رواية وزة شيطان الجزء الثاني 2 بقلم كوكي سامح

روايه وزة شيطان 2

الجزء الثانى

الكاتبه / كوكى سامح

وعتمان فتح الباب ودخل عليها....

فى مستشفى عز... 

عز وصل المستشفى وكان مضايق من تصرفات

اشجان ودخل مكتبه ولما قعد دخلت عليه

الدكتوره سعاد وقالت :

.. صباح الخير يا دكتور 

.. صباح النور يا سعاد وياريت متسألنيش مالك

قربت منه وهى بتلعب فى شعره 

.. فطرت يا حبيبى 

عز قام من مكانه وقال وهو متعصب. 

.. ما بلاش الحركات دى مش لايقه عليكى يا هانم

.. انا عارفه انك زعلان بس والله ما اقصد احرجك

.. انا يا سعاد اطلب اوصلك تردى عليه بكل بجاحه

وتقولى انا همشى مع احمد 

احمد ده يطلع ايه يعنى! عيل صايع مكنش 

لاقى ياكل فتح قناه واشتغل يوتيوبر وعمل فيها

مشهور ههههههههه وياريت حد يعرفه؟ 

.. بس بيحبنى يا عز ومستعد يعمل اى حاجه 

علشانى 

إنما انت انانى مبتحبش غير نفسك وبس 

خايف على المدام ست اشجان هانم المجنونه 

اللى كل يوم تخترع اى كلام علشان تبعد عنك 

لعلمك هى مش مجنونه دى بتكرهك ومش

طيقاك اسألنى انا عن  الحركات دى متعرفهاش غير الست اللى زيها 

شدت الكرسى وقعدت 

يا اخى حس بقى انا سقطت مرتين حرام عليك

.. مش مشكلتى على ما اظن حضرتك دكتوره 

وفاهمه كويس ان المفروض تاخدى مانع حمل 

وكذا مره حذرتك

.. لازم نتجوز يا عز انا كبرت وعديت التلاتين 

وكل ده مستنياك انت. 

رفضت عرسان كتير علشان بحبك 

ومش عارفه اعمل ايه مع بابا وماما نفسهم 

يفرحوا بيه ويشيلوا ابنى او بنتى 

.. هههههههه هو انت مفيش على لسانك غير 

نتجوز نتجوز 

.. انت ايه يا اخى مبتحسش طيب حتى راعى 

ان عندك بنات 

.. الا بناتى حسك عينك تجيبى سيرتهم فاهمه 

.. بس انا وليه زيهم يا عز ولازم تعرف انه بيقعد

.. انتى بتدعى عليه يا سعاد 

.. انا ادعى عليك ياااه يا عز انا بس بقولك خاف 

ربنا 

.. انا تعبان النهارده اوووى لو سمحت ابوس ايدك

ارحمينى بقى 

سعاد قامت من مكانها وقالت :

انا خارجه علشان عندى شغل بس كنت جايه 

اقولك انا حامل.... 

عز قام واتعصب واتكلم بصوت وشوشه 

حامل تانى يا سعاد انتى محرمتيش ليه مصره

تخسرينى وانتى عارفه انى مش هخسر بيتى 

وبناتى علشان اى حد مهما ان كان 

انا بقولك اهو الحمل ده ينزل 

.. لأ يا عز مش هينزل وهتتجوزنى غصب عنك 

.. انتى بتتحدينى يا سعاد 

.. انا بحافظ على حقى وعمرى اللى ضاع انت 

دكتور وعارف أن خلاص فرصتى فالحمل بعد 

كده هتكون ضعيفه 

مسكت ايده ونزلت على ركبها 

ابوس ايدك يا عز انا مش عاوزه غير ابنى ارجوك

سبنى اكمل الحمل واكتب عليه ولو ليله واحده 

وانا مش عاوزه حاجه 

.. وانا بقى مطلوب منى اصدق الحكم والاشعار

دى 

يا هانم انتى واخده منى حقك تالت ومتلت 

عربيه محدش يحلم بيها وغير الالماظ وغير وغير

ده انا مراتى ام بناتى معندهاش عربيه زى اللى عندك 

.. بس انت ضحكت عليه يا عز وقولت اننا هنتجوز فى اققرب وقت ودلوقتى عدى 3سنين 

على علاقتنا 

.. ضحكت عليكى بمزاجك يا هانم 

مش مشكلتى انك مش متربيه كويس 

وسهل يضحك عليكى 

.. اوعى تغلط فى تربيتى انت عارف انى بنت أصول 

.. ههههههه بنت أصول وحامل صح 

.. اضحك عليه وحامل دلوقتى علشان حبيتك بجد يا عز 

قرب منها اوووووى وشفايفه قصاد شفايفها

وأيده على كتفها

.. يلا يا ماما روحى شوفى شغلك 

وراح فتح باب المكتب وجر سعاد 

وخرجها بره 

يلا بره يا حبيبتى على شغلك 

سعاد عينها فى عينه 

عز قفل الباب... 

سعاد واقفه بتبكى 

حسبى الله ونعم الوكيل فيك بس وحيات عمرى 

اللى ضاع مش هسيبك يا عز الكلب 

ومشيت سعاد فى طرقه المستشفى وهى بتبكى

ومش شايفه قدامها غير صوره عز وبس 

وخبطت فى الممرض محمود 

.. صباح الخير دكتور سعاد 

انتى بتعيطى خير فى حاجه 

بصت لمحمود ودموعها نازله وقالت. 

مفيش حاجه يا محمود انا بس مفطرتش

وتعبانه شويه عن اذنك 

ومشيت لحد غرفتها فالمستشفى 

محمود بيكلم نفسه وقال:

اكيد دكتور عز زعلك انا مش عارف فى بينكم 

ايه يخليكى بالمنظر ده 

لا حول ولا قوة الا بالله 

.. الممرضه غاده.. يالهوى يا محمود انت بتكلم نفسك؟! شكل كده حالتك صعبه 

اوعى تكون اتجننت 

.. قولى صباح الخير الأول! 

قربت منه وقالت. 

بذمتك كده أصبح ازاى وانت اصلا مش شايفنى

وبتكلم نفسك زى المجانين محمود يلا

يا اخويا الفطار جاهز 

ويلا نمشى من هنا علشان د. عز لو شافنا 

ده لو لمح طرفنا بس هنكون انا وانت بره ان 

شاء الله وانت عارف اللى فيها انا بصرف 

على جيش وغير علاج امى 

.. هى لسه تعبانه مش قولتى بقت كويسه 

بعد العمليه 

.. فى الاول كانت كويسه إنما دلوقتى تعبت تانى

والله يا محمود انا مش عارفه امى ايه اللى 

 صابها كانت كويسه! 

.. العلاج مش جايب نتيجه ولا ايه. 

.. مش عارفه بقى المهم انها تعبانه يلا 

البنات والشوباب مستنين علشان نفطر 

مع بعض هههههههه

.. يلا يا ستى انا كمان ميت جوع 

ومشيوا مع بعض 

وغاده بترغى وبتقول 

.. اللمه حلوه يا حوده عارف انا بستنى 

ساعه الفطار دى علشان 

كلنا بنتجمع مع بعض 

.. بطلى رغى على الصبح 

.. هههههههه ماشى يا حوده 

وخرجت دكتوره سعاد وقالت 

غاده انتى رايحه فين؟ 

.. هنفطر يا دكتوره تعالى اتفضلى معانا

رد محمود وهو مرتبك 

.. تعالى يا دكتور سعاد افطرى معانا 

.. انا سبقتكم بس ياريت تخلصوا بسرعه

عندنا عمليات النهارده ومحتاجه غاده معايا 

وانت يا محمود بعد ما تفطر ابقى عدى 

على الخزنه د. عز صرف ليك السلفه

محمود قال فى سره اكيد انتى اللى ليكى الفضل

ده مكانش موافق على السلفة 

غاده.. محمود اشكر دكتور سعاد 

د. سعاد.. على ايه بس؟ 

ده حقه علينا 

محمود.. انا بشكرك بجد يا دكتور 

سعاد قالت فى سرها كان لازم اعمل كده 

علشان انت اللى هتساعدنى فى كشف د. عز للكل 

وتبقى فضيحته بجلاجل 

سعاد ابتسمت وقالت 

الشكر لله يا محمود عن اذنكم 

فى ڤيلا عتمان الدجال..

لما فتح الباب ودخل عليها.. 

اشجان مش لاقيه حاجه تغطى نفسها وبقت تصوت

عتمان قرب منها وقال

.. انا مش عتمان انا الجن العاشق بحبك

ومش هخلى حد يقرب منك

وابتدى يلمس جسمها

اشجان بتترعش وقالت 

.. اوعى ايدك يا مجنون انا ست متجوزه

بقولك اوعى ايدك يا عتمان 

.. بقولك انا مش عتمان انا الجن العاشق

اللى بسهرك الليل 

تعالى فى حضنى قربى 

اشجان بتحاول تبعد والمياه مغرقه كل جسمها

وشعرها 

عتمان دخل معاها تحت المياه وكانت 

نظراته شهوانيه فظيعه وعينه راشقه 

فى كل حته فى جسمها

واشجان منهاره وبعدت عنه 

وهو ماسك فى جسمها 

وهى بتبعد وعينها لمحت أيد هون 

بس عتمان قوى 

واشجان ضعيفة 

وفلتت من ايده ومسكت ايد الهون وضربته 

على دماغه 

وقع غرقان فى دمه 

خرجت من الحمام ورجعت تانى خدت هدومها

ولبستها وكلها غرقانه مياه 

وفتحت باب مكتب عتمان وبتترعش

كل الموجودين عينهم عليها 

عبير جريت عليها.. 

.. مالك فى ايه يا اشجان 

.. عتمان عتمان انا ضربته وطب ساكت

.. انتى بتقولى ايه يادى المصيبه 

يلا بسرعه من هنا قبل ما حد يعرفنا او ياخد 

باله من شكلنا 

اشجان جريت ووراها عبير 

وخرجوا من الڤيلا جرى وركبوا العربيه.. 

فى ڤيلا عز....

تالا قاعده بتفطر والفون رن وكان ياسين زميلها

فى الجامعه وحبيبها

تالا.. حبيبى صباح الهنا 

ياسين.. صباح الهنا لعمرى انا وحشتينى

تالا.. بجد وحشتك 

ياسين.. هو انا ليه غيرك

 انتى خدتينى من الدنيا كلها انا مليش غيرك يا قلبى

تالا.. ربنا ما يحرمنى منك 

بس انا زعلانه 

ياسين.. ليه انا عملت ايه 

تالا.. علشان انت ورضوى لسه فى بينكم كلام 

ياسين.. يااااا يا تالا لازم تعكرى مزاجى 

موضوع رضوى انتهى 

تالا.. انت عارف انى بغير عليك ان شالله من نفسك

ياسين.. حبيبتى النكد وحش انا كده بتعب 

يا تالا 

تالا....... 

ياسين.. ساكته ليه؟ متردى عليه تالا تالا! 

تالا.. سلام دلوقتى وقفلت السكه 

الفون رن تانى وكان هو ولما فتحت وقالت الو 

ياسين.. افتحى الواتس بسرعه 

تالا.. حاضر 

ولما فتحت الواتس ياسين باعت لها اغنيه 

تالا.. ياسين 

وكان قفل 

تالا مسكت الفون وشغلت الاغنيه وكانت. 

الطيب احسن وبلاش نعاند بعضنا

ده الطيب احسن يا حبيبى لية تعمل كده

لو غبت عنى ده اليوم يعدى بميت سنه

حيرت قلبى ولا كان فى بالى كل ده

يا حبيبى يا دنيتى ياللى نارك جنتى

لية نضيع فى البعاد اى لحظة فى عمرنا

ده اللى بينا مش كلام حاجه اقوى من الغرام

يعنى انا مخلوق عشانك وانت مخلوق ليه انا

وقامت تالا وفضلت ترقص على نغمات الاغنيه 

منه نازله... 

صباح الخير الله الله 

. بترقصى يا تالا والله انتى فايقة ورايقه 

اكيد سى روميو بتاعك متخانق 

وبيصالحك كالعاده 

وتالا قعدت.. 

.. بحبه موووت ما انتى عارفه 

.. ربنا يهنيكى يا ستى بس الحب ده أخرته ايه 

نفسى اعرف

.. اخرته دبله ونتجوز ونكون معانا ولد وبنت 

زى القمر زيك كده يا اختى يا حبيبتى 

.. اه دبله وجواز وولاد منين بقى ورميو كحيت 

خالص

.. على فكره يا منه الفقر مش عيب 

.. انا مقولتش عيب بس بابا مش هيوافق وانتى

عارفه

.. هو انتى ليه بتفصلينى وتحبى تنكدى عليه

يا بنتى انتى اختى التؤام المفروض

تحسى بيه. 

.. حاسه والله بس خايفه عليكى 

.. من ايه؟ اوعى تقولى ياسين! 

.. روميو هههههههههه 

.. على فكره بقى ياسين بيشتغل كويس جدا 

والحمد لله المحل ابتدى يشتغل معاه 

.. اه المحل وبابا هيوافق بواحد عنده محل 

بقاله اسفه يعنى 

.. مش بقاله يا منه ده سوبر ماركت يمكن مش كبير بس ماشى كويس جدا 

.. بتتعصبى عليه ليه انتى اللى قولتى محل يعنى بقاله بسيطه جدا 

مش انا اللى قولت 

المهم انه فى الاخر اسمه مستأجر 

وبابا يستحيل يوافق 

وبعدين انتى ناسيه انا هيتقدم ليه مين. 

تالا.. لا مش ناسيه بس هو عادى زى اى حد يعنى

منه.. بالنسبه لينا والمستوى اللى احنا عايشين فيه 

إنما روميو بتاعك نو نو 

تالا.. ياسين أخلاقه كويسه وكفايه انه بيحبنى 

منه.. انا هتخطب لظابط ايش جاب لجاب 

ضابط لواحد بقال اسفه عنده سوبر ماركت إيجار 

=تالا قامت وطالعه على اوضتها 

.. انا بحب ياسين وانتى ماديه بيهمك الشكل الاجتماعى 

منك لله يا شيخه سديتى نفسى 

منه قاعده مكانها وبتكلم نفسها.. 

انا عارفه انى كسرت نفسك 

بس غصب عنى يمكن حسيت بغيره منك 

لان ياسين بيحبك إنما أنا معيوبه من يوم الحادثه..... 

فى العربيه... 

عبير.. يادى المصيبه هنعمل ايه دلوقت 

اكيد الشيخ عتمان مات 

اشجان منهاره

.. بس متقوليش شيخ ده راجل سافل 

وكان بيحاول يتهجم عليه 

وكان لازم يموت 

عبير.. انا خايفه عليكى اووى انتى كده 

ممكن تتأذى لو حد عرف اننا كنا عنده 

فون اشجان رن رساله واتس 

فتحت وهى بتترعش ومنهاره 

عبير.. مين اكيد ابيه عز  

اشجان.. مش عز ده فيديو بس مش بيفتح 

عبير.. اكيد نت كبرى خلينى فى اللى احنا فيه 

اشجان قالت.. 

الفيديو فتح وتنحت وشافت مصيبه.....

يتبع