلملي الفلوس أسلمك الفيديوهات ونخلصوا بجي من موضوع الشوم ده لاني وريا شغل كتير وعايز اتفرغله.فوتكم بعافيه الله يعينكم على اللي انتوا فيه.
جابر // يارب حلها ود برها من عندك ومتخليش كلب زي ده يتحكم فينا الله لايسامحك ياهيبه في اللي عملته فينا كت عارف ومتاكد أن عمايلك عتختم بمصيبه كبيره بس مكنتش عارف انها عتبجي كبيره جوي أكده.
فيه ايه ياعبد المجيد مالك ياخوي عتصب عرج أكده ليه ومالك عتنهج ليه.
عبد المجيد // مجدرش اخد النفس يا اخوي عموت ياجابر الحجني اديني بج ميه.
جابر // حاضر ياخوي حاضر خد نفس بالراحه واشرب ويالا بينا عخدك عند الدكتور.
عبد المجيد // يظهر خلاص دي النهايه ياخوي.
جابر // اوعاك تجول أكده انت زين وعتبجي كويس ان شاء الله. عبد المجيد عبد المجيد رد على ياخوي رد عليا ياصاحبي اوعاك تروح وتسيبني....
تعليقات
إرسال تعليق