رواية هنا التقينا الفصل العاشر 10 بقلم ندى محسن

عمار حط ايده على كتفها: ازاي ملحظتيش؟ نادر قتل زينب وغيث قتل ايمان مرات نادر وبيعذب ابن نادر اياد يا ترى انتي بقى حبيتي انهي قاتل فيهم

روز كانت في حالة صدمه

عمار حط ايده على خصرها وابتسم قرب وهمس: يا ترى مين فيهم اللي نمتي في حضنه يا روز اتجوزتي مين فيهم تعرفي انك صعبانة عليا اوي؟

روز دموعها نزلت بصدمه وزأته: ابعد عني انت اياك.... تقربلي...كذاب...انت بتكذب...انت متفق معاه بتحاول...تخوفني

عمار ضحك: انا مراعي صدمتك حاجة مش معقولة فعلآ تعالي وهثبتلك يا ستي

نزلها للباب السري وكانت عاجزة على انها تعترض كانت بتفكر في كل اللي حصل هي فعلآ حابة مين؟؟ هو مين اللي كان معاها

نزلوا من الباب السري وعمار قفله سمعت صوت غيث بيكلم كريمة نزلت مع عمار ودخلوا الممر الضلمه مكنتش خايفة قد مكانت تايهه

عمار: هاااي

نادر: يخربيت كدا انت هتفضل ناطتلي

اتفاجأ بروز قدامه بص لعمار وبصلها: انتي اي جابك هنا انا مش قولتلك تمشي من هنا

عمار: نادر روز عرفت كل حاجة

نادر وقف قدامها وهي متنحة فيه نسخة من غيث بس لا في الأختلاف اللي كان بيخوفها ابتسمت لما عرفت انها تقدر تفرق بينهم وان غيث هو اللي كان معاها غيث هي اللي حبته وهو اللي كان بيطمنها غيث مقتلش ولا خانها اللي شافته مع مرڤت كان نادر

نادر:انا عارف صدمتك يا قمر

روز ابتسمت غصب عنها

نادر استغرب:اي اللي يضحك؟

روز:انا بعرف افرق بينكوا انا جوزي مقتلش وجوزي مخنيش انت اللي كنت مع مرڤت انا دلوقتي وبس قدرت افسر كل حاجة

جريت على برا ونادر هيجري وراها عمار مسكه:في اي

نادر:البت دي كان اكبر غلط انها تعرف

عمار:وناوي على اي

نادر:هقتلها

عمار:اي يا نادر هو بقى غاية عندك اصبر وجدك هيرجع يخلص

نادر بصله وبعد قعد على السرير:يخلص زي مغيث خلص على مراتي....

غيث في اوضته متضايق مش عارف يتعامل معاها ولا يفسرلها اي حاجة الباب خبط وهو اتنهد بضيق:مين

روز:حبيبتك

غيث استغرب:مين؟

روز ضحكت:حبيبتك

غيث فتح وبصلها:نعم

روز ابتسمت:مالك

دخلت وحاوطت وشه وهي بتتأمله

غيث استغرب اكتر:انتي شربتي حاجة

روز ضحكت والدموع في عينها وهزت راسها بنفي وحضنته

غيث ابتسم:دا اي اللي اتغير

روز ابتسمت وبصتله:انت عارف اني بحبك اوي

غيث:دا من امتى

روز:من اول مشوفتك

غيث:دا اي اللي اتغير؟

روز:عرفت الحقيقة وعرفت انك ملكش ذنب ومشكتش ولا لحظة فيك

غيث:حقيقة اي

روز:نادر

غيث اتصدم

روز:عرفت كل حاجة

غيث اتعصب ومسك دراعها بعنف وتلقائية:عرفتي منين يا روز عرفتي منين

روز بصتله بقلق: اي يا غيث في اي

غيث بغضب صرخ فيها: انطقي عرفتي منين...

روز بعدت عنه وهو سحبها بغضب زأته:في اي يا غيث

غيث:عرفتي منين انطقي

روز سكتت

غيث سحب شعرها:رووووز انا هادي متخلنيش اتجنن

روز بصتله بغضب:شيل ايدك

زأته:انت كذبت وخبيت عليا وانت اللي زعلان ومتضايق وانا المفروض اراعيك دايمآ مش كدا

غيث سابها

روز زأته:انا اللي غلطانه

هتخرج سحبها في حضنه

روز بتبعده:ابعد عني انا مش عيزاك

غيث:وعدت جدي اني هحافظ على السر دا ومحدش هيعرف ان نادر لسة عايش...وعدته يا روز

روز:انا معرفتش منك انت فعلآ نفذت وعدك بس ليه...ليه يا غيث بتعملوا كدا

غيث:عشان مريض نفسي عشان قاتل عشان مطلوب في الشرطة والمفروض انه مات من 3 سنين والقضايا اتقفلت واتمحت

روز اتصدمت:بس دا لسة بيقتل هو قتل زينب هو

غيث:اهدي

روز بدموع:اهدى؟انت عارف لما عرفت انك ليك اخ توأم كنت عاملة ازاي انت متخيل كمية التوهان اللي كنت فيه يا ترى انا مرات مين فيهم؟

غيث بضيق:روز نادر مقربش منك ولا حط ايده عليكي روز انتي مراتي انا انا غيث اللي انتي حبتيه

روز:وانا عارفة كدا لأني بعرف كويس اووي افرق بينكوا

غيث:ازاي؟

روز ابتسمت:زي الناس هو عيونه فاتحة مش دافية زي عيونك عيونه جافة وملامحه تقريبآ دايمآ متشنجة وبحسها بتسخر مني وبتخوفني

غيث رفع وشها:وانا

روز:انت حبيبي ودلوقتس عرفت انك مخونتنيش ولا كذبت عليا

غيث ابتسم وباس خدها:ولا خدعتك انا بحبك يا روز

روز بصتله:انا سمعت كلامك مع كريمة ومكنش نادر يا غيث

غيث بصلها

روز بصاله مستنياه يتكلم

غيث:انا مكنتش عارف احدد مشاعري بس انا بحبك بجد يا روز

روز ابتسمت وهو قرب ضحكت وبعددت

غيث:هنبتدي مشاكسة بقى

روز:احنا بالفعل بديناها

ضربته بالمخدة وهو مسكها طلعت فوق السرير وهي بتطنطت جري هيمسكها نزلت تحت السرير بسرعة وطى على ايده ورجليه وهو بيضحك:نزلتي ازاي هو انا متجوز عرسة اخرجي

روز ضحكت:مش هخرج

غيث:هتخرجي ولا

روز:ولا

غيث ابتسم بخبث:طيب براحتك يا مراتي

طفى النور وهي برقت:غيث

غيث ضلم كل الدنيا

روز بغضب:غيث متهزرش انا مبحبش كدا

غيث:بتخافي من الضلمة اوي كدا طيب اي رأيك اخرج واسيبك

روز بغيظ:اخرج انت اصلآ بارد

غيث:بقى كدا طيب

فتح الباب وقفله وهي ملحقتش تشوف اذا كان خرج ولا لا نادت:غيث....غيث

ملقتش رد طلعت من تحت السرير ولقت اللي سحبها صوتت حط ايده على شفايفها وهو بيضحك بصوته كله:شششش اهدي يا جبااانة

ضحك بصوت اعلى:وعملالي فيها الرجل العنكبوتي

روز عضت ايده

غيث بعد:يا عضاااضة

روز هتقيد النور سحبها وخلاها تبصله

غيث هز راسه بنفي:متفسديش اللحظة الرومانسية دي

روز:انا مش شايفة حاجة

غيث:شايفة بس بسيط

روز:لا انا بتكلم بجد انا مبشوفش حاجة في الضلمة حتى ولو بسيط صدقني

غيث:مصدقك كفاية اني شايفك

باسها وهي اتفاجأت بعد وبصلها بيشوف ملامحها ابتسم وهي بعدت مسكها:استني انتي رايحة فين

روز بضيق:مبحبش كدا غيث لو سمحت بطل بقى وولع النور

غيث:اولع النور طيب تدفعي كام

روز:انت من امتى رخم كدا غيث...

غيث:قولي مين قالك على حكاية نادر دي واولعه عمار مش كدا؟

روز سكتت

غيث:عمار يا روز

روز.....

غيث لوى دراعها وقربها منه شهقت بألم

روز:سيبني انت بتعمل اي

غيث:انا حنين اوي معاكي بس بتاع اي يقولك وامتى

روز لما سيبتك وطلعت هو طلع ورايا اوضتي وقالي

غيث:واكيد غازلك مش كدا

روز كانت مرتبكة وملامحها فضحاها هي مش شيفاه بس هو شايفها ودا ضايقه واتعصب اكتر:هو عاكسك مش كدا قولي اي اللي حصل

روز دفنت وشها فين

غيث سابها

روز اتعلقت في رقبته وهي حضناه:هو مقربش مني انا مراتك وانا مش هسمحله حتى يكلمني بس اوعى تسيبني اوعى تبعد عني يا غيث ارجوك...

غيث حضانها وهو شايلها:انا مش هبعد عنك لو فيها موتي يا روزي....

روز ابتسمت

غيث:هموت وانام

روز هزت راسها بإيجاب:ماشي بس ولع النور وخلي الإضاءة خفيفة

غيث:ماشي يا روزي مع اني مش متعود على كدا

روز:خلاص متولعوش

غيث:مش هتخافي؟

روز:ازاي وانت معايا لا العفريت هيخاف منك

غيث رفع حاجبة:اشمعنا هو انا بخوف

روز قربت وشها منها وسندت جبينها على جبينه:لا بس جوزي جميل وعنده عضلات وقوي

غيث ضحك:بتثبتيني اوي

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

اوتار فاقت الصبح وهي في حضن عز واستغربت:اول مرة افوق قبل منه من زمن دا شكله تعبان

قامت وشافت رسايل عمالة تتبعتله مسكت التليفون:اكيد سيف زي كل يوم ليكون يحيى فيه حاجة

فتحت التليفون وشافت اسم رشا جابت الشات من اوله شافت كلام كتير ورسايل ممسوحة وكان نص اللي قرأته

رشا:(حبيبي انا مستنياكي وجهزت الأوراق بخصوص قضية الرشوة بتاعت علي اللي كنت سايبه معايا )

عز:(ماشي يا رورو جايلك النهاردا)

رشا:(انت وحشتني جدآ على فكرآ)

عز (وانتي كمان يا نور عيني اهم حاجة تخلي بالك من نفسك ها ومتفتحيش الشبابيك لتاخدي برد وانا مش عارف ممكن اي يحصل انا سهرت جنبك اخر مرة واضطريت اكذب واقول اني في الشغل)

رشا:(معلش يا حبيبي بقى انا مستنياك النهاردا عشان تاخد الورق اللي انت سايبه معايا)

عز :(ماشي يا روحي سلام)

قرأت يوم تاني

رشا:(حياااااتي)

عز:(اممم نعم خضتيني 

)

رشا:(بعد الشر عليك يا روحي انت)

عز:(عاملة اي طمنيني عليكي يا اميرتي)

رشا:(عادي بحبك كل يوم اكتر متيجي نتجوز)

عز :(شكلك رايقة اوي بس انا مش فاضيلك يلا ابعدي عن دماغي ولما اشوفك بليل نكمل الموضوع دا)

رشا:(امممم والشيطان شاطر اوووي)

عز:(اوتار جاية هقفل يلا باي)

قرأت مرة تانية

رشا:(انا بحبك اوي وبحب حضنك اللي بحسه بيحتويني دايمآ)

اوتار بصت بصدمه ودموع على عز اللي نايم وجرت الشات اللي كان بنفس النمط لحد امبارح

رشا:(مجتش ليه انت عارف انا كنت عاملة ازاي ومكنتش بترد عليا)

عز:(كنت مع عيلتي شوية مشاكل كدا)

رشا:(طيب مش عايز حاجة طمني عليك)

عز:(متقلقيش انا بخير وهجيلك النهاردا لو عرفت استنيني)

اوتار افتكرت لما سابهم وهما في المستشفى ومبقتش عارفة تاخد نفسها

رشا:(حبيبي عامل اي؟طمني عليك)

(مبتردش ليه)(زيزو حبيبي؟)(انت كويس؟)

اوتار قفلت الشات والرسايل بتتبعت سابت التليفون على الكومودينو وراحت اوضة اسلام شافته لسة نايم نزلت وهي بتعيط شافها سراج اللي قاعد والواضح انه مش جايله نوم مسحت دموعها بسرعة اول مشافته

سراج حضانها:مالك ي قلبي

اوتار زأته:مليش

سراج استغرب:ماما مالك في اي

اوتار:منا اكلم مين ولا اشكي لمين منت واحد اسوء وخاين

سراج:ماما

اوتار زأته ودخلت المكتب قفلت عليها.

سراج خبط بإستغراب:ماما في اي؟؟ماما افتحي حبيبتي طيب اي اللي حصل بابا ضايقك؟

اوتار خرجت :مفيش حاجة ممكن تسيبني في حالي

سراج:ماما طيب ممكن تهدي

اوتار:انا طالعة ومتتكلمش معايا

سراج:انتي مش ناوية تسامحيني

اوتار:لما غرام تسامحك

سراج غمض بضيق:انا رايح ليحيى

سابها ومشي مش عارف هو كان بيهرب منها ولا من سيرة حبيبته

طلعت خدت هدومها بهدوء وعز نايم وشالت اسلام ومشيت

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

غيث فاق شاف روز نايمة على صدره ابتسم وباس راسها وبقى يلعب في شعرها بحب وافتكر امبارح ازاي كان حبها ليه باين في كل حركاتها حتى في نظراتها

الباب خبط ودخلت كريمة اتفاجأت بروز نايمة في حضن غيث وهو مش لابس قميصه بعدت وشها ولفت بسرعة:سوري

غيث بغيظ:في باب نعم اي المهم انك تدخلي عليا كدا

كريمة:نادر تحت ومصمم يكون موجود على الفطار وقعد معاه اياد

غيث اتنهد:كنت متوقع ماشي يا كوكي اسبقيني

كريمة نزلت

روز :غيث

غيث:امممم صحيتي امتى

روز:لما دخلت...غيث هو هيبقى معانا في البيت

غيث:معرفش بيفكر دلوقتي في اي انا عايز اخفيكي خالص يا روز عايزك متتعامليش معاه خالص ليكون بيفكر يأذيني بيكي

روز:وليه يا غيث وليه؟

غيث بصلها:فاكر اني قتلت ايمان مراته...فاكر اني موتها

روز:ودا...

غيث بإنفعال:مش صح انا عمري مقتلت فاهمه

روز هزت راسها:فاهمه

غيث ابتسم:يلا خدي دوش وننزل ناكل

روز ابتسمت وهزت راسها بإيجاب

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

فلورا:ماما قوليلي بس بابا ضايقك في اي اي اللي حصل يا حبيبتي

الين:اي يا اوتار اللي حصل

اوتار مسحت دموعها

چيمس:اهدي طيب لورا خدي ماما وادخلوا جوا خليها تريح

فلورا خدت اوتار ودخلوا:مالك يا ماما

اوتار:مليش...

فلورا:ازاي طيب بابا زعلك ؟

اوتار.....

عز فاق ملقاش اوتار:ياااه انا طولت اوي في النوم

شاف الدولاب مفتوح استغرب لما ملقاش الهدوم قام خرج ملقاش اسلام تليفونه رن رجع رد:الو

چيمس:تسمح بقى تقول مزعل حماتي القمر ليه ومخليها منهارة كدا

عز اتفاجأ:هي عندك؟

چيمس:اه في الأوضة مع لورا

عز:طيب يا چيمس انا جاي

قفل وغير وهو مستغرب وفي راسه الف سؤال اي اللي حصل وليه مشيت ومن امتى بتعمل كدا

فلورا:ماما مستحيل اللي بتقوليه دا بابا يخونك وبعد العمر دا اينعم بابا ميبنش عليه انه في الخمسينات وقمر وچنتل بالكام شعرة البيض دول بس لا

اوتار بغيظ:انتي بتستفزيني ولا بتواسيني

فلورا ضحكت:طب فكي بقى طيب

اوتار مسحت دموعها:انا قريت الشات بتاع الواتس اللي بينه وبينها بعيني يا لورا ودي حاجة مش هتتغير

فلورا مبقتش عارفة تقول اي:انا هسيبك تريحي

اوتار هزت راسها بإيجاب رغم انها مش محتاجة ترتاح بس محتاجة تبقى لوحدها....

سمعت خبط بسيط على الباب فتحت الباب شافت اسلام ابتسمت وشالته وقفلت:تعالى

اسلام:جعان انا مكلتش ولا منعتو البسكوت واللبن كمان

اوتار غضب عنها ضحكت :طيب استنى لوووراا

فلورا دخلت:نعم يا ماما

اوتار:معلش اكلي القمر دا خدته من غير ميفطر

فلورا هزت راسها بإيجاب:تعالى يا سي إسلام فضيالك انا

اسلام:ممكن اضرب بنتك على فكرا الصغننة

فلورا برقت وبصت لاوتار بذهول:عاجبك كدا

اوتار ضحكت:اسلام بطل لماضة وروح معاها متضايقهاش

اسلام هز راسه بإيجاب وبص لفلورا بغضب وهو مكشر

فلورا شالته:انت مالك بلة انت لو قتلالك قتيل مش هتبصلي كدا

اسلام:هتجيبيلي شيكولاته؟

فلورا ضحكت:عيوني

خدته واوتار قفلت الباب ودموع غضب نزلت من عينها مسحتها: انا مش عارفة ازاي انت بتعمل كدا مش فاهمه انت ازاي بالشكل دا انا قصرت معاك في اي؟ عملتلك اي؟ وكنت بتعيب على سراج؟؟

الباب خبط وچيمس فتح وضحك:انت لحقت جيت طبعآ ميصحش تزعل اوتارك

عز بينهج:هي فين انجز...انتو بتطلعوا السلالم دي ازاي والأسانسير عطلان؟

چيمس ضحك:معلش بقى وبعدين انت اكيد متعود على مجهود بسيط كدا بس مش متعود على فراقها

عز:انجز وقولي فين هي انا مش ناقصك على الصبح

چيمس شاورله على الأوضة اللي اوتار فيها

عز دخل وهي كانت بتعيط مسحت دموعها وبصتله

عز قفل الباب خد نفس عميق بسرعة وخرجه بنفس السرعة:بهدو ومن غير عصبية ليه عملتي كدا؟

اوتار بعدت نظرها عنه

عز:مهو انا مش لاقي تفسير غير انك اتجننتي يا اوتار

اوتار هزت راسها بإيجاب:صح انا اتجننت وروح بقى دورلك على العاقلة اللي بتفهمك كنت بتنتقد سراج على الأقل هو شاب بردو ونقول طايش انت اي يا اب يا محترم وراجل

عز:انا مش فاهم اي حاجة من كلامك اللي عندك قوليه عايزة تقولي اي

اوتار وقفت قدامه:طلقني....

عز اتصدم ووقف:لا بقى انتي اتجننتي

اوتار:طلقني...يا عز عشان خلاص انا تعبت من كل حاجه

عز:انتي بتقولي اي واي اللي حصل من يوم وليلة كدا

اوتار بدموع:لا مش من يوم وليلة يا عز انا حاول اخنق نفسي واجي عليها واقنعها انك بتحبني وانك غير كل الرجالة كنت بشك في سهرك وبياتك برا كنت بصدقك شغل معرفش انه قرف من اللي انت فيه انت اي يا اخي لو مش خايف من ربنا اعمل عليا ولو شوية انا عمري كله قررت انه يبقى ملكية خاصة بيك من شرب لستات لقرف انت اي مبتتعلمش انت اي ربنا ختم على قلبك

عز كان سامعها ومش عارف قصدها كان مصدوم من هجومها:انا مش فاهم اي اللي حصل اي اللي قلبك كدا انا حصل مني اي وانا كنت متنيل نايم

اوتار سحبت منه التليفون وفتحته وفتحت شات رشا وحطت التليفون قدامه:مين رشا

عز غمض بضيق:انتي اي اللي خلاكي تفتشي في التليفون؟

اوتار:يا بجحتك لا بجد يا بجحتك

عز:اووتار لمي لسانك انا مراعي اللي انتي فيه

اوتار بسخرية:مراعي؟بجد مراعي انت طيب انت مراعي ومهتم ومفيش منك طلقني بقى

عز صرخ فيها:انتي اي كل اللي على لسانك طلقني طلقني انتي بطلتي تشغلي عقلك ومفيش اي ثقة انتي عارفة البت دي عندها كام سنة؟دي عندها 22 سنة دي في العشرينات

اوتار اتصدمت:يا بجحتك...انت على علاقة بواحدة قد عيالك انت ازاي وصلت للمرحلة دي يا مريض انت

عز اتصدم من كلامها:لا دي هبت منك على الأخر فعلاً علاقة اي؟؟دي بتعتبرني باباها

اوتار:باباها!بالكلام دا باباها!انا بجد قرفانة اني استحملت واحد زيك انت النجاسة في دمك يا كذاب يا اناني

عز كان مصدوم من نظرات الكره اللي في عينها من هجومها ومن كلامها واتهاماتها محسش انها تعرفه ولا دي اوتار اللي اتجوزها حس انها واحدة ميعرفهاش

اوتار:ساكت ليه مش لاقي كلام انا مش عايزة منك كلام

عز خرج بغضب

فلورا:بابا في اي

عز مشي

فلورا:چيمس معلش روح وراه شوفه

چيمس مشي وراه بالعربيه وعز كان بيسوق بسرعة

عز وصل على شقة رشا وطلع خبط فتحت وهي لابسة شورت وبدي كات وهو دخل دخلت وراه وهي ناسية الباب

رشا:في اي يا حبيبي

عز بغضب:انا هتجنن اوتار سابت البيت فاكرة ان في علاقة بيني وبين....

سكت وبصلها وبص قدامه بضيق

رشا قعدت جنبه مسكت ايده باستها:انا اسفة اني حطيتك في الموقف دا انت عارف اني مليش حد غيرك انت ابويا وحبيبي واخويا انت جايلي وانا عارفة انت جيت ليه...ومعنديش مانع اروحلها واقولها عادي

عز بصلها:قومي البسي حاجة

رشا ابتسمت وقربت حضنته:انا عارفة انك محتاجني جنبك وانا تحت امرك انا من ايدك دي لأيدك دي

عز بصلها بإستغراب

رشا باست خده ومسكت ايده حطيتها على كتفها

عز اتفاجأ بتصرفها

رشا قربت من شفايفه ونامت في حضنه وچيمس شافهم لأنهم كانوا في الصالون في وش الباب اتصدم ومشي

وشا باست خده وجبينه وبتقرب من شفايفه حط ايده على شفايفها بصدمه:انتي بتعملي اي؟انتي اتجننتي انتي فكراني اي بساعدك وواقف جنبك وبجيلك علشان كدا عشان طمعان فيكي؟؟

رشا هزت راسها بنفي:لا انا فهماك بس انا حابة اكون ليك انا بحبك اوي يا زيزو بحبك اوي انا مش عايزة غيرك انت مش هتخليني محتاجة لغيرك

عز زأها ووقف بغضب:رشااااا انتي زي بنتي انتي زي بنتي حور دا جنون

رشا بغضب:لا مش زي بنتك انا بحبك وانا جميلة بصلي بس بصلي واسمع لنفسك

عز:انتي ابوكي وصاني عليكي

رشا اتعلقت في رقبته:يبقى خليك معايا اتجوزني ومتسيبنيش انا بحبك بالله عليك متبعدش عني وانا مستعدة اعمل كل اللي انت عايزو اطلب وبس اسمع لنفسك بقى

عز:لو سمعت لنفسي مش هشوفك تاني علشان مجرحهاش لو سمعت لنفسي (زأها بعنف)مش هعديلك اللي بتعمليه دا

رشا:هي احلا مني في اي هي خلاص راحت عليها

عز بغضب:رشا انا خليتك تاخدي عليا وتنسي الحادثة وتنسي اهلك لكن مش عايز اسمع حرف منك تاني واوعي تنسي نفسك

رشا بدموع:يعني اي حرام عليك تعمل فيا كدا

عز بضيق:رشا انا مبحبش الأسلوب دا

رشا بعدت عنه ومسكت السكينه حطتها على شراينها:لو سيبتني هموت نفسي هنتحر واسيبك في حالك

عز:رشاااا اي الجنون دا سيبي السكينه

رشا بدموع:انا مش هقدر اعيش من غيرك يا عز مش هقدر انا هموت بالبطيئ

عز قرب مسك السكينة منها

رشا انهارت في العياط واتعلقت في رقبته :انا بحبك بحبك اوي يا عز

عز غمض عينه بضيق مكنش عارف انه تعلقها بيه ممكن يوصل للجنون اللي بقت فيه دا

رشا بتفتح قميصه مسك ايدها وبصلها بغضب وصدمه

رشا بدموع:اعمل اي انا عيزاك تبقى معايا وخلاص اعمل اي انا مستعدة ابقى معاك مستعدة ابقى ليك انت وبس حبيبي

دفنت وشها في رقبته وبتفتح قميصه وهو زأها بصتله بدموع قفل قميصه وبصلها

رشا عيطت:عز....متسيبنيش

عز هيمشي مسكته بدموع وهزت راسها بنفي

رشا:عز بالله عليك متسيبنيش

عز:هجيلك تاني بس تكوني عقلتي انتي اتجننتي يا رشا

بعد ايدها ومشي بضيق من نفسه ومنها مش عارف هو غلط في ايه ابوها وامها ماتوا في حادثة وكان باباها من اعز صحابه وصاه عليها وهو بيموت ومن وقتها بيهتم بيها كأنه باباها فعلاً بس ايه اللي غلط فيه يخليهم يوصلوا للوضع دا

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

فلورا:معقول اللي بتقوله دا يا چيمس

چيمس:انا اتصدمت لما شوفت البت دي في حضنه

فلورا:ماما قالت انه بيخونها وانا مصدقتش

چيمس:انا مشيت من الصدمة ومش عارف عمي ازاي عمل كدا

فلورا شافت اوتار واقفة تسمعهم والدموع باينه في عينها وقفت بسرعه:ماما...

چيمس:عمتي...

اوتار سابتهم ودخلت الأوضة انهارت في العياط

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

روز بتاكل وهي جنب غيث ونادر في وشها مركز معاها وهو بيأكل اياد

اياد:شوفتي بابا حلو ازاي يا مامتي هو قالي خلاص مكذبش عليكي

نادر ابتسم وبصلها:اي رأيك في باباه بقى؟

غيث بيحاول يمسك اعصابه وروز مبصتلوش حتى ومسكت ايد غيث من تحت الترابيزة وبصتله:انت عندك باباك حلو زي منا عندي بابايا حلو ابويا وجوزي واخويا وكل شيئ في حياتي

غيث ابتسم وباس ايدها

نادر افتكر

Flash back

ايمان:انت روحي انت اهلي وحياتي ونور عيني

نادر:وانتي كل شيئ في حياتي وعمري مهتخلى عنك يا ايمان خليكي واثقة فيا

back

نادر رمى الطبق في الأرض بغضب وكسر الكرسي اللي قاعد عليه

شاكر:ناااادر

اياد بعد بخوف

نادر بص لغيث بغضب ومشي راح لمخبأه

روز:غيث...

غيث:متشغليش بالك بيه هو كدا ...مريض

عمار بصله :يا ترى مين السبب في الحالة اللي وصلها دي!

غيث:عماااار اللي عنده كلمة يوفرها لنفسه تمام..

عمار قام وطلع على اوضته

روز بصت لغيث وهو طمنها بعينه

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

الباب خبط وعمران فتح:حمدلله على السلامة

غرام شايلة يحيى وبتجر الشنطة:الله يسلمك...هو في اي....ليه طلبت اني اجي...

عمران:امك عيزاكي ادخلي وبعدين انتي خلصتي من اللي في بطنك؟؟

غرام بعدت وهزت راسها بنفي:لا....دا ابني

عمران:وابنك تخنقيه ازاي شايلة يحيى وانتي حامل

غرام:نام في التاكسي وانا شيلته

ايان قرب وابتسم وكلهم جم:حمدلله على السلامة

غرام:الله يسلمكوا ايان معلش خدو مني

عمران هيشيل يحيى بعدت عنه وادته لأيان وهو اتضايق

عشق قربت حضنت غرام:حقك عليا انا اسفة

غرام:في اي يا ماما اي اللي حصل انا كويسة انتي مالك في اي

عشق:انا حاسة بيكي وعارفة انك مش كويسة انتي مش لوحدك انا معاكي يا حبيبتي

غرام حضنتها وابتسمت:وانا عارفة متقلقيش انا بخير

عمران:تعالي يا غرام

غرام:نعم يا بابا

عمران:تعالي

غرام قربت قدامه

عمران باس جبينها وهيحضنها اتفاجأ بيها بتبعد بصتله ونظرات قلق في عينها قتلته اتعصب:انتي خايفة مني انا؟

غرام:انا حامل ومش هتخلى عنه ومش هخاطر انت مش عايزو اي اللي عرفني انك متضربنيش ولا تزأني انت عايز تخلص وخلاص مش كدا؟

عمران بصدمه:انتي شكلك اتجننتي

غرام:انا فعلآ اتجننت

سليم:غرام اهدي ميصحش كدا مين قال ان حد عايز تخلصي من ابنك

غرام:انت متعرفش يا جدو ان وانا هناك هو كان عايزني انزله وكان قرب يجبرني؟كان هيخلي اليكا السكرتيرة بتاعته تاخدني عند الدكتور ويونس يخلي باله على يحيى ولو طلعت سليمة بقى ابقى اخده!

سليم اتصدم وبص لعمران:دا صح

عمران:اه صح كنت عايزني اعمل اي اخليها بدل متشيل هم واحد تشيل اتنين

سليم:واحنا روحنا فين مين قال ان هتشيل هم لوحدها والله يا عمران انا عاجز قدام تفكيرك العقيم دا

احلام حضنتها:اهدي طيب واطلعي ريحي

غرام هزت راسها بإيجاب:ماشي...

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

غيث نايم على رجل روز وهي بتلعب في شعره وماسك التليفون

روز:بتكلم مين

غيث:متقلقيش انا بعيد كل البعد عن اللي في دماغك واللي هما بنات

روز ضحكت:عارفة مش اي حد يقرب من غيث الكيلاني

غيث ابتسم وباس ايدها

بصاله وبتسأل نفسها هو مش هيروح الكباريه

غيث:اللي بيروح الكباريه نادر مش انا

روز اتفاجأت وبصتله

غيث:اتطمني مبقراش افكارك دا مجرد تخمين مش اكتر

روز ابتسمت بذهول

غيث ضحك على شكلها:انتي قمر اوووي

روز ابتسمت:اشمعنا

غيث:من غير اشمعنا انتي قمر اوووي واووي كمان

روز ابتسمت وقربت باست جبينه

الباب خبط

غيث:نعم يا كوكي

كريمة:اللوا احمد

غيث:انا المفروض في الديسكو ولا نسيتي انا مش هنا

كريمة:طيب..

نزلت وروز ابتسمت وسرحت

غيث:مالك سرحانه في اي

روز:مش عارفة....دا صح ولا لاء...انا مراتك ولا لا....من حقي ابقى معاك ومن حقك تقربلي ولا لا مش عارفة وخايفة

غيث:جوازي بيكي هنشهره بعد لما جدي وابويا يرجعوا متخافيش

روز قلبها اتقبض بطريقه غريبة اول مرة تحصل حطت ايدها على قلبها و بصتله

غيث:مالك يا روزي وشك لونه اتغير في اي متخافيش انا معاكي

روز بصتله:مش عارفة يا غيث مش عارفة يا ترى انت.....

غيث:انا اي؟

روز بصاله

غيث:مالك يا روز؟

روز هزت راسها بنفي:مفيش....

غيث قعد وبصلها:مالك يا حبيبتي

روز:انت ممكن تقف قصادهم؟

غيث بصلها

روز:قصاد جدك واهلك ممكن فعلآ تعرف تحميني ولا هيكون زيي زي ايمان

غيث ابتسم:زيك زي ايمان!

روز:يعني يموتني

غيث مسك ايدها وبصلها وبلهجة مليانة بالحنان:انا بوعدك محدش هيتجرأ ويأذيكي طول منا موجود حتى انا عمري مهأذيكي يا روزي

روز ابتسمت:عايزة اخرج

غيث:تروحي فين

روز:اي حتة ممكن؟

غيث:نادر برا

روز:نتنكر مش هنبين وشنا البس كمامة وكاب

غيث ابتسم:فكرة البسي يلا

روز ابتسمت وراحت تغير

وبعد ساعة

غيث بيضحك:تعالي بقى مكنش يوم قولتلك هخرجك فيه

روز بتسرح شعرها:حلو كدا؟

غيث:زي القمر يلا بقى انا لابس بقالي ساعة وقاعد مستنيكي

روز:طيب خلاص انا خلصت

للكاتبة/ندى محسن ♕Noody♕

متابعة لصفحتي هنا 

عز:يعني اي

سراج:محمد و سمير شهدو اننا كنا معاهم وانا قولت انها مراتي وطبيعي هيكون على كل حاجة بصماتي....وفريق اول جمال وقف معايا ودوروا في السجلات بتاعة المكالمة شافوا انها كلمتني ولحسن الحظ تليفونها كان بيسجل ودلوقتي بيدوروا على القاتل القضية مبتدينش غيث الكيلاني في نفس الوقت اللي اتقتلت فيه سامية غيث الكيلاني كان داخل بيته مع واحد

عز:هتتحل انا معاك وانت قدها متخيلتش انك هتخلص من دا بسهولة

سراج:انا تعبان وقرفان....مكنش سهل اني اقول على سامية انها تبقى...اوووف مش مهم...المهم ماما فين

عز بصله وسكت

سراج استغرب:فين ماما والواد اسلام مش سامعله حس

عز........

سراج:في اي يا بابا هي فين اي اللي حصل؟متخانقين ولا اي؟مكنتش طبيعية الصبح

عز بصله بهدوء مريب:امك سابت البيت .........