رواية أصبحت أسيرته الفصل الخامس عشر والأخير بقلم سماح نجيب

فاطلقت صرخة مليئة بالرعب

تالين.......چوااااااااااد

ولكنها لم تسمع صوته سمع اخيها صوتها وهى تصرخ

بسام......فى ايه يا تالين مالك

شعرت تالين بان انفاسها صارت ثقيلة وشعرت ان الدنيا تدور بها فاغمى عليها

بسام......تالين تالين مالك فى ايه فوقى ردى عليا

وبعدة عدة محاولات استعادت وعيها ولكنها ظلت تبكى بشدة

بسام.....تالين فى ايه ايه اللى حصل

تالين...... چواد يا بسام كنت بكلمه وقالى انى فى حد بيضرب عليه نار وبعدين مسمعتش صوته كل اللى سمعته كان صوت الرصاص

بسام......اهدى ان شاء الله خير

تالين بدموع...... بسام لو چواد جراله حاجة انا ممكن اموت فيها

بسام.....ان شاء الله مفيش حاجة هتحصل

حاولت تالين الاتصال بزوجها ولكن لا يوجد رد بعد مرور الوقت وجدت تالين بأن حماتها تتصل بها

تالين......ايوة يا ماما فى ايه

كريمة.....الحقى يا تالين چواد فى المستشفى

تالين......بتقولى ايه

كريمة.....فى ناس لقوه فى عربيته مضروب بالنار وودوه المستشفى و اتصلوا بينا لما عرفوا هو مين تعالى بسرعة على المستشفى

كان هذا الكلام كفيل بجعل تالين تشعر ان روحها تغادرها ببطىء

ذهبت مع اخيها الى المستشفى وكانت تشعر بان اعصابها على وشك الانهيار

تالين......ماما چواد حصله ايه

كريمة بدموع.......چواد بيموت يا تالين

تالين ........حصله ايه

كريمة.....مضروب بالرصاص وفى العمليات دلوقتى حالته حرجة

ديما....... إن شاء الله هيبقى كويس چواد مش ممكن يتخلى عن اللى بيحبهم ويسبهم

نزل الكلام على تالين كأنه صاعقة فهل ما يحدث حقيقة ام مجرد كابوس وستفيق منه هل ممن الممكن ان تخسر زوجها هل يمكن ان تسلبها الحياة الرجل الوحيد الذى أحبته ووضعت يدها على بطنها تلقائيا وتسأل نفسها هل يمكن لابنها ان لا يرى والده هل هى ستعيش بقية حياتها حزينة

ظلت تدعو الله ان ينجى زوجها وان يحفظه فهى لا تستطيع العيش بدونه او بدون ان ترى وجهه

بعد مرور عدة ساعات قضوها جميعا فى توتر وحرقة اعصاب خرج الدكتور

تالين بلهفة.......طمنى يا دكتور

الدكتور.....الحمد لله احنا خرجنا الرصاصة بس للاسف المريض دخل فى غيبوبة

كريمة......ايه ابنى دخل فى غيبوبة يا حبيبى يا ابنى ليه جرالك كده ومين اللى عمل فيك كده

بعد هذا الكلام كانت تالين لا تستطيع الكلام فكل الكلام قد هرب منها وايضا اعصابها

ديما.....طب هيحصل ايه يا دكتور

الدكتور.....احنا هننقلوا العناية المركزة والباقى على الله وربنا قادر يشفيه

بسام.....تالين تالين مالك فوقى انتى مبتنطقيش ليه

كانت تالين تقف كجسد بلا روح تستمع الى الكلام ودموعها تجرى على وجهها

وجدت تالين رسالة اخرى من هذا الرجل المجهول جاء فيها

تالين...... إيه رأيك في المفاجأة الحلوة دى

شعرت تالين بانها اذا استطاعت ان تقابل من فعل هذا بزوجها فلن تتركه الا جثة هامدة

جاء احد رجال الشرطة لاخذ افادة اهل المريض للوصول الى الفاعل الحقيقى

الضابط......انا عايز اعرف هو كان له اعداء

كريمة......ابدا دا كان طول عمره الناس بتحبه وهو مبيأذيش حد

ديما......هو ممكن يكون حصل كده بغرض ان حد كان عايز يسرقه

الضابط.....مظنش لان احنا لقينا عربيته موجودة وكل اغراضه اللى عمل كده كان عايز يخلص منه

تالين......ايوة اللى عمل كده كان عايز يقتله

الضابط.....وانتى حضرتك عرفتى منين

علشان من كام يومين جالى اتصال واحد هددنى فيه انى ازاى اتجوز چواد وانه هيحاول يخلص منه حتى بعتلى رسايل تهديد اهى

قرأ الضابط رسائل التهديد

الضابط......انا كده فهمت يعنى اللى عمل كده عايزك انتى يا مدام تالين بس المشكلة مكتوب رقم مجهول هنوصل ليه ازاى فلازم انتى يا مدام تالين نتابع تليفونك علشان لو حاول يكلمك

تالين......انا عايزة اعرف مين الجبان اللى عمل كده وهو يعرفنى منين

الضابط......ده اللى ناوى اعرفه بس بمساعدتك

تالين..... اكيد ان مش هخلى حق جوزى يضيع

خرج چواد الى غرفة العناية المركزة دخلوا تباعا للاطمئنان عليه

عندما حان دور تالين شعرت ان قدمها غير قادرة على حملها وعندما وجدت زوجها طريح الفراش واسلاك عديدة متصلة بجسده لم تتمالك نفسها فظلت تبكى بشدة وهى ممسكة بيده

تالين بدموع....... بعد الشر عليك يا حبيبى چواد حبيبى لازم تفوق علشان خاطرى وخاطر ابنك احنا منقدرش نعيش من غيرك انا من غيرك اموت يا چواد

........

الضابط....... مدام تالين احنا لازم نحط تليفونك تحت المراقبة علشان لو حصل اى اتصال نعرف هو مين

تالين بقهر.....ماشى بس اعرف هو مين وانا مش هرحمه

علشان يعمل فى جوزى كده

...........

ظلت تالين بجوار زوجها فى المستشفى وتشعر كل يوم ان اعصابها لابد ان تنهار فى اى لحظه ولكنها كانت تتماسك من اجل حماتها ومن اجل ديما فهم أيضا لا يستطيعون العيش بدون چواد فكان هو السند بالنسبة لهم

جاء اتصال لتالين من رقم غريب شعرت انه ربما انه الفاعل

تالين......ايوة مين

..........انا قدرك يا تالين

تالين......انت عايز منى ايه

............عايزك انتى يا تالين انتى بتاعتى انا وبس

تالين......بتاعتك منين هو انا اعرفك اصلا

..........هتعرفينى يا تالين

.............

فى احد الايام عند ذهاب تالين الى زوجها الى المستشفى وجدت من ينادى عليها

الرجل.......فى حاجة وقعت منك يا مدام

تالين باستغراب...... حاجة ايه

الرجل......دى اتفضلى

ولكنه قام برش مخدر على وجه تالين

فاقت تالين فى غرفة بها صورها فاستغربت تالين

تالين......انا فين

.........متخافيش انتى فى امان

تالين .....انت مين وعايز منى ايه

............معقولة مش فكرانى

تالين.......لاء مش فكراك

...........ركزى فى ملامحى جايز تفتكرى

بعد محاولات تذكرت تالين اين رأته

تالين........ مش انت اللى كنت فى ناس عايزه تقتلك وخليتنى اتصل بالمساعد بتاعك

..........برافو عليكى كده صح

تالين.......وانت عايز منى ايه وليه تعمل كده فى جوزى

..........علشان بحبك يا تالين

تالين...... بتحبنى ازاى انت مشفتينيش غير مرة واحدة

... ......من ساعة ما شوفتك وانا حبيتك ومش قادر اشيلك من دماغى

تالين......انت مجنون دا انا حتى معرفش انت مين ولا حتى اسمك ايه

.........اسمى عاصم

تالين.....انعم واكرم بس احب اقولك ان انا مبحبكش ولا حتى كنت فكراك لان يوم ما قابلتك كان اسوء ذكرى وكنت قربت انساها

عاصم.....بس انا بحبك ومش هسيبك لحد تانى

تالين......ادينى سبب واحد يخليك تحبنى كده غير انك انسان مريض نفسى

عاصم......مريض بحبك انتى

تالين......وانا مبحبش ولا هحب غير چواد وبس ولا هييجى يوم واكون لحد تانى حتى لو اضطريت اموت نفسى

عاصم......صدقينى انا هخليكى اسعد واحدة فى العالم

تالين.....انا فعلا كنت اسعد واحدة فى العالم قبل ما تظهر فى حياتى حياتى اللى انت دمرتها بمحاولتك انك تقتل جوزى وهو فى غيبوبة بسبب كده

عاصم......متقوليش كلمة جوزك دى تانى

تالين...... لاء جوزى وحبيبى وابو ابنى وكل حاجة ليا فى الدنيا وانا مش ممكن ابص لواحد زيك مريض نفسى ومجرم

عاصم......لو مش هتكونى ليا مش هتبقى لحد تانى

تالين......انا ملك چواد وبس

عاصم.....مش عايز اسمع اسمه منك تانى

تالين.....لو مسمعتهاش بلسانى هتسمعها بقلبى لانه هو كل حاجة فى حياتى وخلينى امشى من هنا احسن

عاصم..... دخول الحمام مش زى خروجه

تالين ......قصدك ايه

عاصم......قصدى انك مش هتمشى من هنا

.............

فى المستشفى

الممرضة........ مدام كريمة ابن حضرتك الحمد لله فاق

كريمة بفرحة.....بجد چواد فاق من الغيبوبة

الممرضة......ايوة ودلوقتى الدكتور هييجى يطمنك عليه اكتر

ديما...... شكرا ليكى

فاق چواد وكان اول اسم ينطقه هو اسم زوجته

كريمة......حبيبى الف سلامة عليك

ديما..... بعد الشر عليك يا چواد

چواد بصوت منخفض......الله يسلمكم فين تالين

كريمة.....كانت راحت البيت تجيب شوية حاجات وزمانها جاية

الدكتور......الف سلامة حضرتك دلوقتى هتخرج من العناية وهننقلك اوضة تانية

..........

تالين.......قولتلك سيبنى امشى يا مجرم عايزة اروح لجوزى

عاصم.....جوزك خلاص

تالين...... خلاص يعنى ايه

عاصم...... يعنى تنسيه

تالين.....انت بجد انسان مش طبيعى يا ريتنى ما كنت قابلتك ولا عرفتك

عاصم......مش مهم المهم انى مبحبش حاجة ابقى عايزها وتروح منى

تالين......وانا عمرى ما هبقى ليك واحسنلى تقتلنى عن انى اعرف بنى ادم زيك

عاصم...... انتى طلعتى جريئة اوى

تالين......علشان اللى انت عملته فى جوزى انا لو اقدر كنت قتلتك بايدى

عاصم......على فكرة مبحبش العند

تالين.....ان شاء الله عنك ما حبيته سيبنى امشى

عاصم...... قولتلك لاء

وبعد ذلك خرج من الغرفة وبعد ذلك تذكرت تالين ان تليفونها تحت المراقبة وربما رجال البوليس سوف يحددون مكانها قريبا لذلك لم تحاول ان تظهر تليفونها حتى لا يأخذه منها هذا المجرم وتفقد الاتصال بهم فقامت بعمله على وضع الصامت وخبأته فى ملابسها

...........

فى المستشفى

چواد.... بسام هى اختك فين

بسام.....كانت قالت راحت تغير هدومها فى البيت وراجعة حتى بتصل مش بترد

شعر چواد بالقلق عليها فربما يحاول أحدهم ايذاءها مثل ما حدث معه

..............

عاصم.....لسه دماغك ناشفة

تالين......ما ترحمنى بقى وتسيبنى امشى انا مش طايقة اشوف وشك ولا اسمع صوتك

عاصم......بكرة تتعودى على كده

تالين......انت بتحلم ده عمره ما هيحصل

اثناء تحدثهم سمعوا صوت اطلاق نار بالخارج شعرت تالين بان الله سوف ينجيها من هذا المجرم فربما البوليس قام بتحديد مكانها وجاء لتخليصها وهذا ما كان تم الاشتباك بين رجال الشرطة وبين رجال عاصم

عاصم.....ايه ده ايه اللى جاب البوليس هنا

قام بسحب مسدسه وقام بوضعه فى رأس تالين وخرج بها كرهينة ووجد ان رجاله جميعا قد قتلوا

عاصم......اللى هيقرب منى انا هقتلها مفهوم نزلوا مسدساتكم

كانت تالين تشعر بالخوف الشديد فربما هذا المجرم سيقتلها فهو انسان غير طبيعى

الضابط......مفيش فايدة من اللى بتعمله سيبها احسن

عاصم....مش هسيبها ولو مت هى هتموت معايا

لكنه لم يرى ذلك القناص الذى يقف على بعد عدة امتار منه مصوبا سلاحه بتجاهه وماهى الى ثوانى حتى سقط عاصم قتيلا

الضابط......انتى كويسة يا مدام تالين

كانت لا تستطيع اخذ انفاسها وتشعر انها غير قادرة على الوقوف من منظر هؤلاء الجثث المنثورة فى كل مكان

الضابط...... تعالى فى العربية واهدى وحاولى تاخدى نفسك

بعد ان شعرت تالين انها اصبحت فى حالة جيدة نسبياً

تالين......هو كان مين عاصم ده

الضابط......كان واحد من اعضاء المافيا

تالين......ايه مافيا

الضابط......ايوة وكان بقالنا فترة بندور عليه كويس انه معملش فيكى حاجة دا معروف عنه انه مزاجه سادى ومش طبيعى فى تصرفاته

حمدت تالين ربها على خروجها من هذه المحنة

تالين......لو سمحت عايزة اروح المستشفى

الضابط......حاضر هوصلك بس هحتاج افادتك قى القضية دى

تالين..... حاضر بس عايزة اروح اطمن على جوزى

وصلت تالين الى المستشفى وذهبت الى غرفة زوجها ولكنها لم تجده فسألت احدى الممرضات

تالين.....لو سمحتى المريض اللى هنا راح فين

الممرضة.....خلاص مبقاش موجود

سمعت تالين هذا الكلام وسقطت مغشيا عليها

شعرت ان الظلام يلفها هل ماحدث حقيقى هل خسرت چواد هل فارقها كيف تعيش بدونه فتملكها حالة بكاء هستيرية

تالين ببكاء......چواد حبيبى ليه كده تسيبنى

چواد.....سيبتك ازاى يا عمرى انا اهو

سمعت صوته فلم تصدق فتحت عينها وجدته بقربها

تالين .......چواد انت كويس رد عليا

چواد.....ايوة يا روحى كويس اهدى فى ايه

قامت بالقاء نفسها فى احضان زوجها وظلت تبكى

چواد......اهدى يا عمرى انا والله كويس

تالين......انا افتكرت انى خسرتك

چواد.....الحمد لله ازمة وعدت

تالين....... دى اكبر ازمة فى حياتى

بعد خروج چواد من المستشفى ورجوع والديها من العمرة قامت تالين بعمل احتفال عائلى بمناسبة شفاء زوجها

جلال...... الف سلامة عليك يا ابنى

چواد.....الله يسلمك يا عمى

زينب .....كل ده يحصل ومحدش يقولنا

تالين.....الحمد لله انا مش عايزة افتكر اللى حصل

كانت سهرة عائلية جميلة لاحظت فيها تالين انجذاب ديما وسليم الى بعضهم

تالين بهمس لديما......هو اللى بيحصل ده بجد ولا حقيقى

ديما بابتسامة.....قصدك ايه يا لئيمة

تالين..... قصدى انتى فهمتيه

ديما.....فعلا سليم عرض عليا الجواز

تالين بفرحة......بجد مش هتلاقى احسن منه

ديما.....بس انا خايفة بسبب اللى حصلى فى جوازى الاول

تالين......سليم محترم جدا وانسان على خلق

ديما.....انا لما حكيتله قالى اللى يهمنى انتى مش اى حاجة تانية

تالين.....شوفتى ادى نفسك فرصة وان شاء الله ربنا يكتبلكم الخير

بعد انتهاء العشاء صعدت تالين مع زوجها الى غرفتهم

تالين.....حبيبى عايز حاجة

چواد.....عايزك انتى جمبى

تالين.......ااااه يا چواد الايام اللى فاتت كنت حاسة انى بموت كل يوم مليون مرة

چواد..... خلاص انسى يا عمرى اللى فات فات بس انتى وحشتيني اوي اوي اوي

تالين بابتسامة......مش اكتر منى بحبك يا چوادى

چواد.....لاء كده انا مقدرش على الكلام الحلو ده كله

تالين.....الكلام الحلو كله قليل على اللى انا حساه معاك

چواد..... بعشقك يا عمرى

...........

تم زواج سليم وديما وكانوا سعداء جدا وكانت ديما تشعر فى كل يوم بان حبها لسليم يزداد يوما عن يوم فتالين على حق فسليم انسان محترم جدا ويعاملها بكل ود وحب واحترام جعلها تنسى مأساة زواجها الاول

..........

وضعت تالين صبيا جميلا جدا كان يشبه والده كثيرا واسمته ((زياد))

بعد مرور سنوات من الحب والعشق الذى لا ينتهى

تالين......چواد حبيبى بكرة عيد ميلاد زياد

چواد.....فاكر يا قلبى والله وعمله حفلة جميلة جدااا

تالين.....بجد

چواد.....ايوة وهتعجبك اوى

تالين.....ربنا ميحرمناش منك يا حبيبى

چواد.....ولا منكم انتوا احلى حاجة فى حياتى

تالين.....نفسى اللى فى بطنى ده كمان ييجى شبهك

چواد....مش كفاية عليكى انا وزياد شبه بعض

تالين....لاء انا عايزة ولادى كلهم شبهك واحنا بنا اتفاق

چواد.....اتفاق ايه

تالين.....انى هخلف منك عشرة

چواد.....ده كله

تالين.....ايوة عندنا زياد والتانى ان شاء الله جاى كده يبقى فاضل 8

چواد بضحك......وانتى هتقدرى على دول كلهم دا زياد بس ومجننك

تالين.....اه والله دا انا قربت اروح مستشفى المجانين

چواد.....شوفتى انا خايف عليكى ازاى

تالين بهمس.....بجد بتخاف عليا

چواد..... انتى عندك شك ولما انتى بتتكلمى كده مبقدرش اقاوم

تالين بنعومة......مبتقدرش تقاوم ايه

چواد.....مبقدرش اقاومك انتى ياللى نظرة عينك بتجننى وبتسحرنى

تالين......بحبك يا چواد

چواد.... لاء كده كتير بحبك وچواد فى جملة واحدة

انا بعشقك يا قلب چواد دا انا نفسى اشكر اخوكى بسام كل يوم على انه بعتك ليا وخلانى عرفتك

تالين......انت احلى حاجة حصلت فى حياتى

اخذها فى عناق حار يحمل فى طياته كل معانى الحب والعشق فهو بحبه وعشقه لها جعلها أسعد انسانة فى الدنيا و ((أصبحت أسيرته ))

.........

تمت..