رواية أحببتك صدفة الفصل التاسع والعشرون 29 بقلم حبيبة كوكب

شخص ما: مين انتي

حبيبه بغضب : هو ايي دا اللي مين انتي هو انتي هبله يابت ولا عندك خال اهبل وبعدين انتي اللي مين وايي اللي جاب تلفون مراد معاكي يابتاعه انتي

نرمين ببرود : انا نرمين حبيبت مراد ولقيت اسمك متسجل علي الموبيل بتاع حبيبي بس مش اكتر

حبيبه بعصبيه وصوت عالي : حبيييبت ميييين ياااااابت انتي

نرمين : ايي دا انتي لوكل ازاي كدا وبعدين انتي ازاي تتكلمي معايا كدا انتي مش عارفه انا ابقي ميين

حبيبه بعصبيه : نعععععم ياعنياااا مين ديي اللي لوكل يابت انتي وبعدين هتكوني ميين يعني انتي لو قدامي دلوقتي مكنتش هخلي فيكي حته سليمه وهمسح بكرامتك الارض

نرمين ببرود : انا مش هنزل من مستوايا وارد عليكي ويلا بقي اقفلي يابتاعه انتي اصل حبيبي بينادي علياا يلا بااي باااي

فصلت الخط ف وجه حبيبه اما حبيبه ف كانت في حاله لاتوحي بالخير ابدا

منال ب استغراب : في ايي ياحبيبه مين ديي اللي خليتك هتجنني كدا

حبيبه بعصبيه : ديي واحده زبااااله بتقول ان هي قال حبييبت استاذ مراد والله يامراد ماهيحصلك طيب

حبيبه طلعت هاتفها واتصلت علي ادم وهي في قمه غضبها

ادم فتح الخط

ادم بمرح : ايي يابيبو ازيك

حبيبه بعصبيه : اخووك فيين ياادم

ادم بضحك : ايي يابنتي طيب قولي سلام عليكم الاول

حبيبه بصوت عالي : رد علياااا اخووووك فييين

ادم بقلق : في ايي بس ياحبيبه ايي اللي حصل قلقتيني عليكي

حبيبه حكت لمراد كل شي من اول مكالمه نرمين ليها

ادم بضحك : هو دا بقي اللي مخليكي هتجنني كداا

حبيبه بعصبيه : ادم انا مش نقصاك انت كمااااان وبطل ضحك وقووولي اخوك فين دلوقتييي

ادم وهو يحاول كتم ضحكاته : مراد ف البيت وتلاقي البنت اللي كلمتك ديي نرمين صاحبته

حبيبه بصوت عالي : بتقوووول ايي صاحبت مين يا عنياااا وهي صاحبته بتعمل ايي ف البيت عنده ان شاالله

ادم بخبث : شوفي انتي بقي واحده بنت ف شقة واحد لوحدة وكمان ماما عند خالتي يعني هما الاتنين لوحدهم دلوقتي وانتي عارفه بقي لما يكون اتنين لوحديهم ف مكان بيبقي الشيطان تالتهم وكدا يعني

حبيبه بعصبيه : ياابن الهبله يامراد وحياااات امك لوريك اقفل انت كماااان يااازفت دلوقتي

ادم بضحك : الله وانا مالي يالمبي

حبيبه فصلت الخط بوجه ادم واتجهت لتبدل ملابسهااا

منال : طيب فهميني بس هتعملي ايي

حبيبه بعصبيه : هروح اشوف كلب البحر دا بيهبب ايي

منال بضحك : يعني هتنزلي القاهره لوحدك ازاي بس

حبيبه بنرفزة : عمتوو بطلي ضحك وبعدين هروح ازاي ف انا هاخد اي عربيه من هنا مش حكاايه يعني

منال : طيب انا هاجي معاكي

حبيبه : لا طبعا مش هينفع تيجي معايا ياعمتوو وبعدين انا مش صغيرة يعني عشان تيجي معايا

منال بعصبيه : وانا مستحيل اخليكي تنزلي القاهرة لوحدك وهي كلمه واحدة هاجي معاكي يعني هاجي معااكي انتي فاااااهمه

حبيبه بضحك : طبعا هو انا قولت غير كداا

منال بضحك : انتي ليكي نفس تضحكي

حبيبة بتوعد : عمتو سبيني ف حالي وروحي جهزي نفسك يلا بدل ماامشي لوحدي وحيااات امك يامراد ما هيحصلك طيب

منال : طيب يامجنونه انا هروح اجهز واقول لاختك بدل ما نسبها لوحدها

حبيبه بصوت عالي : هو احنا رايحيييين رحلة ماتروحي ياعمتوو تعملي سندوتشات بالمرة

منال بضحك : والله فكرة دا انا كنت هنسي ونجيب شيبسي وعصاير وحاجات حلوة كدا نتسلي بيها ف الطريق

حبيبة ب استغراب : شيبسي وعصاير والله انا مش عارفه بس انتي عمتي ولا بنت اختي

منال بضحك : اخرسييييي يابت دا اللي يشوفك يقول ان انتي اللي عمتي مش انا انتي عندك كام سنة يابت انتي

حبيبة بضحك : ٢٢

منال : وانا عندي ٣٠يعني اكبر منك ب ٨ سنين بس

حبيبه بضحك : ايوا يعني عايزة ايي قولي قولي عايزة تتجوزي صح ههههههههه هو صحيح ياعمتو هو انتي ليه رافضه انك تتجوزي خاالص دا انا عرفت من بابا ان كان في دكتور كان هيتجنن وتوافقي عليه

منال بحزن : بلاش نتكلم ف الموضوع دا يا حبيبه

حبيبة بزعل : في ايي ياعمتو انا والله مكنتش اقصد ازعلك انا بهزر عادي

منال بهدوء : عارفه ياحبيبتي انا عمري ماازعل منك ابدا انا هروح اجهز نفسي بقي عشان منتاخرش

حبيبة : تمام وانا كمان هجهز نفسي

منال خرجت خارج الغرفه حزينه اما حبيبه تحدثت مع نفسها : انا لازم اعرف ياعمتو ايي اللي مزعلك اوي كدا ومخليكي مش عايزة تتجوزي دا انتي احلي حاجه ف حياتي

وبدات تجهز نفسها وبدلت ملابسها واحضرت شنتطها وذهبت لغرفه عمتها وكانت منال حزينه وحبيبه لاحظت كدا

حبيبة بمرح : ياعمتووووو انا خلصت يلا بقي ونبقي نعيط سواا ف العربيه هي فين البت ليان تعيط معانا اقصد تجهز نفسها يعني

منال بضحك رغم ما في قلبها : اختك هي كدا كدا جاهزه عشان كانت بتتمشي ولما قولتلها قالت هتستني ف الجنينه

حبيبة : طيب ياقمر انت يلا بيناا بقي عشان منتاخرش انتي خلصتي

منال : اه خلصت يلا بينا

منال وحبيبة اتجه خارج البيت وليان شافتهم اتجهت ليهم

ليان : هو احنا هنمشي ازاي ياعمتو

حبيبة بضحك : انتي هبله يابت هو انتي مش شايفه الحمار اللي هناك دا هو دا اللي هنركب عليه

منال : والله ياحبييه مافي ااهبل منك ويلا بقي عشان العربيه واقفه برااا لوحدها

حبيبة بضحك : واقفه برااا لوحدها يعيني ليه ياعمتو ماجبتيش اي توكتوك يقف معاها يونسها شويه

منال : يابنتي هو انتي مش بتعرفي تقعدي ساكته شويه اقصد ان الراجل اللي هيوصلنا مستني من بدري يعني يلا بقي وبطلي دوشه

منال وحبيبه وليان اتجه للعربيه ومنال كانت علي وشك الركوب وفجاااء حبيبه مسكتها .

حبيبه : استني ياعمتو استني

منال : في ايي يابت انتي

حبيبه وهي تركب : اصل انا بحب اركب جمب الشباك ولحقتك قبل ماتركبي انتي

منال بضحك : والله مجنونه

منال ركبت هي وحبيبه وليان والسياره اتجهت بيهم للقاهرة

ليان : انا هنام شويه ياعمتو لما نوصل ابقي صحيني

منال : حاضر ياحبيبتي نامي

حبيبه : عمتوو ممكن بقي تقوليلي ايي سبب انك مش عايزة تتجوزي خالص

منال بهدوء : خلاص بقي ياحبيبه

حبيبه : ياعمتو عشان خاطري قوليلي بقي بدل ما والله اشغل حسن شاكوش واصدعك

منال بعدم فهم : مين مفك شاكوش دا

حبيبه بضحك : مفك ايي بس اعمتووو بقولك حسن شاكوش وبعدين انتي ازاي متعرفيش حسن شاكوك

منال : بيبيع ايي دا

حبيبة بغضب وصوت عالي: بيبيع ايي بس انت ازاي متعرفيش حسن شاكوك اللي بيغني اغنيه بهوااااااايااااااا انتي قاعده معااااااايا عنيكي لياااا مرااااااياااااا

منال : بس بس بطلي دوشه وبعدين مالك يابت زعلتي كدا ليه هو انا شتمتك وانا معرفش

حبيبة بعصبيه : انا عندي انك تشتميني اناااا وهو لاااااا

منال بضحك : ربنا مايحرمك من الهبل يابنتي والله

حبيبه بضحك : ياااااارب يلا بقي احكيلي عشان خاطري ياعمتووو

منال بحزن : اسمعي يا ستي........