رواية مزاوله حب الفصل السادس 6 بقلم دودو محمد

اتفقوا التلاته على الخطه اللى هيقوم بيها بدر واستعدوا علشان يمشوا ولسه بتلف تمارا قالت

تمارا :- بصدمه يوسف ا.ا.انت بتعمل ايه هنا

يوسف :- كان بيبص لبدر وبيدوس على أسنانه وقال جيت اتعرف على حبيبك اللى انتى وعدينى تخلينى أقابله

تمارا :- م.م.ما انا لسه مقولتش ليه

بدر :- مين ده يا حبيبتى

تمارا :- بتوتر د.د.ده يوسف جارنا

بدر :- يوسف بس عمرك ما قولتى ليا عليه

يوسف :- بغيظ عمرك ليه هو انت تعرفها بقالك قد ايه علشان تقولها عمرك

تمارا :- ا.ا.اصل يا حبيبى كان مسافر ولسه راجع من السفر

بدر :- اممم ماشى اهلا وسهلا ومد أيده ليه

يوسف :- مد أيده وسلم عليه وداس على أيده جامد وقال اتشرفت بيك يا اخ بدر

بدر :- بألم انا اشرف

يوسف :- انت بدر ولا اشرف

بدر :- اقصد اقولك الشرف ليا وشد أيده من ايد يوسف بص عليها لاقها حمرا من ايد يوسف

تمارا :- ط.ط.طيب يلا بينا يا جماعه نمشى

بدر :- بخوف ايوه انا بقول كده برضه وحط أيده على ضهر تمارا

تمارا :- اتوترت وقربت من ودن بدر وقالت شيل ايدك لكسرهالك وابتسمت ليه بغيظ

يوسف :- شد أيد بدر من على ضهر تمارا وزقه على الكرسى وقال ليه لسه بدرى مش لازم نتعرف على الاخ بدر

تمارا :- قعدت على الكرسى ما بين يوسف وبدر وبصت للاتنين بتوتر

بدر:- قرب من تمارا وقال انتى متأكده أنه جارك بس

تمارا :- ايوه ده خاطب كمان

يوسف :- بغيظ هو انتو هتفضلوا تتكلموا فى ودن بعض كتير

بدر :- اصل بقولها كلام مينفعش حد غيرها يسمعه

يوسف :- نعم يا اخويه

يارا :- شدت بدر وقالت ليه فى ودنه خف شويه متنساش أنها زى أخته

بدر :- وربنا ما انتو فاهمين حاجه اسكتى احسن شكلى هنطحن النهارده

يارا :- ايه مش فاهمه

بدر :- اشوفكم والعين فى نار جهنم الراجل فضله تكه ويطلع من ودنه نار زى التنين

يوسف :- اخ بدر ركز معايا هنا ولا انت غاوى كلام ودان

بدر :- ها م.م.معاك طبعآ

يوسف :- تمارا كانت حكت ليا عليك

بدر :- مسك ايد تمارا وقال يا حبيبتى يا تيمو لدرجاتى بتحبينى وبتحكى لناس عليا

تمارا :- ضحكت ليه بغيظ وسحبت ايديها من أيده وقالت اكيد طبعآ يا حبيبى

يوسف :- داس على أسنانه وقال قيس وليلى يا اخواتى

بدر :- فشر فيس وعبله مين وعنتر وليلى مين دول بس احنا قصة حبنا اسطوره هتحكى الناس عليها على مر العصور

يوسف :- والله اسطوره مره واحده ليه محمد رمضان

بدر :- فعلا تيمو حبيبتى نمبر وان فى حياتى مافيا قلبى سرقته وبتخليه يعمل بم بم

تمارا :- حطت ايديها على وشها وقالت بصوت واطى يخربيت الاڤوره منك لله يا ندي الكلب انتى اللى اقترحتى عليا بدر

يوسف :- يا سكر

بدر :- انا مهما اقولك تيمو بالنسبه ليا ايه مش هتصدق

يوسف :- بص لتمارا وقال يا زين ما اختارتى والله يا تيمو

بدر :- لو سمحت متقولهاش تيمو انا بس اللى اقولها

تمارا :- م.م.مالوا بدورا مفيش منه اتنين مش احسن من المسهوكه بتاعتك

يوسف :- اسكتى دى ارين طلعت انشف منه وربنا قومى يا اختى قومى

تمارا :- اقوم اروح فين

يوسف :- اوصلك

تمارا :- ل ل.لاء انا هروح فى عربيتى مع بدورا حبيبى

يوسف :- داس على أسنانه وقال مين يا اختى

تمارا :- بدورا حبيبى

يوسف :- بغيظ اممممم حبيبك ماشى ماشى وبص لبدر بغيظ ومشى

تمارا :- بغيظ ايه اللى انت عملته ده يخربيت تمثيلك اوڤر بشكل ده انا خوفت ليكتشف أنها لعبه وعمال تقول بثقه انا بعون الله هخليه يجيب المأذون ده انا اللى هجيب ليك حنوطى يشيلك

يارا :- بصراحه عندها حق انا اللى أسمى اختك كان دمك تقيل على قلبى اوى الصراحه

بدر :- بس انا كنت حاسس ان دمى خفيف اوى على قلبى حبتنى موت فى الدور ده

تمارا :- بغيظ انت بتهزر وبعدين تعال هنا انت بتمد ايدك عليا وتلمسنى ليه ها

بدر :- الله مش لازم اخليه يقتنع

تمارا :- ده على اساس ان هو كده اقتنع ادعى عليك بأيه بس ا.ا انت عارف بعد كده لو لمستنى هعمل فيك ايه هعملك كفته هكسرك دراعك ده مفهوم وبعدين مفيش مره تانيه اول واخر مره هتقابله تانى ووقفت وقالت انا ماشيه

يارا :- استنى هنا ازاى ماشيه مش هتوصلينا

بدر :- مفيش اى تقديرات لمجهوداتى كده ده انا لو نزلت فيلم قصاد فيلم محمد رمضان هفوز عليه وبقداره

تمارا :- يارا انتى عايزه اخوكى ده

يارا :- انا اتبريت منه من زمان

تمارا :- احسن برضه وخبطت رجل الكرسى من تحت وقعته على الأرض

بدر :- اتفاجئ باللى حصل بص حاوليه وحط رجل على رجل وهو نايم على الارض وقال فنان يا ابنى حتى وانت بتقع برنس

تمارا :- عاااااا بارد وطلعت تجرى ركبت العربيه ومشيت

يارا :- قوم يا اخرت صبرى قوم

بدر :- قام من على الارض وقال انتوا خساره فيكم فنان زى

يارا :- انت خساره فى البشريه كلها امشى ضيعت علينا المواصله ومشوا الاتنين وراحوا على البيت

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى فيلا حسام

وصل يوسف وهو متعصب دخل لاقهم كلهم قاعدين قال

يوسف :- السلام عليكم

الكل :- وعليكم السلام ورحمه الله وبركاته

حسام :- اتأخرت كده ليه يا ابنى

يوسف :- كان عندى شغل كتير

سميه :- وتمارا

يوسف :- جايه فى عربيتها عن اذنكم ودخل اوضه غير هدومه ولاقه ارين بتفتح الباب عليه اتنهد وقال عايزه ايه يا ارين

ارين :- دخلت وقفلت الباب وراها وراحت عند يوسف وقالت مالك يا حبيبى

يوسف :- بعد عنها وقال مليش

ارين :- انت متعصب يا يوسف

يوسف :- لا متعصب ولا زفت واتفضلى اطلعى من الاوضه وسبينى

ارين :- عيونها دمعة وبصت ليه ولسه هتمشى

يوسف :- اتنهد ومسكها من دراعها وقال متزعليش

ارين :- انت اتغيرت معايا اوى يا يوسف انت مبقتش يوسف اللى اتعرفت عليه فى إيطاليا

يوسف :- معلش يا حبيبتى متزعليش عندى شوية مشاكل فى الشغل

ارين :- اوك عن اذنك

يوسف :- استنى هنا رايحه فين

ارين :- هسيبك ترتاح

يوسف :- سندها على الحيطه وقرب منها وقال ما انتى عارفه راحتى فين وقرب من شفايفها وباسها وفاجئه بعد عنها

ارين :- مالك

يوسف :- مشى أيده على شعره وقال مش عايز ده يحصل يا ارين

ارين :- ليه مع انك كنت بتعمل معايا كده فى إيطاليا عادى

يوسف :- يا حبيبتى افهمينى احنا كده بنغضب ربنا لانك مش مراتى

ارين :- خلاص كلم مامى فى الفون وقرب ميعاد جوازنا

يوسف :- ايه

ارين :- مالك

يوسف :- م.م.مفيش خلاص يا حبيبتى هكلم بابا يكلم مامتك

ارين :- بفرحه بجد هيييييا وحضنته

يوسف :- غمض عينه بحزن وطبطب على ارين وبعد عنها وقال يلا انزلى استنينى تحت هروح العب شوية فى الجيم واجى

ارين :- بفرحه حاضر وباسته من خده ونزلت تحت

يوسف :- بص على ارين وهى ماشيه وغمض عينه وقال اهدا يا يوسف اهدا انت ليه متعصب وافتكر لما بدر حط أيده على ضهر تمارا ولما مسك ايديها اتعصب اكتر ونزل يجرى على الجيم

عند تمارا

دخلت الفيلا عندهم سألت على ابوها وامها قالوا ليها أنها فى الفيلا التانيه اتنهدت وراحت عند فيلا حسام ودخلت وقالت

تمارا :- السلام عليكم

الكل :- وعليكم السلام ورحمه الله وبركاته

سميحه :- ادخلى يا حبيبتى غيرى هدومك علشان تتعشى

تمارا :- قعدت على الكنبه جنب ارين وزقتها وقالت اوعى كده اخده المكان كله وبعدين بصت لسميحه وقالت مليش نفس يا طنط اتعشوا انتوا

ارين :- على فكره بقى انتى اللى عندك جناب واخدى المكان كله

تمارا :- طيب بس يا ماما بس علشان معملش وشك كفته وبعدين قالت امال فين البت رحمه

سميه :- فى اوضتها فوق

تمارا :- وقفت وقالت أنا طالعه ليها

عماد :- متتأخريش فوق

تمارا :- حاضر يا بابا عن اذنكم وطلعت خبطت على باب اوضت رحمه ودخلت وقالت قاعده هنا لوحدك ليه

رحمه :- مليش نفس اقعد معاهم تحت

تمارا :- نامت جمبها على السرير وقالت ليه

رحمه :- زهقت من قاعدت البيت يا تمارا

تمارا :- طيب ما تنزلى اشتغلى

رحمه :- ما انا قولت ليوسف قال إن مالك صاحبه رايح يقدم على الوظيفه النهارده وانا اخلينى بكره

تمارا :- قامت سندت راسها على ايديها وقالت مالك مين ده

رحمه :- ده صاحب يوسف فى إيطاليا ورجع مصر ومش ناوى يسافر تانى وهيشتغل مع يوسف فى الشركه

تمارا :- افتكرت اللى سلم عليهم وقالت بقى هو اسمه مااااالك

رحمه :- ايوه بتسألى ليه

تمارا :- ها ولا حاجه مشوفتيش يوسف

رحمه :- لاء

تمارا :- ماشى وقامت وقفت وقالت هروح انام مش قادره

رحمه :- مش هتتعشى

تمارا :- لاء مليش نفس يلا تصبحى على خير

رحمه :- وانتى من أهله

تمارا :- خرجت من اوضت رحمه وبصت على باب اوضت يوسف وبعدين نزلت وبصت على الجنينه لاقت اوضت الجيم منوره عرفت أن يوسف هناك بصت على ابوها لاقته قاعد وضهره ليها خرجت تجرى على الجنينه وراحت عند اوضت الجيم وبصت عليه وهو بيلعب رياضه بعنف شديد وقالت احم احم

يوسف :- بص ليها وقال وصلتى ننوس عين امه

تمارا:- متقولش عليه كده لو سمحت

يوسف :- بعصبيه الولا ده نصاب وبيمثل عليكى الحب علشان طمعان فيكى

تمارا :- لاء طبعآ بدر بيحبنى بجد هو بس بيحب يهزر مش اكتر

يوسف :- بيحبك ايه ده كان باين عليه اوى أنه بيمثل

تمارا :- ا.ا انت حطه فى دماغك ليه

يوسف :- بغيظ وانا هحط واحد زى ده فى دماغى ليه أن شاءالله

تمارا :- دخلت الاوضه وسندت على الحيطه وقالت معرفش بتكرهوا ليه مع أن اى حد يشوف بدروا يحبه علطول

يوسف :- ده دمه يلطش ومأڤور اوى وبعدين ايه بدورا دى مش لايقه عليه خالص فيه حد يحب حد اسمه بدر

تمارا :- اه ماله اسم بدر مش احسن من اسم ارين

يوسف :- بقى انتى هتجيبى اسم ارين حبيبتى لاسم بدر ده انقرض من ايام مسلسل ذئاب الجبل

تمارا :- عجبنى

يوسف :- ما يعجبك وانا مالى هو الصراحه ما جمع الا ماوفق لايقين اوى على بعض

تمارا :- بصت ليه بغيظ وقالت طبعآ انا وهو لايقين على بعض مش احسن من صفار البيض اللى معاك لايقين على بعض موت حله ولاقت غطاها

يوسف :- بقى اريو حبيبتى حله

تمارا :- بغيظ هى فعلا اريل بس مش مظبوط وضحكت ليه بأستفزاز وسابته ومشيت

يوسف :- اتعصب اكتر وقال مبقاش انا لو مكنتش خليت سى بدر بتاعك ده متساوى مع الاسفلت وكمل لعب رياضه

تمارا :- راحت على الفيلا بتاعتها ولسه هتدخل اوضتها سمعت صوت اغانى فى اوضت كريم راحت وخبطت على باب الاوضه مسمعش فتحت الباب ودخلت لاقت الاوضه ضلمه شغلت النور وبصت حاوليها

كريم :- بعصبيه بوظتى الفيديو شغلتى النور ليه

تمارا :- فيديو ايه ده

كريم :- بعمل تيك توك

تمارا :- نعم يا اخويه توكتك ده اللى هو ازاى

كريم :- تعالى افهمك ده برنامج ميوزكلى بتحمليه من على جوجل وبتسجلى فيه زى الفيسبوك بالظبط وبعد كده بتشغلى اغنيه وبتحركى شفايفك مع الكلام وتعملى حركات رقص

تمارا :- احلف

كريم :- انتى مش معانا فى الزمن ولا ايه

تمارا :- لاء شكلى دخلت آلة زمن غلط تيك توك ايه ونيلت ايه ركز يا اخويه فى مذاكرتك

كريم :- مذاكره ايه بس ده عليه شوية بنات

تمارا :- أحيه يا ابو سوسو احيه تعال شوف ابنك يا عماد بيتفرج على البنات فى التيك توك يا هيبتك اللى راحت وسط الخلق يا ابااااااا

كريم :- ايه سد انتى هتندبى

تمارا :- اندب بس احيه

كريم :- تمارا روحى اوضك

تمارا :- رايحه بس ابقى ارقص بضمير وراحت عند الباب وبصت لكريم وقالت احيه وخرجت وقفلت الباب وراها وقالت تيك توك عجبى وراحت عند اوضتها ودخلت غيرت هدومها ونامت على السرير وطلبت رقم ندي وانتظرت الرد واول ما سمعت صوتها قالت ادعى عليكى بأيه وانتى فيكى كل العبر بقى انا تعملى فيا المقلب ده

ندي :- فيه ايه حيلك عليا

تمارا :- بصوت ندي مفيش غير بدر يا تمارا هو اللى هينفعك يا تمارا

ندي :- ليه ايه اللى حصل

تمارا :- ايه اللى حصل قولى ايه اللى محصلش دى كانت فقره مسخره يوسف اصلا مش داخله عليه اللعبه وبيقولى أنه بيمثل عليا الحب

ندي :- بضحك يعنى بدر ظبطك

تمارا :- ده ظبط اللى جابونى انتوا اصلا شلة عرر هيجى ايه من وراكم غير كده

ندي :- وانا مالى هو اخويه ولا اخو يارا

تمارا :- لاء اخو يارا بس شورتك السوده

ندي :- خلاص بقى يا تيمو ما انا مجاش فى بالى حد فى الوقت ده غيره

تمارا :- ابو معرفتكم السودا

ندي :- اهدي بقى علشان عايزه اقولك حاجه

تمارا :- قولى

ندي :- عارفه الشاب اللى جه فى المكتب النهارده سأل على يوسف

تمارا :- اه ماله

ندي :- صورته مفرقتش خيالى مش عارفه ليه

تمارا :- اممممم شكله حب من اول نظره

ندي:- يا شيخه اتنيلى يعنى شايفه احنا عارفين هو مين وهنشوفه تانى ولا لاء

تمارا :- هنشوفه تانى

ندي :- بفرحه مدام رديتى بثقه يبقى جبتى معلومات عنه صح

تمارا :- عيب عليكى ده انا تيمو اللى مفيش حاجه بتصعب عليها

ندي :- طيب قولى بسرعه عرفتى ايه

تمارا :- بصى يا ستى اسمه مالك كان صاحب يوسف فى إيطاليا وقرر ينزل يعيش فى مصر وهيشتغل معانا فى الشركه

ندي :- بفرحه حلاوتك يا تيمو يا جامد هى دى الاخبار اللى تفرح بجد

تمارا :- بضحك علشان تعرفى مساعدتى ولا مساعدتك الهباب

ندي :- انسي بقى يا تيمو

تمارا :- مش مهم انا انسي المهم يوسف ينسي اللى حصل فى الكافيه ده

ندي :- أن شاءالله هتعدى على خير ويوسف هينسى

تمارا :- يلا غورى بقى عايزه انام

ندي :- تصبحى على خير يا احلي تيمو

تمارا :- وانتى من أهله يا معرفه سوده باى وقفلت السكه وغمضت عينيها وقالت كل ده بسببك يا يوسف هتفضل لأمته تعذب فيا كده واتنهدت ونامت

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

اشرقت شمس صباح يوم جديد بنورها الساطع فى سماء القاهره لتبدء تمارا بفتح عيونها قامت من على السرير راحت عند الشباك بتاعها بصت منه على شباك يوسف وابتسمت ودخلت الحمام اخدت شاور واتوضت وخرجت لبست هدومها وأدت فرضها ونزلت قالت

تمارا :- صباح الخير

سميه :- صباح النور

تمارا :- امال فين بابا

سميه :- معرفش خرج هو وعمك حسام

تمارا :- خرجوا راحوا فين

سميه :- معرفش اقعدى افطرى

تمارا :- لاء مليش نفس

سميه :- يا بنتى انتى خسيتى النص وفى الوقت ده نزل كريم وقال

كريم :- صباح الخير

سميه :- صباح النور

تمارا :- ايه يا بتاع التيك توك رقصت بزمه امبارح

سميه :- شوفتيه طالع فى الفيديو قمر ازاى وبالذات لما عمل حركت الحواجب دى يهبل ابن الجزمه

تمارا :- نااااااعم هو انتى كمان ليكى فى التيك توك

سميه :- بضحك اه بحب اشجع المواهب اللى فيه

تمارا :- يا صدمتى فيكى يا سميه طيب ده شاب اهبل وطايش انما انتى ليه يا وكستك السوده فى عيلتك يا عماد

سميه :- بت اختشى عيب ايه اللى بتقوليه ده

تمارا :- احيه بالكركديه يا خوفى ليطلع بابا كمان ليه فى التيك التوك ده فيرس وانتشر يا خلق ولا ايه

كريم :- لاء وانتى الصادقه انتى اللى مش عايشه فى الدنيا

تمارا :- الحمدالله أن انا مش عايشه فيها انا ماشيه وسابتهم ومشيت

سميه :- سيبك منها اعملى الحركه اللى عملتها فى الفيديو اللى فات

كريم :- أنه حركه دى

سميه :- ايووووه عسل يا اخواتى جماله حلو يا ناس

كريم :- تصدقى انا هبدء اقتنع بكلام تمارا انا ماشي وسابها ومشي

سميه :- عيال متربتش صحيح لما اروح اتفرج شويه عليه فى التيك توك وقامت دخلت اوضتها

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى فيلا حسام

نزل يوسف من اوضه وقعد على السفره وقال

يوسف :- صباح الخير

سميحه :- صباح النور

يوسف :- امال فين بابا

سميحه :- معرفش نزل مع عمك عماد

يوسف :- نزل مع عم عماد امممم ماشي

سميحه :- هو انت عارف هما فين

يوسف :- ها ل.ل لاء وانا هعرف منين

سميحه :- ماشى

يوسف :- ارين صحيت

سميحه :- خرجت

يوسف :- خرجت راحت فين دى

سميحه :- بتقول هتعمل شوبينج علشان مخنوقه من قعدتها فى البيت

يوسف :- منها لنفسها كده من غير ما تقولى

سميحه :- قولتلها اصبرى يوسف لما يكون فاضي مرضتش

يوسف :- لما ارجع ليها من الشغل الهانم ووقف وقال انا ماشي

رحمه :- نزلت تجرى من على السلم وقالت يوسف استنا

يوسف :- رايحه فين كده انتى كمان

رحمه :- هروح معاك الشركه مش انت وعدنى

يوسف :- اتنهد وبص لامه وقال ما تيجى معانا بالمره يا ماما انتى كمان وننقل اقامتى فى الشركه بقى وزق رحمه وقال امشى يا اختى قدامى وخرجوا الاتنين من الفيلا ركبوا العربيه وراحوا على الشركه وبعد وقت وصلوا الاتنين ونزلوا من العربيه وطلعوا على المكتب بتاع يوسف وقال ليها اقعدى هنا لما اروح اكلم المدير انا حاسس أنه مره كمان وهيدينى شلوط يطيرنى بره الشركه

رحمه :- ضحكت وقالت انت قدها وقدود يا جو

يوسف :- بصلها بغيظ وراح عند المدير وشويه وجه وقال مبروك هتشتغلى مع مالك فى المشروعات

رحمه :- بفرحه يس يعنى انا كده اتعينت

يوسف :- ايوه روحى يلا

رحمه :- فتحت الباب وطلعت تجرى سألت على المكتب بتاع تمارا وراحت عنده

تمارا :- اول ما شافتها فرحت وقالت رحومه استلمتى الشغل

رحمه :- بفرحه قالت ايوه مع مالك فى المشروعات

تمارا :- ايوه بقى يا واد يا جامد تعالى لما اعرفك على البنات قالت يارا ندي وشاورت عليهم وبعدين شاورت على رحمه وقالت رحمه اخت يوسف

يارا :- منوره يا جميل

رحمه :- ميرسى

ندي :- نورتى المكان يا شابه

رحمه :- ضحكت وقالت بنورك يا حبى

تمارا :- ضلمتى المكان يا رحومتى وضحكت

رحمه :- قالت انتوا السابقون ونحنوا اللاحقون يا تيمو وضحكت

يارا :- بس انتى مش شبه يوسف خالص

رحمه :- الحمدالله أن انا مطلعتش شبه

تمارا :- بأندفاع ليه بقى أن شاءالله يوسف وحش ده قمر واخدت بالها من اندفعها بصت ليهم كلهم لاقتهم بيبصوا ليها قالت احم ا.ا.اقصد يعنى ا.ا.انتوا الاتنين حلوين

رحمه :- والله !

تمارا :- بتوتر ك.ك.كل واحده تشوف شغلها

رحمه :- تيمو

تمارا :- بصت ليها وقالت نعم

رحمه :- بغمزه هو ايه النظام

تمارا :- ن.ن.نظام ايه

رحمه :- نظامك يا تيمو انتى هتخبى عليا ده انا رحومه حبيبتك

تمارا :- اخبى عليكى ايه يا بنتى انتى عبيطه

رحمه :- انتى بتحبى يوسف اخويه صح قولى قولى متتكسفيش

تمارا :- ا.ا ايه الكلام اللى بتقوليه ده ط.ط.طبعآ لاء وفى الوقت ده وصل مالك وقال

مالك :- صباح الخير

ندي :- اول ما شافته اتوترت ووقفت جنب تمارا وكلهم ردوا عليه الصباح

رحمه :- مالك عامل ايه نورت مصر والله

مالك :- الحمدالله يا رحمه انتى بتعملى ايه هنا

رحمه :- انا اول يوم ليا فى الشغل هنا

مالك :- بجد زى يعنى

رحمه :- زيك ومعاك

مالك :- مش فاهم

رحمه :- يعنى هشتغل معاك هينولك الشرف والله

مالك :- والله وليه العقاب ده بس

رحمه :- اخس عليك يا مالك بقى انا عقاب

مالك :- بضحك بس احلى عقاب

التلاته :- كانوا واقفين بيتفرجوا عليهم

مالك :- بص عليهم وابتسم وقال هاى يا بنات متعرفتش بيكم

تمارا :- ابتسمت ليه وقالت انا تمارا ودى يارا ودى ندي

مالك :- اتشرفت بيكم يا بنات وانا مالك

يارا :- منورنا يا استاذ مالك

مالك :- ميرسى يا يارا تسمحيلى اقولك يارا علطول ولا يضايقك

يارا :- لاء عادى مفيش مشكله

مالك :-انا اقولك يارا وانتى تقوليلى استاذ مالك عادى احنا واحد

يارا :- ابتسمت وقالت يا سلام على التواضع

مالك :- طول عمرى متواضع وبص على ندي وقال انتى خرسا

ندي :- ها ل.ل.لاء

مالك :- امال مالك ساكته ليه

ندي :- ع.ع.عادى هقول ايه يعنى

مالك :- شكلك خجوله

تمارا :- مين دى اللى خجوله

ندي :- ضربتها بكوعها فى بطنها وقالت بصوت واطى انا ولمى الدور

تمارا :- بصوت ااه يا بنت ال

مالك :- انسه ندي

ندي :- ا.ا افندم

مالك :- هو مين ابن الفقريه اللى كنتى بتقولى عليه امبارح

ندي :- ها

تمارا ويارا كتموا ضحكتهم

مالك :- ابتسم ليها وقال يلا يا رحمه ومشوا الاتنين مع بعض

يارا وتمارا بصوا لبعض وقعدوا يضحكوا

ندي :- والله عجبتكم اوى

تمارا :- بضحك انا متوقعتش أنه سمع كلامنا امبارح يا لهوى على الكسفه

يارا :- بضحك يا لهوى فصلان شكلنا هنشوف أيام عسل مع يوسف ومالك

تمارا :- ويوسف ماله أن شاءالله

يارا :- ولا حاجه بس حضرتك فضحتى نفسك بنفسك ماله يوسف ده قمر

تمارا :- احم اندفعت وبعدين انتى بالذات مش عايزه اسمع صوتك بعد اللى اخوكى عمله امبارح ده انا عايزه اولع فيكى وفيه وفى باقى السلاله بتاعتكم السوده

يارا :- بضحك وانا مالى عندك بدر ولعى فيه

تمارا :- واطيه

ندي :- يخربيت الكلام افصلوا بقى وشوفوا شغلكم

تمارا :- شوف مين طلع ليه صوت

ندي :- ههه يا خفه

يارا :: قعدت على المكتب وقالت اعملى حسابك يا ندوش انا رايحه معاكى عندكم النهارده

ندي :- ليه بقى أن شاءالله

يارا :- اخوكى واحشنى

تمارا :- يا بنتى انتى مش بتحرمى

يارا :- بحبه يا تيمو اعمل ايه

تمارا :- حبك برص روحى أن شاءالله المرادى هينفخك

يارا :- لو نفختى على أيده انا راضيه

تمارا :- هيييييح

ندي :- والله يا يارا انا خايفه عليكى من اللى هتشوفيه من انس اخويه

يارا :- انا راضيه انتوا مالكم

تمارا :- ما تولعى احنا هنتعب قلبنا معاكى ليه وكل واحده قعدت تشوف شغلها

؛؛؛؛؛؛؛؛؛؛؛؛؛؛؛؛؛؛؛؛