رواية هنا التقينا الفصل السابع 7 بقلم ندى محسن

غيث: بليل طلعت لقيتك نايمة

روز: محستش خالص بيك....

غيث: اممم كنتي مجهدة

روز هزت راسها بإيجاب: فعلآ اليوم كان متعب...

غيث قام مدلها القهوة

روز هزت راسها بنفي: مش عايزة

غيث: بس انا عايزك تشربيها علشان تجري ورايا

روز ضحكت: بتهزر

غيث: بتقرفي؟

روز بصتله بصدمه: لا طبعآ

غيث: ليه طبعآ؟

روز: علشان.. طبعآ علشان قاعدة معاك طبعآ

غيث ضحك: طبعآ

روز ضحكت و الباب خبط

غيث: طيب نازلين

روز استغربت: مين؟

غيث: زينب ويلا علشان ننزل نفطر

روز هزت راسها بإيجاب: اغسل وشي بس

غيث: ماشي

روز: غيث...

غيث: اممم

روز: هجيب اياد يفطر معانا... ارجوك

غيث بصلها بغضب: لاااا فاااهمه لا مينزلش يا روز

روز بصتله بضيق: دا ابنك

غيث: هنعيده تاني

روز: تاني وتالت ورابع لحد معرف السبب

غيث: النهاردا عمتي وعيالها وجوزها وعمي وعياله ومراته جايين ودول مبيصدقوا يستغلوني عايزك تباني راسية وقوية والا مش هيعجبك تصرفهم معاكي انتي عندك عيلة كبيرة ومن مستوى راقي هاا

روز: ليه اكذب هتستعر مني؟

غيث هز راسه بنفي: اسمعي بس الوضع دا مؤقت بس

روز: اسمع.. بس نفسي انت تسمع ولو مرة بس

غيث: سمعت لقلبي مرة واديني انا متعلق بحبك

روز بعدت نظرها عنه وهو ابتسم ونزل اتنهدت: ازاي هو حلو كدا؟؟ حد يبقى حلو كدا وشرير؟ وهل انا من الطبيعي احب شرير؟ وبيضحك عليا بكلمتين

راحت عند اياد ابتسم وحضانها وهي قعدت معاه لحد مزينب جابتله الفطار

روز:افطر بقى اسيبك انا

اياد مسكها:لا يا مامتي هتاكلي معايا

روز بصتله

اياد:عشان خاطري

زينب:غيث بيه مستنيكي

اياد بصلها:افطري معايا مرة

روز:قوليله انا هفطر هنا

زينب:بس

اياد:بس روحي بقى هي هتاكل هنا

زينب نزلت

روز خدته في حضنها وبقت تأكله:شطور

اياد:بحبك قد الدنيا كدا واكتر كتتتيير كتير كتير

روز ابتسمت:وانا بموت فيك يا صغير يا قمر انت

اياد:تتجوزي بابا وتبقي مامتي؟

روز بصتله اوي

اياد ابتسم:هتحبيه هو حنين وجميل ومبيضربش مش زي اي حد تعرفيه (كان باصصلها بتركيز وفرحة)مش ينفع اقولك على السر علشان ميزعلش مني

روز مستغربة علاقة غيث واياد شبه متدمرة واياد بيحكي دايما بحب عن غيث ليه؟

اياد:اقولك السر

روز بإستغراب:اي...انهي سر دا

اياد:تعالي الساعة 3 بليل لما يناموا هنا وتعرفي وكدا ابقى قولتلك وفي نفس الوقت مقولتلكيش وعرفتي لوحدك

روز:اعرف اي

اياد هز راسه بنفي:لما تيجي هتعرفي

روز كانت مستغربة من كلامه وطريقته الغامضة برغم انه طفل

اياد:كلي بابا بيحبك تهتمي بنفسك

روز:وانت مين قالك؟

اياد سكت

غيث بياكل:كان بيكلمها في اي؟

زينب:كان حاببها تاكل معاه وبس سيادتك

غيث:امممم

زينب:اي خدمه تانية....

غيث هزت راسه بنفي وسمح لها تمشي

زينب بصاله

غيث:في اي يا زينب عايزة حاجة؟

زينب بنظرة خوف وقلق:غيث باشا...اسمحلي امشي...

غيث رفع حاجبه:نعم.

زينب:تسمحلي امشي انا مستقيلة

غيث ساب المعلقة وبصلها:انتي عارفة انتي بتقولي ايه تمشي؟ومن قصر الكيلاني؟

زينب دموعها خانتها ونزلت:صدقني انا مش هقول لحد حاجة ولا ان نادر بيه هنا ومش مسافر مش هقول حاجة

غيث:زينب انسي

زينب بصتله بترجي

غيث:مفيش مشيان

زينب:انا خايفه... هو مش طبيعي هو اكتر من مرة اتعرضلي وانا....انا بس عايزة امشي

غيث اتعصب:مقولتليش ليه الكلام دا قبل كدا

زينب:مكنتش قادرة وانا بخوفه بحضرتك وبيسيبني بس حاسة انه هيقتلني صدقني

غيث هز راسه بإيجاب:حاضر يا زينب هتصرف بس مشيان لا مفيش حد بيمشي من هنا متفتحيش الكلام دا تاني..

زينب بصتله بحزن ومشيت

تليفونه رن اتنهد:اممم

كريمة:هو انا كل مكلمك هتبقى رخم؟وامممم ونعم وافندم

غيث ضحك:جاية امتى

كريمة:بكرا

غيث غمض براحة

كريمة:وحشتك للدرجة دي

غيث:احم...نهائي ولا شوية حتى

كريمة:هعديهالك يا سيدي

غيث:متتأخريش

قفل وقام راح الشركة بتاعته

روز نزلت:اومال فين غيث؟

زينب:غيث بيه مشي

روز:اممم طيب

زينب كملت ترويق

روز سمعت صوت خبط في اوضة اياد طلعت بسرعه وفتحت الباب شافت اياد راكب على ضهر حد استغربت لف شافت غيث قدامها:ايه دا...ازاي زينب قالت انك روحت الشركة وانا مقبلتكش وانت طالع يمكن طلعت في الأسانسير!

كان باصصلها بنظرات غريبة كانت مستغرباه نظراته مختلفة حست بأختلاف فيه

اياد نزل من على ظهر غيث ووقف قدام روز:تعالي شوفي بابا حلو ازاي

مسك ايدها وقربها من غيث

غيث ابتسم:انتي حلوة اووي من قريب

روز بصتله:غيث....

حست ان قلبها مخطوف حاسة بتلج بيسري في جسمها

غيث قرب ايده منها علشان يلمس وشها:مالك

روز بعدت:هو في اي....انت متغير....انت مش غيث....مش انت غيث....

غيث:انتي في حلم وهتصحي منه قريب انتي بتحلمي يا روز

اياد ابتسم:انتي بتحلمي وهتصحي تلاقي بابا جنبك

غيث ابتسم وهز راسه بإيجاب

روز هتخرج شدها بعنف وهي خافت: غيث في اي انت مش طبيعي ابعد عني ابعععععععد

قرب منها وضمها جامد وهي بتحاول تبعده حست بشكه في دراعها صرخت بألم ودموع: غيث حااااسب

ومن بعدها غابت عن الوعي

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

عز:يعني اي

احمد:القضية ثابتة عليهم وعلى ابنك بالذات اللي بصماته كانت على السكينة للاسف مش قادر اساعدهم

عز بغضب:اي الهبل دا سراج مستحيل يعمل كدا وهيقتلها ليه

احمد:دا اللي هنسمعه من البواب والسكان

سيف:احمد انا مش فاهم تفكيرك

احمد:تقصد اي

سيف:اقصد ان اللي في دماغي لو صح مش هخليك عايش

مالك:اهدى لما نفهم اكيد في حاجه غلط وبعدين ولنفترض يا احمد انه قتلها هل هيفضل جنبها هو وصاحبه؟

احمد:ملحقوش يهربوا كنا وصلنا

عز:وازاي وصلتوا منتوا اكيد مبتشموش على ضهر ايدكوا وحد بلغ طب واللي بلغ عرف منين

احمد:انتو بس بتبررو وانا بحقق في القضية والأدلة بتثبت انه القاتل ويحيى شريكه وكونكم اباء دا بعيد عن شغلكوا ومتوجعوش دماغي انا بتصرف مش بمزاجي دي اوامر وقوانين بتسري علينا كلنا وانا بتعامل بادلة مش بقلبي

عز هيهجم عليه مالك مسكه:عز اهدى الأمور متجيش كدا

البواب دخل

احمد:ها قول اللي تعرفه عن اللي حصل قبل منوصل

البواب بقلق:كان سراج بيه وصل مع واحد وكان متعصب وبيقول واللهي لقتلها انا افتكرته كلام ومكنش عندي القدرة امنعه واللي معاه خرج سلاحه وطلعوا جري على فوق سمعت صوت خبط ورزع وصويت مكتوم اترددت اعمل ايه ومفيش دقايق كانت الشرطة وصلت

عز بغضب:انت كذاب

البواب:يا بيه انا قولت اللي اعرفه وصدقوني مليش كلام تاني يتجال

احمد:طب اتفضل

بص لعز وهز كتفه بقلة حيلة:لبساه لبساه اديك شايف يا سيادة اللوا

عز بصله بغضب

احمد:انت صعبان عليا ابنك دا هو اللي موطي راسك دايمآ لما كان مدمن ولما كان بتاع ستات ولما اتجوز بنت عمه العيله في ظروف غامضة للأسف مش مخلياني الاقي تفسير ينصفه ولما عمل علاقه مع رقاصة وعنده بيت وعيلة وطفل واخيرآ اهو قتل الرقاصة تؤ حاجة صعبة عيال اي اللي يجيبوا العار لأهليهم دول يا عز!

عز مسك احمد من رقبة قميصة:ابني بريئ ولو تحب اقولهالك بطريقة تانيه المقدم سراج مش قاتل وخليك فاهم ان اللي بتعمله دا يا احمد هتندم عليه وهتقع هتقع

زأه ومشي راح على الزنزانة بتاعة سراج دخل

يحيى ابتسم:عمي...الحمد لله انك جيت

سراج وقف:بابا شوفت ال

عز لكمه بعنف

يحيى مسكه:عمي

سراج بإبتسامة سخرية:مش مصدق انت كمان فاهم اني قتلت

عز قاطعه:قبل متكمل انا مش مصدق ولا اي كلمة من اللي بيقولوه بس واثق ان تمسكك بالقضية هو اللي وصلك لهنا كلنا عارفين انها كانت بتشتغل عند غيث وممكن يكون حب يخلص منها حاجة تانية احمد كان الصديق ولا نقول الكلب الوفي لغيث فمتستناش انه يفكر يخسر واحد زي غيث علشان من زمان دا واحد حقود

سيف:معقولة لسة بيغير منك؟

عز:والله انت ادرى دا واحد دماغه تعباه

يحيى:يعني هنشرف هنا

سيف:انتوا فعليآ شرفتوا يا قلب بابا

يحيى:طيب روح لأمل وطمنها قولها اني معملتش حاجة

سيف:متقلقش هفهمها لو عبرتك اصلآ دي مهتصدق تخلص من رغيك معاها طول الليل انا نفسي بصدعلها بس هقولها لو سألت حاضر

يحيى ابتسم بغلب:اصيل يا حاج

سراج بصله

يحيى بص لسراج بعمق:انت عارف يلة انت والله معرفتك جاية عليا بخسارة

سراج ضحك غصب عنه:وانت متمسك بالخسارة دي اوووي يعني

يحيى:اعمل اي والمصيبة اني حاببها

احمد من وراهم:ممنوع الزيارة

عز بصله بحدة وبيحاول يتمالك اعصابه

احمد اتكلم بإستفزاز:ممنوع الزيارة

عز:احمد اتقي شري وادعي ربنا يكفيك شري علشان مهما حصل فأنت مشوفتش غير الحلو مني الوحش بقى احبك تبعد عنه علشان تعيش بسلام

احمد:معاكوا خمس دقايق ولا تحب الأكبر يقولك؟

عز هيروحله مالك مسكه:وحيات عيالك اهدى دا شكله رايق وبيستفزك

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

روز فاقت لقت نفسها في اوضة غيث وشافته جنبها شهقت وبعدت بخوف

غيث بقلق:روز في اي؟مالك زينب كلمتني وقالت انك كنتي بتصوتي كنتي في كابوس؟

روز بدموع:مش كابوس مستحيل انت ليه بتعمل معايا كدا انت عايز تخوفني عايز ايه مني

غيث:اخوفك؟اخوفك ليه؟

روز بدموع:انت كنت عند اياد وانا شوفتك وحسيت انك متغير....انت مش

غيث:حبيبتي انتي اغم عليكي في اوضتك

روز بدموع صرخت فيه:انت كذااااب

غيث اتنهد بضيق:روز انا مبكذبش زيييييينب تعاااالي

زينب قربت:نعم

غيث:اي اللي حصل من اول مروحت الشركة

زينب:الهانم مرضيتش تصحى وحاولت افوقها مفيش فايدة فسيبتها ترتاح ونزلت وبعد شوية لقيتها بتصوت جريت شوفتها نايمة وبتصوت فأتصلت بحضرتك

روز بصدمه:انتي كذابة انا كنت بفطر مع اياد ونزلت لقيتك مشيت وطلعت شوفتك واستغربت بس انت كنت غريب انت مكنتش زي دلوقتي

غيث ابتسم:انتي بقيتي مجنونة بيا لدرجة هتشوفيني في كل مكان

روز بغضب:انا مبهزرش يا غيث مبهزرش ودي مش اول مرة

زينب استأذنت وخرجت

روز مسكته:انت ليه بتعمل كدا معايا ليه انت عايز اي مني عايز ايه ومخليني هنا ليه وانت عارف اني مملكش حاجة اديهالك ليييييه بتعمل كداااااا

غيث:بعمل اي

روز بدموع:انت فاهم بطل تستغباني

غيث:اهدي ممكن تهدي عمتي هنا يلا بقى البسي

روز كشفت دراعها بألم شافت علامة زرقا بصتله:هل دا من الحلم انت شكيتني بحاجة انت حقنتني بحاجة ودي العلامة دا حلم؟هو الجسم بيتأثر من الحلم ولا الروح هااااا

غيث:بقولك محصلش يلا ننزل

قامت بغضب وعدم تصديق:انت بتكذب كلكوا بتكذبوا

غيث حضانها وهمس:اتمنى اللعنة متأثرش عليكي يا حياتي

روز غمضت بضيق:مستفز

غيث اتمالك نفسه وبصلها ببرود:مستنيكي تحت يا حياتي ها

نزل وهي بصت على الكنبة شافت فستان انيق مقفول وجزمة رقيقه فهمت انه عايزها تلبسه بالفعل لبسته وافتكرت كلامه فردت نفسها وشافت قد اي هي جميلة والفستان محليها خدت مرطب الشفايف حطت منه زي مهي متعودة ونزلت شافت بنات في منتهى الجمال بنتين يشبهوا البدر كل واحدة فيهم ليها جمال منفرد وشابين ورجلين ومراتتهم

غيث قرب مدلها ايده مسكت ايده وغيث ابتسم:اقدملكم مدام روز مراتي

كان باين عليهم الصدمه والغضب في نفس الوقت

غيث:اقدملك يا روز عمي شاكر واولاده عمار ووليد ومراته مدام سوزي وعمتي جواهر وجوزها رامي وبناتهم مرڤت و سلوى

روز ابتسمت:اتشرفت

مرڤت ابتسمت بإصطناع:امممم اهلآ

سلوى ابتسمت:حلوة اوي يا ابيه غيث انا اتشرفت اكتر بيكي

الكل ماعدا غيث وروز بص لسلوى بغضب وهي بصت لتحت بإحراج

جواهر بصت لرامي ولشاكر

شاكر بص لغيث

غيث ابتسم:اي يا عمي شكلكوا مش مبسوطين

سوزي ردت وهي بتحاول تلطف الجو:لا لا يا غيث بس اتفاجأنا انت معملتش فرح ولا حد يعرف حاجه

جزت على سنانها بغيظ مقدرتش تداريه

وليد بسخرية:يعني كان حد يعرف في جوازة البيه التاني

عمار ابتسم:الا قولي هو فين اخو

غيث قاطعه بسرعة:الغدا جاهز يلا ومفيش اي كلام على الاكل

روز بصتله بإستغراب واتجمعوا كلهم على الأكل غيث كان على الكرسي الرئيسي وعمار قدامها

سلوى:اومال فين اياد يا ابيه

غيث:هو نايم دلوقتي وبيحب يفطر في اوضته

عمار:ونادر؟

غيث بصله وسكت

شاكر:كل يا عمار بعد الأكل نتكلم

روز بصت لغيث بإستفهام مين نادر شاورلها بعينه تاكل وهي بقت تاكل بس مستغربة مين نادر!

عمار:هي مراتك بجد؟

غيث بصله بهدوأ بيحاول يحافظ عليه

شاكر:عمار؟

عمار:مش حاسس بينكوا انكوا متجوزين ولا هي زي مراتك كدا

غيث اتعصب بس ابتسم ببرود وبيحاول يتمالك نفسه اتكلم بإستهزاء:والمفروض اني اثبت لحضرتك ازاي؟

عمار اتراجع بعد مقلق من طريقة غيث:احم....مقصدش بس...

غيث:الأحسن تركز في الطبق بتاعك صحيح ايه اللي خلاكوا تقررو تيجوا تزوروني رأفت باشا لسة قدامه شوية ولا انتو جايين لغرض تاني

جواهر:وحشتنا اي مينفعش

غيث ابتسم وركز في عينها بتهكم:وحشتكوا؟ ولا جالكوا خبر بقرب موتي

رامي:اي اللي بتقوله دا يا غيث متقولش كدا منستغناش عنك يا حبيبي

غيث ابتسم بغموض:كنت بهزر بس وعمومآ اتطمنوا لو حصلي اي حاجة هيكمل معاكوا ولي العهد

الكل تنح وروز بصتله وفهمت الكلام على اياد

عمار:ولي العهد؟؟

غيث حط ايده على بطن روز:مش تباركولي روز حامل

جواهر بصدمه:حامل؟

سوزي بان عليها الغضب

غيث ابتسم:وعلشان كدا بكرا هتيجي كوكي وهنعمل حفلة بمناسبة الخبر اللي كلكوا فرحتوا بيه دا

روز بصاله وهي مش فاهمه حاجة وقفت وهو مسك ايدها وبصلها:اقعدي

روز:شبعت هشوف اياد

غيث وقف وشالها وهي شهقت

عمار بصلهم بغضب

غيث:مش معقولة تطلعي لوحدك كدا يعني فكرك اسيبك تأذي ابني

طلع وهو مبتسم بإنتصار ركب الأسانسير وعيونهم كلها متسلطة عليه لحد مباب الأسانسير اتقفل وراح اوضتهم نزلها:نعم عايزة تقولي اي

روز:انا مش حامل

غيث ضحك:واكيد انا عارف انك مش حامل يا حبيبتي

روز:غيث....مش فهماك ولا عمري هفهمك

غيث:في اي لحظة انا ممكن يحصلي حاجة لازم كنت اخلق جواهم خوف ان لو حصلي حاجة هيبقى فيه وريث يا روز

روز صرخت فيه:انت بالفعل عندك الوريث دا واي اللي هيحصلك دول عيلتك يا غيث

غيث:مين قال كدا

روز بغضب:اياد ابنك انت مالك يا غيث!!مالك ليه بتتصرف بالشكل دا ليييييه

غيث:انتي متعرفيش كل حاجة اياد مش ابني ومحروم من الميراث ارتحتي كدا مش هيورث فيا يا روز

روز بصتله بصدمه

غيث:روز خليكي ماشية زي منا عايز انا فاهم وعارف كل حاجة وبلاش تعرفي حاجة علشان متتورطيش

روز هزت راسها بنفي:انت مستحيل تكون بني ادم عاقل انت مجنون

غيث مسك كتفها بعنف وهو بيحاول يتمالك نفسه:روز

روز حست ان عضمها هيتكسر بصتله:سيبني...

غيث:انا اعتبرت ربنا رزقني بيكي وبعتك نجدة ليا..

روز:مش هقدر اتعايش مع الوضع المريب دا....مش قادرة افهم حاجة....صدقني مش قادرة.

غيث حضانها وهمس:خليكي واثقة فيا واوعدك انك مش هتندمي

روز بصتله

غيث باس جبينها وبصلها:عايز اعرف كل حاجة عنك اي اللي خلى اهلك ينفصلوا واي اللي خلاكي مع امك وجوزها وازاي كان بيعاملك ويا ترى كان راجل محترم ولا مكنش يعرف ربنا وحاول يتطاول عليكي

روز بصتله بعدم فهم

غيث لمس خدها بهدوأ:يعني يقرب منك

روز بصتله بصدمه:تقصد اي انت

غيث هز راسه بنفي:انا عايز اعرف كل حاجة مش اكتر ودا ميفرقش معايا اي حاجة حصلت في الماضي وعارف ان كلامي مش منطقي بس للأسف اللي ميعرفش الصح والغلط الحلال والحرام ممكن يعمل اي حاجة مش كدا!

روز بضيق:محصلش حاجة زي كدا...كنت زي بنته....او مش بالظبط بنته..كان بيضربني بغل غريب!..بس هو افتكر اني على علاقة معاك افتكر اني واحدة سيئة...يعني علشان كدا ضربني يومها

غيث هز راسه بإيجاب:اممم

روز:ومتحاولش تعرف لأني مش هعرفك حاجة عني غير لما توضحلي اللي بيحصل هنا واياد ليه حرمته من الميراث دا طفل دا ابنك

غيث:سؤال حلو بس اجابة مش متوفرة

روز بصتله بغضب:وانا اجابة مش متوفرة بردو

غيث:اقلعي

روز بصتله وبعدت بغضب ونظرات نارية بتتوجهله

غيث ضحك:مقصدش اقصد غيريه يعني اوعي تفهميني صح

روز خدودها احمرت واتغاظت:ليه...مش انت اللي جايبه

غيث بتقييم:فعلآ انا اللي جايبه مكنتش متخيل انه هيبقى قمر اووي عليكي كدا لدرجة ان عمار مشلش عينه من عليكي مش كدا

روز:عمار؟دا ابن عمك وبعدين انا ملاحظتش

غيث:بس انا لاحظت ودا كفاية يلا غيريه

روز بصاله والدموع في عينها

غيث:هو انا كل مهكلمك هتعيطي عملت اي بقولك غيريه

روز بعدت نظرها عنه:انت بتضايقني

غيث حاوطها:انتي اللي بتضايقيني بدموعك

روز بصتله

غيث ابتسم

روز:صارحني وقولي اي اللي بيحصل هنا لو واثق فيا انت مش متخيل التوهان اللي انا فيه

غيث هز راسه بإيجاب:مش وقته يلا روحي غيري هدومك هما هيقعدوا في الدور اللي تحت

روز هزت راسها بإيجاب وراحت على اوضتها قعدت بإستغراب من تصرفات غيث وراحت على اوضة اياد خبطت ودخلت واياد ابتسم:انتي كويسة

روز:الحمد لله انا بخير

اياد حضانها:انا خوفت عليكي

روز استغربت:خوفت عليا انا ليه؟

اياد:بابا حضنك وانتي وقعتي ومكنتيش بتردي عليا او بتكلميني

روز بصتله بدهشة دا مكنش حلم هي عارفة بس ليه غيث كذب عليها فكرت تروح وتواجهه بس غيرت رأيها هو بيعرف ازاي يبرر وازاي يرد على اي كلام بس لازم هي تعرف في ايه واي اللي بيحصل هنا هل بسبب لعنة فعلآ ولا بسبب غيث الكيلاني نفسه

اياد:روز مالك

روز:مفيش حاجة...مفيش

اتجمعوا على العشا وعمار مشلش عينه من على روز طول مهما قاعدين ودا كان بيضايق غيث جدآ اتخيل كذا مرة انه ضرب راس عمار في طبق الشوربة السخن

وليد:اي اخبار شغلك؟

غيث بإقتضاب:تمام

عمار:وانتي خريجة اي يا مدام روز

روز بصتله وبصت لغيث

عمار:انا بسألك انتي

غيث:الأحسن انك تركز في اكلك وشك مبقاش عاجبني

عمار بصله بغضب

غيث بياكل ببرود

روز بتبلع الأكل بصعوبة

غيث مسك ايدها من تحت الترابيزة وهي بصتله

غيث بياكل بهدوء وهي ابتسمت

سلوى ابتسمت:انتي بتحبيه؟

روز بصت لسلوى بإنتباه

سلوى:ابن خالي جميل ووسيم بس عمري مشوفت واحدة بتبصله بالطريقة دي

روز:وانتي كنتي بتشوفي معاه كتير

سلوى ضحكت:هو احنا كنا بنشوف معاه حد اصلآ...بس القصر دا مكنش بيفضى من الستات

جواهر:سلوى اخرسي

غيث بصلها بحدة وهي وشها احمر

روز بصت لغيث وهزت راسها بنفي وعدم تصديق هتسحب ايدها غيث مسكها بقوة اكبر

عامر لاحظ تغير ملامحها وابتسم:انتي مش محظوظة خالص بجد يا انسة روز مش محظوظة انك تبقي نمبر وان في حياة جوزك

غيث:مدام روز والأحسن لو دا هزار توفره لنفسك عشان مش ناقصين لخفة دم حضرتك

روز بتحاول تبعد ايدها وهو بيمسكها بقوة اكبر

روز وقفت وسحبت ايدها بغضب وعيونها احمرت بعصبية اتكلمت:سيبني

جريت على السلالم وغيث غمض بضيق وبص لسلوى بغضب

سلوى وقفت بتوتر واسف:انا اسفة يا ابيه...اسفة...

غيث هز راسه بنفي وطلع بالأسانسير

مرڤت ضحكت:اول مرة يعجبني كلامك الكتير

عامر ضحك:حرقتي دمه

سلوى اتضايقت والدموع لمعت في عينها وخرجت

جابر متابع بصمت وتركيز وكأنه بيسجل كل حاجة

روز بصت لغيث:نعم

غيث:انتي ليه هبلة وبتسمحي لأي حاجة تعصبك

روز بدموع:دي مش عصبيه

غيث:دا غباء

روز بدموع وصوت عالي:دا خوووف دا اسمه خوووف

غيث:خوف؟من اي

روز بدموع:من اي؟...من اي انت بجد بتسأل؟كل حاجة بتخوف العيشة معاك بتخوف العيشة في القصر بتخوف اكتر عارفة انك اكبر زير نسا يا ترى انا نزوة من بتوعك

اتنهدت بدموع وهي مغمضة بعنف وقربت مسكت ايده:غيث بصلي واسمعني اسمعني بقلبك لو كان عندك رحمه انا مش حملك ولا قدك ولا من مستواك ولا انفعك صدقني انا مينفعش اكون نزوة انا خسرت كل حاجة مش باقيلي غير نفسي اللي انت بتستنفذها هنا بلاش تدمرني

غيث بغضب بصلها:ادمرك؟انا عملتك الهانم هنا انا اعترفت اني بحبك دا مش كفاية!انا عملت اي حاجة وحشة تمام انا بني ادم وحش طيب انا شخص اناني وحقير ومريض ماشي بس انا ولا مرة اعترفت لحد بالكلمة اللي انتي مستهونة بيها انا مش الشخص اللي بيخدع هااا انتي شيفاني الوحش البشع اللي مليان عيوب

روز بصاله

غيث غمض بضيق:انا بحاول وبجاهد احافظ على هدوئي واللي بتستنفذيه انتي تمام حلو يا روز خليهم يستفذوكي وخليكي تغضبي وتتعصبي وتعملي مشكلة من اللاشيئ انتي براحتك

روز مسكته وهي مركزة في عينه

غيث باصصلها

روز:انا خايفة....انا بجد خايفة ومش عارفة اعمل اي انا خايفة

غيث حضانها:طيب اعمل اي

روز:طمني...قولي ليه بتتصرف كدا....قولي ليه بتكذب عليا انا واثقة واتأكدت اني مكنتش بحلم ليه كذبت.. قولي يا غيث ليه....وليه مش هتعلن جوازنا ليه مش عايز فرح ولا اي حاجة

غيث:لسة يا روز لسة مجاش الوقت

روز:طيب انا...وانت اي دلوقتي

غيث:متجوزين

روز:عرفي؟

غيث:متحسيبهاش كدا مش الجواز ايجاب وقبول والورق انا وديته للمحامي

روز:واشهار وشهود وولي و

غيث قاطعها بضحكه:انتي بتهزري اهلي دول مش اشهار وشهود وولي مين ابوكي مستغني

روز بدموع:اهلك دول ميفرقوش عن قرفك حاجة

غيث سحب شعرها بغضب:رووووووز

روز غمضت بخوف

غيث سابها:هسيبك وبمزاجي بس افتكري اني صبور لأبعد حد ممكن تتخيليه معاكي واستعدي

روز بصتله بغضب:لأيه تاني

غيث لمس بطنها بهدوء:لولي العهد انتي نسيتي ولا اي يا روز دا انا لسة قايلهم

روز زأت ايده:بتحلم

غيث ابتسم وهو باصصلها:حلمي بيبقى حقيقه يلا يا روزي استعدي وبالمناسبة عايز اشوفك بقميص من بتوعي بيبقوا قمر عليكي

روز بتبص حواليها مسكت المخده وحدفته عليه وهو غمض بذهول

غيث فتح عينه وبصلها:والله

روز شافت كباية ميه مسكتها ودلقتها في وشه غرقته وهو مذهول مسكها:انتي اتجننتي

روز عضته في ايده وهو صرخ بألم وبعد:اااه روز؟؟

روز:انا قولتلك تنسى الموضوع دا فاهم؟

غيث باصصلها بذهول

روز نامت على السرير واتغطت

غيث بص لعضتها:سنان سنجاب

روز غمضت وهي بتكتم ضحكتها بالعافية هي نفسها مش عارفة اتصرفت معاه بالشكل دا ازاي

غيث نام جنبها وهي حست بيه بيضمها باس جبينها وهمس:صدقيني مقصدتش اجرحك بأي شكل

روز غمضت عينها بحزن

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

يحيى باصص لسراج

سراج بيلعب في تليفونه

يحيى:انت ولا همك

سراج:ولا همي هتفرق في اي منا كنت عايش في سجن ووحدة متفرقش عن اللي انا فيها

يحيى:امل وحشتني....مش متخيل الفترة دي مش هشوفها؟وحشتني من دلوقتي

سراج: وانا كمان

يحيى رفع حاجبه: نعم يخويا

سراج ضحك: اكيد مش قصدي على امل....(ابتسم بحب) وحشتني بكل تفاصيلها هدوئها وشقاوتها كلمة سراج منها وكلمة ابيه لما تحب تضايقني وحشتني ووحشني يحيى.... وحشني هزارهم وضحكهم وحبهم مش هتتخيل ازاي انا... ازاي انا نفسي اخودهم في حضني ولو ثواني.... شكلكوا كنت صح وانا اللي غلط القضية دي لعنة والعند جاب نهايتي

دخل عليهم تلت اشخاص بأجسام ضخمه وشهم يدل على الأجرام

يحيى بص بإستغراب ووقف والعسكري قفل الزنزانة

.....: اي دا انتو جداد هنا يا مرحب

.....: طلع يلة انت وهو اللي معاكوا حلو التليفون دا فاكر نفسك في فندق يا روح امك

يحيى ركل اللي اتكلم بعنف: انا المقدم يحيى سيف الدين ولو محترمتش نفسك منك ليه انتو بتفتحوا على نفسكوا ابواب جهنم

..... وقف بألم: مقدم لا خوفتني وضبوهم حلو بالذات ابو شعر دا

مسكوه وقبل ميمد ايدهم عليه سراج قام وبقى يضرب بغل ويحيى اتحرر من بين ايدهم وبدأ الضرب العنيف كانوا بيخرجوا مشاعر هما كتمينها خصوصآ سراج اللي شاف فيهم انهم سبب في بعده عن احب الناس لقلبه... اتفتح الباب والعساكر بتبعدهم ومسكو سراج:كفاااية يا سراج باشا هيموت في ايدك

سراج بصلهم بغضب:انتو هتستهبلوا واي اللي دخلهم دول

العسكري بص لتحت:امر

سراج:امر دي لعبة قذرة وكل اللي اشترك فيها هيدفع التمن غالي اووي

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

اوتار بدموع:وبعدين ...

عز قاعد قدامها:مش هسيبه انا عارف ومتأكد انها لعبة من غيث الكيلاني

اوتار مسكت ايده بترجي:لازم ترجعه يا عز لازم دا ابني دا ملوش غيرك اوعى تتخلى عنه لأي سبب

عز باس ايدها:اهدي ومتعيطيش اهدي يا اوتار حبيبتي انا مستحيل اتخلى عنه ازاي اتخلى عن ابني الوحيد يا اوتار وبعدين انا عارف كل حاجة هو غبي بس مش قذر...

اوتار حضنته:البيت فضي بشكل مخيف انا عايزة ابني ومراته وابنه يرجعوا انا عايزة حور ولورا عايزة عيالي يرجعوا تاني ارجوك.....ارجوك يا عز مش عايزة اعيش بالشكل دا

عز اتنهد وهز راسه بإيجاب وهو بيهديها:حاضر طيب اهدي

#رواية_هـنـا_الـتـقـيـنـا

للكاتبة/ندى محسن ♕Noody♕

متابعة لصفحتي هنا 

#Nada_Mohsen

روز فاقت شافت نفسها في اوضة اياد وهي مش فاكرة بصت حواليها بإستغراب شافت نفسها نايمة واياد نايم في حضنها استغربت وافتكرت اللي حصل:انا...كنت مع غيث ازاي جيت هنا

قامت وخرجت خبطت في نادر ابتسم نظراته كانت مختلفة كان مبتسم ابتسامه غريبة كان مخيف هيئته نظرته

نادر:انتي شبهها اوي شبه ايمان

روز بصاله وبتتنفس بصعوبة وخوف وبتبعد لحد مخبطت في الحيطة وهو حاوطها:شبه مامت اياد اووي هي كمان كانت مليانة بالحيوية والنشاط والحب بس انطفت هنا كانت جميلة شقية بس اتقتلت هنا اتقتلت فاهمه يعني اي

روز زأته بخوف وهتمشي سحبها:رايحة فين

روز بدموع وخفوت وهي مش متوازنة:ابعد عني

نادر حضانها وهي زأته وهزت راسها بنفي:انت مش غيث مش كلامك ولا ريحتك ولا نظراتك انا معرفكش هو اي اللي بيحصل هنا اي اللي بيحصل

صرخت بخوف وغضب:انا مش فااااهمه انت عايز اي مني سيبني بقى سيبني

نادر طبطب عليها:انتي بتحلمي دا كابوس يا حبيبتي والأحسن تصحي منه هاااا امشي من هنا يا حلوة امشي من هنا ومترجعيش

روز كانت منهارة وبتبعد ايده وتوازنها اختل تاني وفقدت الوعي بعد فترة فاقت شافت نفسها في السرير في حضن غيث اتخضت

غيث فاق من النوم:مالك يا حبيبتي

روز بصاله وهزت راسها بنفي جريت على الحمام قفلت الباب بالمفتاح وهي خايفة بصت في المرايا شكلها مخيف السواد اللي تحت عينها مخليها مختلفة مش هي رجعت ومعدتها تعباها وقعدت ترجع وغيث بيخبط مبتفتحش كشفت دراعها شافت زرقان مكان كل شكة اتشكيتها غطت دراعتها وعيطت انهارت في العياط وقعدت في الأرض بتهز راسها بنفي:ليه...ليه كدا..

غيث هيكسر الباب:روووووز افتحي لو مفتحتيش هكسر الباب افتحيييييي

روز فتحت بخوف وهو بصلها بقلق:انتي كويسة

بصاله ومبتتكلمش

غيث:روز حبيبتي انتي كويسة

روز:حبيبتك؟....حقن اي اللي بتديهالي دي....حقن اي اللي مخلياني مش شيفاك بوضوح وبجاهد عشان اقف حقن اي الملعونة دي اتكلم

جريت وقعت على السرير بسرعة وبصتله ونفسها ضيق الدنيا بتدور بيها :حرام عليك بطل تعمل كدا انا معملتش حاجة انا ساعدتك انا انقذت حياتك انت بتعمل فيا اي....انا مبحلمش ولا في كابوس انت ليه بتعمل كدا

غيث بإنفعال وضيق:انا معملتش حاجة

روز صرخت فيه:هتقولي اللعنه انت اللعنة الوحيدة اللي في قصر الكيلاني يا غيث انت اللعنة الوحيدة

غيث بصلها

روز غمضت بألم:حقن اي

غيث:مهدءات.....منوم......ومخدر

روز بدموع:وليه انت خايف مني للدرجة دي ليه

غيث قعد جنبها بيمسح دموعها بعدت ايده وبعدت عنه بتعب اتنهد:صدقيني معملتش حاجة

روز:انا بكرهك...انت بني ادم مش طبيعي

غيث هز راسه بنفي:روز....انا بحبك ومش هتسيبيني لازم تفضلي معايا لازم تتمسكي بيا

روز صرخت فيه:مش انا انا مش مراااتك انا مش هي انت بتشوفني فيها بس مش انا هي مش ايمان يا غيث

غيث:مين قال كدا دا مش صح

روز بدموع بصتله وهي بتهز راسها بعدم تصديق هو بنفسه اللي قال كدا

غيث:روز انا مش هسيبك

روز:يبقى انا اللي هسيبك جريت على طبق الفاكهه وخدت السكينة وهتجرح ايدها مسك السكينه وهي بتسحبها بعنف وهو ماسكها جامد رافض يسيبها:اعقلي اي اللي بتعمليه دا

نجح يشيلها منها ورماها في الأرض وهي اتصدمت لما شافت السكينة غرقانة دم وايدها متخدشتش حتى خدش صغير بصتله بصدمه وشافت ايده بتنقط الدم على الأرض

غيث:روز عيزاني اسيبك...هسيبك...بس انا كنت محتاجك وتأكدي ان اي حاجة من اللي حصلت هعمل اي حاجة علشان متحصلش تاني..روز مش لازم تسيبيني فاهمة انا محبتكيش من يوم وليلة انا حبيتك من اول ماكنتي في الجامعة حبيتك كنت بعدي بس بالعربية من قدام جامعتك علشان اشوفك

روز بصتله وبصت لدراعها وهي مسكاه بألم

غيث:اسف....مش هعمل كدا تاني مش هيحصل اللي حصل دا تاني

للكاتبة/ندى محسن ♕Noody♕

متابعة لصفحتي هنا 

غرام: انا تعبت قولي اعمل اي انا هموت وانام يا يحيى مينفعش كدا متنام بقى

يحيى عيط

غرام غمضت بضيق: بتعيط ليه دلوقتي عملتلك اي انا

يحيى: عايز بابا

غرام: بابا؟

يحيى هز راسه بإيجاب: عايز اروح عند بابا عايز اكلمه

غرام: حبيبي بعدين نشوف الموضوع دا يلا نام

يحيى عيط اكتر وهز راسه بنفي

غرام......