رواية مزاوله حب الفصل الثالث والاربعون والاخير بقلم دودو محمد

مكه :- بابى يا بابى يا بابى بابى

يوسف :- بزهق عايزه ايه يا مكه بقى انزلى

مكه :- بتقولك مامى اصحى يلا

يوسف :- روحى قوليلها بابى بيقولك سبيه نايم شويه

مكه :- لاء مامى قالت ليا مخرجش من الاوضه الا وانت معايا

يوسف :- طالعه زنانه ليها انزلى من على ضهرى خلينى اقوم

مكه :- نزلت من على ضهرها وقالت قوم يلا

يوسف :- نفخ وقام بزهق من على السرير وشال مكه ونزل بيها وقال صباح الخير

الكل :- صباح النور

تمارا :- كل ده نوم انت ناسى أن النهارده فرح كريم

يوسف :- طيب فرحه هو أنا مالى تصحينى بدرى ليه

تمارا :- الله امال مين هيوقف معاه فى يوم زى ده

يوسف :- نفخ وقال انا طبعآ

جنه :- اوعى من على رجل بابى انا اللى هقعد على رجله

مكه :- لاء مش نازله انا قاعده على رجل بابى

جنه :- شدتها وقالت لاء اوعى

يوسف :- شال جنه وقال عيب كده يا جوجو متمديش ايديك على اختك

جنه :- لاء نزلها من على رجلك

تمارا :- قامت وقفت وراحت شالت مكه وقالت تعالى انتى على رجل مامى يا روح مامى

جنه :- عيطت وقالت لاء دى وحشه نزليها من على رجلك يا مامى

تمارا :- جنه عيب متقوليش كده على اختك

جنه :- قعدت تعيط

مكه :- نزلت من على رجل تمارا وراحت عند جنه وقالت خلاص متعيطيش يا جنه انا نزلت اهو

جنه :- زقتها برجليها ووقعتها على الأرض

تمارا :- قامت تجرى وشالت مكه من على الأرض وبصت لجنه بغيظ وقالت ليها بعصبيه بنت اتأسفى لأختك

جنه :- لاء يا مامى دى وحشه

تمارا :- قولتلك اتأسفى لأختك

جنه :- لاء

تمارا :- كده طيب اطلعى على اوضك ومتخرجيش منها غير لما اقولك

جنه :- بصت بغيظ لمكه وبصت بدموع لامها وطلعت تجرى على اوضتها

تمارا :- باست مكه وقالت متزعليش من اختك جنه بتحبك يا روح مامى

مكه :- مش زعلانه منها يا مامى

تمارا :- يلا روحى العبى يا حبيبتى

مكه :- حاضر وطلعت تجرى على فوق

حسام :- انا طبعآ استنيت اشوفكم هتتعاملوا ازاى مع الموقف بس محبيتش اللى حصل ده

تمارا :- ليه يا عمو

حسام :- جنه بتغير من اختها مكه بسبب معاملتكم ليها يعنى هى حاسه انكم بتحبوها اكتر منها

يوسف :- بس ده مش صح يا بابا احنا بنحب الاتنين زى بعض وعمرنا ما فرقنا ما بينهم

سميحه :- انا عارفه انكم بتصعب عليكم مكه علشان الظروف اللى جت فيها وبتحاولوا تعوضوها غياب امها بس متنسوش أن اختها متعرفش الكلام ده كله وهى شايفه الاهتمام الزياده بمكه ده حاولوا تتعاملوا مع الموقف ده بعقلانيه اكبر

تمارا :- ازاى بس يا طنط

سميحه :- حببوهم فى بعض حاولوا انكم متظهروش حبكم لواحده بس الاتنين سنهم واحد زى التوأم بالظبط ومحتاجين معامله مختلفه هاتوا حاجات حلوه واديهم للاخوات وقولوا لكل واحده فيهم أن اختها هى اللى جايبه ليها ده لما تلعبوا مع واحده لعبوا التانيه معها علشان محدش يحس بفرق المعامله وفهموهم أن هما الاتنين ملهومش غير بعض بلاش يكبروا على كرههم لبعض يا ولاد

تمارا :- اتنهدت وقالت حاضر يا طنط هحاول اعمل كده

حسام :- ربنا يهديهم ويصلح حالهم يارب

يوسف :- يارب يا بابا

رحمه :- دخلت وقالت السلام عليكم وسلمت عليهم كلهم وقعدت

سميحه :- عامله ايه يا بنتى

رحمه :- الحمل مطلع عينى يا ماما وشهد بقت شقيه اوى

تمارا :- ربنا يقومك بالسلامه يا حبيبتى كلها اربع شهور وتولدى وترتاحى بقى

رحمه :- اولد وارتاح قصدك تقولى أولد واستعد لمعاناة جديده بقى

يوسف :- امال فين بدر

رحمه :- بره فى الجنينه ومعاه شهد

حسام :- ومدخلش ليه

رحمه :- قال ليكون حد قاعد براحته ولا حاجه

يوسف :- روحى يا عبيطه نادى جوزك من بره

رحمه :- وربنا ما قادره اتحرك

حسام :- روح انت يا يوسف دخله

يوسف :- قام وقف وقال كرنبه وخرج وقال انت يا ابنى واقف بتعمل ايه هنا

بدر :- قولت لرحمه تبلغكم الاول

يوسف :- ده بيتك يا ابنى انت عبيط

شهد :- طلعت تجرى عليه وقالت خالووووو

يوسف :- شالها وقال حبيبت خالو وباسها من خدها وقال يلا ادخلى العبى مع مكه وجنه جوه ونزلها

شهد :- طلعت تجرى على فوق

يوسف :- يلا يا ابنى ادخل

بدر :- دخل وقال السلام عليكم وسلم عليهم

حسام :- عامل ايه يا ابنى

بدر :- بخير يا عمى الحمدالله

سميحه :- اقعد يا حبيبى واقف ليه

بدر :- قعد وقال صحتك عامله ايه يا امى

سميحه :- بخير يا حبيبى

بدر :- ربنا يديكى الصحه يارب وطولت العمر

سميحه :- تعيش يا ابنى وتفرح بولادك يارب

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى اوضة جنه

دخلت مكه الاوضه عند جنه وراحت عندها وقالت

مكه :- انا اسفه يا جنه

جنه :- اطلعى بره

مكه :- انا مش عايزاكى تخاصمينى يا جنه

جنه :- انا مش بكلمك اطلعى بره

مكه :- جات تبوسها

جنه :- زقتها وقعتها فى الارض وقالت مش بحبك تبوسينى

مكه :- طيب صالحينى

جنه :- لاء

وفى الوقت ده دخلت شهد

شهد :- انا جيت

جنه :- هوف انتى كمان

مكه :- عيب يا جنه دى بنت عمتك

جنه :- امشوا اطلعوا بره اوضى

مكه :- تعالى عندى فى اوضى يا شهد نلعب مع بعض

جنه :- شدت شعرهم وهما ماشين وقعدت تضحك

شهد :- قامت من على الأرض بغيظ وراحت ضربتها

جنه :- ضربت شهد

مكه :- قعدت تعيط بخوف

شهد :- ضربت جنه وقعدت تصوت ونزلت تعيط تحت

تمارا :- ايه فيه ايه يا حبيبتى

شهد:-جنه ضربتنى يا خالتوا

جنه :- نزلت وقالت كدابه انا مضربتهاش

شهد :- انتى اللى كدابه والله العظيم ضربتنى انا ومكه يا خالتو

رحمه :- خلاص يا شهد اختك متقصدش

شهد :- قعدت تعيط

تمارا :- خدى هنا يا جنه

جنه :- نعم

تمارا :- ضربتى اخواتك ليه

جنه :- هى كدابه انا مضربتش حد

يوسف :- مكه يا مكه

مكه :- نزلت من فوق وهى بتعيط

يوسف :- تعالى يا مكه قولى الحقيقه مين ضرب التانى

مكه :- بصت ليهم بدموع ومردتش على ابوها

تمارا :- اتكلمى يا حبيبتى قولى الحقيقه

مكه :- بدموع جنه ضربتنا احنا الاتنين

جنه :- يا كدابه

تمارا :- مش عايزه اسمع نفسك انتى اللى بتكدبى

جنه :- لاء مش بكدب هما اللى وحشين وانا مش بحبهم

تمارا :- امشى اطلعى اوضك

جنه :- طلعت تجرى على اوضتها

تمارا :- باست شهد وقالت متزعليش يا حبيبتى

رحمه :- خلاص يا بنتى دول عيال روحوا العبوا انتوا مع بعض فى الجنينه

شهد :- يلا يا مكه وخرجوا الجنينه

تمارا :- اتنهدت بوجع وقالت مش عارفه اعمل ايه مع جنه أسلوبها وطريقتها وحشين خالص وعدوانيه جدآ

رحمه :- دى طفله وبكره لما تكبر هتفهم كل حاجه

تمارا :- انا خايفه تكبر على الطبع ده هتتعبنا جدآ ولو فضلت كده يا رحمه

رحمه :- لا متقلقيش أن شاءالله هتتغير بس انتى حاولى تفهميها الصح من الغلط

تمارا :- أن شاءالله

حسام :- رحمه تعالى عايزك

رحمه :- حاضر يا بابا وراحت وراه وقفلت باب المكتب وراهم وقالت خير يا بابا

حسام :- خدى يا بنتى

رحمه :- بصت على ايده وقالت ايه دول

حسام :- فلوس هاتى ليكى انتى والبنت فستانين جداد أحضروا بيهم الفرح

رحمه :- لاء يا بابا شكرآ انا عندى فستان وشهد عندها واحد هنحضر بيهم النهارده يا بابا

حسام :- يا بنتى ده قديم خدى هاتى ليكى وللبنت فستانين جداد زى اصحابك

رحمه :- مدت ايديها ومسكت ايد ابوها وباستها وقالت يا بابا مش بالجديد والقديم والله انا عندى القديم ده احسن من مليون فستان جديد علشان بدر اللى جابه ليا وتعب فى فلوسه علشان يفرحنى بي انا سعيده جدآ مع بدر وده اهم حاجه يا بابا

حسام :- قرب من راس رحمه وباسها وقال ربنا يباركلك يا حبيبتى ويرزق جوزك برزقكم

رحمه :- اللهم امين يا حبيبى عن اذنك وخرجت من المكتب وراحت عند بدر

بدر :- فيه حاجه يا قلبى

رحمه :- ها لاء بابا كان بيوصينى عليك وبيقولى حافظى على جوزك وشليه فى عينيكى

بدر :- مسك ايديها وباسها وقال ربنا يخليكى ليا يا عمرى

رحمه :- باست راسه وقالت وميحرمنيش منك يا ابو عيالى

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى فيلا مالك

خرجت ندى تجرى من الحمام وراه حمزه وهى ماسكه الفوطه فى ايديها وبتصرخ منه وتقول

ندى :- تعالى هنا يا ابن ال بقولك تعالى هنا علشان انشفك

حمزه :- وهو بيرقص ليها بغيظ لاء وقعد يضحك

ندى :- وربنا لو مسكتك هقطعك

حمزه :- مش هتعرفى تمسكينى

ندى :- كده وربنا ما هسيبك وطلعت تجرى وراه وداست على الميه واتزحلقت ووقعت فى الارض صرخت وقالت بصوت عالى يا ماااااااالك

مالك :- وهو نازل بيلاعب فى إيمان بنته قال ايه مالك بتصرخى ليه بس يا حبيبتى

ندى :- يا برودك يا اخى مش شايفنى واقعه على الأرض

مالك :- وفيها ايه بس يا حبيبتى ما يقع إلا الشاطر قومى قومى يلا

ندى :- انت ايه يا اخى ده بدل ما تيجى تقومنى من على الأرض

مالك :- يا روحى اقومك ازاى بس وانا شايل ايمو على كتفى

ندى :- قامت وقفت بغيظ وقالت انت ايه حكايتك معايا مبقتش مالك بتاع زمان ومن ساعة ما جت بنتك دى وانت علطول قاعد بيها اول ما ترجع من الشغل تشيلها لحد ما تنام

مالك :- دى بنتك يا مجنونه بتغيرى من بنتك

ندى :- اه اغير من بنتى ومن اى حد يخدك منى

مالك :- ضحك وقال طيب تعالى يا مجنونه واخدها فى حضنه وقال يا عبيطه انا مليش غيركم انتوا حبايب قلبى اللى طلعت بيهم من الدنيا

إيمان :- مسكت شعر امها وهى فى حضن ابوها وشدته

ندى :- اااااااه يا بنت ال

مالك :- ضحك وقال برئ يا بيه بنتى غيرانه عليا وقعد يضحك

حمزه :- وهو عريان طلع لسانه وقال ومعرفتيش تمسكينى

مالك :- ماله الولا ده بلبوص كده ليه

ندى :- مدوخنى وراه من الصبح علشان انشفه والبسه هدومه

مالك :- روح عند امك يالا خليها تلبسك هدومك

حمزه :- لاء وقعد يطلع لسانه ليهم

مالك :- احم طيب يا حبيبتى اتصرفى مع ابنك بقى انا طالع اوضى

ندى :- لا والله ده بدل ما تجيبه من قفاه ليا هو ده اللى ربنا قدرك عليه

مالك :- اعمله ايه بس ما طالع رذل اوى ومش بيسمع الكلام

ندى :- اركن على جمب انت كده وطلعت مره واحده فوق الكنبه ونطت عند حمزه ومسكته

مالك :- ايه ده انا متجوز سوبرمان يا حلاوه يا ولاد

ندى :- انت مفكر نفسك هتعرف تهرب منى ده انا ماما يالا البس

مالك :- الله معك يا حبيب ابوك وقعت فى يد من لا ترحم

ندى :- البس التيشيرت اخلص

مالك :- البس يا ابنى التيشيرت فيه ناس. غيرك علطول كانت تقلعه ليهم هييييه ايام

ندى :- قسمآ عظمآ يا مالك لو مختفتش من وشى دلوقتى لكون عامله معاك الصح

مالك :- يلا يا بنتى مبقاش لينا الا بعضينا

ندى :- اخلص يالا البس ولبسته هدومه وقامت تشوف اللى وراها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى شقة انس

صحيت يارا من نومها على صوت تليفون انس خبطت على كتف انس وقالت

يارا :- انس يا انس

انس :- اممم

يارا :- قوم رد على تليفونك

انس :- فتح عينه وبص فى التليفون وقال ده مجدى وقام قعد ورد عليه وقال ايوه يا مجدى خير

يارا :- قامت دخلت الحمام وبعد وقت خرجت وقالت خير كان فيه حاجه

انس :- لاء ده كان بيكلمنى على حاجه فى الشغل

يارا :- هو انتوا مش بتزهقوا من الكلام فى الشغل ده من يوم ما فتحتوا شركة الحراسه وانتوا علطول مشغولين بيها

انس :- يمكن علشان انا الوحيد اللى فاضى فيهم علشان كده اكتر واحد مهتم بالشركه وعلطول فيها

يارا :- يا حبيبى انا مش معترضه والله وبفرح لما بشوفك ناجح فى شغلك بس ادينى شوية من وقتك انا نفسى نرجع نقعد مع بعض زى زمان

انس :- قام حضنها من ضهرها وقال وانا بعمل كل ده ليه مش علشانك انتى وشهاب ابننا

يارا :- يا حبيبى والله عارفه ربنا يقويك بس حتى شهاب بقى دايمآ يسألني عليك يا انس حرام تحرمه منك

انس :- ماشى يا يارا هبقى اخد يوم واقضيه معاكم

يارا :- ليه هو انت ناوى تنزل الشركه النهارده

انس :- ايوه

يارا :- ده النهارده الجمعه يا انس حرام كده والله

انس :- فيه شغل كتير ولازم اخلصه بنفسى

يارا :- بزعل براحتك يا انس وخرجت وسابته فى الاوضه وراحت عند اوضت شهاب ودخلت عنده وقعدت على حرف السرير وقالت شهاب يا حبيبى اصحى يلا

شهاب :- فتح عينه وقال صباح الخير يا ماما

يارا :- بأبتسامه صباح الخير يا حبيبى قوم يلا اغسل وشك وتعالى علشان تفطر

شهاب :- هو بابا نزل الشغل

يارا :- اتنهدت وقالت لسه بس هينزل

شهاب :- يووووه يا ماما امته هيقعد معانا شويه

يارا :- معلش يا حبيبى بابا مشغول شويه فى الشغل وهو وعدنى انه هياخد يوم اجازه ويقضيه معانا

شهاب :- بجد يا ماما

يارا :- بجد يا روح ماما يلا يا حبيبى قوم وباست راسه وقامت خرجت من الاوضه فى نفس الوقت اللى انس خارج فيه من الحمام بصت ليه بزعل ودخلت المطبخ

انس :- اتنهد وهز راسه يمين وشمال ودخل الاوضه

يارا :- حضرت الفطار على الترابيزه وقالت يلا يا شهاب وقول لبابا يجى

شهاب :- من بره حاضر يا ماما

يارا :- حست بدوخه خفيفه قعدت على الكرسى وغمضت عينيها

انس :- دخل وشافها كده استغرب وقال يارا مالك

يارا :- مفيش اقعدوا يلا افطروا

انس :- انتى شكلك تعبانه يا يارا

يارا :- لاء كويسه متقلقش يلا يا شهاب اقعد يا حبيبى كل

انس :- بدء ياكل وهو عينه عليها بقلق

يارا :- بصت للاكل وحست نفسها هترجع قامت تجرى على الحمام

انس :- قام جرى وراها بقلق وقال مالك يا يارا شكلك مش طبيعى

يارا :- مسكت معدتها وقالت شكلى اخد شوية برد فى معدتى ولما رجعت ارتحت شويه روح كل انت

انس :- طيب وانتى مش هتاكلى

يارا :- لاء مش قادره احط حاجه فى معدتى روح انت بس كمل أكلك انا هدخل اريح فى الاوضه شويه وسابته ودخلت اوضتها

انس :- بص عليها وهى ماشيه ودخل تانى كمل اكل وبص لشهاب وقال ما تاكل يا ابنى

شهاب :- لا خلاص شبعت انا هروح عند ماما وسابه ومشى

انس :- نفخ وساب الاكل وراح فتح باب الشقه ونزل

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى فيلا عماد .....فى اوضة كريم

صحى كريم على صوت تليفونه نفخ وبص فى التليفون ورد وقال

كريم :- خير يا ريتاج مصحيانى بدرى اوى كده ليه

ريتاج :- ايه ده هو انت كل ده لسه نايم

كريم :- ايه الاستغراب فى كده اه لسه نايم ايه المشكله يعنى

ريتاج :- انت ناسى أن النهارده فرحنا

كريم :- لاء مش ناسى بس هقوم بدرى اعمل ايه

ريتاج :- اعمل زى ما احنا بنعمل

كريم :- وحياة امك هعمل ايه سويت ولا حمام مغربى

ريتاج :- تصدق انت قليل الادب

كريم :- اعملك ايه ما انتى اللى بتقولى كلام غريب يا حبيبتى

ريتاج :- انا اللى غلطانه أن اتصلت بيك اصلا

كريم :- احبك يا ابيض لما تتعصب

ريتاج :- دمك تقيل اوى على فكره

كريم :- وانا بحبك اوى على فكره

ريتاج :- ابتسمت وقالت مجنون اوى والله

كريم :- مجنون بيك يا ابيض يا عرسى انت

ريتاج :- قوم بقى متنمش تانى باى وقفلت السكه

كريم :- يا بنت المضايقه كنت بحلم بيكى وصحتينى عند أهم لحظه وقام من على السرير دخل الحمام اخد شاور وخرج لبس هدومه واده فرضه ونزل وقال صباح الخير

عماد وسميه :- صباح النور

سميه :- يا حبيبى يا ابنى كبرت وبقيت راجل قد الدنيا

كريم :- ليه هو طول السنين دى مشوفتنيش راجل غير دلوقتى

سميه :- لاء قصدى خلاص بقيت عريس وهتيجى واحده تخدك منى

كريم :- مين بس يقدر يخدنى منك يا سمسمه وبعدين ما انا عايش معاكى فى نفس الفيلا يا حاجه

سميه :- تصدق انت عيل فصيل ورخم

كريم :- ملكيش امان بتقلبى فى لحظه وربنا

عماد :- سيبك من العبط ده وركز معايا انت من النهارده هتكون زوج مسؤول على بيت واسره لازم تعرف أن الجواز مش لعبه ولا نوم على السرير الجواز يعنى بيت واولاد هتكون مسؤوله منك زوجه يكون ما بينكم موده ورحمه تتقى ربنا فيها توفر ليها الحياه الكريمه وانت الحمدالله اهو دكتور وهى كمان دكتوره تفتحوا عياده وخلى قصاد عينكم هدف خلى أولادكم تفتخر بيكم كأب وام حافظ على بيتك كويس اياك والخيانه لأنها دى اكتر حاجه بتهدم البيوت وبتشدد الأولاد راعى ربنا فى بيتك ربنا يبارك ليك فى رزقك وفى ولادك وخلى كلامى ده دايمآ فى دماغك انا مش هعيش ليك العمر كله بكره تعرف قيمة كلامى ده كويس اوى يا ابنى

كريم :- ربنا يبارك لينا فى عمرك يا حبيبى

عماد :- ربنا يسعد ايامك ويفرح قلبكم يا حبيبى

وقعدوا يفطروا

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى فيلا مالك .....بليل

مالك انتظر ندى تحت لحد ما تجهز نفسها وبص فى الساعه اللى فى أيده ونفخ وقال بصوت عالى

مالك :- ما تخلصى يا ندى اتأخرنا على الفرح

ندى :- من فوق خلاص والله اهو

مالك :- ما انتى بقالك ساعه بتقولى خلاص اهو

ندى :- والله بلبس الطرحه ونازله علطول

مالك :- يا مسهل وقعد يلاعب فى بنته وبعد وقت طويل نزلت ندى من فوق وقالت

ندى :- انا خلصت اهو يلا بينا

مالك :- قام وقف وبص ليها بأعجاب وقال طالعه زى القمر

ندى :- ابتسمت وقالت بجد

مالك :- بجد اوى بقولك ايه ما بلاش نروح الفرح وتعالى نسترجع الذكريات فى اوضتنا فوق

ندى :- والله وبالنسبه للعيال

مالك :- نسرحهم فى اى حته

ندى :- ويهون عليك بنتك حبيبتك تسيبها

مالك :- فى سبيل الذكريات تهون طبعآ

ندى :- مكانش اتعزر ولا باع جزر يا روحى امشى يلا ومشيت قدامه

مالك :- اتعزر وباع جزر يارب انت عارف بقى ومشى وراها وهو شايل بنته وماسك ابنه فى ايديه وركبوا العربيه وراحوا على الفرح

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى فيلا عماد

اجتمعت المعازيم فى الجنينه ووصل كريم وعروسته والكل سقف ليهم وقعدوا فى المكان المخصص ليهم

تمارا :- راحت عند ابوها وقالت بابا فين ماما

عماد :- معرفش يا بنتى شوفيها جوه

تمارا :- ماشى ودخلت الفيلا ودورت عليها وخبطت على باب اوضة امها وقالت ماما انتى جوه

سميه :- من جوه عايزه ايه يا تمارا

تمارا :- بتعملى ايه عندك كريم وعروسته وصلوا بره

سميه :- طيب روحى وانا جايه وراكى

تمارا :- ماما انتى بتعيطى

سميه :- لاء

تمارا :- صوتك معيطه يا ماما افتحى الباب ارجوكى

سميه :- روحى يا تمارا وانا جايه وراكى

تمارا :- مش هتحرك من هنا غير لما تفتحى الباب

سميه :- فتحت الباب واترمت فى حضن تمارا وقعدت تعيط

تمارا :- ممكن افهم انتى بتعيطى ليه دلوقتى

سميه :- اخوكى خلاص اتجوز وواحده اخدته منى

تمارا :- ضحكت وقالت واحده مين بس اللى اخدته منك يا ماما مهما تعمل مش هتقدر انتى أمه اللى ساكنه فى قلبه من جوه وبعدين يا ست الكل ده متجوز معاكى فى نفس الفيلا يبقى ازاى بس هتاخده منك انتى بس علشان بتحبى كريم اوى غيرانه عليه من مراته

سميه :- لاء مش غيرانه انا بدعيله ربنا يسعده ويهنيه بس خايفه تخده يعيش بعيد عننا

تمارا :- لاء مش كريم كريم متعلق بينا اوى وميقدرش يبعد عننا يلا امسحى دموعك ويلا بينا المعازيم بتسأل على ام العريس يلا يا سوسو بقى بلاش دلع وخرجوا الاتنين من الفيلا وراحوا يسلموا على المعازيم

وبدء كريم وريتاج الرقص

كريم :- مبروك يا احلى واجمل عروسه فى الدنيا

ريتاج :- بكسوف الله يبارك فيك

كريم :- يااااااه حلم كان بعيد اوى عليا يجى من ست سبع سنين كده مش مصدق نفسى أنه اتحقق النهارده

ريتاج :- الحمدالله دخلنا طب واتخرجنا وبقينا لبعض فى الاخر

كريم :- بحبك يا ريتاج

ريتاج :- بصت على الأرض بكسوف

كريم :- انطقيها بقى بقالنا ست سنين مع بعض مسمعتهاش منك ولا مره

ريتاج :- بصوت واطى جدآ بحبك

كريم :- ايه بتقولى ايه مسمعتش

ريتاج :- ب.ب.بحبك

كريم :- على صوتك شويه مش سامع حاجه

ريتاج :- بحبك

كريم :- شالها ولف بيها وقال وانا بعشششششقك

ريتاج :- بكسوف نزلنى يا كريم

كريم :- نزلها وحضنها وقال بحبك بحبك بحبببببببك وفى الوقت ده بدء الكابلز الرقص

عند يوسف وتمارا

يوسف :- الايام بتجرى مين يصدق أن كريم يكبر بسرعه كده ويبقى عريس

تمارا :- ربنا يسعده ويهنيه ويجعلها وش الخير عليه

يوسف :- يارب زى ما أخته كانت وش الخير عليا

تمارا :- ربنا يخليك ليا يا حبيبى وانت اجمل حاجه فى حياتى

يوسف :- وانتى ملكة قلبى وفرحت ايامى

تمارا :- ابتسمت ليه بحب وقالت عارف انا اوقات كتير بندم على كل لحظه قضتها فى العناد والبعد عنك

يوسف :- انسى اللى فات احنا الاتنين غلطنا واحنا الاتنين اتعلمنا من غلطنا خلينا فى النهارده يا عمرى

تمارا :- نامت على كتفه وقالت بحبك اوى يا يوسف اوى

يوسف :- باس راسها وقال وانا بعشقك يا روح يوسف

عند انس ويارا

انس :- يارا انتى شكلك لسه تعبانه

يارا :- مش اوى يا انس متشغلش بالك

انس :- ازاى مشغلش بالى بيكى بس يا يارا انتى عمرى

يارا :- تقصد تقول كنت عمرك إنما دلوقتى انا ولا حاجه يا انس

انس :- ليه بتقولى كده بس يا يارا

يارا :- علشان مبقتش تحبنى زى الاول كل اهتمامك بالشركه ونسيت وجودى فى حياتك أنا اوقات كتير بحس انك رجعت انس بتاع اول الجواز اللى كان دايمآ متعمد يتجاهل وجودى فى حياته وصلتنى لأفكار قديمه مكنتش حابه افكر فيها يا انس

انس :- انا عارف ان اهملتك شويه واهتميت بالشغل اكتر بس يمكن بحاول اثبت لنفسى قبل اى حد أن عمر الاعاقه ما كانت سبب لنهاية الحياه اوقات كتير بتبقى سبب لبدء الحياه مش نهايتها بحاول اثبت لنفسى أن قادر اكون قد الثقه اللى اصحابى ادهانى بحاول اعوض حاجه نقصت من جسمى بالشغل ده يا يارا ياريت تكونى فاهمه ده ومقداره ظروفي شويه انا لما كنت ببعد عنك زمان كنت ببعد علشان خايف عليكى مع أن كنت بموت فيكى انتى عارفه لما كنتى بتيجى عندنا الشقه مع ندى انا كنت براقبك طول الوقت عينى كانت مش بتنزل من عليكى كنت بحلم بيكى علطول كنت بدعى تكونى من نصيبى وكنت حاسس بحبك ليا وبشوف نظراتك اللى هتتجنن عليا بس اول ما تيجى صورت صاحبى ومراته قصاد عينى كنت ببعد عنك واحاول اكرهك فيا علشان ميحصلش معانا زيهم وتتعذبى بعدى انتى عارفه انا صورتك فى محافظتى من زمان اوى كانت واقعه من ندى وانا اخدها وحطتها عندى ومن ساعتها وانا مشلتهاش من مكانها كنت اقعد ابص فيها بالساعات واكلمها كأنك انتى اللى قدامى ومازلت بعمل كده وانا فى الشغل ومقدرتش اقسى عليكى وابعدك عنى فى الاول ومقدرش استغنى عنك دلوقتى انتى حاجه كبيره اوى فى حياتى يا يارا وهتفضلى اجمل واحلى حاجه حصلت فى حياتى

يارا :- بدموع يااااه يا انس كل ده كنت مخبيه عنى طول الفتره اللى فاتت دى أنت حاجه كبيره اوى فوق ما تتخيل انت نعمه من ربنا بعتها ليا انت اجمل بابا فى الدنيا واحلى زوج فى حياتى ربنا يخليك ليا وميحرمنيش منك يارب

انس :- باس راسها وقال متزعليش منى يا قلبى انا بحبك

يارا :- رفعت راسها وبصت ليه بحب وقالت مقدرش ازعل منك يا ابو عيالى

انس :- بأستغراب ابو عيالك

يارا :- ابتسمت ليه بفرحه وقالت ايوه ابو عيالى انا حامل يا انس بعد ما انت نزلت روحت حللت حمل وطلعت حامل

انس :- حضنها بفرحه وقال بعشقك يا يارا بعشقك

عند مالك وندى

مالك :- فاكره يوم فرحنا يا ندوش

ندى :- كان احلى واجمل يوم فى حياتى يوم ما بقيت مراتك يا موكه

مالك :- موكه ياااااه بقالك كتير اوى مقولتيش ليا الكلمه دى

ندى :- غصب عنى والله يا موكه العيال مطلعين عينى طول النهار ومبصدق يناموا علشان انام انا كمان ده انا نفسى ارجع الشغل مش عارفه الولاد واخدين وقتي كله لحد ما بقيت شبه الداده دودى

مالك :- ربنا يقويكي يا حبيبتى بس انتى واحشتينى اوى يا ندى اوقات كتير ببقى مشتاق لليالى زمان نفسى ترجعى تنامى فى حضنى زى زمان مش تدينى ضهرك وتنامى

ندى :- انا عارفه أن انا مقصره فى حقك والله بس غصب عنى مش بأيدى تربية الأولاد صعبه اوى يا مالك

مالك :- طيب ايه رأيك نخلى الاولاد مع مامتك يوم ونعيش ليله من بتوع زمان فاكره التيشيرت

ندى :- ضحكت وقالت ما انت بطلت تلبس تيشرتات وبقيت تلبس قمصان علطول

مالك :- البسلك احلى تيشيرت بس انتى وافقى

ندى :- هزت راسها وقالت ماشى واحنا مروحين نعدى على ماما نديها الولاد

مالك :- حضنها بفرحه وقال ايوه بقى هو ده

ندى :- ضحكت ونامت فى حضنه وكملوا رقص

عند بدر ورحمه

بدر :- مبسوطه معايا يا رحمه

رحمه :- ده ايه السؤال الغريب ده بتسألوا ليه دلوقتى

بدر :- ردى عليا علشان خاطرى

رحمه :- مش محتاجه سؤال يا بدر طبعآ مبسوطه معاك وده واضح على شكلى انا عمرى ما كنت هبقى سعيده مع حد تانى غيرك انا اصلا مش عارفه ازاى كنت قادره اعيش قبل ما اشوفك انت حاجه كبيره اوى فى حياتى يا بدر ربنا يخليك ليا وميحرمنيش منك يارب

بدر :- انا عارف ان ببقى ساعات مقصر معاكى شويه ومش قادر اعيشك الحياه اللى انتى كنتى عايشها فى بيت أهلك بس بحاول اعمل اللى اقدر عليه والله

رحمه :- تعرف بقى ان انا سعيده معاك وفى بيتك اكتر من لما كنت عايشه فى بيت اهلى مش عايزاك تقول كده تانى يا بدر السعاده عمرها ما كانت بالفلوس ولا العربيات والا الفيلا السعاده اللى بجد هى راحت البال انك تعيش مع حد انت كل حياته وهو يكون كل حاجه بالنسبه ليك انت لما طلبت منى اقعد من الشركه انا وافقت علطول مش علشان انا ضعيفه ولا مش قادره اقولك لاء بس علشان انا واثقه فيك انك راجل بجد وهتقدر تصرف عليا وتعوضنى عن قعدتى من الشركه انا بعشقك يا بدر ولو رجع بيا العمر تانى هختارك تانى وتالت ورابع برضه واختار أن أعيش معاك وفى حضنك وتبقى انت ابو عيالى ونامت فى حضنه وقالت انا بحبك اوى يا بدر اوى

بدر :- ضمها فى حضنه وقال وانا بعشقك يا روح بدر

وفى الوقت ده دخل ياسين الفرح وراح عند تمارا ويوسف

تمارا :- بأستغراب ياسين انت خرجت امته

ياسين :- من فتره بس كنت متردد اجي ليكم

يوسف :- خير وجاى ليه

ياسين :- انا جيت اتأسف ليكم عن اللى حصل منى بس مشاعرى مكانتش بأيدى غصب عنى حبى لتمارا خلانى اعمل كده انا عارف ان صعب انكم تسامحونى بس انا مش وحش والله انا اسف بجد

تمارا :- خلاص يا ياسين اللى حصل حصل وكفايه انك اتعاقبت واعترفت بغلطك

ياسين :- يعنى سامحتينى

تمارا :- ربنا عز وجل بيسامح يبقى احنا البشر مش هنسامح سامحتك يا ياسين

ياسين :- وانت يا يوسف

يوسف :- بص الاتجاه التانى ومردش عليه

ياسين :- انا جاى بس اطلب منكم السماح وماشى راجع اسكندريه وهعيش فيها علطول وامى عايشه هناك مع خالتى

تمارا :- سامحه يا يوسف

يوسف :- انت عارف انا لو هسامحك هسامحك بس علشان كنت سبب فى إنقاذ تمارا من شر ارين

ياسين :- بفرحه يعنى سامحتنى

يوسف :- ابتسم ليه وقال ايوه

ياسين :- سلم عليه وحضنه بفرحه وبعد عنه وقال بما انكم سامحتونى فأنا بعزمكم على فرحى اخر الشهر ده على بنت خالتى

تمارا :- بفرحه بجد

ياسين :- ايوه بنت جدعه ووقفت جمبى فى ازمتى

يوسف :- ربنا يسعدكم وان شاءالله هنيجى نحضر الفرح

كريم :- طيب بالمناسبه السعيده دى تعالى أتصور معانا فى الصوره العائليه دى

ياسين :- وقف معاهم والكل اتجمع واخدوا صوره لذكرى الابديه

النهايه

تمت بحمدالله

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛